دائرتي صَغيرة
ومحاطة بالحُب
في كُل مكان
ألتفت إليه🩶 .

احسن شي سويته بحياتي صغرت دائرة الناس الي بحياتي وحددتها بطريقة كلش قاسية، اشتريت راحة بالي صح تصير سوالف مرات بس بالاخير مايهمني شي غير الاشخاص الي بقو بهاي الدائرة

وتعلمت شغلة، بطلت اكول على اشياء مستحيل اسويها، لان الحياة بطريقةً ما جاي تخليهن بطريقي واسويهن غصبًا عليه ،قبل جنت اكول اذا اسوي شي جنت اكول علي لا اصير متناقضه، تخيلو حتى اذا اكله جنت مااحبها وصرت احبها استحي اكلها خاف يكولون مو جنتي ماتحبيها 😂

بس هسه الفكرة وين؟ الفكرة انو بطلت اهتم شنو يكولون وحرفيًا مايهمني كلام الناس، والشي الثاني تقبلت الانسان ممكن تتغير اطباعه وصفاته ورغباته وكلشي
فـ من الطبيعي اغير رأيي بهواي اشياء

فـ هسه اني ماعندي مستحيل وكلشي تنطي الي الحياة احاول اعيشه صح واسوي الي اكدر علي حتى اكون سعيدة او مرتاحة على الاقل

مخليه كل إيماني ويقيني بـ كرم ورحمة رب العالمين وهاي هيه شيصير خلي يصير 🤍

تبقى هاي القصيدة من مفضلاتي

"لقد نجى من الغرق، لكن البحر ظل دائما في عينيه ".

وأعودُ إليك
‏كما يعود منفيٌ إلى وطنه
‏لا شيء
‏غير حضنك ارتجي.

‏لكن هذا القلبَ العاق الغريرَ
رغم الوصايا..
يقعُ في الحماقاتِ نفسها!
ماذا أفعلُ؟
إذا كان هذا القلب لا يريدُ أن يكبر.

- عدنان الصائغ

_