#نزله سريعة
#لشهادة مولاتي زينب عليها السلام

.
أنتي بضعة فاطمه
عالـمــنايه معلـمه
يالعقيله .... يالعقيله
.
.
يا الهــي خلي عمري ابگـــد عمـر نوح
حــتى أندب عالعقـــيله بدمعه وجروح
خلـــي بتــراب المجالس دمي مسـفوح
حتى عطر الخدمه يبقى بدمعتي يـفوح
.
ما  توفـي  دمـعـتي
ولاجروحي وعبرتي
يالعقيله ... يالعقيله
.
.
يــا أذان الله التـــرتل بــــرض الطــفوف
ياجــرح يمشي اعله طوله بين الصفوف
يرتــجز هــل مـن مبــارز وين السـيوف
ينزف وكـل گطـره منه تـخـضر أچفوف
.
يمچ  الهــم  ينجلي
فزعــتچ فـزعة علي
يالعقيله ...  يالعقيله
.
.
ردت اعلــيـــچ الـــرزيه ودفــــعة البـاب
ويلــي باب الغــاضريه چم ضـلع صاب
يوسفچ دامي وقمـيصه مخضب اخضاب
سحگــت اعليه الحـــوافر فــوگ التراب
.
نحره يتـنفس ذبح
بي الف طعنة رمح
يالعقيله ...   يالعقيله
.
.
موقــفچ يــوم الـــرزيه حــير النــاس
بهيبتچ تمــشي اليـتامه ابلايه حراس
زينب الـما عنده زينــب ستره ينداس
شلــتي هم الدنيا كلها وصـرتي عباس
.
انتي سبع الگنطره
هــا يحــرة حيدره
يالعقيله ....  يالعقيله
.
.
الله كلم موســى نــدري بجانب الطور
وأنتـي ارســلچ رســاله بذبــح النـحور
هالـــدمه الطـــاهر يــزينب لابد يثـور
ينهــض الهاي المهــمه المهدي مذخور
.
بيده  سيف  الزلزله
يطفي جمــرة كربله
يالعقيله ......يالعقيله
.
.
ساكــته وصمــتچ تكــلم حكمه واسرار
ما نطــقتي بــس نظـــرتچ نظرة أحرار
بحضــرتچ أخــرس يـزيد وفكره محتار
يستــمع منـــچ بـــلاغة حـــامي الجار
.
أنتي أقدس مدرسه
يا هــوه الاتنـــفسه
يالعقيله ......يالعقيله
.
.
النـــهر يـــوم الـــرزيه قـصر اهـــواي
مـا زحـف صــوب الـمخيم ضيع الراي
اتوسل ونـال الشـفاعه بدمعـــتچ هـاي
واصــبحت لعـنة يــزيد بشربة الـماي
.
وآنه  الـوذ بدمعـتچ
يالحــزينه وعبــرتچ
يالعقيله ......يالعقيله
.
.
لا تنسوني ووالدي من فضل دعائكم المبارك

حسن الموالي الفاطمي

بصوت. مسلم المطيري

انت بضعة فاطمة

كلمات الشاعر
حسن الموالي، الفاطمي

ابوذيات بحق الأب

بصوت. مسلم المطيري

ابوذيات
بحق كل أب طيب

يالفكدك كياني هدم  ..  ورباك
ماضنن تجيني بعد  ..   ورباك
من أذكر سنين التعب  .. ورباك

اگابل صورتك وصفگ بديه
*-----------------*--------------*

لاتبرد  يگلبي أياك    .. وياك
ومتحزم عليك الدهر  .. وياك
راح الچان وي كل عيد . وياك

اجاك الحزن گوم انصب عزيه

*------------------*----------------*
✍بقلم
الشاعر رعد الجريخي

بصوت. مسلم المطيري
ابوذيه

هجرهم ياكل بروحي  ..  والمهم
وانه الچنت خيمتهم   ..   والمهم
الليل بطول ساعاته   ..   والمهم     (أذاهه)
وحتى بطيفهم شحو عليه

*--------------------*-----------------*
✍بقلم خادم ام البنين ع
الشاعر رعد الجريخي

بصوت. مسلم المطيري

ابوذيات على لسان السيده زينب( ع)
بعد فقد الزهراء (ع)



الـفـرح دمعاتي من عمري  ..  محنه
ومـثـل حنـي ابـد  واحـد   ... محنه
أشـوفـچ  ويـن  يالـگـلـچ    .. محنه

أشـيعـودچ ياضوه الناظـر عـليـه

*------------------*-----------------*
وسيعه الـگـاع ووجودچ  ..   فضلهه
وعيني الدمع مـن عگبـچ  ..  فضلهه
الوحيده انتي العَلي زايد  ..  فضلهه

يـمـن چنتي سـكـف وفّياي ألـيـه

*-----------------*----------------*
✍بقلم خادم الزهراء ع
الشاعر رعد الجريخي

نزله للخدمه

خدمة حسين الشرف والغايه
وانه للخدمه ارفعتها الرايه
..........

من يهل عاشور شهر الضامي
آنه للخدمه اشد حزامي
چن اشوف الواقعه گدامي
والحبيب حسين طايح دامي

اخدم بأفعال مو بحچايه
وانه للخدمه ارفعتها الرايه
..........

حسين ديني ودنيتي وعنواني
لخدمته رب العرش سوّاني
للحُسين وما مشيت لثاني
بالمجالس كل وكت تلگاني

جايب اشواگ العشگ ويّايه
وانه للخدمه ارفعتها الرايه
..........

عالمجالس واللطم تربيتي
كل محرم رايه ادگ ابيتي
گلبي مغرم بالحُسين ونيتي
كون اموت بحضرته امنيتي

حتى يرويني الامام ابمايه
وانه للخدمه ارفعتها الرايه
..........

عندي تعظيم الشعائر واجب
ما منعني بخدمتي اي حاجب
كلمه خل يسمعها مني الناصب
ما اعوف حسين بالدم كاتب

اية التطهير اعظم آيه
وانه للخدمه ارفعتها الرايه
..........

للمواكب حضّرت زنجيلي
للعزَه شدّيت عزمي وحيلي
وگضي بدموع المجالس ليلي
وفاطمه ام الحسن تدعيلي

للخدامه توفّقت من هايه
وانه للخدمه ارفعتها الرايه
..........

غايتي حسين الحبيب الغالي
يرضه عني وكل وكت يبرالي
ما اعوفن خدمته للتالي
يعلم بگلبي وضميري وحالي

مفضّل علية الحبيب هوايه
وانه للخدمه ارفعتها الرايه

سيد زيد الفحام
_____

بصوت. مسلم المطيري

خدمة حسين الشرف والغاية

كلمات الشاعر
سيد زيد الفحام

باجر ماكو خاطر..توجعني الحوافر .
وانه بلايه ناصر..يزينب. .
لوشفتيني طايح ..مني راسي رايح
ماريد النواييح...يزينب
..........
...
باجر رقيه من الرعب تركض تلوذ أبهيمه
بحجايه يوجعه العدو لو بس يكله ايتيمه
باجر تره هاي العرب ماتبقه بيهم شيمه
يتوجه بزنوده ويكف لويشم حرك الخيمه

باجر شدي حيلج....كلش وحشه ليلج
ومكطع كفيلج..يزينب...يزينب ...
...

باجر يزينب هل الرمح يصبح الناكه اليه
ويشيل راسي أبكربله ولشام يمشي بيه
المغرب يزينب من يجل كلجن تجن عليه
يم راسي وتكعدن سوه سبيه أبصف سبيه

لوبحباله شدجن....وبصوطه ضربجن
باجر ياهو الجن....يزينب....يزينب...
......
باجر تشوفين الخيم يوجن يزينب بلحرك
وتشوفي ياخيتي العده بهدومي يازينب تشك
يازينب وجسمي تره اطوفه الحوافر بسحك
ومايبقه بضلوعي ضلع اله يزينب مايطك


باجر ماكووالي.....طايح كلشي غالي
يمج راسي عالي...يزينب..يزينب...
.......

صعبه اوصف حالتج يكسر الخاطر حالج
لمن يشدج بل حبل وكبالي زينب كادج
ماعنده جف يابت علي طايح تره كفالج
يازينب وعينه بسهم عذريه جي ماجالج

لوكتيلي وينه....وبهمه اعتنيله
الكه بصفه أدينه..يزينب ..يزينب..
...
.......

باجر ابوفاضل يضل طايح كباله زنوده
باجر تشوفين السهم عاميله شوفه وجوده
باجر تره هذا الشمر يفزع عليج اجنوده
باجر تروحين بهزل وانه انتضر للعوده ...

باجر يجري دمي...أبقه أنه ويهمي...
وانتي ماكو يمي....يزينب...


ليث الزغيبي

بصوت. مسلم المطيري

باچر ماكو خاطر

كلمات الشاعر
ليث الزغيبي

ابوذيات. بصوت. مسلم المطيري

ابوذيات
على لسان من ورثت المصائب بعد  الزهراء ع


يريت الصار بيچ ايصير   .. بعداچ
ودهري بساع يم الحسن  .. بعداچ
مثل عمر  الورد  تزهين  ..  بعداچ

أشجنيتي وشفتي بالعصره المنيه
*----------------*----------------*

گبل جنه  العمر  يمچ   ...  وحالي
مشيتي وضلت الدمعة  ..   وحالي
يتيمه أصبحت من زغري .. وحالي

يبچّي الحجر من تلفي المسيه
*-----------------*---------------*

✍بقلم خادم الزهراء ع
الشاعر رعد الجريخي

باچر جوه التـــــراب
باچر فرگة   احباب
باچر يا علي  شلون
شدة  يوم الحساب
____



باچر بالگبر راح ابقى    وحداني
افارگ اهلي ويتركوني خــواني
بعد حظنج ييمه اللحد غطـــاني
الدللوه راحت وياجفوف دفــاني

باجر   محد   ويـــاي
والله اليدري بالجاي
عني اهلي    بعيدين 
  ما ترجعلي دنيــــاي

كلبي مصوب صواب
  باچر  فرگة  احباب
باجر   يا علي شلون
شدة  يوم  الحســاب
،،،،،،،،،،،،،،،،،،،،،،،،،،،،،،،،،

ياهو البلگبر يوصلني واحجيـــــله ؟
متت واعمالي ميــله اتعاتب ابميله
باول ليـــله يا مصعبهه مــــن ليله
غيــرك يا علي ياهوه الاشكـــــيله ؟

وحشه ودمعة وفراگ
باجر لاهلي اشتــــــاگ
ظلمة لحدي والخوف
عمري اتفرهد   انباگ

جرح بروحي ما طاب
باچر فرگة احبـــــاب
،،،،،،،،،،،،،،،،،،،،،،،،،،،،،،،،،

لاميــــــــــــت احس بگبــري لا واعي
واصيح ارجعني ربي وزادت اوجاعي
اريد احضر مجالس وابـــچي علناعي
واريد الطم لحد ما اكســــــر اضلاعي

بجنة مجلس حسين
  ما ميتين عدليـــــن
هواليحضر هنــــــاك
   وتشفع دمعة العين

نفدي لحبه الاركاب
باچر فركة احبـــاب

،،،،،،،،،،،،،،،،،،،،،،،،،،،،،،

اصيح وصوتي سكته وما يسمعونـي
صرت جثه بلحد حقهم يـــعوفـــــوني
عود اچم سنه بصدفه ويــــــــزورني
بس حسيـــــــــن اليه شما   يتركـوني

اريده    بلحظة     الموت
   يغمض عيوني بسكوت
يگلي    الخادم    ويـــــاه
حظني يشيله تابـــــــوت

الوالى العتره ما  خاب
  باچر فركة احبــــــاب
،،،،،،،،،،،،،،،،،،،،،،،،،،،،،،،

اموت ودمعه تبقى بعيني منتــــظره
اريد ابچيهه يم حسيـــــن علزهـــره
اريد اصرخ يزينب   توجع العصـــره
بمكان امچ يريت ضلوعي  متكـسره

كون  بصدري بسمار
وعليه احتركت الدار
وجهي الينضرب كون
  وتسلم بنت الاطــهار

    فاطم هيه الحجاب
      باچر فركة احباب

كلمات الخادم  / رعــد الفريـــــجي

بصوت. مسلم المطيري

باچر جوه التراب
باچر فرگة احباب

كلمات الشاعر
رعد الفريجي

بصوت. مسلم المطيري

أبيات ابوذيه للسيده زينب ( عليها السلام ) ....موسى البديري

لا چـــف  گــالـــو العنــدك ولا عيــن
وگمـــت ما انهض أبروحي ولاعين
بنــات حســين ظــل يبچن ولاعــــن
          يــــــوم الطحت عالشاطـــي رميـــه

*
السبعــه أهمــــوم گلبــي مــــا يكفن
المصايـــب ليــش منـــي مـــا يكفن
شعجـــب جِبْرِيل بالطف مايــه كفن
         اخــوي حسين بــأرض الغاضريه

*
الگلــب مــالوم بس النـوح نفسـه
على المگطوع فوگ الترب نفسه
وهـــو طــه النبي معـــرف نفسه
        تدوسه الخيل بويه أعلى الوطيه
*
الشاعر موسى البديري

📌 : الليالي الفاطمية


عندك جواب .. ياقاتلي يوم الحشر من تنسئل
عندك جواب .. كاسر ظلع ساطر وجه قاتل طفل
مافكرت   باجر وراك إحساب
شاهد أنا   اوشاهد عليك الباب
عندك جواب
▪️▪️▪️▪️▪️
أنا المحسن يجتالي  وانا الشاهد على الهجمه
إلك عين وتظن إتشوف  ولكن بالصدگ أعمه
أكو إبگلبك نبض لكن   أبد ماتعرف الرحمه
حرگت الباب سهله إعليك   لجن لليفتهم زحمه
جان إستحيت .. من النبي وتحمل إسم صاحب نبي
جان استحيت .. بس هذا طبعك من قبل  ياناصبي
هذا الفعل   لا مو فعل أصحاب
شاهد أنا   او شاهد عليك الباب
عندك جواب
▪️▪️▪️▪️▪️
اشوفك من دفعت الباب    وابعينك حقد يلهب
سمعت امي تگلك رد  احذرك يمي لا تگرب
حدود الرب تره احنه   ولا توصل حدود الرب
تره رب السمه يغضب   اذا اني عليك اغضب
مني اشتريد .. تطلبني بيمن واشبده مني ذنب
مني اشتريد .. اتركني وارجع للعقل لا تنغلب
كلك حقد   ما تستحق اعتاب
شاهد أنا   او شاهد عليك الباب
عندك جواب
▪️▪️▪️▪️▪️
تحاول چانت الزهره  تمنعك ما تصل يمها
تگلك يا فلان ارجع   واسمعك وانته تشتمها
يظالم من تسب جدي  تألمني وتألمها
تحرموها فدك واتريد   من الدنيا تحرمها
مات الضمير .. والمستحه وصار الغدر عدكم طبع
مات الضمير .. باب الوحي وابلا إذن ظل يندفع
صورة بشر   بس بالحقيقة اذياب
شاهد أنا   و شاهد عليك الباب
عندك جواب
▪️▪️▪️▪️▪️
دفعت الباب بچتافك  يظالم ذنبك اشكبره
بين الباب والحايط   وگفت حايره الزهره
غريبه امي احس بيها  تون من شدة العصرة
تگلك فاطمة آني  جوابك چان بالسطره
تسمع تريد .. كسرة ضلعها واسمعت كسر الضلع
تسمع تريد .. ونة غريبه وفاجده وخلصت دمع
عندك سهل   صدر النبي ينصاب
شاهد أنا    وشاهد عليك الباب
عندك جواب
▪️▪️▪️▪️▪️
سمعت امي تگول الموت   تصيح وللصميده اتحن
آنا أم الأرض لكن   صفيت ابيتي ما أمن
واشوف أمي تگوم اتطيح  يألمها الكسر وتون
يفضه اتصيح لحگيلي  اخبرج قتلوا المحسن
روحي تحوم .. يم فاطمه ويم حيدره ويم اخوتي
روحي تحوم .. زينب اذا ونت تزيد امصيبتي
انت السبب   يا قاتل الاحباب
شاهد أنا    وشاهد عليك الباب
عندك جواب
▪️▪️▪️▪️▪️
اراقب بالوضع وأنظر   لحدما ماتت البضعه
مشت للمغتسل روحي  واشاهد حيدر ودمعه
سؤال من اخوتي اتكرر  يبويه الراح بي رجعه
دموع حسين آه يحسين  تخلي ابكل گلب صدعه
صار الظلام .. حيدر حملها منحني ودامي الجفن
صار الظلام .. شايل نعشها والصبر شايل حزن
تحت الترب    ما ترجع الغياب
شاهد أنا    وشاهد عليك الباب
عندك جواب
▪️▪️▪️▪️▪️
بچه يم الگبر حيدر  لحد ما فاطمه گعدت
واجينه من الگبر للدار  وبينه النايبه اشتدت
لگينه زينب اعله الباب  تصيح الزهره ما ردت
يگلها حيدره صبراٌ  صحيفة حزنج امتدت
حزنج طويل .. يا زينب وطف كربله ما ينحمل
حزنج طويل .. موت اخوتج حرگ الخيم واعله الهزل
من هالفعل   بالطف تروح ارگاب
شاهد أنا    وشاهد عليك الباب
عندك جواب
▪️▪️▪️▪️▪️
انا روحي اعله هاي الدار   تظل تحوم وتراقب
لحد ما تنجلي الغبره  ويجينه القائم الغايب
يجي وبيمنه سيف الثار  يذل الغاصب الناصب
يبلكت تفرح الزهره  ابنها بثارها يطالب
ماكو اعتذار .. چف السطر ام الحسن حگه الگطع
ماكو اعتذار .. ذوق الأمر دمع الندم ما بي نفع
تعبد صنم   ما أسلمت كذاب
شاهد أنا    وشاهد عليك الباب
عندك جواب
▪️▪️▪️▪️▪️


✒️للشاعر : السيد عبدالخالق المحنه

بصوت. مسلم المطيري

عندك جواب

كلمات الشاعر
سيد عبدالخالق المحنه

في حق الزهراء. ع


جنهن قليل اتلث روايات
كون العمر اكظيه اقرايات
ما عندي غيرج
مغركني خيرج
كون العمر اكظيه اقرايات

---------------
مرهون الج هذا العمر بابج عبد. قبليني
وبدفترج يم الحسن وي الخدم سجليني
ماانسه امصاب الظلع ودموعي تجري بعيني
افظالج. عليه شكثر. مقصر انه عذريني

بهاي اليالي الفاطميات
بصدورنه يزهره عبرات
ماتطفه نارج.
نطلب ابثارج
كون العمر اكظيه اقرايات

----------------
شما ينصب ماتم. الج يزهره لازم. احظر
انتي الشفيعه بدنيتي وباجر يوم المحشر
خل الطم وجري الدمع وضلوعي خل تتكسر
ماجازي انه. ام الحسن. وبحبهه لو اتوذر

صوت الحزن البظعه ينعاج
وبظلعج. البسمار. صاباج
تجري دمعتي.
بصدري حسرتي
كون العمر اكظيه اقرايات

---------------
هنياله كلمن يخدمج يرتفع عالي صيته
ويحظر مجالس فاطمه وندري انتي ماناسيته
صلطان يالزهره الخدم معروف طبعه ونيته
يلطم يدك عله الصدر. وسجلت. لطميته

معروف نورج من تحضرين
وي البجه ملهوفه تبجين
مكسور ظلعج.
ومصطور خدج
كون العمر اكظيه اقرايات

-----------------
حتى اذا. مالج كبر ابروحي كبه وحظره
منشتاق ازورن مرقدج تجري بعيني العبره
يالزهره الخادم يظل يقدم حياته وعمره
يبنيلج ابيده كبر ويطلب ابثار. العصره

والمهدي يطلع ياخذ الثار
وينادي وين الحركو الدار
والحركو الباب
معروف الصحاب
كون العمر اكظيه اقرايات

---------------
من عيني اجريه الدمع والطم بحركه صدري
ماعوفج انه. للبد. شما مال. بيه . دهري
كلشي يهون الخاطرج ناذر اسنيني وعمري
منج تعلمت الصبر محسود حته بصبري

وبروحي شايل حسره وجروح
يم الحسن. يحلالج. النوح
وبكلبي نيشان.
من كثر الحزان
كون العمر اكظيه اقرايات

----------------
الخادم
رحيم الصالحي

بصوت. مسلم المطيري

چنهن قليل تلث روايات

كلمات الشاعر
رحيم الصالحي

بصوت. مسلم المطيري

صواب الدهر بدلال...ماهاد...
ودليلي من المصايب دوم...ماهاد...
تكول الناس حيدر علي...ماهاد...
لان معروف مايخلف وصيه
............................................
اطفي نار بيدي وبيد....لبناي....
ومحسن ماتهنه وظاك....لبناي...
على ظهري النذل ياحيف...لبناي...
وصيح بصوت بويه الحك عليه
............................................
روحي من المصايب حيل...هاجت...
وكل محسن ييمه النار...هاجت...
وروحي من مرار الظلع....هاجت...
احس اسهام تطعني بدليلي
............................................
جرح الزمن طول الوكت...ماطاب...
بعد هيهات وصط الدار....ماطاب....
يريت اليوم محسن كون...ماطاب...
ولا شوفه طريح اعله الوطيه
............................................
كظيت العمر بس انطر...وداري....
عمت عينه الحرك بابي...وداري...
الام شكثر تعبانه...وداري...
حسافه اعله الوكت موخان بيه
............................................
خادم اهل البيت
حسين هويان

عَصرةٌ بَابٌ بُكاءْ  صَفعةٌ مَوتٌ نِداءْ

احرقُوا دارَ البتول  وبَكى مَن في السَّماءْ
____
ضجَ في العَرشِ صِراخٌ وعَلا صَوتٌ حَزِينْ
فُجعَ الإسلامُ حَقّاً ناحَ نُورُ العَالمِينْ
جَنةُ اللهِ تعالى نالَها الحَقدُ الدّفِينْ
صَفعوا الزّهرا جَهارا يا لِفعلِ الظّالمِينْ

ما رَعُوا حقَاً ودَينْ  ظَلمُوا النّورَ المُبِينْ
لا ضَميرٌ لا وَفاءْ  وبَكى مَن في السَّماءْ
___
عَصرُوا سُورةَ طه بينَ بابٍ وجِدارْ
سَالَ دَمعُ الكَونِ حُزناً في لَيالٍ ونَهارْ
صَوتُ جِبريلَ تَعالَى بِجِراحٍ وانكِسارْ
فَاطِمٌ جَناتُ عَدنٍ بابُها تَدنوهُ نَارْ !!

آيةُ القُربَى تَنُوحْ  مُلئتْ هَمّاً جُروحْ
يَا لِرزءِ الأنبياءْ  وبَكى مَن في السَّماءْ
__
حَطباً ناراً تَراهمْ اشعلوا دَارَ الأمينْ
طَلبُوا ثاراتِ بَدرٍ خَيبرٍ اُحدٍ حُنينْ
أسقطوا المُحسنَ مِنها كَسرُوها مَرتينْ
مَرةً جرّوا عَليٍ مَرةً في الثّقلِينْ

آهِ ما أقسَى المُصابْ  زَهرةُ اللهِ تُصابْ
وَيلَ قَومٍ اشقِياءْ  وبَكى مَن في السَّماءْ
___
سَاعدَ اللهُ عَلياً إذ رَأى كفَّ اللِئامْ
تَضرِبُ الزّهراءَ عَمداً واحتِقاراً وانتقامْ
كيفَ أمُ الحَسنينِ قد غدتْ دُونَ مُحامْ
وهي قلبُ المرتضى بل رَوحُهُ بينَ الأنامْ

أيُّ دَمعٍ سيُسالْ  أيُّ شِعرٍ وخَيالْ
سوفَ يَروي حرفَ باءْ وبَكى مَن في السَّماءْ
__
خَلسةً زَينبُ تَبكي لا مُواسٍ لا مُعينْ
مَن لها يَبقى تُرى أن هبَّ في الرّوحِ الحَنينْ
حَسرةً خلفَ جِدارٍ وتُنادي في أنينْ
آهِ أماهُ انظرينا مَن لنا طُولَ السّنِينْ

دمعُها أبكى الوجودْ  أيتمَ المَوتُ الورودْ
فارقتْ اغلى ضَياءْ  وبَكى مَن في السَّماءْ
____
قُربَها بينَ يَدِيها قَدْمِيها الحَسنانْ
قبّلاها فَجأةً قد عجَّ في الكونِ الأذانْ
يا عَلِيٌ أبكيانا ناحِتِ السَّبعُ المَثانْ
كُلُ عِرشِ اللهِ يَبكي مِن مَكانٍ وزَمانْ

فَاطمٌ سِرُ الإلهْ  كيفَ مَاتتْ آهِ آهْ
فقدَ الكُونُ الهواءْ  وبَكى مَن في السَّماءْ
_
الليالي الفاطمية

بصوت. مسلم المطيري

عصرة باب بكاء.