#السيرة_النبوية_للأطفال

🌙 الحلقة 34🌙

🌛من سيرة الرسول للأطفال🌜

🌛غزوة مؤتة🌜

🌻كان ياما كان و ما يحلي الكلام
إلا بذكر النبي عليه الصلاة و السلاااااام

🌼ولادي الحلوين المتميزين .... سامعة صوتكم الجميل
و انتم بتقولوا :
عليه الصلاة والسلااااااااااام

🌻زي مانتوا عارفين يا ولادي

🌼سيدنا محمد عليه الصلاة و السلام ...ربنا اختاره ...

🌻عشان يكون هو النبي اللي يعلم الناس كل الخير و كل الأعمال الطيبه ...
🌼ويعرفهم دين ربنا ....و يعرفهم إزاي يعبدوا ربنا ويطيعوه.... عشان الدنيا تتملي خير وعدل و أمان ...

🌼في يوم من الأيام سيدنا محمد أختار واحد من المسلمين المؤمنين ... اسمه "الحارث بن عمير " ...

🌻اختاره عشان يبعته للروم ...مين هم الروم ؟؟؟
🌼الروم هم بلد كده زي أوروبا وأمريكا دلوقتي ..... بلد قوية جدا ... و مملكة كبيرة جدا جدا ...

🌻سيدنا محمد بعت "الحارث" للروم عشان يوصلهم رسالة ...
🌼رساله تفهمهم إن فيه دين اسمه الإسلام ...دين رحمة و عدل و خير ...
🌻دين بنحب فيه ربنا و بنتعلم كل الأعمال الطيبة و الأخلاق الجميلة .


🌻"الحارث" أخد الرسالة من سيدنا محمد عليه الصلاة و السلام ...
🌼و سافر بيها للروم ... و أول لما وصل
🌻 عند بلد اسمها "مؤتة " ..
قابل هناااك راجل ....اسمه "شرحبيل "

🌼و"شرحبيل " كان راجل كافر ....
" شرحبيل" سأل "الحارث" :أنت جاي ليه و عايز ايه ؟؟
🌻"الحارث" قاله : أنا معايا رسالة من سيدنا محمد عليه الصلاة و السلام ...

🌼وجاي عشان أديها للملك ... ملك الروم ...

🌻"شرحبيل " الكافر قاله : آاااااه انت بقه جاي برسالة من محمد عشان تعلموا الناس الإسلاااام ؟؟ أنا هقبض عليك وهموتك ..


🌼"شرحبيل " الكافر نده الكفار اللي في بلده و مسكوا "الحارث" و قتلوه ....
ياااااااه ... ايه الشر و القسوة و الوحشية دي ....

🌻بس استنوا يا أولاد ... ده دم المسلم غاااالي اوي ...

🌼و ما ينفعش أبدا المسلمين يسيبوا حق أخوهم ....

🌻ده الكفار قتلوه بقصد ....
ومن غير ذنب و مكنش رايح يحاربهم ..

🌼رايح بس و معاه رساله من سيدنا محمد عشان يوصلها للروم

🌻يعني مسالم و معهوش أي سلاح يدافع بيه عن نفسه ...

🌼كل المسلمين عارفين إنهم زي الجسم الواحد ...

🌻ما ينفعش حته من الجسم ده تتأذي ...
من غير ما الجسم كله يتوجع و يتأثر

🌼سيدنا محمد عليه الصلاة والسلام عرف الخبر ...

🌻عرف إن الروم قتلوا "الحارث" المسلم بدون ذنب .

🌼وكمان المسلمين عرفوا ....
مستحيل يسكتوا ...

🌻لازم نتحرك فورا ... لازم نرجع حقه ....
ولازم الكل يعرف إن المسلم دمه غالي علي أخواته ...

🌼وماحدش هيرضي من المسلمين إن واحد منهم يتأذي و يسكتوا من غير ما يرجعوا حقه ...

🌻لازم نخلي الروم يحرموا يعملوا شرورهم مع المسلمين

🌼و لازم يعرف الروم إن أي إجرام أو شر في حق مسلم مسالم مش هيعدي بسلام ...

🌻سيدنا محمد و المسلمين حزنوا عشان أخوهم " الحارث "
و جهزوا جيش ...

🌼جيش كله جنود مسلمين مؤمنين شجعان .... عشان يخوفوا بيه الروم و يأدبوهم ...

🌻و يعرفوهم إن قتل المسلم مش هيعدي من غير حساب عسير .


🌼بس سيدنا محمد عمل حاجة مهمة ...سيدنا محمد اختار 3 ... 3 مسلمين شجعان و أقويا و قلوبهم بتحب ربنا و بتحب سيدنا محمد ..وقالهم إيه؟

🌻قالهم إن ...
"زيد بن حارثة " أول واحد منكم هيكون قائد الجيش ..و لوقتله الروم الكفار و بقي شهيد في الجنة ...

🌼تاني واحد هيبقي قائد الجيش هو"جعفر بن ابي طالب " ...و لو قتله الكفار و بقي شهيد في الجنة ...

🌻تالت واحد هيكون قائد الجيش هو "عبد الله ابن رواحة " ...و لو قتله الكفار و بقي شهيد في الجنة ....

🌼ساعتها يتجمع جيش المسلمين يتفقوا علي واحد رابع يختاروه و يبقي هو قائد الجيش ....

🌻ال3 المسلمين الأبطال فهموا كلام سيدنا محمد

وأول قائد فيهم "زيد بن حارثة " اتحرك من المدينة بالجيش ...جيش المسلمين كان فيه 3000 جندي...وفضلوا ماشيين عشان يوصلوا للروم ....

🌼بس ملك الروم كان مجهز أكبر جيش ممكن ...

🌻جيش متكون من 200 ألف جندي ....ياااااااااه دول أكتر من المسلمين بكتيييييييير...

🌻و كمان جمعوا كل الكفار و الأشرار اللي عايشين جنب الروم ... جيش ضخم جدا ....جدا ...

🌼المسلمين شافوا من بعيد العدد الضخم الرهيب بتاع جيش الكفار ... جيش عدده كبير زي موج البحر

🌻فوقفوا يفكروا ... يا تري نعمل إيه ؟ ... طب نبعت واحد مننا لسيدنا محمد و نقوله يبعتلنا جنود أكتر ؟؟ و أسلحة أكتر ؟؟؟

🌼بكرة إن شاء الله هنشوف عملوا ايه المسلمين في المشكلة دي

🌼اللهم صل علي سيدنا محمد

🌼 تصبحوا على خير يا حلوين
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة 18🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبيﷺ

🌼اللهم صل علي سيدنا مُحَمَّد

🌻وفضلت قريش والكفار اللي فيها يفكروا كل شوية في فكرة جديده يضايقوا بيها الرسول و المسلمين

🌻فاتفقوا مع بعضهم ان هم يقاطعوا المسلمين و ميتجوزوش حد منهم

🌻و لا يبيعوا لهم أكل ولا شرب ولا يشتروا منهم حاجه

🌻و اتحبس الرسول و السيدة خديجه و بناتهم و المسلمين في منطقة اسمها شِعْب ابي طالب 3 سنوات

🌻لدرجه ان هما كانوا بياكلوا ورق الشجر

🌻وشفايفهم كلها نشفت و اول ما تيجي قافله إلى مكه و يروحوا المسلمين يشتروا منهم حاجات

🌻يمنعهم ابو لهب انهم يبيعوا لهم و علقوا ورقه على الكعبه علشان اي حد يدخل مكه يقرأ الورقه دي و ميبعش حاجه للرسول و لا أصحابه

🌻و لو حد باعلهم حاجه من ورا الكفار يباعهالهم بأضعاف الاسعار

🌻و بعد ما مرت الثلاث سنين أهل سيدنا محمد الطيبين زي عمته صفيه و غيرها وقفوا قدام قريش

🌻و بقوا كل فتره كانوا يبعتولهم اكل في السر

🌻 و اجتمع هشام بن عمرو بن ربيعه مع مطعم بن عدي و شويه ناس تانين و قالوا احنا لازم نوقف المقاطعه دي علشان كده حرام مينفعش نعمل كده في اهلنا ده حتى العرب هيعيرونا اننا عملنا كده فيهم

🌻لكن الرسول في نفس الوقت ده قال للمسلمين ان ربنا خلى حشره اسمها الارضه اكلت الورقه اللي متعلقه على الكعبه

🌻ما عدا كلمه بأسمك اللهم مكلتهاش

🌻و انتهى الحصار و الحبس بتاع المسلمين لكن السيده خديجه كانت تعبت اوي من قله الاكل

🌻و نزل سيدنا جبريل على سيدنا محمد و كان في الوقت ده قاعد مع السيده خديجه

🌻و قاله إن الله يقرىء خديجه السلام فردت خديجه إن الله هو السلام و عليك السلام و رحمه الله و بركاته

🌻و في نفس السنه دي اللي هي كانت سنه 10 من النبوة بعد ما خرجوا من شعب ابي طالب بست شهور حصلت حاجه زعلت الرسول صل الله عليه وسلم

🌻عمه ابو طالب مات و هو اللي كان بيدافع عنه و ينصره و الرسول مزعلش بس علشان هو مات ده زعل علشان مات و هو كافر و مرضاش يسمع كلام الرسول و يسلم و فضل يتحايل عليه الرسول قبل ما يموت ويقول له هي كلمه أشهد لك بها عند الله لكن أبو جهل عم الرسول قعد يقولوا أوعى تقولها العرب كلها هتعيب عليك و هتسخر منك

🌻 فرفض أبو طالب إنه يقولها فقاله الرسول خلاص انا هستغفر لك ربنا علشان يسامحك يا عمي

🌻 لكن ربنا سبحانه و تعالى نزل الآيه في سوره التوبه اللي بتقول
مَا كَانَ لِلنَّبِيِّ وَالَّذِينَ آمَنُوا أَن يَسْتَغْفِرُوا لِلْمُشْرِكِينَ وَلَوْ كَانُوا أُولِي قُرْبَىٰ مِن بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ (113)

🌻و كمان ربنا نزل آيه تانيه بتقول
{إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ }القصص56

🌻و جاله عمه العباس بن عبد المطلب و قاله مش عمك ده اللي كان بيدافع عنك إزاي بتقول إنه هيدخل النار

🌻فرد عليه الرسول و قاله هو في ضحضاح من نار ولولا أنا لكان في الدرك الأسفل من النار يعني إيه الكلام ده؟؟

🌻يعني لابس جزمه في رجله و الجزمه دي مولعه نار ده علشان هو كان بيساعد الرسول لكن الكفار بيتعذبوا بكل جسمهم في النار

🌻ولما مات أبو طالب زاد أذى قريش للنبي لأن أبو طالب هو اللي كان بيدافع عنه لدرجه إن الكفار كانوا بياخدوا التراب و يرموه على راس النبي

🌻و حاجات تانيه كتير كانت بتزعل النبي و أهله

🌻و سموا السنه دي بعام الحزن علشان مش بس عمه أبو طالب هو اللي مات دي كمان زوجته خديجه ماتت في شهر رمضان

🌻و كان عندها 65 سنه يعني الرسول كان عنده 50 سنه

🌻و قال الرسول عنها كَمُلَ من الرجال كثير و لم يكمل من النساء إلا آسيه إمرأة فرعون و مريم إبنه عمران و خديجه بنت خويلد

🌻يعني الرسول بيقول إنها إنسانه كاملة وأخلاقها حلوة وكل الناس بتحبها وكمان ربنا بيحبها

🌻ولو فكرنا في الثلاث نساء دول اللي الرسول قال عليهم هنلاقي إن كل واحدة فيهم كانت واقفه جنب نبي وصدقته و ساعدته و آمنت بيه

🌻فآسيا كانت واقفه جنب سيدنا موسى و مريم كانت مع سيدنا عيسى و خديجه كانت مع سيدنا محمد

🌻و من الحاجات اللي لازم نعرفها إن النبي متجوزش حد قبل السيده خديجه خالص و لحد ما ماتت برده متجوزش حد غيرها و زعل عليها النبي جداً

🌻ودلوقتي جه معاد النوم وبكرة إن شاء الله هنعرف اكتر ازاي كان الرسول بيحب أمنا خديجة وبيفكر فيها على طول

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🌴سيدنا داوود عليه السلام🌴

🪴الحلقة 1 🪴

🌻كان ياما كان و مايحلي الكلام
إلا بذكر النبيﷺ ..

🌼اللهم صل علي سيدنا مُحَمَّد

🌻 اصطفى الله طالوت ملكا على بني إسرائيل و كون جيشا

🌻و سار به لمحاربة العدو لمسافات طويلة حتى جاع الجيش و عطش

🌻 وأراد طالوت إختبار قوة الجيش على التحمل

🌻عندما مروا بنهر الشريعة الواقع بين الأردن و فلسطين

🌻فقال لهم من يشرب من النهر حتى يرتوي لن يقاتل ويجاهد معي

🌻 ومن أخذ شربه يسيرة ليبل ريقه فقط سوف يقاتل معي في المعركة

🌻وللأسف شرب معظم الجنود من النهر و خرجوا من الجيش

🌻ولم يبق مع طالوت الا القليل من الجنود و كان عددهم 80 الف

🌻فشربوا جميعا و لم يبق منهم الا 113 رجل و هؤلاء هم كانوا الصابرين الشجعان

🌻ولكن كان جيش العدو كبيرا فأحسوا انهم اضعف بكثير من جالوت و جنوده

🌻فقالوا لطالوت لا طاقه لنا اليوم بجالوت و جنوده

🌻ولكنهم كانوا أقوياء و صابرين وقالوا كم من فئة قليلة غلبت فئة كثيرة بإذن الله والله مع الصابرين وهذا حال المؤمن الذي عنده يقين في الله

🌻وإلتقى الجيشان ودعوا الله وقالوا ربنا أفرغ علينا صبرا وثبت أقدامنا وانصرنا على القوم الكافرين

🌻وقال جالوت الملك الظالم هل من رجل يخرج الي هنا لأقاتله


🌻فخرج من جيش طالوت غلام صغير كان يرعى الغنم اسمه داوود

🌻وكان يعلم ان القوة الحقيقية هي قوة اليقين و الثقة في الله

🌻وكان طالوت الملك المؤمن قد وعد أفراد الجيش أنه من يستطيع ان يقتل جالوت سوف يجعله قائدا للجيش ويزوجه ابنته

🌻وأخذ داوود عصاه و 5 أحجار وشيء يشبه الرمي بالسهم يسمى النبلة

🌻وضحك جالوت وسخر من داوود وأهانه ولكن داوود لم يتأثر

🌻وأخذ حجرا وأطلقه على جالوت بنبلته فأصاب جالوت وقتله

🌻وكانت مفاجأة مذهله للجيشين لأن حجر صغير قتل رجل ضخم يلبس الدرع و معه اكثر من نوع للسلاح ولكن الله على كل شيء قدير

🌻وبعد قتل جالوت بدأت المعركة وانتصر جيش طالوت على جيش جالوت

🌻وأصبح داوود ملكا على بني إسرائيل كما وعده طالوت وتزوج ابنته

🌻وبذلك جمع الله له بين قوة الملك و النبوة فأصبح ملكا نبيا

🌻كان داوود عليه السلام جميل الخلق و الخُلق و له قلب طاهر نقي

🌻و قد أنزل الله عليه كتابا وهو الزبور وكان داوود كثير الذكر والتسبيح العبادة والصلاة

🌻وكان ورعا تقيا وكان يقسم على أهله وأبنائه و نساءه الصلاة

🌻فكانت لا تأتي عليهم ساعه من الليل ولا النهار الا و إنسان من ال داوود قائم يصلي

🌻وكان يقوم الليل كله ويصوم نصف العام اي يصوم يوم و يفطر يوم كما اخبرنا الرسول صل الله عليه و سلم

🌻وأنعم الله سبحانه وتعالى على داوود بصوت جميل فكان الكون كله يسبح معه عندما يقرأ في الزبور مثل الجبال و الطيور و غيرهم ~الأنبياء 79 و سبأ10

🌻وغدا إن شاء الله سوف نكمل قصة سيدنا داوود مع ابنه سيدنا سليمان والكثير من تفسير قصص القرآن التي كنا لا ننتبه إليها

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌻🌼🌻🌼🌻🌼🌻
https://www.tg-me.com/seerawqass

#تدبر

╰🌸🍃╮

🔵أرجو عدم السرعة في القراءة
اقراؤوها بكل تأنٍ وتأمل:

أوصى الله عيسى عليه السلام
بالصلاة وهو في المهد صبيًا.
لكم أن تتخيلوا وليدًا في مهده
يقول: (وأوصاني بالصلاة)

" إنها الصلاة "
🌼🪴🌼🪴🌼

يترك إبراهيمُ عليه السلام أهله
في صحراء قاحلة،ثم يقول:
"ربنا إني أسكنت من ذريتي
بواد غير ذي زرع عند بيتك المحرم
ربنا ليقيموا الصلاة"

"إنها الصلاة "
🌼🪴🌼🪴🌼

يأتي موسى عليه السلام لموعدٍ
لا تتخيل العقولُ عظمته،
فيتلقى أعظمَ أمرين:
"إنني أنا الله لا إله إلا أنا فـاعبدني..
وأقم (الصلاة) لذكري"

"إنها الصلاة "
🌼🪴🌼🪴🌼

ما أجلَّ هذا الوحي!
"وأوحينا إلى موسى وأخيه
أن تبوَّءا لقومكما بمصر بيوتًا
واجعلوا بيوتكم قبلةً
وأقيموا الصلاة"!

"إنها الصلاة "
🌼🪴🌼🪴🌼

سليمان عليه السلام
يضربُ أعناقَ خيله وسوقَها؛
لأنها أشغلته عن صلاة العصر
"حتى توارت بالحجاب"!
بالله عليك!
ما حالي وحالك عند فوات الصلاة؟!

"إنها الصلاة "
🌼🪴🌼🪴🌼

أين جاءت بشرى الولد لزكريا عليه السلام
بعد أن بلغ من الكبر عتيّا؟!
"فنادته الملائكة وهو قائمٌ
(يصلي) في المحراب"
قائمٌ يصلي!

"إنها الصلاة "
🌼🪴🌼🪴🌼

يُشغل الكفارُ رسول الله ﷺ
عن صلاة العصر؛
فيدعو عليهم دعاءً مرعبًا!
"ملأ الله قبورهم وبيوتهم نارًا
كما شغلونا عن الصلاة"!

"إنها الصلاة "
🌼🪴🌼🪴🌼
كانت اخر ماوصى به نبينا محمد
صَل الله عليه واله وسلم
وهو على فراش الموت
الصلاة الصلاة

" إنها الصلاة "
🌼🪴🌼🪴🌼
ما قُرِنت عبادةٌ في القرآن
بعبادات متنوعة كالصلاة،
فإنها قرينة الزكاة، والصبر،
والنسك، والجهاد، وغير ذلك!
… إنها الصلاة الصلاة الصلاة....

╰🌸🍃╮
@Dorrwfwaed

#السيرة_النبوية_للأطفال

🪴الحلقة 35🪴

🌛من سيرة الرسول للأطفال🌜

🌛تابع غزوة مؤتة🌜

🌻كان ياما كان و ما يحلي الكلام
إلا بذكر النبي عليه الصلاة و السلاااااام

🌼ولادي الحلوين المتميزين .... سامعة صوتكم الجميل
و انتم بتقولوا :
عليه الصلاة والسلااااااااااام

🌼وقف المسلمون يفكروا يعملوا ايه بس القائد المؤمن الشجاع "عبد الله بن رواحة " ...

🌻وقف و قال للمسلمين ...
أنتم خايفين من إيه؟؟؟ ...

🌼خايفين من ان حنا نموت شهداء و ندخل الجنة اللي فيه كل اللي نتمناه ؟؟؟

🌻احنا حتي لو الكفار قتلونا هنبقي برضه كسبانين و فرحانين في الجنة ....

🌼واحنا مش بنحارب بقوتنا ولا عددنا ...احنا ربنا بيساعدنا عشان احنا مؤمنين و بنحب ربنا و بنعبده

🌻احنا بنحارب بقوة ربنا لينا ... قوموا حاربوا الكفار بقوة و إيمان ...

🌼و يا إما تكسبوهم في الدنيا ... يا إما تكونوا شهداء في أحسن مكان عند ربنا في الجنة

🌻كده كده احنا كسبانين

🌼كل المسلمين قالوا الكلام ده صح و صدق ....

🌻و انطلق الجيش المسلم المؤمن الشجاع
و هجموا علي جيش الروم الضخم الرهييييب ... و اتحركت الأحصنة و ملت الجو غبار ...

🌼و المسلمين بيكبروا... بيقولوا ...الله أكبر ....الله أكبر ....

🌻وصوت السيوف عالي في كل مكان

🌼و حصل زي ما قال سيدنا محمد عليه الصلاة و السلام .

🌻أول قائد "زيد بن حارثة " كان بيحارب بشجاعة

🌼وبيدخل جوة جيش الروم و هو ماسك علم المسلمين

🌻لغاية واحد من الروم ما قتله و بقي شهيد في الجنة بإذن الله

🌼و بسرعة تاني قائد سيدنا"جعفر ابن ابي طالب " أخد العلم منه ..

🌻و نزل من علي حصانه
و حارب بكل قوته الجنود الروم و قتل فيهم وكسبهم ...

🌼بس واحد من الروم قطع دراعه اللي شايل العلم ....

🌻سيدنا جعفر ... بسرعة مسك العلم بإيده التانية السليمة ...

🌼فهجم عليه واحد تاني من الروم و قطع دراعه التاني ....

🌻سيدنا جعفر المؤمن الشجاع ضم علم المسلمين و حطه في صدره و حضنة باللي فاضل من دراعه

🌼الروم مش مصدقين شجاعته ...
فهجموا عليه و قتلوه .....

🌻سيدنا جعفر بقي شهيد في الجنة ...

🌼وكمان سيدنا محمد قالنا ربنا رجعه سليم وكمان أعطاه أجنحة يطير بيها في الجنة

🌻جزاءا علي بطولته و شجاعته ...ده سيدنا جعفر

🌼و أخد العلم تالت قائد مسلم شجاع "عبد الله ابن رواحة " ...

🌻و فضل يحارب لغاية لما بقي شهيد ... في الجنة بإذن الله ...

🌼طب دلوقتي مين يبقي قائد الجيش ؟؟؟
المسلمين عملوا زي ما سيدنا محمد قالهم .... اختاروا واحد منهم ...

🌻اختاروا خالد ابن الوليد .... من أشجع المسلمين و أقواهم ...


🌼خالد ابن الوليد فضل يفكر .... عدد جيش الروم ضخم جدا جدا ...
و لو فضلنا نحاربهم هيخلصوا علي كل المسلمين اللي عددهم صغير .... لازم نعمل خطة ...

🌻الليل جه و الدنيا ضلمت ....
و جيش الروم راح يرتاح من الحرب ...
بس خالد ابن الوليد قال لأ مش هنرتاح...احنا هنفكر و نخطط لبكرة ...
لازم بكرة نرعب الروم و نعمل خطة ذكية ....


🌼 وبكرة إن شاء الله هنشوف ازاي خالد ابن الوليد عمل خطة ذكية علشان ينتصر على الكفار

🌼اللهم صل علي سيدنا محمد

🌼 تصبحوا على خير يا حلوين
🌻🌼🌻🌼🌻🌼🌻🌼
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛تابع السيدة خديجة🌜

🌛الحلقة 19والأخيرة🌜

🌻كان ياما كان و مايحلي الكلام
إلا بذكر النبيﷺ

🌼اللهم صل علي سيدنا مُحَمَّد

🌻ومن الحاجات اللي تبين وفاء الرسول للسيده خديجه الطاهره اللي حصل في غزوة بدر بعد ما الرسول هاجر للمدينة

🌻 لما زوج ابنتهما زينب اللي اسمه العاص بن الربيع خدوه المسلمين أسير عندهم

🌻و أسير يعني لما تحصل حرب بين جيش و جيش تاني في جيش منهم بيفوز

🌻و بياخد من الجيش التاني ناس و دول اسمهم أسرى..وَيَا ترى بياخدهم علشان إيه ؟

🌻علشان الجيش التاني لو خد حد من المسلمين يبدلوهم مع بعض

🌻 او يبدلوه و ياخدوا اي حاجه هما عايزينها أو ياخدوا فلوس علشان يسيبوه

🌻 المهم أول لما زينب بنت السيده خديجه و الرسول صل الله عليه وسلم عرفت إن زوجها خدوه أسير

🌻وهي كان عندها سلسله مامتها إديتها لها يوم فرحها هدية

🌻 و السلسلة دي كانت غاليه و حلوة جدا

🌻 راحت بعتت السلسلة دي لجيش الرسول علشان يسيبوا زوجها

🌻يعني بدل ما تدفع فلوس

🌻وجوزها كان لِسَّه كافر بس كان لِسَّه ربنا مقلش إنه مينفعش المسلمة تتجوز كافر

🌻لكن الرسول أول ما شاف السلسلة إفتكر زوجته السيده خديجه

🌻و قال لأصحابه لو سمحتم ممكن تسيبوا زوج بنتي من غير ما تاخدوا منها السلسله وده يُبين إن الرسول كان حاكم عادل ومكنش بيستخدم مكانته علشان يعمل اللي هو عايزه لأنه كان ممكن يؤمرهم ويقول لهم سيبوه وخلاص لكن الرسول بيعلمنا العدل والأخلاق الصح اللي لازم نتعامل بيها مع بعض

🌻و طبعا أصحاب الرسول سابوا زوج السيده زينب أبو العاص و طبعا السيدة زينب فرحت جدا لما عرفت اللي حصل

🌻و ده كان موقف يدل على وفاء الرسول صل الله عليه وسلم لزوجته خديجه

🌻و في كمان موقف يدل على وفاء الرسول للسيده خديجه

🌻بعد ما ماتت السيده خديجه تزوج الرسول من السيده سوده و السيده عائشة

🌻و كان كل شويه يقعد يشكر في السيده خديجه وهو قاعد مع زوجاته

🌻و ده دليل إنه كان لسه بيحبها حتى بعد ما ماتت

🌻 و في يوم من الأيام قالت السيده عائشة أنا أكتر واحده كنت غيرانه منها من الستات اللي الرسول اتجوزهم هي السيده خديجه

🌻 لأن الرسول علطول فاكرها..لما يذبح يقولنا ابعتوا شويه لحمه لأصدقاء خديجه

🌻 فقلت للرسول كل شويه تقول خديجه خديجه

🌻 فرد عليها الرسول و قال (إني قد رزقت حبها ) يعني أنا بحبها جدا وسمى الحب رزق لأن ربنا هو اللي بيرزقنا بالحب زي ما بيرزقنا بالفلوس

🌻و في مرة من المرات و هو قاعد يتكلم مع السيدة عائشة

🌻قلتله كأن مفيش ست في الدنيا غير خديجه

🌻فقعد الرسول يحكي لها قصه حياته مع السيدة خديجة و ان هي الوحيده اللي ربنا رزقه منها ولاد

🌻و في مرة من المرات و هو قاعد يتكلم عنها

🌻قلتله انت لسه فاكر الست العجوزة دي ما ربنا ادالك حد أصغر و أحلى منها (كانت بتتكلم عن نفسها )

🌻فرد الرسول و قال لا والله ربنا مبدلنيش أحسن منها..دي هي اللي آمنت بيا في الوقت اللي الناس كفرت بي و صدقتني وقت ما كذبني الناس و صرفت من فلوسها كتير وساعدتني و ربنا رزقني كل أولادي منها

🌻و في يوم من الأيام جت ست عجوزة أوي كانت صاحبه السيده خديجه

🌻 فجري الرسول و استقبلها بنفسه و فرش لها العبايه بتاعته علشان هدومها متتوسخش وعلشان تقعد عليها و قعد يتكلم معاها و يسأل عن أحوالها و يتكلموا عن أيام خديجه

🌻فاستغربت السيده عائشة و قالتله ليه بتعمل كده يا رسول الله

🌻قالها لان خديجه كانت بتحبها و بتفرح لما تيجي تزورها

وفي قصص تانية كتير بتبين لنا قد إيه إن الرسول كان زوج بيحب زوجته وعنده وفاء لها ولكل حد هي كانت بتحبه

🌻 و بكده نكون وصلنا لنهايه قصه السيده خديجه مع الرسول صل الله عليه وسلم

🌻بعد ما عاش معاها الرسول 25 سنه و كانوا أسعد زوجين في الدنيا بالرغم من كل المشاكل اللي واجهتهم

🌻وزعل عليها الرسول أوي لما ماتت بس اللي كان مطمن الرسول إن ربنا قال إنها هتدخل الجنه و عندها قصر كبير و حلو أوي في الجنة

🌻 ولو قعدنا نتكلم عن السيده خديجه الكلام عمره ما هيخلص

🌻رضي الله عنها و أرضاها و جمعنا بها في الفردوس الأعلى

🌻وإحنا إن شاء الله هنقابل السيدة خديجة في الجنة وهنقول لها إننا عرفنا حاجات كتير عنها وإننا بنحبها

🌻وبكره إن شاء الله هنعرف مين الزوجه التانيه اللي الرسول اتجوزها بعد السيده خديجه

🌻ودلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🌴سيدنا داوود عليه السلام🌴

🪴الحلقة 2🪴

🌻كان ياما كان و مايحلي الكلام
إلا بذكر النبيﷺ ..

🌼اللهم صل علي سيدنا مُحَمَّد

🌻 كان سيدنا داوود كثير البكاء بالإضافه الى جمال صوته التي كانت تسبح جميع الكائنات معه

🌻و كان اواب يدعو دائما و يقول يا رب لا أستطيع حر شمسك فكيف أستطيع حر نارك

🌻 يا رب اني لا أستطيع سماع صوت رحمتك وهو الرعد فكيف أستطيع سماع صوت غضبك

🌻وكان لا يأكل طعاما الا و قد بله بدموعه ولا يشرب شرابا الا ومزجه بدموعه من خشيه الله

🌻وفي عصر سيدنا داوود كانت الحروب كثيره و كانت الدروع الحديديه التي يصنعها صناع الدروع ثقيله

🌻 فلا يستطيع المحارب ان يتحرك منها كما يشاء او يقاتل كما يريد

🌻فقام سيدنا داوود بصناعة نوعيه جديدة من الدروع تتكون من حلقات حديديه تسمح للمحارب بحرية الحركه

🌻وتحمي جسده من الأسلحة والذي ساعده على ذلك أن الله سبحانه وتعالى ألان له الحديد

🌻فكانت يده تغوص بالحديد و كان يشكلها في قصع صغيره يصلها ببعضها البعض ليصنع الدروع الخفيفة التي لا ترهق الجيش

🌻و كان سيدنا داوود سببا بعد توفيق الله للإنتصار بالحروب

🌻وكان يبيع هذه الدروع و يعيش من ثمنها ~سبأ 10_11 و الأنبياء 80 و ص 20

🌻وكان يبيع الدرع بأربعة الاف درهم يتصدق بثلثها و يشتري بثلثها الآخر ما يكفيه هو وعياله والثلث الثالث يشتري به ما يلزمه من أجل عمل الدروع

🌻وقال الله سبحانه وتعالى عن سيدنا داوود و شددنا ملكه و آتيناه الحكمه و فصل الخطاب

🌻فقد جعل الله ملكه قويا بكثرة العدد و العدة و نصره على اعدائه

🌻حتى ان اعدائه كانوا يخافون منه وقت السلم كما يخافون منه وقت الحرب

🌻وفوق كل ذلك أتاه الله الحكمه والحكمه تعني النبوة والكلام الطيب الذي يعلمه سيدنا داوود للناس كالأخلاق والآداب

🌻وآتاه فصل الخطاب الذي يستطيع من خلاله ان يميز بين الحق و الباطل

🌻فكان يقضي بين الناس و يحكم بينهم بالعدل

🌻فكان سيدنا داوود يخصص بعضا من وقته للتصرف في شئون الملك و القضاء بين الناس

🌻ويخصص البعض الآخر للخلوة و العبادة و التسبيح في محرابه

🌻و كان اذا دخل المحراب للعباده و الخلوة لم يدخل اليه أحد حتى يخرج هو إلى الناس

🌻وفي يوم من الايام كان يجلس بين الناس يذكرهم بالله ويحل لهم مشاكلهم و يقضي بينهم في الخصومات

🌻وجاءه بعض الناس في خصومه حدثت بينهم

🌻والقصة انه في ليله من الليالي جاءت الغنم ليلا على مزرعة و لم يكن معها الراعي

🌻وأفسدت الزرع وأكلته فجاء أصحاب المزرعة التي أكلها الغنم الى داوود

🌻وقالوا يا نبي الله إنا حرثنا أرضنا وزرعناها و اعتنينا بها حتى جاء وقت حصادها فجاءت غنم هؤلاء القوم ليلا و أكلت الزرع و لم يتبق منه شيء

🌻فسأل سيدنا داوود أصحاب الغنم هل كلام هؤلاء صحيح؟ و فعلا أكلت أغنامكم زرعهم؟ فقالوا نعم

🌻فسأل سيدنا داوود أصحاب المزرعه هل تستطيعون تقدير ثمن هذا الزرع ؟ فذكروا له الثمن

🌻ثم قال لأصحاب الغنم هل تستطيعون تقدير ثمن اغنامكم ؟ فذكروا له الثمن

🌻فوجد سيدنا داوود ان ثمن الزرع يساوي ثمن الغنم تقريبا فحكم على أصحاب الغنم ان يعطوا أغنامهم الى أصحاب المزرعه تعويضا لهم عن زرعهم

🌻ولكن جاء سيدنا سليمان و كان قد سمع كل ما قيل و قال لأبيه داوود أنا لي رأي مختلف يا أبتي في هذه القضيه

🌻يا ترى ماذا سيكون رأي سيدنا سليمان وهل سوف يأخذ سيدنا داوود برأيه
..سنعرف غدا إن شاءالله

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌻🌼🌻🌼🌻🌼🌻
https://www.tg-me.com/seerawqass

#السيرة_النبوية_للأطفال

🪴الحلقة 36🪴

🌛من سيرة الرسول للأطفال🌜

🌛تابع غزوة مؤتة🌜

🌻كان ياما كان و ما يحلي الكلام
إلا بذكر النبي عليه الصلاة و السلاااااام

🌼ولادي الحلوين المتميزين .... سامعة صوتكم الجميل
و انتم بتقولوا :
عليه الصلاة والسلااااااااااام

🌼 خالد بن الوليد عمل خطة ذكية جدا لغاية دلوقتي الكليات والمعاهد العسكرية بيدرسوها للطلبة

🌼خالد ابن الوليد قال للمسلمين احنا هنغير ترتيب الجيش ...

🌻هنخلي الجنود اللي في اليمين يبقوا مكان الشمال و الجنود اللي ورا تطلع قدام ....

🌼الصبح أول لما الروم شافوا جيش المسلمين لقوا ناس أشكالها جديدة
... غير اللي كانوا بيحاربوها إمبارح ...

🌻و اتلخبطوا و قالوا أاااااه دول جنود تانية غير اللي كنا بنحاربهم إمبارح !!!...

🌼ليكون النبي محمد بعتلهم جنود كمان جديدة ..!!!

🌻دوووول جنود جديدة هيحاربونا و هما مش تعبانين !!!

🌼و كمان خالد ابن الوليد خلي جنود مسلمين تقف بعييييد عن المعركة ورا

🌻و تعمل تراب و عفار برجل الأحصنة ....

🌼فالروم خافوا و قالوا إحنا شايفين تراب زي ما يكون فيه أحصنة بتجري من بعيد و جايبة جنود يساعدوا المسلمين

🌻ده المسلمين عددهم بيزيد كل شوية !!!
طبعا ده مش حقيقي ...دي خدعة عملها المسلمين الأذكياء الأبطال

🌼الروم حسوا إن المسلمين بيجهزلهم فخ
و بقوا خايفين

🌻و فاكرين إن جيش المسلمين زاد و بقي كبير و فيه جنود جديدة كتيرة عمالة بتيجي

🌻شوية شوية الكفار تعبوا من الحرب ... و بقوا خايفين

🌼و حاسين إن المسلمين بيجهزوا خطة ...فوقفوا الحرب و مشيوا....

🌻و فرح المسلمين ان الروم أقوي جيش علي الأرض ساعتها بقوا مغلوبين ...

🌼فرح المسلمين بنصر ربنا ....
و رجع جيش المسلمين للمدينة ....

🌻بس قبل ما يرجع الجيش سيدنا محمد كان عارف كل اللي حصل ...

🌼الملاك سيدنا جبريل عليه السلام قاله كل حاجة كأنه شايفهم ....

🌻فسيدنا محمد دخل المسجد و جمع كل المسلمين اللي مكنوش في الحرب

🌼و قالهم كل حاجة حصلت في الحرب قبل ما يرجع الجيش ..

🌻قالهم إن القادة ال3 بقوا شهداء و كمان قالهم إن المسلمين اختاروا "خالد بن الوليد " أنه يكون القائد ...

🌼و إن خالد ابن الوليد هيكون سيف من سيوف الله ....

🌻يعني إيه ؟ ...يعني ربنا هيديله قوة من عند ربنا ينتصر بيها علي أعداء الدين ...

🌼و كمان سيدنا محمد قال لأهل جعفر ...اطمنوا ...

🌼 وبكرة إن شاء الله هنكمل سيرة سيدنا محمد ونشوف ايه اللي حصل

🌼اللهم صل علي محمد

🌼 تصبحوا على خير يا حلوين
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛 السيدة سودة بنت زمعة🌜

🌛الحلقة الأولى🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي مُحَمَّد

🌻هنتكلم النهارده عن السيدة سودة بنت زمعة وهي الزوجة التانية للرسول

🌼يا ترى إزاي إتجوزها الرسول صل الله عليه وسلم

🌻يالا بينا نتعرف على السيدة سودة مع بعض وقصة زواجها من الرسول

🌻السيده سودة كانت متزوجه قبل الرسول صل الله عليه وسلم ابن عمها السكران بن عمرو وهو أخو الصحابي الجليل سُهيل بن عمرو

🌻والسيدة سودة وزوجها كانوا من أوائل الناس اللي أسلموا و هاجروا هجرة الحبشه مع بعض

🌻طبعاً حبايبي الحلوين فاكرين إيه اللي حصل في هجرة الحبشة وهيحكوا لماما

🌻و رجعت السيده سوده هى و زوجها لمكه مرة تانيه مع المسلمين لما افتكروا ان اهل مكه دخلوا الإسلام

🌻و في يوم من الايام حلمت حلم غريب جدا حلمت ان القمر وقع عليها من السما

🌻فحكت لزوجها على الحلم فقالها لو كانت دي رؤيه مش حلم يبقى تفسيرها إني هموت و هتتجوزي من بعدي رجل عظيم

🌻طيب هو إيه الفرق بين الرؤيا والحلم؟؟

🌻الرؤيا بتكون حاجة حلوة ربنا عايزها تحصل لك وبيخليك تعرفها قبل ما تحصل وأنت نايم

🌻لكن الحلم بيكون حاجة وحشة والشيطان بيكون عايزك تحلم بيها علشان تحصلك لكن الرسول علمنا إننا لما نحلم بحاجة وحشة منحكيهاش لحد وأول لما نصحى من النوم ننفخ ناحية الشمال ٣مرات ونقول أعوذ بالله من الشيطان الرجيم وبعد كده الحلم مش هيحصل

🌻واستغربت السيدة سودة من كلام جوزها عن الرؤيا ونسيت الموضوع لأنها كانت شايفة إن دي حاجة مش ممكن تحصل

🌻لكن ربنا معندوش حاجة اسمها مستحيل أو مش ممكن لأن ربنا لو عايز الحاجة دي تحصل هتحصل مهما كانت الظروف

🌻ومرت الأيام و فعلا الرؤيه تحققت و زوجها تعب أوي والمرض زاد عليه ومات و سابلها خمس أولاد

🌻زعلت أوي السيدة سودة علشان جوزها مات وقَعَدت تربي أولادها الخمسة وكان عايش معاهم أبوها وهو راجل عجوز جدا ولسه كافر

🌻وفي نفس الوقت اللي مات فيه زوج السيدة سودة مات أبو طالب عّم الرسول والسيدة خديجة زوجة الرسول الأولى

🌻وكان النبي زعلان أوي زي ما قلنا وسمى العام ده بعام الحزن

🌻وأصحاب الرسول كانوا شايفين الرسول زعلان علشان أمنا خديجة ماتت

🌼وكان نفسهم يقولوا للرسول يتجوز علشان يلاقي حد يهتم بيه وببناته وبيته

🌻لكن مفيش غير واحدة بس هي اللي تقدر تتكلم مع الرسول في الموضوع ده

🌼فاكرين يا ولاد هي مين؟؟

🌻صح براڤو صاحبة أمنا خديجة خولة بنت حكيم اللي قبل كده راحت قالت لسيدنا محمد إنه يتجوز أمنا خديجة

🌻وبعد ما قعد الرسول 3 سنوات بعد ما ماتت السيده خديجه من غير ما يتجوز

🌻جاتله صاحبه السيده خديجه خوله بنت حكيم

🌻و قالتله انت ليه يا رسول الله عليه مبتفكرش في الجواز

🌻قالها وعايزاني أتجوز مين؟؟

🌻قالتله عندك اتنين عائشة بنت صديقك ابو بكر.. أو سودة بنت زمعه

🌻رد عليها الرسول وقال لها طيب روحي كلميها وردي علي

🌻قالتله خلاص انا هروح أكلمها

🌻و كان عمر السيده سودة نفس عمر السيده خديجه تقريباً

🌻 و السيده سودة كانت ست كريمه و مرحه و حكيمة و بتفكر كويس في الحاجه قبل ما تعملها زي السيده خديجه بالضبط

🌻و كانت من عيله كبيره و لما جت خوله علشان تخطبها للنبي صلى الله عليه وسلم

🌻 قالت لها يا سودة أنا جايه ومعايا خبر حلو أوي علشانك

🌻ردت وقالت لها إيه هو الخبر ده!!

🌻قالت لها بعتني الرسول علشان أخطبك ليه

🌻افتكرت السيدة سودة الحلم وافتكرت كلام زوجها وفرحت جداً بالخبر ده وقالت السيدة سودة لخولة دي حاجة تفرحني وتفرح أي ست تانية ده شرف كبير لي أن الرسول يتجوزني

🌻وقالت لها ممكن تكلمي أبي في الموضوع ده وشوفي هيقول لك إيه

🌻فدخلت خولة وسلمت عليه وقالت له إن محمد بن عبد الله بعتني علشان أخطب له سودة منك

🌻فرد عليها و قالها ده راجل كريم و أمين و أنا معنديش مانع و موافق خلي الرسول يجيء علشان نتمم الجواز ومع إنه كافر لكن عارف إن سيدنا محمد هو الصادق الأمين

🌻 و بعد ما الرسول جه علشان يتجوزها لقاها متردده وخايفة

🌻فسألها في عندك اي مشكله في زواجنا

🌻قالتله انا عندي أولاد كتير و خايفه انهم يعملولك إزعاج وتتضايق منهم

🌻فرد عليها الرسول و قالها خير النساء اللي تقدر تجمع بين رعايه أولادها و رعايه زوجها

🌻و تزوجها النبي صل الله عليه وسلم

🌻وبكرة إن شاء الله هنعرف باقي قصة أمنا سودة بنت زمعه رضي الله عنها

🌻علشان دلوقتي جه معاد النوم

🌻تصبحوا على خير يا حلوين

🌼اللهم صل علي مُحَمَّد
🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ