🔔Maktablarda so‘nggi qo‘ng‘iroq

Hech shubhasiz, hayotda yuksak natijalarga erishish uchun tinimsiz harakat, shijoat va jasorat talab etiladi. Sizlarning chuqur bilim olish, zamonaviy kasb-hunarlarni o‘rganish orqali Vatanimizga munosib farzandlar bo‘lib yetishishingiz va uning taqdiri uchun mas’uliyatni zimmangizga olishingizga ishonaman. Bu sharafli yo‘lda barchangizga baxt va omad doimo yor bo‘lishini tilayman.

Shavkat Mirziyoyev,
O‘zbekiston Respublikasi Prezidenti

Bugun respublikamizda bo‘lgani singari qadimiy va hamisha navqiron Shahrisabz shahrimizda ham so‘nggi qo‘ng‘iroq tadbirldari ko‘tarinki ruhda boshlanib ketdi. Shahrimizdagi Nargiza Nurmatova rahbarlik qilayotgan 24-IDUMI da ham so‘nggi qo‘ng‘iroq tadbiri har qachongidan bitiruvchilarning his hayajonlari, ustozlarning cheksiz quvonchlari, ota onalarning xursandchiliklari ila boshlandi.

Tadbirda Shahrisabz shahar hokimi Sherzod Bo‘riyev, maktab va maktabgacha ta’lim bo‘limi va taklif etilgan mehmonlar ishtirok etib, maktab jamoasini o‘quv yili yakuni, qo‘lga kiritilgan yutuqlari bilan tabriklab,bitiruvchilarga omad va zafarlar tilashdi. Yil davomida barcha fanlardan a’lo baholarda o‘qigan o‘quvchilarga tashakkurnoma, faxriy yorliqlar va estalik sovg‘alari topshirildi.

Tadbirda Shahrisabz shahar hokimi Sherzod Bo‘riyev Prezidentimizning mamlakatimiz maktablari bitiruvchi o‘g‘il-qizlariga yo‘llagan tabrigini o‘qib eshittirdi.