🦮“Энг илғор из-қидирув хизмат итлари” кўрик-танлови ўтказилди

💠ДХХ Чегара қўшинлари Ўқув марказида “Энг илғор из-қидирув хизмат итлари” кўрик-танловининг 3-босқичи ўтказилди. Мусобақада олдинги босқичда ғолибликни қўлга киритган 6 нафар йўриқчи ўз хизмат итлари билан иштирок этдилар. Баҳслар давомида номзодлар турли шартларни бажаришди.

🏆Якуний натижаларга кўра, кичик сержант Х. Абдуллаев ўз хизмат ити билан 1-ўринга лойиқ деб топилган бўлса, кичик сержантлар Б. Жўрақулов ва С. Йўлдошевлар ўз хизмат итлари билан муносиб равишда 2 ва 3-ўринларни қўлга киритдилар. Кўрик-танлов ғолиблари ДХХ Чегара қўшинлари қўмондонлиги томонидан диплом, кубок ва эсдалик совғалари билан тақдирландилар.

www.tg-me.com/sarhad_uz

🏔Тоғ қўйнига саёҳат

🔰Маълумки, Сурхондарё вилояти Сариосиё туманидаги Сангардак қишлоғига туризм қишлоғи мақоми берилган. “Сангардак” шаршараси билан дунёга довруғи кетган қишлоқ кейинги йилларда янада кўркам ва обод масканга айланди. Тоғ қўйнида кенг ва равон йўллар барпо этилиб, сайёҳлар учун зарур шароитлар яратилди.

🔹Ҳарбий хизматчилар оила аъзоларининг маданий ҳордиқ чиқаришини таъминлаш мақсадида улар учун “Сангардак” дам олиш масканига саёҳат ташкиллаштирилди. Тадбир иштирокчилари мазкур саёҳат давомида “Сангардак” дам олиш маскани ва бу ердаги машҳур шаршара тарихи билан яқиндан танишиб, мароқли ҳордиқ чиқардилар.

www.tg-me.com/sarhad_uz

🏆Чегарачининг чемпион фарзандлари

🥋Россия Федерациясининг Уфа шаҳрида қўл жанги бўйича ўсмирлар ўртасида ўтказилган Осиё чемпионатида қитъамизнинг 16 та мамлакатидан юзлаб спортчилар иштирок этиб, Ўзбекистон терма жамоаси аъзолари 7 та олтин, 6 та кумуш ва 13 та бронза медалларини қўлга киритиб, умумжамоа ҳисобида фахрли 1-ўринни эгаллади.

❇️Қувонарлиси, мазкур турнирда Жиззах шаҳрида жойлашган ДХХ Чегара қўшинларига қарашли ҳарбий қисмлардан бирида хизмат фаолиятини олиб бораётган ҳарбий хизматчи сержант Шокиржон Назаровнинг фарзандлари Шоҳижаҳон ва Камронбеклар ҳам иштирок этиб, ўз тоифаларида мамлакатимиз шарафини муносиб ҳимоя қилишди. 4 марта Ўзбекистон чемпиони Шоҳижахон фахрли 3-ўринни қўлга киритган бўлса, Камронбек шоҳсупанинг 2-поғонасидан жой эгаллади.

✅Ўйлаймизки, ёш спортчиларнинг Осиё чемпионатида эришган бу муваффақияти юқори чўққилар сари ташланган дастлабки қадам бўлиб, келгусида бундан-да юксак марраларни забт этишади.

Умирзоқ Ҳамдамов

www.tg-me.com/sarhad_uz