O'quvchilar uchun qishki ta’til 28-dekabrdan boshlanadi

Maktab o‘quvchilari uchun II chorakning so‘nggi kuni 27-dekabrga to‘g‘ri kelib, 28-dekabr qishki ta’tilning ilk kuni sanaladi. Ta’til 14 kalendar kun, ya’ni 10 yanvargacha davom etadi. III chorak esa 11 yanvardan boshlanadi.

🌐 telegram | 🌐 facebook | 🌐 youtube

❗️Malaka toifa berishning yangi tartibi tajriba-sinovdan o‘tkaziladi

Tajriba-sinov jarayonlari 2022-yilgi attestatsiyada nisbatan past ko‘rsatkichlarni qayd etgan tuman va shaharlarda o‘tkazilishi belgilagan.

Umumtaʼlim muassasalarida faoliyat ko‘rsatayotgan pedagoglar uchun toifa berishning yangi tartibi asosida o‘tkaziladigan tajriba-sinov jarayonlari 5-7-dekabr kunlari quyidagi tuman va shaharlarda o‘tkaziladi:

1. Xorazm viloyati - Hazorasp tumani;
2. Buxoro viloyati - Olot tumani;
3. Navoiy viloyati - Konimex tumani;
4. Farg‘ona viloyati - Oltiariq tumani;
5. Namangan viloyati - Yangi Namangan tumani;
6. Toshkent shahri - Yangihayot tumani;
7. Samarqand viloyati - Urgut tumani;
8. Qoraqalpog‘iston Respublikasi -Qorauzak tumani;
9. Andijon viloyati - Andijon shahri va Paxtaobod tumani;
10. Surxondaryo viloyati - Boysun va Sherobod tumanlari;
11. Sirdaryo viloyati - Sayxunobod va Sirdaryo tumanlari;
12. Jizzax viloyati - Baxmal va G‘allaorol tumanlari;
13. Toshkent viloyati - Bo‘ka va Ohangaron tumanlari;
14. Qashqadaryo viloyati - Qamashi va Chiroqchi tumanlari.

Qayd etish joizki, malaka, sinov aprobatsiyasi natijalaridan test topshiriqlari va tajriba jarayonlari tahlili uchun foydalaniladi.

❕Pedagoglarni tajriba-sinovda qatnashganlik natijalari ularga malaka toifalarini belgilashda yoki lavozimiga loyiqlik masalalarini ko‘rib chiqishga taʼsir qilmaydi.

Eslatib o‘tamiz, Prezidentning “Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari to‘g‘risida”gi Farmoni pedagog kadrlarga malaka toifasini berishning yangi tartibi joriy qilinishi 2024-yildan boshlab o‘tkazilishi belgilangan.

Malaka toifasi berishning yangi tartibi joriy qilinguniga qadar malaka toifasini olish bo‘yicha sinovlarni o‘tkazishga moratoriy joriy etilgan bo‘lib, moratoriy davomida pedagog kadrlar navbatdagi malaka toifasini olish sinovlariga jalb etilmasligi hamda ularning malaka toifasini tasdiqlovchi sertifikatning amal qilish muddati navbatdagi sinovlarga jalb qilinguniga qadar avtomatik ravishda uzaytirilishi belgilab qo‘yilgan.

© MMTV

🌐 telegram | 🌐 facebook | 🌐 youtube

#yangiliklar

Kelgusi yildan malaka oshirish tabaqalashtirilgan tarzda tashkil etiladi

2023-yilning 4-15-dekabr kunlari maktablarda faoliyat ko‘rsatayotgan barcha o‘qituvchilarning bilim va ko‘nikmalari onlayn diagnostikadan o‘tkaziladi.

Bunda o‘qituvchilar o‘zlariga qulay joy va belgilangan vaqtda diagnostikaga doir topshiriqlarni onlinedu.uz platformasi orqali bajarishlari mumkin bo'ladi.

Diagnostika natijalariga ko‘ra, o‘qituvchilarning kasbiy bilim va ko‘nikmalarga bo‘lgan ehtiyojlari aniqlanadi. O‘qituvchilar tabaqalashgan taʼlim dasturlari asosida kasbiy ehtiyojiga mos malaka oshirish kurslariga jalb etiladi.

Tabaqalashgan taʼlim dasturlarida malaka oshirish kurslarining mazmuni o‘qituvchilarning metodik tayyorgarligini rivojlantirishga yo‘naltiriladi.

2024-yildan boshlab, yuqori natija ko‘rsatgan o‘qituvchilar onlayn (masofaviy) taʼlim shaklidagi malaka oshirish kurslariga jalb etiladi, past natija ko‘rsatgan o‘qituvchilar offlayn (anʼanaviy) shakldagi malaka oshirish kurslariga yuboriladi.

Qayd etish joizki, diagnostika jarayonlari kasbiy ehtiyojlarni aniqlashga qaratilgan bo‘lib, uning natijalari o‘qituvchilarning mehnat faoliyatiga hech qanday huquqiy va moliyaviy taʼsir ko‘rsatmaydi.

Quyida fanlar kesimida o‘qituvchilarning diagnostikadan o‘tish reja-jadvali bilan tanishishingiz mumkin.

🌐 telegram | 🌐 facebook | 🌐 youtube

❕Maktab o‘qituvchilarini diagnostika testidan o‘tkazish muddatlari bilan tanishing

Demak, 4–15-dekabr kunlari respublika bo'yicha barcha o‘qituvchilar o‘zlari dars beradigan asosiy fan bo‘yicha test topshiradilar. Fan o'qituvchilarini diagnostika testidan o‘tkazish muddatlari quyidagicha:

❕4-dekabr kuni

➖O‘zbek tili va adabiyoti fani o‘qituvchilari (ona tili va adabiyoti);
➖Qoraqalpoq tili va adabiyoti fani o‘qituvchilari.

❕4–5-dekabr kunlari

➖Rus tili fani (o‘zbek va qardosh tillardagi sinflarda) o‘qituvchilari.

❕5–6-dekabr kunlari

➖Ingliz tili fani o‘qituvchilari;
➖Nemis tili fani o‘qituvchilari.

❕6-dekabr kuni

➖Fransuz tili fani o‘qituvchilari;
➖Davlat (o‘zbek) tili fani o‘qituvchilari;
➖Davlat (qoraqalpoq) tili fani o‘qituvchilari;
➖Kimyo fani o‘qituvchilari;
➖Rus tili va adabiyoti fani (rus sinflarda) o‘qituvchilari;
➖Umumta’lim maktablari amaliyotchi psixologlari.

❕7-dekabr kuni

➖Biologiya fani o‘qituvchilari;
➖Geografiya fani o‘qituvchilari;
➖Fizika fani o‘qituvchilari.

❕7–9-dekabr kunlari

➖Matematika fani o‘qituvchilari.

❕9-dekabr kuni

➖Chaqiruvga qadar boshlang‘ich tayyorgarlik fani o‘qituvchilari.

❕9–11-dekabr kunlari

➖Informatika va axborot texnologiyalari fani o‘qituvchilari.

❕11-dekabr kuni

➖Tarix fani o‘qituvchilari;
➖Davlat va huquq asoslari fani o‘qituvchilari;
➖Musiqa madaniyati fani o‘qituvchilari.

❕11–12-dekabr kunlari

➖Tasviriy san’at va chizmachilik fani o‘qituvchilari.

❕12-dekabr kuni

➖Texnologiya fani o‘qituvchilari;
➖Iqtisodiy bilim asoslari fani o‘qituvchilari;
➖Tarbiya fani o‘qituvchilari;
➖Maxsus maktab internatlari tarbiyachilari.

❕13–15-dekabr kunlari

➖Boshlang‘ich ta’lim o‘qituvchilari (o‘zbek sinflarda).

❕15-dekabr kuni

➖Boshlang‘ich ta’lim o‘qituvchilari (qoraqalpoq sinflarda);
➖Boshlang‘ich ta’lim o‘qituvchilari (rus sinflarda).

© @xalqtaliminfo

🌐 telegram | 🌐 facebook | 🌐 youtube

#metodik_tavsiya

➕🧮 O'quvchilarga kasrlarni oddiy va obrazli tarzda o'rgatish uchun ajoyib metod ekan. Bu orqali bola kasr sonlarning mohiyatini sodda usulda bilib oladi.

👤Yangiliklarni biz orqali muntazam kuzatib boring
🌐 telegram | 🌐 facebook | 🌐 youtube

O‘qituvchilarini diagnostika testidan o‘tkazish yuzasidan berilgan eng dolzarb savollarga javoblar

➖Prezident aytganidek, diagnostika testida past natija ko‘rsatgan o‘qituvchilar haqida o‘zi o‘qigan oliygohga e'tiroz yuboriladimi?

➖Test yechish uchun o‘qituvchilarga 1 soat vaqt berilyapti, bu vaqtda ular 50 ta testni yechishga ulguradimi?

➖Talabalar va o‘rindoshlik asosida ishlayotgan o‘qituvchilar diagnostika jarayoniga jalb qilinadimi?

➖Maktab rahbar xodimlari va ayrim fan o'qituvchilari diagnostika testida qatnashmaydimi?

Yuqoridagi savollarga ushbu videolavhani ko‘rib javob topishingiz mumkin.

Manba

🌐 telegram | 🌐 facebook | 🌐 youtube

#Diqqat

Diagnostika testiga ilk tayyorgarlik: “Uzluksiz kasbiy ta’lim” elektron platformasidan roʻyxatdan oʻtish boʻyicha YOʻRIQNOMA

Xabaringiz bor, joriy yilning 4-15 dekabr kunlari oʻtkaziladigan Diagnostika jarayonlari “Uzluksiz kasbiy ta’lim” elektron platformasi orqali onlayn ravishda tashkil etiladi.

A.Avloniy nomidagi milliy- tadqiqot instituti tomonidan pedagoglarning diagnostika testini topshirishlari boyicha videoyo‘riqnoma ishlab chiqildi.

Diagnostika testida o‘qituvchilar o‘zlarining ish joylarida va qulay sharoitlarda testlarni topshirishlari mumkin. Testlarni barcha gadjetlar, ya’ni, kompyuter, telefon, planshet, noutbuklar yordamida topshirish imkoniyatlari yaratilgan.

Maktab o‘qituvshilarining malaka oshirishga bo‘lgan ehtiyojlarini diagnostikadan o‘tkazishdan asosiy maqsad, o‘qituvchilarning kasbiy bilim va ko‘nikmalarga bo‘lgan ehtiyojlarini aniqlash orqali malaka oshirish kurslarini tashkil etishdir.

📄YO‘RIQNOMA matn shaklda

Murojaat va savollarga @onlinedu_uz_bot orqali javob beriladi.

Eslatib o'tamiz, platformadan ro'yxatdan o'tgan pedagoglar to'g'ridan-to'g'ri diagnostika testlarida qatnashishlari mumkin.

Manba

🌐 telegram | 🌐 facebook | 🌐 youtube

✅Maktab o‘qituvshilarining malaka oshirishga bo‘lgan ehtiyojlarini diagnostikadan o‘tkazishdan asosiy maqsad o‘qituvchilarning kasbiy bilim va ko‘nikmalarga bo‘lgan ehtiyojlarini aniqlash orqali malaka oshirish kurslarini takomillashtirishdan iborat.

🟢Bunda diagnostika natijalari asosida tabaqashtirilgan o‘quv reja va dasturlari ishlab chiqilishi va bunda diagnostika natijalari guruhlarga ajratilgan hamda ushbu guruhlarga mos o‘quv reja va dasturlarining ishlab chiqilishi nazarda tutiladi.

✅Diagnostika jarayonlari “Uzluksiz kasbiy ta’lim” platformasi orqali onlayn  ravishda va test shaklida o‘tkaziladi, unda o‘qituvchilar o‘zlarining ish joylarida va qulay sharoitlarda testlarni kompyuter orqali topshirishlari mumkin.

📱Shuningdek, barcha gadjetlar, ya’ni, telefon, planshet, noutbuklar yordamida mobil versiyalar orqali ham testlarni topshirish imkoniyatlari yaratiladi.

Hurmatli ustozlar!

✅Xabaringiz bor, joriy yilning 4-dekabr sanasidan diagnostika test jarayonlari boshlanadi.

4-dekabr kuni quyidagi fanlar bo'yicha diagnostika testi o'tkaziladi:

➡️ Ona tili va adabiyoti
➡️ Qoraqalpoq tili va adabiyoti
➡️ Rus tili (o'zbek va qardosh tillardagi sinflarda)

Hurmatli ustozlar, test jarayonlari boshlangunga qadar "Uzluksiz kasbiy ta'lim" elektron platformasidagi (onlinedu.uz) akkauntlaringizni tekshirib qo'yishingizni so‘raymiz!

Ma'lumot uchun:

🖥 Platformadan foydalanish bo'yicha videoyo'riqnomalar: https://www.tg-me.com/video_yoriqnoma

🔴Adminlardan tezkor javob olish: @onlinedu_uz_bot

🗣Milliy-tadqiqot institutining rasmiy sahifalarini kuzatib boring

🚀 Telegram | 🔵Facebook | ▶️YouTube |  😀 Instagram

А.Авлоний номидаги миллий-тадқиқот институтида ташкил этилган диагностика жараёнлари юзасидан йўлланган мурожаатлар, шикоятлар ўрганилиб, хорижий ва маҳаллий холис экспертларни жалб этган ҳолда платформадаги тестлар мазмуни жиҳатидан яна бир марта кўриб чиқилди.

Кўриб чиқиш жараёнида платформага жойлаштирилган тестлар мазмун жиҳатдан тестология талаблари асосида шакллантирилганлиги аниқланди.

Ўқитувчиларга тестларнинг нотўғри шаклда кўриниши ҳолатлари ўрганилганда диагностика тестида компьютер ҳамда мобиль телефондан фойдаланиш вақтида техника билан боғлиқ масалалар мавжудлиги ҳам аниқланди.

Яъни, мобиль телефондан фойдаланганда баъзи телефон экранининг кенгайтмаси ва узунлиги фарқи кичикроқ бўлганлиги боис, баъзи сўзларнинг формати ўзгарган ҳолда кўриниш ҳолатлари учраб турибди.

Шунингдек, сўзларнинг мазмуни, бир бирига боғлиқлиги, ўзгариб кетганлиги тўғрисидаги ҳолатлар ўрганилганда ўқитувчи қурилмасида ўрнатилган браузернинг саҳифани тўғридан-тўғри таржима қилиш (авто переводчик) функцияси ёниқ турганлиги боис тестларнинг лотиндан кириллга ёки ўзбек тилидан рус тилига ҳамда рус тилидан ўзбек тилига автоматик равишда таржима қилиб юборилган ҳолатлар аниқланди.

Бу эса тест саволларининг мазмуни ўзгариб, грамматик ва орфографик хатоликлар, ғализ жумлалар сифатида намоён бўлишига олиб келган.

Диагностика тестини топшираётган фан ўқитувчиларига имкон даражасида кенг экранли гаджетлар, яъни, компьютер, ноутбук ва планшетлардан фойдаланишлари тавсия қилинади.

Шу билан бирга, қурилманинг браузеридаги авто таржимон функциясини ўчириб қўйишлари сўралади.

Миллий-тадқиқот институтининг расмий саҳифаларини кузатиб боринг

😀 Telegram | 🔵Facebook | 🎬YouTube |  📷Instagram

Диагностика тестини топшираётган фан ўқитувчиларига имкон даражасида кенг экранли гаджетлар, яъни, компьютер, ноутбук ва планшетлардан фойдаланишлари тавсия қилинади.

Шу билан бирга, қурилманинг браузеридаги авто таржимон функциясини ўчириб қўйишлари сўралади.

Миллий-тадқиқот институтининг расмий саҳифаларини кузатиб боринг

😀 Telegram | 🔵Facebook | 🎬YouTube |  📷Instagram

#pedagoglar_uchun_tavsiya

Diagnostika testi jarayonlarida uchrayotgan ayrim tushunmovchiliklarga xususan test savollarining ko‘rinishlaridagi o‘zgarishlar va lotin-kiril ko‘rinishdagi g‘alizliklarga javob.

👤Yangiliklarni biz orqali muntazam kuzatib boring
🌐 telegram | 🌐 facebook | 🌐 youtube