XAVFSIZLIK UCHUN

Namangan viloyati hududida jamoat xavfsizligini taʼminlash, jinoyatchilikni “mahallabay” jilovlash va huquqbuzarliklarning barvaqt oldini olish borasida boshqa huquqni muhofaza qiluvchi organlar bilan hamkorlikda rejaviy tadbirlar ishlab chiqilib, bir qator ishlar amalga oshirildi.
Xususan, Davlatobod tuman IIB, prokuraturasi hamda Milliy Gvardiya bilan hamkorlikda mahallalarda oldini olish mumkin bo‘lgan huquqbuzarliklarni, ayniqsa, tan jarohati yetkazish va bezorilik jinoyatlarining oldini olish bo‘yicha 481 ta ko‘p qavatli uyga “Tashvish tugmalari” o‘rnatilib, ishlash tartibi yuzasidan aholi o‘rtasida profilaktik targ‘ibot tadbirlari o‘tkazildi.
Shuningdek, mahalla hududidagi savdo do‘konlari, maishiy xizmat ko‘rsatish shoxobchalari, ijtimoiy soha obyektlari va ko‘ngilochar maskanlariga videokuzatuv moslamalarini o‘rnatish hamda profilaktika inspektorlarining xizmat xonalariga integratsiya qilish ishlari yanada jadallashtirildi.
O’z muxbirimiz,
Namangan viloyati.
👉 @postdarasmiy

“Diplomat” jamoasi ikkinchi

Yoshlarning kasbiy saviyasini yanada yuksaltirish hamda kitobxonlikka boʻlgan qiziqishlarini oshirish maqsadida, Toshkent shahar hududida joylashgan huquqni muhofaza qiluvchi organlari yosh xodimlari oʻrtasida “Ajdodlar izidan” intellektual oʻyini oʻtkazildi.
Mazkur intellektul oʻyinda jami 32 ta jamoa ishtirok etib, murosasiz bahslarga kirishishdi. Yakuniy natijaga koʻra, Toshkent shahar IIBB idora va tizimlarida faoliyat yuritayotgan xodimlardan tuzilgan “Diplomat” jamoasi faxrli 2-oʻrinni qoʻlga kiritdi.
Sarvar SOBIROV,
oʻz muxbirimiz.
Toshkent shahri.
👉 @postdarasmiy

КИТОБ – БЕМИННАТ ДЎСТ

Қачонки китоб ҳақида сўз очилгудек бўлса, Афлотуннинг "Китоб – соқов ўқитувчи" деган ҳикматли ибораси ёдимга тушади. Чиндан ҳам шундай. Китоб ҳам бамисоли ўқитувчи, фақат у овоз чиқариб гапирмайди. Ўқимишли инсон билан ўзаро суҳбатинг ҳам завқли кечади.
Жойларда ўтказилаётган китобхонлик тадбирларида ҳам фаол китобхонлар кўпчиликни ташкил этаётгани қувонарли. ИИВ Қоровул қўшинларига қарашли 7535-ҳарбий қисмнинг 2-батальонида бўлиб ўтган китоб ярмаркасида ҳам бу бебаҳо билим манбаига меҳр қўйган ёшлар талайгина эканлигига гувоҳ бўлдик.
Китоб ярмаркасида ҳарбий хизматчилар нафақат ўзбек адабиёти намуналарини, балки жаҳон адабиёти дурдоналаридан ҳам сотиб олиб, шахсий кутубхоналарини бойитишди.
– Ҳарбий хизматчиларга ўқиш учун тавсия этилган китоблар рўйхати мавжуд, – дейди батальон командирининг тарбиявий ва мафкуравий ишлар бўйича ўринбосари Шахбозжон Тиловов. – Шахсий таркиб томонидан ушбу китобларни доимий ўқиб бориши йўлга қўйилган
Нилуфар ДАВИДОВА,
журналист.