Ramazon Hayiti muborak, azizlar!
Musofir yurtda tutgan ro'zalarimiz, amallarimiz ilohim qabul bo'lsin~
@seul_global_markazi

Жанубий Кореяда бўлиб турган Ўзбекистон фуқаролари диққатига!

Ҳурматли фуқаролар!

Ўзбекистон Республикасининг Корея Республикасидаги Элчихонаси техник ва профилактик тадбирлар амалга оширилиши туфайли, дипломатик ваколатхонанинг консуллик бўлими 4 апрель (жума) куни вақтинча ишламаслигини маълум қилади.
Ноқулайлик учун фуқароларимиздан узр сўраймиз.

Ўзбекистон Республикасининг
Корея Республикасидаги Элчихонаси

Abdulla Oripovning "Tilla baliqcha" nomli ulkan ma'noga ega bo'lgan mo'jazgina she'ri.

Tuxumdan chiqdi-yu, keltirib uni
Shu loyqa hovuzga tomon otdilar.
Tashlandiq ushoq yeb o‘tadi kuni,
Xor-u xas, xazonlar ustin yopdilar.

Dunyoda ko‘rgani shu tor hovuzcha
Va mudroq tollarning achchiq xazoni.
Menga alam qilar, tilla baliqcha
Bir ko‘lmak hovuz deb bilar dunyoni...

@seul_global_markazi

📢 OPA-SINGILLAR UYUSHMASINING OCHILISH TADBIRIGA TAKLIF! 🌸

Assalomu alaykum, qadrli opa-singillar! 🇺🇿✨

Sizni Janubiy Koreyadagi o‘zbekistonlik ayol-qizlarni birlashtiruvchi “Opa-Singillar” uyushmasining rasmiy ochilish tadbiriga taklif qilamiz!

Tadbirda O'zbekiston Respublikasi Oila va xotin-qizlar qo'mitasi raisi o'rinbosari Nurmatova Mukarram Axmedovna onlayn ishtirok etadi.

📅 Sana: 6-aprel (Yakshanba)
🕛 Soat: 14:00
📍 Manzil: O'zbekiston elchixonasi 서울 종로구 돈화문로11가길 99

Tadbirda siz:
✅ “Opa-Singillar” uyushmasining maqsad va rejalari bilan tanishasiz;
✅ Janubiy Koreyadagi faol ayol-qizlar bilan uchrashasiz;
✅ O‘zaro fikr almashib, yangi do‘stlar va sheriklar orttirishingiz mumkin!

Biz siz bilan birgalikda yangi imkoniyatlar yaratamiz!

🔴 Tadbirga keluvchilar ro'yxatini aniq bilishimiz uchun iltimos ush bu formani to'ldiring! 👇
GOOGLE.FORMS

📌 Har bir opa-singil biz uchun aziz! Sizni kutamiz!


Instagram | Facebook | Telegram

#busa_news

Koreyada tarixiy kun: Prezidentga impichment rasman kuchga kirdi

4 aprel 2025

Bugun Janubiy Koreya Konstitutsiyaviy sudi prezident Yun Sok Yolni 3-dekabrdagi voqealarda konstitutsiyani buzgan deb topdi va uni muddatidan oldin vazifasidan ozod qildi. Natijaga ko‘ra, 8 ta sudyaning barchasi bir ovozdan (8:0) uni aybdor deb topdi.

Impichment sababi — 2024 yil 3 dekabrda u oppozitsiya nazoratidagi parlamentga qarshi harbiy holat e’lon qilgani va qonun chiqaruvchi hokimiyat faoliyatiga to‘sqinlik qilgani bo‘ldi. Shuningdek, u harbiylarga deputatlarni qo‘lga olish va qaror qabul qilishlariga to‘sqinlik qilish buyrug‘ini bergani aytilmoqda.

111 kun davom etgan sud jarayonidan so‘ng sud Yunning harakatlari konstitutsiyaga zid bo‘lganini tan oldi. Shu tariqa u mamlakat tarixida impichment asosida lavozimidan chetlatilgan ikkinchi prezident bo‘ldi (birinchisi – Pak Kin Xe).

Yangi prezidentlik saylovlari 60 kun ichida, taxminan 3 iyun kuni o‘tkaziladi.

BUSA — kuch birlikda!💪
Instagram | Telegram | YouTube

Moskvalik Imom Shamil Alyautdinov gapining tarjimasi:

"Biz, ota-onalar farzandlarimizning ruhiy tarbiyasi uchun mas'ulmiz. Bu oson ish emas, 10yillikka cho'zilgan har kungi ish jarayonidan iborat.
Shunga farzandingizga quyidagi duoni yodlatishni tavsiya qilaman. Bu duoni o'qigan bolaga imkoniyatlar eshigi ochiladi chunki u Allohga muhim bo'lgan minnatdorchilik so'zlarini aytyapti".

Ovqatdan keyin o'qiladigan duo:

Alhamdullillahi laziy at'amanii va saqonii va ja'alna minal muslimiyn.

Tarjimasi: Meni edirgan, ichdirgan va musulmonlardan qilgan Allohimga hamd aytaman.
@seul_global_markazi

Koreyada farzand ulg'aytirish oson emasligini bildim. Buni siz bola 4yoshga kirguncha sezmasligingiz mumkin. Lekin kattalashgan sari, 5~6 yoshidan boshlab haqiqatan ham raqobatlashgan jamiyatda katta bo'layotganini sezasiz.

Atrofda qaysi onani ko'rmasam, doim oldindan xavotirda bo'lib yurishadi. Ular bilan gaplashib bo'lgandan keyin, ba'zan o'zim ham bilmagan holatda xavotirga tushishni boshlayman.
Keyin o'zimga savol beraman: "Shahnoza, nima uchun buncha o'ylab xavotirga tushyapsan?" deb keyin duolarni izlayman.
Qoyil qolganim, hayotimizning har bir jabhasida, bizga eng kerakli duolar hammasi borligi, rizq deysizmi, farzand tarbiyasi haqida deysizmi hammasi bor.

Faqat amal qilish kerak bo'ldi. Qalbingiz xotirjam, sokin bo'ladi. Ana shu paytda haqiqatan ham bizni musulmonlardan qilganidan ich-ichingizdan xursand bo'lib ketasiz. Siz tayanadigan Zot borligidan..... Ajoyib a?! Biz naqadar baxtli insonlarmiz!

Shunga farzand tarbiyasiga doir foydali duoni ko'rsam, sizlarga ham ilingim keladi.
Chunki ish jarayonimda ham Koreyada farzandini tarbiya qilayotgan ota-onalar bilan ko'p gaplashganman. Hozirgi kunda koreys onalar bilan ko'p gaplashaman. Koreyadagi ota-onalar va bolalar jamiyati haqida o'zimning sotsiologik qarashlarim bilan fikr qilsam, ularni tushunishim oson bo'ladi. Biron kun vaqtim bo'lsa, bu haqda post chiqarishim mumkin:)
@seul_global_markazi

Sizga ham Koreyaning bahorgi tabiat manzarasi yoqadimi?

Menga Koreyaning tabiati juda yoqadi.
To'g'risi, oldin gullarni yoki daraxtlarni ko'rsam ham, "ha gullabdida" deb boshimda mingta o'y-xayol bilan shunchaki o'tib ketardim. Robotga o'xshab:)

Hozir esa, hech qayerga shoshilmasdan,  tabiat manzarasini ko'rib, Allohning qudratini his qilyapman.

Bizga o'z ko'zimiz bilan shunday chiroyli manzaralarni ko'ra olayotganlik ne'matini berganligiga qanchalik shukr qilsak ham oz aslida..... Til bilan ifodalash qiyin....

"Nimani ko'rsangiz, kelajangiz haqida ijobiy fikr paydo bo'ladi?" degan ilmiy tadqiqotni o'tkazgan Texas universiteti professori Heather Lench odamlar go'zal narsani, tabiatni ko'rsa, kelajagi haqida ijobiy fikrda bo'lishini ilmiy tadqiqoti orqali isbotlagan.

Shunday ekan, qayerda yashashimizdan qat'iy nazar, chiroyli tabiat manzaralaridan zavq olishni boshlasak, bu ruhiyatimizga albatta ijobiy ta'sir qilmay qo'ymaydi!
@seul_global_markazi

БУСАНми ёки ПУСАН?...

Корейс тилининг транскрипцияси анча мураккаб масала. Тил ўзининг анъанавий ёзувига эга бўлса-да, жаҳонда унинг бир қанча лотинлаштириш (романизация) тизимлари тарқалган. Бу асосан корейсча атоқли отлар, номларни дунё тилларида тушунарли бўлиши учун ўйлаб топилган.

Бироқ лотинлаштириш тизимлардаги тафовутлар ва ўзига хос жиҳатлар уларнинг тўғри ўқилиши, бошқа тилларга адекват транскрипция қилиниши халақит беради. Бинобарин соҳадан бехабар инсонлар хатога йўл қўйишлари жуда осон.

Мисолларга ўтамиз. Суратда ўзбек тилидаги сайтда эълон қилинган хабар келтирилган. Унда Жанубий Кореядаги ПУСАН ва ТЭЖОН шаҳарлари нотўғри ёзилган. Хўш, нима учун бу номлар БУСАН, ДЕЖОН шаклида ёзилган?

Корея Республикасида 2000 йилда жорий этилган лотинаштириш тизими — Янги корейс романизациясига кўра, корейс тилидаги товушлар лотин ҳарфларида диактирик белгиларсиз ёзилиши йўлга қўйилган. Шунга биноан, аввалги Маккьюн — Рейшауэр тизимидаги нафас чиқариб айтиладиган P` (Пҳ) товуши учун P, оддий P (П) учун эса B ҳарфини ёзиш белгиланган. Шу тариқа аввал лотин ёзувидаги PUSAN энди BUSAN`га айланган. Талаффузда эса ҳеч нарса ўзгармаган. Корейс тилида олдин ПУСАН дейилган бўлса, Янги корейс романизацияси йўлга қўилгандан кейин ҳам ПУСАН деб айтилаверган. Яъни 2000 йилда жорий этилган тизим фақат ёзувга асосланган бўлиб, корейс товушларининг талаффузини акс эттирмайди, бунга ҳеч қандай ишора йўқ.

Юқоридаги қоида расмда нотўғри ёзилган ДЕЖОН'га ҳам тегишли. Янги корейс романизациясида бу шаҳар DAEJON тарзида ёзилади, талаффузда эса ТЭЖОН. Шу ўринда корейс фонетикасига хос битта қатъий қоидани эслатиб ўтиш лозим: корейс тилида сўз ҳеч қачон жарангли ундош товушга бошланмайди. Шунга кўра БУСАН, ДЕЖОН (ёки ДЭЖОН) деб ёзилиши мантиққа мутлақо зид. Ўзбекистон миллий энциклопедияси, дунёнинг сиёсий харитасида бу шаҳарлар PUSAN, TEJON деб ёзилган.

Демак:
БУСАН/BUSAN ❌
ПУСАН/PUSAN ✅

ДЕЖОН/DEJON ❌
ТЭЖОН/TEJON ✅

@xatoliklar