ЛИЦЕЙДА «УЧ АВЛОД» УЧРАШУВИ

ИИВ Қорақалпоқ академик лицейида «Уч авлод» учрашуви бўлиб ўтди.
Унда Қорақалпоғистон Республикаси ИИВнинг маслаҳатчиси, истеъфодаги полковник О.Турдақов, вазирликнинг Фахрийлар кенгаши раиси Ф.Санкибаев, Шимоли-Ғарбий ҳарбий округи фахрийлар кенгаши раиси, истеъфодаги подполковник А.Юсупов, округ фахрийлар кенгаши аъзоси, истеъфодаги подполковник Б.Юлдашевлар иштирок этди.
Учрашувда сўзга чиққанлар ўзларининг меҳнат фаолияти, узоқ йиллар давомида тўплаган бой тажрибаси билан ўртоқлашиб, бугунгидек дориломон кунларга етишиш йўлида фидокорна хизмат қилган ходимларнинг хотирасини ёдга олишди.
Тадбир давомида бир қатор фахрийларга Ўзбекистон Республикаси ИИВ Фахрийлар кенгашининг кўкрак нишонлари, шунингдек, ўқиш ва жамоат ишларида тенгдошларига намуна бўлиб келаётган академик лицей ҳамда Нукус «Темурбеклер мактаби» ўқувчиларига «Фахрий ёрлиқ»лар тантанали равишда топширилди.
Азамат ПИРНИЯЗОВ,
ўз мухбиримиз.
Қорақалпоғистон Республикаси.
👉 @postdarasmiy

Migrantlar yurtga qaytarilmoqda

Pop tuman IIB, prokuratura va tuman hokimligi bilan hamkorlikda mehnat migrantlari va ularning oila aʼzolari bilan muloqot o‘tkazildi.
Bugungi kunda Pop tumanida 5 737 nafar mehnat migrantlari mavjud bo‘lib, ular asosan Rossiya, Qozog‘iston, Qirg‘iziston, Janubiy Koreya, Turkiya davlatlarida ish bilan band.
Tadbir davomida ish topolmay sarson bo‘lib yurgan migrantlar bilan telefon orqali muloqot qilinib, shu yerda ham oylik ish haqi yaxshi bo‘lgan 1 500 dan ziyod bo‘sh o‘rinlari borligi, qolaversa, 420 gektar yer maydoni auksionga chiqarilib, shartnoma asosida berilayotgani aytildi hamda yurtga qaytish tavsiya qilindi.
Migrantlar va ularning oila aʼzolari tomonidan qilingan murojaatlar alohida nazoratga olindi.
O’z muxbirimiz,
Namangan viloyati.
👉 @postdarasmiy

Yakka tartibda suhbat

Davlatodob tumanida bir necha marotaba sudlangan, hozirda ozodlikni cheklash jazosini o‘tayotgan shaxslar bilan yakka tartibda muloqot o‘tkazildi. Ular bilan ushbu suhbatda yo‘l qo‘yilgan qonunbuzarlik va uning sodir etilish sabablari ko‘rib chiqildi hamda bu kabi holatlarga qayta qo‘l urmaslik yuzasidan ogohlantirildi.
Shuningdek, nizoli oilalar bilan ham yakka tartibda ishlanib, muammolari o‘rganildi va hal etish choralari ko‘rildi.
O‘z muxbirimiz,
Namangan viloyati.
👉 @postdarasmiy

КЎНГИЛЛАРГА ҚУВОНЧ УЛАШИБ

ИИВ Қоровул қўшинлари фахрийлари мазкур тузилма сафида фаолият юритиб, хизмат бурчини бажариш чоғида ҳалок бўлганларни ёд этишди. Улар марҳумлар Фазлиддин Ҳусанов, Элдос Аширқулов, Ирода Асрақулова ҳамда Элдор Қўзиевларнинг хонадонига бориб, оила аъзолари ҳолидан хабар олишди. Кўрсатилган бундай эътибордан кўнгли кўтарилган хонадон аҳли фахрийларга миннатдорлик билдиришди.
Фотима ХОЛБОЕВА,
истеъфодаги кичик сержант.

👉 @postdarasmiy

Murojaatlarga eʼtibor

Toshkent shahar IIBB rahbariyati tomonidan tashkillashtirilgan navbatdagi qabulda 42 nafar fuqarodan turli masalalarda murojaatlar kelib tushdi. Ular ijtimoiy himoya, ishga kirish, tergov-surishtiruv, pasport-viza, mol-mulk va pul mablagʻlarini undirish, svetofor va yoʻl belgilarini oʻrnatish, xizmatni oʻtash va xodimning ijtimoiy himoyasi kabilarni tashkil etdi.
Murojaatlarni oʻrganish natijasida ularning 27 tasi joyida ijobiy hal etildi, 11 tasi yuzasidan malakali huquqiy maslahatlar berildi, 4 tasining ijrosi nazoratga olindi.
Oʻz muxbirimiz.
Toshkent shahri.
👉 @postdarasmiy