#السيرة_النبوية_للأطفال

🌙 الحلقة 12 🌙

🌛من سيرة الرسول للأطفال🌜

🌛كان يا ما كان و ما يحلي الكلام
🌼إلا بذكر النبي عليه الصلاة و السلام
🌻بأحلى وأعلى صوت🌼 هنقووووول ..... 🌻عليه الصلاة و السلام.

🌼الكفار الأشرار كل شوية يعملوا خطط جديدة عشان يؤذوا المسلمين .....
لكن....

🌻كل يوم ناس جديدة تسمع كلام سيدنا محمد ...

🌻وتعرف إنه النبي اللي ربنا أختاره
ويعلمهم يعبدوا ربنا ... ويعلمهم الأعمال الطيبة الصالحة و الخير🌼
🌻و يبقوا مسلمين طيبين ....

🌼والكفار هيتجننوا ... نفسهم يضايقوا سيدنا محمد بأي طريقة عشان الناس تفضل تعبد الأصنام

🌻بس عمه أبو طالب كان دايما بيدافع عنه ...
🌼ومش مخلي الكفار يعرفوا يعملوا فيه أي حاجة ....

🌻والسيدة خديجة كمان ... كانت أخلاقها أحسن أخلاق ...

🌼وكانت بتدافع عن سيدنا محمد و بتحبه ...

🌼ولما الكفار يضايقوه ...كانت تقوله ما يزعلش لأنها عارفة إنه هو النبي اللي ربنا اختاره ...وهو الصح

🌻وربنا هيخليه يكسبهم في الآخر

🌼بس السيدة خديجة هتموت..
😔ياااااااه😔

🌻ده سيدنا محمد كان بيحبها أوي

🌼الرسول عليه الصلاة والسلام زعل وحزن أوي

🌻بس جبريل عليه السلام قال لسيدنا محمد ...إن ربنا عمل للسيدة خديجة بيت جميييييل في الجنة ....
🌼أحلي من كل البيوت الحلوة اللي في الدنيا🏠

🌻وكمان
عمه أبو طالب بقى راجل عجوز أوي ... وفضل عيان لغاية لما مات ....

😔ياااااااه ... ده عمه اللي رباه و كان بيحبه و يدافع عنه ...

🌻سيدنا محمد بقي حزين و وحيد ...

🌼ماتت السيدة خديجة .... ومات عمه أبو طالب

🌻والكفار بقوا فرحانين إن عمه أبو طالب مات و السيدة خديجة ماتت
و بقى مفيش حد من قرايبه هيدافع عنه و يحميه

🌼 فرح الكفار بعد لما مات عم الرسول أبو طالب ووماتت مراته السيدة خديجة علشان هما اللي كانوا بيساعدوه

🌼 الكفار قالوا دلوقتي بس هنقدر نؤذي النبي و هو وحيد ومحدش هيدافع عنه

🌼 فرجع الكفار يضايقوا سيدنا محمد ....و يعملوا تصرفاتهم الشريرة ...

🌼 يا ترى هيحصل إيه لسيدنا محمد بعد كده
والكفار هيعملوا ايه فيه!!

🌼 هنعرف بكرة إن شاء الله

🌻اللهم صل على سيدنا محمد و على آله و صحبه

🌼وارزقنا حبك وحب نبيك .

🌼 تصبحوا على خير يا حلوين

🌻اللهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🌴قصة موسى عليه السلام🌴

🪴الحلقة الرابعة🪴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 و بعد لما ساعد سيدنا موسى صديقه الإسرائيلي على عدوه المصري

🌻و وضربه بقبضة يده مات المصري من قوة يد سيدنا موسى

🌻 ولكن سيدنا موسى لم يكن يقصد قتله

🌻و لكن هذا نتيجة قوته الزائده عليه السلام

🌻و وقع المصري على الارض جثه هامده

🌻 و استغفر سيدنا موسى و قال هذا من عمل الشيطان إنه عدو مضل مبين

🌻و قال سيدنا موسى ربي اني ظلمت نفسي فأغفر لي

🌻و استجاب الله لسيدنا موسى و قال في سورة القصص فغفر له إنه هو الغفور الرحيم ~ القصص 15-16

🌻 و وعد سيدنا موسى ربه و قال ربي بما انعمت علي لن اكون ظهيرا للمجرمين ~ القصص 17

🌻و تعهد موسى انه لن يقف مره اخرى في صف المجرمين

🌻و لكنه كان يمشي في المدينه خائفا يترقب لأنه كان خائف ان يصل خبر قتله للرجل المصري لفرعون فيقتله

🌻و كان يتوقع الشر من فرعون و جنوده في اي لحظة

🌻و اثناء سير سيدنا موسى في شوارع المدينه فوجئ بنفس الرجل الذي انقذه بالأمس ينادي عليه و يطلب منه المساعدة مره اخرى و هو يتشاجر مع مصري اخر

🌻فأدرك سيدنا موسى ان هذا الرجل الإسرائيلي مشاغب و هو المخطئ

🌻فتوجه اليه سيدنا موسى يريد ان يضربه

🌻فقال الرجل الإسرائيلي بصوت مرتفع أتريد ان تقتلني كما قتلت المصري بالأمس

🌻إنك لجبار في الأرض و ما تريد ان تكون من المصلحين ~ القصص 18 -19


🌻فلما سمع الرجل المصري قول الإسرائيلي لسيدنا موسى انه قتل رجل مصري بالأمس

🌻ذهب فورا ليخبر فرعون فلما علم فرعون بما حدث

🌻قرر قتل سيدنا موسى و ارسل جنوده ليحضروه اليه

🌻و جاء رجل من اقصى المدينه من آل فرعون

🌻و كان مؤمن و يكتم إيمانه و قال لسيدنا موسى

🌻ان جنود فرعون يبحثون عنك ليقتلوك فأخرج من المدينه قبل ان يجدوك ~ القصص 20- 21

🌻فخرج سيدنا موسى من مصر و هو خائف من ان يجده احد جنود فرعون فيقتله

🌻و دعا سيدنا موسى و قال ربي نجني من القوم الظالمين

🌻و طبعا خرج سيدنا موسى و لم يكن معه طعام و لا شراب و لا ملابس لأن كل هذا كان في قصر فرعون لأنه كان يعيش في قصره

🌻حتى لم يكن معه حصان يركب عليه و لم يخرج في قافله و إنما خرج بمفرده

🌻و اختار طريقا آخر غير الطريق التي تمشي فيه القوافل حتى لا يجده جنود فرعون

🌻و اتجه للصحراء و لم يكن يعرف الى اين يذهب؟؟

🌻و ظل سيدنا موسى يمشي حتى وصل الى مكان اسمه مدين

🌻و بحث عن مكان يشرب منه فوجد بئر كبيره فشرب و جلس يستريح عند البئر

🌻 و كان هناك ناس يسقون الدواب و يملئون الماء من البئر

🌻 و جلس سيدنا موسى تحت شجرة يستريح

🌻 فماذا سوف يحدث لسيدنا موسى الآن و هو لم يكن معه اي شيء حتى ان نعله الذي كان في قدمه قد داب وانقطع

🌻سنعرف غدا إن شاءالله

🌻تصبحوا على خير يا حلوين🌻

🌻وصل اللهم على سيدنا مُحَمَّد
🌻🌼🌻🌼🌻🌻🌻🌼🌻
إقرأ 📚 وانشر 📬 تُؤْجَرْ
‏https://www.tg-me.com/seerawqass

بسم الله الرحمن الرحيم

#دورة_شرح_المنيرة_في _مهم_علم_السيرة


الموضوع: الحلقة الحادية عشر من شرح المنيرة في مهم علم السيرة.

#شرح البيت الثامن


رابط الحلقة:
https://youtu.be/1_lLVxHpROg

بسم الله الرحمن الرحيم

#دورة_شرح_المنيرة_في _مهم_علم_السيرة


الموضوع: الحلقة العاشرة من شرح المنيرة في مهم علم السيرة.

#شرح البيت الثامن


رابط الحلقة:
بسم الله الرحمن الرحيم

#دورة_شرح_المنيرة_في _مهم_علم_السيرة


الموضوع: الحلقة الثانية عشر من شرح المنيرة في مهم علم السيرة.

#شرح البيت التاسع


رابط الحلقة:
https://youtu.be/9CjAJop85z0

#السيرة_النبوية_للأطفال

🌙 الحلقة 13 🌙

🌛من سيرة الرسول للأطفال🌜

🌛كان يا ما كان و ما يحلي الكلام
🌼إلا بذكر النبي عليه الصلاة و السلام
🌻بأحلى وأعلى صوت🌼 هنقووووول ..... 🌻عليه الصلاة و السلام.

🌻سيدنا محمد فكر .....
بعد لما زاد أذى الكفار عليه
أنه يروح بلد اسمها الطائف جنب مكة ....

🌼عشان ممكن يعلم الناس هناك الإسلام و يبقوا مسلمين طيبين و يعيش معاهم بعيد عن الكفار ...

🌻فراح سيدنا محمد الطائف ومعاه ولد صغير اسمه زيد ابن حارثة ...

🌼زيد بيحب النبي و بيساعده و بيخدمه ....راحوا سوا لملوك الطائف .... كانوا 3 ملوك ...

🌻سيدنا محمد قالهم إنه النبي ... و قالهم يعبدوا ربنا ...
و يسيبوا الأصنام المصنوعة من الحجر ..

🌻اللي مش بتشوف ولا تسمع ولا تفهم ولا تقدر تعمل حاجة .

🌼بس ملوك الطائف طلعوا ملوك أشرار
و مارضيوش يسمعوا كلام سيدنا محمد ....

🌻وقالوا له حتي لو أنت النبي اللي ربنا أختاره برضه مش هنكلمك!!

🌼سيدنا محمد قالهم :خلاص .. بس ما تقولوش للكفار اللي في مكة إني جيت عندكوا ...

🌻الملوك الأشرار قالوا له :لأ ... هنقولهم و هنؤذيك زيهم!!

🌼الملوك الأشرار جمعوا الولاد الوحشة وقالوا لهم يرموا طوب على سيدنا محمد ...
🌻الملوك دول ربنا هيدخلهم النار لأنهم أذوا النبي ومرضيوش يتعلموا كلام ربنا ....

🌼سيدنا محمد هرب منهم بسرعة و معاه زيد ... وسيدنا محمد رجله انجرحت وزيد راسه انجرحت

🌻ودخلوا بسرعة جنينة ..مليانة عنب ...

🌼والولاد الوحشين بقوا مش شايفين سيدنا محمد ومشيوا ...

🌼 سيدنا محمد قعد تحت شجرة العنب ...

🌻وفضل يدعي ربنا ... و قال لربنا :
يا رب أنا ضعيف من غيرك ... يا رب ما تسبنيش

🌼يا رب أنا أهم حاجة عندي ما تكونش غضبان عليا ...وتكون راضي عني ....
وفضل يدعي ربنا كتير ...

🌻وده دعاء سيدنا محمد🌼

🌻((اللهم إني أشكو إليك ضعف قوتي, وقلة حيلتي , وهواني على الناس , أنت ارحم الراحمين , ورب المستضعفين , وأنت ربي , إلى من تكلني ؟ إلى قريب يتجهمني , او إلى عدو ملكته أمري , إن لم يكن بك علي غضب فلا أبالي , غير أن عافيتك هي أوسع لي , أعوذ بنور وجهك الذي أشرقت له الظلمات , وصلح عليه أمر الدنيا والآخرة , أن ينزل بي غضبك , أو يحل بي سخطك , لك العتبى حتى ترضى , ولا حول ولاقوة إلا بك ))

🌻وبعدين أصحاب الجنينة كانوا رجلين .... شافوا سيدنا محمد من بعيد قاعد جوة الجنينة بتاعتهم ....

🌼فجابوا طبق و حطوا فيه عنب وقالوا لخادم عندهم ياخد العنب لسيدنا محمد عشان ياكل ....

🌻سيدنا محمد بص للعنب🍇 ...و قبل ما ياكل راح قايل :"بسم الله"

🌼 الخادم استغرب ...

🌼وقال لسيدنا محمد : أنت بتقول كلام جميل قبل الأكل ...وفي البلد دي محدش بيقول كده

🌻سيدنا محمد سأل الخادم : أنت منين ؟ وبلدك اسمها إيه؟

🌼الخادم قاله :بلدي إسمها نينوى ( تقرأ زي نيناوا )

🌻سيدنا محمد قاله : أنت من بلد نبي كان اسمه يونس

🌼الخادم إستغرب وقال : أيوه صح أنت عرفت يونس النبي منين؟؟؟

🌻سيدنا محمد قاله : يونس كان نبي وأنا كمان نبي من عند ربنا ..

🌼الخادم مسك إيد سيدنا محمد وباسها.. ووطى يبوس رجله المجروحة ...
عشان عرف إنه رسول من ربنا .

🌻سيدنا محمد خرج من جنينة🍇 العنب و معاه زيد ...
🌼ورجعوا مكة ....

🌻وقبل لما يدخل مكة ... جه سيدنا جبريل لسيدنا محمد و قاله :

🌼 ربنا أرسلني ومعايا ملك تاني ... لو تحب نوقع الجبال على الكفار اللي بيؤذوك ... هنوقعها عليهم

🌻سيدنا محمد قاله : لأ ... ربنا ممكن يخلي أولاد الكفار يبقوا مسلمين بيعبدوا ربنا وبس .

🌼سيدنا محمد وقف عند مكة و قبل لما يدخلها ...

🌼 نده واحد من أهل مكة اسمه "مطعم بن عدي"

🌻وسأله ممكن تحميني من أشرار الكفار؟؟

🌼"مطعم بن عدي" كان برضه بيعبد الأصنام بس مكنش بيؤذي النبي
قاله أيوه .... أقدر ... و محدش منهم هيقدر يؤذيك

🌻ربنا هو اللي خلاه يوافق عشان يحمي النبي

🌼وراح مطعم نده علي كل ولاده ... و خلاهم يجهزوا كل أسلحتهم ...

🌻عشان يحموا النبي و يخلوه يدخل مكة من غير ما حد من الأشرار ما يقدر يؤذي سيدنا محمد

🌼دخل سيدنا محمد مكة و صلى عند الكعبة ..

🌻و دخل بيته ....

🌼والأشرار من الكفار متغاظين ومش عارفين يعملوا ايه!

🌼 يا ترى إيه اللي حصل بعد كده لسيدنا محمد والكفار عملوا إيه فيه بكرة هنعرف إن شاء الله

🌼 تصبحوا على خير يا حلوين

🌻اللهم صل على سيدنا محمد و على آله و صحبه

🌼وارزقنا حبك وحب نبيك .


🌻 وبكرة ان شاء الله هنشوف إيه اللي حصل بعد كده
🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass