يا ساتِر من دا حُزن

يسرقُ قلبي الشخص الذي لا يَنسى تفاصيلي أبداً.
لا ينسى ما هو لوني المُفضل،
وما هي أكثرُ وجبة أحبها،
وما أمقتهُ بشدة ليتجنبه.

لا ينسى تفصيلةً أخبرتهُ بها بعفوية فى مُنتصفِ حديثي،
ولا يَغفلُ عن تاريخِ مولدي،
يرى شيئًا مُصادفةً ف يبتسم لنفسه ويقول "فُلانة تُحب هذا"

❤️

دراسة..

منفي في بلدك

تراكم المهام

خزلان الأصدقاء

فقدان الشغف..

الأماكن لم تعد

وأنت لم تعد

لماذا نحنُ هنا؟
🙄

دقت ساعة منتصف الليل ..
عادت تلك الأفكار تتشاجر في رأسي
تأتي قصص الخذلان واحدة تلو الأُخرىٰ
ويقودني الفقد ليبرز عضلاته قائلاً
سألْتَهِمُ فرحتها اليوم أنا
كُل الكلمات السيئة، والجُمل الكثيرة التي ما فشلت
يوماً بأن تتسبب في حزني وإنطفائي،
تعود وهي تتمايل برقصات تساعد علىٰ عدم نومي
وفقداني للشغف
وعدم الرغبة في الحياة..
لن يكفيني وجود أحبتي حولي لإيقاف هذا السم
من الإنتشار داخلي ليخرج مني هذا الكائن الذي أنا عليه الآن
كثير الحزن، قليل الفرح
كثير الخيبات، وقليل الصداقات
كثير الندم، وقليل الإنجازات
يكره الليل
والشعور بأنهُ مُنهك ويريد إيقاف دوران الأرض الآن

#رُبا_خالد
25/Feb/2023

رمضان كـريم ❤️

يا رب
أعِني عليَّ وأهدِني
وردني إليك ردّا جميلّا،

اللهم إني أحاول
فدلني ولا تتركني لنفسي.

الخامسة - فجرًا

جميعُنا على بابك
نرجو منك
ألا تؤاخذنا على ما فعلنا،
جميعُنا
نرجو رحمتك.

بي لماتنا وصوت دعواتنا ساعة الآذان
فارشين الريدة بروش وبَراح قدام الحوش ❤️

- ‏في جميع حواراتي مع الله، لم أكن أسمع أي مقاطعة، كانت الساعات كُلها لي، كما أنني بكيتُ دونَ حرجٍ، ولم أخجل أبدًا من الحديث عن مشاعري له، لقد تكلمتُ كثيرًا ولم أسمع صوتًا يأمُرني بالسكوت، كنتُ أشعرُ بالهدوء، وكل الفوضى التي بداخلي كان يُرتبها❤️.

بركة رمضان ولياليهُ..
ربنا يخفف علينا الحُزن وسوء المواقف الما أتكلمنا عنهم لـ شخص قبل كذه..
ربنا يخلينا خير عون لروحنا يارب🥺🤲🏾

صباح الخير ❤️

مرحبًا 🦋..

بمناسبة إنتشار البوستات علىٰ شاكلة الإنجازات
وأنا أنجزت الكورس الفلاني، وقريت كذا كتاب وهكذا..

وكمان البوستات العلىٰ شاكلة
" العايز يشتغل بشتغل"
" الحرب ما عذر ليك، لو عايز تنجز حتنجز"

يا عزيزي، تخيل تكون بعيد عن أهلك، بيتك، مُحيطك
شايل في رأسك مية هم، وفي ألف سؤال في رأسك كذا
ياربي حرجع ألقى عندي بيت؟
حصرف من وين؟، أشتغل شنو ؟
المشروع الفلاني، ولا نسافر!
قروش السفر، وهناك الشغل مضمون؟
حبدأ من البداية؟
الجامعة حنكها شنو؟
مستقبل مِنَا مُستقبل دامو..

حقيقي ألف سؤال، إذا إنتَ في الخرطوم، الولايات
برا السودان فإنت مضغوط نفسيًا وجسديًا
بسبب التغيير المُفاجئ الحصل دا
من حياة مستقرة لقيت أمورك إتقلبت فوق تحت

وبعد دا كلو تلقىٰ روحك في حالة بتاعت منافسة
بتنص علىٰ إنك قاعد فاضي ما عندك شغلة فلازم تنجز
لأ بل في ناس خاته شروط للإنجاز دا
وبتحس روحك إنك في سباق ما ليه أي لازمة

يا عزيزي، ما تضغط علىٰ روحك، وبَاركها
ما تدخل روحك في مقارنات، وما تضغط علىٰ روحك
إتذكر إن بسبب الحر'ب الحاصلة دي اي زول فينا بقى مسؤول
وشايل هم بكرة والحيحصل
ومافي رفاهية حاجات كتيرة كانت متوفرة في إجازة فاتت
- لو إعتبرنا الحرب إجازة زي ما بقولوا البعض -
ومتأكدة إنو اي زول فينا ساعِي علشان يصلح الوضع
بس بي طريقته، وهنا أي زول طريقته مختلفة تمامًا عن الزول التاني

هون علىٰ نفسك، أديها فرصة
وإنت ما في سباق، ولا في وقت مناسب علشان تلوم نفسك

أخيرًا،
لا يرتاح المرء في البيئة التي تشعره أنه في هلع، هلع ألا يُنجز كما يجب، هلع ألا يُبلي حسنًا، هلع ألا يُخطئ، هلع ألا يفعل إلا الصح دائمًا، هلع ألا يصل، هلع ألا يستريح، هلع ألا يتأخر، هلع ألا تفوته رسالة، هلع ألا يرد، هلع ألا يشوب تعبيره شائبة 🙏🏾..

لذلك هونوا علىٰ بعض الطريق، فالوضع موحش بما فيه الكفاية
أدعموا بعض، واتذكروا إنو الإنجازات دي حاجة نسبية من زول لي زول
وماف إستاندر معين للحاجة دي ❤️.

#درامات_الحرب
#رُبا_خالد