انا مُقبلة على الزواج.. ممكن توجهلي نصيحة عامة ليا انا وزوجي وسنقوم بتنفيذها بإذن الله.. جُزيت خيراً

ج/ 1. العبادة المشتركة من قيام وصيام، مِنْ أعظم ما يقوّي الرابطة بينكما..

2. لا تنشرا مشاكلكما إلى الأهل مهما يكن، ولا تناما ليلة قبل التصافي إن اختلفتا.

3. ليكرم كل منكما أهل الآخر ما استطاع.

4. الهدايا تزيد المحبة، فلا تقطعا مهما تقدم بكما العمر.

5. الكريم إن أُحسِن إليه ردَّ الإحسان، فليودع كل منكما رصيدا من المعروف والإحسان عند الآخر؛ يرتد إليه أضعافا مضاعفة..

6. اجعلا مرجعكما عند الخلاف كتاب الله وسنته، وتعاهدا على النصح، وأن تكونا رجّاعين إلى الحق.

خالد أبوشادي.

#بَصَآئِر

#كبسولة_زوجية


💌كبسولة زوجية ....

👈-إنت عمرك ما حسيت بى
👉-وإنتِ عمرك ما قدرتِ ظروفى
👈- إنتِ مهملة
👉-وإنت سايب كل حاجة على
👈-إنت بقيت بخيل
👉-وإنت مسرفة
👈-إنت زهقتنى
👉-وإنت قرفتينى

#الكبسولة_بتقولك:

❌لغة "الاتهام" من أكتر الحاجات اللى ممكن تهدم العلاقة بينك وبين شريكك.
🚫هتطلع له "السلاح" وتقوله أخطاءه بطريقه منفرة .. هيطلع هو "الدرع" بتاعه عشان يدافع عن نفسه.

⁉️-طب إيه الحل؟

#إستخدم هذه الكلمات:
✔️🔺 أنا محتاجالك ..
✔️🔺أنا ظروفى صعبة اليومين دول وعاوزك تقفى جنبى ..
✔️🔺 بحب وجودك فى حياتى ..
✔️🔺 تربية الولاد متعبه عاوزين نشوف هنعمل إيه معاهم ..
✔️🔺 الولاد كبروا ومحتاجيننا سوا أكتر من الأول ..
✔️🔺 بحب لما أرجع ألاقى الدنيا رايقه عشان أقعد معاكى ..
✔️ 🔺عاوزة حد يساعدنى عشان تعبت .

🔺لما يحصل خلاف حاول على قد ما تقدر متقولش كلام تندم عليه بعد كده ..
إهدى شوية عشان توصل رسالتك لشريكك صح وتوصل اللى انت عاوزه ..
بس خلاص.
#فاطمة_المهدى

@quratainyy

عملتي كده ازاي🤔🤔🤔
اول امبارح و أنا بنفض تحت السرير وقعت فى أيدى أجندة قديمة كنت بكتب فيها مذكراتي وانا في ثانوي ..
وكانت غلطة عمرى إنى فتحتها ..
لقيت نفسي كاتبه عن ماما و بقول .. ( ماما مبهدله في نفسها اوي و ده مش منظر صح خالص ١٣ بيجامه و ٣ جلاليب و شبشب بصباع و طرحه مقموطة طالع منها شويه شعر ابيض و ماشيه بالسكينه في البيت و ريحه البصل و الثوم مالية الشقه ..
الله يكون في عونك يا بابا انا عمري ماحعمل كدا ابدااااا لما اتجوز)

أخدت بعضى و الكلمتين طازه فى دماغى رحت داخله على المرايه خير اللهم أجعله خير أييييييه ده ؟؟؟؟؟؟
ركبني هسهس الضحك وقعدت اقول ماما اهيه ماما اهيه .. لا لا لا مش انا مش انا..

معقول بنتي حتكتب عني زي ما كتبت انا عن ماما.
وأكيد برضه حتكرر نفس المأساه ده واضح إنه تراث تتناقله الأجيال لا لا لا .. طب و ايه ذنب الراجل الغلبان الي في الشغل ده لا دي مكنتش طموحاتي خالص

انا لازم اتغير لازم .
مسكت الموبايل و كلمت جوزي قلتله كلمتين حلوين واني حنزل اجيب حاجة من تحت ووديت العيال للجيران ..
واخدت نفسي من قفايا جري علي اقرب كوافير .. ودخلت للبنت الي شغاله جوه اللى أول ماشفتني اتخضت وطبعا عندها حق ما أنا اخر مره رحت الكوافير كانت فى فرح أخويا من أربع سني.
البنت يا عينى الدمعه فرت من عينيها على بختها الأسود إنها جت الشغل النهارده وقالتلى يا مدام حضرتك شايفه المنظر أنا عايزة يوميه زياده ده انتي فيكي شغل كتير قوي . قلتلها إتكلى على الله و أدى شيك على بياض أنا مقدره يا حبيبتى .. طب نبتدي بالشعر وبعد ما حاولت ساعه ونص تسلكه وجالها تهتك فى الأربطه بتاعه دراعها قالتلى إنتى أخر مره سرحتيه إمتى؟؟؟ مرضيتش أقولها أن من يوم ماولدت بنتى الكبيره و فى عقل بالى استرى عليا ربنا يستر على ولاياكى

خرجت من العمليات بعد ٣ ساعات مع الاستعجال وروحت جري علي البيت واتشيكت ورنيت علي جارتي نزلت العيال واول مادخلو البيت بصولي وخرجوا بصوا علي رقم الشقه تاني و بصوا لبعض و بصولي تاني و لما إتأكدوا اني مش حد غريب دخلو جري يصوروني بالموبايل .
المهم الحمد لله كان عندي اصلا اكل كويس و البيت نظيف كدة مش ناقص حاجة .. اعمل بقى لجوزى مفاجأة و ميشوفنيش اول ما يدخل . دخلت أوضه النوم وفهمت العيال .
فتح باب الشقة وسلم علي العيال ودخل على أوضه النوم.. سٱل العيال ماما فين يا ولاد .. قالوا له ماما في البلكونه بتنشر الغسيل.. ابتدي يغير هدومه ... فتح زراير القميص .... نطيت انا قدامه حمد الله علي السلامه .

قفل القميص في سرعه البرق و ايه ده ها.ايه ده .!!!!!مين دى يا عيال ؟؟؟؟ و راح ماساكنى من قفايا الشكل ده مش غريب عليا قولتله أنا مراتك بص صوره الفرح وراك أهيه .
الراجل بعد ما أخد بصماتى و عملى فيش و تقفيش و أتاكد إنى مراته بقى مذهووول كل اللى طالع عليه أنتى عملتى كده إزاى ؟؟.

و مبقاش عارف يتكلم معايا خالص حتي واحنا بناكل .. ايه يا حبيبي مالك ؟؟...لا مفيش يا روحي بس لسه ماخدتش عليكي بالمنظر الجديد ..
طب لو مش عجبك اقوم اغير و البس طرحه .. لا ابوس ايدك بلاش شكل امنا الغوله تاني و انا كويس .
العيال بقي بابا بابا عايزين ننزل نتفسح هو .. نعم تتفسحوا ؟؟؟
بس يابني انت و هي مفيش فسح ولا انا حروح الشغل .
اجازة يومين نتفرج قبل ما تتحول تاني.

انا عارف ان الموضع ده مش حيطول .
اول ما تبتدي الدراسه حتمسك الشماعه او الحزام و تضرب العمه الصعيدي علي دماغها و تتقمص شخصية اندرتيكر و ارجع انا اعيش مع اخويا بكر تاني😂😂😂😂

منقول عن
رحمة محمد بريك

#تنمية_ذاتية

#كيف_اعبر_عن_غضبي_من_الجنوبي)
#أختاه
❣قبل ان تغضبي اسالي نفسك سؤالين لماذا اغضب وكيف اتصالح
لاتغضبي بلا هدف هل تغضبي لحبك في النكد فقط اما لتغيير وضع او لانتقاصه من كرامتك
وهل تريدين الصراخ فقط ام الانطواء والاكتئاب ام ان يصالحك ويمحو اسباب غضبك

#الجنوبي_والغضب
❣الجنوبي ذلك الرجل الذي يجعلك تقفزين غضبا وهو هادىء وقد يقاطعك في قمة صراخك وغضبك ليقول لك فقط اخفضي صوتك
❣ذلك الرجل الذي يجعلك صمته تتحدثين وتتحدثين وتتحدثين ولايزداد هو الا بعدا وصمتا او ينسحب من النقاش او يعتذر اعتذار صوري ليريح راسه منك
بما ان الجنوبي استرخائي جهازه العصبي يعمل ببطء فهو يكره تماما مايعكر مزاجه وصفوه النفسي
❣ولا يعرف كيف يتصرف حيال غضبك فهو ينجرح من نقدك وبدلا من ان يمتص غضبك يغضب هو وينغلق على نفسه وينتظر اعتذارك او يحاول صلحك بالعلاقه الحميمه وذلك عندما يعلم بداخله انه مخطأ فعلا وعليه ان يعتذر وبالمناسبه وقتها لاترفضي طريقته بالصلح لانه لن ينسى ذلك لك وسيزيد من غضبك ويضطرك انتي للاعتذار فيما بعد
❣انما بامكانك العتاب الرقيق بعد العلاقه ووقتها سيصالحك كما تحبين
#لكي تتعلمي كيف تعبري عن غضبك للجنوبي راقبي ردود افعاله جيدا وراقبي كيف يبقى هادئا مقابل ثورتك وكيف يعزل نفسه عن النكد

#نصائح_لزوجة الجنوبي
🔸كوني دائما جميله في كامل اناقتك خاصة وقت الشجار لاتتخلي عن انوثتك فمظهرك الاشعث بالاضافه لصوتك العالي وتعابير وجهك تجعله في قمة نفوره منك واقل تجاوبا مع غضبك فهو ينظر اليك ويعيد تقيمك

🔸تدربي مرارا وتكرار على هدوء نبراتك وسلامة الفاظك مهما كنتي غاضبه حتى لا يترك صلب المشكله ويركز على الاسلوب

🔸ركزي على الفعل الذي اغضبك وافصلي بينه وبين الشخص بمعنى قولي له انا احبك واعلم انك تحبني واعلم انك لم تتعمد اغضابي لكن ان تضايقت بسبب كذا وكذا وكذا وليكون اسلوبك الحزن والمسكنه فالجنوبي يتعاطف مع الحزن البريء والعيون الحزينه

🔸اياك ان تتهمي الجنوبي بشيء ما لم يفعله حتى لا ينبري للدفاع عن نفسه ومن ثم الهجوم عليك

🔸اذا اردت التعبير عما بقلبك حددي باختصار اسباب غضبك وقوليها له بهدوء ثم انسحبي الى غرفتك ومارسي اي نشاط تحبيه او صلي ركعتين او اقرئى بمصحفك واياك ان يجرك للجدل وامنعي اي امتيازات منحتيها له من قبل ( مثل تلك التي ذكرناها بموضوع #الجنوبي_والروتين)
واعدك ان يصالحك فورا

🔸 اذا انتقص #الجنوبي من كرامتك وخاصة خارج المنزل او امام احد اصمتي تماما وانسحبي ان كان ذلك ممكنا ولا تنجري لشجار امام الناس ابدا معه حتى تعودي للمنزل وحينا تتجاهلي وجوده وتنطوي على نفسك ولاتضيعي حقك بالصراخ وعندما ياتي ليحدثك عبري عن غضبك بدموع حزينه ووجه متاثر

🔸 حددي سبب غضبك وماذا تريدين من وراءه اذا كنتي حقا لا تعلمين يعني غاضبه وفقط فالنبي صلى الله عليه وسلم
امرنا وقت الغضب ان نتوضا لينطفىء الغضب وان تغيري هيئتك فان كنتي واقفه اجلسي وتذكري ان الغضب افه تصيب بالكثير من الامراض عفانا الله وان لاشيء يستحق وان الحياه قصيره ونستحق ان نحياها بلا منغصات غيري افكارك ليتغير غضبك

🔸 حددي طريقة صلحك التي تفضلينها هل هي للتبرير هل هي الاعتذار هل هي الهديه وعلميه اياها لتنطبع بعقله الباطن ويعرف كيف يراضيك
فحين ياتي ليصالحك وقررتي ان تسامحيه قولي له بنبرة غضب الاطفال لن اصالحك حتى تفعل كذا مثال :انا مخصماك ومش هاصالحك غير بهديه حلوه عشان ماتزعلنيش تاني او مخصماك ومش هاكلمك غير لما تقولي عملت كذا كذا ليه او مش هاصالحك غير لما تقولي معلشي وتبوسني هنا وهنا على جبينك وخدك وخليكي رقيقه وشقيه


🔸 اياكي ان تخسري انوثتك بالالفاظ والصراخ اياك تملي من التدريب على الهدوء لازم علشان تحصلي على تعاطفه تكوني انتي الطرف المسكين الضعيف مش الشرير المكشر عن انيابه

🔸اوعي تقعي في فخ ان يكون اللوم عندك اهم من الاصلاح بل ركزي اثناء المشكله على طرق الحل وليس على تطرق اللوم والتقريع والتي تجذب الشحناء

🔸تذكري انت لست في معركه معه بل انتي تبحثي عن صلح وسلام بحياتكما معا

🔸 كوني ذكيه باسترداد حقك وحبه لك
ولا تركزي على استرداد حقك وخسران حبه للابد

🔸 اذا كان شجارك معه بسبب الخيانه فذلك موضوع اخر بالاضافه الى ان لكل حاله حلها
لكن بشكل عام عندما يخون الجنوبي ابحثي فورا عن اخطاؤك من وجهة نظره او على الاقل ابطلي حجته فهو عاطفي ضعيف ويرى دوما انه ياعيني مظلوم

#كيف_اعبر_عن_غضبي_من_الجنوبي
❣ اربطيه بالله وساعديه على الصلاه بوقتها وعلى النوافل فضياع الصلاه جاء بعده اتباع الشهوات فقول الحق تبارك وتعالى في سورة مريم، أعوذ بالله من الشيطان الرجيم (( فَخَلَفَ مِنْ بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا إِلَّا من تاب وآمن وعمل صالحا فأولئك يدخلون الجنة ولا يظلمون شيئا ))

❣وساعديه على هجر الاغاني فالجنوبي حساس نحوها ويعيش الدور وعلميه حب القران ونافسيه على ختمه دوما وهو بفضل الله يستجيب ويقترب من الله فيعصمه الله ويبعد عما يغضبه

❣اعطيه ثقتك ظاهريا وراقبيه من بعيد بمعنى راقبي تصرفاته وردود افعاله واحواله فكل زوجه تشعر بتغيير زوجها

❣اهتمي بتفاصيل حياته وقربيه منك هو بفضل الله انسان يتاثر بالمشاعر والحب وكلما جعلتيه مسؤلا عنك وكنتي المراه الضعيفه المستكينه التي تعيش بكنفه والتي تحتاج مشورته بكل شيء كلما كان مشغولا بك وبترتيب امور حياتك فاياك ان تكوني سليطه وقويه مع جنوبي

🔸 عند غضبك من الجنوبي لاتخجلي من ان تستكيني بحضنه كطفله وتقولي له بطفوله ورقه انك تحبيه ولا تريدين الغضب منه لكنه فعل كذا وكذا وتحدثي مع اختباءك بصدره بعذوبه وصدقيني سيراضيك

🔸عودي نفسك ان تتمالكي غضبك اياك ان ترفعي صوتك وعودي نفسك قبل اي نقاش مع زوجك صلي ركعتي حاجه وتصدقي ولو بحاجه يسيره بنية ان ربنا يفتح قلبه لكلامك وستري معجزه باذن الله

🔸 وعودي نفسك كمان عند الضيق ان تفزعي الى الصلاه والقران ولا تتركي للشيطان عليك سبيلا فيمليء نفسك بالغضب وحب الانتقام لنفسك
لاتبحثي عن الغضب والنكد لا تركزي على تفاهات وتفاصيل يمكن تجاوزها حان وقت تغيير حياتك ادركي القادم من حياتكم وابحثي عن السعاده ييه عواصف الغضب ودعيها تمر ولاتتعدى كونها توابل تجعلكم اكثر اشتياقا لبعضكم البعض
اعلم ان الموضوع طويل ولكن اتمنى ان تستفيدوا منه وشكرا لحسن متابعتكم ولاتنسوني من دعواتكم
ولااحلل النقل بدون ذكر المصدر

استشاريه اسريه ونفسيهAsmaa Sami

@quratainyy

١٠ نصائح للأزواج لضمان حياة زوجية هادئة:

١. لو مراتك قالت لك أنا زعلانة منك قل لها "أنا آسف" من غير ما تعرف ليه.

٢. لو مراتك قالت لك إنت مبقتش بتحبني قل لها؛ والله بحبك أكتر من الأول ومتخشش في جدال؛ وصوم ٣ أيام بنية إهداء ثوابها لزوجتك حبيبتك.

٣. علميا الست بتفكر وهي نايمة؛ فخد أحلامها على محمل الجد؛ لأنها بالنسبالها مش أضغاث أحلام؛ دا يقين.

٤. والله لو انت "بل جيتس" مراتك هتعرف الباسوورد بتاع تليفونك؛ فبلاش تاخد راحتك؛ إن كنت عاوزها ما تاخدش روحك؛ دا غير إن الاستقامة حلوة.

٥. اتعصب واستغرب وشهد طوب الأرض لما "أنثى بكبريائي" تعملك لايك؛ واتهم الناس انها مش بتراعي الخصوصية؛ وصرح إنك بالشكل دا هتقفل الأكونت بتاعك.

٦. إنت دايماً غلطان.. هي دايماً صح ..

٧. العيال الصغيرة أجهزة تصنت وتجسس بالغة الدقة.. هتصدقهم وتكدبك.

٨. إياك ثم إياك ثم إياك تعرفها إن حد من اصحابك اتجوز على مراته؛ ولو حصل وعرفت قل لها إن حد الله بيني وبينه؛ واغلط فيه؛ هو هيسامحك بس هي لا.

٩. كراجل بتؤمن بالمنطق؛ والتفسير الواقعي؛ معها يجب أن تضيف لمنطقك منطق جديد يسمى "هي كدا" بلا أي تفسيرات أو سياق واقعي؛ "اللي تشوفيه" مخرجك من هذا المأزق.

١٠. لو قالتلك صدقني هتندم؛ يبقى صدقني هتندم.

-الزوجه : ما حضنيش يوم وفاه أبويا
و هو عارف اني كنت محتاجه ده
انا محستش انه وقف جنبي و لا قدم اي دعم

*الزوج : عملت لها كل حاجه من اول ما تعب باباها لحد تكاليف المستشفي و حجز العزاء كله كان علي حسابي

و كل جمعه من يوم الوفاه و انا بوصلها تزوره
وهي سابت كل ده و بتقولي انت محضنتنيش يوم الوفاه
اي الكلام الفارغ ده

-الزوجه : كل ما اقوله خليك جنبي يقولي ما انا جنبك اهو
معقول مش فاهم اني بمر بظرف صعب

*الزوج : كل شويه تقولي خليك جنبي
ما انا جنبها هو انا مسافر منا موجود
اسيب انا شغلي بقي و اقعد جنبها اطبطب و اعيط
———————————

مشكله التواصل التواصل ثم التواصل بين الازواج و في كل العلاقات ❌

•أي حد مستني حد يفهمه و يلبي له احتياجاته بدون ما يعبر عنها
( بشكل واضح و صريح و قابل للتطبيق )
يعرف إنه هيفضل طول عمره يشتكي

•أي حد مصمم يدي بطريقته / يحب بطريقته / ومش شايف احتياجات الطرف التاني
هيعيش تعيس

•أي حد معندوش استعداد يسأل أكتر / يقرب أكتر/ يفهم أكتر
هيعاني من نفس المشاكل لحد ما يموت

•و أخيراً أي حد هيسفه و يستخف بالإحتياجات النفسيه لحد يبقي معندوش ريحه الإنسانية❌

لما تلاقي زوجة بتقول انها مش هتقدر تاخد قرار في حاجة إلا لما ترجع لجوزها أو تلاقي زوج بيعمل نفس الحاجه ويقول هتكلم مع مراتي الاول واخد رأيها .. دا مش معناه ان الست دي مقهورة بقي ولازم تستأذن جوزها وإنه ممشيها عالعجين ،، ولا معناه ان الراجل ضعيف الشخصيه وإنها مشبشباله وماشي بكلام مراته .. لكن دا معناه ان الأتنين فاهمين ومحترمين ان قراراتهم بتأثر علي بعض وعلي بيتهم وأي قرار هياخده اي حد فيهم لازم يكون بالتشاور عشان محدش يتضرر أو يتضايق أو علي الأقل يكون مرتب حاله ومواعيده وهكذا ... هو الموضوع مش حرب .. الموضوع انه بيت ♥️♥️
-

💑الحيــــاة الزوجــــية💑

👈🏻روجي لنفسك✨.. لتنالي إعجاب زوجك😍

🔹 الرجل يقتنع بما تروجه المرأة عن نفسها.. فكثير من الزوجات تتوقف عن الترويج لنفسها بعد الزواج بينما تهتم بذلك اشد الاهتمام قبل الزواج..

👈والسبب انها بعد الزواج تظن انها امتلكت هذا الزوج وايقنت انه لن يكون لغيرها ابدا ! ولن يتغير عما هو عليه🤔

👈🏻فعلى سبيل المثال ان كانت عيونها صغيره تقول لزوجها : اثبتت الدراسات ان ذوات العيون الصغيرة اكثر رومانسية من غيرهن ..👌🏻

⚜ولو كانت من النساء السمينات تقول : ان المرأة السمينة هي الأكثر اثارة للرجل
..الخ

🌺بحيث انها تجعل عيوبها مزايا مثيرة💕

👈🏻فالرجل يقتنع بما يُقال له حتى وان كان غير صحيح..!
فلا تظهر له عيبا فيها ابدا.. 🙅🏻بل العكس حتى لو كانت مثلا تعبت من شغل البيت والطبخ وغيره وكانت رائحتها غير مستساغه فلا تحسس الزوج بهذا الشي..🚫
بل العكس تقول له :
(مع اني ما اخذت الدوش للحين الا اني احس ان ريحة العطر اللي كنت حاطته فايحة مني الى الحين.. 💕/ امممممم يا حلو هالريحة خصوصا بعد الشغل بالبيت👍🏻 )..الخ

🌺والزوج حتى لو كانت رائحتها عكس ما روجت له فهو بيشم ريحة عطر منها تفوح😳!

أبويا الله يرحمه أول ما تزوجت نصحني نصيحة العمر
.
لما شافني بنتقد زوجتي كتير قال لي : كثرة النقد هتخليها تكرهك أو تكره وجودك وهيعمل حاجز بينكم
.
قلت له بس انا بنتقدها في أمور كلها أنا عندي حق فيها ووجهة نظري هي الصح
.
قال لي : البني آدم بطبعه صدره يضيق بالنقد ويستثقل النصيحة حتى لو فيها مصلحته
.
.
واحد صاحبي رحمه الله كان مهندس ديكور وكان موضب لينا محل جديد وفخم
.
أول ما دخلت المحل يوم الافتتاح أول حاجة عيني وقعت عليها عيب واضح في السقف
.
قلت له : فيه مشكلة في السقف يا باشمهندس
.
قال لي : عينك ماشافتش في المحل كله غير العيب اللي في السقف ؟
.
كان ممكن تقولي الله ينور ،وتسلم ايدك على تعبك ومجهودك وبعدين في الآخر تنبهني على العيب الموجود
.
.
لما زوجتك تكون واقفه ساعتين في المطبخ بتعمل الأكل وبعدين تسألك عن رأيك إوعى تقولها إلا تسلم ايدك وحاجة عظمة وماحصلتش وخلي ملاحظاتك في مكان وزمان تاني
.
لو زوجك جايب هدية بسيطة أو عزمك عزومة مش واو بس هي اللي في مقدرنه = لازم تخليه يشوف في عينيكي لمعة الفرحة والشعور بالامتنان
.
الكلمة الحلوة نعمة ، الكلمة الحلوة دواء ، الكلمة الحلوة طاقة إيجابية وأعظم من أي هدية
.
لم تكن الكلمة الطيبة صدقة من عبث = بعض الكلمات تعيد روحك من حافة السقوط ، وبعضها يهوي بك في مكان سحيق

الجواز عمره ماكان فكره فاشله ولامرعبه ،
#اتجوزو ع فكره 💜 الجواز حلو بجد ... لما تختار شريك حياتك صح 👌
هما بيحكولكم عن المشاكل والارهاق والتعب بيحكوا بس عن شيل الهم والظروف والايام الصعبه
مابيحكوش عن الونس والحضن اللى بيطمن في ليالي الشتا والسند ايام الشدائد 🤝
ولا بيحكوا عن الضحك وقت الهزار بينهم ☺️
ولا عن خوف كل واحد فيهم ع التاني وقت التعب 😫
مش بيحكوا عن التفاصيل الحلوه الي مش بتتنسي
ولاعن معاكسته ليها وهي متضايقه 😉
ولا عن التلاكيك الي بتيجي وقت الخصام علشان يجرو كلام مع بعض 😏
بيحكوا عن تعب الولاده بس مش بيحكوا احساس اول حضن حضنوه للبيبي وشموا ريحته ويحكوا عن وجع دماغ الاطفال وينسوا انهم بيلعبوا بيهم بس علشان يضحكوهم وينسوا ان فيه ناس كتير تتمني طفل 👌
بيحكوا عن شيل الهم ...ومش بيحكوا عن جمال انك تكوني اميره ف مملكتك ام وليكي زوج وابناء وانتي المسؤله عنهم
بيذكروا كل شئ يكرهكم ف الجواز
بس بينسوا يحكوا احلى لحظات هتفضل مترسخه جواهم عايشين عليها لكن عايشينها لنفسهم
لانهم قرروا يحتفظوا بيها لنفسهم ويحكوا بس الوحش
اتجوزو لان الجواز فعلا يستاهل تضحي بحريتك علشان تشتري امان طول العمر 💞
اتجوزو لان الجواز فعلا يتحب 🥰
لكن الاختيار بيفرق

متتجوزيش لو مبتعرفيش تقولي حاضر ونعم🙏❤️ وحقك عليّ وزعلك عندي بالدنيا
متتجوزيش لو مش فاهمة أن أوقات كتير ممكن تقولي أنا آسفة حتى لو أنتِ مش غلطانة ومعملتيش حاجة لمجرد أنك تطيبي خاطر زوجك وتحسسيه أنه زعله متقدر 🙏❤️..

متتجوزيش لو مش قادرة تفهمي طباع الرجل وفطرته وتركيبته المختلفة تمامًا عنك ، وأنكم هتقعدوا فترة محترمة تقربوا لبعض وجهات النظر واحتياجاتكم وتصبروا كتير لحد ما كل واحد يفهم التاني ، لا هو عمره هيكون أسماء صحبتك ولا أنتِ هتكوني مدحت صاحبه ، كل واحد بيستقبل الأمور وبيشوفها بتركيبته وفطرته ، فلازم تفهمي الاختلافات بين الرجل والمرأة عشان تقدري تتعاملي ..

متتجوزيش لو مابتعرفيش تتخانقوا باحترام :)) ودا من الخطوبة ، لو لقيتي أن كل خلاف بينكم لازم صوتكم يعلى فيه وممكن يحصل تجاوز في حقك منه أو تجاوز في حقه منك أو تتكلموا بعدم احترام مع بعض ، فاعرفي أنكم غير مؤهلين لسة ، أهم ما في الخطوبة أنكم تتعلموا تديروا خلافاتكم ومشاكلكم بدون تطاول وبدون تجريح وأذى .

متتحوزيش لو مش عارفة أن الزواج مسئوليات كتير فوق بعض وحياة فيها الصعب الي لازم تتأقلمي عليه وتتحمليه وفيها الجميل الي بيهون الصعب دا ، يعني جو الأفلام الهندي والتركي دا مش موجود والحياة مش وردية بالشكل الي أنتِ متخيلاه خالص

متتجوزيش لو هتفضلي واقفة ع الواحدة ، أنا عارفة أن النساء بتتجرح بسرعة وأقل شيء بيأثر فيها ودي طبيعتها ولا بأس ، بس بلاش جو دراما كوين دا الله يباركلك .. فرقي بين هرموناتك ومشاعرك الطبيعية وبين أنك تكوني اوفر ونكد زيادة عن اللزوم وبتعملي من أقل حاجة مشكلة كبيرة :)))

متتجوزيش لو مش عارفة يعني إيه أنثى وأنك أوقات كتير هتستخدمي ذكاءك الأنثوي عشان تحافظي على بيتك ، الكلمة الحلوة والطبطبة ومعلش وحقك عليّ ، وأيوة عندك حق .. بتمشي المركب وبتعدي مواقف كتير لولا احتواءك للأمور كانت المركب غرقت .

الزواج محتاج صبر وصبر وصبر وتأقلم عشان تلاقي بيت طيب وهادي ، غير كدا المركب هتاخدكم وتغرق .🤝🤝❤️🙏❤️🙏❤️