.

البـارت 281 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


يوسف: نسيتيه في اليونان وانا شليته ماهذا رمزز حبي لانني من اول مابسرتش لبستيه وتلثمتي به حبيييتش

وتين تكتفت وبتبسررة بنظظرات

يوسف قرص انفها: لاتظهري النظرات هذه قد قووة هذه العيون ذوبتني من زماان

وتين طفححت: يووووووووسف

يوسف ببرود: قلب يوسف روح يوسف عمر يوسف وضحك وقرب يلثمها بالشال

وتين قد عتوخر وهو ثبتها: اجلسسي من المعانده مااشي لااصيح ل محمد يجي يمسكش

طفححت منه ولااقدرت فيه

كمل يلثمها وبيتحيلا لها: فديت المحاربة حقيي بسس وفديت العيون هولا

وتين بهدوء وحده: يوسف اخررج من هناا والله لااصيح لهم والله

يوسف بجنان مسك يدها وسحبها: لاتقلقي عنخررج الاان

وتين بتحاول تفك يدها منه ومااقدرت وبصوت: اننننننت مجنووووووون

مدعمم لها وفتح الباب وهو بيسحبها معه بعناد

@rewayatyamania المصدر الأول للروايات

عند نرجس ومصطفى

خرجوا من المستشفى بعد ماتطمنوا على حالتها

مصطفى: مارأيش نسير منتزه

نرجس بتفكير: امممممم طييب

مصطفى: لا لا والا اقلش جي نسير وادي نلوي نفتهن

نرجس ميلت فمها: طييب

مصطفى يشتي يجننها: والا اقلش جي نسير حديقة احلى

نرجس بنرفزة: تمااام

مصطفى بحناك: الصدق الصدق اشتي ارقد جي نضوي

نرجس طفحت: انننننى مااااالك اننت من اووول مااعاااد ناااقص الا تقوول ليي جييي نسييير حووي بهايم (حيوانات)  اوومه

مصطفى ضحك: ايووة ذلحين انتي نرجس

نرجس بحدة: ليش واول من انا حسن صبي

مصطفى ازدادت ضحكته: مابلا ماناش متعود على طيب تمام من نرجووس ماتعودت الا على العناد واللسان اللي مية متر

نرجس بنظرات: انت داري

مصطفى: هاهو

نرجس: انت مااحد يدي لك وجه ولااحد يدلعك ولاااحد يبسر حتى صليك بإختصار انت بقرره بققرره ماتفهم الا بالصميل والا اقلك حماار بس عاد الحماار يفهم

مصطفى طاارت عيوونه: لااااااع صح فقدت ل لسانش بس ماهذا قد اخترط قدش بتهرولي يادبة حااااو

نرجس بضبح: دبةةةة!!!!!!

مصطفى: ايوة يخ كيف قد شكلش انزلي من سيارتي فطستيها (يعني ثقلت عليها)

طارت عيوونها وببكاء: صفصوووف نفسيتي ززفت لاتجنني

ضحك بنصر: اييوة ابكي يوووووه كم انا فاااقد للبكبكة حقش

نرجس بدلع: امانة قد شكلي شوع والله مادببت مالكم بتقلوا قد انا دبة

مصطفى بلعانة: يع قد شكلش يفجع وجهش مورم وحين انتي قزمة وقعتي ساع كرة القدم ههههههها

نرجس ببكاء: ووويحين انا قززمة هو انت اللي طولك مش طبيعي والا طوولي منااسب

مصطفى بيبتسم بنذالة وحرك السيارة: دبة وقزمة قالت ماشي

نرجس بكيت وبتشهق بدلع وبتبسر نفسها: ويحين انا دبةة.. ونست نفسها انها في السيارة وتشتي تسنب تبسر طولها وبدلع مااااصخ: ويحين قززمة لاتجنني ويحين ياكذاب

مصطفى طفففح ضحكةةة: ههههههههههههههههههههههههههههههههههههههههههه

نرجس فتشت البرقع ونزلت المراية اللي قدامها وببكاء: ويحين وجهي موورم ويييحين هن خدودي هكذا

مصطفى طاافح ضحكة وفي نفسه: يااربي مامصبرني على هذه الجاهلةةة هههههههههه لكن والله تغسل القلب بدلعها ههههههههههههه تشتي تسنب وسط السيارة تبسر طولها ههههههههههه ههههههههههه...وبيضحك منها وكملوا طريقهم
.
.

نرجع ل يوسف ووتين

وتين بنررفززة: يوووسف غللق الباب

يوسف عجز يسكتها ويسحبها لف لها بحده ومسك فمها وحاوطها في صدره ويداته على فمها يسكتها وبيخطى وخرجوا للممر وكان الممر كبييير وبه غررف بناءً على تصميم الڤيلا

وتين بتحاول تفتك منه وبتمتم وهو ماسك فمها وبيخطى بخوف لاحد يبسرهم

وتين اللي مفجووعه لاحد يخررج ويبسرهم

نزلوا من الدرج ويوسف مثبتها وبيضحك بخوف: بين اخطف مرتي ايش الزمن اللي فعل بنا هكذا

نزلوا وبسروا محمد خارجي من المطبخ وتجممممدوا يوسف شد على وتين وماسك فمها ورجعع خلف العموود ومبتسم بخووف وارتبااك

وتين اللي متجمددة وفي نفسها: بعييييييننننني ياااايووزر بعيييييني ياااربي ايش البلوة هذه اللي في حياااتي

محمد وفي حضنه وتين الصغيره وخطي: نطلع لاعند ماما والا تشتي عند جدة وكنان

خرجت ام محمد وفي حضنها كنان اللي بيبكي

يوسف غمض عيوونه: كممملت معانا

وتين متجمدة وخايفة لو يبسروهم كيف عيكون موقفهااا مستحيل يصدقوا ان يوسف هو اللي غصبها

ام محمد: محمدي وين وتين

محمد وقد طلع في درجتين: قالت تاعبة تشتي ترقد

ام محمد جلست فوق الكنب وبتحاول تسكت كنان: هاه ورؤى وين هي

محمد: ايذك في الغرفة تشتي شي ياقلبي

ام محمد: سلامتك ياعيوني

ابتسم وعطاها ظهره وطلع ويوسف ووتين بيبسروا  محمد بخووف اللي لو يلف لاخلفه لايبسرهم

ام محمد بصوت: محممد

يوسف ووتين طااارت عيووونهم وبحركة سرريعه لف لاخلف العموود ووتين ماسك لها يد في فمها ويد شاد عليها ولاويها في خصرها




📚 @rewayatyamania  🇾🇪

.

البـارت 282 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


يوسف ووتين طااارت عيووونهم وبحركة سرريعة لف لاخلف العموود ووتين ماسك لها يد في فمها ويد شاد عليها ولاويها في خصرها

محمد التفت: عيووني

ام محمد وهي لو تلف لايمينها لاتبسرهم ويوسف ووتين بيبسروها بعيون مفتحه بخووف

ام محمد: هات وتين عندي واجلسوا انتوا ورؤى

محمد ابتسم: ليش يماه ارتاحوا

ام محمد: والله راحتي في احفادي هاتها

ابتسم ونزل يمكنها وتين

يوسف غممض ورجع وبيلف حول العمود بظهره: ياااالليل اقتلبنا في فلم خطف وتهريب

وتين قبصت يده اللي ماسك لها بإظفورها لما صيح: ااااااي

تجمممممدت وهو عض على فمه بخووف

محمد لفت بإستغراب: ايش هذا

ام محمد وهي ماركزت: ماهو هيا هاتها

قوس شفايفه: يمه سمعتي صوت

ام محمد: صوت اييش مابه شي

قرب وناولها وتين: مدري بس..

ام محمد: مابه شي لاهم الجهال

محمد: طيب ولابكيت صيحي لي

ام محمد ابتسمت: وولاتبكي ولا هي عند صاحبها وجدتها

ابتسم ولف يطلع ويوسف ووتين عيونهم عليه ومالف ودخل غرفته،،، زفر يوسف براحه وبحلطمة: ذلحين ياروحي كيف نخررج وامش المصون في الصالة عتبسرنا

وتين لاتقدر تتكلم لانه مغلق فمها بقوه ولاحتى تتمتم لاتسمعها امها وفي نفسها اقسسم بالله لاانتف شعرك لايدي بعيييني بعيييني،،، يااربي اييش افعلل

يوسف بجنان وهمس: ابسري ياهتلوري لو تدي اي حركة البلا عليش ايذك امش ملتهيه مع الجهال وعنخطى وماعتبسرنا طيب... وخطي وهي انهبببلت منه وعينها على امها اللي لوترفع راسها لاتبسرهم

كنان وهو ممدد فوق الكنبة بسرهم وبيتأملهم

يوسف ضحك بخوف وبهمس: ياابن الكلب عيفضحنا بيتبسرنا لو تبسره امش

وتين مييييتة خووف ومنحررجه لو تلف امها وتبسرهم

ام محمد ماركزت مع كنان وبتصلح ل وتين الشيال اللي لابسه له

يوسف وبيسحب وتين وعينه عليهم ووصل للدرج اللي باب الصالة الصغيره اللي توصل لاباب البيت وطلع بخفه وطاار فتح الباب وخرج والباب انصفق بقووة

ام محمد فززت ولفتت: اعوذبالله من الشيطان الرجيم ماهو هذا 

يوسف عاده ماقد زففر الا وبسر عماار بيفتح باب البوابة طررف الحوش،،، بحركةة سرييعة سحبها وتخفوا خلف العموود يوسف بحلطمة وهمس: والله ان انا بين العب لعبة السارق كل شوية يطلع لي جني

وتين طااافحه وكرهيين بتتنفس

خاطي عماار وبيده تلفونه مركز عليه 

يوسف غممض عيوونه ومرررتبك

وصل عمار وضرب الجرس وفتحت له ام محمد ودخل وغلقووا

ززفر برااحه وباقي مغلق فمها وبيسحبها وهي بتخطى غصصب وبتحاول تفتك ولاقدرت

خرجوا من باب البوابة وخطي اربع خطوات وسيارته صفها هناك فتح الباب اللي جنب السواق وفك فمها ورفع ارجلها بسرعة ودخلها السيارة وغلق

وتين بعد ماتنفست ووبتكح ومن بين كحتها: والله لا او وبتكح

ضحك من مغامرته وخطي فتح باب السواق وغلق السيارة وطااااار

@rewayatyamania المصدر الأول للروايات

في جناح محمد
بسرها جالسة فوق السرير وواضح عليها بكيت

جلس جنبها: رورو مالش ياعيوني

رؤى بضيق: ولاشي

محمد بهدوء: زاعلة على عمي

رؤى امتلت عيونها بالدموع: هو ابي ي محمد

تنهد وضمها: دااري ياعيوني بس ايش نفعل كل هذا عمله

شدت عليه وبكييت: والله ان انا اتمنى اسمع كلمة منه او حتى احس في يوم بحنانه اتتتمنى

محمد بمواساة: ايذا انا هاه ابوش واخوش وامش وزوجش وسندش وكل اسرتش لاتقولي هكذا وعمي الله يهديه ويعرف غلطه

ببكاء: الله لايحرمني منك ي محمد

محمد: ولا منش يانظر وعمر محمد

✨انت مسكني هل تعلم؟،، انت موطني انت هديتي من الرحمــٰن في صعاب هذهِ الدُنيا،، أنت ملاذي وسكِينة أحزاني ✨كتاباتي
.
.

بعد ربع ساعة وصل لامكاان بعيييد عن الناظرين مكانه المفضل تله مرتفعه وتحته انظار خلابه ووديان ومدعمم ل صياح وتين طووال الطريق اللي في الاخير ضبحت من بروده وسكتت

يوسف بإبتسامةة: وصلنا ياملسونة

لفتت له بغضضب وسحبت قعشته بحقد: ملعووووون

يوسف ضحك: هههههههههههههههههه اااااي يامتووحشه ااااي

وتين بعيوونها الحممر: عترررجعني الااان لابيتناا وتنقللع

يوسف سحب يدها ومسك راسه بألم: يوووه قلعوا الاظافير هولاا متزووج لي عسكري انا

وتين بنظرات: يووووووسف

فتح الباب ونزل وهو بيضحك منها

فتحت الباب ونزلت ووزعت نظرها للمكان ولفتت له وبتشد على كلامها: يوسف اخطى رجعني البيت والا اقلك وسارت وفتحت باب السواق: شاارجع بنفسي... بس تفاجأت لمن بسرت مفتاح السيارة مش موجود وبنرفزة: يوووسف

يوسف مطنش لها وفارد يداته ومبتسسم

وتين نزلت وخطيت ووقفت مقابل له وبطفح: يووسف اخطى رجعنني ولاتتعب نفسسسك ماااشااارررجعععش

يوسف بهدوء وهو باقي فارد يداته ومغمض عيونه: وتين

سكتت وبتتأمله بقهر

ومابه الا الهواء النقي بيطب عليهم وبرقع وتين...





📚 @rewayatyamania  🇾🇪

.

البـارت 283 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


وتين نزلت وخطيت ووقفت مقابل له وبطفح: يووسف اخطى رجعنني ولاتتعب نفسسسك ماااشااارررجعععش

يوسف بهدوء وهو باقي فارد يداته ومغمض عيونه: وتين

سكتت وبتتأمله بقهر

ومابه الا الهواء النقي بيطب عليهم وبرقع وتين بيطير بهدوء ودموعها لامعه في عيونها وكان الجوّ غيوم وبعد مطر والدنيا جنة قدامهم

يوسف جلس وهو باقي نظره للوديان وبضيق: اسمعيني للأخير وبعدا لش القرار وصدقيني ماشااغصبش على شي واذا مااقتنعتي انتي في طريق وانا في طريق

تنهدت وجلست ونظرها للوديان ولامه رجولها لاصدرها

يوسف ونظره للوديان: شوفي من البداايه من البداايه لما وصلني رسائل غريبات لاتلفوني ان المشروع انباع وبإسمي ومن باعه انتي وابسر أدلة وابسر اثباتات وماااصددقت قلت وتين من سابع المستحيلات تفعل هكذا،، وبعدين يرسل رققم غرريب... وبقهرر صووور وصووور من صووورش ياوتين وانتي لابسة وبشعررش في عرس خواتش!!! ،،

قلدش الله رجال يبسر صور مرته من رقم غريب ايش موقفه،، بس انا تغاضيت وفكرررت قلت اكيد اخترقوا تلفونها اكيد احد مسك تلفونها وجييت جييت أسألش،، مابسرتي مني أسألش بالله ماابسرتي هل رديت اللوم عليش من البدايةة مااقلت ياوتين ماااقلت لش اول ماوصلت،،،، الا هاتي تلفونش كنت اشتي ابسر هل صدق اخترقووه واتفاجأ انه مش مختررق وان الرسائل والصور مرسولات وعاد المحادثة موجودة واسألش واكررر واكررر وانتي كنتي مجبوررة واكدتي لي ومع ان عيونش كانت تحكي عكس بس ايييش الشيطاان حااضر ورفعت يدي وطلقت ولساني انفلت ومااذكر ماقلت من كلام من جور العصبية ،،،

وبرغم هذا كله كانت هذك ردة فعل بسيطة على الموقف اللي انطرحت فييه ي وتيين وعز الله بسيطه

ضحكت بسخريةة

يوسف بحدة: لاتضحكي هكذا واسمعيني للاخير،،،، وبعدا سألتي نفسش ايش حصل لي،،، طررت من عنددش مثل المجنوون وفعلت حاادث وماصحيت الا في المستشفى وقمت اصييح ويينش وشاااجي ادوورش

وتين تذكرت لما بسرته في المستشفىى وراسه ملوي بشاش ويده مجبسة

يوسف كمل ولفت لها بعيوون حمممر ممزوجة بدمووع: بعددين احتبسست اسبووع ياوتين وكل يوم احررق عشاانش،، ولما خررجت اتفاجأ برسالتش واتفاجأ انش سافرتي واللي اثبت لي خطش ياوتين،، رجعت البيت وكلي قههر وغبننه اتفاجأ ب امي وابي وهذك الكلب وهذك ال*** قد ادوا شيخ علشان اعقد عليها،،

@rewayatyamania المصدر الأول للروايات

جننت جننت رفضت بس امي هدتتني عتقتل نفسها ياوتين وكانت عتفعلها وانغصبت وعقددت بس يشهد الله وبغلاوتش عندي مالفت حتى لاوجهها مع انها اشهرر حااولت تتقرب مني بس والله ماحتىىى سمحت لها تعدي باب غررفتي ان انا كنت اهينها هيانه وكنت بعض احيان اقول حرام يكفي مش متقبل بها ماعد شااهينها بس والله طلعت تستاهل،،

ولما سمعتها في التلفون واعترفت بكل شي انتي عارفه ان انا قتلتها بس طلعت الخسيسه بسبع اروواح وعااشت والا والله ماخليت فيها ملامح وكله على شانش بررررغم من مابسرت اثباتات برررغم من ما تأكدت واثبتوا عليش بررررغم مااقد بسرررت بسس قلبي ماااصدق قلبييي جننن علييش سنةةة كاااملةةة كنت نااوي اجلس ادورش في اليونان لماا امووت بس كذبوا عليا ان قد سافرتي أكتأبت ياوتين اكتأبت ماعد بسرت صورتي في المراية ؛؛

ي وتين والله ان انا جننت والله مافرطت فيش لاتقسي عليا لاتقعي قاسية والله احببببش والله اعشششقش وافدي بروحي لاجلش لاتكسري فرحتي اللي انزلها الله لي برجعتش بهدية غسلت كل هذك المصاعب اللي مرينا بها لاتقسي

نزلت دمعته بحرقة ومسحها بسرعة

لفتت له بدمووعها وبقهههر وخرجت كتمانها: لااقسى! لااقسىىىى اااااانت سألت نفسك ايييش سبب القسووة هذذه انت سألت نفسسسك،،، يووووسف اناااا تعذذذبت تعذذذذبت ذذقت العذذاب بمرره كييف لااكون قاااسيةة كيييف،،، كييييف لماااا افقد النووور في حيياتي وعاااد عمممري 8 سنيين وماااعشت طفولتي الا في اوقااات مااذكرها قبل عمر ال8 السنين

ليييش لييييش مااكون قااسيةة وانا منعدمةةة ل حيياة الطفولة وللحنان منعددمة ل حضن الأم منعددمة ل أماان العائلة وابي مشلوول لابيده حيلة يداافع عننا من عمممي الظااالم

، وحاااضنه ل اختتتي اللي بنت 3 اشهررر ببكاء واسير اخبييها تحت السرير من عمي اللي بيرجمنااا للشااارع مممن وسسط بيتتتنا،، واختي الثانية اللي بعممر سنتيين بتببكي واحاول اسكتها واخي عماار اللي بيبكي وفي حضن محمد اللي بيمسح دمووعي ويقلي ياوتين اهدأي وسكتي ميار ونرجس ولا تخاافي وبنبكي ويين امنا وابووونا ونكتتتشف ان امممي مااتت وابي في العناايةةة ويجوا يرجمونااا اطفااااال للشااارع...


https://www.tg-me.com/+Ecxq_OzMYh40M2E0




📚 @rewayatyamania  🇾🇪

.

البـارت 284 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


وبنبكي ويين امنا وابووونا ونكتتتشف ان امممي مااتت وابي في العناايةةة ويجوا يرجمونااا اطفااااال للشااارع يايوووسف اطفااااال،،،، كيييف لااكوون قاااسية وانا اشوف جثة مشوهه وعمممررري 8 سننننننين ويقوولوا لي بخببث هذذه امممممش،،، كييييييف لاااكوون قاااسية وانا بين ابسسسر دموووع ابي وهوو فوووق الكررررسي ومنهددد حيييله واحناااا في الشاااارع مرجووومين مشررردين ؛؛ وابسره مكسووور يشتي يقووم علييينا كييف لااكون قااسية وانا بين اببسسر الناس بيتصدقوا ويزعلوا علييينا،،

سندت نفسي وربيت اخوتي وساندت ابي وماعرفت شي اسمه حنان او شي اسمه طفولة مااااااادرريت،،، ولماا كبرررت وصبررت وتعددديت كل هذذك المررراحل وكل هذذاك الاسىى انت تطلع ليي وتخليني أحببك واقوول ياااربي خاايفه اخسسره وماااقد لي مععك الا ووقت قصيير وتنعددم فررحتي اللي واخيراً التفت ل حيااتي ،،، 

ااااييش تشتتتييني افعلل لمااا يخررج لي عممك الكلب ويقوول لي صوورش عندي ومشرووع وبعنااه ومشش دااارية من شل تلفوووني ويقوول لي زووجش عيجي الااان وقلي له واكدي له والا عنقتله ولما تجيي همم خلفك بالليززر والسلااااح،،،،،،،

ايييش تشتيييني افعععل اييييش وانااا وحييييده مكسووورة ماااكنت مستعددة اخسسرك مثل مااخسررت اممي،،،، ايييش تشتتيييني افععل

ولااقسااش لماا اصحى واسمع مرررة عمممي اللي يااما قلت هي ظالمه وطماعه وتفعل اي شي بس مااتوقعت تكوووون بذااااك الوووجه البذذذذيء ماتووووقعت ماتووقعت انهاا منحطةة لاهذك الدررجة،،،

اييش تشتييني افعلل لمااا ابسررررررر بيتناااا بيحرررق ويقوولوا لييي ابوش واخوتش حرقناااهم اييييش،، ايش تشتييني افعلل لمااا ابسسسر صدييقتي اللي حبيتهااا وخليتها سند ليي طعنننننتنييي فييي ظهررري اييييش تشتييني افعلل لماااا يتركوني احررررق وسسط كووخ وانا بين احرررق علىى اهلللي ايييش وابنني اللي ماقد فرررحت سووا وفي احشائي ااااااايش،،،، لمااا تنقذذني هذك المرة اللي هيي امممي امممي واجلسس انتظظظرك واقوول يووسف مهما كااان عيجي عيجي ولماااا القاااك اتفاااااااااجأ انك تزووجتها قلللدك الله كييف عيكووون احساااسي

تعببببت ي يوووسف تعععبت تعبببت اكااابر تعععبببت واللله تتتعببت تعبببت اووووثق وانطططعن تعببببت،،،،، انااا حبيتتتك ويشهد الله حبيييتك من قلللبي واعتبرتك جبببر من الله لي يعووضني عن كللل شي ايييش تشتي كيييييف لاااكوون قاااسية كيييييف.... وشهقت وانهااارت وبكككت ماقددرت تمسك نفسهااا

@rewayatyamania المصدر الأول للروايات

دموووعه غااارقه وجهه قررب وضمممممممها بقوووووة وبكيوووا ومن بين دموعه بقووة: وانا لش الجبر من بعد الله والله يخليني اجببرش ياوتين وانسيش كل سنين الظلم اللي عشتيهااا،،،، الله يخليني اكوون لش السند الذي لايميل،،، الله يخليش ليي تزيديني وتعلمميني قووة من عيوونش اللي لما ابسررهن اننسى كل صعااب الدنيااا وتين ورفع راسها ونزل لثمتها ومسح دموعها: ماااتعلمت ابسرهن ضعيفات لاتبكييش انتي قوووية وسلام الله على صبررش ياوتين

رفعت عيونها له اللي وااضح فيهن هذه المررة القههر والضعف والتعب وبينزلين دمووعها

يوسف نزلت دمووعه ومسح دموعها وفي نفسه الله يلعني في دقيقة كنت اقول انش مغرورة وانتي كاتمة كل هذا الوجع ومسح دموعه ورفع يده ومسح دموعها: لاتضعفي يامن في بحور وخبايا هذه الظلام علمتيني معنى القووة من عيونش لاتضعفي وابقي ساندة لي خلف ظهري ياعظيمة في حياتي،،،

لاتضعفيي يااللي جاابش الله أمان في حيااتي في وقت ضعفي عشان أقوى بش وكل ماابسر عيونش كل ماتزداد قوتي ؛؛؛ انتي وتيني انتي وتييين قلبي ياوتين انتيي وتييين يووسف ياوتين انتي وتييينه وعزوته وقوته وكل شي في حياته وضممممها ؛؛؛

مرررت دقائق صممت وهي مستنده لاصدره وهو عاضِ شفته بقهر وشاد عليها

تنهدت بحب وابتسمت وابتعدت منه ورفعت اللثمة وبهدوء: رجعني البيت

انصدم بس ماحب يضغط عليها ووقف: هيا

وقفت وهي كأن جبل وانزاح من فووقها كانت محتاجه له كانت فاقده له حتى وقد اهلها كلهم حولها وقد ارتاحوا بس هي الوحيده اللي باقية ضايقة لان يوسف وطنها غايب عليها وكانت حكمتها من معاندته هي تبسر هل فعلاً عييأس منها أو عيحارب عليها وفعلا تحداها وحاارب وكبببببر في عينهاااا وحبته اضعاااف بس مش مثل يووسف يبقى حبه لها اكثرر منها في نظري انا بألف درجة <>

طلعوا فوق السيارة وحركوا والصمت سيد الموقف
.
.

بعد دقائق وصلوا باب الڤلة حق ابو محمد ويوسف وقف ومسك يدها ولف لها بعيون ملان دموع ورفع يدها وباسها وغممض عيوونه ونزلت دموعه لافوق يدها وطالت بوسته





📚 @rewayatyamania  🇾🇪

.

البـارت 285 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


بعد دقائق وصلوا باب الڤلة حق ابو محمد ويوسف وقف ومسك يدها ولف لها بعيون ملان دموع ورفع يدها وباسها وغممض عيوونه ونزلت دموعه لافوق يدها وطالت بوسته

اوجعها قلبهااا وامتلت عيونها دمووع ولو لها لاتضمممه لما تمووت وماتشتي شي بس باقي شي تشتي تفعله

نزل يدها وطرح يده الثانية فوقها وبكل حب وحنان: ببقى انـتـظـر لــش لما اموت 

أشرت براسها بمعنى تمام ونزلت وفتحت باب البوابة ودخلت وهي تحت أنظاره

هز راسه بقهر وعض على شفته وبغصصة: عجزت في عنادها ومعاها الحق،،، شد على الدريكسون وشغل السيارة وحرك وبيتذكرر كلامها بقهههر ولو له لايدخل للسجن يقبض ارواحهم كلهم اللي عذبوها لايدخل

✨ لم أتعلم من عينيكِ سوى القوة،، ولم أتحسس مشاعري الا بوجودكِ،، ولم أصحى على إبتسامتي إلا من طيفك في منامي،،، ليت كانت أبواب السعادة لدي،، لكنت لا أعطي مفتاحها أحدٍ سواكِ ✨كتاباتي
.
.

ثاني يوم الصباح في ڤلة أبو محمد جالسين في الصالة كلهم وبيضحكوا على كنان ووتين الصغيره

جلست وتين في فمها كلام ل ابوها

ابو محمد: وتيني مالش ي عيوني

وتين ابتسمت: اباه مش قلت لي ان عمي علي كلمك من رجوعي ل يوسف امس العشي

ابو محمد بضيق: ايوة بعد ماشرحوا لي سبب زواج يوسف من هذك اللئيمة واتكلمنا وقلت الرأي لش انتي

وتين بكلام صدمهم كلهم: انا موافقة ارجع وان شاءالله شاارجع اليوم

محمد بحدة: ااايش

ابو محمد بنظرات له: انت امسك لسانك واسكت... ولف لها: متأكدة يابنتي

وتين بإبتسامة: متأكدة ياتاج رااسي

ام محمد تنهدت براحة: الله يسعدش يابنتي ويوسف رجال ويحبش قوي ياعيوني وكلنا شاهدين

عمار ابتسم وبلقانة: ايوة ارجعي يااختي علاميد موضوعي مايخرب

الكل عدا محمد اللي مكشر: هههههههههههههههههههههههههههههههههههههههه

وتين بإبتسامة: طيب ل عيونك  ول عيون كناني شاارجع

رؤى: صدقتي والله ياوتين مايسبر يكبر الولد بدون ابوه وقده بيستوعب يعني سنين وسألش وين ابي لو تصري ع الطلاق

ابو محمد: تكلمتي مع زوجش

وتين وعينها ع محمد اللي مكشر بغضب وبيتبسر نقطة معينة: تكلمنا أمس وشاارجع اليوم عصر

ام محمد وابو محمد: الله يوفقش

وقف محمد وخررج بضبح قد رؤى عتلحقه وقاطعتها وتين: اجلسي انا شااكلمه... وخطيت وراه

@rewayatyamania المصدر الأول للروايات

جلس في السور اللي باب الڤلة بضيق لف على صوتها: محمدي

محمد بضيق: ااايش

جلست مقابل له: دارية انك زاعل من يوسف بس يااخي كان مجبور مثل ماانا مجبورة وأكدت لك،، وبعدا يااخي وياسندي اطرح نفسك مكانه اكيد عتفعل نفس الشي واخس يمكن،،، وبعدا يرضيك يعيش كنان بعيد عن أبوه؟ ترضى انت تعيش وتين بنتك بعيدة عنك

محمد بسرها بقهر: بس هو فلتش وح....

قاطعته: كنا مجبورين الاثنين وخلاص وانا قد زعلت كفاتي منه ومايحق لي ابعد ابنه عليه وقد اعتذروا وعرفوا بغلطهم،، والله قد انتقم لنا من اللي كانوا السبب،، ايش عاد نشتي،،، وبعدا لاتنسى عمار ولو ارجع لايحددوا العرس يعني يرضيك اكسر فرحته وفرحة امي اللي منتظرة تفرح في عرسه لانها مافرحت في عرسنا

تنهد بإقتناع: طييب بس والله ياوتين لو يئذيش بكلمة او حتى بحررف لااقلب الدنيا فوق راسه واتحداش توقفي في طريقي

ابتسمت وضممته: اببببشر ياااسندي وياعزووتي وياشقيق ظهرري وانت اول وجهتي لاأذاني

تنهد ومسح على راسها وبقهر: وتيني سامحيني على هذك الايام م...

قاطعته ورفعت اصبعها ومسكت فمه بخفة: ااشش هذك الايام قد نسيتها وداارية انك كنت مجبوور ومسحوور من هذك الطاغية وربي عيعاقبها،، خلاص خلينا ننسى ونغلق هذك الدفترر

ابتسم ولمها لاصدره: عمرري ماعرفتش الا قووية وتزيدينا قووة بصبرش يااشقيقة ظهري انتي

وتين شدت عليه وببكاء: لانكم معي ولان الله اوجدكم في حيااتي ومستعدة احاارب الدنيا عشاانكم

محمد: اررفع راسي بكل فخرر لاني امتلك اخت مامثلها احد ياوتين قلبي انتي
.
.

بعد العصصر

في بيت ابو يوسف

ام يوسف: يعني عيحددوه في اسرع وقت

ابو يوسف: ان شاءالله خير لما نبسر موضوع يوسف ووتين وبعدا نفررح براحتنا ونعرس افخم عررس ل رُقية

ام يوسف بإبتسامة: وموضوع ريما؟

ابو يوسف: قد سألتها أمس الليل وشبه موافقة زيدي ابسريها وكلمي الجماعة يجوا في أي وقت واذا هم مستعجلين على العرس زوجناهن الثنتين

ام يوسف: ماهو تزوجهن الثنتين كفايه رهف ورانيا وبعدا يوسف ماقد قلنا له

ابو يوسف: وينه من امس ماروّح وهم جوا امس العصرر عتبسره واكلمش... ووقف: يلاه هاه شااسير الشركةة... وعطاها ظهرها وخرج وهي رجعت تتصل ل يوسف
.
.

رفع تلفونه ورد بضيق: هاه اماه

ام يوسف: وينك ياابني ايش هذا الشغل اللي معك من امس

يوسف بكذب...


https://www.tg-me.com/+Ecxq_OzMYh40M2E0




📚 @rewayatyamania  🇾🇪

.

البـارت 286 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


رفع تلفونه ورد بضيق: هاه اماه

ام يوسف: وينك ياابني ايش هذا الشغل اللي معك من امس

يوسف بكذب وهو رجع للتلة: عمل في المركز الفيزيائي يمه قدكم عارفين وانا اخر فترة ماعاد داومت

ام يوسف تنهدت: ووتين ايش زد فعلت تصالحتوا

يوسف بيأس: رافضة يماه مارضيت ترجع معي

ام يوسف غثيت: لاتزعل ياعيوني الان اسير لاعندها وارجعها وامس اللي ابوك سار وكلمهم وان شاءالله خير

يوسف بنفي: لا ياقلبي لاتسيري ولا قد تفاهمت معاها وخليها براحتها اي حين ماحبت ترجع انا منتظر وبغصة وان مارضت وماقدر ينطق سكت بقهر

سكتت بإقتناع

يوسف: يلاه يماه خاطركم ماعد تشتوا شي

ام يوسف: ولاشي ياعيوني انتبه لنفسك

غلق الخط وتنهد نهددده عممييييقة وتكلم من مشاااعره:

تعبت من هذا البعاد والفراق مزق شراييني
الى متى اتعذب في هواه ويكرّهني العتاب

الى متى وانا اصارع الموت من وساويسي
تعبت ياالله وجيتك خاضع طارق لك الف باب

هون عليه مصايبه عسى وينسى ويلتفت لي
افتقدت له ومييت عليه وكاره لكل الاسباب

كله يهون ولا انه يقسى ويجفى احاسيسي 
تعبت وانا اداري حبه بمزيج ذاك العذاب

ياشوقي له يوم كان فرفوش في اجاويفي
والان اشوفه معذب وقهره يوصل للسحاب

وقهره سبب بالبعد وهذا كان من مخاويفي
هون عليه يارب عشان ينسى ذاك الغياب

ماعاد فيني طافه اشوفه بعيد عن اراضيني
تعبت من فرقاه الكسيفة ذي سببت لي إكتئاب

تعبت من غياااابه ذذي سببب لي إكتئااااب
اااااااح اااااح
....✍️ⓜ 

@rewayatyamania المصدر الأول للروايات


لبست عبايتها وتبرقعت وجهزت ابنها وسلمت عليهم وخرجت وضغطت الريمونت حق السيارة الحمراء الجديده اللي اداها لها ابووها ومبتتتسمة كيف عتكون ردة فعل يوسف طرحت كنان في العربة وثبتته بالحزام وطلعت مكان السواق ولفتت له: مارأيك نزيد نعذب ابوك شوية ياكناني عشان تقع المفاجأة ضخمه ابتسمت واتصلت ل رُقية جاها الصوت: ياحييااا هتتتلر هيااا وين قددش

وتين بحده: لاتقولي لي قد قلتي ل يوسف اقسم بالله لااقتلب هتلر صدق واقتلش

رُقية ضحكت: هههههههههههههههههههههههههههههههههههههههه ماقد قلت له لاتقلقي والان باقي الضربة القاضية حسبش الله عتقرحي قلب اخي

وتين ابتسمت: اممممم مااففعل اشتي افاجئه بس مفتجعه يغثى قووي

رُقية بحده: كان ماتشتي ماعيغثاش حين اتصله واقلة مرتك زلجت ابنك وبتطلب الطلاق وماتشتيك لا انت ولا ابنك

وتين: بس انا متوقعة ماعيصدق ان انا عتترك كناان

رُقية: اهاه ولما يجي ويبسر كنان هناا

وتين: اوووف ابردي عيبسر المفاجأة ويسلى افعلي اللي قلت لش وبس

رُقية تنهدت: أمري الى الله بس مادخلني لاقتلش يوسف

وتين بتفكير: والا ااقلش

رُقية: ايش يامزاجية

وتين: اتصلي له وقولي له ان محمد ادا كنان وقال ان وتين رفضت ترجع وقررت تجلس في بيتهم شهر شهرين تفتهن نفسيتها وخلوا كنان عندكم

رُقية: ايوووة عاد هذا احسن من الطلاق

وتين: يلاه هاه بين اسوق انزلي اافتحي لي

رُقية: يلاه يلاه.... ونزلت وهي فااااارحة بسرت امها في الصالة

ام يوسف بحدة: مالش بتتبسومي من الصبح

رُقية جلست: ي امااه عندي لكم خببر يفررح قوووي

ام يوسف: اللهم اجعله خير

رُقية: خير خير،، مابلا الصبح وتين اتصلت لي وقالت انها قد تصالحت مع يوسف وبس تشتي تقله ماتشتيش ترجع علشان تفاجئه وتجي هي لاهنا ومعاها كنان

ام يوسف فرررررحت: منننش صدددق وللييش عاادها بتدور خبر ابني عيطفح

رُقية ضحكت: عاد عنمقلب به عنقله انها عتزيد تجلس شهرين في بيتهم وعتطرح كنان عندنا

ام يوسف بنظرات: هذه من افكاارش انا داارية وتين عاقلة ماتفعل هذه الحركات

رُقية: هههههههه والله ماعاقلة الا انا اسكتي عاد كانت تشتي تقول انها ماعد عترجع وطالبة الطلااق

ام يوسف بزعل: يووووه ماشااسمح لكن تحرقين اعصابه شااكلمه انا

رُقية نبعت (نطت) لاعندها: اماااه ماقلت لكم تخربوا مفاجأتنا ماعيقع به،، خليه علشان يتفاجأ قوووا

ام يوسف: بس..

رُقية قاطعتها: ولا بس ولا شي

جت ريما: ماهو مابه

قالين لها وفررحت وجلسين منتظرات ل وتين بعد دقائق وصلت وهي منحرجة ودخلت من البوابة وصفت السيارة وشلت كنان وخطيت

دقت الباب ورُقية وريما وام يوسف طارين لاباب الباب فتحين لها واقبلين يسلمين عليها ويشلين كنان ووتين منحررجة

بعد السلام والكلام رُقية: يلاه اطلعي ماش وقت

وتين ابتسمت وطلعت وكنان عند ام يوسف اللي ميييتة عليه وبتتحيلا له وفاااارحات

رُقية بحدة: يجي يووسف تتغير ملامحكن مفهووم!!

ام يوسف مش معاها وبتلاعب كنان... ريما بضحكة: مفهوووم

خطيت لاطرف ومبتسمة بإرتباك واتصلت له


طالع عند وتين بسرت الجناح اللي مزززين وشكله يجننن وبضحكة: ...




📚 @rewayatyamania  🇾🇪

.

البـارت 287 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


طالع عند وتين بسرت الجناح اللي مزززين وشكله يجننن وبضحكة: الله عليش يارُقية كفوو والله (خلتها تزين الجناح وتفعل لهم جو بحكم ان وتين ماعتقدر تلحق)... ههههه لو هو انا لااجلس ساعة افكر ماافعل فدديت الدلع بس هنييت لك ياعماار.... وخطيت تلبس
.
.

نازل عندهن

جاها صوته الضايق: الووووه

رُقية بليعنة وبصوت شبه باكي بكذب: يوسف

يوسف فزز: مالش

رُقية: به خبر حالي وشوع

يوسف بحدة: ررررُقية مش وقت لغاجتش ماهوو

رُقية بسرعة: الخبر الحالي ان كناني ابنك عندنا عيجلس والشوع قالت وتين عتجلس في بيتهم شهرين لمما تتحسن نفسيتها وماتشيتيش تبسر احد وادت كنان عندنا

يوسف ماصدق لان وتين مستحيل تفلت كنان: ررُقية صدقيني مش فاضي ل سماجتش ذلحين

رُقية قوست شفايفها وخطيت لاعند امها على بكاء كنان: هااه اسسممع مش هذا صوت كنان

سممع وانهببل وغلق لاوجهها وطاار للبيت

ضحكت بنصر وجلست وبيلاعبين كنان
.
.

عند وتين لبست فستان ميدي لونه كبدي هااادئ ملمع بلمعة ذهبي هادئة تجنن نص كم ضاغطات اكمامه ورفعت نص شعرها كذيل حصان والنص الباقي فاردة له وملفوف لفات من اسفله،،، فعلت ميك اب هادئ روج احمر غاامق لونه كبدي برز جمالها وكحل وشوية ماسكرا مع ان ماتحتاج رموشها كثيفات وسود رشت العطر وكتبت الورقة وطرحتها فوق الكمدنيوه وجلست منتظرة له ومتوترة
.
.

بعد دقائق وصل وماانتبه على السيارة من الارتباك ودخل للصالة وابسر كنان وتغيرت ملامحه

رُقية: لاتغثى يااخي

ابتسم بضيييق وشله لاحضنه وبيبوسه وبيشم ريحتة اللي هي ريحة وتين

رُقية بعد دقائق: يوسف الله يحفظك نسيت رضاعة كنان في جناحك اطلع اديها

يوسف بحدة: خلي ميرسي (الشغالة) فاضي لش

ريما وبذكاء: هييا يوسف اطلع  وبعدا به حاجة زلجتها وتين مع كنان وطرحناها في جناحك مدري ماهي

لف بإهتمام: ماهيي

ام يوسف ابتسمت: مددري اطلع وابسر

بسرهن بشك وطرح كنان في حضن امه وطلع

ابتسسميين ورجعين يلاعبين كنان

@rewayatyamania المصدر الأول للروايات

وصلت رسالة لاتلفونها من رُقية ان يوسف طلع وارررتبكت وسارت تتخبى في المجلس اللي في الجناح

فتح الباب وبسر الورد والتزيين واستغرب عقد حواجبه ودخل ووزع نظره على الغرفة وبيبسر الورد اللي يعجبه ويعجب وتين في كل مكان بيدور بنظره على الرضاعة وعلى  ايش ادت لمح ورقة في الكمدينوه وخطي وشلها وكان مقفي على الباب فتحها وبدأ يقرأ: يارائع بمبسك ياكل الدنيا بعيوني،، إبتسم وابقى إبتسم لاني أرى الراحة في تلك الإبتسامة العذبة التي ترتسم على شفتيك♡.. انصددم وبيدقق بالخط وكان خط وتين ماتووقع ورجع يقرأ مفكر انه بيتخيل

فتحت الباب بخفة وبتضحك على شكله ودخلت وصلت لاخلفه وكانت بصندل كعب بس مش طويل قوي وزاد رفعت نفسها لما تساوت مع طوله بس عاد يوسف اطول شووييه ورفعت يداتها وغلقت عيونه

يوسف تجممد ودق قلبه وبحدة: ررررُقية السماجة ذلحين عتوريش شي مايعجبش

وتين مبتسمةةة وعاضه على شفتها السفلية بإرتباك وضحكة

يوسف وقلبه بيدق قد عرفها وتين بس بيكذب احساسه عصصب وفك يداتها ولف: رقيية انا قل....... وتجممممممممممد

وتين ميلت فمها وماسكة كفها وبضحكة: وجعتني مااالك

يوسف متصنم وبيرمش ببطء مش مستوعب

وتين ابتسمت لما بانين غمازاتها ورفعت نفسها وضمته: عذبتك انا اسفةة ابسر انا ذلحين سلمتك قيادة هتلر تقدر تذبحني براحتك

استوعب وبدأت ترتسم ابتسامة على ثغررة رفع يداته وحاوطها بقووة ورفعها وبيدوور في الغررفة مثل المجنوون: هههه هههههه كنت عااارف ان قلبش ماعيطاوعش

وتين ومتمسكه فيه: يووسف خلااص دووخت خلاااص ههههههههههههه

باقي بيدوور بها ويضحكوووا

وتين بحدة: يوووززر خلاااص ههههههه خلااااص بين اقوول دووووخت

نزلها وبيضضضحك وكل شي فيه بيبتسم بفرررررحة وحاوط بكفيه على خدودها: تصدقي ان هذه المفاجأة أحلى وأروع مفاجأة في حياتي

وتين مبتسسمة: كيف انا رومانسيةة

يوسف ابتسسم من مزاجها ووزع نظره للغرفة: اين رومانسية انتي تعديتي الرومانسية،، كنت للحظة راكن اني مزوج عسكري اسمه هتلر

وتين طارت عيونها وضربته بوكس في بطنه بخفة: ماحد يدي لك وجه انت

يوسف ضحك ورجع ضمها: ايووة مااحد يدي لي وجه الااا انتي اشتي كل وجوهش الجني والحالي والرومانسي والمعصب وكلهن

وتين ابتعدت منه وبحدة: ماقصدك بالجني؟

يوسف حك حاجبه بعشوائية: يعني حين تقتلبي وتجنني ايوه

وتين ضربته مرة ثانية: حااااو

يوسف بمحانكة: اها تغيرت الموجه

وتين بزعل: والله انك سااع نرجووس فيكم خلل طزز فيكم ماحد يدللكم،،،وخطيت تشتي تخرج

ابتسم وسحبها من يدها وضمها: ...


https://www.tg-me.com/+Ecxq_OzMYh40M2E0




📚 @rewayatyamania  🇾🇪

.

البـارت 288 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


وتين بزعل: والله انك سااع نرجووس فيكم خلل طزز فيكم ماحد يدللكم،،،وخطيت تشتي تخرج

ابتسم وسحبها من يدها وضمها: ابردي من يوسف من الفرحه بيلخفج كلام،،، لاتصدقي انتي الدلع وانتي الحلا وانتي الرومانسيه وانتي كل شي،،انتي انتي عالمي بإختصار

وتين ابتسسمت وشدت عليه وبغصة كانت كاتمة لها من زمااان: فاقدة لك

يوسف بنفس النبررة: ماااش مثلللي
.
.

بعد يومين كانت من افضل الايام في حياة ابطالنا اللي ملياانة حب وسعاادة وبوجود قطعة السكر حقهم ازدادت جماال،،،

ريما اللي خطبها الفندم جسار ،،،

اما رائد طرح خبر وسار يخطب سحر واليوم عيتفقوا ويحين العرس والباقيين مرتاحين ع روتينهم الحالي.


في ڤلة أبو محمد

جالسة هي وياها في الصالة وبتبسرها بإبتسامة: انى ذلحين قد شاازوج بنتي

سحر بإحراج: ههههههه انا فدالكم يماه

جت نرجس اللي قد كرشها بتطلع: سلااام ماااامي

ام محمد ضحكت: ياحيا بالنص العقل حقنا

جلست نرجس وحضنتها وبدلع: مقبولة منش يا أم وتين

ام محمد ضحكت: وليش أم وتين

نرجس بلقانة: لانها تجلس تقول نرجس انتي بنص عقل،، والا اقلش انتي مابش معش عقل بالمرة

جاء ابو محمد على ضحكتهن: ضحكنّا معاكن

سحر انحرجت وابتسمت بإحراج

ام محمد: بنتك هذه اللي مصختوها بالدلع

نرجس بزعل وابتعدت من حضنها وبسرتها بنظرات طفولية

ام محمد رجعت تضمها وضحكت: خلااص هو انا الممصوخه بالدلع

الكل: هههههههههههههههههههههههههههههههههههههه

نرجس وخرت من حضنها وارتزحت وام محمد لفتت ل ابو محمد: وينهم العيال

نزلت رؤى: محمد وعمار يمه في عملهم في الشركة قد بيداوموا من أمس

ابو محمد: الف الحمدلله والله بعد حين عوضنا وجبر قلوبنا

ام محمد ابتسمت برضا وبتحمد الله وتشكره

ابو محمد بسر رؤى وغمز لها وهي قربت تساعده والكل لفوا واستغربوا سندته واقدر يوقف وقد بيخطى بخفه بس يحتاج أحد معه

نرجس صيييحت: ابااااااااااه

ابو محمد ضحك: مالش دلى

ام محمد وقفت وسندته وامتلت عيونها بالدموع: لاتكثر ياعاصم الحركة لاتتعب

ابو محمد فاارح وبيخطى وهن ماسكات له ونرجس بتصوورهم وطاااايرة من الفرررح
(ابو محمد قد له فترة بيقدر يقوم بمساعدة وماكلمهم لما يقوم من نفسه ويتفاجأوا وأصر بالاخص وتين ماتعرف)

بعد موجة فرح جلسوا فوق الكنب

ابو محمد بلقانة: ملسونتي وتين لو تدرا او محمد او عمار احلمي تزيدي تبسري مصطفى

نرجس افتجعت وبضحكة: يووووه خلاص الا مصطفى،،،حتى نرجس مش دارية

سحر طاارت عيونها من جرأتها والكل طفح ضحكة

@rewayatyamania المصدر الأول للروايات

الليل في بيت ابو يوسف

جاءوا اسرة جسار والآن مخزنين في المجلس وقد قرأوا الفاتحة وخلاص ريما خطيبته رسمي،،،

داخل عند النسوان كانين خوات ريما كلهن وخالاتها وبنات عمها ووتين جالسه جنبها،، وكنان من حضن واحده لاحضن واحدة وعيأكلنه على حدتة وذكائه
.
.

في بيت ابو محمد اللي رائد كلمهم انه يشتي خطبة وعرس في أسرع وقت والان جالسين في الصالة كلهم عدا البنات كانين في المطبخ

ابو محمد: ايش رأيكم نعرس لسحر وعمار

ام محمد: يوووه ليش

ابو محمد: كلمني أبو يوسف وقال ان جسار صاحب رائد اللي خطب بنتهم عيتزوج معه وقال لاحنا مستعدين زوجناهم كلهم واحنا ماناقص علينا قده يقع عرس جماعي وافتكينا

محمد بتأييد: الا صح كلامكم ياباه

عمار مبتتتسم شببر وبيسمعهم وكأن الدنيا تفتحت له ولهم لان قد واجهوا خبايا ظلام كسرت فرحتهم في الحياة
.
.

بعد ماروحوا اسرة جسار والكل توزع ينام طلعت وتين وفي حضنها كنان وباقية لابسة ومتكشخه دخلت الجناح وبتهزه بضبح مارضي يسكت: كناني مالك خلااص،،،اوف...وبتسير وتجي وبتحاول تسكته

دخل يوسف وبسرها وبيتحيلا لها ومن عمممق ابتسامته:

انتي الاولى وانتي الثانيه وانتي الثالثة ول الرابعة الف عنوان
انتي الحلا وانتي الغلا وانتي كل الحب وانا بعشقش ميييت وهييمان

انتي حياتي وانتي قلبي وانتي عمري وعيوني وَحمد الله بإمتنان
انه جعل هذا العسل نصيبي يروي كنيني ويفرح احاسيسي وبعشقته مووت ولهان

انتي الدلع وانتي العناد وانتي النكد وانتي الراحة في زماني هذا الزمان
انتي الوفاء وانتي العمر وانتي لقلبي وتين يقويه ويلونه ألوان

انتي الوتين وانتي الحنين وانتي الحب وانتي العشق وانتي كل الحنان
انتي حياتي بإختصار يابنت عاصم وسلطانة ذمار ذي جننت ذاك يوسف والله جنان

والله هداني منش قطعة عسل تجبر بقلبي اسمه كنان
انتي الوتين وانتي الحنين وانتي الحب وانتي العشق وانتي كل الحنان

.......✍️ⓜ

بسرته بعيون ملاان دمووع وبحب: فديت اللسان والذكاء والشاعر حقي فديييته

يوسف ابتسم: انتي اللي خليتيني شاعر انتي

وتين ابتسمت

قرب لاعندها ونزل كنان من حضنها...





📚 @rewayatyamania  🇾🇪

.

البـارت 289 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


بسرته بعيون ملاان دمووع وبحب: فديت اللسان والذكاء والشاعر حقي فديييته

يوسف ابتسم: انتي اللي خليتيني شاعر انتي

وتين ابتسمت

قرب لاعندها ونزل كنان من حضنها وطرحه فوق السرير ومسك يداتها: انتي اللي خليتي هذه الموهبة تخرج مني وماتعزف وماتلّحن الا لش

وتين بدموع: الله لايحرمني منك لادنيا ولا آخرة

يوسف ابتسم: ولامنش ويخليش حوريتي في الجنة ان شاءالله كما خلاش حوريتي في الدنيا

ضممته بحب وماتقدر على لسانه وماتعبر الا هكذا بادلها الحضن مبتسسم ولفت ل كنان اللي بكيي ويوسف خرج لسانه: بتغار ياابن الكلب،، هي حقي انا وانت قد بتشلها خيرات عليا

وتين ابتعدت من حضنه: ياسخاتك على ابني

يوسف رجع يضمها وبضحكة: وانتي كل مايبسرنا ينكد علينا بيغاار،، وانا بين اغاار اكثرر منه انتي حقي انا وبس

وتين ضحكككت: شلووووك بسس والله ان عاد كنان اعقل منك

يوسف بدلع وبيشد عليها: ماعليه مرتي وحقي انا انا وحدي

@rewayatyamania المصدر الأول للروايات

عند نرجس ومصطفى

دخل وبسرها جالسة ورافعة رجولها للطاولة وشبه ممدده وشعرها متناثر ولابسة بجامة بنطلون وبلوزة وكرشها اللي قدها بشهرها السادس بااين قووي وبتقلب بتلفونها

بيتأمل لها وبيتحيلا لها وبلعانة: ام كرش مابتفعل

شلت الكباية الماء ورجمتها عليه: صفصوووووف

مصطفى ضحك: اول شي انتي بطلّي صفصوف هذه وانا شاابطل ام كرش ياام كرش

نرجس وقفت وبسرت له ببكاء ولفتت للمراية: ويحين ام كرش انا حااامل حاامل يعني هذا الكرش هو ابنك ياملعون  لاتجنني كله عندي ولا برستيج شكلي يخرب

مصطفى وسلا قلبه لاجننها: قده خارب ياام كرش

نرجس ضربته في صدره بضبح: صفااااصصف ااااااص

مصطفى ضحك وطارت عيونه: قذا فيها صفاصف الا حسبك الله يايوسف كله من تحت راسك بدعتوا بأسمي

نرجس بنظرات: صفصوف وصفاصف ومصافصف ومصفوص ومصفصفص ومفصفص وفطصفصم ومصفطصف ومصفوص وكلهن

ركز فيها لثواني ومفهي وبعدين طفح ضحكة: هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه مابتشعووذي هههههههههههههههههههههههههههههههههههههههه

ضحكت وتكتفت بدلع: هولا انواع  دلع مشتقة من اسمك عاد به و.....

قاطعها من بين ضحكته: خلااص خلاااص لاعاااد تجلطييني بحجر الله قد شعوذتي سوا سوا هههههههههههههههههههههههههههههههههههههههه ياربي ماواذا اللسان اللي فيش كم طوله

نرجس مبتسمة ببراءة وبتضحك

قرب وضمها بس مااقدر سوا من كرشها وضحك: قد المحانكة من ذلحين هو عيشلش عليا وبعناد ولفها لاخلفها وضمها وظهرها لاصدره: بس انا اذكى منك يااحيد ابوك وعتضمها بأي طريقة

نرجس ضحكت: مجنون

مصطفى ضحك: مجنون بش
.
.

عند ميار وماهر

جالسين وبيضحكوا من ابنهم اللي بيكبر ويكبر حبه معاهم

ماهر لفت لها بحب: انتي دارية انش هديتي من ارحم الراحمين وأحمد الله وأشكره انش معي وان الله كتبش من نصيبي

ميار ابتسمت: الله لايحرمني منك لادنيا ولا آخرة ياسلا خاطري انت

ماهر: ولامنش ويخليش لي
.
.
عند محمد ورؤى

متمدد ووتين في حضنه ورؤى بتصورهم

رؤى: محمد حبيبي اتوضع سوا علاسب يسبرين الصور

محمد سحبها وجلّسها جنبه: قد أعدتش وتين جنان التصوير هجعينا

رؤى ابتسمت وبتتأمله بحب

محمد جلس وطرح وتين: يمااه ع النظررات أغرقتيني بلون عيونش الزرق هولا

رؤى ضحكت وضربته: انت مااحد يدي لك وجههه

محمد سحبها لاحضنه: ههههههههههههه فددديتش بس

رؤى ببكاء: الله يحفظك لي يامحمد

محمد بمحانكة: ورجعنا للبكبكة قعي ساع وتين اللي ماتبكي الا يابعد شاهدين اشهدوا ومااعرفش ابسرها بتشهق ويلا تنزل دموعها

رؤى ضحكت: مااقدررش تأثرت

محمد ضحك: يممااه ع الحساسين ارحمي عيونش البحريات هولا اللي قد لونهن ساع البحر من كثر الدموع

رؤى ضربته في صدره: وجع!

محمد ضحك: هههههههههههه عذا من أمس بتابعي مسلسل بدوي وقد حفظتي كلامهم

رؤى ضحكت وبسرت له وبتتأمل عيونه: تدري وش كثر غلاك عندي

محمد ابتسم وبيسايرها: لايمكن يكون مثل غلاتس عندي

رؤى تكتفت: ابغى أعرف شكثر غلاي عندك ي ملّي

محمد ابتسم: أعشقتس حد الجنون وماتتصورين كم اعشقتس ي عيوني

رؤى ضحكت: هههههههههههه قلت ان انا مبدعة بالكلام البدوي وانك احسن مني

ضحك وضمها وضم بنته ومرتاحين
.
.

عند عمار جالس في البلكونة ومبتسسم: اوووف ماكرهين عتخطى هذه الشهرين وأعرس يوووه ي رُقية ياكثررر مانا متتتلهف ابسسرش زوجتي وشريكة حياتي


ومن هناااااك...


https://www.tg-me.com/+Ecxq_OzMYh40M2E0




📚 @rewayatyamania  🇾🇪

.

البـارت 290 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


ومن هناااااك

<> مضت الأيام ومضت الاشهر والساعات والدقائق الجميلةةة ومهمها كانت الخلافات كان الحب والقوة والصبر يغلبها دائماً،،،

مرت خمس سنوات على قلوب الجميع بلمح البصر،، حملت خلالها الفرح والسعادة في حياة الجميع،،، قضوها حامدين ومتشكرين للعزيز الجبار،، جبار القلوب،، قضوها بمشاعر وقلوب واحاسيس مختلفة،،،،قضوها براحةة انستهم كل أنين عاشوه في بحور الظلام المُعتمة،،


أبطالـنـا والفخمين حق روايتنا (وتين&يوسف) عاشوا بحب وبعشق من اعماق القلب مودة ورحمة بينهم من الله جبرت قلوبهم ونستهم كل الأسى،،، تعطرت حياتهم بعد ثلاث سنين من عمر فرحتهم الأولى(كنان) الذي كانت الفرحة ناقصة بالبعاد،، بس عوضهم الله وحملت وتين للمرة الثانية وعاشت مع يوسف واهلها وامها واخوتها وخواتها جميع مراحل حملها وادت بنوتة قبل ثلاث سنين عطررت حياتهم وقطعة سككر سموها (نديـن)  وجميييييلة وذكية وحدة فيها وتجننن،، وكنان اللي كبر وعمره ست سنوات وشل عقلهم بجنانه وفااارحين بأسرتهم الصغيرة العامرة على اساس الوفاء والمودة


أما نجوم الرواية (مصطفى&نرجس)،(رؤى&محمد)،،  عايشين حياتهم المليئة بالحب بكل راحة،،

نبدأ بنرجس ومصطفى اللي مهمها كانوا مشاغبين ومهماا قلبوا الدنيا بجنانهم الا مودتهم تبقى قائمة بينهم،، ونرجس اللي بجنانها وطفولتها أقدرت تبعد مصطفى من طبعه اللي كان معقد وثقيل وخلته يحبها ويعشقها ويعشق طبعها غصباً عنه وهي كذلك رغم طفولتها ورغم عفويتها الا انها تحبه حب كبيرر،،، تعطرت حياتهم بوجود بنووتة اللي ولدتها قبل خمس سنين (سجى)  قطعة سكررر عطررت حيااتهم ونورتها

أما محمد ورؤى اللي بحبهم وحنان محمد على هذه الرؤى وكيف عوضها ونساها كل ألم عاشته عايشين براحتهم وفرحتهم ببنتهم وتين وابنهم تيّم اللي نور حياتهم قبل ثلاث سنين وفاااارحين ومرتاحين

ميار وماهر على احسن حال وحبهم كل يوم يكبر مع ابنهم يزن ومقررين ينظموا الاسرة ومابيفكروا بالطفل الثاني

أما رُقية وعمار اللي تزوجوا وكانت فرحة عمرررهم في زفافهم لبعض وكل واحد يحب الثاني ومتفاااهمين وبرغم عفوية وجنان رُقية الا عماار حب طبعها اكثر منها وقد تعطرت حياتهم بولد قبل ثلاث سنوات (أمجد) وازهر أسرتهم الصغيره وفاارحين

خوات يوسف الباقيات (ريما، رهف، رانيا)  عايشات ومرتاحات مع أزواجهن وكل واحده قد معاها اطفال عطروا حياتهن،،، ريما معها ولدين (يوسف وأمير) ومرتاحة مع جسار وعايشين حياتهم،،، رهف وزوجها اللي معاهم بنوتتين (لين،، وسهى)  قطععة سككر ومرتاحين،، رانيا وزوجها اللي معاهم ولد (كرار) وعايشين حياتهم.


أما نبع حنان روايتنا والمثال الأعظم للأبوه والأمومه (ابو محمد& ام محمد)  أهل بطلتنا الفخمه وتين  ،، مهمها عصفت بهم الرمال ومهما جارت بهم الخبايا المؤلمة،، الا انهم كافحوا وصبروا ووثقوا باالله،، والله عوضهم خيراً ونساهم كل وجع الفقدان والاسى،،، ابو محمد اللي اقدر يرجع يخطى ورجع مثل ماكان وفاارح بأولاده المرتاحين وأولاد أولاده وكان مثال للأب العظيم في روايتي

ام محمد اللي هي اكثر واحده انظلمت في خبايا الظلام ،،، مرتتتاحة وبتحمد الله وتشكره على العوض اللي نساها كل الوجع وكان هذا جزاء الصببر،، فارحة بأطفالها اللي مهمها كبروا ومهمها كبرت إسرتهم الا انهم يبقوا في نظرها ونظر ابو محمد أطفالهم وقرة عينهم،،،، عاشوا روتين خمس سنوات عوض وجبر من الله.

يوه نسينا سحر 😅،،، تزوجت برائد اللي حبها وطرحها في عيونه،، وكرجال شهم ينضرب به المثل عوضها وسندها في غربة أيامها وكان ل حياتها الجبر العظيم من الله،،، تعطرت حياتها بتوأم بنت ولد (رامي،، رسيل) نسوّها كل الاسى وحب هذا الرائد يكبر كل يوم في قلبها وبتحمد الله وتشكره.

أما الوجه البذيء والمقرف في روايتي عايشين مجعجعين مذلولين في غياهّب السجن المعتمةة،، وكل يوم تقسى قلوبهم ولم يتوبوا بل ازدادوا لعنةة،،، ومعذبين دنيا وآخرة وعذاب العزيز الجبار اقوى وأعظم وكانت هذه نهاية كل مؤسس ظلام وكل باعث رُعب،، وكُل سلاب فرحة وكسار قلوب،،، وكل خونة يطعنوا من وثقوا بهم وجعلوا لهم مكانة في قلوبهم وهم بحقدهم جحدوها،،، كانوا يستاهلوا أعظم من هذا الشيء لكن يكفيهم الذل في الدنيا والهوان في الآخرة.  






📚 @rewayatyamania  🇾🇪