..😂

..🌚

💛..

31-خوف (أسامة مسلم)

هذا الكتاب سلسلة متكون من 3 اجزاء جابته بنت عمي وقرته ودزتليا اقراه يتكلم عن الجن وعالمهم وهيج امور، اني ما احب اقرأ هيج كتب صراحة لان اخاف منهه، ما اخاف من الجن وقصص الجن بالحقيقة، بس الكتب اللي تكون بيهه تفاصيل عن تحركاتهم وهيج امور ما احبهه هي وافلام الرعب اشوف ما بيهه لا داعي ولا تسلية، المهم بس حبيت اقراه لان كالت انهه سيرة ذاتية للكاتب بلقاء اله گال هالكلام وهي انصدمت شلون سيرة ذاتية اله ما معقول هالشي، فگلت اجرب اقرأ شنو بي
قريته بس ما خوفني شي🫠🫠لان مابي شي يخوف مثل ما تخيلت والمعلومات الذكروهه كلهه اعرفهه لان باحثة عن الجن قبل عن طريق الشرع وشلون نحصن نفسنه منه وعندي معلومات عنهم بس مو اي معلومات اصدكهه.

قريته بس برايي كلش بعيد يكون سيرة ذاتية والكاتب ذاكر ببداية الكتاب انه وصف الكتاب بالاسرائيليات
يقصد بيهه (لا نصدقها ولا نكذبها) مثلما قال النبي عن الاسرائيليات
قصتهه ان شاب ببداية العشرينات يصير بايده كتاب ينطيهيا رجل كبير بالسن لمن يقراه يتحول السحر من الشخص هذاك لهذا ويظل يدور حل عن هذي المشكلة ويصير يسمع اصوات بغرفته ويرجل للرجل الكبير يلومه ويطلب منه حل فيدليه عله ساحر بغير دولة عربية ويروحله والساحر يكله تعال هذي المكتبة بيهه كتب عن السحر اقراهن لحد متلكه اسم الشيطان اللي حررته من قريت الكتاب الاول ويظل يقرأ ثلاث سنوات وما يكدر يطلع من البيت لان الشيطان برا ينتظره بس يطلع يقتله لان يريد يلكه اسمه حته يقيده بنطق اسمه
ويذكر ان الساحر ميجيبله ماء يتوضئ او ادوات للحلاقة(زين ثلاث سنين شلون صار🫠)
بعدين يلكه الاسم ويرجع لبلده بنفس السيارة قبل تلث سنوات يروح للمطار ويروح لاهله🌚
وبعدين احداث هواي ويصير يتعامل ويه قبائل الجن وتصير بينهم حروب ويحررون قرينه حته يستخدموه بالحرب وهو يظل خايف لان بس يموت القرين يموت الانسان وياه
وبنفس الوقت بالكتاب اكو قرين سوه حرب حته ينتقم من اللي قتلو الانسان اللي هو قرينه
زين هو ليش ما مات وياه مو علساس القرين يموت ويه الانسان؟
ويرجع للساحر بعد ويظل 3 سنوات انوب يعني صارن 6 وهو اخر شي گال تلاثة بقيت رغم مجموعهن ستة وهواي اشياء ما متناسقة ولا مترابطة حته تكون واقعية بمجتمع عربي يعني ماكو ابن يغيب سنين ويرجع ولا كانما صاير شي ولا اهله الهم دور بس يغضبون ويتفهمون وين اكو هيج شي وهو ميكوللهم اصلا شصار ويا

اذا صنفت الرواية كرواية خيالية

فاللي مذكور بيهه واحداثهه انطيهه 3 من 10
والاجزاء الباقية ما راح اكملهن ما عجبتني ما بيهه فائدة😶

فلم لورنس العرب شفت نص منه بعطلة نصف السنة مال السادس وهسه اريد اكمله😂😂💔
بس زين تذكرت وين وصلت بيه🫠

اللي بصورة الفلم الممثل عمر الشريف
بس هذي صورة لورنس الحقيقية صدك طالع يشبهه🫠

ضابط استخبارات انكليزي لبس لبس العرب حته يكدر يكسبهم اكثر واوهم العرب ان هو يريد مصلحتهم وهو تابع لدولته وكدر باجتهاد شخصي بدون متعرف الحكومة الانكليزية ان يقنع العرب يتخلصون من الاتراك بمضيق العقبة وجمع قبائل وسيطرو عالعقبة ودمرو خط سكك الحديد التابع للاتراك وهدفه من كل هذا ان يصيرون الانكليز هم الحاكمين بالمنطقة وكرموه ورفعو رتبته بالجيش، بالاضافة الى شعبيته الواسعة عند القبائل العربية في ذلك الوقت سنة 1916 كانو يحبونه لان العرب تسير على مبدئ الاحترام لمن يكسب الحرب، وكان له دور كبير بالثورة العربية الكبرى .