قصيدة مواساة ل فاطمة الزهراء عليها السلام في مصاب ولدها الحسين ع

فاطمه يا فاطمه يا فاطمه
فاطمه يا فاطمه يا فاطمه😭😭

اشكال كلبج فاطمه بهذا المصاب
يوم شفت حسين واكع عالتراب
شفتي مقطوع الراس سيد الشباب
والجسم منه وصل ومخذمة
فاطمه يا فاطمه يا فاطمه ٢
✍✍
يعين كلبج من وصلتي لمصرعه
شلون شفت اعضاه كلها موزعه
شلون كلبج حمل هاي الفاجعه
يوم شفتي النحر فايض بالدمه
فاطمه يا فاطمه يا فاطمه ٢
✍✍
شفتي جسمه اعلى الثرى وراسه برمح
ساعد الله كلبج بهذا الجرح
مصاب ما مثله بعد لا ما يصح
يوم ابو السجاد اكبر ملحمه
فاطمه يا فاطمه يا فاطمه ٢
✍✍
من بعد قتل الحسين وذبحته
ردوا العدوان سلبوا عيلته
النوب بعد السلب حركوا خيمته
فرت الاطفال تصرخ بالضمه
فاطمه يا فاطمه يا فاطمه ٢
✍✍
ويل كلبي اعليج من شفتي الجرى
شلون حالج والخيام امسَعّره
شفتي زينب بالعيال محيره
تنادي مذهوله يحماي الحمه
فاطمه يا فاطمه يا فاطمه ٢
✍✍
تمت بعون الله وتوفيقه اهدي ثواب هذا العمل الى سيدي وامامي الحجة ابن الحسن ع ارجو من الله القبول بقلمي المتواضع خادمة الحسين ع أم علي الحسناوي الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي وروح خادمة الحسين ع أستاذتي المرحومة العلوية ام حسام

قصيدة لغربة مولاتي زينب عليها السلام في أرض كربلاء

✍✍
بعد المن ادير العين يحسين
وانتوا بكربله خويه مطاعين
✍✍

كلكم نومه بارض الغاضريه
ولا واحد بعد ينغر عليه
وابو فاضل بعد ما رد إليه
حماي الضعون وكرت العين
✍✍
عباس البطل راح ونساني
عكب عينه ترى دهري ولاني
يخويه حسين عتبي اعلى زماني
لو اعتب عليكم يا لميامين
✍✍
اعتب والعتب يحسين شيفيد
وادري بيك يا خويه يصنديد
نايم عالترب مكطوع الوريد
وعباس البطل مكطوع اليمين
✍✍
يخويه غَربت يا شمعه الدار
بناتك تبجي خويه ازغار وكبار
عكب عيناك خويه غدت طشار
بناتك تنتحب تخمش الخدين
✍✍
تدري بالبنيه عكب ابوها
تبكى حايره ولا يرحموها
يتمت البنات ويسروها
بسياط الكفر ورموا المتنين
✍✍
ونه باثر ونه ودمعي هالي
كضيت ايام يا خويه وليالي
من عكب الخدر ذاك ودلالي
امشي اعلى الهزل ويه الملاعين
✍✍
طول الدرب خويه تهل العيون
واتخيل اخوتي وياي يبرون
وصد العين لن عدواني يحجون
يكلولي يزينب وين الحسين
✍✍
يزينب ظل اخوج حسين بس راس
جاوين الحجي وجا وين عباس
تدري بالكلب يحسين حساس
طاحت هيبتي بطيحت الجفين
✍✍

تمت بحمد الله تعالى وتوفيقه بقلمي المتواضع خادمة الحسين ع أم علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي وروح خادمة الحسين ع أستاذتي المرحومة العلوية ام حسام 🙏🙏

لطمية للطفل الرضيع ع
✍✍

آيبني يعبد الله ✍️ ✍️ آ يبني يعبد الله


😭😭😭

يبني يا ضوه عيوني
يوليدي انخطف لوني
يبني خابت ظنوني
يبني بيك حيروني
بفكدك يبني فجعوني
وزادت علتي عله
آيبني يعبد الله ✍️✍️ آيبني يعبد الله

يبني يا بدر ليلي
يعبد الله انهدم حيلي
يزغيرون يا ويلي
بعد منهو اليناغيلي
يا عبد الله ادعيلي
يصبرني الرحيم الله
آ يبني يعبد الله✍✍ آ يبني يعبد الله

يوليدي تعبت برباك
ولكبري جنت ارجاك
الدهر يبني غدر وياك
ترد لي مخضب من دماك
يعبد الله عكب عيناك
بيمن كلبي يتسله
آ يبني يعبد الله ✍️ ✍️ آيبني يعبد الله

يبني يا نجم سعدي
يبني غيرك اشعندي
اظلن يالولد وحدي
وفراكك فطر جبدي
انه يبني اشبيدي
مذبوح ابني اسم الله
آ يبني يعبد الله ✍️ ✍️ آيبني يعبد الله
يبني رسومك كبالي
يا عبد الله يا الغالي
اسمع صوتك اكبالي
وصد لن المهد خالي
يبني خابت امالي
وبمهدك انه اتسلى
آ يبني يعبد الله ✍️ ✍️ آيبني يعبد الله
يوليدي انه امك
ولصدري انه اضمك
على الغبره يظل جسمك
خضيب وسابح بدمك
اشذنبك حرمله يفطمك
وبنحرك سهم سله
آ يبني يعبد الله ✍️ ✍️ آيبني يعبد الله
😭😭😭

تمت بحمد الله وتوفيقه بقلمي المتواضع خادمة الحسين ع أم علي الحسناوي ➡️ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي وروح خادمة الحسين ع أستاذتي المرحومة العلوية ام حسام 🙏🙏

قصيدة تترجم غربة مولاتي زينب ع ✍✍

اليوم زينب غريبه غريبه

تصيح يا عظم المصيبه المصيبه
😭😭

اليوم زينب رايحه ويه الغرب
فاتت على حسين والمدمع يصب
والمتن اسود يويلي من الضرب
ظلت تنوح الحبيبه حبيبه
تصيح يا عظم المصيبه مصيبه
✍✍

اليوم زينب غريبه اشحالها
تنظر على الثرى ضل كفالها
مشمره بالحومه كل ارجالها
تصرخ الراح اشيجيبه اشيجيبه
تصيح يا عظم المصيبه المصيبه
✍✍
مرت الحره على جسم الغريب
وسفه يا خوي ه تكله يا الحبيب
نايم اعلى الوجه والمنحر خطيب
كوم يالزاجي حليبه حليبه
صيح يا عظم المصيبه مصيبه
✍✍
ليش نايم على الترب يا مهجتي
ليش خويه وياك فلت خوتي
كوم خويه وشوف عرجه ناكتي
والكلب زايد نحيبه نحيبه
تصيح يا عظم المصيبه المصيبه
✍✍
تكله ليش الخوه فلت يالحنين
اني زينب قوم ليه يا حسين
ليش نايم خويه ومغمض العين
وانه دمعاتي سجيبه سجيبه
تصيح يا عظم المصيبه المصيبه
✍✍
خويه من ضيم الكلب اعتب عليك
وانه ادري يا ابن امي مو بديك
خويه وصواب الحجر شمسوي بيك
والنحر ضايع طبيبه طبيبه
تصيح يا عظم المصيبه المصيبه

😭😭😭

تمت بحمد الله وتوفيقه بقلمي المتواضع خادمة الحسين ع أم علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي وروح خادمة الحسين ع أستاذتي المرحومة العلوية ام حسام 🙏🙏

فزاعية للإمام الجواد ع ✍✍

ياحال الجواد اليوم
والله يفجع مصابة ✍✍

اليله حالته كلفه
وجرحه اليوم مايشفى
ودمعنه اعليه شينشفه
والله يصعب اغيابه
✍✍
اويلي اعليه مولانه
الشيعة تنوح حزنانه
الزهره حضرت ويانه
تصيح بنار لهابه
✍✍

حضرت فاطمة لبغداد
تصيح بصوت يالويلاد
سَمّكم للجبد مراد
بعد ميطيب يصوابة
✍✍
تصيح بصوت يولادي
جتلكم مرّد افادي
اشكي لوالدي الهادي
والاكثر فجعني حسين ومصابه
✍✍✍✍
نهايه مجلس 😭😭
يزهراء يزهراء حضرينه
وبدفترج يم الحسن سجلينه
نار الباب والضلع تسعر بينه
مصاب حسين لليوم ماناسينه
وزينب سبيها لسه عايش بينه
😭😭😭
واسجل اسمج مولاتي
زينب والزهره نعزيها
تمت بعون الله وتوفيقه بقلمي المتواضع خادمة الحسين ع أم علي الحسناوي الفاتحه إلى شرف النبي وعترته الاطهار 🙏🙏
اهدي ثواب هذا العمل الى سيدي وامامي الحجة ابن الحسن ع والى أرواح المؤمنين جميعاً والى روح والدي واجدادي وإلى روح أستاذتي المرحومة العلوية ام حسام رحم الله من قرأ الفاتحة مع الصلوات

قصيدة سريعه لمولاتي رقية بنت الحسين ع
✍✍
رقيه رقيه رقيه
ماتت بالغرب سوده عليه
✍✍
اويلي اعليج يزغيرونه متي
عطشانه وجم صوط انضربتي
واعلى الراس للوالد ندبتي
غريبه بشامهم طفله وسبيه
رقيه رقيه. رقيه
✍✍
ندبتي حسين والدمعات بالعين
اجاج الراس يا ويلي على حسين
شفت شلون محزوز الوريدين
اعلى راسه متي والدمعه جريه
✍✍
اعلى راس حسين مقطوعات الانفاس
ماتت بالغرب وبين الارجاس
كون اليوم حاضر عمها عباس
جا سو ه الفنون اعلى ال اميه
✍✍
يمظلومه ويتيمه شلون حالج
من شفتي الطشت حطوا اكبالج
هويتي اعليه بس دمعج صفالج
شبكتي الراس وجت المنيه
✍✍
متي بالخرايب ويلي اعليج
غريبه بشامهم محد دره بيج
ظلت حايره بس عمتج بيج
وين ادفنج بهاي المسيه
😭😭
تمت بحمد الله وتوفيقه بقلمي المتواضع خادمة الحسين ع المله أم علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي واجدادي وإلى روح أستاذتي المرحومة العلوية ام حسام 🙏🙏https://www.tg-me.com/sdghjjjvcdgghhhhggfff

فزاعية لسفير الحسين عليه السّلام

مأجوره حميده اليوم
وبمسلم نعازيها

✍✍
نعزيها اعلى والدهه

مسلم راح من عدهها

واليله نساعدهه

بالدمعه نواسيها
✍✍
وأسوا فاطمة الليلة
سفير حسين نبجيله
نعزي حسين والعيله
والدمعات نجريها
✍✍
لمسلم يجري مدمعنه
حميده اليوم تسمعنه
نصيح ويومه فاجعنه
وزينب خل نعزيها
✍✍
نهاية مجلس
اويلاه مسلم اليوم شحاله
وضلت تون اعياله
✍✍✍
والليله حميده خل نعزيها
تون وتنوح ياويلي اعلى وإليها
✍✍✍
هاليوم هاليوم نعزي ام الحسن
يم عون جينه نعزيج والليله تجري دموعنه
✍✍
تمت بحمد الله وتوفيقه اهدي ثواب هذا العمل الى سيدي وامامي الحجة ابن الحسن ع بقلمي المتواضع خادمة الحسين ع المله أم علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي واجدادي وإلى روح أستاذتي المرحومة العلوية ام حسام 😢https://www.tg-me.com/sdghjjjvcdgghhhhggfff

ضعون أهل المحنة شالوا اليوم
گلبي عالمشوا ياناس مالوم
توحشني المباني
اضل اصبر واتاني
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
شالوا وابعدوا والعين تربي
عليهم بالدمع ياعين صبي
عگب عيونهم مااشوف دربي
اريد اكعد واسولف ضيم گلبي
من راحوا سوية
وحش بيتي علية
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
توحش داركم بالمغربية
اصيح بصوت يهلي تعالوا لية
ردوا الداركم يهل الحمية
عافوني ومشوا كلهم سوية
بنيتكم عليلة
همي من يشيلة
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
اصيحن بأهلي وماردوا اجواب
يايمة الگلب بفراگهم ذاب
گلبي عالمشوا امصوب اصواب
بعد هيهات ماترجع الغياب
راحوا هلي الطيبين
عليهم تعمة هالعين
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
عليلة ابداركم وتدير العيون
بسفرتكم يبوية موش تبطون
ادري بالمشوا مااظن يردون
اهلي اللي مشوا لا مايرجعون
ماردوا علية
وين اهل الحمية
حزن گلبي عليهم يضل للدوم
اضعون أهل المحنة شالوا اليوم
✍️✍️✍️
بقلمي المتواضع العلوية والشاعرة ام حسام الغرابية الفاتحة لشرف النبي ولال بيته والى رؤح ابنتي الشابة سلوى بنت عليhttp://www.tg-me.com/aeshieg
ذمة عدم مسح الاسم

اللهم صل على محمد وآل محمد السلام عليك يا بقية الله في ارضه
قصيدة لمولاتي الزهراء عليها السلام
😭😭😭😭
اريد ابجي على امي الدللتني
من يوم المشت ماودعتني
قلبي يحن عليهة واذكر حجيهة
من يوم المشت ماودعتني
😭😭😭😭
تبعت اضعونها والعين تدمع
لبجاي الحنينة ردت تسمع
لو صب الدمع يمة مينفع
اون ودمعي جاري يصب ليلي ونهاري
من يؤم المشت ماودعتني
😭😭😭😭
عكب امي منو الينشد عليه
وعلة افراكهة ماحيل بية
خلتني اون صبح ومسية
قلبي يشتعل نار لو صديت عالدار
من يوم المشت ماودعتني
😭😭😭😭
اصد الدارهة بعيوني ظلمة
صحت بصؤت يحبيبة ييمة
من بعدج ييمة اشبع مغمة
صحت بصؤت يمي يمن تشرك بهمي
من يؤم المشت ماودعتني
😭😭😭😭
عماني افراك وجهج يالحنينة
مااصدك بعد ترجع علينة
ويعود الزمان الراح بينة
اريد الدللوني راحو مااجوني
من يؤم المشت ماودعتني
😭😭😭😭
بقلمي المتواضع العلوية ام حسام الفاتحة الى شرف النبي والأئمة الأطهار والى رؤح ابنتي الشابة سلوى بت علي ذمة عدم مسح الاسم https://www.tg-me.com/sdghjjjvcdgghhhhggfffhttps://www.tg-me.com/sdghjjjvcdgghhhhggfff

اللهم صل على محمد وآل محمد السلام عليك يا بقية الله في ارضه قصيدة لمولاتي الزهراء عليها السلام
😭😭😭😭
غمضت عين الناس يمة وذكرتج
تبجي وتون عليج يايمة بتج
😭😭😭😭
عفتي البنية اشلون يمة زغيرة
فركتج صعبة اهواي وخلة جبيرة
تبقة البنية عليج حيرتها حيرة
ماينجبر للموت يايمة كسرج
😭😭😭😭
افراك الحبايب اه يعميلي العيؤن
طلعتج من الدار يايمة متهون
يبقة الحسن وحسين يمة ينوحون
يعميني يمة عليج يحبيبة بيتج
😭😭😭😭
يصعب يناس اهواي فركة الحبايب
ابجي وون بالليل ياقلبي ذايب.
من افراكها تدرؤن شفت المصايب
شلتي ييمة بساع من زغر سنج
😭😭😭😭
اصرخ بعالي الصؤت يمة تعالي
من غير وجهج يؤم محد حلالي
ابقة اون عليج طول الليالي
يحلة السمر وياج مشبعت منة
😭😭😭😭
بقلمي المتواضع العلوية ام حسام الفاتحة الى شرف النبي والأئمة الأطهار والى رؤح ابنتي الشابة سلوى بت علي ذمة وعدم مسح الاسم https://www.tg-me.com/sdghjjjvcdgghhhhggfff

عزائيه لأبي الفضل العباس عليه السلام
عباس عباس يراعي الموزمه
عباس عباس يراعي الموزمه
نادت العباس مدامها دمه
هاي العقيله لاخوها تحشمه
لحك علينا يراعي الغانمه
هاليوم الهموم علينا مخيمه
ياخويه هاليوم بقيت بلاحمه
عباس عباس يراعي الموزمه
واليوم الاطفال تلوع من الضمه
حشمت عباس مدامها دمه
زينب غريبة وتنادي ياهلي
وينك يعباس وياضنوة علي
لحك علينا دخيلك ياولي
انت الجبتني وتباري محملي
جا وين رايح يعزي وكافلي
😭😭😭😭
واويلي عالعباس.... واويلي عالعباس
مضروب بعمد عالراس
💔💔💔
مكطوعات جفينه
صابوابالسهم عينه
ضلت تصرخ سكينه
ياراعي العلم والطاس
😭😭😭تمت بحمد الله تعالى وتوفيقه
بقلمي المتواضع خادمة الامام الحسين ع المله ام علي الحسناوي ✍✍✍ الفاتحه إلى شرف النبي وعترته الاطهار وإلى أرواح المؤمنين جميعاً وإلى روح والدي وإلى روح أستاذتي المرحومة العلوية ام حسام 🙏https://www.tg-me.com/sdghjjjvcdgghhhhggfff

قصيده ختام مجلس

حسيناً واحسيناً واحسيناه

اجت زينب تصيح بصوت ويلاه
عزنها بدموع العين والآه
واليوم العقيله تريد تنعاه
حسيناً واحسيناً واحسيناه
حضرت فاطمة بالنوح واونين
تصيح بصوت آ يوليدي يحسين
هذي جثتك والراس جا وين
واجت تبجي الزجيه بونه وبآه
حسيناً واحسيناً واحسيناه
واليوم الزجيه تريد عونه
وتريد البجه وتجري عيونه
باجر بالحشر هم يحضرونه
يحضرله الحسين وحيدر وياه
حسيناً واحسيناً واحسيناه
بقلمي المتواضع خادمة الامام الحسين ع المله ام علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي المرحومة العلوية ام حسام 😭😭https://www.tg-me.com/sdghjjjvcdgghhhhggfff

فزاعية ليوم العاشر
اليوم زينب فاتحة بصيوانها
من مصايب كربله واحزانها
✍✍
اليوم كومن خليّ نعزيها
اليوم رايح للجتل وإليها
وصَرخت المظلوم خنعليها
والاخوان مذبحه بميدانها
✍✍
اليوم نلطم عالصدر وياها
اليوم راح الكافل وخلاها
يامصايب هالزمن راواها
مذبحة فوك الرمل وليانها
✍✍
كومن نعزي الزجيه فاطمة
حضرت بكربله ويلي لاطمة
شافت أعلى الترب كلها مخذمة
اليوم وحشه كربله اوّديانها
✍✍
بقلمي المتواضع خادمة الامام الحسين ع المله ام علي الحسناوي ✍✍✍
الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي المرحومة العلوية ام حسام 🙏🙏https://www.tg-me.com/sdghjjjvcdgghhhhggfff

ختام مجلس
فوك ارماح شالوا راس الحسين
دكن حيل ويه الزهره عالعين
✍✍
عينّي ام الحسن هاليوم عينّيها
وزينب بالسبي واحبال بيديها
لطمن ياحبايب خنساعدها
دكن حيل ويه الزهره عالعين
😭😭😭
اعدلن لطمت العطشان اعدلنها
ومصيبة حسين الماكو ابد منها
وعلى هاي المصيبة الزهره عزنها
ودكن حيل ويه الزهره عالعين 😭😭😭

اويلاه على الزهره ومصيبتها
ماصارت ابد بالكون كسرتها
✍✍✍
عزنها أعلى زينب واعلى هضمتها
وضلت عالتراب مذبحة إخوتها
😭😭😭
تمت بحمد الله وتوفيقه بقلمي المتواضع خادمة الامام الحسين عليه السلام المله ام علي الحسناوي✍✍
الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي المرحومة العلوية ام حسام 🙏🙏https://www.tg-me.com/sdghjjjvcdgghhhhggfff

فزاعية ليوم العاشر
اليوم يوم الفاجعة... يحسين يامولانه
اليوم طاح ابو علي
وزينب تنادي ياهلي
واليوم من يفزع الي
ضلت تون حزنانه
😭😭
وحسين دامي بكربله
وطشرت هالعايله
عبرات زينب هامله
وتصيح يارجوانه
😭😭

كوم انهض وطفي الخيم
يحسين كوم لهالحرم
وعالنهر شيال العلم
والأملاك حزنانة
😭😭
✍✍✍ بقلمي المتواضع المله ام علي الحسناوي ... الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسام 🙏🙏https://www.tg-me.com/sdghjjjvcdgghhhhggfff

قصيدة لليلة الدفنه

الليله دفنت المظلوم...وام حسين عزيها

🎤🎤
الليله دفنتك يحسين
ننوح ونجري دمع العين
نعزيها على الجفين
والصرخات علّيها
🎤🎤
زينب مشت للكوفة
عكب عباس مجتوفة
تصد عالراس وتشوفه
وزينب ويلي اعليها
🎤🎤
كومن خل نساعدها
تون كل حيل ماعدها
تون والحزن ماردها
يانار الولد بيها
🎤🎤
حضرت كربله بهاليوم
تصيح بصوت يامظلوم
واخته المشت ويه الكوم
خذوها وغربوا بيها
🎤🎤🎤🎤🎤
اويلاه على الزهره ومصيبتها
ماصارت ابد بالكون كسرتها
وزينب رافكت ذباح اخوتها
اويلاه على الزهره ومصيبتها
😭😭
تمت بحمد الله بقلمي المتواضع المله ام علي الحسناوي ✍✍ الفاتحه إلى شرف النبي وعترته الاطهار ع وإلى أرواح المؤمنين جميعاً وإلى روح والدي وإلى روح أستاذتي الملة أم حسام 🙏🙏https://www.tg-me.com/sdghjjjvcdgghhhhggfff

قصيدة طلب حاجة للعلوية شريفة بنت الأمام الحسن.ع.

✍✍
مولاتي اجيتج والهضم بية
وعيني اعليج يامولاتي تربية
حسين. حسين.
✍✍
مولاتي شريفة لاتفشليني
اجيتج واعتنيتج لاترديني
اقضي حاجتي ونشفي دمع عيني
واحلفج بالسبي ويومة يمسبيه
✍✍
يابنت الحسن ارجوج مولاتي
مهضومة اجيت ونشفي عبراتي
ماحاجه اعلمج اني هضماتي
انتي العالمة وتدرين بالنية
✍✍
بيبان الحياة بوجهي مسدوده
واحلفج بالكفيل الكطعوا زنوده
واحلفنج شريفة برايته وجوده
مولاتي اكشفي هموم الاعليه
✍✍
بزين العابدين اليوم احلفنج
لكل المرضى مولاتي الشفه منج
طبيبة انتي يمولاتي يسمنج
واجيتج ياشريفه وعلتي بيه

تمت بعون الله بقلمي المتواضع المله ام علي الحسناوي ✍✍ الفاتحة الى شرف النبي وعترتة الاطهار وارواح المؤمنين جميعاً وروح والدي وروح استاذتي المرحومة ام حسام🙏🙏https://www.tg-me.com/sdghjjjvcdgghhhhggfff

قصيدة لمولاتي رقية /عليها السلام/

رقية بالخرابة \\\. اليوم تصيح بابا

رقية بالخرابة تصيح ابوها
وانّه خايفة لايسمعوها
ظِلام وابد مايرحموها
واخافن هم يجون ويضربوها
لوسمعوها يحسين.......تبجي وتهمل العين
يضربوها ولاتفزع كرابة ..اليوم تصيح بابا

//////////
يخويه الكلب مايهده ونينه
اجيبه منين حماي الضعينه
واني ادريه مكطوعه يمينه
وراسه عالرماح معلكينه
وتشوفه رقيه....والدمعه جريه
وانّه ياعظم هضمي ومصابة....اليوم تصيح بابا

///////////
فزت من حلمها تصيح يحسين
وانّه منين اجيبك ياضوة العين
تكول هنانه جان حسين هالحين
وينه والدي ياعمه جا وين
غدت تصرخ وتبجي.....وانّه وياها احجي
فز وياها دلالي وعذابه....رقيه تصيح بابا
///////
سمعوها الطغاة واجوا ليها
اشبكتها بحضني من خوفي عليها
سألوا شنو هالطفله وبجيها
كتلهم بجت رادت وبيها
ظالم مارحمها....جاب الراس يمها
ويلي والطشت كشفت حجابه.. رقية تصيح بابا
/////
كسرت خاطري شبكت عالراس
وكوه يابن امي ترد الانفاس
وتعاتب بدت والكلب حساس
تكلك وين انت اوين عباس
ماتدرون بيه....يم ابن الدعية
ضربني واخذ من راسي حجابة
رقية تصيح بابا
✍✍✍تمت بعون الله بقلمي المتواضع المله ام علي الحسناوي ✍✍ الفاتحة الى شرف النبي وعترتة الاطهار ع وإلى ارواح المؤمنين جميعاً وإلى روح والدي وروح استاذتي المرحومة العلويه ام حسام 🙏https://www.tg-me.com/sdghjjjvcdgghhhhggfff

قصيده سريعة الى مولاتي زينب عند رجوعها إلى كربلاء


اجت زينب ..... اجت زينب

اليوم الكربلا وفوك الكبر تنحب

///////
اليوم زينب ردت لارض الطفوف
ذكرت مصاب الشريعه والجفوف
ذكرت حسين البقه بين السيوف
من المصايب هاي عميه ما تشوف
الضعن كرب....... الضعن كرب
اليوم الكربلا وفوق القبر تنحب

////////
ساعدنها يا حبايب باللطم
هاي زينب والله كضاها الهضم
اليوم من الشام اجت بعد الالم
ختمه ما تكدر تسوي ويه الظلم
الكلب يلهب........ الكلب يلهب
اليوم الكربلا وفوق القبر تنحب

///////
اليوم ضعن حسين رد الكربلا
خلي دمعاتج على الخد هامله
خل تشوفج بنت علي عقد الوله
صيح يا عباس يا ابو المرجله
عزه ننصب........ عزه ننصب
اليوم الكربلاء وفوق القبر تنحب

////////
حيل دكي صدرج وواسي البتول
علمصايب هاي ما ادري ا شتكول
حضرت المجلس ترى بنت الرسول
خل تشوف اللطم والمدمع همول
حزن يصعب...... حزن يصعب
اليوم الكربلا وفوق القبر تنحب
✍✍✍
تمت بعون الله بقلمي المتواضع المله ام علي الحسناوي ✍✍ الفاتحة الى شرف النبي وعترتة الاطهار وارواح المؤمنين جميعاً وروح والدي وروح استاذتي المرحومة العلويه ام حسام 🙏🙏https://www.tg-me.com/sdghjjjvcdgghhhhggfff