📝 Праваабарончая установа “Лекары за праўду і справядлівасць” у адпаведнасці са сваімі статутнымі мэтамі і задачамі праводзіць даследванне якасці і эфектыўнасці медыцынскіх і псіхалагічных паслуг жанчынам у пенітэнцыярных установах Беларусі па тэме жаночага здароўя ў зняволенні.

Анкетаванне дазволіць скласці аб’ектыўную карціну становішча спраў з захаваннем жаночага здароўя ў беларускіх вязніцах, сістэматызаваць інфармацыю пра тыповыя парушэнні правоў зняволеных жанчын на здароўе, каб на гэтай падставе прыцягнуць грамадскую ўвагу да праблемы і сумесна распрацаваць шляхі і механізмы выпраўлення недахопаў у новай Беларусі.
Апытанне цалкам ананімнае, не патрабуе аніякіх асабістых звестак і будзе выкарыстоўвацца толькі ў абагуленым выглядзе.

Просім вас размясціць на сваіх рэсурсах інфармацыю аб даследванні і просьбу да былых зняволеных жанчын і дзяўчат прайсці яго.
Спасылка на анкету https://forms.gle/JAEBU5HUqdwx8KHY9

Па выніках анкетавання і правядзення экспертных даследванняў плануецца правядзенне канферэнцыі “Жаночае здароўе ў беларускай турме”.
#жаночаездароўеўтурме

❤️Цяжарнасць, пасляродавы догляд і кармленне грудзьмі

Каб абараніць здароўе маці і нованароджаннага дзіцяці, цяжарнасць у прынцыпе павінна быць супрацьпаказаннем да пазбаўлення волі – як у папярэднім парадку ў чаканні суда, так і пасля асуджэння, і не варта адпраўляць цяжарных жанчын у турму, калі для гэтага няма абсалютна безумоўных падстаў.

Калі аказваецца, што зняволеная-жанчына цяжарная, варта неадкладна перагледзець неабходнасць у яе далейшым знаходжанні ў зняволенні, і рабіць гэта трэба на працягу ўсёй цяжарнасці. Варта разглядаць магчымасць прыняцця ў дачыненні да цяжарных зняволеных-жанчын мер, не звязаных з пазбаўленнем волі.

Цяжарнасць уплывае на многія бакі жыцця жанчыны, у тым ліку на патрэбы ў медыка-санітарнай дапамозе, рацыёне харчавання і фізічных практыкаваннях. Цяжарным жанчынам у месцах пазбаўлення волі варта забяспечваць адэкватны ў харчовым стаўленні рацыён сілкавання, своечасовы і рэгулярны прыём ежы.

Цалкам відавочна, што для маці і дзіцяці жыццёва неабходна адэкватныя медыка-санітарная дапамога пры родах. Аднак многія зняволеныя-жанчыны не маюць доступу да якога-небудзь навучання спосабам дыхання і нараджэння дзіцяці, якое дапамагло б ім падрыхтавацца да родаў.

Як і ў цяжарных, у жанчын, якія кормяць грудзьмі, ўзнікаюць адмысловыя запатрабаванні ў медыка-санітарнай дапамозе і сілкаванні, якія ва ўмовах пенітэнцыярных устаноў часта не задавальняюцца.

Сілкаванне павінна падавацца рэгулярна і па гнуткай схеме, а не па строгім графіку. Неабходна праводзіць медыцынскія агляды маці, каб такім чынам забяспечваць здаровае аднаўленне іх арганізма пасля родаў і не дапушчаць, напрыклад, якую-небудзь інфекцыю, якую яны могуць перадаць дзіцяці праз кармленне грудзьмі.

У пасляродавы перыяд неабходна захоўваць права маці і дзіцяці знаходзіцца разам і прымаць наведвальнікаў-сваякоў без старонніх людзей, каб стварыць спрыяльнае асяроддзе для фарміравання сямейнай прыхільнасці і для кармлення дзіцяці. Пасля родаў жанчыны павінны атрымліваць неабходныя кансультацыі і падтрымку.

#жаночаездароўеўтурме

25 жніўня 1991 года Дэкларацыі аб дзяржаўным суверэнітэце быў нададзены статус канстытуцыйнага закона. Акрамя таго была прыпыненая дзейнасць КПБ (КПСС).

Менавіта ў гэты дзень была адноўлена нашая дзяржаўнасць і суверэнітэт! Са святам! Жыве Беларусь!

Новы выпуск падкаста "Права на здароўе" ужо на нашым youtube канале.

«Пра рак- 2. Гісторыі беларусак»

Праваабарончая установа «Лекары за праўду і справядлівасць» ладзяць шэраг мерапрыемстваў да Сусветнага дня прафілактыкі рака малочных жалоз у кастрычніку 2024.

Тры гады назад сумесна з парталам «ГроднаЛайф» мы запісалі тры гісторыі беларусак, якія захварэлі ў эміграцыі. Сёння мы запыталі гераінь пра іх пражыванне хваробы, пра «сакрэты» і цяжкасці не проста быць, а жыць з ракам.

14 кастрычніка ладзім мерапрыемства ў Варшаве, а 19-га - у Вільні.

На мерапрыемстве адбудзецца прэм’ера фільма пра беларусак, якія перажылі хваробу, фотавыстава з гераінямі. Таксама запланавана сустрэча з доктарам, дзе можна будзе больш даведацца пра жаночы рак і запытацца пра тое, што вас хвалюе. Так сама запланаваны індывідуальныя кансультацыі паводле папярэдняга запісу ў Вільні.

Каб сустрэча з доктарам прайшла больш прадуктыўна, мы падрыхтавалі анкету і ласкава просім жанчын адказаць на некалькі пытанньяў. Гэта дапаможа нам якасна спланаваць сустрэчу, выбудаваць іншыя мерапрыемствы на тэму жаночага здароўя, каб быць вам больш карыснымі.

Запоўніць анкету: https://forms.gle/vvoDh34TGErUQ8aK7

Дзякуем за супрацу!

5 неадэкватных правілаў, па якіх прымушаюць жыць у жаночых калоніях Беларусі. Частка 1.
Правіла першае: не скардзіся
У турмах не любяць слабых — тых, хто ўвесь час ные і расказвае пра сваю цяжкую долю. Калі жанчына прывыкла пускаць слязу, каб атрымаць жаданае, то на зоне яе чакае вялікі сюрпрыз - байкот ці ўсеагульныя насмешкі.
Такія адносіны да турмы фарміруюцца з фільмаў, кніг і савецкай культуры, дзе турэмнае жыццё жанчыны - гэта штодзённыя іспыты, прыніжэнні, пакуты. Тут ня можа быць чалавечага мірнага лада жыцця, бо турма існуе для пакутаў, а не для выпраўлення.
Так выбудаваная сістэма накіраваная на штодзённае првніжэнне і “выбіванне з жанчыны жаночага”, каб прасцей было тым жа супрацоўнікам.
Відавочнымі гаступствамі такой сістэмы будуць цяжкасці адаптацыі пасля вызвалення, нявера ў чалавечае, паламаная камунікацыя, цяжкасці ў соцыюме.

#жаночаятурма
#палітвязні
#Беларусь

5 неадэкватных правілаў, па якіх прымушаюць жыць у жаночых калоніях Беларусі. Частка 2.

Правіла другое: праяві сілу

Гэта не значыць, што трэба кагосьці збіць ці дэманстратыўна перасунуць што-небудзь цяжкае - гаворка ідзе аб сіле духу.
Хапацца за першае ж нельга: дзяўчыне лепш даць зразумець, што яна аддае перавагу адзіноце, інакш вялікі шанец стаць "дойнай каровай". Не трэба ўсім дагаджаць, трэба адстойваць асабістую прастору, не варта раздаваць прадукты і цыгарэты: жанчын, якія так робяць, лічаць не шчодрымі, а дурнымі.
Вельмі часта гэта з’яўляецца прамым “негалосным” парушэннем, за якое могуць адправіць у ШІЗА.

#жаночаятурма
#палітвязні
#Беларусь

‼️Увага! Мы праводзім анкетаванне

Апытанне цалкам ананімнае, не патрабуе аніякай асабістай інфармацыі і будзе выкарыстоўвацца толькі ў агульным выглядзе.

📝Спасылка на анкету https://forms.gle/JAEBU5HUqdwx8KHY9

🤔Страшна-нестрашна. Страх смерці

У гэтым выпуску разважаем чаму мы баімся смерці, якія традыцыі пахавання існуюць у Беларусі і што нас чакае ў будучыні.

Глядзець выпуск па спасылцы: https://youtu.be/_kTX3Nq7G58

Варшава!
Запрашаем на адкрыццё фотавыставы і прэм'еру фільма з беларускамі, якія перамаглі рак.
Таксама адбудзецца размова з доктарам, дзе вы зможаце задаць свае пытанні.

2024/10/12
14:00

Mit space
Stalowa 36
Warsaw, Poland

🤔Страшна-нестрашна. Страх смерці. Частка 2

У другой частцы размовы пра страх смерці будзем разважаць:
🔺пра традыцыі
🔺якія трэнінгі існуюць па тэме смерці
🔺як перажыць смерць у эміграцыі (калі не можаш пабачыць блізкага)
🔺культура падтрымкі ў эміграцыі і Беларусі

Глядзець выпуск па спасылцы: https://youtu.be/pgP9ZGdb4vE

Для вас "рак" - страшнае слова?

Для мяне дакладна. І кожны раз, калі рак з'яўляецца ў маім блізкім асяроддзі, я адчуваю ўнутраную барацьбу.

Мяне разрывае паміж схавацца ў бульбу і зрабіць выгляд, што я ні пры чым, ці наадварот - пачаць углядацца яшчэ больш уважліва, натапырваць усе свае антэны і лакатары на тое, злавіць як мага больш самай рознай інфармацыі.

Так паўтараецца кожны раз. І кожны раз як у першы.

Гэтым разам вынікам стаў фільм, які па шчырасці гераінь можна назваць споведдзю. Кацярына Ваданосава і Кацярына Пытлева - мае гераіні сёлетняга ружовага кастрычніка.

А яшчэ Вольга Вялічка, з якой мы разам гэты фільм зрабілі і наш камерамэн Макс, без якога фільма як фільма проста не было б)

Сёння, 15 кастрычніка, міжнародны дзень барацьбы з ракам грудзей. І - анлайн-прэм'ера нашай стужкі.

https://www.youtube.com/watch?v=E5PyquagrMs

12 кастрычніка ў Варшаве адбыліся адкрыццё фотавыставы і прэм'ера фільма з беларускамі, якія перамаглі рак.

Пасля прэзентацыі прайшла размова з доктарам, дзе жадаючыя задавалі свае пытанні і пашырылі свае веды пра анкалогію.

Як гэта было, глядзіце ў нашым рэпартажы: https://youtu.be/kHmY7XFC2lw

💔Размовы пра адзіноту

У гэтым выпуску:
🔺Што такое адзінота і чаму мы баімся яе?
🔺Як уплывае грамадства на ўспрыняццё адзіноты?
🔺Ці можна падрыхтавацца і пераадолець страх адзіноты?

Глядзець выпуск па спасылцы: https://youtu.be/r1vrZUcB7cU

👥 Каця і Каця. Рак, рэміссія і жаночыя мары

Абедзве Кацярыны былі змушаны пакінуць Беларусь і ўладкоўвацца з нуля ў эміграцыі. Да ўсяго гэтага дадаўся дыягназ - рак грудзей.

У фільме Каця і Каця расказваюць пра тое, як змянілася жыццё пасля аперацыі. Гэта не заўсёды лёгка, не зусім прыемна і не вельмі звыкла.

У гэтым жыцці ёсць злосць, абмежаванні і адчуванні ўласнай канчатковасці. А яшчэ - яркія эмоцыі і новыя магчымасці, ёсць глыбокія перажыванні і чыстыя мары.

Пра гэта Каця Ваданосава і Каця Пытлёва расказалі для фільма "Каця і Каця. Рак, рэмісія і жаночыя мары"

Глядзець фільм па спасылцы: https://youtu.be/FSOQet6kvMo

Турма Tegel — жылы комплекс з кратамі на вокнах

Самая вялікая мужчынская турма закрытага тыпу ў Нямеччыне знаходзіцца ў берлінскім раёне Тэгель. Памеры ўражаюць: на яе тэрыторыі маглі б змясціцца 17 футбольных палёў. Яна абнесена 1,5 кіламятровай бетоннай сцяной пяцімятровай вышыні.

Турма Tegel мае два тыпы карпусоў: старыя, пабудаваныя яшчэ пад канец XIX стагоддзя, і новыя, падобныя на тыповыя гарадскія новабудоўлі. Гледзячы на новыя карпусы (іх клічуць «дамамі»), пра тое, што гэта турма, разумееш толькі з-за кратаў на вокнах. У новых карпусах ёсць агульныя кухні, дзе знаходзяцца пліты і халадзільнік з асобнымі скрынямі, па адной на двух зняволеных.

Па сваёй секцыі ўсярэдзіне кожнага з карпусоў зняволеныя могуць у вольны ад працы ці навучання час свабодна перасоўвацца, хадзіць адзін да аднаго ў госці, гатаваць на агульнай кухні.

Паводле слоў супрацоўнікаў, зняволеныя павінны працаваць усе, але ў турме бракуе працоўных месцаў. Таму некаторыя застаюцца ў камерах зачыненыя датуль, пакуль усе іншыя не вернуцца з майстэрняў. Пасля 15:00 пачынаецца «вольны» час. Па вечарах ладзяцца спартовыя імпрэзы, літаратурная група, ганчарная майстэрня, кружок «Умелыя рукі», лячэнні ад наркатычнай залежнасці, групавая тэрапія, падчас якой зняволеных вучаць спраўляцца з некантраляванымі выбухамі гневу. У 22 гадзіны камеры зачыняюць нанач.