بصوت. مسلم المطيري

تحت امرج
سمعا وطاعة فقاري
تحت امرج

كلمات الشاعر
علي، حسين الكناني

ميمر // للزهراء عليها السلام

بيت الله بيت الزهراء  ليش العده يحرگونه
.............

بيت الزجية مهبط لوحي الدين
افضل ابيوت الباري رب التكوين
بيت الرسول وأهل بيته الطيبين
بي فاطمه نور الله   واجبهم يقدسونه
.............

اطعمهم امن الجوع چف هذا البيت
چف فاطمه اليحيي بإذن الله الميت
بفضل النبي والعتره صارلكم صيت
چف اليغذيكم ليش   بنار الحقد تچوونه
...............

يهل السقيفه الزاد ما غزّر ليش
عيّشكم الهادي النبي بأفضل عيش
هذا جزه الاحسان اذاكم بيش
عالزهره بيته تحرگوه   وذاك الفضل تنسونه
..................

بالبيت چانت فاطمه وحاچتكم
چا ليش ما ردّيتو  من  ردّتكم  ؟
وين الشهامه البيكم وغيرتكم  ؟
لا ذمه عدكم لا دين    باب النبي تكسرونه
................

اصبح جرمكم بالزمن وصمة عار
تحرگون بيت المصطفه وبنته بنار
لوما الوصية ماسكت حامي الجار
چا شفتو بيده الفقّار    ما يرحم تعرفونه
..................

لو زلم انتم ما عصرتو الزهره
حرمه وحزينه عله النبي منكسره
بياذنب محسنها انعصر بالعصره
من طاحت المحسن طاح  غايتكم تقتلونه
....................

يهل السقيفه بكل وقت نلعنكم
لابد يجي اليوم اللي نقتص منكم
يظهر الغايب لاشك يحاسبكم
ياخذ بثار الزهراء   وراية نصر بمتونه

سيد زيد الفحام
__

ميمر بصوت. مسلم المطيري

بيت الله بيت الزهراء
ليش العدا ايحرگونه

كلمات الشاعر
سيد زيد الفحام

بصوت. مسلم المطيري

العقيله تگول

هلي غافين مـــــاضنهم يفزعون
اصيحن بس ولا واحد يفز عون
گمــــرنه مــــايفز لامن يفز عون
أحشــــم والحـــوافر يــــم رقيه


عبد زينب
محمد الابراهيمي

بصوت. مسلم المطيري

صديت ابحزن والگلب مبهوت
الصوب المگبره وصاحيت بالصوت

يعزاز الگلب مو وكت الغياب
كون احنه سويه وياكم انموت

مو بالكيف غصبن صار الفراك
خذاكم ويلي منه البين بسكوت

تمنيت الگبر يحبابي. بيه. باب
انتعنه ابكل وكت والعدكم انفوت

ساكنه الحزن من. رحتو. لليوم
ورهنه أرواحنه ابكل ركن تابوت

حزنه اشكد حزنه وكل شي ميفيد
ضيم أحزانه. علروح . منحوت

يعزاز الگلب ضاگت فرد نوب
وخلانه الزمن سمچة ابحلگ حوت

على الضيم انفطمنه وعشنه وياه
وجن سرنه ابطن بركان. مزتوت

اليفارگ عزيز. شلون. يرتاح
كون وي اليوده. لازم. ايموت

✍ابو حيدر البصراوي

[[ خليني اودع حسين ]]




العليله ع مخاطبة الحادي الذي

سار بضعن الحسين ع





ريض يحادي الـنوگ   وگفّلي الضعـون
خليني اشبــع شوف  من حلــو العيون

ماخـذهم اللا ويـــن
خليني اودع حسين
◾◽◾◽◾◽◾◽◾◽

من امس گلبي لچمني وما دريت شضام
اثــــاري اليوم اكو مجافه وجفن مينـــام
اخذوني صـحت وارضــه بسبي وبشـــام
واتحـــمل اذيـــــة وحــــرگ مال اخيـــام

مانمت طول الليل   ومتحمله اشكال
وارقيــه انشدهـــا    الـــوالد شگـــال

وتگــــلي ماترحيـــن
خليني اودع حسين
◾◽◾◽◾◽◾◽◾◽

اباوع بالوجـــــوه واتنـــه الــيگلّي
ويانه يالعليــــله اهتمي واتوكــلي
بلايه وجــــه ابويه بدنيتي شـــلي
وانه بيه المرض يالحادي شمخلي

بحضينه انام الليل   ولطوله  اشتاگ
فوگ المرض والاه    چملــني الفراگ

وينه الـيونس العين
خليني اودع حسين
◾◽◾◽◾◽◾◽◾◽

يحادي اشبع ردت من ريحــة الجنه
و اوادع سلـوتي البيهم چنت اهنـــه
وطلب عندي ردت عبدالله اشوفـنـه
ويضــــل وياي ويونـــّســـني اتمـــنه

صبح ومسـه امن اشتاگ    عبدالله اشمه
بـس الزغيـــــر يمـــــوت    لو فارگ امــه

رحمـوني يالمـاشين
خليني اودع حسين
◾◽◾◽◾◽◾◽◾◽◾

من دون الخوات حسين عايفني
معقــــولة ابوي الـغالي ميــحبني
حگي امـــن الدمع لو بلـلت ردني
راح وعگبــــــه ياهـو اللي يدللني

يافطمه گلــي    بطلي نحيبچ
الاكبر نوديــه    يمنه يجــيبچ

يالحادي بيه اونــين
خليني اودع حسين
◾◽◾◽◾◽◾◽◾◽

ترضه ارجع يحادي مدنگه من الناس
ومهضومه ارد و بســكـته ادگ الراس
عيني بعين عـمي وانمليـت احــساس
اتنـطـــــر تعالـــي من حلــگ عبـــاس

شابـــگني وگــــلــــي   يبنيتي اسمعي
معلــولـــــه متگدرين  للبيــت ارجعــي


حاچيلي المغربـــــين
خليني اودع حسيــن
◾◽◾◽◾◽◾◽◾◽◾







         عبد العليلـه
✍حيدر ابو كيان الفاطمي

بصوت. مسلم المطيري


ريض يحادي النوگ
وگفلي الضعون

كلمات الشاعر
حيدر ابو كيان الفاطمي

بًصّوٌتٌ مًسِلَمً آلَمًطِيَريَ

آبًوٌذِيَهّ خِطِآبً لَلَأمًآمً آلَمًهّدٍيَ (عٌجّ)


مًـصّيَـبًـةّ فُـآطِـمًـةّ إعٌلَنِهّآ  .. وٌبًنِهّآ
يَـمًـهّـدٍيَ أشُـحًـآلَ مًآبًيَنِکْ  .. وٌبًنِهّآ
تٌـعٌـآلَ وٌآشُـوٌفُ عٌصّـرتٌـهّآ  ..  وٌبًنِهّآ

گـبًـلَ يَـوٌمًـهّ غُـفُـهّ بًحًضنِ آلَمًنِيَهّ

*-------------------*----------------*
✍خِـآدٍمً آلَـزٍهّـرآء عٌ
آلَشُآعٌر رعٌدٍ آلَجّريَخِيَ

بًصّوٌتٌ مًسِلَمً آلَمًطِيَريَ

لَآتٌشُرحًلَيَ هّمًکْ

کْلَمًآتٌ آلَشُآعٌر
سِيَدٍ زٍيَدٍ آلَفُحًآمً

شنهي عمري ابلا مجالس
رحمه اسمي صار عابـس

نسمتي   ابخنـگـتي اتنفسك
نعـمـتي بدنــيــتي  مجلسك


بالهـــوى المـــغرب أشــمك واعتنـيك بـروحي
وانته تنسه اجروح جسمك تلـتـهي بجـروحي
راحـــتي كـــلها بظــريحك ياظحكتي ونوحي
كل حزن شفته عله وجهي بااتجاهك يوحــي


حـرگه عنــدي مــن خـيامك
كبـرتـني ابـــســد مقــامــك

شمعـتي بوحـشـتي   اتلمسك
نعـمـتي بدنــيــتي  مجــلسك

عيــشتــني بــخير دمـــك يالرسمت احـلامي
والله ما أنـــدل طريـــقي وانـــته مـو گدامي
ايامي كلها بدون لـــذه وتنــحسب أوهـامــي
الله لو أگــــضــيها مجلس ياحــــلات ايــامي

محله عمري ابنص عزائك
دلـلـتـــنـي  ابـفي ردائــك

لوعتي وحســـرتي  اتــقدسك
نعـمـتي بدنــيــتي  مجــلس


بــالـــطـم لولـتـلـي امــي وبـنـعـي اتــناغيـلي
وحته مو خرخاشه چانت چنت احب زنجيلي
چـنت احس عبــدالله يمي بالمهــد يشـكــيلي
ربــي يـرزقــني بخدمـتك امــي من تدعــيلي

تدعي امي كون اخـدمـك
وانه شسمي لوله أسـمـك

كنـيـتي   منيتي    عابسك
نعمـتي   بدنيتي    عابسك



اشكرك گـدما رقيـــة اتصـــيح بويه امـتوني
اشكـــرك گــد العلــيله ابكـلــمــة الأخــذونـي
يالفگدت عيون اخوك اشلون اظحي عيـوني
امنيتي لو احمي ظلـوعك وانه اليسحگـوني

ريته صدري يحـمـي صدرك
وفدوه نحري - يــبقه نـحرك

ابغــيرتي   ابوگفـتي  حارسك
نعمــتي      بدنـيـتي  مجلسك


هايــم بعشــگ المــواكب والــطم من يومـي
وكالطفل من يشتروله چنت احضر اهدومي
ياهو مثــلك ياحبيبي ياصحــوتي ونـــومي
اشما يزيد الهم عليه بحزنه يمحي اهمـومي


ياهـو مثـلـك من اجـيـلـه
فوگ هـمه الــهم يشــيله

ضيعــتي  وغربتي   محبسك
نعـــمـتي بــدنيتي    مجلسك


لـ حيدر العماري

بًصّوٌتٌ مًسِلَمً آلَمًطِيَريَ

شُنِهّيَ عٌمًريَ بًلَآ مًجّآلَسِ
رحًمًةّ صّآر آسِمًيَ عٌآبًسِ

کْلَمًآتٌ آلَشُآعٌر
حًيَدٍر آلَعٌمًآريَ

يمه يالولد يبني ييمه
****
يبني وياجرح گلبي يبن احشاي حاچيني
يمن چنت اگضي كل ليلي أناغيك وتناغيني
اشعلامه الموته ويانه يمه بيك يسبيني
وي جر النفس جم اه بكسري ودمعتي ابعيني

يمه يالولد يبني ييمه
**
يمحسن هالعمر منهوب بين الباب ولعصره
لووَن تگعد تشوف امك ييمه اشلون متحسره
كسيرة خاطر اواضلاع هيج اعليك متأثره
ومن ذكرك يمر عالبال يلچمني الضلع كسره

يمه يالولد يبني ييمه
****
ييمه انته اسمعت مو شوف اوياي النايبه الدارت
مامش نايبه بالكون بداري يمه ماصارت
تخيل امك ابنص گوم وعليهه الخلگ جارت
اصد ياضربه ياصطره هيجي امك احتارت

يمه يالولد يبني ييمه
***
اگلك عالهجوم الصار اشلون ابداري من طبوو
شي شالت مشاعلهه وشي عالباب اجوو هجموو
شي صاحت احرگو الدار وشي بسياطهم ضربوو
ونه ابنص هالجمع يبني تخييل بيه وشسوو

يمه يالولد يبني ييمه
****
يبني ابنص هذاك الصار. ونته ابالي بس انته
هلبت يمه ردت احميك يبني الموت مادرته
لچن يمه المگدر صار الضربني مووتك سكته
وطحت يانور من النور اعله ضلعي حيلي ساندته

يمه يالولد يبني ييمه
***
علي سليم الحسناوي

بًصّوٌتٌ مًسِلَمً آلَمًطِيَريَ

يَمًهّ يَآلَوٌلَدٍ يَبًنِيَ يَيَمًهّ

کْلَمًآتٌ آلَشُآعٌر
عٌلَيَ سِلَيَمً آلَحًسِنِآوٌيَ

مستهل القصيده على طور مشتاكه وبعيد الدرب روحي الحاج باسم الكربلائي
أمي  .. يالساكنه بوسط الكلب  ..
أمي  .. صدكيني غيرج ما أحب  ..
أمي  .. فراك الحنينه شكدصعب .. أمي
............................................
أمي باقة ورد يتناثر عطرهه  ..
الجنه تحت أقدامهه الله نذرهه..
أمي حتى الصبر ياخذ من صبرهه..
أمي طيبه من رحت فدوه لعمرهه..
عاشت.. مابين لوعات وحزن..
عاشت.. لو أنهضم تبجي وتون..
عاشت.. من أمرض دموعج تصب.. أمي
.....................................
أتصفح أوراق الزمن وأقره بكتابه ..
الكال أفّ الأمه شيصير بشبابه ..
بوجهه كل خير ويسر مسدوده بابه ..
وكل دعاء الوالده ربنه أستجابه ..
تدعي .. الربيته بأحضاني طفل ..
تدعي .. على جنازتي يشد الحبل ..
تدعي .. يدفني أريده وينتحب .. أمي
.......................................
هزت الكاروك من عدهه أبتدينه ..
أمي دين الباري وبحبه أهتدينه ..
الخير بوجود الحنينه ترس أدينه ..
أمي شمس الله وتنّور عالمدينه  ..
رايد .. كبل أمي أموتن وأندفن ..
رايد .. ولا أعيش آهات وحزن ..
رايد .. كبلج يغطيني الترب .. أمي
.................................
ربي خالق أمي كتله من المشاعر ..
لو رضت عني أبد ما أبقه حاير ..
لأم سوالف دافيه فدوه النواظر ..
شكبر حظه الترضه عنه أمه باجر ..
باجر .. يحتار وسط المكبره ..
باجر .. االيدفن أمه بالثره ..
باجر .. وياهه يتمنه يطب .. أمي
.........................................
تبقه أقدس ما خلق رب الجلاله ..
بحضرة أمي كل ورد ذب أستقاله ..
من على المنبر أريد أبعث رساله ..
فاز دنيه وآخره الأمه على باله ..
أدري .. اليرعاهه نال الغانمه ..
أدري .. ويرضى عليه رب السمه ..
أدري .. وما يدخل الجنه اليسب .. أمي
.........................................
أنتي باب الله الوسيعه الطيبه ذاتج ..
كل ركن بالدار شايل ذكرياتج ..
والله ستر الكون كله من عباتج ..
كل حياتي فدوه يايمه الحياتج ..
حقه .. الفاكد أمه ينفجع ..
حقه .. ويسيل نهران الدمع ..
حقه .. يا أصفه من ماي العذب .. أمي
......................................
حيدر مطر العبادي

بصوت. مسلم المطيري

أمي
يالساكنه بوسط الگلب

كلمات الشاعر
حيدر مطر العبادي

بصوت. مسلم المطيري

من شبگت الراس گطعتها الانفاس

كلمات الشاعر
سيد علي المدني

نعي بصوت. مسلم المطيري

حديث انفتح بين ثنين
ام الخدر والزهرة

كلمات الشاعر
ثاير الربيعي