#تدبر

⇓☘️⇑

🍃🍂حَتَّى زُرْتُمُ الْمَقَابِر🍃🍂

إشـارة لطيفـة أنه حتى مـوت اﻹنـسان
ودفـنـه في هـذه الدنيـا ماهـو إﻻ
" زيــارة "
فـالموت ليس نـهاية المطاف"

⇓☘️⇑

إقرأ 📚 وأنشر 📩 تُؤجر @Dorrwfwaed
للتواصل @ManarRiad

#كارتون_إسلامي_للأطفال

🌼 أحكام القرآن🌼

🔺الحلقة15 الصدق🔻
مفيد جدا أنك بعد أن تحكي قصة لطفلك قبل النوم
تجعليه يستمتع بمشاهدتها في أي وقت فراغ له أو وهو يتناول طعامه أثناء النهار
فهو كرتون هادف ومفيد ويصحح العقيدة عند الطفل ولا يملأ عقل الطفل بالخرافات والتفاهات كما يحدث في أي كرتون مستورد الغرض منه هو طمث الهوية والدين
اللهم علمنا ما جهلنا وانفعنا بما علمتنا

https://youtu.be/1K36tWQIWb0

#سيرة_امهات_المؤمنين

🌴السيدة رمله بنت أبي سفيان أم حبيبه رضي الله عنها 🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 معادنا النهرده مع زوجة من زوجات الرسول قلبها طيب وبتحب الخير لكل الناس وكانت متزوجه من عبيد الله بن جحش

🌻وأول لما عرفوا ببعثة الرسول جريوا عليه وأسلموا علشان هو الصادق الأمين

🌻 بس طبعا أبوها أبو سفيان اللي هو كان من سادة قريش كان زعلان جدا

🌻ومكنش متخيل إن بنته هتعمل حاجه ضده وهتسيب دين آباءها وأجدادها

🌻وحاول بكل الطرق يخليها تسيب الاسلام هي وزوجها بس معرفش

🌻 ولما تأكدت قريش إن أبو سفيان ضد بنته وزوجها بدأوا يضايقوها علشان تسيب الإسلام زي ما كانوا بيضايقوا باقي المسلمين

🌻وفضلت تعاني 10 سنين هي وزوجها من ظلم أهل مكه

🌻وطبعا الرسول سمح لهم بالهجره للحبشه

🌻وفعلا لموا حاجتهم واستعدوا للسفر وكانت أم حبيبه حزينه إنها هتسيب بلدها اللي إتربت فيها

🌻وكانت في الوقت ده حامل في بنتها حبيبه

🌻لكن إستحملت علشان تخلص من ظلم الكفار ووصلوا للحبشه وعاشوا في سعاده

🌻بس للأسف السعاده مكملتش لأن زوجها أدمن شرب الخمر وساب المسلمين وفضل قاعد مع نصارى الحبشه وجه في يوم من الأيام وقالها إنه قرر يسيب الإسلام

🌻وصحيت من نومها وهي مرعوبه من اللي شافته وفهمت إن الرؤيه دي معناها إنه هيسيب الإسلام

🌻وحاولت أم حبيبه تغير رأي زوجها وتخليه يرجع تاني للإسلام لكن للإسف مقتنعش

🌻وطلقها وعاشت وحيده مع بنتها حبيبه

🌻لكن اللي كان مصبرها إنها مسلمه وإن دينها هو دين الحق

🌻وبعد فتره مات زوجها وهو نصراني ووصلت الأخبار للرسول وعرف اللي حصل لأم حبيبة

🌻وزعل عليها وكانت الفتره دي علاقه الرسول بدأت تبقى قويه بينه وبين النجاشي ملك الحبشة

🌻و في سنة 7 هجريه بعت الرسول رسايل ل 6 ملوك يشرح لهم الإسلام

🌻واختار 6 من أصحابه علشان كل واحد يروح لملك

🌻بعد ما خلى كل صحابي يتعلم لغه البلد اللي هيروح لها علشان يعرف يقنع اللي قدامه

🌻وبعت الصحابي عمرو بن أميه إلى النجاشي واستقبله النجاشي ورحب بيه وأكرمه

🌻ولما أعطى له الرساله نزل من على الكرسي بتاعه وحط الرساله على عينه وأعلن إسلامه

🌻وبعدين قال والله لو كنت أقدر أروح للرسول دلوقتي كنت رحت وقعدت بين ايديه وحطيت راسي عند رجليه

🌻وبعدين النجاشي كتب رساله للرسول يقول فيها إنه أسلم واستجاب لدعوة الرسول

🌻وفي اللحظه دي عمرو بن أميه أعطى رساله تانيه من الرسول للنجاشي بيطلب فيها منه يخطب له أم حبيبه

🌻وتاني يوم الصبح النجاشي بعت جاريه لأم حبيبه علشان تقولها إن الرسول عايز يتزوجها

🌻وطبعا فرحت أم حبيبه واستغربت وافتكرت الرؤيه اللي شافتها

🌻لما سمعت وهي نايمه حد بينادي لها ويقولها يا أم المؤمنين

🌻يا ترى إيه اللي حصل بعد كده؟؟

🌻 هنعرف بكره إن شاء الله علشان دلوقتي جه معاد النوم

🌻تصبحوا على خير يا حلوين🌻

🌻وصل اللهم وسلم على سيدنا محمد
🌻🌼🌻🌼🌻🌼🌻🌼🌻🌼🌻
✍🏻 للتواصل @ManarRiad
إقرأ 📚 وانشر 📬 تُؤْجَرْ @seerawqass

#صفوة_الصفوة

🌺الحلقة1🌺
قصص الأنبياء مع شرح ممتع للدكتور عمر عبد الكافي في برنامج صفوة الصفوة

📩 انضم إلينا وادعوا غيرك 📩

🌙سيرة وقصص للأطفال🌙
@seerawqass
وللتواصل @ManarRiad
🔻🔻🔻🔻🔻🔻🔻🔻🔻

https://youtu.be/-qFs1dfq_-o

#قصص_الأنبياء_للأطفال

🌙الحلقة الثالثة 🌙

🌴 سيدنا آدم رضي الله عنه🌴

🌻كان ياما كان ومايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد ما ربنا خلق سيدنا آدم وسكن في الجنة

🌻كان بيفضل يمشي فيها لوحده وهو زعلان

🌻 لأنه وحيد مفيش حد بيتكلم معاه ولا يقعد معاه

🌻 لكن ربنا خلق ستنا حواء من ضلع سيدنا آدم

🌻 علشان تكون جزء منه وميقدرش يستغنى عنها ولا هي تستغنى عنه

🌻 وكانت من ضلعه الشمال علشان تكون قريبه من قلبه

🌻 وسماها ربنا حواء لأنها خُلقت من حي وهو آدم عليه السلام

🌻 وربنا أمرهم إنهم يسكنوا الجنة ويأكلوا كل حاجة يحبوها بشرط إنهم يبعدوا عن شجرة واحدة بس ومايكلوش منها ولا يقربوا منها

🌻 وربنا كمان حذرهم من عدو ليهم اسمه إبليس

🌻 لكن إبليس كان بيراقبهم لأن آدم كان سبب غضب ربنا عليه لأنه رفض إنه يسجد لآدم مع الملائكة

🌻 وسمع إن ربنا قالهم ميكلوش من الشجرة فقعد يوسوس ليهم ويقول لهم صدقوني أنا عايز مصلحتكم اسمعوا كلامي وكُلُوا من الشجرة دي

🌻 وحلف بالله إن كلامه كله صح وفي مصلحتهم وقال لهم لو أكلتم من الشجرة دي هتكونوا ملكين خالدين

🌻 ونسي آدم إن ربنا حذره من الأكل من الشجرة دي

🌻 ونسي كمان إن ربنا قال له إن إبليس عدو له وعايز يضره

🌻 وأكل آدم من الشجرة هو وحواء

🌻 وأول لما أكلوا من الشجرة ملابس الجنة وقعت من عليهم وبقوا ياخدوا ورق الشجر علشان يغطوا بيه نفسهم

🌻 وربنا زعل منهم وقالهم أنا مش قلت لكم متكلوش من الشجرة دي ليه مسمعتوش الكلام وقلت لكم إن الشيطان عدوكم

🌻 فقالوا يا رب إحنا غلطنا وخلاص مش هنعمل كده تاني يارب ساعدنا وارحمنا

🌻 وطبعا ربنا بيقبل الدعاء والتوبة طالما الواحد ندم وعرف غلطه وقال أنا مش هعمل كده تاني

🌻 بس ربنا أمرهم بالنزول من الجنة إلى الأرض

🌻 وربنا قال لهم إنه جهز لهم الأرض علشان يعرفوا يعيشوا فيها لغاية يوم القيامة حتى إن ربنا نزل لهم فواكه من الجنة بس الفرق إن الفواكه في الأرض بتبوظ وتعفن بسرعة لكن في الجنة مش بتتغير

🌻 وربنا أمر إبليس كمان إنه ينزل الأرض مع آدم وحواء

🌻 وربنا قال لهم إنكم أعداء لبعض واللي هيسمع كلام الشيطان هيدخل النار معاه

🌻 وربنا قال لهم هتعيشوا في الأرض وهتموتوا فيها ويوم القيامة هتطلعوا منها إما للجنة أو للنار

🌻 وخرجوا من الجنة يوم الجمعة وإحنا قلنا قبل كده إن ربنا خلق آدم يوم الجمعة وكمان دخله الجنة يوم الجمعة وفي الآخر خرج من الجنة يوم الجمعة

🌻 وكمان يوم الجمعة هيكون كمان يوم القيامة

🌻ولازم كلنا نستفيد من قصة سيدنا آدم ونعرف إن الشيطان عدونا وهو اللي أخرج أبونا آدم من الجنة

🌻 ولازم نعرف كمان إننا لازم ميكنش عندنا عند زي الشيطان علشان عنده هو اللي خلى ربنا يغضب عليه

🌻 ولازم كمان نعرف إن الخطأ والنسيان حاجة عادية لكن المهم إننا نعترف بخطأنا ومنصممش على الخطأ ونتوب لربنا بسرعة

🌻 ولازم كمان نعرف إن الشيطان عدونا وهيفضل يوسوس لنا على طول علشان هو عايزنا ندخل النار زيه بالضبط

🌻ولازم نعرف إن الحسد مرض ولازم لما نكون عايزين حاجة نطلبها من ربنا من غير ما نحسد حد

🌻وكمان لازم نعرف إن الجنة هي بيتنا الأصلي اللي هنرجع ليها تاني يوم القيامة وإن الفترة اللي قعد فيها سيدنا آدم وحواء في الجنة كانت تدريب لهم إنهم لازم يسمعوا كلام ربنا وينفذوه

🌻وربنا خلى شهر رمضان فترة تدريب لينا لأننا بنسيب فيه الأكل والشرب وهي حاجات حلال علشان نعرف نتحكم فيها بأنفسنا

🌻و بكره إن شاء الله هنكمل قصة سيدنا آدم وأولاده قابيل وهابيل علشان دلوقتي جه معاد النوم

🌻تصبحوا على خير يا حلوين🌻

🌻وصل اللهم وسلم على محمد
🌻🌼🌻🌼🌻🌼🌻🌼🌻🌼🌻
✍🏻 للتواصل @ManarRiad
إقرأ 📚 وانشر 📬 تُؤْجَرْ @seerawqass

#كارتون_إسلامي_للأطفال

🍂السلام عليكم ورحمة الله وبركاته🍃
🌹أعضاءنا الكرام🌹
🌺الحلقة6 بالعامية المصرية🌺
هذا الڤيديو باللغة العامية لمن يحب ذلك وقد نشرنا ڤيديو باللغة الفصحى على مدى الأيام السابقة

ولقد وجدت أن هناك كثير من الناس تفضل سماع سيرة الرسول فقررت أنه بجانب ما أكتب من الحلقات الخاصة بالأطفال أن أضع كل يوم فيديو لمن يحب المشاهدة والإستماع

وأسأل الله العظيم أن يعلمنا ما جهلنا وينفعنا بما علمنا ويفقهنا في الدين

📩 انضم إلينا وادعوا غيرك 📩

🌙سيرة وقصص للأطفال🌙
@seerawqass
وللتواصل @ManarRiad
🔻🔻🔻🔻🔻🔻🔻🔻🔻

https://youtu.be/9X1jNqJ38x0

#درر

⇓☘️⇑

📚 العلم بلا عمل إستدراج

وقد كان النبي ﷺ يسأل ربه الانتفاع بعلمه قبل سؤال زيادته
قال ﷺ (اللهم انفعني بما علمتني وعلمني ما ينفعني وزدني علماً)

وفي الحديث
✨ماذا عملت فيما علمت✨

⇓☘️⇑

إقرأ 📚 وأنشر 📩 تُؤجر @Dorrwfwaed
للتواصل @ManarRiad

#تدبر

⇓☘️⇑

موسى عليه السلام وهو طفل في مهده، وعلى ضعفه لم يغرق في البحر، وفرعون على قوته هلك فيه!
‏فإذا كان الله معك فمن عليك؟
‏وإذا كان عليك فمن معك؟!

⇓☘️⇑

إقرأ 📚 وأنشر 📩 تُؤجر @Dorrwfwaed
للتواصل @ManarRiad

#تدبر

⇓☘️⇑

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏"أو آتِيكُم بِشِهَابٍ قَبَسٍ لَّعَلَّكُمْ تَصْطَلُونَ "
ليلة باردة، وتيه في صحراء،
قبيل لحظات من تكليم ﷲ له
لا يهولنك واقعك واصبر...
فقد يفصلك عن الفرج لحظة.

⇓☘️⇑

إقرأ 📚 وأنشر 📩 تُؤجر @Dorrwfwaed
للتواصل @ManarRiad