واتكلمت مع عمو منتصر عن الموضوع وطلعت وصلت محل مجوهرات دخلت هي كان نفسها في طقم فضه سمعتها قبل يومين بتتكلم مع صحبته عنو اشتريتو ودفعت الحساب وغلفوهو لي بطريقه حلوه وطلعت لقيت الوكت بدري مشيت الكافي البقعد فيو دخلت قعدت وجابو طلبي سلفا انهم حافظيني شلت كتابي وبديت اقرا ماعارفه الخلاني ارفع راسي شنو لقيت في الطاوله القدامي نفس الولد الطقشتو في المنتزه رفعت حاجبي بي استغراب ورجعت وواصلت قرايتي
نمش لسامي
معقول دي هي لالا ولاانا بقيت من شده مابفكر فيها شايفه في كل حته ماقادر اشيل عيوني منها فجاه ..

~يتبع~

_*#التفكير المفرط*_
~_*By:Rowa Awad*_~
~*part{7}*~
~
~*الوضع الآن يمثل : معنى أن تراقب*الأشياء بصمت فظيع دون أن تتفوه بكلمة واحدة حتى* *وإن سارت بالإتجاه*~ *~الخاطئ*🍂🧡
فجاه طلعت من الكافي بي كل هدوء وتابعتها بي عيوني لغايه ماركبت عربيتها واتحركت ختيت يدي في قلبي التلقائيا بقي يضرب بصوره ملحوظه شلت نفس وزرفت بزهج وعاينت بملل لكوب القوهه
نرجع لكيان
طلعت وصلت البيت وانا ماقادره ازح الولد دا من بالي دخلت بكل هدوء لغرفتي غيرت ولبس حاجه مريحه وطلعت لقيتهم قاعدين ينظمو للحفله وودو كوكب لصحبتها تشغلها وماما عزمت صحباتها كلهم بأهاليهم انا ضربت لامجد وسوزان وعمو منتصر وشلتي الناس القريبين لينا شديد بدو يجو وصحباتي جو وفي صحبتين لكوكب جو بدري عشان يجهزو دخلت غرفتي تاني ختيت هديتي واخدت ادويتي وطلعت ليهم بديت انظم معاهم لغايه مامعظم الناس جات صحباتها لكوكب قدمو المويه للكل وماما فرحانه منهم وكدا دخلت اشوف الحاجات الفي المطبخ لقيت جارتنا وماما ومعاهم صحبت كوكب ومعاهم الاء كانو بحضرو في الصحانه والتورته كدا طلعت لقيت هبه ورغده بظبطو في السماعات واشجان هناك بتعدل الزينه في الصاله ومعاهم كريم وكرم والناس جايطه لغايه الساعه 7جات خلصنا من كل شي وكل شي بقي جاهز دخلنا نغير لبس فستان اسود فيو سكر سكر كدا لامع ظبط الطرحه اوف وايت مع جزمه شبه البوت بي كعب اوف وايت وميكب خفيف شديد طلعت لقيت شلتي جهزت برضو دخلت غرفه كريم وكرم لقيتهم قاشرين حصنتهم وعدلت ليهم الساعه طلعت لماما لقيتها لابسه فسان اسود ومطقمه ذي
ملحوظه انا وماما نص حاجاتنا ذي بعض بستها وعدلت ليها الحجاب وطلعنا انا وهي مع بعض بعد اخدت منها كم سيلفي واخر حلاوه واخدت مع اخواني وشلتي والناس الموجوده بديت اصور شويه ضربت لي صحبت كوكب انو جايبها وجايه قلت ليهم بصوت عالي يلا طفو النور كوكب جايه طفينا النور ومسكنا البتاعه البفكوها يوم عيد الميلاد دي وادسينا سمعنا صوت الباب فتح وكوكب بتقول ليها الناس دي وين بقينا نصرخ وفكينها وقعدت تبكي جيت حضنتها شديدوقلت ليها كل سنه وانتي معاي ومنوره حياتنا والحلو كبر وبي عمرو 17سنه قعدت تبكي تاني حضنت امي واخواني واي ززول في هنا باركو ليها واديناها الهدايه كانت كتيرا حرفيا وبدت تقطع واتلخبطنا بلتورته واخر هباله وبدينا رقيص خلصنا وودعنا الناس الساعه بقت3صباحا كلنا صاحين بدينل نضافه بعد غيرنا خلصنا وصلينا الصبح ونمنا صحيت 7عملت روتيني وكنت نعسانه حرفيا مشيت الشغل بتكاسل بعد شربت قهوتي خلصنا وشفنا موضوع الفرع البرا وبدينا شغل في خلصنا كم اجتماع طلعت اتغديت وجيت طلعت لفيت في الشركه والامور كلها كويسه لغايه اللحظه دي
نمش لسامي
قاعد وقدامي كومه شغل خلصت وجوني الجوز اتونسو معاي وعزموني قهوه ورجعت البيت نمت شويه صحيت قلبي قال لي امش الكافي دا قمت اخدت دش شلت مفاتيح عربيتي واتحركت دخلت وكلي امل مالقيتها قعدت طلبت قهوه وبقيت منتظر طلبي
نرجع لكيان
طلعت من الشركه وصلت البيت لقيتهم كلهم مجتمعين وبتناقشو بصوت علي قلت ليهم وانا ررافعه حاجبي من متين والصوت بعلي في البيت دا كلهم سكتو
قلت ليهم في شنو كريم قال لي ماما قالت جدو عاوزنا في البلد وحنمش قلت ليها ماما لي مصره تودينا ليهم قالت لي مصيرنا نمش ماممكن نكون بنهرب للدرجه دي مافي زول حيقدر يسألنا حنمش ودا واجبنا وجدك وحبوبتك برضو من حقهم يشوفوكم قلت ليها ماما انا ماعندي مشكله حرفيا اهل ابوي بحبهم حتي اهلك لاكن عارفه نسوان اعمامي اي ماكلهم لاكن كلامهم وبناتهم وحركاتهم قالت لي حنتجاوز كلها حنمش الخميس ونرجع الجمعه بليل طييب قلت ليها بأستسلام اوك كوكب قالت لينا اوك تمام عاينت لكريم وكرم هزو راسهم ومرقو انا شلت مفاتيحي وطلعت مشيت البحر في حتتي المعتاده وقعدت وانا متضايقه وكلعاده بفكر بفكر
نرجع لسامي
قمت بيأس شديد ومشيت علي البحر هو الكافي فاتح جم البحر لغايه مالحمتها والله دي هي ماحسيت الا وانا قاعد جمبها عاينت لي باستغراب شديد
نرجع لكيان
قطع تفكيري بزول بقعد جمبي عاينت باستغراب نفس الشخص هل دي صدف ولا دي شنو
~*وإن جئت أشكو إليك مُصابي فـ ضمّني ..*💙~ 🥀
قال لي كلنا عندنا مشاكل كلنا بنزعل وبنتحمق بس عارفه المشكله وين المشكله بتطلع من اقرب الاقربين ليك كل ماتزهجي تعالي هنا انا ماحقول ليك اديني رقمك وكلام ذي دا انا حخلي الكلام دا للزمن كل ماتحتاجي تفضفضي لزول مجهول حتلقيني في نفس الحته دي صرخي ابكي حتي ادردقي عادي حترتاحي شديد الدنيا مابتستاهل كل ده
كنت سرحانه في تفاصيلو صوتو طريقه كلامو ملابسو الانيقه حتي قعدتو مختلفه في حاجه جزبتني ليو قام بكل هدوء من جمبي تابعتو حتي اختفي! !" رجعت بنظري للبحر وسرحت

نرجع لسامي
بعد قلت كلامي مشيت منها وانا لسع قلبي بضرب! الحاصل لي شنو دورت ورجعت البيت لقيت امي في المطبخ هي والحيده البرتاح معاها هي الوحيده الفي حياتي الفارغه اصلا "
سلمت عليها وطلعت من المطبخ وهي ماسكه يدي قعدت في الكنبه ورقدتني في رجلها وبقت تمشي يدها علي راسي قالت لي مالك الايام دي ماعلي بعضك احكي لي قلت ليها ماعارف والله لاكن لمن اتأكد طيب قالت لي راحتك ياولدي
نرجع لكيان
رجعت البيت ومشيت طلعت العبايه ورقدت شويه تاني مشيت لماما لقيتها بتقرا في كتاب جيت رقدت في حضنها قالت لي متخافي كلو حيكون تمام قلت ليها ان شاءالله وبدت دوامه التفكير التكفير لغايه مانمت وانا في حضنها صحيت لقيت..

~يتبع~

_*#التفكير المفرط*_
~_*By:Rowa Awad*_~
~*part{9}*~

*لنلتقي في أحضان حلم او بين رفوف المكتبة او في لوحة فنية فقط بعيداً عنهم*✨🤍
طلعنا ومشينا بيتنا بهناك كنت ساكته دخلت غرفتي ورقدت في السرير بفكر لمتين حنستمر في الدوامه المابتخلص دي متين نرجع ذي ماكنا ماف واحد كان بتجراء يرفع صوتي علينا مابالكم يحاول يضربنا حتي وينك يابابا اخخ بس حسيت بصداع بكسر راسي قمت ومشيت المطبخ بحاول اشوف لو في قهوه ضربت لي نور قالت لي تعالي زبطنا قهوه قلت ليها نور بلاش يوم تاني قالت لي يخ كيان تعالي بطلي الامور دي قلت لي طيب طلعت الصاله لقيت ماما بس قلت ليها ديل وين ماما قالت لي كريم وكرم فوق اما كوكب رجعت لحبوبتها قلت ليها طيب ارح نطلع عاملين جبنه مشيت لكريم وكرم طلعنا دخلنا ناس حبوبه لقيت ود عمي في الحوش وماما سبقتني لجوه عاوزه امش مسكني من يدي مسكت يدو ولفيتها ليو وقلت ليو مااتولد البمسكني قال لي اخخ طيب معليش كنت داير اوقفك فكيت يدو وعاوزه امش سمعتو قال لي مهما عملتي صدقيني حتكوني لي في الاخير مصيرك انا قلت ليو امش احلم بعيد اوك. مشيت وانا الصداع بتاعي زاد زياده اف يااا اف
دي اكتر كلمتين بقولهم لمن ازهج دخلت شربت كبايتين ودخلت الاوضه رسلت كوكب تجيب لي اللاب تبعي جابتو لي وبديت شغل خلصت لقيت جدو وحبوبه بعاينو لي رفعت حاجبي وقفلت للاب لانو النظره دي بعرفه كويس قلت ليهم من الاخر في شنو جدو قال لي انور دا طلب يدك ومن زمان بدورك رايك شنو! لي كنت حاسه انو الموضوع بخص زفت انور قمت علي حيلي وقلت ليهم جدو لاخر مره حقول لي لو انور دا بقي اخر راجل انا ماحعرسو شلت للاب وطلعت وانا زهجانه وقافله معاي اف يا اف قمت اتلفت ديل وين دخلت اول غرفه لاقتني لقيت فيها نور وعمتو امل سلمت وقعدت قالت لي تونه من قبيل تسال منك قلت ليها حتي انا فقدتها من قبيل ماف قالت لي مع الجامعه والجري اتونست قلت بدل الزهج دا طلعت معاي نور طلعنا السراير في الحوش والوقت دا كانت الساعه 6مسا فرشناهم ورشيت الحوش والريحه بقت رهيبه دخلت لقيت وعد ومعاها تونه بعملو في بسبوسه ووكيك وشاي المغرب قلت ليهم احلاا ناس بستهم وطلعت لقيت عمي محمد وعمي خليفه قاعدين سلمت عليهم وقعدت اتونس معاهم شويه جا داخل عمي مرتضي. عمي خالد قعدو وعمتو امل واماني واسيا قاعدين وحبوبه وجدو ماشاءالله بجد حلوين طلعت تلفوني واخد كم صوره حتي اولاد اعمامي وبناتهم وماما العيله كلها اتلمت
عندي 3عمات و4اعمام دخلت وبدينا نرص الحاجات وقعدنا ونسه وضحك انور كان بعاين لي بعين قويه شديد ماما عاينت لي وسكتت اتنفست بضيق لانو الحكايه بقت توترني جرينا الونسه لغايه ماجدو نهرنا انو الساعه عملت1 صباحا! قمنا وكلهم اي زول علي حتتو دخلت غرفتي انتبهت انو نسيت للاب بتاعي رجعت مع بدايه الغرفه في غرفه فاتحه فيها دخلت شلت للاب دايره اطلع سمعت صوت نقاش وسمعت اسم بابا مشيت وميلت شويه عمي خالد ومرتو بتناقشو بصوت واطي مرت عمي انت ماشايف شغلك عان ليهم من بيت طين بقي بيتم احسن بيت في البلد دايرين افتحو فرع جديد برا السودان امهم سايقه وشايفه كيف البت تقول اختهم عايشين احسن عيشه واخوك الاهبل دا كتب كل ششي كل شي بي اسم الفقر الاسمها كيان وولاعيسي دي
انا ماقادره استوعب للدرجه دي الناس نفوسه وسخه للدرجه دي مابحبو الخير لي بعض للدرجه دي انفوس اتوسخت معقول نحنا ماشين لحد وين ياجماعه!! متفاجاه لدرجه ماحسيت بنفسي الا وانا راقده في سريري وبعاين للسقف نمت صحيت الساعه 7اتزكرت انو نحنا مافي بيتنا الفي الخرطوم اماللل! اننحنا وين طلعت ولقيت ماما وديل جهزو وجاين اصحوني انو الليله الجمعه وجدو عامل كرامه لبابا للله يرحمو دخلت صليت ولبست جب شورت شك وهاينك ومعاو جالي مخطط رشيت العطر وطلعت بعد قفلت البيت دخلت لقيت معظم الناس شغاله بديت اجهز معاهم لقيت ود عمي قال لي ياكيان داير لي قهوه راسي داير اتشق قلت لي طيب انا كمان ~*ماشربت قهوه*
*حبا كبيرا* *للقهوه ولعاشقيها*~ 🍂 قال لي تمام لمن تجهز كوركي لي بس جهزت كبايتين وكوركت شالها وشكرني اكتفيت بابتسامه بس" لقيت حبوبه تنادي فيني مشيت عليها وقلت ليها مالك يقلبي قالت لي ضفري لي قلت ليها زابط ضفرت ليها جمايكتين وطلعت حلوه شديد صورتها واتصورت معاها ورفعتها في الاستيت علقو لي ككتير سفتهم وقفلت البيانات وقعدت معاهم شويه وقالو حنوزع بعد صلاه الجمعه بدينا نضافه نسبا لانو البيت كبير جدا جدا فقسمنا الشغل ووقع لي الحوش قش ورش مسكتو من اولو للاخرو خلصت رشيتو
الضهر ازن لبست استادل االصلاه وكويت الجلاليب لاخواني لبسو واخدت معاهم سيلفي رجعنا وعندي عمو شيخ وزعنا المصاحف واترصينا كلنا الصف الاول الرجال ونحنا وراهم صلينا جماعه بعد خلصنا بدينا نقرا بعد ساعه قالو اوزعو الكرامه الناس دي قلبتو بيت بكا شلنا وزعنا برا والجيران والمحتاجين دا كلو بس مابكيت ولادمعه واحده مانزلت! كنت بدعي بدعي رجعنا تسريع احداث الساعه 8مسا جات كنت راقده في رجل

جدو وبتونس معاو قال لي يابتي تتحركو اخر الليل دا ماصح قلت ليو والله ياجدو ديل نازلين امتحانات وانا مع الشغل قال لي ماتنقطعو مننا قلت ليو حاضر بست راسي انا كنت جاهزه وديل جهزو وجو رفعو الشنط وطلعت ودعتهم كلهم واتحركنا علي الخرطوم وصلنا 11دخلنا واي زول انجدع في اوضه ..

~يتبع~

_*#التفكير المفرط*_
~_*By:Rowa Awad*_~
~*part{10}*~

~*في بعض الآحيان . .نتمنى ان نذهب بعيدا .. لا يهم الى اين .. فقط بعيدا ! حيث لا هم ، ولا نحن ,, ولا اي شيء " فقــــط ... لعلنا نرتاح !*~
اي زول انجدع في اوضه صحيت عاينت للساعه لقيتها 6صباحا اتأفأفت بملل وقمت اتدوشت لبست وطلعت اترضيت دخلت عملت الشاي بعدها صليت الساعه عملت 7ونص لقيت ديل جاريت واي واحد ماسك شيت شربو وجرو جري دعيت ليهم اتوفقو طلعت كوكب شربت وودعتها مشت وانا طلعت لبست فستان رمادي مع هيلز وباك وردي فاتح رشيت عطري وطلعت بعد ودعت ماما وصلت بركنت ودخلت كان في اجتماع عن الفرع البرا خلصت والليله ماكان في شغل كتيرطلعت علي الكافي وقعدت طلبت قهوتي حتي المدير سالني لي طولت عيوني تلقائيا مشت لحتتو الكان فيها مالقيتو!انا اساسا لي بعاين لي منتظراك لي مهتمه لامرو حتي وكتير من ال لي ما لاقيه ليها جواب "!
نمش لسامي
كنت مستاءه لدرجه ماعاديه هل وجوده فرق للدرجه دي هل انا اهبل للدرجه دي هل فعلن حبيتها هل فعلن تيتمت بيها انا لي اساسا ماقادر ازحها اف ياربي تلهمني للطريق الصح قمت من المعرض وطلعت علي الكافي انا لي مابزهج نفضت راسي من الافكار المفرطه الكانت متزاحمه في راسي حسيت بصداع وصلت الكافي ودخلت واول حاجه بعمله بعاين للحته البتقعد فيها بس المره دي غير انا لقيتها انا شفتها حاليا قاعده بتقرا في كتاب بدون مااحس رجيت الكرسي وقعدت كانت هاديه حتي ما رفعت راسها وعاينت باتجاهي هي لي حلوه لي لبسها جميل حتي الخواتم اللابساها والساعه كانت بتلفت النظر لمسات الميكب الكانت ماظاهره خالص خفيفه شديد طريقته لشرب القهوه ومسكه الكتاب حقا مختلفه تماما تماما وصلت قهوتي شربت ولسه بتأمل فيها اسرتني فيها بدون مااحس
نرجع لي كيان
حسيت بيو هو قاعد حاليا جمبي حاليا بتأمل فيني هل انا حلوه لاهل انا هبله عشان ماقادره افهم دا شنو بلظبط ختيت الكتاب ومسكت المك بتاع القهوه وعاينت ليو في عيونو للحظه حسيتو انحرج قال لي كيفك قلت ليو بخير انت كيف قال لي ماشي الحال بتجي هنا كتير قلت ليو ايوا قال لي ليك كم قلت ليو سنتين قال لي انا جيت بلصدفه بس لمن سمعت انو اننتي زبونه لللمحل وقديمه كمان بقيت اجي قلت ليو انت كلامك كتير كدا اصلا قال لي لامعاك بس وهو بعاين لي بنظره معارفه بس حبيت النظره حسيت بامان في عيونو كنت فاقده الامان دا قطع كلامنا صوت تلفوني استأذنت ورديت وكان كريم انو ماما تعبت لقيت نفسي جاريه ووصلني هو لبيتنا بس كيف وانا وصفت ليو متين هل انا للدرجه دي شارده وبفكر دخلت بدون اي مقدمات لقيتهم ماسكينها وهي ذي المغبيه حسيت بنبضات قلبي زادت ختيت يدي باتجاه قلبي وللحظه كنت حانهار الا ولقيت ساندني هو
نمش لسامي
بعد اتكلمت معاها حسيت الدنيا ماشايلاني قطع كلامنا نغمه تلفونها واعتزرت بكل ادب وردت بس قامت ومرقت خفت احصل ليها شي جرييتها وركبتها معاي العربيه كانت بتردد ماما ماما وصفت لي وانا متاكد ميه الميه انو ماكانت حاسه كانت شارده:! بعيد وصلنا وهي جرت وانا بوراها لغايه مادخلت بيت جميل شديد وواضخ انو فخم برا سور وجنينه جميله ومرجيجه في قعده في الجنينه دي الباب كان فاتح دخلت وراها لقيت في ولدين ومعاهم بت في عمر الزهور وواحده تانيه بس وين امهم! هل دي الماسكينها الولدين وبحاولو اصحو فيها وهي مغبيه لادقيقه هل دي امهم?! كنت بفكر ماحسيت الا بصرختها عاينت لقيت المره واقعه واحد من الاولاد شالها وجرا بيها وكلهم جرو وراها طلعت من دون مااحس قلت ليهم ركبوها ركبوها في عربيتي وهي ركبت مع امها ورا ومعاهم البت قدام ركب ولد والولد التاني ركب في عربيه اتحركنا علي اقرب مستشفي الحيرني انو هي ماكانت بتبكي!? ماكانت بتكبي هل هي قويه للدرجه دي فكرت لغايه ماوصلنا المستشفي دخلنا وانا وقفت في الرسبشن دفعت ودخلت معاهم
نرجع لكيان
حسيت للحظه انو حفقدها ذي مافقدتتو وقعتها بلطريقه دي ذي وقعتو شفت فيها بابا ماحسيت الا وهي جوه الغرفه مركبين ليها درب كتبت علاجات وعملنا فحوصات طلع عندها فقر دم ومابتاكل كيف بس مابتاكل
صحت وعاينت ليها نظره حتفهما هي براها عاينت للسقف وسرحت كلعاده
نمش لشهاندا
بعاين لاولادي النايمين لكيان العيونه بتحكي الف شي وبفكر في الشخص الغريب الكان مع كيان لهفتو القبيل طريقه نظرتو لكيان نفسيها نظره ادم لي انا ايوا انا مرت ادم المغربي شاهندا نورالدين حولت نظري لكريم الشايل هموم اكبر منو لكوكب المافارقت يدي لكرم الكل شويه بتقلب لانو مامتعود علي النومه في الارض سرحت وانا مهمومه لكيان الشايله هم اي حد فينا اشتقت ليك ياادم وين انت خليتني براي خليت اولادك برام كان بحبهم ماقصر منهم في شي حتي فنون قتاليه علمها لي لغات سفرهم بي انا علمني فنون قتاليه ماخلا لينا شي ماادانا ليو لسه بفكر انا لي ماقادره استوعب انك مشيت! بلبساطه دي سنتين عدو ذي الدهرين علي حياتي بس انتي يااشاهندا حتقومي لاولادك لحياتك ادم ماخلاك عشان تضعفي كنت بحفز في نفسي عشان

مااضعف كفايه لغايه هنا" نمت
نرجع لكيان
صحيت علي صوت الدكتور بتكلم مع ماما صحيت لقيته خلصت الدرب التالت خرجونا بعد كتبو الادويه مرق كريم صرفه وجا وصلنا البيت ماما كانت حيويه وكلامها كتر ماذي الاول "! عدو شهر مافي شي يذكر غير انو تواصلي معاه بقي ذي المخدرات حرفيا الليله واقفه في صاله المغادره بعد وصايا من ماما وكريم طلعو ندهو انو معاد الطياره جات اتحركت وقفني صوتو سامي! " عاينت ليو في عيونو قال لي خلي بالك من نفسك هزيت راسي قال لي في امان. الله لوحت ليو بي يدي واتحركت اقلعت الطائره ماسكه كتابي وبقرا شويه بسرح وشويه بفكر وصلت نزلت استلمت الشنط ومشيت للشقه المؤجرها مسبقا دخلت بلمفتاح رتبت الشنطه حقعد اسبوع وحرجع كان لازم اجي بنفسي عشان اشوف الفرع اتوجهت بلتكسي للشركه دخلت سلمت عليهم ودخلت اتابع واعمل ارفع سوي نزل خت لغايه..

~يتبع~

_*#التفكير المفرط*_
~_*By:Rowa Awad*_~
~*part{11}*~

*ﺇﻟﻰ ﻣﺘﻰ ﻫﺬﺍ ﺍﻟﺴﻘﻮﻁ ،ﺃﻟﻴﺲ ﻟﻪ ﻧﻬﺎﻳﻪ ،ﻗﻢ ﻓﻨﻔﺴﻚ ﺗﻨﺎﺩيك،ﻟﻠﺘﺤﺮﻙ ﻗﺪ ﺍﺗﻌﺒﻬﺎ ﺍﻟﺴﻜﻮﻥ*🧡
شاهندا تقول
مر اسبوع علي كيان وهي برا البلد اشتقنا لصوتها وضحكتها كلامها الولادي دا اشتقنا لروتينها اليومي حتي" اشتقنا لكل شي البيت فاضي من غيرها اخوانها كرهوها بلاتصالات فيديو في اليوم اكتر من4كول حتي واضح من وشها انو الشغل متعب جدا جدا حياتنا خاليا تماما من غيرها كنت بتابع شغل الشركه الهنا اجتماعات علي صفقات وكنت بتابع مع كيان بلاب نسبه لانو انا كنت سكرتيره ادم ربنا يرحمو عشنا قصه حب ولافي الخيال اساسا بس كلو لخير كلو لخير
كوكب تقول
اشتقت لاختي جدا جدا حياتي بائسه يااخ دي امي التانيه وابوي هي سندي ودعمي وقوتي اسبوع كامل حتي غرفتها اشتاقت ليها حتي كريم وكرم واضح انو فارقه معاهم شديد هي كيان دي اقل شي يوصفه مابلقي! بتحفزني وكلام مشجع انا حرفع راسه وراس امي واخواني وللامام ياكوكب لتحقيق الحلم
كريم يقول
يخ ماكان اسبوع والله بجد نسبه لانو فرع برا فاسفرياته كترت هي مابس اختي هي ابوي هي امي وملجئي هي حياتي بجد اشتقت لحضنها وللملك شك البتعملو لادق تفاصيله
كرم يقول
معارف بس داير اختي يااخ وينك ياكيان بجد اسبوعك دا ذي الدهر اف منو البعمل لي مشروب البيض لمن اجي اتريض تعالي نفسي تلعبي بشعري ذي كل مره لطلتك الجميله علينا
سامي يقول
كنت بتواصل معاها يومي كيان ياخ حتي اسمها بخلي قلبي يضرب بصوره ماطبيعيه حبيتها ايوا بعترف حبيت كل شي فيها ياخي حتي تعابير وشها حفظتها حفظ طبعا علي تفكيرا علي كلو هي استوطنت وتربعت علي قلبي اسبوع ماشفتها اشتقت ليها شديد بكرا نازله السودان لازم اشوفه لازم قمت بتكاسل دخلت ادوشت ورجعت الليله الجمعه ماعندي موضوع طلعت علي الشباب
نرجع لكيان
الليله خلصت وبكرا نازله السودان واخيرا حشوفو وواشوف ماما واخواني ياتري هو اشتاق لي ياتري هو بفكر فيني بافراط ذي لانو عقلي بقي عباره عن سامي"! قلبي وتفكيري سامي"!اتأفأفت وطلعت بتكاسل وبقيت اتمشي في الشوارع ضربو لي كول فيديو وبديت اتونس معاهم ماما قالت لي بكرا القاك قدامي قعدت اضحك قلت ليها دسيس كوكب قالت لي اشتقت لكلماتك دي يزق كرم خبته وقعدنا نضحك قفلت منهم ورجعت الشقه رتبت شنطي وشلت كتاب وبديت اقرا شويه وجات رساله علي التلفون شلتها فتحتها كان عباره عن
*ﻋِﻨﺪَﻣَﺎ ﻳَﺄﺗﻲْ ﺍﻟﻠﻴﻞْ ؛ ﺃﻧﻈﺮﻱْ ﺍﻟﻰْ ﺍﻟﺴَﻤﺎﺀْ ﻭﺇﺑﺘﺴِﻤﻲْ ﻓَﺎﻟﻘﻤﺮُ ﻳَﺸﺘﻬﻲْ ﺃﻥْ ﻳﺠﺪَ ﻧﺼﻔﻪُ ﺍﻵﺧﺮْ...*
ابتسمت ببلاهه ورديت ب كيفك قال لي اشتقت لرؤياك قلت ليو الليله الشعر شنو اخر الليل قال لي بجد فاقدك جدا قلت ليو وانا بعد دردشنا مسافه بعدها قفلت التلفون ونمت صحيت عملت روتيني براي طبعا وطلعت علي الشركه ودعتهم ووريتهم الشغل وانو حتابع معاهم من السودان وطلعت علي المطار بعد سلمت مفاتيح الشقه بعد عده ساعات وصلت مطار الخرطوم استقبلتني ماما وكريم وسامي جا شفتو يالله علي القميص الاسود والبنطلون الاسود عليو هل انا وقعت ولاشنو!? زحيت عيوني منو وحضنت ماما بشوق ونطيت في كريم سلمت علي سامي وصلنا البيت كوكب اترمت فيني وسلمت علي كرم دخلت غرفتي اشتقت ليها يخ لكل تفاصيلها ادوشت وصليت وقتها الساعه عامله10 رصينا الفطور هو كان قاعد اخر اندماجه مع كرم وكريم حتي ماما ماما الماتدخل في اي زول ولابتعبر حد :! كنت بفكر هو هل انا ربنا بحبني عشان يدخل سامي حياتي حتي لو كنا اصحاب بس هو نعم الصاحب نعم الراجل حتي&! طلعت من دوامه التفكير لمن كريم بطقطق لي باصابعه انو اكل اكلت وبدينا دوامه القهوه والشاي اشتقت لقهوتي المخلوطه وعملت لكريم ملك شك باسني في راسي وقال لي تصدقي اشتقت ليو قلت ليو اصلا عارفه ماف زول بظبطو غيري وغمزت ليو
مره شهر والليله كرم بقي فتانيه وكريم فتالت عبرو بجد الفرع البرا اكتمل ورسلنا مجموعه من هنا عشان اشتغلو برا وعينا ناس جديده هنا والحياه ماشه ومافي شي يزكر غير انو كوكب خلصت امتحاناتها والليله عامله ليها رحله كنت قاعده وبفكر عاينت للساعه لقيتها عامل 6صباحا دخلت بتكاسل نسبه لانو صحيت4 فاكنت زهجانه والليله الرحل دخلت زفتها معاهم وصحو وبدينا نعمل في الاكل جدو مؤجر لينا بص سياحي لانو حتمش العيله كلها سوا۽ اهل امي واهل ابوي كانو بصين وحننزل في منتجع سياحي لمده اسبوع في البورت فا واو علي الحماس وريت شلتي اعتزرو لي وكدا
اها رتبنا امورنا واهلنا بدو يجو وحنركب من بيتنا وهم جو من البلد واهل ماما هنا فاجو اول سلمت عليهم شديد مشتاقه ليهم خالص سامي كان معزوم ماما اصرت انو يجي فااانبسطت اكتر كنت شايله الاب والكميرا حقتي ركبنا كلنا الباص وكانت الساعه عملت8 اتحركنا واتلخبطنا البص في جزو من اهل امي وجزو من اهل ابوي كنت قاعده جم ماما ونور شالت الدلوكه وبدت تغني وديلك اشيلو معاها كنت لابسه طونك مخطط مع بنطلون جنز اسود واسبورت وشنطه ضهر وعطري المعتاد ماما لابسه نفس طونك حقتي بس فستان كامل واللون مختلف اتصورت معاها كتير

ووقفت صورتهم وبدو يغنو ويزغرتو هيصه ماعاديه ركبت سماعاتي ورقدت في كتف ماما وبدون مااحس نمت صحوني للاستراحه والاكل نزلنا كلنا كان في ذي مطعم دخلنا اكلنا وطلعنا ماما ركبت جم حبوبه وانا ركبت ورا اخر شي وكان معظم الناس مادخلت كلها كنت متابعاو بنظراتي ولبنات اهلي البنبرشو فيو لي بس تقهروني كدا مابجي يخ زهجت منهم رقدت في الكرسي وبقيت بعاين للشباك شميت عطرو هل هو قريب رفعت عيني لقيتو قاعد في القدامي طوالي حتي هو بورا حلو يالله قلبي بقي بضرب سريع اتجاهلت الشعور دا ركبنا واتحركنا وديل رجعو للغني وانا للتصوير المناظر كانت جزابه بشكل ماعادي
نمش لسامي
مامصدق انو حاليا معاها وحاقضي معاها اسبوع وحشبع منها يااخ اهلها ماشا۽الله كتار بجد بس هي دايما مختلفه بكل شي انا حبيتها حعترف ليها واليحصل احصل يخ انا قدامه بكون سامي تاني خاالص بجد معاها بكون علي طبيعتي برتاح الراحه فيها بس قطع تفكري فيها هي وبتتكلم مع ...

~يتبع~

_*#التفكير المفرط*_
~_*By:Rowa Awad*_~
~*part{8}*~
~`
- ~عندما ولدت في هذه الدنيا ولدت معي المعاناة والتعب ولدت بحزني الدائم ولكن ما يخفف عني هو أن الحياة قصيرة وألمي سينتهي ذات يوم.~🖤🍂🥀
صحيت لقيت ماما ماف جمبي عاينت للساعه لقيتها 8شتتت بكلو جريت دخلت اخد دش وطلعت كنت لابسه بدله بلاك مع طقم هيلز وباك لون احمر وطرحه حمرا مع حجاب ورشيت عطري وودعت ماما واتحركت بركنت ودخلت الشركه سلمت عليهم ودخلت قعدت في مكتبي والليله الشغل ضاغط لانو كان في معاينات وكدا في ناس مااشتغلو كويس فصلناهم وبكدا انتهي موضوع التعينات وبدينا في ديكور الفرع لانو اشترينا مبني جاهز فكان ساهل علينا رسلنا مهندسين ديكور من هنا ووديناهم هناك والخ.. طلعت بعد العصر بكتير مشيت المكتبه اشتريت كتب وطلعت علي البيت دخلت غيرت واخدت دش رتبت الكتب وطلعت لقيت كوكب بتقري في الصاله وماما بتساعد فيها وكرم قاعد بحضر عاينت بأستغراب لمن مالقيت كريم سالت كرم قال لي من الجامعه مارجع للان ضرب لقيت تلفونو مغلق اتوترت شديد قلت لكرم عندك ارقام اصحاب كريم قال لي اي مشي شال تلفونو وبقي يضرب قال لي كلهم مغلق قلت ليو طيب طلعن غرفتي لبست اسكيرت منفوش ومعاو هاينك شلت شنطتي وطلعت وانا مستعجله وركب معاي كرم وصلت الجامعه ولقيت الباب مغفول دا شنو دا بقيت واقفه متوتره وكرم كل دقيقه بضرب في الارقام لغايه مارد عليو واحد من اصحاب كريم انو كريم في القسم !اخوي في القسم!
بدون ماافهم شي مشينا القسم وانا بفكر دا شنو وكيف زاتو دخلت لقيت خمس اولاد ومن ضمنهم كريم كريم من شافني جا حضني وقلت ليو فهمني داير يتكلم واحد من الشغالين في القسم مسكو وكان داير ينزل البسطونه في ضهرو بسرعه وقفتو وراي وجات في كتفي ماحسيت بي اي الم كان همي اخوي مايتخدش ولابشي كرم مااتحمل وكان داير يدقو مسكتو من يدو ورجتهم الاتنين وراي وعاينت للضربني دا وقلت ليو صدقني حوديك ورا الشمس دا اول شي تاني شي انت بتلعب مع عيله المغربي تالت شي عمل شنو عشان تدقو تعمل الف حساب لمن تجي تتكلم معانا فاهم عاين لينا وقال انتو في القسم ممكن احبسكم كلكم قلت ليو انا ممكن اشيل منك الكم حمامه العاجبنك ديل ياحلو رايك شنو مشيت للقاعد في المكتب قلت ليو انا اخت كريم الكبيره ممكن افهم في شنو ولي هو هنا قال لي لو مراقباو كان عرفتي قلت ليو سالتك سوال جاوب حسب السوال قال لي وهو رافع حاجبو ولو ابيت كرم قال ليو يااستاذ انا بدرس محاماه فاشنو دا من حقنا نسال ومن حقك تجاوب قال لينا انو قبضوهو في بيت دعاره ضحكت كدا وقلت ليو قول والله يازول مابتهظر انت ماهو واحد من الاتنين يااقبضتوهو وهو مشي المحل دا غلط او واحد غشاو صح يكريم كريم قال وهو غضبان من الصباح بحاول افهمهم انو صحبي ضرب لي وقال اجي عشان هو عيان واوديو المستشفي لمن وصلت لقيت الشرطه كبست ومافاهم اي شي وفي النهايه تطلع شقه دعاره دا كلام شنو دا يااجماعه قلت ليو في زول حاضر معاك المكالمه دي قال لي علي قلت ليو وينو في الاولاد ديل قال لي ماديل يخ ديل مابعرفهم زاتو قلت ليو اضرب ليو كرم ساف عربيتي ومشي جاب علي وجا سلم علي كريم شديد وقال للضابط كل شي والاولاد بعد تعب اعترفو انو مابعرفوهو وطلعنا ععلي كدا وانا راسي من الصداع داير يتشق وصلنا البيت لقيت ماما وكوكب قلقانين كريم قعد احكي ليهم وانا دخلت عملت ليو ااكل وعصير وجيت اديتو بقي ياكل بعد خلص صلي ودخل نام انا مشيت ضايرت المطبخ ودخلت للكرم وكريم لقيت كرم خاتي راس كريم في رجلو وبقرا ليو ابتسمت براحه ووطلعت لكوكب نامت مشيت للماما ناما برضو هزيت راسي ودخلت اوضتي شلت كتاب وبديت ااقرا طبعا بكرا ماحمش الشركه عشان حنسافر بدري حتي ديل حيدكو الجامعه والمدرسه نمت صحيت 7عملت روتيني وجهزت الفطور صحو مشيت رتبت شنطتي وختيت كم كتاب كدا وطلعت لقيتهم جهزو الشنط رفعتهم في الضهريه ورا ورجعت جهزت ولبست اسكيرت اسود مع هاينك ابيض وجكت جينز واسبورت وباك طلعت لقيتهم جهزو ماما كانت لابسه فستان بستها وكوكب لابسه بنطلون وطونك وخواني لابسين قمصان وبناطلين قفلنا البيت واتحركنا بلعربيه هي مابعيده من الخرطوم حوالي 4ساعات كدا وقفت كبيت بنزين وبديت عدت ساعتين بدلت كريم بعد ساعه او ننص بدل ماما لغايه ماوصلنا ماما بركنت جم الباب الكبير ودخلنا بعد سلام طويل كنت قاعده جم حبوبه وجدو
ياا اشتقت ليهم كيف مرت عمي قالت لينا شنو من اتوفي ابوكم ماجيتو نهاي الا جدكم ماما قالت ليها مشغولين بس قالت ليها بشنو راجلك ومات ماما قالت ليها ركزي مع راجلك اللسه مامات قمت ضحكت وقبلت علي حبوبه كرم وكريم كانو في الديوان بهناك كوكب قالت لي نحنا حنقعد في بيتنا صح قلت ليها اي اها شويه وجهزو الفطور بعد اكلنا قمنا دايرين نطلع بيتنا مرت عمي قالت البيت دا مابشيلكم عشان تمشو بيتكم اخدت نفس وماما وكوكب عملو نفس الحركه اتحركنا حتي ماردينا عليها وصلنا بيتنا هو لصق بيت ناس جدو بابا بعد اتوفي صلحت البيت ورممتو من اول وجديد.

وبقي احدث بيت في البلد كلها ذي بيوت الخرطوم واحد ودا الكان حارق نسوان اعمامي دخلنا وكان مترب ووسخان ولاكضبت ربطنا الطرح بماما كريم وكرم انضمو لينا خلصنا بعد العصر من التعب ولعت بخور ادوشنا ودخلت غرفتي نمت صحيت بعد العشا مشينا بيت ناس جدو لقيناهم متلمين واخر ونسه وضحك بت عمي اسمها نور قالت لي بكرا عندنا توزيع كرامه لابوك جدو بعمله كل جمعه قلت ليها مابقصر ماما قالت لنور تمام اشرحي لي اكتر شرحت لينا جات مرت عمي التانيه تلولو في خشمها مااشتغلنا بيها كتير شويه اسمع حبوبه بتتكلم بصوت عالي التفتنا عليها لقيناها بتتشاكل مع مرت عمي وصوتها عالي لدرجه جدو كان بهناك مع الرجال بسبب صوت مرت عمي جو بي جاي انا مشيت عليها طوالي مسكت اصبعها ونزلتو وقلت ليها هيييي حسك عينك تعلي صوتك علي حبوبه صوتك دا يبقي واطي لمن تتكلمي معا جدو وحبوبه سامعه قالت لي والله بت المغربي طلع عندها خشم قلت ليها عندي لاكن مابتكلم بيو مع الزيك عمي جا هايج داير يدقني ماما طوالي وقفت قدامي تلقائيا نزل يدو وبقي يطنطن كريم قال لينا يلا بيتنا بلا قلت ادب اخر الليل طلعنا و ..

~يتبع~

_*#التفكير المفرط*_
~_*By:Rowa Awad*_~
~*part{12}*~

*فلا الهوامش تليق بنا ولا أنصاف الأشياء تعنينا* ..🍂
وهي بتتكلم مع ولد عمها نهائي ماهضمتو جا قعد جمبي كريم قال لي وين سرحان قلت ليو التكفير .. قال لي غايتو انت وكيان التفكير المفرط دل يوم بقتلكم قلت في سري لو هي معاي حباب الموت" قلت ليو لالايا بعد الشر رجعت اعاين و اتأمل من عند الشباك سمعت كيان بتجوط في ود عمها كريم قام وبدلو هو وكرم اخوها ورجع قعد سالتو انو هو مالو قال لي مكرهه كيان عيشتها يااخ راجل ماعندو كرامه قدر مارفضتو برجع دا ماحب دا مرض البعمل فيو دا قلت ليو اهدا ماتعصب ليس علي المريض حرج ولاشنو قعد اضحك جرت الونسه
قاعده سرحانه وبفكر ومتكله علي الشباك لغايه ماخلاص وصلنا نزلنا وكلنا واضح فينا التعب دخلنا المنتجع وكان كبير حرفيا استلمنا غرفنا ورقدنا انا وكوكب ونور ووعد وتونه ولين في غرفه والباقين موزعين نمت صحيت لقيت الساعه عامله6مسا صليت الفاتني ولبست بنطلون اسود وطونك اسود وبلوفر اوف وايت واسبورت اوف وايت وشنطه نفس اللون رشيت عطري وطلعت اكشف لانو ماشفت شي المبني كبير جدا جدا مابتعد ولاالغرف بتتعد طلعت وواضح في برد علي خفيف دخلت يدي في جيوب البلوفر وبقيت اتمشي وسرحانه ــ ممكن اتمشي معاك قبلت لقيتو سامي قلت ليو اتفضل بقي اتمشي معاي كنا ساكتين لغايه ماوصلنا البحر قعدنا قال لي شوفي لابلف ولابدور ولابهظر ولاشي حتي امك دي لاحظت اخوانك لاحظو يخ اهلك كلهم لاحظو انتي مالاحظتي ياخ بحبك افهمي ميت فيك مابقدر اسكت اكتر من كدا كفايه مابقدر علي بعدك كنت بسمع ومامصدقه هل اعترف لي هل هو ببحبني لادقيقه بحاول استوعب! عاينت ليو في عيونو لقيته بتلمع لدرجه ماعاديه قبلت منو وانا قلبي بضرب شديد الدوا دواي وين هل هو دواي ماقادره اركز حتي في تفكيري بتلخبط قمت ومشيت بدون اي شي سمعتو قال لي ححبك مهما كان فاهمه حتفضلي بتي مشيت بسرعه ووماعارفه حتي ماشه وين كنت ماشه بس لغايه مالقيت ذي استراحه قعدت كان في حاجه حاره في خدي انا بكيت لادقيقه دي دموعي!" انا ببكي بكيت بكيت شديد علي كل شي مابكيت عشانو بكيت لدرجه انو صدعت انا عاوزه بابا ربي يرحمك ياربي تغفر ليو ياربي تلهمني الصبر ياربي تخليني اختار صح يربي ماتخزلني فيك ولافي سامي حتي ياربي ان كان خيرا فااجعله لي وان كان شرا فابعده عني رجعت ابكي لقيت يد في كتفي قبلت لقيتو سامي مسكني من يدي وبقيت ماشه وراو ذي الطفله وصلنا المحل الكنا واقفين وواتعرف لي فيو قال لي صرخي صرخي ذي ماحعمل انا وبقي يصرخ بااعلي حس تلقائيا لقيت نفسي بصرخ وبصرخ لغايه ماوقعت في الارض وبديت دوامه البكا لقيتو سحبني في حضنو
حضنتها علي وكميه الوجع الفيها ماطبيعيه اعترفت ليها ومستعد اعقد الليله عادي مابهمني شي غيرها هي هي وبس خفت من دوامه البكا بتاعتها ولسه في حضني تلفونها ضرب زحت مني وردت بعد خلصت قامت وقالت لي شكرا ارتحت شديد ومشت مشيت وراها وصلنا المنتجع وقفت عاينت ليها في عيونه الدايمن بضيع فيها دخلت غرفتي وانا ماقادره امسك نفسي جا كريم قال لي مالك في شنو قلت ليو كريم انا بحب والله بحب قعد اضحك علي قلت ليو كريم انا بحب اختك ودايرها عاين لي وسكت قلت ليو انا لو ماجادي ماكان بجيك قال لي خير لمن نرجع بديك الرد وطلع
كنت راقده وحاسه روحي خفيفه امكن عشان بكيت ولاعشان بحبو ماعارفه باب الغرفه دق قلت اتفضل جات داخله امي قمت حضنتها وقالت لي مالك وشك منور كدا قلت ليها ولاشي قالت لي متاكده قلت ليها طيب تعالي حكيت ليها قالت لي مالو اصلا انا بريدو وواضح من اول يوم شفتو شفت حبو في عيونو دنقرت بخجل ورجعت عاينت ليها ضحكت اتونسنا وطلعت وانا شلت للاب وبديت اشتغل شويه خلصت وطلعت اتعشيت والعيله كلها اجتمعت البلعب كتشينه والبلعب ضمنه والبلعب بلستيشن والبتونسو والبطبخو والخ..
كنت واقفه في البلكونه كبيرا شديد وفيها قعدات مناظر خخلابه عديل سمعت صوت بقول عارفه انو انا دايما بغرق فيك اكتر واكتر
اتلفت لقيتو سامي قلبي بقي يضرب شديد حسيت نفسي حيغمي علي اسي! بس بس انا بجد بحبو وهو بحبني المانع ايه! اعترف ليو يربي اجري احضنو اقول ليك انا بحبك اصرخ دا كلو كنت بفكر وسرحانه منتبهت انو حتي وقف قدامي وخت راسي فكتفي ومسك يدي الاتين لقاهم متلجات شديد قال لي عارفه انتي الامان بلنسبه لي امان وبيت واخت وام وقريبا زوجه وعلي كلمه زوجه احكم قبضتو علي ايديي زياده قلبي بقي يضرب واحتمال سمع ضرباتو"! لانها عاليه عطرو المميز ماقادره حاسه كانو حاقع بعدت منو اخد نفس وقال لي مانفسك تجاوبيني بعد دا للدرجه دي ماعاوزاني
ماعاوزاك هه دا انت بقيت شي اساسي فحياتي ياانسان بس لساني ماقادره يخ "! قال لي حتفضلي تفكري كتير وتسكتي اكتر ولاكيف قلت ليو من غير مااحس بحبك ياود الامين عاين لي مخلوع انا حسيت بلقلتو وجريت جوه

♡♡♡♡♡♡♡♡♡♡
قالت لي بحبك لادقيقه قالت لي بحبك هي بتحبني لاوالله بتحبني بقيت اضحك ذي المجنون ختيت شعري في يدي ولسه ماقادر اوقف ضحك لفيت داير اطلع ...

~يتبع~

_*#التفكير المفرط*_
~_*By:Rowa Awad*_~
~*part{13}*~

*♡ﻟﻮ ﻛﺎﻥ ﺧﻴﺮﺍ.. ﻟﻜﺎن*
*♡ﻟﻮ ﻛﺎﻥ ﺧﻴﺮﺍ..ﻟﺪﺍﻡ*
*♡ﻟﻮ ﻛﺎﻥ ﺧﻴﺮﺍ.. ﻟﺒﻘﻲ*
*♡ﻟﻮ ﻛﺎﻥ ﺧﻴﺮﺍ.. ﻷﺗﻰ* *ﻟﻜﻨﻪ ﻟﻢ ﻳﻜﻦ"* *ﻷﻧﻪ " ﻳﻌﻠﻢ ﻣﺎﻻ ﺗﻌﻠﻤﻮﻥ "*
*♡ﻓﺎﻟﺤﻤﺪﻟﻠﻪ ﻋﻠﻰ ﻣﺎﻛﺎﻥ ﻭﻣﺎﺳﻴﻜﻮﻥ* 💛🖇️✨
لفيت داير اطلع لقيت كريم وكرم وبعاينو لي بأستغراب شديد ابتسمت ليهم وطلعت بقيت اتلفت اشوفه مالقيت اليوم البعدو طلعنا رحله شبابيه
🥀🥀🥀🥀🥀🥀🥀🥀🥀
كنت خجلانه شديد يخ هبله انا ماطلعت من الاوضه خاالص خاالص تقريبا خلصت كل الشغل الفي اللاب من الخوف والخجل بس الفكره عموما عاجباني طلعت براحه لانو المره دي نور ماف عشان تسوي القهوه واطلع ليها الف حجه طلعت بتسحب وبدعي انو ماالاقيو ولاشي وصلت المطبخ عملتها علي السريع
اخيرا شفتك اشتقت لرؤياك من الخلعه دفقت القهوه وجات فرجلي اخخخ جا جاري لي قعدني في الكرسي وجرا جاب علبه الاسعافات ورجع قعد وبدا يمسح لي المرهم ياحنيتو بعديها ساعدني ووصلني للاوضه وطلع علي طول عندنا رحله طلعنا كلنا كنت لابسه فستان مورد ومعاو جكت جنز وشبط زاحه ابيض مع باك ضهر بيضا رشيت العطر وطلعت والحرقه لسه مؤلماني يخ ركبنا العربات وطلعنا عشان نتفسح ونتصوور وكان في فرقه بتعزف بلالات الموسيقيه القديمه طلعت الكميرا. وبديت اصور واصور واصور في اي ركن ماخلين حته مرت 4يوم مناقرات ولعب يوم كنت قاعده في مطعم المنتجع دايره اجرب قهوتم المخلوطه لقيت ولد جرا الكرسي وقعد قصادي طلبي جا بديت اقرا واشرب قال لي احم احم رفعت حاجبي قال لي عاوز اسئلك وحمش قلت ليو اتفضل قال لي في هنا مكان للعب كره طائره! قلت لي ماادري والله في كلامنا جا سامي ووشو مابتقابل شويه وحيقع جرا كرسي هو التاني وقعد قال لي حبيبي يلا عشان مانتاخر عليهم بصوت عالي التقول في زول مغالطو طوالي عرفتو غيران من الولد طوالي عاينت للولد وقلت ليو طيب انا ماشه فرصه سعيده قعد اضحك لي الاهبل وقال لي شنو ياخ لسه ماشبعت منك اقعدي يااخ معقوله بس سامي جا مسكو من لياقه القميص وقال لي لاوانا هنا ماعاجبك ماشبعت منها اكل هي ها اكل يلا قد مسكت سامي وجريتو وطلعنا برا المطعم وقلت ليو اهدا مالك قال لي وبتسأليني صح مله تملك ياخ قعدت اضحك لمن قعدت في الارض وهو بحاول اقوم فيني انتبهت لماما قاعده في المقاعد المقاصده البحر وبتعاين في البحر وسرحانه قمت مشيت ليها وقلت شوشوووو قالت لي يوم بتكتليني بعمايلك دي يبت مالك
قلت ليها لي قاعده هنا براك قالت لي ساي بس وانتي الجابك بجاي شنو اشرت ليها علي سامي ابتسمت ليو واشرت ليو بتعال جا قعد معانا في المقعد وبدينا نتونس سامي بدون مقدمات قال لامي ياامي بعد نرجع من هنا جاي اشرب معاكم شاي المغرب انا والحاجه وصحبي وعمي ونعمل تعارف وبعدين الفيو خير ربنا يقدمو امي قالت ليو والله من ناحيتي انا ماعندي اشكال ومشاءالله عليك لاكن القول قولها هي واخوانها سامي قال ليها خليهم علي عاين لي هزيت ليو راسي بسكوت هو فهمني وبقينا نتونس بحاجات عامه وانا قلبي لسه بضرب الايام مشت ورجعنا الخرطوم وسط غني ورقيص وتصويري طبعا وصلت بيتنا ورقدت نمت تعبانه ياخ صحينا تاني يوم وبسرعه طلعت للشركه خلصت الاجتماعات والملفات وفي كم حاجه خلصتها من الفرع التاني والامور اتزبطت
🥀🥀🥀🥀🥀🥀🥀🥀🥀🥀
جيت لامي وقلت ليها ياحاجه ولدك بدور العرس بعد دا عاينت لي بخلعه وقالت لي احلف قلت ليها وربي العزه قالت لي ودي منو فتحت تلفوني وريتها صور لي كيكو بت قلبي ولي اخوانها وامها ووريتها ابوها متوفي قالت بي عاد نسب اشرف بست راسها وقلت ليها نمش تعارف الليله المغرب قالت لي عاد تمام زح كدا النمش اقشر ضحكت عليها وطلعت لصحابي مزمل وايمن. ووريتهم قالو لي قدام وريت عمي وقال لي ابشر ضربت لابوي قاال لي خير ياولدي وريني ابوها اسمو منو قلت ليو ادم قال لي لاالاسم المشهور بي قلت لية المغربي عاين لي مخلوع قال لي قلت منو قلت ليو المغربي ادم المغربي قال لي لاحوله نسب اشرف ونسب انا لو عميان مابقول لا قلت لية موافق يعني قال لي بدون مااسئل منهم موافق وبكون معاكم في التلفون بعدين قلت ليو تسلن يلا ياحاج طلعت مبسوط لفيت شويه بلعربيه ضربت ليها ردت قلت لي كيكو قالت لي مش قلت ليك دلشميه مره ماتقول لي كيكو قلت ليها اخير كيكو انتي بتناديني بي حلاوه سمسميه يعني راجل كبير بشنبو عليك الله المفروض زعل منو فينا انا ولاانتي قالت لي انا طبعا قلت ليها بحبك سكتت عرفتها فصلت قعدت اضحك قلت ليها اسمعي جاين بعدين المغرب قالت لي جادي قلت ليها وربي قالت لي ربنا يكتب كل خير قلت ليها امين ياكل الخير قفلت منها ورجعت البيت
🥀🥀🥀🥀🥀🥀🥀🥀🥀🥀
ختيت التلفون واخدت ادويتي لقيت كريم وكرم دخلو غرفتي بقو اتكلمو معاي عن انو عمو وابوهو لسامي ضربو ليهم وضربو لعمي وخالي بعد سااعات قليله الساعه عملت 5وانا متوتره توتر ماعادي طلعت اسكيرت فاري اوف وايت معاو هيلز اسود وهاينك اسود رشيت عطري وكانت معاي الاء وهبه بجد بستمد قوتي منهم هم بس بعد جهزوني عملت

ميكب خفيف شديد جا داخل كريم وقال لي انهم وصلو باس راسي وحصني الساعه عملت8بلظبط ماما جاتني وساقتني عشان اسلم طلعت لقيتهم....

~يتبع~

~Rowa Awad~🍂🥀

_*#التفكير المفرط*_
~_*By:Rowa Awad*_~
~*part{14}*~

*يَوم جديد ، لفرصَة جَديدة ، لحيَاة جَديدة ، لطَاقة مَليئة بالتَفاؤل ... ابتسِموا ، لربَما اليَوم يَكون مُختلف عَن باقِي كُل يَوم*💙
طلعت اسلم لقيتهم فجاه سكتو كلهم وبقو يعاينو لي انا دنقرت ووصلت لامو قامت حضنتي وبست راسها ومشيت لعمو عملت نفس الحركه سلمت علي اصحابو وكان معاو مرت عمو سلمت عليها وقعدت جم سامي ادوني ابوهو اتكلمت معاو كول فيديو ورجعو للونسه سامي كان بعاين لي لاكن ماقدرت اعاين ليو عمو لسامي بدا يتكلم بانو ورينا اهلك طلبناك لولدنا دا وجاهز من كل النواحي كل النواحي بيتو طابق فوق وتحت امو عندو شغلو ومعرضو الخاص امورو كويسه وماشا۽الله عليو يابتي عمك واخوانك وامك وخالك حتي خالتك دي ادتنا الموافقه كلهم ادونا نسمعها منك ولاشنو. قلبي كان بضرب شديد بصعوبه قلت ليهم الفي. الخير ربنا يتمو البيت اتعبي بلزغاريد والمباركات والتصوير بدا سامي استاذن منهم وساقني الحديقه البرا البيت قعدنا في القعده البرا وبدا يتكلم عن انو مبسوط وسعيد شديد انو البت البحبها حيرتبط بيها رسمي قلت ليو حتي انا مبسوطه قال لي نعمل الخطوبه الاسبوع الجاي رايك شنو قلت ليو لي سريع كدا قال لي نعمل خطوبه والعرس بعد العيد. قلت ليو يعني بعد شهرين لانو رمضان فضل ليو اسبوعين قال لي ماكافيه قلت ليو كافيه سكتنا علي كدا بقي يحكي بي حماس بعديها دخلنا جوه بعديها ذي الساعه 10قالو مارقين قدمناهم ورجعنا لقيت كوكب بتصور في الحاجات الجابوها خالتي قالت للي عاد نسابه السرو شفتيهم نضاف كيف عاد النسيبه ذي الطلقه قعدت اضحك كوكب قالت بي والعجب راجلك واصحاابو كرررر بس الليله كان السبت قلت ليهم طيب انا وسامي قررنا الجمعه الجايه الخطوبه العرس بعد العيد امي قالت لي كويس مامشكله دخلت غرفتي لقيت في سريري اكياس هدايه قبلت وراي لقيت كرم وكريم قالو لي اختنا الحلوه بقت عروس طوالي بكيت وحضنتهم قالو لي لااوعك قشيت دموعي كريم كان حاضني قال لي الحاجات دي نصها نحنا ونصها سامي كرم قال ولانقول حلاوه سمسميه وغمز لي خبتو وبقينا نتساكك امي هرشتنا جريت كلكلتها وبقينا نتساكك بي امي زاته جات كوكب جاريه معانا وهي مافاهمه شي برضو تاني يوم قمت 6 دخلت ادوشت صليت وبقيت ادعي ربنا يتم لينا علي خير لبست ملابس الرياضه وطلعت اتريضت وجيت عملت الشاي والكيك ورصيتهم كوكب عاطله وديل مؤجزين اسبوع حينزلو السبت الجاي طلعت غيرت وعاينت للاكياس بديت افتح فيهم واحده فستان بطقمو وتاني كيف مجموعه عطور وفيها نفس عطري عرفتو دا سامي تاني في جومسوت بطقمو وفستان بطقمو اسكيرت وبلوزه بطقمو يعني اي زول جاب لي شي اف حبهم يخ تاني في صندوق فتحتو فيو شويه ميكب علي عنايه بلبشره علي شكلت كلو جوه اخر شي في ربط قروش ضربت ليو قال لي مادايراك تحتاجي لاي شي يبابا طيب اي شي انا في وحتصرفي من جيبي حاضر قلت ليو تمام قفلت لقيت في الصندوق علبه فتحتها لقيت فيها سلسل فضه فيو اسمي طوالي لبسو ودخلت االحاجات ومرقت وصلت الشركه خلصت الساعه5 اتحركت علي البيت مشيت الكافي شلت قهوه وقعدت اقرا فكتابي شويه وتلفوني ضرب لقيتهم البنات في مكالمه جماعيه ياالله ياربي قلت ليهم خير قالو لي خيرين. الا۽ قالت لي
مفروض بكرا نمش السوق عشان الفساتين ياااخرا انتي قلت ليهم انا عندي فستان في راسي انتو شوفو اموركم هبه قالت لي تمام بكرا حنجيك من الصباح نطلع نشوف المواضيع مابتجي كدا رعذه قالت اي قلت ليو زط لبكرا قفلت منهم وطلعت علي البيت لقيتهم بحضرو دخلت غرفتي غيرت بلبس مريح وطلعت اكلت ومشيت قعدت معاهم ماما قالت لي كوكي اخدي اجازه لين الجمعه عشان تنوري كدا نورتك مطفيه كوكب قالت خلوها علي قلت ليها لاااا قالت لي لوايه يبت كريم قال الرحمه عليك فنيتو بلمسند وكوكب كانت قاعده جمبو عضتو بدون مقدمات امي قالت لي اها قلت ليها حاضر يشوشو علي كدا اليوم انتهي فعلن ضربت للسوزان ووريتها قلت ليها حتابع بلاب وعزمتها هي وعمي منتصر وامجد بعديها ضرب لي سامي وجرينا ونسه لين1صباحا قفلت الفون الصباح 7صحيت سويت روتيني الساعه عملت8 لقيتهم كلهم قدامي كروني كر لبست عبايه وطلعت وصلنا السوق بعد لف ولف اختارو القماش والقصه وطبعا انا فستاني حالفه مااوري لزول ولاللوك الحطلع بيو ادوهو للترزي وطلعنا انا فستاني طبعا حشتريو جاهز ماعلينا لفينا اشترينا ماسكات كوريه وكم حاجات كدا وعروكات وااااك وديتهم مطعم طقينا ووصلتهم بيتهم ودخلت ختيت الحاجات ضربو لي قلت ليهم وجع وش تقيل قالو لي سبراااااااايزززز بكرا حنجي نعسكر معاك لييين الخطوبه قلت ليهم لا رغده قالت لي غصبااااا عنكك قفلت فيهم ورقدت كوكب جابت لي صحن فيو بيتزا بستها واكلت ودخل كرم معاو كبايه منقه اييش داا كل الحاجاب الاحبها لاكدا كتير قعدنا التلاتهرفي الكنبه وبدينا ونسه جات ماما وكريم وتميناها لين نمنا كلنا في اوضتي صحيت بدري امكن اتبرمجت علي كدا مااعرف المهم كان مفروض استلم الفستان طلعت الساعه9 وصلت المحل

وحاسبت وطلعت محل تاني اشتريت الهيلز والطرحه معاها حاجات كدا المهم مرقت ختيت الحاجات في الضهريه وركبت اتحركت وجيت بشارع
....

~يتبع~

~Rowa Awad~🥀

_*#التفكير المفرط*_
~_*By:Rowa Awad*_~
~*part{15}*~

*"أمّا الود فكلّهم يتظاهرون به، وأمّا عن الكلام فالكل فلاسفة، وما يثبت صدق المحبة هي الأفعال والمواقف."🤍*
اتحركت وجيت بشارع نفس الشارع تاني نفس اللحظات المأساويه اتعادت تاني وقفت وحيلي مات ماقدرت اسوق بقيت اعاين لنفس المستشفي صح مر سنتين بس كانو امبارح موتو حار حار شديد علي بلزات انا حياتي وقفت تماما بعدو ابوي عاوزاك صدقني عاوزاك شديد بتك بقت عروس مانفسك تزفها لحبيب قلبها انت سامعني صح! طلعت من العربيه وحيلي ماشايلني اصلا تكلن نفسي في الضهريه وبقيت اعاين في كل حته في المستشفي لمن قبل يوم كان ملامحهم كعبه لانو وروهم من امس انو هو ماحيعيش وماعندو عمر طويل لانو النزيف منتشر مازلت بقول كلو بسببي انا الوحيده الكنت عارفه بي نزيفو كان بنزف بانفو كتير والاوانه الاخير بنزف بصوره ملحوظه كنت بس انا البشوفو انت البراقبو كلمتو ماسمع مني سكته وياريتني ماسكته قعدت وبديت ابكي ابكي شديد ابوي وين انت اشتقت ليك عاينت للمسطبه البنفرش فيها فرشتنا ونقعد منتظرين ابوي علي امل يصحي اسبوعين متواصلين ماوقفنا نجي ولاقفنا حتي ولايأسنا ياريت لو الزمن يرجع ياريت لو انت معاي بكيت لدرجه الناس ملاحظه لي وكنير من التعاليق مجنونه ماله اغتصبوها لي قاعده كدا والخ...
ولاحتي اهتميت تلفوني بقي يضرب قريب20مكالمه رديت وانا ماقادره اتكلم سامي بصوت خايف وملهوف يابت وين بقيت ابكي قال لي بتكلم ماتخوفيني الله يرضي عليك قلت ليو بصوت متقطع محل محل بكرهو شديد شال مني ابوي وقفلت الخط وواصلت بكي
🥀🥀🥀🥀🥀🥀🥀🥀🥀🥀
قفلت منها وانا خايف عليها مااخدت كتير من التفكير عشان اعرف المحل دا وين لانو مسبقا ورتني انو بتكرهه المستشفي الاتوفي فيو ابوها طلعت وانا خايف عليها شديد ومافاهم شي وصلت لقيت عربيتها بس هي مافي لفيت بورا لقيتها في الارض وبتبكي بطريقه انا لقيت دموعي نزلت جيت قعدت وضميتها علي شديد وهي لسه بتبكي كانت مسقطه شديد حاولت اهديها وانا لروحي ماقادر اهدا بس اعمل شنو مابقدر علي وجعها الكبير لقيت انو فجاه سكتت عاينت لقيت اغمي عليها شلتها وبدون تفاهم وصلتها مستشفي غير دي ركبو ليها درب وجيت صحت اكلتها وقتها الساعه عملت 8مسا رجعنا ومعانا اهله جو نامت ورجعت بيتنا
🥀🥀🥀🥀🥀🥀🥀🥀🥀🥀
صحيت وراسي داير اطرشق لقيت صحباتي جو وبدو لي ماسكات وهبه عمل لي القهوه المخلوطه خلصت شغلي بللاب والمساء جا سريع صحيت تاني يوم برضو دورو فيني اليوم البعد كان الخميس كريم ساقهم ومشو السوق استلمو فساتينهم وماما وكوكب وصوهم علي حاجات وانا زهجانه وكنت بتكلم مع سامي. خلصت جات ماما رقدت في حضنها ديل جو من السوق ورتبو البيت اخواني طلعو جابو الحاجات وجابو عمال لليوم التاني الجمعه اللهو يوم الخطوبه طلعنا بعد الفطور علي الكوفير وصلنا11دخلنا وكان معاي هبه ورغده والباقين مع ماما بهناك ومعاهم ناس نور وباقي البنوت حني سوزان جات بدو لي بي اضافري والجسم الساعه عملت7بديت البس وجيت طالعه ليهم بلوك كامل حرفيا انبهرو بلفستان
سمعنا صوت بوري وصفافير جا جاري كرم حضني وقعد يبكي وراو كريم حضنتهم علي شديد جات كوكب برضو
*العزه اهل يااخ*💜
دخلت عاينت ليها يااللله علي الملاك القدامي الحجاب ولاالفستان ولااالحنه الرفيعه ولاالميكب الخفيف ولاللون عيونها وجماالها ماقادر اوصفو كننت لابس بدله نفس درجه فستانها جيت بست راسها وختيت راسي في كتفها ذي مابعمل كل مره وبكل حنيه الدنيا قالت لي ربي مايحرمني منك قلت ليها امين يااحلا كيان امين ياروح سامي مسكت يدها وزغاريد صحباتها ملت المكان وصلنا بيتهم ودخلنا وماسكين يدين بعض البيت مزين بطريقه جميله حتي الناس متأنقه جدا جدا عيونه واضح انو فاقده ابوها شديد عصرت يدها زياده نظظام انا معاك وجمبك اكتفت بابتسامه نقيه وواصلنا لغايه نص الحديقه وفيها الطاولات وبوفي مفتوح ناس راقيه بشكل وكوكب المجنونه شغلت اغاني وزنقتها هي وصحباتها وصحبات كيان علي كريم وامو وكرم الناس جاطت وترقص انا رقصت وهي حتتتو حت جد
كنت مبسوطه شدديد رقصت لمن سامي جراني وقعدنا في الحته المفروض مخصصه لينا وبدينا نتونس واتغزل فيني وانا الهبله اتخجل. شويه امو مسكت المايك وقالت بعدنا الحلوين يلبسو الدبل اشتغلت اغنيه هاديه ولبسني الدبله والمحبس لمن جا دوري البسو اتعابط لي. وكل شويه يجر اصبعو لمن كترها مسكت اصبعو عضيتو ولبستو الدبله الناس دي كلها تضحك كريم مشي عندو صحبو ديجي الناس دي حتت حت جد
صح قراري كان متسرع بس بلنسبه لي دا اكبر حل اتحركنا علي الجامع وبدا العقد خلص والناس ضربت السلاح بدو يباركو لي وانا كان همي متين اصل وابارك ليها لكيكتي الحلوه

بهناك انا متوتره الرجال فجاه كلهم طلعو بيو هو شويه امي جات ورتني انو عقدو كيف بس زعلت شديد وبديت ابكي فجاه لقيتو قدامي جراني فحضنو وباس راسي قال لي عشان اتعامل معاك براحتي ومااكون دخلت في حرام وامور ربنا عشان ربنا يبارك لينا ياستهم بكيت زياده وكبر في نظري شديد بحبو وربي بحبو اتمنيت بابا هنا قال لي حبيبي اخوانك دايرنك برا طلعت لقيتهم مدمعين حضنوني شديد وماما بدت تبكي حضنتها علي وكوكب كمان اليوم خلص اليوم التاني قمت تعبانه وجسمي ....

_يتبع_

~Rowa Awad🥀~

ليت المسافات تطوى في جوانحنا طي الصحائف و نلتقي الآن😔