‏نافذتي مازالت مفتوحة ,تسلل وأسرقني 🖤✨

أ‏قف حائرة أيُّ حزنٌ أرتدي هذهِ الليلة.🖤✨

وفي صبااح عيد ميلادي الاهو الليله وهسي😹😭💜💕 جيت ل ضحويه اختي اتكشم واتبسم وقلت ليها..
ضحويتي الليله شنوو🙈🙈
قالت ليـّۓ ..
المليووونيه يعني شنووو الناس كميه وي وي وي

😒😒😒😒خليتها ومشيت .. احساس م ف تعبير🐸🔥
22/7 الاتنين 5:19 ..,
#اللهم_احلامي..

▪️صارحني لتلقي النقد البناء بسرية تامة

▫️ هنا يمكنك ارسال اي رسالة لي , انا مستعد لمواجهة الصراحة 😅 .
-

عااايدوووني واتمنووو ليـّۓ انوو احلامي تتحقق 🙈💜💕

شكرا للدعوات العلقت ليـّۓ فوني🐸💜💕

#من_انا؟؟
☠قصةة انتحار ☠

بقلم/هند عبد الرحمن
الحلقاااات الاخيره ☠💕

بعد م علاقتي انا ونوف بقت زي البت وخطيبه خالطين بعض كل ثانيه ي قوول امي😹😹💕 .. بقينا اكتر من اخوات ياه .. بجد ندمانه ع كل لـحـظـــِھّ ; .. ف 18 سنه المشو م̷ـــِْن عمري وم كنت معاك ي انفالي💕..

احيانا السعاده بتجينا متٱخره بس بتشيل مساحه كبيييره ف قلبنا..

ف الوقت الكنت فيهوو منشغله مع انفالي💜✨ كنت بعيده شديد م̷ـــِْن منياس .. مرت ايام واسابيع وشهور وانا ونوف م بنفترق .. بقيت بمشي معاها الجامعه وبخلي جامعتي😹..

ف يوم واحنا جاين م̷ـــِْن جامعه انفال .. لاقانا ولد قرررررضه😹😹 ياخ دا ي شارد م̷ـــِْن الجنه ي م̷ـــِْن سلاله سيدنا يوسف ي هارب م̷ـــِْن بليوود اقسووووم م بطلع م̷ـــِْن ديل😹😹😹

انفالي طوالي قرصتني ..

ريفوووو وووببعلللللياااا😭😭💕💜

خليت الود وبقيت مهجومه فيها😹

انفال م تقولي بس انبرشتي😳💜

ووووووبعلييااااا…

ي جماعه انفال وصلت ل درجه بقت بتنبرش😹 وبقت تتكلم لحدي م وصلنا ف البيت نمن وصلنا باب الشارع…

انفااال اقسووووم م اباريك😭😭😭ي بت هووي قلنا اتفتحوو واطلعوو م̷ـــِْن الوحده والعالم الكعب دا بس م قلنااااا انحرفووو😭😹😭😹😭

اها ي ستي كلووو منكك علمتيني حركاتك😢😢😭😭😹😹كدي خلينا عايني الود دا لفي بوين؟؟؟؟

لفي بجاي الحقي اها😒😒

نووووو م بلحقووو😌💜✨ انا ك كائن حي ومواطن سوداني وشخصيةة مهتمه ليـّۓ الحق انبرش وادردق وارقد رز😌💜💜✨ بس الحقووو دي م بتٱكل معاي عيش😌💕👌


اقسوووووم انحرفتي😭😭😭ي الله انا م السبب اقسووم 😭😭

(اختصر وله لاا🌚

نووو ح اختصر😹😹💔ياه الجووو ظاابط كيف اقسوم مطره عجيبه اتخيلو انا هسي بكتب وف المواصلات😹 الجمبي والوراي يقولو البت دي تااافهه م فكت تلفوناا لْـۆ كنت راكبه توسانتي معليش بكتب حدي م ازهج… ح اختصر😹😹💕)

-----------💜
امي طلعت حامل🙈💕💜 وابوي سافر امركاا لانو الرئاسه تبع الشركه هناك ++ف شغل لآزٍمٍ يقوم بيهو ابوي .. طبعا ابوي استقل الفرصه منها يشوف امو🌚😒 بتاعت الحلقه ي قول حبوبه😹😹😹

اها امي مشت صبتها عند ناس حبوبه ونحنا صبيناها معاها( صبه سنةة واقفه قنااا وي وي وي😹😹 ) .. ومنياس وين؟؟؟ تلفونا مقفول وم قادره امشي ليها…

امي ولدت🙈💜✨ وجابت لينا حليوونه صغنوووونه سميناهو ايهم💜💜💋✨ .. احنا بتين حنيييينا كان يكون عندنا اخووو…

ولاده ايهم دي خلت العيله كلهاا مبسووطه وانا ونوف بقينااا م بنفكوو مننا حتي بنرقدو معانا😹😹💜💕… امي بقت بتشتهي تشوفووو يااه ..
💕✨ ف يوم اتولد ايهم اتكلمنا مع ابوي مكالمةة مع ابوي اول م̷ـــِْن رفع الخط قالينا…

ي رببببب يكوووون بشبهني😭😭💕عايز احس اني واحد م̷ـــِْن العيله دي ياخ تلاته نسوان م بتفرز بيهم طبعا قاصدنا وقاصد امي معانا😹😹 اها امي قالت ليهوو ولدنا طلع بشبهني برضوو ي احمدي😹


حمممه فرااسك ي عسجد 😹😭😹😭كرهتونا زاتوو تلاته نسوان يتشبهو وجابو ولد يشبهم صينييين انتووو ينعل ابوو دي😹😹😹🌚💔


-----------+💜
حددنا موعد السمايه ف نفس اليوم الجاي فيهو ابوووي .. قبلووو بيووم مشينا حلتنا عشان نعزمهم .. للسمايه ..

اول بيت مشينا ليهو كان بيت ناس مينووو

خشينا جواا الشغاله نادت لينا مينووو جاتنا عباره عن شي م مفهووومه يااخ السوواد التحت عيوونا بخووف😭💔شعرها مبالغه وسوودت ضعفت بقت بتشبه الضفدع البرقص داك😹..

خفت اسلم عليها.. بس انفال قالت ليهاا .. ميييينووو حقتنااا يااه سان الساان واخت الاخوان فردتي وقميص مرقتي زوولتي وحبه بندوولي اشتتتتققققنا ووربي😭😹😭💜💕

نوف وهي ماشه تحضن مينوو مسكتها م̷ـــِْن يدها وقلت ليها…

وووووووبعععععللليااال😭😭الكلام دا جبتي م̷ـــِْن وين بعدين اكتبيهو ليـّۓ احفظوو😹😹بقينا بنضحكك ونسينا مينوو😔💔


فجٱه مشت مني… نمن تلقي ليك زمن ليـّۓ ونمن تتزكريني وتتزكري صحبتنا ابقي تعاالي ليـّۓ…

مييييينووو النبي افتحي الباب 😭😭😭💔 ..

‏لقد أدمن قُلبها على رائحة الحزن م بالك ي صديقتي💔✨

--------
رجعنا بيتنااا وعدت. السماايه وابوي نمن وصل اتهجم انوووو ايهم بشبهوو شديد 😹😹قال لامي..

عسججججدي يااخ ليـّۓ كذبتي علي😭😭💜💕

ايهم احمد عبد الله💜💕✨

حبوووبه ام ابوي😹
جات معاهووو م̷ـــِْن امركا تتزكرووو قلنا ساكنه هناك هي🌚☠


#هندوويةة😹💜💜💕

#من_انا ؟؟
☠قصةة انتحار☠
بقلم/هند عبد الرحمن

الحلقاااات الاخييييره 💜💕✨

اها ام ابوي جات والله كلامه غريب وحنكشه انوريكم اول م̷ـــِْن جات قالت شنوو😹😹

عيشووو معاااي منظر جات لابسه ليها عباايةة سودااا اكمامها عريضةة وطرحه سوودااا لافاها بطريقةة لوشي م تعرف تلفها😹 لابسه سلسل دهب مرتبببه بس والعجب الخاتم زي اشعه الشمس مغتي اصابعيها الاربعه😹 ودقدق بتاع دهب صغير متمكيجه مكياج بت عشرينيه اها وحات تقدل… ايهوووومي ايههههمي حبيب امووو وعسلنااا ينااس الود القرضه دا شووف ي احمودي بشبهك كيف😹((ابوي كرهتووو تناديهو ب احمودي دي بطلع ميتينك عديل بس عشان اموو كتمها ف قلبو😹😹))

اها حبوبه العسل ام امي ديك مكوووعه ف سريرها وتعاين ل ام ابوي دي م̷ـــِْن فوق لتحت وتحاكي ف حركاتها😹😹😹شغاللله ليها هووووااايل عاد جنس بدع ي بناتي😹😹💔 ..

اها طبعا ديك سامعه حبوبه جات قالت لامي… طبعا ايهمي دا ح اشيلووو منك اربيهو🐸

امي قامت م̷ـــِْن سريرها تقول لاحقه ليها جنازه ..
وحبوبه قامت صلحت قعدتها قالت ليها .. هوووي ي ستهم تشيلوو منووو هووو صحن كوكتيل عشان تعزلي ي بت ..

ديك اتحرقت م̷ـــِْن كلمه بت دي😹😹

امي تمت الباقي…

دايراني اديك ليهوو عشان تجيبيهو ليـّۓ بعد 5 سنه متخلف زي اختوو وم يتعايش معانا…
الضحككككك شرطني ف انفال 😹 قالوو عنها متخفله وهي تتخمخم😹😹😹


اها استغليت فرصه م انتبهو ليـّۓ دي .. ومشيت ل مينوووو ..

نمن قلت ليها وقعدت معاها كدا وبدت تحكي…

#من __انا؟؟
قصةة انتحار ☠
بقلم/هند عبد الرحمن
الحقااات الاخييييره ?💜?☠🔥

بعد م مشيت ل مينو قعدنا سوي امها كان مافي ..والشغاله دوامه انتهي .. بدت تحكي وقالت ليـّۓ ..

كنتي وين نمن احتجت ليك ؟؟

مينووو اناا اسفه يااخ انَـỲǑŲـْتي عارفه انفال كان محتاجه ليـّۓ…

طيب عاان…
امي فتحت مع هاشم راجله دا موضوع راشد ..ياهوو اخد فتره وعرفووو عرف وضعوو م كويس .. كسر حنكووو طوالي .. جا هنا البيت كان وقالي تنسي الولد دا نهاي عشان م اعمل ليهو زي م عملت لابووك الآۆلْ…

كانت صدمه قوويه ليـّۓ .. امي اتشكلت معاهووو كتير ل درجه خلينا ليهو البيت فتره وقعدنا برانا وعملووو مجالس كتيره وابوي اقتنع وفرحناا شديد بس كان ناووي للشر…

اخدنا فتره انا وراشد وعلاقتنااا بقت اكتتتر م̷ـــِْن صحبه او هناي .. المهم
ف الفتره دي كنت بتقرب ل ابوي دا كلووو عشان م تخرب علاقتنا… بعد م ضمنت ابوي دا .. كانت الصدمه ف امي يااه اتغيرت علي شديد ي ريفال😭😭😭💔 بتعاملني بطريقه مبالغه… وقالت انوو لآزٍمٍ اخلي راشد دا .. اسي اناا خايفه شديد راشد راقد ف المستشفي ليهو اسبووع بس اناا م قادره اصل ليهو راشد مرض ي ريفال وحاسه انوو اناا السبب انا م قادره افهم ابوي بقي كويس بس امي مالها ي ريفووو 😭😭😭💔..


كان ردي ليها.. --------💜💕


منياس انَـỲǑŲـْتي صّـْْ(☑)ـْْحّ مقتنعه بيهوو .. معندك شغله بي امك ..صّـْْ(☑)ـْْحّ انوو هي امكك الم مقتنعه ابووك وافق صّـْْ(☑)ـْْحّ يكفي انووو ابووك موافق .. ..


ريفال انَـỲǑŲـْتي مفهمه ابوي صّـْْ(☑)ـْْحّ وافق بس برضوو انا خايفه منووو… ليـّۓ اتقلب ب الطريقه دي ..

طيب نقوول حسه بي .. وبقي حنين معااي .. وعرف غلطووو .. امي مالها امي مااالها ي ريفوووو…

-------------💜💕

ف اللحظةة دي كان النقااش ف بيتناا… مع حبووبه ام امي .. وحبوبه ام ابووي.. وكاان ف ايهم .. 😹😹

ابووي اتختي ف موقف مبالغه م قدر دي اموو ودي ام مرتوو .. خلي البيت وطلع وامي شالت عسجد وحولت الغرفه التانيه…

وحبوووبه شغاااله ل ديك ..

هووووي هاااا انتي عند اهلي ي قول ريفال م تخليني افحط معاك 😹😹


حبوووبه طلعت زعللاانه م̷ـــِْن البيت ..

افتكرنا انها ح تزعل وتجي بس للاسف ...


العصر كدا ابوي جا رجع البيت سٱل م̷ـــِْن امووو ..

حكينا ليهو القصه كان زعلان ومهجووم ع انوو ليـّۓ تعمل كدا وهي عارفه انوو اموو غريبه عن البلد وعن الحله…


حبوبه قالت ليهوو .. كييفن غريبه عن البلد عااد غبيه للدرجه دي هي ...

ابووي طلع بره كدر الحله كلهاا يمين شمال م لاقاهاا .. جا ساق عربتوو وطلع. ..

بعد العشااء اناا جيت من ميينوو ونمن جيت عرفته ب المووضووع م كان هاميني اصن هي بتاعت حركاات...


صليت .. ورقدت نمته كنت شايله هم البت دي وهم لي امهااا اتغيرت وابوها اتصلح .. يكون الابووو ضغط اسلام??

----------💜💕

ريفااال قوومي ..

شنووو ي زفت انفاال مالككك ..

حبوبه م جات ي ريفوو😭😭😭

ويعني مالك وماله😒😒


هي غتيته بس برضو ربتني ي ريفوو😭😭


غتيته ي واطيه😒عاان طيري مني بس ان شاء الله م تتلقي زاتووو ...

وشلت منهااا البطانيه ورقدت راجعه ..

قمت زي الضهر. لقيت نفسي براااي ف البيت ومعاي حبوبه بس ونايمه ...


خميت لي عباايه وطرحه سوودا ومشيت ل مييينووو ...


♥♥♥♥💜💕

انا الحصل ي مينووو ...


نفس الحنك ياااه 😭😭ابوي موافق وامي متقلبةةةة معااااي ...

(يجمااعه جمبنا حفله مباالغه صحتني من النووم وعدلت لي مزاجي اكتب😹😭😭😭 يخخخخخ مبالغه قربت اتبلم وامشي🌚☠ ف خشم بابنا عديل ووااي😭😭😭😹💔 خلاص انرجع للروايه🌚)


اهااا مره اسبوووع ع الحاله دي امهاا ل مينوو رافضه ابووهااا ل مينووو مووووافق حبوووبةة م عارفين محلها ابوي نمن شكلووو اتغير من التعب ...


منيااااس ف الفتره دي اتقربت من ربنا شديد. م كان كدا زمااان كانت مهمله عديل ف صلاتةةةة بسألها بتقووول احسن بس هل هي من جواا مرتاحه??


"بينما أنت مُنهمكٌ في البُعد عن الله، يخلقُ الله موقفًا عصيبًا يُعيد إليك توازنك، بخُذلان قريب رُبما أو بوعكة جسد.. لتضيق بك المساحات ذرعًا وتجد عند الله الخَلاص والمُتسّع."💜💕



ريفووو😭😭😭 انا عملت اي شي بس لي م ف تغييير? ?


ولعلها تجاب الليلةة💜💕


الحاجه الفاتتك م خلقوهاا ليك خلقت لي غيرك ..
والحاجةة الخلقوها ليك م ح تفووتك بس متين نقتنع ☺??

#هندوويةة

#من_انا ??
#☠قصةةةة انتحاااار☠
ذهبت ف نزهه قصيره _ وقد لااعود
الحللقات الاخيييرة☠🔥

بقلم /هند عبد الرحمن ..


احياناا م نستعجل الموااضيع كل الكان لينااا مهما حصل ح يكون لينا ..
بس حاجه م حقتنااا ح تككون ليناا كيف ??? اذا م حقتنااا تكون ساي اكيد ف خييير وراهاا ..كككلووو ف وووقتووو سميح😹💜💕



فتره حبوووبه شيلتنااا هم... واطريناا نساافر البلد عشاانها ابوي قال حبوبتووو هناك اكيد مشت لامهااا...

البلد م فيها شبكةةة لانت لا اتصال كان سوداني بس الشغال ف البلد وانا زين ومينوو اريباااا ....

اتقطعت منها تاااني وكان بجيني احساس خووووف ...

انفال صاحبت ليها بناااات صحبةة مصلحه م سااي كانووو بجووها عشاان ابووي😹😹اي بس راااااقداااات رز

يوم جووناا وشفت حركاتهم م عجبتني طرتهم طوالي انفال نظااام زعلانه وكدا قطعتتتووو معاااي نااااشف ...

اما حبببووبه كان حجزت عشان ترجع امركا خلاص.. شويه كسير تلج ورضت اخدنا ف البلد اسبووع ورجعنا بيتنااا ..


بعد يومين من رجعتناا لقينا ايهم اخوي عياان جاهو غرغان.. كمان رقدنا بيهو اسبووع ..

واحنا ف المستشفي. نزلت تحت اجيب حبوب من الصيدلة شفت الناس تجري
وتستشهد وراجل شايل ليهو زول كان مغطي م عرفتوو راجل وله مره.. كان الراجل بجري والدم بنقط من الزول الشايلووو دا المنظر كان مبااالغه شديد... طلعت فوووق وامي قالت لي تلفونك دا من الصباااح يدق ولقيتو رقم غريب م رفعت ...

شلت التلفوون وطلعت بره وقفت ف حته انت بتشووف التحتك وانت فوق فهمتوو الحركه😹


اهااا اول من الرقم قالي الووو ..

لمحت ابوها ل مينوووو تحت .. افتكرتوو جاين يزورو ايهم عشان راقـد وكدا بس صدمني قالي ...


صاحبتك دي اجرمت ف حق نفسها...


وذااات السؤال ..
ايجوز لناا الصراخ 💔


بدون م اتكلم بقيت بجري ببكي بلااا صووت كيف اجرمت ماتت انتحرت القتلها منوو انا السبب انا الم وقفت معاها


جائت تبووح ..تنهدت
م باال قدرتها اختفت??
كادت بان تودي علي ثقل الفؤاد ببوحها
ماااذااا جري? فتووقفت💔✨


وصلت الغرفه لقيت مينووو شايلنها ب النقااله دخلووها ف غرفه .. بقيت ببكي ح ينقذوووك ي مينووو م تخاافي ..💔💔💔💔💔

جاني صووت ..ينقذووهااا كيف وهي دخلووها المشرحه ..



إلى صديقتي التي ربما لن ألتقي بها مرة أخرى💔:
أنتي سر إبتسامتي التي لن تعود كما كانت أبدا،فإن إبتسمت سيكون هذا من باب المجاملة لا غير☺.
لأنني كنت أرى سعادتي بوجودك معي فذهبتي وأخذتي معك شئ يخصني -سعادتي- أرجو منك إستعادته لي لن أستطيع العيش بدونه،لأن الحياة بدونه لا تسير.
أما أنتي فأذهبي فما عدت تلزميني لأنك وحدك من أختار هذا الخيار الذي كان معه عدة خيارت نملكها معا💘.


بعد سمعت الكلام دا خشيت الحمام. قعدت ف الواااطه وبقيييييت ببببكي بحرقةةة ببكي ب الندم الخلاني اهملها لو كنت معااهاا م كان انتحرت بعدهاا حسيت بحااجةة بتجرني ل ورااااا شديييييييد حدي م دقت بي الحيطه بعدها م حسيت بحااجةة الا واناا ف العنبر....



إلى صديقتي ألتى كانت تؤنسني وتقول لي دوما: (سأكون معك دائما وأبدا) .
أين أنتي اليوم؟.
يا ترى هل أنتي مع صديقة أخرى لك توهمينها بأنك ستبقين معها للأبد ؟ فليذهب ذلك الأبد الوهمي إلي الجحيم.
أحتاجك اليوم أكثر من الأمس.
لماذا دوما لا تفعلين ما تقولين😢😔؟
أرجو أن يكون هذا مجرد كابوس وأستفيق منه لأجدك بجانبي تمسكين بيدي اليمنى👭.



ف اول لحظةةة صحيت فيهااا كرهت انفاال اختي شديد م كنت عايزاهااا تقرب مني ..هي السبب اني اهتميت بيهاا واهملت مينوووو هي السبب ف كل شي😭😭😭😭😭😭😭💔


"‏فهمت مؤخرًا، بأن كلما كتم المرء أحزانه وراكمها، كلما تحولت تدريجيًا إلى ألم جسدي، تخيلوا مدى هشاشة المرء حين يظن أن الكتمان انتصارًا، بينما هو في الحقيقة أكبر هزيمة قد يرتكبها بحق نفسه."


سبب انتحار مينووو م انتي سببو انا انا امهااا الخنتها ووقفت ضدتهااا بسبب الضغووتات الجاتني من هااشم ...رااشد دخل المستشفي بسببووو وداخل ف غيبوبه بسبب الضرب الضربوو ليهو ف راسووو.. هددني اني م افتح خشمي واخرب علاقتي مع بتي عشان م يقتل راشد زي م قتل ابوها زماان سبببو انا الم كنت قايلة بتي ح تعمل كدا سببو هاشم القتل لي راجلي وبتي ...


---------------💜💕



ربما كان ولا زال الانتحار خطأ جسيم ولكنني الآن على مشارف ابوابه الضخمة تحتضنني نسماته في إغراء للدخول من اي ابوابه كلها مفتوحة امامي ما علي سوى الإختيار هل اشرب سم ام اتدحرج من اعلى ذاك الجبل ام اللجأ لذاك الحبل وأزله على عنقي ام اختصر الطريق واثقب قلبي يا ترى؟~~~~~~~~~~~~💔
اليكم جميعكم:
ما آل إليه حالي جميعكم مشتركون فيه بلا إستثتاء.
لم تتركوا لي مجالا ﻷثبت شخصيتي كانت كلماتكم كوقع النار على قلبي لم اكن مريضة نفسية او مختلة عقليا ولكن فقط كلماتكم وتداعياتكم ونظراتكم لي هي السبب💔
ساقتني قدماي لشق هذا الطريق لأترك لكم جحيم الحياة ف هنيئا لكم بها دمتم بخير.
#منيااس عمر (منتحره)✍

#من_انا ??
☠قصةةة انتحاااار☠
بقلم/هند عبد الرحمن

عندماا تقرر الانتحار تكون مت ب الفعل كل م ينقذوه منك بعد ذالك لاتكون انت بل جثتك💔🔥#منياس عمر✍




وامها ل ميننننو كانت بتحكي جااا راشد ب وراها وطعناا ب السكين😳😳😳💔 امها ل مينو جات واقعه ف السرير وبقت ترجف وتشخر وهو لسه طاعنه ب السكين. طعنا 3 طعنات وفي كل طعنه كان بقوول خاطره من الخواطر. الكان بسعدها بيهاا نمن تجي تبكي ف الكافي كانوو كان بزكر من اول مره شافهه كانووو كان ندماان ع الخواطر الكان لسه عايز يقولها ليها..

كانت جميلة للحد الذي جعلني اتعثر بضحكتها ألف مره ..
كانت لا تُشبه احد سوى نفسها ..|🖤 لي قتلتوووهاا😭😭😭💔


.. ابوها ل مينووو خشااا شاف المنظر جري عشان يطلع بس راشد اتصداهو بطعنه ف قلبووو ..💔


الا باكر .. لما ترجع ..
انا بحكي ليك عن الحصل ..
عن بعد المسافة .. و قربها ..
و لمن يفارق زول عيون ..
غالياات عليهو كتير .. و بيحبها🖤🎶


جريت بس الدرب كان معلق ف يدي مسكني بس فكيت الفراشه من يدي حسيت يدي اتقطعت بس كان همي اطلع بره طلعت والناس مسككوو راشد بقيت بصرخ تااني.. من المنظر الشفتوو

#من_انا ??
قصةةةة انتحار☠☠🔥
لقـد تركتكـم ف اتركـــــــوني

بقلم /هند عبـد الرحمـن 💜💕
الحلقةة الاخيرةةةةة☠🔥



ابوي انا لحقتك انا جاياك انت عارف انو هاشم غشي علي هاشم لعب علي ..عارف انوو امي بقت ضدي ... وراشد راشد ي ابووي الوحيــــــــــد الوقف معاايu عارف انوو كان بسعدني ف الكشك الكنت بتوديني ليهووو ..

ريفـال ي ابوي خلتني ف الوقت الاحتجتها فيهوو نسيت نفسي وآلمي معها وفي ذات لحظه تذكرت من أكون فأخترتو آلا أكون🖤

-------------💜💕

راشد بعد عمايلوو ديك اتضدح انو جاتو حالةة نفسيةةة ..
ابوها وامها لمينوو م قدرو ينقذووهم وربنا اخد اماانتوو .. هاشم الخلي بتووو تمموت لحقي وادفن جمبهاا دمر عيلةة كامله وخلاهم م يضوقو للحياه طعم😔💔

اتضح انووو هاشم كان السبب ف تخلف ونفسيةة راشد بسبب كم ضربه ضربا ليهو ف راااسووو . .


اما ريفااال ودوها المصحي العقلي لانها جنت💔 وفي كل ركن كان بتكتب ..

#من_انا ??
(منتحره)

كان بتقعد وتتونس وتجي تقوولي ..
هـــنـد شوفتي مينوو بقت سمحه كيف😍💜💕 قالت لي انوو امها ادفنت جمبهااا وطوالي معااهااا وقالت قابلت ابووهااا الحقيقي .. كان مبسوط بيهم وقالت لي انوو ابوها قال ليها كبرتي وبقيتي سمحــةةة 💜💕🙈


هنـــــد مينووو قالت ليك اهتمي بي عشان انزل للجامعه سمحه

هنـــــد مينو قالت انووو اشيل حاجاتها وقالت لي سلمي ع ساره بت عوضية وقولي ليها اعفي لي 💜💕

هنــــــد تعااالي ارح معاي ل مينووو هدي واقفةةة ليناااا هنـــــد تعالي هنـــد مينووو بتناديك هـــند 💔

ـــــــــــــــــ٨٧٨٧ــــــــــــــــــــــــــ

‏أعلم أن الرسائل التي بيننا لن تعود، وأنّ الأغاني التي أدمنا سماعها ستصمُت، وأنّ الصباح لن يأتي بك مرةٌ أُخرى، وأنّ غيابك إن كُنت حاضر قد تعمّق إلى غياب الشعور، أعلمُ أن اللهفة في قلبي قد ماتت، والمواعيد التي بيننا أُغتيلت، وأنّ كُل المُسميات العاطفية لم تعد تليق بك..
#منياااس عمر✍

النـــــــــــــهايـةةة 💜💕

26/7/2019
الجمعه ...7:46

#هنــدعبد الرحمن✍

اجدعوووو لي التعليقااااات متحمــــــسةةةةة شديـــــــــد💜💜💜💕

تقيييييمككك لروايةةة
#من_انا ..

Comments. 💬:
اقسووووووووووومممممممممم ي بتتتتتت انتي عساااااااااال وروااااايااااتتتككك عسااااااااال يخخخخ احييييك واحززززف النقطةةة😘😘😘😘😘😘😘😘😘😘😘😂😂😂❤️❤️❤️

Comments. 💬:
روايـه من المـوت 💙🌸

Comments. 💬:
برغم انها طولت بس الخاتمه عنيفةة +++ ريفوو جنت😭😭😭💔 ومنيااس😭😭😭😭💔لحدي م بكيت ابداع يهند ابدااع

Comments. 💬:
الجديد شنو كل مره تكتبي روايه احلي من التانيه💋💕
#بالتوفيق

Comments. 💬:
ولاسمحه🌚🔥

هنـد لي خليتي مينو تمـوت😔💔
يخسي عليك هند رجعيها😔💔

Comments. 💬:
نفسي اشوفك واتعرف عليك واعرف بتجيبي الافكار دي من وين☺️❤️