هذه شواهد من شاركوا في دورة شرح نظم المنيرة في مهم علم السيرة وسجلوا أسمائهم في الاستمارة. ومن شارك ولم يسجل اسمه لأي سبب فله أن يقوم بتنزيل الشهادة بدون اسم ويقوم بطباعتها ثم يكتب اسمه/ها عليها والله المستعان. محبكم في الله الفقير إلى عفو ربه محمد بلحسن.

#السيرة_النبوية_للأطفال

🌙 الحلقة 26🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

🌼أول لما الكفار لقوا المسلمين نزلوا من علي الجبل ...

🌻رجعوا تاني بسرعة وطلعوا فوق الجبل مكان المسلمين وهجموا علي المسلمين تاني

و طبعا مفيش حد فوق الجبل بيحمي
🌼المسلمين

🌼اتجمع المسلمين الشجعان حولين سيدنا محمد و فضلوا يحاربوا الكفار بالسيوف

🌻وسيدنا محمد بيحارب معاهم ..
🌼كل المسلمين حولين سيدنا محمد خايفين لحسن الكفار يؤذوه ..

🌻و بيحاربوا كلهم بأقصي قوتهم ...
بس الكفار الأشرار المرة دي قتلوا مسلمين 🌼كتير ...أوي

🌼فسيدنا محمد أخد المسلمين اللي معاه
🌻وجريوا بسرعة بالأحصنة و راحوا ورا الجبل ...

🌼قائد الكفار الأشرار طلع فوق جبل أحد و هو فرحان ...

🌻و قعد يقول : و قعد يقول كسبناكم كسبناكم في معركة جبل أحد زي ما
🌼كسبتونا في معركة بدر ....

🌼بس واحد من المسلمين الشجعان رد عليه .... :🌻
عمركوا ما هتكسبونا ...
🌻عشان احنا اللي يموت مننا في الحرب احنا المسلمين هيدخل الجنة ....
🌼لكن اللي هيموت منكم يا كفار هيدخل النااااار ....
🌻عمركوا ما هتكسبونا ...

🌻مشي الكفار و رجعوا مكة
🌼و رجع المسلمين المدينة بس المرادي كانوا زعلانين
🌻كانوا زعلانين إنهم ما سمعوش كلام سيدنا محمد ...

🌻بس اتعلموا أهم حاجة في حياتهم ...
🌼إن لو المسلمين عايزين يكسبوا ....يبقي لازم يطيعوا سيدنا محمد
🌻و يسمعوا كلامه في كل حاجة يقولها ...

🌼لو إحنا عايزين نبقي كسبانين في كل حاجة في حياتنا

🌻يبقي لازم نسمع كلام سيدنا محمد في كل الحاجات اللي علمهالنا ...

🌼ولو احنا عايزين ندخل الجنة اللي فيها كل حاجة بنحبها
🌻يبقي برضه لازم نسمع كلام سيدنا محمد
🌼في كل حاجة بيعلمها لينا

🌻 وهنشوف بكرة ان شاء الله إيه اللي هيحصل بعد كده

🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة التاسعة🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻قلنا إمبارح إن فيه حاجات تزعل و فيه حاجات تفرح حصلت لسيدنا محمد هو والسيدة خديجة هنعرف شوية منها النهارده

🌻بعد لما الكل عرف ان محمد هو الرسول اللي ربنا بعته

🌻طبعا ظهر اعداء كتير لسيدنا محمد و اولهم عمه ابو لهب

🌻و طبعا فاكرين ان بنات الرسول الاتنين كانوا متجوزين ولاده

🌻و اول ما ابو لهب عرف هو و مراته ام جميل ان محمد بقى الرسول

🌻خلو ولادهم يسيبوا بنات الرسول ويطلقوهم

🌻و طبعا خديجه و محمد زعلوا على بناتهم لكن بردو قالوا الحمدلله

🌻و بنت الرسول الثالثه اللي هي اسمها زينب اتجوزت ابو العاص بن الربيع

🌻و هو كان بيحبها اوي و هي كمان بتحبه

🌻و فضلوا عايشيين مع بعض بس هو لسه كافر و معترفش ان محمد بقى الرسول لكن مكنش بيأذي الرسول

🌻و فضلت الأسرة في مشاكل و فضل اهل مكه يتهموا سيدنا محمد و السيدة خديجة بالجنون

🌻و اغلبهم مش مصدق انه الرسول

🌻و كان في ناس كتير اوي تيجي عند السيده خديجه في البيت و يقعدوا يسألو أسأله كتير عن كده

🌻في منهم كان بيصدق و يسلم و منهم كان بينكر و يكفر و يأذي سيدنا محمد

🌻و كانت ام جميل بتحط الشوك في طريق سيدنا محمد بليل علشان اول ما يصحى الصبح يدوس عليه

🌻لأن بيتها كان جنب بيت سيدنا محمد صل الله عليه وسلم والسيدة خديجة

🌻و كان عندها سلسلة مش موجودة عند اي حد في مكه و كانت غاليه اوي

🌻 و حلفت انها هتبيع السلسلة علشان تصرفها على أذية الرسول صل الله عليه وسلم

🌻و في يوم من الأيام جابت حجر كبير مستطيل و كان سيدنا محمد و سيدنا ابو بكر قاعدين عند الكعبه

🌻 و راحت علشان ترمي على سيدنا محمد الحجر

🌻و سيدنا ابو بكر خاف على الرسول و قاله يالا نقوم دي جايه و في عينها الشر

🌻رد الرسول عليه و قاله متخفش ربنا هيحميني

🌻و فعلا اما قربت منهم مشفتش سيدنا محمد و سألت عليه ابو بكر و قالتله فين صاحبك

🌻انا عرفت انه هو بيشتمني انا و زوجي و بيقول تبت يدا ابي لهب و تب و كملتله صوره المسد

🌻وقالت لسيدنا أبو بكر لو كنت شفته دلوقتي كنت ضربته بالحجر ده..و قالت كلام وحش على الرسول

🌻مذمما عصينا و امره ابينا و دينه قلينا

يعني بتشتم الرسول وسمته مذمم بدل محمد

🌻و بعدين مشيت و هي ناوية على الشر

🌻و علشان كده ربنا قال انها هتدخل النار في سوره المسد (في جيدها حبل من مسد)

🌻و في ناس كتير كانت زيها هي و زوجها كانوا بيعادوا الرسول و بيأذوه

🌻و السيدة خديجة كانت واقفه جنب الرسول و بتثبته و تقوله متخفش انت على الحق

🌻و كمان في حاجة زعلت الرسول اكتر..ان سيدنا جبريل اتأخر عليه

🌻و افتكر الرسول أن ربنا زعلان منه

🌻لكن السيده خديجه طمنته و قالتله متخفش انت مش بتعمل حاجه غلط و انت مش ممكن ربنا يسيبك ولا يبعد عنك

🌻فضحك الرسول علشان جبريل نزل في نفس الوقت ده و قاله نفس الكلام في الوقت ده نزل على الرسول سورة الضحى

🌻و طبعا سوره الضحى كانت بتقول ان مش ممكن ربنا يسيب سيدنا محمد لأن كل الصفات الحلوة فيه

🌻و فرحوا قوي بعد ما كانوا زعلانين

🌻 و قالتله خديجه انا معاك و هساعدك و اكيد ربنا هيقف معاك

🌻و كانت السيده خديجه بتحاول تقول الكلام اللي الرسول بيقوله لها لناس كتير علشان تساعد سيدنا محمد

🌻و احنا كمان لازم اول ما نعرف أي معلومة عن الرسول نقولها لصحابنا وقرابينا

🌻بس الرسول مكنش بيعرف يتكلم مع الناس لأن الناس الأشرار اللي زي أبو لهب كانوا دايما مش بيخلوه يتكلم

🌻و كان كل ما ييجي يتكلم يعملوا دوشه

🌻فاضطر يروح الرسول لبيت الارقم علشان يبعد عن الناس الاشرار

🌻و طبعا كلنا عارفين دار الارقم اللي حكينا عليها في قصه الرسول واللي كان الرسول بيعلم فيها المسلمين دينهم

🌻يا ترى ايه اللي حصل بعد كده للرسول و السيدة خديجة

🌻و ياترى هيعرف الرسول يوصل الإسلام للناس

🌻و ازاي وقفت جنبه زوجته خديجه

🌻هنكمل بكرة إن شاء الله

🌻لأن دلوقتي جه وقت النوم هنكمل بكره إن شاء الله

🌻تصبحوا على خير يا حلوين

🌻 اللهم صل على سيدنا محمد
🌻🌼🌻🌼🌻🌼🌼🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🌴قصة موسى عليه السلام🌴

🪴الحلقة 18🪴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 لقد انتهى لقاء سيدنا موسى مع ربه عز و جل لمدة أربعين ليلة

🌻و كان أسعد انسان على وجه الارض

🌻 فلقد كلمه ربه واصطفاه وأكرمه غاية الإكرام

🌻ونزل سيدنا موسى من فوق الجبل و هو يحمل ألواح التوراه

🌻ولكن الله سبحانه وتعالى أخبره بخبر جعله حزين و غضبان

🌻 لقد أخبره الله سبحانه وتعالى ان قومه قد فتنهم السامري

🌻و ذلك بعد أن خرج بني إسرائيل من مصر و قد أخذوا معهم حلي و ذهب الفراعنة

🌻وقد سألوا علماؤهم عن حكم هذا الذهب الذي أخذوه من الفراعنه؟؟

🌻فأمرهم العلماء بإلقاء هذا الذهب والحلي والتخلص منه لأنه حرام

🌻وأخذه السامري و كان أحد علمائهم و صنع منه تمثال على شكل عجل مجوف وفارغ من الداخل

🌻ووضعه في إتجاه الريح فإذا دخل الهواء من الفتحة الخلفيه و خرج من أنف العجل أحدث صوتا يشبه صوت خوار العجول الحقيقيه

🌻ويقال ان السر في هذا الصوت الحقيقي للعجل أن السامري قد رأى جبريل عليه السلام عندما نزل إلى الأرض و كان راكبا فرسا في معجزة شق البحر

🌻فأخذ قبضة من التراب الذي سار عليه الفرس و خلطها بالذهب الذي صنع منه العجل الذهبي

🌻وخرج السامري على بني إسرائيل ليريهم هذا العجل الذهبي الذي يشبه العجل الحقيقي في صوته

🌻فسألوه ما هذا الذي صنعت يا سامري فقال هذا إلهكم وإله موسى

🌻فقالوا كيف يكون هذا إله موسى و قد ذهب موسى للقاء ربه فوق الجبل

🌻فقال لهم لقد نسي موسى وذهب للقاء ربه هناك بينما ربه هنا

🌻و جاءت موجه من الرياح الشديدة فدخلت داخل العجل الذهبي وأخرجت صوت عالي ومتواصل من العجل

🌻ففرح بنو إسرائيل و عبدوا هذا العجل و قالوا هذا إله بني إسرائيل

🌻وخرج هارون عليه السلام أخو سيدنا موسى ووجدهم يعبدون العجل فغضب غضبا شديدا

🌻وأخذ ينهاهم عن هذا المنكر و يحذرهم من غضب الله

🌻ولكن انقسم بنو إسرائيل الى فريقين فريق القله المؤمنه الصابره الذين ثبتوا على الحق و اطاعوا هارون و عبدوا الله عز و جل وحده

🌻وفريق عبدة العجل و هم الأغلبيه العظمى للأسف

🌻وظل سيدنا هارون ينصحهم و لكنهم لم يستجيبوا له

🌻وأخذ سيدنا هارون يذكرهم بنعم الله عليهم و لكن بلا فائده

🌻ووقف القوم يرقصون حول العجل الذهبي في نفس الوقت الذي وصل فيه سيدنا موسى إليهم

🌻وعندما رأوا سيدنا موسى توقفوا وخافوا من سيدنا موسي

🌻وصرخ فيهم سيدنا موسى وقال كيف تغيرون دينكم بهذه السهوله و تعبدون عجلا لا ينفع و لا يضر

🌻وألقى سيدنا موسى الألواح المكتوب بها التوراه من يده واتجه الى سيدنا هارون

🌻وأمسك به من شعره و لحيته و قال له حتى أنت يا هارون كيف عصيت أمري و سكتت عن هذه الفتنه الكبيرة و كيف تركتهم يعبدون العجل

🌻فرد عليه سيدنا هارون و قال له يا ابن أم وكأنه يذكره بصلة الرحم كي يحن قلبه ويتذكر أن تربيته لا تسمح بمثل هذا الفعل

🌻وقال سيدنا هارون لسيدنا موسى لا تأخذ بلحيتي و لا برأسي حتى لا تشمت بي الأعداء

🌻وقال أنا خفت أن تتهمني أنني فرقت بين بني إسرائيل لأنك أوصيتني أن أحافظ عليهم ولا أفرق بينهم

🌻و هذا الموضوع كان سيفرق بين بني إسرائيل

🌻فصبرت حتى ترجع وخاصة ان القوم استضعفوني و كادوا يقتلونني

🌻وأدرك سيدنا موسى أنه قد تسرع في حكمه على أخيه وأنه نسي بسبب غضبه أن هارون نبي مثله تماما و لا يمكن ان يرضى بالكفر

🌻وترك سيدنا موسى رأس أخيه و لحيته واستغفر الله لنفسه و لأخيه
~طه 90 الى 97
و الاعراف 150 الى 157

🌻وغدا إن شاء الله سوف نعرف كيف تصرف سيدنا موسى في هذا الموقف

🌻تصبحوا على خير يا حلوين🌻

🌻 اللهم صل على سيدنا مُحَمَّد
🌻🌼🌻🌼🌻🌻🌻🌼🌻
إقرأ 📚 وانشر 📬 تُؤْجَرْ
‏https://www.tg-me.com/seerawqass

#تدبر

╰🌸🍃╮

﴿ثُمَّ يَتُوبُونَ مِنْ قَرِيبٍ﴾

سُئِلَ أصحاب النبيﷺ عن الآية فقالوا: كل من تاب قبل الموت فقد تاب من قريب

╰🌸🍃╮
@Dorrlltdbr

#السيرة_النبوية_للأطفال

🌙 الحلقة 27 🌙

🌛من سيرة الرسول للأطفال🌜

🌼كان ياما كان .... و ما يحلي الكلام إلا
🌻بذكر النبي عليه الصلاة و السلام ....
و بأعلي و أحلي صوت يرد ولادي ...
🌼عليه الصلاة و السلام ...

🌻زي ما قولنا .. سيدنا محمد عليه الصلاة و السلام كان عايش في المدينة ...
البلد الطيبة الجميلة ..🌼

🌻ومعاه المسلمين الصالحين الطيبين ...
بس مين كمان عايش معاهم؟؟؟؟
اليهود ...🌼

🌻سيدنا محمد عمل إيه مع اليهود ؟
🌼سيدنا محمد اتفق مع اليهود اتفاق .
أنهم يعيشوا في سلام و أمان مع المسلمين..
🌻و محدش يؤذي التاني ولا يحاربه ...
ولا حد يساعد الكفار الأشرار علي شرهم

🌼بس عارفين إيه اللي حصل ؟

🌻يوم من الأيام ...شوية يهود ... عشرين واحد ...

🌼سافروا لمكة .... و راحوا للكفار الأشرار ... و قالوا لهم :

🌻" إحنا اليهود اللي في المدينة ... إحنا حاسين إن المسلمين بقوا أقويا

🌼و إحنا متغاظين منهم ...و إحنا جينا عندكم عشان نساعدكم يا كفار ...

🌻هنساعدكم عشان تحاربوا سيدنا محمد و المسلمين ...عشان نبقي إحنا الأقوي

🌼اليهود الكذابين خلفوا وعدهم ..كذبوا في اتفاقهم مع المسلمين ...قالوا إنهم هيعيشوا مع بعض في أمان وسلام ..
بس راحوا في السر يساعدوا الكفار الأشرار🌻


🌼الكفار طبعا في مكة بقوا فرحانين أوي .... و فضلوا يجهزوا جيش قوي ...
جيش مليان كفار ويهود....و كمان جابوا أسلحة كتير 🌻

🌻عشان يجمعوا كل قوتهم...

🌼اليهود كمان قالوا :إحنا عندنا خطة !!....إحنا نروح بره مكة ...
ونقول للناس اللي عايشين حولين مكة إن المسلمين أشرار ..🌻

🌼و نخليهم ييجوا معانا في الجيش بتاعنا عشان نبقي قوة كبيرة جدا ..
و نروح كلنا نحارب المسلمين🌻

🌻اليهود و الكفار ....جمعوا كل الأشرار ....اللي جوة مكة ...و اللي برة مكة ... وعملوا جيش ضخم ...
فيه 10 آلاف واحد ...ياااااااااه 10 آلاف واحد🌼

🌼رايحين يحاربوا المسلمين في المدينة ... و يحاربوا سيدنا محمد عليه الصلاة و السلام 🌻

🌻يا تري هيعرفوا ؟ .... طيب هيقدروا ؟؟


🌻سيدنا محمد عليه الصلاة و السلام عرف .... فجمع أصحابه ... 🌼

🌻وخد رأيهم ...فواحد من المسلمين ...
اسمه "سلمان الفارسي"🌼

🌻قال لسيدنا محمد : أنا عندي خطة !

🌼المدينة بتاعتنا حوليها جبال من كل ناحية إلا ناحية واحدة ...🌼

🌻فالكفار الأشرار مش هيقدروا يدخلوا مدينتنا إلا من الناحية دي ..

🌼هو ده المكان الوحيد اللي يقدر الكفار يدخلوا منه ...

🌻في الناحية دي هنعمل خندق ....يعني حفرة ضخمة و طوييييييلة ...

🌼يلاقيها الكفار و ما يعرفوش يعدوها أبدا ....

🌻و إحنا المسلمين نحرسها .... و اللي يحاول يعديها ... هيلاقينا إحنا المسلمين بنحاربه بكل قوة و شجاعة ...


🌼فكرة جميلة جدا ....و هتبقي مفاجأة لجيش الكفار ...الشرير

🌻بدأ سيدنا محم صل الله عليه وسلم و المسلمين.... يحفروا الخندق ...بكل قوتهم و جهدهم ...

🌼ومش بيرتاحوا ولا يناموا غير شوية صغيرين ...

🌻ومش بياكلوا إلا أقل أكل...
لغاية لما كل الأكل اللي معاهم خلص ...
و تعبوا جدا ...

🌼بس فضلوا يحفروا بكل قوة وهما مستحملين كل التعب و الجوع

🌻لانهم عارفين إن ربنا شايفهم و عارف أد إيه تعبانين ...

🌼و مستحملين كل حاجة عشان يحافظوا علي دين ربنا ... الإسلام ...

🌻و المسلمين عارفين أنهم لوتعبوا و عملوا كل جهدهم ربنا هينصرهم و يخليهم يكسبوا الكفار .....

🌼واحد من أصحاب سيدنا محمد ......كان عنده شوية أكل حبة صغيرين ...
شوية لحم و شعير....

🌻طبخهم وراح وداهم لسيدنا محمد ....
بس كان عارف إن الأكل حبة صغيرين ....
ومش هيكفي كل المسلمين

🌼سيدنا محمد خد الأكل و جمع كل المسلمين اللي بيحفروا

🌻كانوا ألف واحد ...وزع عليه الأكل ... واحد واحد ...
فأكلوا كلهم و شبعوا ...

🌼و صاحب سيدنا محمد بقي مستغرب إزاي الأكل كفي كل المسلمين وهو كان شوية صغيرين

🌻فعرف إن ربنا بيخلي فيه بركة و خير مع الرسول

🌼و بيخلي الحاجة القليلة كتيرة ...
عشان ربنا هواللي اختاره ...و ربنا هو اللي بيساعده دايما ...

🌻المسلمين وهما بيكملوا حفر الخندق ...لقوا صخرة قوية جدا جدا
...كأنه حتة حديدة

🌼و محدش قادر يكسرها ....فقالوا لسيدنا محمد ...

🌻فسيدنا محمد أخد منهم الفاس ... و قال : بسم الله ...🌼

🌻و ضرب الصخرة ... اتكسرت منها حته ...فقال :الله أكبر 🌼

🌻و ضرب تاني ...فاتكسرت حتة كمان فقال :الله أكبر🌼

🌻و ضرب تالت مرة ... الصخرة اتحولت لفتافيت ....فقال :بسم الله..الله أكبر🌼

🌻وخلص المسلمين حفر الخندق ....وعملوا الحفرة الضخمة الطويلة ....

🌻عارفين ايه اللي حصل بعد كده ؟؟

🌼هنعرف بكرة إن شاء الله🌻

🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass