⚡️Kurash: "Bosh prokuror kubogi" sovrini

Shahrisabz shahar prokurori R.Xurramov tashabbusi bilan “Bosh prokuror kubogi” uchun mahallalar o'rtasida kurash musobaqasi bo‘lib o‘tdi.
 
Yoshlar o‘rtasida sog‘lom turmush tarzini targ‘ib etish, ularni har tomonlama barkamol etib tarbiyalash maqsadida o‘tkazilgan musobaqada 40 nafardan ortiq kurashchi yoshlar ishtirok etdi.
 
Shahar prokuraturasi tomonidan jamiyat taraqqiyotida uning kelajagini ta’minlaydigan yosh avlodning sog‘lom va barkamol bo‘lib voyaga yetishi hal qiluvchi o‘rin tutishi haqida aytib o‘tdi.
 
Musobaqa yakunida g‘oliblarga diplom va esdalik sovg‘alari topshirildi.

KO‘KRAK BEZI SARATONI KASALLIGINI ERTA ANIQLASH: ZAMONAVIY DIAGNOSTIKA TIBBIY USKUNASI SHAHRIMIZDA O‘RNATILDI

Yaponiya tomonidan “Kichik miqyosli ijtimoiy loyihalarga beg‘araz yordam” dasturi doirasida yurtimiz tibbiyot muassasalarini zamonaviy tibbiy asbob-uskunalar bilan ta’minlash uchun grantlar ajratib kelinayotgani OPlarning moddiy-texnik bazasini yanada mustahkamlashga xizmat qilyapti. Yaponiya kompaniyasi tomonidan Shahrisabz shahar tibbiyot birlashmasiga zamonaviy mammografiya diagnostika uskunasi keltirildi. Ushbu diagnostika uskunasi orqali 45-65 yoshli ayollar reja asosida 2 yilda 1 marta ko‘krak bezi saratonini erta bosqichlarda aniqlash maksadida tekshiruvdan o‘tkaziladi. Natijada ushbu tibbiy dastgoh orqali ko‘krak bezi saratoni kasalligiga aniq tashhis qo‘yish imkoniyati yaratiladi.

Olim Narboyev rahbarlik qilayotgan Shahrisabz shahar tibbiyot birlashmasiga qarashli viloyat kengashi deputati ko‘p tarmoqli oilaviy poliklinika mudiri Lola Ergasheva bosh bo‘lgan binoda o‘rnatilgan ushbu diagnostika ya’ni tibbiy tashhis asbob uskunasining keltirilishi bemorlarni ortiqcha uzoq shaharlarga borib sarson bo‘lishlariga chek qo‘ydi. Bunday imkoniyat va g‘amxo‘rlikdan ayniqsa xotin qizlarimiz cheksiz mamnun bo‘lib, davlatimiz rahbariga o‘z minnadorchiliklarini bildirishmoqda.

⚡️Jinoyat muhokamasi
So‘nggi pushaymon, o'zingga dushman!

"Fayzobod" mahalla fuqarolar  yig'ini hududida joylashgan "Anor" kafеsida shahar prokurori Ravshan Xurramov va shahar IIB boshlig‘i Boborahim Mirzayevlar tomonidan yo‘l transporti hodisasi bilan bog‘liq jinoyat keng jamoatchilik ishtirokida muhokama etildi. Xalqimizda bola boshidan dеgan naql bеjizga aytilmagan. O'zboshimchalik, oila, maktab, mahalladagi hamkorlikni yo‘lga qo‘yishda mas'ullarning e'tiborsizligi sodir etilgan mazkur jinoyatda to‘liq namoyon bo'ldi.

Xususan, joriy yilning 21 iyun kuni soat 15 larda O.A. fuqaro E.G'.ga tеgishli “Nеksiya-2” rusumli transport vositasini yuvish (moyka) uchun olib, transport vositasini boshqarish huquqi bo‘lmasada, Aylanma yo‘lida Kitob tumani yo'nalishi tomon boshqarib, yo'lning o'ng chеtida "Damas" transport vositasiga minayotgan fuqaro G.R. va Z.B.larni urib yuborib, yo'l transport hodisasini sodir qilganligi yusazidan JKning 266-moddasi 1-qismi bilan jinoyat ishi qo'zg'atilib, hozirda dastlabki tеrgov harakatlari olib borilmoqda.

Muhokama yig'ilishida ishtirok etgan mahalla еttiligi, nuroniylar, xotin-qizlar va yoshlar, haydovchilar sodir etilgan jinoyat yuzasidan o'z fikr va mulohazalarini bildirishdi. Xulosa o'rnida shuni aytish joizki o'smir yoshlarni ta'lim tarbiyasi uchun hamma mas'ulligini unutmaylik, zero ular bizning kelajagimiz.