Ғиждувон туман ҳокими Ашуров Шерзод Раҳимович Потребитель Бухара канали мухбири Учқун Турсуновга эксклюзив интервью берди. “Янги Ўзбекистон ёшлари бирлашайлик!” шиори остидаги гала концертининг илк чиқиши ва табрик сўзи учун ҳоким саҳнага кўтарилди…

Тезкор журналистимиз Учқун Турсунов Пойикалон тарихий мажмуасидаги тақдирлаш маросимини АОКАнинг Бухоро вилоят бошқармаси вакиллари ҳамкорлигида ёритиб бормоқда.
Ҳаяжонли дақиқалар бошланмоқда. Хўш 19 давлат вакиллари орасидан энг билимлилар дея қай бири эътироф этилади..?

#Айнивақтда

Ғиждувон туман ҳокими ёшларни 30 июнь ёшлар куни билан табриклади ва мотивация берувчи илиқ истаклар билдирди…

ABU ALI IBN SINO NOMIDAGI XALQARO BIOLOGIYA OLIMPIADASI TAQDIRLASH MAROSIMI
 
PRЕSS-RЕLIZ
13-iyun                                                                                   Buxoro shahri
Xabaringiz bor, joriy yilning 9-13-iyun kunlari Maktabgacha va maktab ta’limi vazirligi tomonidan Buxoro viloyati, Buxoro shahrida ilk marotaba Abu Ali Ibn Sino nomidagi xalqaro biologiya olimpiadasio‘tkazildi.
Bugun qadimiy Buxoro shahridagi tarixiy Poyi Kalon majmuasida mazkur olimpiada g‘oliblarini taqdirlash marosimi bo‘lib o‘tdi. Unda Maktabgacha va maktab ta’limi vaziri Hilola Umarova, viloyat mas‘ullari hamda keng jamoatchilik vakillari ishtirok etdi.
Tadbirda ta’kidlanganidek, mazkur olimpiadada dunyoning 17 ta — Rossiya, Saudiya Arabistoni, Tojikiston, Qozogʻiston, Qirgʻiziston, Turkmaniston, Mongoliya, Ozarbayjon, Hindiston, Quvayt, Belorus, Qatar, Gruziya, Tailand, Vyetnam, Xitoy, Turkiya mamlakatlaridan kelgan hamda O‘zbekiston vakillaridan iborat 120 nafarga yaqin o‘quvchi-yoshlar ishtirok etdi.
Xalqaro olimpiadaning yuqori saviyada o‘tishi uchun hakamlar hay’ati tarkibiga mahalliy va xorijiy mamlakatlar — Turkiya, Ozarbayjon, Rossiya, Belorus, Qirgʻiziston davlatlaridan akademik, professor-o‘qituvchilar hamda tajribali mutaxassislar jalb qilindi. Sinov topshiriqlarini shakllantirishda xalqaro olimpiada metodologiyasi talablariga alohida e’tibor berildi.

15-18 yoshli o‘smirlar o‘rtasida o‘tkazilgan Abu Ali Ibn Sino nomidagi xalqaro biologiya olimpiadasi 2 turda tashkil etildi.
 
1-tur yozma ish (nazariy) shaklida oʻtkazilib, ishtirokchilarga turli qiyinlik darajasidagi 50 tatopshiriq berildi— jami 100 ball bilan baholandi. Mazkur tur topshiriqlarini bajarish uchun ishtirokchilarga 3 soat vaqt ajratildi.
2-tur amaliy ish shaklida oʻtkazilib, 2 ta topshiriq berildi va har biri 50 balldan maksimal 100 ball bilan baholandi. 2-tur topshiriqlarini bajarish uchun 3 soatvaqt ajratildi.
Olimpiada doirasida o‘quvchi-yoshlar uchun xalqaro mutaxassislar ishtirokida bir qator mahorat darslari o‘tkazildi. Bundan tashqari, olimpiada ishtirokchilari va mehmonlar uchun Buxoroning tarixiy va madaniy obidalariga sayohatlar tashkil etilib, yurtimizning madaniy va ma’rifiy merosi bilan yaqindan tanishtirildi.