#السيرة_النبوية_للأطفال

🌼 الحلقة48 والاخيرة🌼

🌼عارفين يا ولاد إن إحنا إن شاء الله....هنشوف سيدنا محمد يوم القيامة واقف عند الحوض؟
والرسول قال لأصحابه

🌻أيها الناس..موعدي معكم ليس الدنيا، موعدي معكم عند الحوض

🌻الحوض ده مكان هيشرب منه المؤمنين يوم القيامة عشان ما يتبعوش من الحر و العطش

🌼والمؤمنين الطيبين كلهم هيتجمعوا حوالين سيدنا محمد ...

🌻وسيدنا محمد هيكون واقف عنده وجنبه أكواب بعدد كل المسلمين اللي دخلوا الجنة ...فيأخذوا الأكواب وهيشربوا و بعدها مش هيعطشوا ابدا زي ما بنعطش في الدنيا ...

🌼اللهم اسقنا من حوض نبيك - صل الله عليه وسلم - شربة هنيئة لا نظمأ بعدها أبدا ...

🌻لكن يا أولاد هييجي ناس مسلمين عشان يشربوا من الحوض ...

🌼لكن الملايكة هتاخدهم و تبعدهم عن الحوض عشان ما يشربوش ...

🌻سيدنا محمد هيسأل :ليه تبعدوهم دول مسلمين ..

🌼فالملايكة هترد :دول ما سمعوش كلامك وما عملوش سنتك

🌻يعني ناس تقول علي نفسها مسلمين ...و مش راضيين يطيعوا ربنا ولا سيدنا محمد

🌼ولادي حبايبي

🌻سيدنا محمد كان قاعد مع أصحابه المسلمين ....

🌼ق الهم :" وددت أني لقيت إخواني " .
فقال أصحاب النبي – صل الله عليه وسلم– : أوليس نحن إخوانك ؟

🌻قال : " أنتم أصحابي ، ولكن إخواني الذين آمنوا بي ولم يروني "

🌼سيدنا محمد بيتكلم عن ناس مؤمنين صالحين ..

🌻ما شافوش سيدنا محمد ولا شافهم ...
بس بيحبوه و بيحبهم ..

🌼وسمعوا كلامه و أطاعوه و اتبعوه من غير ما يشفوه ...

🌻دول أحباب سيدنا محمد اللي اشتاق لرؤيتهم ...

🌼يا رب اجعلنا من أحباب نبيك .

🌻واجمعنا مع سيدنا محمد و المؤمنين الصالحين في الجنة ...
برحمتك يا رب و فضلك .

🌼اللهم صل علي سيدنا محمد و علي آل محمد

🌻كما صليت علي إبراهيم و علي آل إبراهيم

🌼وبارك علي محمد و علي آل محمد
كما باركت علي إبراهيم و علي آل إبراهيم

🌻تمت السيرة بحمدالله🌻
وهنكمل مع قصص الأنبياء والقرآن الكريم وأمهات المؤمنين إن شاء الله
🌻ودلوقتي تصبحوا على خير يا حلوين

🌻وصل اللهم وسلم على سيدنا محمد
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ @seerawqass
✍🏻 للتواصل @ManarRiad

#سيرة_امهات_المؤمنين

🌙 الحلقة 3 🌙

🌴تابع السيدة عائشة رضي الله عنها

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻الرسول كان متعود انه كل ما يسافر ياخد واحده من زوجاته معاه

🌻و في مره كان واخد السيده عائشة معاه و كانوا قاعدين يستريحوا من السفر و لما لقت السيده عائشة الدنيا فاضيه

🌻قاتله ايه رأيك نتسابق يا رسول الله فعملوا سباق وسبقته

🌻ومره تانيه لما سافروا مع بعض وجم يتسابقوا بس المره دي كانت امنا عائشة تخنط شويه فراح سبقها الرسول و قالها كده إحنا متعادلين أنا غلبتك مرة وإنت غلبتيني مرة هذه بتلك يا عائشة

🌻و لما كان بيدخل و يلاقيها نايمه كان بيمشي على طراطيف صوابعه و يخرج بسرعه علشان متصحاش

🌻و كانت السيده عائشة بتحكي على الرسول و تقول ان الرسول كان خُلقه القرآن عمره ما ضرب ولا اتخانق ولا انتقم من حد

🌻الا لو حد عمل حاجه تغضب ربنا بس يزعل منه

🌻و كان دايماً بيعلمها انها تتحكم في اعصابها و متزعقش في حد

🌻لدرجه ان مره كانت راكبه جمل و قعدت تضرب فيه علشان يمشي فالرسول قالها لازم تعاملي الناس بحنيه حتى الحيوانات لازم يكون في قلبك رحمه عليهم

🌻وفيه موقف خلى السيدة عائشة تزعل لأن واحد من اليهود الوحشين دخل على الرسول وقاله السام عليكم يا أبا القاسم

🌻وطبعاً إحنا عارفين إنها السلام عليكم
فالسلام هو اسم من أسماء الله تعالى، ويراد به الدعاء له بالحفظ والعناية، وأن يسلمه الله من كل شر

🌻لكن كلمة السام معناها يارب تموت

🌻طبعاً السيدة عائشة زعلت إنهم بيدعوا على الرسول بالموت فردت عليهم وقالت وعليكم السام واللعنة

🌻فقال لها الرسول إستني يا عائشة ربنا بيحب الرفق في كل حاجة

🌻فقالت له إنت مش سامعهم يا رسول الله وهما بيدعوا عليك

🌻فقال لها وأنا رديت وقلت لهم وعليكم وطبعا ربنا هيستجيب لدعاء الرسول مش دعاء اليهود الوحشين

🌻وكان الرسول صلَّ الله عليه وسلم دائماً يعلم السيدة عائشة الصح من الغلط وطبعاً السيدة عائشة كانت بتحكي لينا كل حاجة النبي علمها ليها

🌻في يوم من الأيام السيدة صفية بنت حُيي زوجة الرسول كانت ماشية فشاورت عليها السيدة عائشة للرسول علشان عايزة تقول له إنها قصيرة أوي

🌻وطبعا الرسول زعل من السيدة عائشة مع إنه بيحبها لكن مينفعش يسكت على حاجة غلط حتى لو بيحبها

🌻وقال الرسول للسيدة عائشة إنت قلتي كلمة لو دوبناها في مية البحر هتبوظ البحر كله

🌻وطبعاً إحنا كلنا عارفين إن السيدة عائشة كانت بتغيير على الرسول من زوجاته وإحنا حكينا قبل كده موقف غارت فيه من السيدة خديجة وموقف غارت فيه من السيدة سودة مين الشاطر اللي هيقول لينا إيه هما الموقفين دول؟؟

🌻وفي موقف تالت حصل برده يبين إن السيدة عائشة كانت بتغيير على الرسول وتحبه في يوم من الأيام كان عندها الرسول وخرج بالليل ولما رجع لقاها متعصبة ومتغاظة فقال لها ما لك يا عائشة إنت غيرانه فقالت له طبعاً لازم أغير عليك يا رسول الله إنت أحسن راجل في الدنيا كلها فقال لها ده الشيطان هو اللي بيعمل فيكي كده فقالت له هو أنا عندي شيطان قال لها أيوه كل إنسان له شيطان قالت له حتى إنت يا رسول الله قال لها أيوه بس ربنا خلى شيطاني يُسلم

🌻وفي يوم من الأيام زوجة من زوجات الرسول جابتله اكل ولما شافته السيدة عائشة لاقته احلي من الاكل بتاعها فغارت و راحت كسرت الطبق اللي فيه الاكل فراح الرسول لم الاكل اللي اندلق علي الارض وقال لاصحابه اللي كانوا قاعدين معاه "غارت أمكم" وقالها روحي يا عائشة اعملي طبق تاني واكل جديد وابعتيه بدل الطبق اللي كسرتيه

🌻ولسه فيه مواقف كتيرة حصلت مع السيدة عائشة بس دلوقتي جه معاد النوم علشان كده هنكمل بكرة إن شاء الله

🌻تصبحوا على خير يا حلوين

🌻وصل اللهم على سيدنا محمد
🌼🌻🌼🌻🌼🌻🌼
https://www.tg-me.com/seerawqass

#قصص_الأنبياء_للأطفال

🌙الحلقة 6 والأخيرة🌙

🌴تابع سيدنا سليمان عليه السلام

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 عرفنا من قبل قصة سيدنا سليمان مع الخيل عندما انشغل بها عن الصلاة لأنه كان يحب الخيل حبا شديدا

🌻 وقد وصفها الله في القرآن بالصافنات ومعناها انها الخيل التي تقف على ثلاث قوائم فقط وطرف حافر الرابعة وهذه علامة تدل على خفتها وأصلها الكريم وهي من أجود أنواع الخيول وأسرعها

🌻 ولأن سيدنا سليمان انشغل بها عن صلاته حزن حزنا شديدا مع أنه لم يتعمد ترك الصلاة ولكن نسيها وانشغل عنها فذبحها

🌻 وهناك من سأل كيف يذبح نبي الخيل وما ذنبها هي أن تذبح

🌻 ويجب ألا ننسى أنه في زمن سيدنا سليمان كانوا يذبحون الخيل ويأكلونها فسيدنا سليمان ذبحها تقربا إلى الله وليس إنتقاما من الخيل

🌻 والدليل على رضا الله أنه سبحانه أبدله من هو أسرع من الخيل فسخر له الريح العاصفة تجري بأمر منه

🌻 وهناك فريق من العلماء يقولون أنه لم يذبحها وإنما أخذ يمسح على أعناقها بيده ويستغفر الله على فوات الصلاة منه

🌻 والله أعلم أي الفريقين هو الذي على الصواب ولكن في كلتا الحالتين لم يلم الله سيدنا سليمان على هذا الفعل

🌻 والآن ننتقل لموقف آخر حدث في حياة سيدنا سليمان

🌻 وهو أنه كان سيدنا سليمان متزوج من ألف إمرأة ما بين الحرائر والإماء

🌻 وأقسم أنه سوف ينجب من مائة امرأة في هذا اليوم و كل امرأة تلد غلاما يجاهد بالسيف في سبيل الله

🌻و لكن سيدنا سليمان أخطأ و لم يقل إن شاء الله

🌻و طاف سيدنا سليمان على المئة امرأة و لكن كلهن لم يلدن

🌻الا امرأة واحدة فقط ولدت نصف إنسان

🌻و لقد ذكر الله ذلك في القرآن في سورة ص الآيه ٣٤ "و لقد فتنا سليمان وألقينا على كرسيه جسدا ثم أناب"

🌻وكان هذا النصف إنسان ميت وألقاه الله على كرسي سيدنا سليمان وتاب سيدنا سليمان وعلم أن ذلك حدث بسبب عدم تقديمه المشيئة

🌻و لكن الإسرائليات ذكرت هذه القصة بطريقة مختلفه

🌻و قالوا ان الشيطان سرق خاتم سيدنا سليمان وجلس على كرسيه وطرد سيدنا سليمان من ملكه

🌻حتى وجد سيدنا سليمان الخاتم في بطن سمكه

🌻و كان قد أعطاها له خادم عنده بالأجر وكل هذا الكلام غير صحيح

🌻فلا يمكن ان ينصر الله الشيطان على نبي ولا يمكن ان يأخذ مكانه أبدا

🌻و بعد تولي سيدنا سليمان الملك بأربع سنوات

🌻قام بتجديد بناء بيت المقدس بعد أن أمره الله بذلك

🌻وأنفق أموال كثيرة وانتهى من بناءه بعد سبع سنوات

🌻وبنى سور حول مدينه أورشليم التي تسمى مدينه القدس حاليا

🌻وقد أخبرنا الرسول صل الله عليه و سلم ان سيدنا سليمان لما بنى بيت للمقدس

🌻دعا الله ثلاث دعوات سأل الله ان يكون حاكما و قد كان

🌻وسأل الله ملكا لا ينبغي لأحد من بعده فأعطاه الله اياه

🌻وسأله أيما رجل خرج من بيته لا يريد الا الصلاة في المسجد الاقصى يخرج من خطيئته كيوم ولدته أمه

🌻وهذه الدعوة التي لم يستحيب له الله حتى الآن

🌻ولقد عاش سيدنا سليمان حياه كريمه و لكن حان وقت الرحيل

🌻و قد ذكر الله موت سيدنا سليمان في سورة الانبياء ٧٨،٧٩ و سورة سبأ ١٤

🌻 وكما عاش حياه فريدة من نوعها كان موته أيضا فريدا من نوعه

🌻 فلقد كان الجن يعملون لسيدنا سليمان طوال حياته

🌻 وفي يوم من الايام أمرهم بعمل شاق وكان واقفا ومتكأ على عصاه

🌻 ومات وهو واقفا ومتكأ على تلك العصا ولم يعلم الجن بموته فظلوا يعملون لمدة سنه كامله أمامه

🌻 وهو ينظر إليهم ويخافون أن يتوقفوا عن العمل وكانوا يظنون انه يصلي

🌻 فلما جاءت دابه الأرض (الأرضه) وأكلت العصا فسقط سيدنا سليمان على الأرض وأدركواأانه مات منذ زمن بعيد

🌻 ولو كان الجن يعلمون الغيب ما لبسوا يعملون كل هذه الفترة

🌻 وأيقن الناس أن الجن يكذبون عليهم و لو كانوا يعلمون الغيب لعلموا بموت سيدنا سليمان وحتى الأنبياء لا يعلمون الغيب وإنما يطلعهم على بعض الغيبيات

🌻 وبذلك انتهت قصه سيدنا سليمان وغدا إن شاء الله موعدنا مع قصه إلياس عليه السلام

🌻تصبحوا على خير يا حلوين

🌻وصل اللهم على سيدنا محمد
🌻🌼🌻🌼🌻🌼🌻🌼
https://www.tg-me.com/seerawqass

#سيرة_امهات_المؤمنين

🌙 الحلقة 5 🌙

🌴تابع السيدة عائشة رضي الله عنها

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد مقلب العسل حصلت مواقف كتير جدا للسيده عائشة مع الرسول صل الله عليه وسلم

🌻في يوم من الايام الرسول اشتكى لباباها على حاجات ضايقته منها

🌻 و جه ابوها ابو بكر اتخانق معاها علشان هي زعلت الرسول صل الله عليه وسلم و ضربها جامد

🌻فزعل الرسول من ابو بكر و قاله انا مش عايزك تعمل كده.. انا كنت عايزك تتكلم معاها بالعقل

🌻فلما مشي ابو بكر الرسول قعد يهزر مع السيده عائشة و يقولها شفتي انا دافعت عنك ازاي و وقفت بينك و بين باباكي و قعد يضحكها

🌻 و لما رجع ابو بكر لقاهم قاعدين يضحكوا فقال يا رسول الله دخلوني معاكوا و انتوا بتضحكوا زي ما دخلتوني و انتوا بتتخانقوا

🌻وبالرغم من الغيرة الكتير اللي كانت عند السيده عائشة على الرسول و حبها ليه لكن كانت مؤدبه جدا

🌻الرسول قلها انا عارف امتى بتكوني مبسوطة مني و امتى بتكوني زعلانه مني

🌻قاتله و ازاي بتعرف

🌻قالها لما بتكوني مبسوطه مني بتقولي لا و رب محمد و لما بتكوني زعلانه مني بتقولي لا و رب إبراهيم

🌻قالتله عندك حق بس انا مش بعرف اهجر غير اسمك بس يا رسول الله

🌻و كمان السيده عائشة اتعلمت من الرسول الزهد يعني إيه الزهد؟

🌻يعني يبقى عندك كل حاجه و تسيبها بمزاجك لو مثلا عندك فلوس تديها للفقرا كلها من غير ما تسيب لنفسك حاجة منها ولا تشتري بيها حاجة لنفسك

🌻فكانت السيده عائشة بتحكي ان كل لما يجي للرسول فلوس او دهب من الغزوات يوزعها كلها على الناس الفقراء وما يخدش منها حاجة لنفسه

🌻و اي حد يطلب منه اي حاجه يديهاله

🌻و كانت بتحكي ان بيمر عليهم شهر ورا شهر ورا شهر من غير ما يفتحوا النار علشان يطبخوا و كانوا بيعيشوا على التمر و الماء بس

🌻و كل فين و فين لما كانوا ياكلوا لحمه او يشربوا لبن

🌻و السيده عائشة بتقول لما كان الرسول بيحفر الخندق وغزوة الخندق طبعا كلنا فاكرينها كان الرسول رابط على بطنه حجر من كتر الجوع

🌻و في يوم من الايام جت واحده فقيره شايله بناتها الاتين و السيدة عائشة اديتها 3 تمرات راحت الأم أعطت كل واحده من بناتها تمره و جت تاكل الثالثه بناتها كانوا خلصوا التمرة بتاعتهم و شبطوا فيها علشان ياكلوا التمره بتاعتها فراحت قسمتها نصين و اديت كل واحده نص

🌻فالموقف ده عجب السيده عائشة و حكته للرسول و الرسول قالها ان ربنا كتب الجنه للست دي و التمره دي حمتها من النار

🌻و بردو السيده عائشة بتحكي ان كان الرسول بينام على حصير و الحصير ده سجاده معموله من الخوص زي ورق النخلة اللي لونه أخضر و كانت ناشفه اوي

🌻فقلت يا رسول الله لو حطينا حاجة طريه عليها مش هتعلم في جسمك كده

🌻فرد عليها الرسول و قالها احنا مالنا و مال الدنيا انا مجرد راكب فيها قعد شويه تحت شجرة علشان الظل و بعدين مشي و سابها

🌻فاتعلمت السيده عائشه الزهد من ابوها ابو بكر و زوجها الرسول صل الله عليه وسلم

🌻وفي يوم كان عندها ٧٠ألف درهم وزعتهم كلهم على الفقراء والعبايه اللي كانت لبساها كانت مقطوعه بس مكنتش بتشتري حاجه لنفسها و بتوزع كل حاجة على الفقراء

🌻و في يوم من الايام اما الرسول صل الله عليه وسلم مات و مسك الحكم معاويه بعت للسيده عائشة 100 الف درهم فأخدتها و وزعتها كلها على الفقراء

🌻و كان عندها خادمه اسمها بريره فقالتلها بريرة ممكن نشتري بدرهم من دول لحمه ناكلها و نفطر بيها علشان أنت صائمة

🌻فردت عليها السيده عائشة و قالتها لو فكرتيني كنت اشتريت

🌻و في يوم من الايام لما كان النبي مشغول اجتمعت امهات المؤمنين و اتفقوا انهم يروحوا للرسول و يطلبوا منه يزودلهم مصروف البيت

🌻فزعل النبي منهم و سابهم كلهم و كان عنده اوضه و هي اوضه عاليه زي الدور التاني كده

🌻فقعد فيها و سابهم كلهم و فضل كذا يوم قاعد فيها لوحده لغايه ما ربنا نزل سورة الاحزاب الآيتين 28 و 29

🌻و كان ربنا بيقول لأمهات المؤمنين في سورة الأحزاب اختاروا يا اما تفضلوا مع الرسول و تسمعوا كلامه يا اما الرسول يطلقكم و تعيشوا زي ما انتوا عايزين

🌻و طبعا كلهم اختاروا الله و رسوله و الدار الآخرة

🌻و لسه في حاجات تانية كتير هنحكي عليها حصلت مع السيده عائشة بس دلوقتي جه معاد النوم

🌻تصبحوا على خير يا حلوين

🌻وصل اللهم على سيدنا محمد
🌼🌻🌼🌻🌼🌻🌼
https://www.tg-me.com/seerawqass

#قصص_الأنبياء_للأطفال

🌴 سيدنا إلياس واليسع عليهما السلام

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 كان هناك نبي كريم من انبياء الله عز و جل اسمه إلياس و هو أحد أنبياء بني إسرائيل

🌻و هو إلياس بن ياسين من نسل سيدنا هارون أخو سيدنا موسى عليهما السلام

🌻 أرسله الله نبيا الى أهل مدينه اسمها بعلبك و كان أهل هذه المدينه يعبدون صنما اسمه بعل

🌻و بدأ سيدنا إلياس يدعوهم الى التوحيد و ترك عباده هذا الصنم الذي يسمى بعل فقد ذكر الله ذلك في صورة الصافات من الآيه 123 الى 132

🌻وكان سيدنا إلياس يحاول إقناعهم بشتى الطرق فيقول لهم كيف تعبدون هذا الصنم الذي لا ينفع و لا يضر و لا يسمع و لا يبصر و لا يتكلم و لا يستجيب لكم الدعاء و تتركون عباده الخالق العظيم

🌻 و لكن قومه كفروا كالعاده وأصروا على كفرهم وعنادهم و كان يدعوهم و يذكرهم ان هذا الدين ليس دينا جديدا و إنما هو دين ابائهم و اجدادهم

🌻ولكن قومه أصروا على الكفر و رقضوا ترك عباده أصنامهم و قرروا قتل سيدنا إلياس عندما شاهدوا اصراره على الدعوة الى الله

🌻فهرب منهم و اختبأ في كهف في الجبل و يقال ان الغربان كانت تحمل اليه طعاما حتى لا يموت جوعا

🌻و لقد توعدهم الله بالعذاب في الدنيا و الآخره و قال فكذبوه فإنهم لمحضرون و لكن الله استثني منهم من آمن مع الياس فقال الا عباد الله المخلصين

🌻و قد مدح الله نبيه إلياس عليه السلام في قوله تعالى "سلام على إل ياسين إنا كذلك نجزي المحسنين إنه من عبادنا المؤمنين"

🌻و لقد أعد الله سبحانه و تعالى ثوابا في الدنيا و هو ان الناس ستذكره دائما بالخير و هم يقرؤون القرآن اما في الآخره فهو في أعلى مكان مع الرسل و الانبياء

🌻و الذكر الحسن بين الناس يكون ناتج عن حب الله سبحانه و تعالى للعبد المؤمن فيجعل الناس تذكره دائما بالخير

🌻و لم يأتنا عن سيدنا إلياس غير هذا ولكننا تعلمنا منه ان المؤمن دائما مشغول بدعوة الناس و ان المؤمن يغار إذا وجد إنسان يعبد غير الله

🌻و تعلمنا ان المؤمن لابد ان ينشغل دائما بدعوة الناس في كل وقت و حين و تعلمنا ان أعداء الدين يحاولون إيذاء الدعاه بالقتل و التعذيب

🌻و لكن الله سبحانه و تعالى يحمي الانبياء و الدعاه و العلماء من كيد اعدائهم

🌻وننتقل الى قصه نبي آخر من أنبياء الله و اسمه اليسع عليه السلام و قد اتاه الله النبوة بعد الياس عليه السلام

🌻و قد ذكره في سورة الانعام الآيه 86 و قد قام نبي الله اليسع بدعوة الناس بعد موت إلياس عليه السلام

🌻و كان في زمانه قد كثر الملوك الجبابرة الذين يقتلون الأنبياء و يشردون المؤمنين و كان سيدنا اليسع يعظهم و يخوفهم من عذاب الله و لكنهم لم يستجيبوا له

🌻و استمر قومه في التعذيب و الأهانه حتى مات نبي الله اليسع فسلط الله على بني إسرائيل من يسومهم سوء العذاب جزاء على ما فعلوه

🌻و لقد اثنى الله عز و جل على نبي الله اليسع فقال في سورة ص الآيه 48 "و اذكر إسماعيل و اليسع و ذا الكفل و كل من الأخيار"

🌻و هذا يعلمنا انه لا يخلوا زمان من نبي يدعو الناس و يدلهم على طريق الجنه ليفوزوا في دنياهم و آخرتهم

🌻و انه لما كان نبينا محمد صل الله عليه و سلم هو خاتم الانبياء و ليس هناك نبي بعده جعل الله علماء هذه الأمه هم ورثه الأنبياء الذين بيلغون شرع الله و سنه رسوله الى جميع الناس

🌻و غدا إن شاء الله مع قصه سيدنا زكريا و يحيا عليهما السلام

🌻تصبحوا على خير يا حلوين

🌻وصل اللهم على سيدنا محمد
🌻🌼🌻🌼🌻🌼🌻🌼
https://www.tg-me.com/seerawqass

#سيرة_امهات_المؤمنين

🌙 الحلقة 6 🌙

🌴تابع السيدة عائشة رضي الله عنها

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 أمنا عائشة كانوا بيسموها الصائمه العابده علشان هي كانت دايما تصوم السنه كلها ومتفطرش غير في عيد الفطر وعيد الأضحى وده بعد لما الرسول مات

🌻وكمان كانت بتصلي قيام الليل وممكن تفضل في آيه واحده طول الليل تقعد تدعي وتعيط

🌻 وكانت دايما بتحاول تتقرب من ربنا سبحانه وتعالى بأي طريقه

🌻وفي يوم من الايام راحت للرسول وقالت له انا عايزة أروح معاك للجهاد

🌻لأنها كانت سمعت ان الجهاد ده حاجه ربنا بيحبها اوي وليها ثواب كبير

🌻 فرد عليها الرسول وقالها جهاد الستات بيكون في الحج

🌻لكن السيده عائشة فضلت مُصره إنها تخرج مع الرسول في الغزوات وفعلا خرجت في غزوة أحد مع الرسول ومع نساء الصحابه وكانوا بيوزعوا ميه للجرحى و بيعالجوهم و في بعض النساء زي ام عماره وصفيه بنت عبد المطلب كانوا بيشاركوا أصلا في القتال

🌻وفضلت السيده عائشة تساعد الرسول وتعبد ربنا الإسلام انتشر أكتر وأكتر

🌻لكن كان في عدو تاني غير الكفار واليهود عايز يأذي الرسول ويقضي على الإسلام والمسلمين

🌻الاعداء دول اسمهم المنافقين ومنهم واحد اسمه عبدالله بن أُبَي بن سلول كان بيحاول هو وباقي المنافقين يعملوا خطط ويساعدوا الكفار واليهود علشان يموتوا المسلمين

🌻المنافقين دول لما عرفوا ان السيده عائشة هي اكتر واحده من زوجات الرسول هو بيحبها عملوا خطه خبيثه علشان يقولوا على السيده عائشة انها ست وحشه

🌻والكلام ده حصل بعد ما خرجت السيده عائشة مع الرسول في غزوة من الغزوات اسمها بني المصطلق

🌻وهما راجعين من الغزوة كان الجيش بيرتاح في الصحراء علشان ياكلوا ويشربوا و يريحوا الجمال والأحصنة

🌻و بعد ما الجيش استريح طلعوا علشان يركبوا الخيول بتاعتهم و الجمال والستات بيركبوا حاجة اسمها الهودج

🌻و ده بيكون صندوق فوق الجمل الستات بيركبوا جواه

🌻وبعد ما ركبت السيده عائشة الهودج بتاعها لقت العقد بتاعها مش موجود راحت نازله تدور عليه

🌻ولأن السيده عائشة كانت رفيعه فمحدش حس إنها نزلت من الهودج وراحوا خلوا الجمل بتاعها يقوم من الارض علشان يتحركوا و كانوا فاكرين ان السيده عائشة فيه

🌻ومشي الجيش و سابوا السيده عائشة في الصحراء لوحدها

🌻فلما رجعت السيده عائشه لمكان الهودج ملقيتش الجمل وعرفت إن الجيش مشي وسابها

🌻فقعدت في المكان اللي كان قاعد فيه الجيش وقالت أكيد لما يكتشفوا إني مش جوه الهودج هيرجعوا ياخدوني

🌻وبالصدفه جه واحد من الصحابه اسمه صفوان بن المعطل السلمي ولقى السيده عائشة قاعده على الأرض

🌻فخلاها تركب على الجمل بتاعه وهو مسك الجمل ووصلها على بيتها في المدينه

🌻المنافقين طبعا اللي في المدينه شافوا السيده عائشة و هي راكبه على جمل سيدنا صفوان و هو ماشي على الارض و شادد الجمل

🌻فقعدوا يقولوا كلام وحش على السيده عائشة

🌻و للأسف في ناس مسلمين هما كمان اتكلموا على الموضوع ده زي مسطح بن اثاثه و حسان بن ثابت و حمنه بنت جحش

🌻وفضل الموضوع ده لمده شهر و انتشر الكلام في المدينه و بدأت الإشاعات تكتر

🌻وطبعا كان اللي بيعمل الموضوع ده من أوله لآخره هو المنافق عبد الله بن أبي بن سلول

🌻وطبعا النبي كان زعلان جدا لكن كان دايما بيدافع عن السيده عائشة و يقول على كلامهم إنه كله غلط

🌻وتعبت السيده عائشة و مرضت مرض جامد و استأذنت الرسول إنها تقعد في بيت أبوها علشان ياخدوا بالهم منها

🌻وبعد شهر من الموضوع ده ربنا أنزل سورة النور من الايه 11 إلى الآية 20 و نزلت في الآيات دي براءة السيده عائشة ام المؤمنين من الكلام الوحش اللي كانوا بيقولوه

🌻وكان المنافقين عايزين يؤذوا النبي والسيده عائشة و المسلمين لكن ربنا خيب ظنهم و بالعكس ده موقف خلى ناس تدخل الإسلام لأن الناس الكفار اللي كانت بتقول ان الرسول هو اللي كاتب القرآن تأكدوا إن الكلام ده غلط

🌻علشان لو الرسول هو اللي كان بيكتب القرآن زي ما بيقولوا كان نزل الآيات دي من أول يوم حصل فيه الموقف ده ومكنتش الناس قعدت تتكلم كلام وحش عن السيدة عائشة

🌻و كمان ربنا علمنا حاجات كتيرة من الحادثه دي و من الحاجات دي ان احنا منتهمش حد ولا نتكلم عن حد وحش

🌻وكمان الموقف اللي حصل مع أبو السيده عائشة أبو بكر هو كان بيدي فلوس لمصطح بن اثاثه اللي كان من الناس اللي اتكلموا على السيده عائشة كان بيعطي له مصروف علشان هو فقير و من أقرباؤه

🌻فلما حصل الموقف ده سيدنا أبو بكر قرر إنه مش هيساعد مصطح تاني علشان هو قال عن بنته عائشة كلام وحش

🌻لكن ربنا نزل في سورة النور الآيه 22 علشان يقول لأبو بكر لو تحب إن ربنا يغفر لك ذنوبك متقطعش الصدقه اللي كنت بتديها لمسطح أو أي حد لأنك بت تعامل مع ربنا مش مع الناس
وحتى لو كانت الناس وحشة عاملوهم إنتوا كويس علشان ربنا يحبكم ويغفر لكم

🌻وسيدنا ابوبكر قال بعد ما نزلت الايه دي بلى و الله إني أحب أن يغفر الله لي و رجع تاني يعطي لمسطح المصروف اللي بيعطيه له

🌻و اتعملنا كمان ان ممكن تحصلنا مشكله و نبقى زعلانين و مضايقين منها لكن ربنا بيكون عايز يعملنا حاجه منها

🌻فلازم نصبر ونفكر كويس قبل ما نتكلم ونتصرف

🌻ودلوقتي تصبحوا على خير يا حلوين ونكمل بكرة إن شاء الله

🌻وصل اللهم على سيدنا محمد
🌼🌻🌼🌻🌼🌻🌼
https://www.tg-me.com/seerawqass

#قصص_الأنبياء_للأطفال

🌴 سيدنا زكريا ويحيا عليهما السلام

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 كان في بني إسرائيل في قديم الزمان نبي كريم اسمه زكريا عليه السلام

🌻و كان يعيش وحده مع زوجته في فلسطين

🌻 و لم يكن عندهما أطفال رغم أن سنهما كبير

🌻ومع ذلك لم ييأس سيدنا زكريا من رحمة الله جل وعلا بل كان يدعو دائما ان يرزقه الله الولد و كان عنده ثقه و يقين في الله

🌻و كان زكريا عليه السلام يعمل نجار ويأكل من كسب يده كما كان يعمل جده داوود عليهما السلام

🌻 وكان في نفس المكان و الزمان الذي يعيش فيه سيدنا زكريا عليه السلام كان هناك عالم جليل يصلي بالناس اسمه عمران ويعلمهم الخير

🌻وكانت زوجه عمران لا تلد وكانت تدعو الله أن يرزقها الولد

🌻وفي يوم و هي تمشي في الحديقه وجدت طائر يطعم ابنه الصغير و يسقيه و يأخذه تحت جناحه من البرد

🌻فأحست في هذه اللحظه بالحنين الى الولد فبكت ودعت الله عز و جل ان يرزقها ولد صالح

🌻وقالت يا رب إن رزقتني ولد سوف اجعله خادم لبيت المقدس و هذا نذر مني بذلك ~ال عمران 35

🌻فاستجاب الله لها وحملت وامتلأ قلبها بالسعاده و نذرت ما في بطنها محررا لعباده الله و خدمة بيت الله

🌻ومرت الأيام و مات زوجها عمران العالم الجليل وترك زوجته و هي حامل

🌻وعندما جاء موعد الولاده تمنت ان يكون المولود ذكرا حتى يخدم بيت المقدس لأن الإناث لا تخدم بيت المقدس في ذلك الزمان

🌻وكانت المفاجأة التي أدخلت الحزن على قلبها أن المولودة كانت أنثى

🌻فحزنت حزنا شديدا وجلست تفكر كيف ستفي بنذرها وتجعل هذه البنت تخدم بيت المقدس

🌻وفي النهايه قررت أن تفي بنذرها وقالت ربي إني وضعتها أنثى والله اعلم بما وضعت وليس الذكر كالأنثى وإني سميتها مريم

🌻وطلبت من الله ان يعصم ابنتها من كيد الشيطان هي وذريتها ~ال عمران 36-37

🌻وقد اخبرنا الرسول صل الله عليه وسلم ان أي مولود يولد لابد ان ينخثه الشيطان فيصرخ الطفل

🌻وعندما وجد العلماء والشيوخ ان امرأة عمران وحيده بعد ان مات زوجها

🌻أرادوا ان يكفلوا مريم و كل واحد منهم كان عنده حرص ان يكفلها بنفسه لأن ابوها شيخهم و عالمهم

🌻فقام زكريا عليه السلام وقال انا اكفلها لأنها قريبتي فزوجتي خالتها وأنا نبي هذه الأمه فأنا أولى الناس بها

🌻واختلف العلماء و الشيوخ و كان كل واحد منهم يريد كفالة مريم

🌻وفي النهايه اتفقوا جميعا على إجراء القرعه بينهم ومن تقع عليه القرعه هو الذي يكفلها و يربيها حتى تكبر وتخدم بيت المقدس وتتفرغ لعباده الله

🌻وتمت القرعه وذلك بعد ان جاءوا بمريم ووضعوها وهي مولوده صغيره على الأرض

🌻ووضعوا حولها أقلام وجاءوا بطفل ليختار قلم من الاقلام فأختار قلم سيدنا زكريا

🌻فأعترض العلماء والشيوخ وقالوا نريد ان نعيد القرعه مرة أخرى

🌻فوافق نبي الله زكريا على ذلك وقاموا بأجراء القرعه الثانيه بعد أن حفر كل واحد منهم اسمه على القلم الخشبي

🌻وقالوا نلقى أقلامنا في النهر وقالوا من سار قلمه ضد التيار هو الذي سيكفل مريم ~ال عمران 44

🌻فألقوا أقلامهم في النهر فسارت كل الأقلام مع التيار ماعدا قلم سيدنا زكريا سار ضد التيار

🌻ومع ذلك لم يوافقوا وطلبوا عمل القرعة مرة ثالثة وأخيرة فقالوا سنلقي أقلامنا في النهر

🌻ومن سار قلمه مع التيار هو الذي سيكفل مريم وألقوا الأقلام

🌻وكل الأقلام سارت ضد التيار ماعدا قلم سيدنا زكريا سار مع التيار

🌻وهنا فقط وافقوا ان يعطوا مريم لسيدنا زكريا وأخذها سيدنا زكريا ليربيها و يعلمها ويكفلها

🌻وأخذ يعلمها العلم النافع والعمل الصالح و أصبح بعد ذلك لها مكان خاص في المسجد يسمى المحراب وأخذت العباده كل وقتها و كانت بديلا للطفل الذي لم يرزق به سيدنا زكريا

🌻وغدا إن شاء الله سنكمل قصه سيدنا زكريا مع مريم و الكرامات التي اعطاها لها الله

🌻تصبحوا على خير يا حلوين

🌻وصل اللهم على سيدنا محمد
🌻🌼🌻🌼🌻🌼🌻🌼
https://www.tg-me.com/seerawqass