🇺🇿🥇Жаҳон кубоги соҳибаси муносиб кутиб олинди

🏆Ўзбекистон тарихида илк маротаба пойтахтимиз Тошкент шаҳрида спортнинг таэквондо тури бўйича ўтказилган Жаҳон кубогида Навоий вилояти Зарафшон шаҳрида жойлашган ҳарбий қисмларнинг бирида ҳарбий хизматни ўтаётган ҳарбий хизматчи II даражали сержант И. Бобомуродовнинг қизи Гулшода Шербўтаева фахрли биринчи ўринни эгаллаб, олтин медаль соҳибаси бўлди. Ғолиб спортчимизни ҳарбий шаҳарчада ҳарбий хизматчилар ва уларнинг оила аъзолари томонидан тантанали кутиб олинди.

📲 www.tg-me.com/sarhad_uz

✅ Ёшлар чегарачилар ва божхоначилар эътиборида!

💠ДХХ Чегара қўшинлари ҳамда Давлат божхона қўмитаси ташаббуси билан Наманган вилояти Учқўрғон туманидаги маҳаллий ёшлар учун яқинда фойдаланишга топширилган “Учқўрғон” чегара божхона постига саёҳат ташкил этилди.

🚧Дастлаб, ёшлар чегара божхона постида фойдаланилаётган техник воситалар билан танишиш имконига эга бўлдилар. Шундан сўнг, улар “Кириш” ҳамда “Чиқиш” заллари орқали ҳаракатланаётган фуқаролар ҳамда уларнинг қўл юкларини божхона назоратидан ўтказиш ва паспорт назорати жараёнида бевосита иштирок этдилар. Кундалик фаолият давомида хизмат итларининг ёрдамидан кенг фойдаланиш ҳақида берилган маълумотлар ҳам ёшларда катта қизиқиш уйғотди.

📲 www.tg-me.com/sarhad_uz

☘️Ёшлар билан учрашув

❇️Ёшларни жисмонан соғлом, маънан етук, кенг дунёқарашга эга
ва мустақил фикрлайдиган баркамол авлод сифатида шакллантириш, улар ўртасида жиноятчиликнинг олдини олиш, бўш вақтларини мазмунли ташкил этиш мақсадида, Жиззах вилояти Янгиобод туманидаги 12-сонли умумтаълим мактабида ҳарбийлар ва ёшлар билан учрашуви ташкил этилди.

🔸Ўзбекистон ёшлар иттифоқи вилоят кенгаши, Янгиобод тумани ҳокимлиги, Миллий гвардия Қўриқлаш бошқармаси, ДХХ Чегара қўшинлари, Фавқулодда вазиятлар бошқармаси, Мактабгача ва мактаб таълими бўлими, туман ИИБ раҳбарияти билан биргаликда очиқ мулоқот тарзида ташкил этилган учрашувда ёшларга оид кўплаб мавзулар хусусида фикр-мулоҳазалар билдирилди.

✳️Шу каби тадбир Тошкент вилояти Олмалиқ шаҳридаги 9-сонли мактабда ҳам ташкил этилиб, унда сўз олганлар ўқувчиларга Термиз шаҳридаги ДХХ Чегара қўшинлари “Ёш чегарачилар” ҳарбий-академик лицейи ва у ерда яратилган шарт-шароитлар хусусида батафсил маълумот бериб ўтдилар.

📲 www.tg-me.com/sarhad_uz

🏆Жаҳон кубоги соҳиби муносиб тақдирланди

🥇Венгриянинг Будапешт шаҳрида ўсмирлар, ёшлар ва катталар ўртасида ўтказилган армрестлинг спорт тури бўйича Жаҳон кубогида ДХХ Чегара қўшинларининг икки нафар ҳарбий хизматчиси муносиб иштирок этди.

🥋Улардан бири оддий аскар Жамшидбек Сотволдиев мусобақалар давомида барча рақибларини мағлуб этган ҳолда, чемпионлик шоҳсупасидан жой олди. Шу муносабат билан Андижон вилояти Булоқбоши туманида жойлашган ҳарбий қисмда жаҳон аренасида давлатимиз байроғини юксакка кўтариб қайтган ҳарбий хизматчини тақдирлаш тадбири бўлиб ўтди.

🎖Тадбир давомида унга ҳарбий қисм командирининг буйруғига асосан, муддатидан олдин “кичик сержант” ҳарбий унвони, “навбатдан ташқари 10 кун таътил” ва қимматбаҳо эсдалик совғалари тақдим этилди.

📲 www.tg-me.com/sarhad_uz

🤝Халқ ва армия – бир тану бир жон!

🏢Фарғона вилоятида жойлашган ҳарбий қисмларнинг бирида ёшларни ватанпарварлик руҳида тарбиялаш, уларнинг ҳарбий касбга бўлган қизиқишларини янада ошириш мақсадида, Қувасой шаҳридаги 14-умумтаълим мактаби ўқувчилари учун “Халқ ва армия – бир тану бир жон!” шиори остида очиқ эшиклар куни ташкил этилди.

☑️Тадбир давомида ўқувчи ёшлар ҳарбийлар ва уларнинг оила аъзолари учун яратиб берилган шарт-шароит ҳамда имтиёзлар хусусида маълумотга эга бўлиш билан бирга, Давлат чегарасини қўриқлашда фойдаланиб келинаётган ҳарбий техника ва қурол-аслаҳалар билан ҳам яқиндан танишиш имконига эга бўлдилар.

📲 www.tg-me.com/sarhad_uz

✅ Ватанни ҳимоя қилиш - энг олий бурчдир!

☘️Бугунги кунда ёшларни ҳарбий-ватанпарварлик руҳида тарбиялаш, уларда она юртга садоқат ҳиссини ошириш, ҳарбий хизматга қизиқишини ошириш мақсадида юртимиз бўйлаб куч тузилмалари билан ҳамкорликда турли ҳил чора-тадбирлар олиб борилмоқда.

🔹Мана шундай тадбирлардан бири Қорақалпоғистон Республикаси Амударё тумани Маданият марказида ташкиллаштирилди. ДХХ Чегара қўшинлари, туман Мудофаа ишлари бўлими маъсул ҳарбий хизматчилари ҳамда мактаб ўқувчилари қатнашган ушбу давра суҳбатида миллий армиямизда олиб борилаётган ислоҳотлар, муддатли ҳарбий хизмат, ватанпарварлик руҳи, “Ёш чегарачилар” ҳарбий-академик лицейи ҳамда Олий ҳарбий билим юртлари ҳақида маълумотлар берилди.

🎼Тадбир давомида ҳарбий техника ва қурол-аслаҳалар кўргазмаси ҳамда ДХХ Чегара қўшинлари намунали-кўргазмали оркестри томонидан концерт дастури намойиш этилди.

Хамире Кдирбаева

📲 www.tg-me.com/sarhad_uz