ابوذيات لمولاتي العقيله ع الرجوع الى كربلاء
&&&

حسافه الوكت جافاني..لهم دار
وعله اخواني دمه كلبي..لهم دار
منهم كطعت الضنه..لهم دار
اسكنو ارض النجف والغاضريه
&&&
الوكت بحبال قيدني و..لهم جار
اخوتي اليوم عل الغبره..لهم جار
الزمن والناس وعدانه..لهم جار
بظهر حر الشمس ذيج المسيه
&&&
الضعن يوم الحد بينه..لهم سار
مشيت وشايله بكلبي..لهم سار
خبر بااحزاني ادوفنه..لهم سار
تركت الكيد خويه ولاسبيه
&&&
وحك اللولت ورضعت..لمن طار
صبحي وليللي اعدنه..لمن طار
كلبي بغيبت اخواني ..لمن طار
دليلي انصاف يوم المشو بيه
&&&
بعشك يوم الجفه كلبي..لهم هام
وخبر ردت انه اوصلنه..لهم هام
ابد بغيابك احنيته..لهم هام
لعنته بمجلسه ابن الدعيه
&&&
بظلعي اخواني من راحو..لهم صال
صليل الخيل من تركض..لهم صال
على العدوان ابو فاضل..لهم صال
وطك الجيش من نادت رقيه
&&&
مثل جدر القضى كلبي..لمن فار
عليهم اخوتي الراحو..لمن فار
بهيمه وسارحه بفكري..لمن فار
دليلي بشوك لاارض الغاضريه
&&&
وحك الانس ياخويه..وجينه
تركت الشام من لحظه..وجينه
بنار الخيم واتذكر..وجينه
اشاكف بالخيم والنار بيه
&&&


خادم اهل البيت
الحاج ابو علي السعيدي

ابوذيات بصوت. مسلم المطيري

الشاعر الحاج
ابو علي السعيدي

((أم العافيه))


راحـت أم الـعـافيـه      وبـاچـر أركض حـافـيـه
     
        من عگبها     »»»»      من عگبها

*-------------------*-----------------*

أمـي چـانـت عـافـيـه وأحـلـه أبـتسـامـه
غـابـت وجـنـحي أنـكسر مثـل الحـمـامـه
بـخـدي دمـعـات الـحـزن تـركـن عـلامـه
يــگــرب الـلـيــل  وأون  ون الــيـتــامـه

كـلشي غـاب ويـاهـه    الـفـرحه ويـن الـگاهـه

*-------------------------*----------------*

راحـت الـچـانـت حـياتي وكلشي هـيـه
وضلـت الـحـجـره مضلّـمه بـكل مـسيـه
أنــتــظــر بـلـكـي بـحـلـم تــرجـع عـليـه
دهـري حـاربـنـي وأخـذ مـنـي الـزچـيـه

التـرحـل أمـه اشلـونه     حـقـه تـجـري عـيـونه

*------------------*-----------------*

أتـغيّـبـت عني الحبيـبـه بـيـاء جـريـمـه
وعمري مايـحـمـل يـتـم واصبح يـتيمـه
فاطمة الـخـيمـه وبقيت أبـلايـه خـيمـه
بدمعة اعيوني التصب عشت الهـظيمـه

نـوحي طـوّل ليـلـه      بس عبـايـه وشـيـلـه

*----------------------*------------------*

أشـتـم الـشيلـه وأحـن لـمي وعـطـرهـه
وتـحضـر أبـالي صـور كسـرت صـدرهـه
يـمـه زيـنـب صـاحت وشـابـح نـظـرهـه
هـايه ناس اليـوصلّـچ بـاچـر خـطـرهـه

حزني مـحـد شـالـه     صـرت بـأصـب حـالـه

*---------------------*-------------------*

سـاهـرت سـود اللـيالي بحالـه صعـبـه
حقـي بـغـيـاب الـزچـيـه دمـعي أصـبـه
صـارت الـنـاس بـعـيـوني كـلهـه غـربـه
يــجــرح الـبـيـت وظـلامــه مـن أطبـه

عمري أضل مـفجـوعـه     وگلبي يـحـمـل لـوعـه

*----------------------*---------------------*

أذكـر الـلـيـل الـيـجيـهـا أوونهـا يـعلـه
اتـسـولـف ويـاي وتـگلـي يمـه سـهلـه
ادري مـايـوصـل مـصـابـچ هـذا كـلـه
مـن تـفــريـن الـبـراري بـنـاگـه هَـزلـه

صعبه هاي أحچيهه    هَزله امشي اعليهه
     
*-------------------*----------------*

✍خـادم الـزهـراء الشاعر رعد الجريخي

بصوت. مسلم المطيري

راحت ام العافيه

كلمات الشاعر
رعد الچريخي

بصوت. مسلم المطيري

ابوذيات للسيده الزهراء ع|||●●●●
~~~~

عليه اهمومي بالدلال.......چاوين
اعاين والكبر بالروح.........چاوين
حنيت وظهري من الاه.....چاوين

وهيل اترابهه  اشلون بأديه


يريت العمر بعدج صار.........بيداي
وانه اكليبي الجرح ياناس...بيداي
عجيبه الكبر هلت اتراب......بيداي

دفنت الزهره وي روحي سويه
_

عجيبه الدهر چنه ايريد........بعداج
حنيت الظهر مثل السيف......بعداج
چثيره اهمومي لو سولف.....بعداج

علي ولا چن علي ذيج المسيه
_

ﻋﻠﻰ ﮔﺒﺮﺝ بچيت اﺷﻜﺜﺮ ...... ﻳﻤﺂﻩ
ﺁﻧﺘﺮﺱ ﺣﺴﺮﺁﺕ ﻛﻠﺒﻲ ﻭﺁﺁﻩ .... ﻳﻤﺂﻩ
ﻟﻮﻥ  ﺑﻴﻪ  ﺩﺭﻳﺘﻲ اشصاﺭ ...... ﻳﻤﺂﻩ

ﺣﺰﻥ ﻳﻌﻘﻮﺏ ﻋﻜﺒﺞ ﺻﺂﺭ ﺑﻴﻪ

تمت بعون الله تعالى
خادمكم●●●●●يوسف الالفتلاوي

گلبي ذايب من ونينه
فاركت امي الحنينه

جوه التراب .. اغله الاحباب
......................

يازمن تحرمني منها هل حبيبه
وكلشي بيهه .. يحن عليه
وين الكه بطيبت امي لو كلبهه
البي تضمني .. امن الاذيه
زينب آنه وهذا دمعي ما امله
ولايملني .. عالزجيه
الهه تبقه بعيني صوه وحضن دافي
بوسطه اغفه .. بكل مسيه

راح اضل بهذا دمعي
ضلع امي يعني ضلعي

انعصر بالباب .. اغله الاحباب
......................

من يجيني اليل اشاهد غربه ليلي
من بعدهه .. امي شمعه
جانت تنور حياتي من ضواهه
وهسه ضلمه .. النور اودعه
بدار ابوي شما اعاين الكه ذكره
بصفهه اخلي .. بحركه دمعه
صوت امي ايغب عني من تنادي
يمه زينب .. ما اسمعه

من ثغرهه اسمع اسمي
يمه زينب كعدي يمي

شلون تنصاب .. اغله الاحباب
.....................

امي ماعون العطايه من اديهه
تنطي جانت .. لليتامه
تنهظم وتسيل دمعه اليوم اذا مر
ابلايه سائل .. لاعلامه
وره الباب تضل تناطر لليدكهه
الدكه ترسم .. لبتسامه
اعيال الله من يجوهه هواي تفرح
امي رحمه .. والسلامه

فاطمه امي العضيمه
آنه زينبهه اليتيمه

ودمعي سجاب .. اغله الاحباب
....................

ماتضل بعيوني دمعه منالمصيبه
ياعضمهه .. ماتت امي
احله شي عند الزغير حضن امه
وراحت امي .. ماكو يمي
ليل اليفاركله غالي ماينامه
هذا حالي .. وهذا همي
احجي وي روحي واكلهه ذكره ضلت
هاي شيله .. وبيهه شمي

عطر امي من اشمه
وي عطرهه احجي كلمه

صار الغياب .. اغله الاحباب
........................

يازمن ليش الاحبهه عني ترحل
شنهو ذنبي .. وفاركتنه
جنت وي امي بسعاده وماكو دمعه
بهل سعاده .. ماعفتنه
كلشي بيه انهدم والله بهل ليالي
الزهره لمن .. ودعتنه
ضل ابوي بلايه حيله وي اخوتي
ونجري دمعه .. وشاهدتنه

علي حيله وراح منه
لئن دافن بيده جنه

نوحه لمصاب .. اغله الاحباب



#محمد هادي العقابي

بصوت. مسلم المطيري

گلبي ذايب من ونينه
فارگت أمي الحنينة

كلمات الشاعر

محمد هادي العقابي

موشح



اه عالـقـاسـم ابـن موسى السجين
خلصت اسنينه بـغـرب يـا مسلمين

*------------------------*---------------------*

خـلصـت اسنينه بـغـرب بـيـن المله
الـقـاسـم اهـل الـبـيـت ماچنهم هله
الـنـاس ظـنـت هالـشـهـم مـحـد الـه

الـحـد مـمـاتـه بالدمع ضل وحزين

*---------------------*-----------------*

اشـگـد كـلام الـنـاس چـان أيئلّـمـه
مادروا جـده الـنبـي وحـامـي الحمه
يـسكـت ونـار الـحـزن بـي مظـرمـه

حالت القاسم تـره اتشَيب الجنين

*----------------------*-----------------*

بـس دمـوع الـعـيـن صـارت سلـوتّـه
ايـشـيـب منهـه الراس تـوجـع قصّته
شحچي عنهـه وبـيش اوصف حالته

حـاله صعبه والحجـر ألهه يـلـيـن

*-----------------------*----------------*

ويـن هـاشـم ريـت حـالـه اتشاهـده
الـحـد مـمـاتـه ومختفي مـن العـده
هـالـعـزه بـكـل عـام احـنـه انجـدده

انعزي جده المصطفى بنوح وحنين

*------------------------*-----------------*

مـن اجاهـه الموت يصعب مـنظـره
لا عـمـام ولا عـشـيـره الـتحـضـره
مـات بـالـغـربـه نـسـل سـيـد الوره

والحزن وسط الگلب ضل ورهين

*--------------------*-------------------*

✍ خادم القاسم (ع)
الشاعر رعد الجريخي

بصوت. مسلم المطيري

آه عالقاسم أبن موسى السجين
خلصت اسنينه بغرب يا مسلمين

كلمات الشاعر
رعد الچريخي

عن الإمام الرضا ع
((من لم يستطع زيارتي فليزر أخي القاسم ع))



.     . بين الغرب والاحزان خلصت حياته
        وارث ابوه المسموم صبره وصفاته

        قصتــه العجيبه ... تحچي المصيبه

              *--------------------*-------------------*

خلصت حـياتـه بالغـرب بنــار الحــزن والحسـره
ابياحاله احچي و يا وضع قصته الحديد اتفسره
شــاف المحن مــن الزغر وضيم الزمان وغــدره
محتار اوصفـه بياوصف حـار الـعقـل من صبره

         نــار الحــزن والحسرات ما فارگنه
         عاش بغربته المضلوم وبگلبه حنه

        الغـربـه الـرهيبه ... تحچي المصيبه

             *--------------------*-------------------*

شكم لوعه شاف شكم جرح بس ربنه يدري بحاله
مـن موسى وارث هالـصبـر اتـحـده الـزمن وافعاله
يـلـهَـب عــلـى افــراك الاهــل مـثـل الجــمــر دلالـه
مــا تــرحــم اسـهـام  البُــعــد لـو صـوبـت چتّـالـه

        كضّه العمر بين الاه والغربه وحده
        كل البشر ما يدرون بالهادي جــده

         الحاله الغريبه ... تحچي المصيبه

             *--------------------*-------------------*

بصدره عاشت لوعتـه وونــه وجميع اجــروحـه
لـو سائل اعله اهله سأل هـالكلمه تـجـرح روحـه
وتهيّـج بكلبه الحــزن ودمــعــه يــزيــد ونـوحـه
ماطبگت عـيونه الجفن لأرض الـوطن مشبوحه

        عـن الصبر واللوعات يـشـهـد صـمـوده
        اشما طوول الليل يطول حزنه وسجوده

        الدمعه ونحيبه ... تحچي المصيبه

             *--------------------*-------------------*

عــاش بغربته المؤلمه مـحـد عــرف عــنــوانــه
عمره الخلص بأرض الغرب ودمـع الجفن سلوانه
اتحـمــل انــواع الألــم بصبره ويقين ايــمــانــه
بگد الجبال الــراسيــه لـو قسـنـه بيهه احــزانــه

       بــس العظيم المعبود يعرف يقينه
       القاسم بحسره ونار خلصن سنينه

     برموشه شيبه ... تحچي المصيبه

             *--------------------*-------------------*

خلصت حياته ابلا اهـل قصته الـدمـع يرويــهه
مـحنة ابـــوه وغـربـتـه نــفــس الامــر مــر بيهه
مـــن تستـعـر نــار الگلب بحسرة وألـــم يطفيهه
اخـبـاره كاظمهه بهضم وعــن البــشـــر يخفيهه

     الصبره ثابت برهان وضّح خصاله
    يحمل صفات اوحسان اهـل الرساله

     وضعـه ونصيبه ... يحچي المصيبه

             *--------------------*-------------------*

✍ بقلم خادم الحسين ع
.   . الشاعر رعد الجريخي

بصوت. مسلم المطيري

بين الغرب والاحزان خلصت حياته

كلمات الشاعر
رعد الچريخي

بصوت. مسلم المطيري

ابـــــدم ضلعچ تره چفي.. تحنه

اوعليـچ الـــــظهر يـايـمه.. تحنه

اريـــــد الـوالـده اوحــنه..  تحنه

اخــــافن يــوم وكتي يضيج بيه
..............................................
اريـدچ بشـدد يـــــم حسن.. يماي

ابوكت چفين گـــرب الـنهر.. يماي

بعالي صوت اصيحن حيل.. يماي

الحـگيني الــــحزن كــــور علــيه
..............................................الشاعر ابو ماجد الشغانبي

القاسم بن الامام الكاظم (ع)

غريبه روحه   والمسافات  تلچم جروحه
ابمشهد وبغداد وبقم اغله احبابه
ــــــــــــــــــــــــــــــــــــــ
القاسم وموسى اتشابهو   ذاكه نبي وهذا ولي
موسى النبي من اهل العزم    وهذا امن اهل الله وعلي
هاجر غصب من ديرته   ونار الغرب بي تصطلي
كلما ينصيه الوكت   الله يوفقه ويعتلي

عن اصله سألوه  ودنگ الراس  ظل يبچي شافوه
ساكت ودمعات عينه اترجم اجوابه
ابمشهد وبغداد وبقـم اغله احبابه
ــــــــــــــــــــــــــــــــــــــ
ابدمعه أعله بغداد التفت     ياوالـدي صاح اعتذر
ظلينه كل ورده بغصن     أنه ابغرب وانته بجسر
هارون قاتل فرحتي     وامشيعك ابحر الظهر
بهاي المناجات ويحن     وبكلبه عالراحو كسر

يتيمه بنته  ابحضنه چانت  تمسح دمعته
لاتسافر ابقه يمي اتگله يـابابه
ابمشهد وبغداد وبقم اغله احبابه
ــــــــــــــــــــــــــــــــــــــ
هذا الذي گال الرضه  بحقه حديث المنزله
المايستطيع ازيارتي   القاسم يحققهه اله
خوّان ليش اتفارگو والفرگه اجت مستعجله
واثنينهم بآخـر نفس   صاحو سوه ياكربله

يچوي دمعهم   شمس السموات      ومحّد سمعهم
والبُعد گالولي فتره وتنتهي اسبـابه
ابمشهد وبغداد وبقم اغله احبابه
ــــــــــــــــــــــــــــــــــــــ
وابقم أخـذ منه الوكت  معصومه أخته العالـمه
ازيارتهه عد أهـل الوعي  اتعادل زيارة فاطمه
أخته العزيزه الغاليه   ظلّت عليـهم هايمه
ماتت وراهم بالارض   وامن الكرم صارت سمه

معصومه هايه   بالروايات    اجمل روايه
القاسم ويتمنه تحضر ساعة اغيابه
ابمشهد وبغداد وبقـــم اغله احبابه
ــــــــــــــــــــــــــــــــــــــ
ساقي العــطاشه صنعته   عشرة أعـوام ابهالسقي
چانت امنيته وسلوته        ابواحد امن أهله يلتقي
عنه الروايـات اخبرت  عابد وقديـس وتقي
بس هي دنيه ابلا وفه  اتوكع الترف بيد الشقي

ظالم زمانه      وي ابن الاطهار     خان الامانه
ماتسولفله الصراحه الدنيه جذابه
ابمشهد وبغداد وبقــم اغله احبابه
ــــــــــــــــــــــــــــــــــــــ
ابديرة الحلّه مرقده       والحلّه بي مستانسه
لو ماكـو بالدنيه هوه     روح الضريـحه اتنفسه
الكاظم يحبّه والرضه    ايعشگه وعلي وايقدسه
لو مارحت لزيارته       شارك يشيعي ابمجلسه

احضر عزائه   ومد الادين   تحضه ابعطائه
حنّه اتمنه اصيــرن واشتم ابابه
ابمشهد وبغداد وبقم اغله احبابه

محمد الجماسي

بصوت. مسلم المطيري

غريبه روحة

كلمات الشاعر
محمد الجماسي

بصوت. مسلم المطيري

بمناسبة وفاة القاسم  بن الامام الكاظم عليه السلام

لوتريد هموم البگلبك تزول 
وتشكي من غدر الزمان الظالم
ولو شكيّت من العلل لمن تزيد 
ودوّرت الهن طبيب  وعالم
ولوتصير الدنيا بعيونك ظلام 
وروحك وياها الحزن متوالم
ولوشكيت البخت والحظ اليميل 
ومانفع طيبك ابهاي  الوادم
ولوتريد من الله غفران الذنوب 
وتطلب من الله النعيم الدايم
روح للحلّه وتعناّها ابعجل   
نور تلكّه  من الامام الكاظم
اتعنّه يلزاير وعجّل بالامر 
لبن موسى اقصد ضريح القاسم

الشاعر حسن لعيبي الحريشاوي

بمناسبة وفاة القاسم بن الامام موسى الكاظم عليه السلام ( ميمر )

بالنور تسطع گبته
يامن وصلت الحظرته
هاي المعالم ظاهره من نورعتره طاهرة
القاسم ابن الكاظم
★★★★★
المروي بكتاب الكافي عن الكاظم
ابعلمي يگول اشركت ابني القاسم
ابعلمه اشترك وي الرضا متقاسم
عابد تقي ابني وگمر من هاشم

عانى وحيد ابغربته
هم ومواجع قصته
والراد يعرف مصدره من نور عتره طاهره
القاسم ابن الكاظم
★★★★★
آل النبوه البين من شتتهم
لادار من اهل الظلاله اتلمهم
للحله وصلوا غاب وابعد عنهم
وبمحل سورى من وصل فارگهم

يم نهر صارت غفوته
واثنين شافن هيبته
گالت لختها منظره من نور عتره طاهره
القاسم ابن الكاظم
★★★★★
اعرفها توالي المرتضى وي طه
گاصد لبوها الديرته تعناها
شيخ القبيله عشرته تمناها
وبنته الكريمه للكريم أهداها

اعترضت عليه ناس شكثر
من ياقبيله وياكتر
لاچن اسف محد دره من نور عتره طاهره
القاسم ابن الكاظم
★★★★★
بوجوده ازهر كل مكان واثمر
ماظل عسر بالخير كلشي تغير
الشاهد كراماته انذهل وتحير
بفيض الكرامه دفع عنهم كل شر

الارض بيه تباركت
خير بوجوده تحولت
صارت ارضهم زاهره من نور عتره طاهره
القاسم ابن الكاظم
★★★★★
مابين غربه وبين لوم اللايم
والي نظر له بحقد نظرة خادم
عاش بحزن مهظوم ظل القاسم
من مات عرفوا هلگمر من هاشم

وسفه تعناله القدر
لاماتمهل وانتظر
غاب الگمر تحت الثره من نور عتره طاهره
القاسم ابن الكاظم

الشاعر حسن لعيبي الحريشاوي

ميمر بصوت. مسلم المطيري

بالنور تسطع كبته
يامن وصلت الحظرته

كلمات الشاعر
حسن لعيبي الحريشاوي

الليلة عالقاسم اريد انصب عزية
عالغريب المات ودموعه جرية

الليلة اريد اشبع قهر
اشسوه بالعترة الدهر — يالزجية
——————————

عاشت العترة بعد عينج ماسي
لو ذبح بالسيف لو سجن وتقاسي
مرت ابولدج قصص تشيب الرواسي
الليلة بيمن فاطمة بيا هو نواسي

والله من بابج بدت هاي الجساره
والسطر خدج شعل اول شراره

ذبحوا الجانوا فخر
اشسوه بالعترة الدهر
——————————

بقصة القاسم وجه زينب لكينه
وغربة العترة على وجهه قَّرينه
چنه انتي فاطمة بحزنه او ونينه
شكثر لقاسم دمع والله بجينه

ليش جده المصطفى ويخفي اصوله
ليش خايف لو دروا أُمَه البتوله

خايف ويمشي بحذر
اشسوه بالعترة الدهر
——————————

جان يسقي الماي يازهره مهنته
وجان يخلط كل وكت ماية بدمعته
بلكي تروه من العطش ياويلي عمته
وعلى روح حسين ثوب كل جربته

خيروه بين المهن واختار ساقي
لن عباس الكمر بوجدانه باقي

غرك ابدمعه النهر
اشسوه بالعترة الدهر
——————————

عنده طفله وبالحِّسن منج رسمهه
ومثل اسمج فاطمة سَّمَه اسمهه
وجان كل لحظه يناديهه ويشمهه
وجان يشعر بيه ويحس بالمهه

بوية هل الاطفال تنشد وين اهلكم
منين ابوج منين شو خافي اصلكم

حكي لو جرحي كبر
اشسوه بالعترة الدهر
——————————

منين احنه منين يا بوية اصلنه
أرد احلف بالنبي تخبرني عنه
تخاف بوية تخاف لو سبة باهلنه
رد عليه اجواب يلگلك محنه

بوية اخافن لو گلت يسمعنه احد
احنه ساده وجدنه يابوية محمد

بوية كتمي هل الخبر
اشسوه بالعترة الدهر
——————————

شحجي عن الما فرح يوم بحياته
وجان وقعت كربلة كل ذكرياته
بيه مسحه من علي صومة وصلاته
وين عنه فاطمة بساعة مماته

عايش بغربة وبعد مكسور خاطر
حكنه عل القاسم لوّن نعمي النواظر

وحده ويدير النظر
اشسوه بالعترة الدهر



ابو علي
عبد الحسن القريشي

ايها الغريب
نظرة
نحن مثلك غرباء

بصوت. مسلم المطيري

الليلة عالقاسم اريد انصب عزية

كلمات الشاعر
عبدالحسن القريشي

اه يارقيه ع



/////////////////



شلون اصدگ انته ميت مو عدل
شلون اصدگ انته مو واحد سهل
هذا راسك بالطشت
ماتو وانته العشت


//////////

جابو الراس ونزل دمع الحنين
شلته خليته بوسط صدري بئنين
شاوريته وگتله بنتك يا حسين
طگها ابن الزانيه وذاك اللعين

شفته ردلي بويه اصبري شما يصير
شفته ردلي. يا اميره وبنت امير
فتح عيونه شفت
ماتو وانته العشت


///////////


گتله تعبني الزمن ساعة مشيت
هواي طولت بغيابك يالله اجيت
تدري خلونه بخرابه واحنه بيت
جدك الهادي انتحب ساعه بچيت

بويه تخلص .. قصتج ونرد سوه
بويه تخلص .. نشبع ابماي وهوه
ماكو ساعتها اعطشت
ماتوا وانته العشت



///////////////



بويه طبينه شكثر عگبك ديار
سوگ واولايه وبشر تطلبنه ثار
كلها فرحانه بسبينه وبلي صار
أعناد وي زينب يفر بينا النهار

والله صعبه من طلعنه اويل غرب
والله صعبه ألمثل زينب تنظرب.
وأنه من متني انشلت.
ماتوا وانته العشت.


///////////////



دخلونه بنص قصر كلهم رجال.
وگام يسئل بلحرس عن العيال
يغشم بروحه وتناسه اهل الدلال
واگفه بصف زينب وصار الجدال

بعينه طبت .بت علي الما ينثلم
بعينه طبت .شگت احلوگ الزلم
شورطك بينه وعلت.
ماتوا وأنته العشت


//////////////




بويه اخذني وياك مليت الحياة
شنو ضلتي وخاطفك مني الممات
عگب عزنه وسفه صرنه مسلبات
بعد ما چنه بوجوده امدلالات

المن ابقه وانته عني شگد بعيد
المن ابقه والگلب لتضن يهيد
حسره اغيابك شلت
ماتووو وانته العشت



//////////


قليل البضاعه
كثير الاضاعه
فاضل الغريباوي