سيرتونين❤ 5393

اسالو الله ما شئتم..

406 viewsRéēm Nîmïr♥, 18:05

قالت :
كنت بعاني من مشكله الكرش من قبل م نتزوج وهو كان عارف انها معقداني شديد وم كنت بقدر البس فساتين ولا لبسات حلوه بسببها، وعارف كويس اني م قدرت اواصل ف اي جيم، كان بشجعني برضو وبقولي انتي لو عايزه تعملي الحاجه بتعمليها، يوم جا راجع من الشغل لقاني ف نص السرير قاعده وببكي ولمن عرف انو السبب كرشتي😂 اخدد اجازه شهر ووقف معاي تمارين وجيم ورياضه وجري وريجيم لحدي ٣٠ يوم هو بقى جسمو رياضي وانا بقيت استايل عمري م انسى وقفتو معاي ولليله بحكيها كل يوم لاولادنا💕

قال:
كنت زول غير مسؤول والعمر زي م عارفين ماشي، كنت بشوف كلام ابوي ب انو دا زول فاشل ساي وانا رفعت يدي منو وغيرها من المحطمات💔 لحدي م قابلتها 😔 ولقيت يوم اني بحكي ليها عن استهتاري وحياتي بثقه💕 ما خلتني،، بالعكس وقفت معاي خطوه بخطوه وماتعبت مني وحتى لمن ارجع استهتر ترجعني تاني لحدي م بقيت زول مسؤول وابوي رجع يفتخر بي وقالي الزول الغيرك دا بس جيبو لي وانا بديه القمر 💗ووريتو بيها واتبسط منها شديد وطوالي اتقدمت ليها 💜 ولليله لمن يسألوني سبب نجاحك شنو؟ بقوليهم وراء كل رجل عظيم امرأه💜

قال:
اتفصلت من الشغل بسبب اهمالي، ورجعت البيت والدنيا مسوده ف وشي اول م فتحت لي الباب عرفت اني م طبيعي وانو المخليني بالحاله دي اصلا م شي هين😔💔 وقفت معاي وقفه سند واحتواء، قلت ليها امشي الفتره دي ناس امك لاني م حعرف اصرف عليك 💔 وقفت على حيلها وقالت لي مش قلنا الهم بنشيلو سوا، مع بعض ح نفرح ومع بعض ح نبكي؟ ولا انت بتنسى كلامك؟
بقيت انزل كل يوم افتش لي على اي شغل هايف اطلع منو حق يومنا عشان انا راجل ووعدتها اني عمري م احسسها انها اقل من صحباتا بس خذلتها💔 لحدي م يوم عزمت صحباتا ورجالهم ف البيت، وأثناء وقت الغدا، واحد منهم عنده شركه هندسيه كبيره وقال انو بشكي من انو الفتره دي مديرو استقال وم لاقي زول كفاءه، هي طوالي عاينت لي بعدين قالت ليه طيب حلو رايك شنو ف راجلي اصلا كده كدة الشغل بتاعو م بناسب قدرتو هو لانو انا شايفه انو بستاهل شي عظيم لكن هو مصر يكمل فيها م عارفه ليه؟ قاليها والله كويس وع الاقل زول بعرفو وأمين وانا بثق فيه خلاص تمام م عندي مشكله يشوف هو رايو شنو ومن بكره ممكن يستلم 💕وفعلا اشتغلت معاه وحياتنا فجأه اتغيرت ٣٦٠ درجه، ووقتها اكتشفت انها مع صحبتها كانوا مخططين لي كل شي وزعلت منها قالت لي والله ممكن استحمل اي شي الا اشوفك يوم مكسور حعمل المستحيل 💔 وانا من وقتها بعمل المستحيل عشان ابتسامتها الحلوه تنور بيتنا 💜

قالت:
كان عندي مشكله ف الحفظ غريبه وم بقدر اقرا براي وكل سمستر بشيل ف المواد، ف السمستر الرابع قررت اني اخلي الطب واني م قدرو 💔 مشيت كلمت ناس البيت برغبتي دي م وصلوا معاي لأي ششي وكنت داخله ف حاله نفسنه واكتئاب 💔 بعداك كان لازم اكلمه بقراري قالي الاخت عويره ولابتتعاور اقسم بالله على جثتي 💕 بكره اول طياره كان عندنا ف السودان وجاب اهله طوالي، وناس بيتنا شافوا مدام م نفعت ف القرايه أمكن أنفع ف العرس 😔 واتزوجنا ف خلال شهر بس 😐 عندو اخوه دكتور ف الجامعه خلاهو قصادي بس يجي يقرأ معاي وهو قبل كل شهر من امتحاناتي بجي نازل السودان بقرا معاي لحدي م امتحن وبرجع 💜 ومستواي ماشي يتصلح لحدي مافي السمستر السابع جيت بروف الدفعه 😭😭😭😭 هو كان ف كندا ورسل لي اجي أتم قرايتي جمبو هناك 💜 والليله انا بفضلو احسن دكتوره 💕 و ح نعمل دكتوراه مع بعض 💜 وكان تشجيعو لي قوانيي وغير حياتي كلها 💜

قال :
انا كنت زول بسيط شديد وقروشي على قدر حالي، مره فتحت الاستوديو حقها ولقيت كميه من صور الفساتين والميك اب وقفف الفرح إللي خاتاهم ف ملف براهم وكاتبه ما احب💔حسيت اني ضعيف وم قادر أحقق ليها اي شي هي بتتمناه، تاني يوم طوالي نزلت ومشيت بقيت ادعي انو تتسهل وربنا يفتحا علي حومت الشركات والمكاتب الكبيره فتشت الناس البعرفهم كلهم ف انهم يلقوا لي طريقه اسافر بره، وبعد شهرين من الجري ربنا فرجا ولقيت وظيفه براتب عمري م كنت بحلم بيه 😢💗 ومن وقتها انا يومي براحه بفتح التلفون وبمشي بشتري ليها حاجه من الصور 💜انا بحبها وهي تستاهل، لأنو م توقعتها تصبر على حالتي وتحسسني اني كنت بملك الدنيا في حين اني انا م كنت بملك غيرها هي 😭❤️

طبعا حتكونو عرفتو المغزى شنو 😭 السند الحقيقي يخوانا 😭 المستعد يعمل عشانا اي شي، يغير من نفسو يتعب ويتهزئ عشان بس يرضينا 💕 البساعدنا ف نفسنا وعارف مصلحتنا اكتر مننا💜 البشوف مشاكلنا التافهه حاجات عظيمه وعايزه وقفه 💗 البحسسنا بقيمتنا وعايش عشانا 💕
أختاروا شريك حياتكم بعنايه تامه، المووضوع اكبر من انو عرس واطفال 💕 الموضوع حب، امان، شراكه، سند ملجأ وسكن 💗 ودعم نفسي قبل أي شي 💕
واعيد واكررررر اختارو شريك حياتكم بعناااايه تااامه 😭💕❤️

#لين_نزار

85 viewsRéēm Nîmïr♥, 18:08