#سيرة_امهات_المؤمنين

🌴السيدة حفصه رضي الله عنها

🌼 الحلقة 2 والأخيرة 🌼

🌻كان ياما كان و مايحلي الكلام
إلا بذكر النبي .. عليه الصلاة و السلام ..

🌼اللهم صل علي سيدنا مُحَمَّد

🌻وبعد ما طلق النبي السيده حفصه لأنها محافظتش على سره

🌻و طبعاً الرسول رجع تاني للسيدة مارية

🌻 وزعلت السيده حفصه جدا وقعدت تعيط

🌻 لكن سيدنا جبريل نزل لسيدنا محمد وقاله رجعها تاني وقال عليها إنها صوامة قوامة وهي زوجتك في الجنه

🌻وطبعا لازم نتعلم من الموقف ده إن الصيام والقيام ممكن ينقذونا من حاجات وحشة كانت ممكن تحصل

🌻ولازم نتعلم كمان إنه مينفعش حد يقول لنا سر وإحنا نقوله للناس لأن دي حاجة بتخلي ربنا يزعل مننا

🌻وبكده اتعلمت السيده حفصه إنها لازم تحافظ على أسرار النبي وتسمع كلامه

🌻 و السيده حفصه كانت مشهوره بغيرتها على الرسول

🌻و في يوم من الأيام كانت السيده حفصه قاعده عند السيده عائشة و جت تزورها السيده سوده

🌻و كانت لابسه لبس جميل و جديد و كانوا بيشتروه مخصوص من اليمن

🌻فراحت السيده حفصه قالت للسيده عائشة احنا هنسيبها لابسه حلو كده و يجي الرسول يشوفها و هي لابسه حلو و احنا لابسين وحش

🌻ايه رأيك نبوظلها العبايه بتاعتها

🌻 فراحت قالت السيده حفصه للسيده سودة مسمعتيش ايه اللي حصل

🌻قالتلها المسيح الدجال اللي الرسول قال عليه ظهر ووصل المدينة

🌻فالسيده سودة خافت و قالتلها طيب هنعمل ايه دلوقتي و هنستخبى فين منه

🌻فراحت قالتلها شايفه الخيمه اللي هناك دي روحي استخبي فيها لأنها مليانه عنكبوت و مش نظيفه و محدش هيشوفك جواها

🌻فجريت السيده سودة تستخبى جوه الخيمه و قعدت السيده عائشة و السيدة حفصه يضحكوا عليها

🌻و جه الرسول صلَّ الله عليه وسلم و سألهم 3 مرات بتضحكوا على ايه و هما قاعدين يضحكوا وراحوا شاوروا بإيدهم على الخيمه

🌻فراح الرسول و لقى السيده سودة قاعده ترتعش فسألها مالك يا سوده

🌻فقالتله يا رسول الله المسيح الدجال جه

🌻فراح الرسول قالها لأ لسه مجاش متخافيش اطلعي

🌻و طبعا كانت عبايتها اللي جايباها من اليمن اتملت تراب و عنكبوت و باظت

🌻و ده كان من المقالب و المواقف المضحكه اللي السيده حفصه بتعملها في زوجات الرسول

🌻و في يوم من الايام اتفقوا زوجات الرسول إنهم يطلبوا من الرسول يزود لهم مصروف البيت

🌻و كانت السيده حفصه و السيدة عائشة هما اللي بدوءا يتكلموا عن الموضوع ده و يقنعوا زوجات الرسول الباقين

🌻فربنا نزل آيه 4 في سوره التحريم و معنى الآيه انهم لازم يبطلوا اللي بيعملوه ده و يستغغروا ربنا و ميزعلوش الرسول صلَّ الله عليه وسلم

🌻و في يوم من الايام كان الرسول قاعد و كل زوجاته قاعدين معاه

🌻و بعدين جم سيدنا ابو بكر و سيدنا عمر و دخلوا لقوا الرسول قاعد زعلان و ساكت

🌻فسيدنا عمر قال أنا هحاول أخلي الرسول يضحك

🌻و قاله يا رسول الله عارف مراتي لوجت قالتلي زود مصروف البيت انا كنت كسرت رقبتها طبعاً هو بيهزر علشان الرسول كان زعلان

🌻فضحك النبي و قاله شايف كلهم قاعدين علشان يطلبوا زيادة المصروف

🌻 و بعدين ربنا نزل ايه 28 في سوره الاحزاب و الايه دي بتقول لزوجات النبي لو انتوا عايزين الدنيا و الحاجات الحلوة اللي فيها انا ممكن اخلى الرسول يطلقكوا و تعيشوا الحياه اللي انتوا عايزينها

🌻و الرسول قالهم كل واحدة تسأل اهلها و ترد عليا

🌻فكلهم اختاروا انهم يعيشوا مع الرسول طبعا

🌻وراح سيدنا عمر ودخل في اوضة السيده حفصه و قالها تاني مره متطلبيش من الرسول حاجه تعالي اطلبي مني اللي انتي عايزاه وسيبي الرسول في حاله

🌻و كان الرسول بيهتم بالسيدة حفصه و يعلمها الدين و يطلب منها انها تعلم باقي النساء الكتابة والدين

🌻و فعلا كانت بتنقل كل الأحكام و الأحاديث اللي بيعلمها ليها الرسول للناس

🌻و فضلت كده لغايه لما الرسول صل الله عليه وسلم مات

🌻و لما مسك سيدنا أبو بكر الخلافه وقرر إنه يجمع القرآن اختار السيده حفصه علشان يشيلوا عندها

🌻لأنها كانت الوحيده اللي بتعرف تقرأ و تكتب و بتعرف ترتب القرآن

🌻و اطلقوا على السيده حفصه حارسة القرآن و كانوا الناس بييجوا على بيتها و يتعلموا منها و يسألوها

🌻و بعد لما مات ابو بكر و مسك أبوها عمر الخلافه فضلت عايشه زي ما هي و كان معروف عنها انها كثيره الصيام و القيام و كانت مشهروة بالصوامه القوامه

🌻ولما أبو لؤلؤة المجوسي طعن باباها سيدنا عمر بالسكينه راحت عند ابوها تهتم بيه و تدعيله

🌻و لما مسك سيدنا عثمان الخلافة ولقى ناس كتيرة دخلت الإسلام وكانوا بيتكلموا بلغات كتيرة طلب من السيدة حفصة القرآن وعمل نسخ منه وبعت لكل مدينة نسخة لأنه خاف إنهم يقرأوا القرآن غلط

🌻وبعد لما سيدنا عثمان مات وكانت السيدة حفصة و السيده عائشة اصحاب اوي فلما اتقتل سيدنا عثمان كانت عايزة تسافر مع السيده عائشة علشان يطالبوا بالقصاص لسيدنا عثمان زي ما حكينا قبل كده

🌻لكن اخوها عبد الله بن عمر منعها من الخروج

🌻والسيدة حفصة نقلت في حدود ال60 حديث عن الرسول صلَّ الله عليه وسلم

🌻 و فضلت عايشه بين الصيام و القيام و تعليم الناس أحكام الدين لغايه لما ماتت سنه 45 هجريه في شهر شعبان و دفنت في البقيع

🌻 و بكره معادنا مع زوجة تانية من زوجات الرسول وهي أمنا زينب بنت خزيمه

🌼اللهم صل علي سيدنا مُحَمَّد
🌼🌼🌼🌼🌼🌼🌼
https://www.tg-me.com/seerawqass

#قصص_الأنبياء_للأطفال

🌴 سيدنا عيسى عليه السلام

🌼 الحلقة 3 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد ان كلم سيدنا عيسى امه السيده مريم وهو طفل في يومه الأول وأوصاها بأكل التمر

🌻 فرحت فرحا شديدا و احست لأول مرة بالسعادة تملأ قلبها منذ ان حملت بعيسى عليه السلام

🌻 قامت في سعادة غامرة تهز جزع النخله كما قال لها

🌻وما أن لمست الجزع حتى تساقط عليها التمر و الرطب فأكلت و شربت

🌻ووضعت طفلها في ملابسها ثم نامت من شده التعب والإعياء

🌻 وجاءت اللحظة الحاسمة التي ستعود فيها مريم الى قومها

🌻 وكانت تفكر ماذا ستصنع و ماذا سيقولون لها

🌻 وهل سيصدقون ان الله هو الذي رزقها بهذا الطفل ام انهم سيوجهون اليها أبشع التهم

🌻 وعادت مريم قرب العصر و كان السوق الكبير الذي يقع في طريقها للمسجد قد امتلأ بالناس

🌻 الذين فرغوا من البيع و الشراء وجلسوا يتحدثون

🌻 وما إن وصلت مريم الى السوق حتى نظر الناس إليها ولاحظوا أنها تحمل طفلا وتضمه لصدرها

🌻 فقال أحدهم أليست هذه مريم العذراء ؟ وما هذا الطفل التي تحمله ؟

🌻 ثم جاء إليها أحد الكهنه وسألها من هذا الطفل هل هو ابنك و كيف يكون ابنك و انتي لم تتزوجي ؟ ~سورة مريم 28

🌻 فقد قال الله تعالى ( فَأَتَتْ بِهِ قَوْمَهَا تَحْمِلُهُ قَالُوا يَا مَرْيَمُ لَقَدْ جِئْتِ شَيْئًا فَرِيًّا
يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيًّا )

🌻 وبدأ الإتهام يتوجه للسيده مريم من الناس حولها و مع ذلك كانت واثقه في ربها و رافعه رأسها و لم تتأثر بكلامهم

🌻 وعندما زادت الأسئلة أشارت بيدها الى سيدنا عيسى

🌻 فتعجبوا و اندهشوا ( فَأَشَارَتْ إِلَيْهِ قَالُوا كَيْفَ نُكَلِّمُ مَن كَانَ فِي الْمَهْدِ صَبِيًّا ) ~مريم 29

🌻 وإذا بسيدنا عيسى الطفل الرضيع ينطق و يكلمهم ~مريم 30 الى 33

🌻 ( قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا وَجَعَلَنِي مُبَارَكًا أَيْنَ مَا كُنتُ وَأَوْصَانِي بِالصَّلاةِ وَالزَّكَاةِ مَا دُمْتُ حَيًّا وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا وَالسَّلامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيًّا ذَلِكَ عِيسَى ابْنُ مَرْيَمَ قَوْلَ الْحَقِّ الَّذِي فِيهِ يَمْتَرُونَ مَا كَانَ لِلَّهِ أَن يَتَّخِذَ مِن وَلَدٍ سُبْحَانَهُ إِذَا قَضَى أَمْرًا فَإِنَّمَا يَقُولُ لَهُ كُن فَيَكُونُ وَإِنَّ اللَّهَ رَبِّي وَرَبُّكُمْ فَاعْبُدُوهُ هَذَا صِرَاطٌ مُّسْتَقِيمٌ

🌻 لقد رأى الناس أمام أعينهم معجزة حقيقيه

🌻 طفل جاء بغير اب و يتكلم و هو مازال يرضع و يقول انه نبي و معه كتاب

🌻 وهذا معناه ان ملكهم سيزول عندما يكبر هذا الطفل

🌻 ولن يستطيع وقتها احد منهم ان يبيع الغفران للناس كما كانوا يفعلون

🌻 وأحس كهنة اليهود بأن ميلاد هذا الطفل الصغير ستكون مأساه بالنسبه لهم

🌻 لأن حياتهم قائمة على الغش و الخداع و السرقه

🌻 ومجيء عيسى عليه السلام سيكون سببا في عودة الناس الى دين الله

🌻 و هذا معناه اعدام كهنه اليهود الموجودين في هذا الوقت لأنهم كانوا يخدعون الناس ويبيعون دينهم

🌻 ومع ان الله سبحانه و تعالى انطق سيدنا عيسى و هو طفل رضيع و علموا ان مريم طاهره و عفيفه

🌻 و لكنهم اختلفوا في شأن مريم ( فَاخْتَلَفَ الأَحْزَابُ مِن بَيْنِهِمْ فَوَيْلٌ لِّلَّذِينَ كَفَرُوا مِن مَّشْهَدِ يَوْمٍ عَظِيمٍ ) ~مريم 37

🌻 فمنهم من قال انه جاء من الحرام ومنهم من قال ان عيسى هو الله ومنهم من قال انه ابن الله

🌻 اما المؤمنون فيقولون انه عبدالله ورسوله و كلمته التي ألقاها الى مريم وروح منه

🌻 وقد قال الرسول صلى الله عليه من شهد انه لا اله الا الله وحده لا شريك له و ان محمد عبده و رسوله و ان عيسى هو عبد الله و رسوله و كلمته القاها الى مريم و روح منه و الجنه حق و النار حق ادخله الله الجنه على ما كان من العمل

🌻 وغدا إن شاء الله سوف نعرف كيف نشأ سيدنا عيسى عليه السلام

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
https://www.tg-me.com/seerawqass

#سيرة_امهات_المؤمنين

🌴السيدة زينب بنت خزيمة رضي الله عنها

🌻كان ياما كان و مايحلي الكلام
إلا بذكر النبي .. عليه الصلاة و السلام ..

🌼اللهم صل علي سيدنا مُحَمَّد

🌻 هي زينب بنت خزيمة بن الحارث

🌻وهي أمُّ المساكين، وكانوا بيسموها بالاسم ده في الجاهلية قبل الإسلام؛ لرحمتها ورقَّتها مع المساكين

🌻أمُّها هند بنت عوف بن زهير بن الحارث، التي قيل عنها: "لا تُعْلَم امرأة من العرب كانت أشرف أصهارًا من هند بنت عوف، أُمِّ زينب وميمونة وأخواتهما". فأصهارها اللي تزوجوا بناتها وأخواتها الرسول صلَّ الله عليه وسلم ، والعباس وحمزة ابنا عبد المطلب أعمام الرسول، وجعفر وعلي ابنا أبي طالب ولاد عّم الرسول، وأبو بكر وشداد بن أسامة بن الهاد

🌻وأختها من الأم ميمونة بنت الحارث رضي الله عنهما

🌻اتولدت قبل بعثة النبي ب١٣سنة تقريباً

🌻 ولما سمعت إن سيدنا محمد بقى رسول كانت من أول الستات اللي أسلموا على طول

🌻وكانت السيدة زينب رضي الله عنها زوجة الصحابي المشهور الجليل عبد الله بن جحش قبل لما تتجوز الرسول

🌻وَعَبَد الله بن جحش يبقى ابن عمة الرسول أميمة بنت عبد المطلب وكانت من الناس اللي هاجرت إلى الحبشة ومن النساء اللي كانت بتعالج الجرحى في غزوة بدر

🌻وكانت بتحب زوجها وعايشين مع بعض في سعادة

🌻 ولما جه معاد غزوة أحد

🌻زوجها قال يا رب أموت شهيد وكمان يقطعوا أنفي ووداني الأتنين

🌻طبعاً هو قال كده لصاحبه سعد بن أبي وقّاص وهو كمان كان عايز يموت شهيد

🌻علشان الشهيد ربنا بيديله جناحين يطير بيهم في الجنة

🌻وربنا بيحب الشهيد

🌻وهو قال عايز تتقطع أنفي وودني علشان الكفار لما بيكونوا متغاظين من حد قوي بيقطعوا له أنفه وودانه علشان هما ناس وحشين فعلشان كده تمنى الأمنية دي

🌻علشان كان عايز يبقى أقوى واحد في المعركة ويغيظ الكفار

🌻وفعلاً ربنا حقق له أمنيته ومات شهيد

🌻والكفار قطعوا ودانه وأنفه وشافه صاحبه سعد وقال صدق الله فصدقه الله

🌻يعني كان بيدعي وهو عارف إن ربنا هيحقق له أمنيته علشان هو بيسمع كلام ربنا والرسول

🌻وسيدنا حمزة ابن عبد المطلب عّم الرسول كان خال عبد الله بن جحش

🌻وكانوا بيحاربوا الكفار جنب بعض في غزوة أحد

🌻وهما الأتنين استشهدوا

🌻والرسول دفنهم هما الإتنين مع بعض

🌻ولما مات زوج السيدة زينب زعلت عليه لكن كانت متأكدة إن ربنا معاها وهيعوضها

🌻لكن طبعاً مكنتش عارفة إنها هتتجوز الرسول

🌻بس علشان هي كانت طيبة وبتعطف على الفقرا ربنا خلاها تتجوز الرسول

🌻وتزوجها النبي في شهر رمضان سنة ٣هجرية.

🌻وفرحت أوي وزاد حبها للإسلام وزاد عطفها على الفقرا والمساكين

🌻والرسول بنى ليها أوضة جنب السيدة عائشة والسيدة حفصة

🌻وعاشت مع الرسول في سعادة وهدوء وكان اللي بيشغلها دائماً الفقراء والمساكين

🌻ومكنتش بتعمل مقالب ولا أي حاجة لأنها كانت راضية بكل شيء ومكتفية إنها زوجة أحسن واحد في الدنيا

🌻وكانت بتتعلم من الرسول كل حاجة وبتصوم كتير وبتقوم تصلي بالليل

🌻لكن السيدة زينب بنت خزيمة منقلتش ولا حديث عن الرسول عارفين ليه؟؟

🌻لأنها عاشت مع الرسول ٨ شهور بس

🌻وماتت وهي عندها ٣٠ سنة

🌻وكانت أول زوجة للرسول تموت في المدينة بعد موت السيدة خديجة في مكة

🌻وادفنت في البقيع رضي الله عنها وأرضاها وجعل جنة الفردوس مثواها

🌻وبكرة إن شاء الله معادنا مع أم المؤمنين أم سلمة

🌻ودلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌼🌼🌼🌼🌼🌼
https://www.tg-me.com/seerawqass

#قصص_الأنبياء_للأطفال

🌴 سيدنا عيسى عليه السلام

🌼 الحلقة 4 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌻 نشأ سيدنا عيسى عليه السلام كما ينشأ باقي الأطفال

🌻 ولكنه ظهرت عليه بوادر النبوغ و الذكاء والتدين وبدت عليه مظاهر نبوته

🌻 فكان وهو يلعب مع أصحابه يخبرهم بما يأكلون وما هو موجود في بيوتهم من طعام

🌻 وكان إذا ذهب الى معلم القريه يستمع اليه بإهتمام وكان لا يتحرك مثل باقي الاطفال ويلعب أثناء الدرس

🌻 ثم يذهب الي أمه في بيت المقدس ليساعدها و كان بارا بأمه ومطيعا لها

🌻 ولما بلغ الثلاثين من عمره جاءه جبريل عليه السلام ليخبره انه أصبح رسولا نبيا

🌻 وأنزل الله عليه كتاب الانجيل وكان مصدقا لكتاب التوراه الذي أنزله الله على سيدنا موسى

🌻 وبدأ يدعو اليهود ليؤمنوا به و بالكتاب الذي أنزله الله إليه

🌻 ولكن اليهود انحرفوا عن الطريق وحرفوا شريعه سيدنا موسى عليه السلام

🌻 وكان كل همهم جمع المال وكانوا يستغلون الفقراء والمحتاجين

🌻 ويجعلونهم يقدموا للهيكل الطعام و الشراب

🌻 والهيكل هو ما تبقى من أغراض سيدنا موسى و سيدنا هارون اخوه

🌻 وكانت هذه الأشياء محفوظة في تابوت يسمى الهيكل وكان أحبار اليهود يستغلون الفقراء لأنهم هم الذين كانوا مسئولين عن الهيكل باعتبارهم رجال الدين

🌻 وكان هناك طائفه من اليهود ينكرون يوم القيامه ويقولون انه لا يوجد حساب ولا عقاب وأغلبهم كانوا يكفرون بالله

🌻 ولما جاء سيدنا عيسى يدعوهم شعر رجال الدين بالخطر يقترب من مصالحهم الشخصيه

🌻 لأن سيدنا عيسى أنكر كل ما يفعلوه وفضح أسرارهم

🌻 ولذلك اتفقوا على تكذيب سيدنا عيسى وعدم الإيمان به

🌻 ولكن سيدنا عيسى لم يستسلم وبدأ يتنقل بين القرى يدعوهم الى الله و يعرفهم حقيقه الاحبار ورجال الدين

🌻 ولكنهم طلبوا من سيدنا عيسى معجزة تؤيد كلامه وتدل على صدق ما يدعوهم إليه

🌻 فأيده الله بالمعجزات فصار يخلق من الطين شكل الطير

🌻 ثم ينفخ فيه فيكون طير بإذن الله ويطير أمامهم

🌻 ومن معجزات سيدنا عيسى ايضا انه كان يُبرأ الأكمه والأكمه هو الذي يولد أعمى أو يفقد بصره

🌻 ويُبرأ الأبرص والبرص هو مرض جلدي لونه ابيض ينتشر على الجلد

🌻 وكان يحيى الموتى بإذن الله

🌻 هذا بالإضافه الي انه كان يخبر الناس بما يأكلوه وما يدخرونه في بيوتهم كما قلنا من قبل

🌻 وكان سيدنا عيسى يكلم الناس في المهد و الكهوله وهما العمرين اللذان لا يستطيع الإنسان التحدث بوضوح ولا يفهمه الناس ~ال عمران 46 الى 53

🌻 وأرسله الله سبحانه وتعالى ليخفف عن بني إسرائيل

🌻 وذلك بإباحه بعض الأمور التي حرمتها عليهم التوراه عقاباً لهم

🌻 ومع كل هذه المعجزات كفر بني إسرائيل بسيدنا عيسى ورفضوا الإيمان بالأنجيل

🌻 بالرغم من أنهم كانوا يعلمون انه نبي من لحظة ولادته

🌻 ولكن كان هذا حال اليهود دائما ان يكذبوا الرسل ويقتلوهم

🌻 وغدا إن شاء الله سوف نعرف كيف تصرف معهم سيدنا عيسى و كيف أنزل الله عليه مائدة من السماء ثم ماذا حدث بعد ذلك؟؟!!

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
https://www.tg-me.com/seerawqass

#سيرة_امهات_المؤمنين

🌴السيدة أم سلمة رضي الله عنها

🌻كان ياما كان و مايحلي الكلام
إلا بذكر النبي .. عليه الصلاة و السلام ..

🌼اللهم صل علي سيدنا مُحَمَّد

🌻 و دلوقتي معادنا مع أمنا أم سلمه واسمها هند بنت أبي أميه

🌻ولما جابت ابنها سلمه كانوا بينادوها أم سلمه

🌻 أبوها أبو أميه بن المغيره القرشي وهو من سادات قريش وكان راجل كريم

🌻وكانوا بينادوه باسم زاد الراكب لأنه كان أي حد بيسافر معاه هو اللي بيأكله ويشربه يعني كان كريم جداً

🌻والسيده أم سلمه كانت جميله وشخصيتها قويه وكل الناس بتحترمها

🌻 وأول ما كبرت اتقدم لخطبتها عبد الله بن عبد الاسد وأمه بره بنت عبد المطلب

🌻وهي عمة الرسول صلَّ الله عليه وسلم

🌻وزوجها أبو سلمه كان أخو النبي في الرضاعه

🌻وأمهم اللي رضعتهم هي ثويبه مولاة أبي لهب

🌻وبعد ما تزوجوا دخلوا في الإسلام مع بعض وطبعا لما الكفار ضايقوهم هاجروا للحبشه

🌻ولما هاجروا الحبشه جابوا اول مولودة ليهم وسموها زينب وبعدين جابوا ولد اسمه سلمه وبعده عمر وبعده دره

🌻وبتحكي ام سلمه لرحلتها للحبشه وبتقول لما نزلنا أرض الحبشه أكرمنا النجاشي وبقينا نعبد ربنا من غير ما حد يضايقنا

🌻ولما قريش عرفت كده عملوا خطه وبعتوا للنجاشي هدايا كتير مع عمرو بن العاص وعبد الله بن أبي ربيعه

🌻وطلبوا منه إنه يرجع لهم المسلمين

🌻و إحنا حكينا القصه دي قبل كده وعرفنا ان النجاشي مرديش يسلمهم المسلمين

🌻وبتحكي أم سلمه وبتقول إن في ناس أشرار هجموا على الحبشه والنجاشي أخد الجيش بتاعه وطلع يحاربهم على الحدود

🌻 وبتقول إنهم كانوا قاعدين قلقانين فبعتوا الزبير بن العوام علشان يعرف الأخبار وبتقول فضلنا ندعي ان ربنا ينصر النجاشي

🌻وانتصر النجاشي وفرح المسلمون بإنتصاره وجت أخبار من مكه إن في ناس كتيرة دخلوا الاسلام ورجعت مكه لما سمعت الاخبار دي

🌻لكن اتفاجئوا ان المسلمين محبوسين في شعب أبي طالب وعليهم حصار اقتصادي يعني مينفعش يشتروا ولا يبيعوا أي حاجة

🌻فجزء من المسلمين قرر انه يرجع الحبشه وجزء قرر انه يدخل للرسول الحصار

🌻ودخلت هي و زوجها مكه وكان لازم تدخل في جوار حد علشان يرضوا يدخلوها البلد

🌻يعني يطلبوا من حد من الناس المهمة اللي ليها مكانه في قريش إنهم يحموهم من الكفار ولازم الحد ده يوافق إنه يحميهم

🌻وطلبوا من خال أبو سلمه اللي هو أبو طالب عم الرسول إنه يحميهم

🌻وكانوا الكفار مش عاجبهم اللي حصل فراحوا لأبو طالب وقالو له كفايه إنك بتحمي محمد مش هنسمحلك كمان إنك تحمي أبو سلمه

🌻فرد أبو طالب وقال لهم دول ولاد إخواتي وهما طلبوا الحمايه و لازم أحميهم

🌻ولما مات أبو طالب رجعوا الكفار يعذبوهم تاني فقرروا إنهم يروحوا المدينه بعد ما الرسول أمرهم بكده

🌻وبتحكي أم سلمه عن سفرها للمدينه وبتقول أبو سلمه ركبني الجمل بتاعه وكنت شايله سلمه على رجلي لكن لما الكفار اللي من عيلتها عيلة بني المغيره قالوا له دي ابنتنا ومش هنسمحلك تسافر بيها

🌻وأخدوا السيده أم سلمه من على الجمل هي وابنها

🌼 واضطر أبو سلمة يسافر لوحده على المدينة زي ما أمره الرسول وخصوصا إنها كانت مع أهلها في أمان

🌻وطبعا اهل ابو سلمه الكفار زعلوا من اللي حصل قالوا والله مش هنسيب حفيدنا عندهم

🌻وراحوا شدوا سلمه من يده بالعافيه فأتخلعت يد ابنها سلمه

🌻وخدوه أهل أبوه وهي اتحبست عند أهلها وزوجها ابو سلمه سافر للمدينه ومعرفش اللي حصل لإبنه

🌻وقالت ام سلمه فبقى زوجي في مكان وابني في مكان وانا في مكان تالت وفضلت على الحال ده سنه كامله

🌻وكانت كل يوم تخرج لمكان اسمه الاقطح تقعد تعيط وتستنى يمكن حد ييجي يساعدها

🌻فشافها واحد من عيلتها و صعبت عليه وقال لأهلهم كفايه عذاب سبوها ترجع لزوجها ولما عرف أهل أبو سلمه إنهم خلوا السيدة أم سلمة تمشي أعطوها ابنها وركبت الجمل وسافرت لزوجها

🌻وبتقول انها قابلت عثمان بن طلحه لما قربت توصل للمدينه وسألها رايحه فين قالتله رايحة لزوجي في المدينه ومسك الجمل بتاعها ووصلها وكان كريم معاها طول الطريق

🌻وأول ما وصلوا عند قباء قالها زوجك هنا في القريه دي

🌻يا ترى حصل إيه تاني لأم سلمة؟؟!!

🌻بكره إن شاء الله هنعرف علشان دلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌼🌼🌼🌼🌼🌼
https://www.tg-me.com/seerawqass

#قصص_الأنبياء_للأطفال

🌴 سيدنا عيسى عليه السلام

🌼 الحلقة 5 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 اعطى الله سبحانه وتعالى سيدنا عيسى العديد من المعجزات بعد ان طلب منه يهود بني إسرائيل أن يأتي لهم بمعجزة تصدق كلامه

🌻 ومعجزات سيدنا عيسى عليه السلام

🌻 تكليم الناس في المهد و الكهوله لأنه في هذه الفترة لا نستطيع تمييز كلام الرضيع ولا الكبير في العمر

🌻 وخلق طير من الطين ثم النفخ فيه فيتحول الي طير حقيقي

🌻 وإبراء الأكمه و هو من ولدأاعمى فيمسح على عينه فيصبح بصير

🌻 وإبراء الأبرص و هو المرض الذي يصيب الجلد ويجعل لونه ابيض فيمسح سيدنا عيسى على الجسد فيصبح سليما

🌻 وإحياء الموتى بإذن الله

🌻 و إخبار الشخص بما اكل و ما ادخر في بيته

🌻 هذا بالإضافه الى ان الله قد خفف عن بني إسرائيل وأحل لهم ما قد حرموه علىأانفسهم

🌻 و لكن مع كل هذا و بعد ان أحس عيسى انهم لن يؤمنوا به

🌻 ذهب اليهم و سألهم من أسلم بي وصدق رسالتي ؟

🌻 فما آمن له الا 12 رجل وهم الحواريون ~المائدة 112 -115 و ال عمران 52-53

🌻 ومع ان الحواريون قد آمنوا بسيدنا عيسى عليه السلام الا انهم كانوا مترددين

🌻 ولذلك أمرهم سيدنا عيسى بالصوم لمده ثلاثين يوما

🌻 حتى يتبين له صدقهم و حتى تطهر أنفسهم

🌻 واستجاب الحواريون لسيدنا عيسى و صاموا ثلاثين يوما

🌻 وعندما انتهوا من الصوم طلبوا من سيدنا عيسى إنزال مائدة من السماء عليهم

🌻 ليأكلوا منها وتطمئن قلوبهم ان الله قد تقبل صيامهم

🌻 واستجاب دعائهم وتكون لهم عيدا يفطرون عليها يوم فطرهم

🌻 وتكون كافيه لأولهم وآخرهم ولغنيهم وفقيرهم

🌻 ونصحهم سيدنا عيسى عليه السلام وهو خائف عليهم

🌻 بألا يطلبوا هذا الطلب من الله لأنهم لن يستطيعوا ان يشكروا الله على هذه النعمه و لن يؤدوا حقها وسوف يكفرون بها

🌻 ولكنهم أصروا على هذا الطلب فقام سيدنا عيسى الى مصلاه وبدأ يدعوا الله و يتضرع لله

🌻 ويدعوه بأن يستجيب للحوارين وينزل عليهم مائدة من السماء

🌻 فاستجاب الله لسيدنا عيسى وأنزل المائدة من السماء

🌻 والناس ينظرون إليها و هي تنزل بين غمامتين من السماء

🌻 وأخذت تقترب شيئا فشيئا للأرض وكلما اقتربت للأرض كلما ازداد خوف سيدنا عيسى

🌻 وزاد دعائه ان يجعلها الله رحمه لهم و ليس نقمة عليهم

🌻 ونزلت المائدة أمام سيدنا عيسى مباشرة

🌻 وعليها غطاء كبير وقام سيدنا عيسى بكشف الغطاء عنها

🌻 وقال بسم الله خير الرازقين و كان عليها سبعه حيتان و سبعه ارغفه و رمان و ثمار لها رائحه طيبة عظيمه

🌻 وأمرهم سيدنا عيسى ان يبدءوا في الطعام و لكنهم رفضوا الأكل حتى يبدأ هو بالاكل أولا

🌻 فأمر الله الفقراء والمرضى وكان عددهم 1300شخص فأكلوا منها فبرأ كل من كان به مرض وندم الذين لم يأكلوا عندما رؤوا ما حدث لمن اكل منها

🌻 و كانت هذه المائدة تنزل عليهم كل يوم مرة واحده يأكل منها جميع الناس حتى يشبعوا

🌻 وقد قيل انه كان يأكل منها حوالي 7000 شخص ثم اصبحت تنزل يوما بعد يوم ثم بعد ذلك امر الله سيدنا عيسى ان تكون للفقراء والمساكين فقط والاغنياء لا يأكلوا منها فأعترضوا ولم يوافقوا على أمر الله لهم

🌻 فرفعها الله بالكليه و لم تعد تنزل و مسخ الله الذين تكلموا واعترضوا الى خنازير

🌻 لأن الله قد حذرهم وهددهم بالعذاب الشديد قبل ان ينزل المائدة لمن يكفر أو يعترض على اوامر الله و لكنهم كفروا و اعترضوا ~المائدة 115 و الصف6

🌻 وبعد ما اصاب الناس هذا العذاب الشديد بقى فقط الحواريون على ايمانهم وتصديقهم واصبح يوم نزول المائدة عيداً لهم

🌻 الا رجلا واحدا سوف نعرف قصته غدا إن شاء الله

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
https://www.tg-me.com/seerawqass