🚨👮🏽‍♂️🔞Наманган вилояти ИИБ хабар беришича, ҳолат жорий йилнинг 11 июн куни соат 11:30 ларда Поп тумани, Маданият маҳалласи ҳудудида жойлашган билярд клубида содир бўлган.

Икки гуруҳ ёшлар ўзаро жанжаллашиб, улардан уч нафари турли даражадаги тан жароҳатлари олишган.

Жумладан, Масъудбек. Т. (видеодаги шахс) ҳодиса натижасида оғир тан жароҳати олган.

Мазкур ҳолат юзасидан 11.06.2024-йилда Поп тумани ИИБ ҳузуридаги Тергов бўлинмаси томонидан ЖКнинг 104-моддаси 2-қисми "э, л" бандлари билан жиноят иши қўзғатилиб, айбланувчига нисбатан қамоққа олиш тарзидаги эҳтиёт чораси қўлланилган.

Шунингдек, айбланувчининг ушбу ҳаракатларига дахлдор бўлган қолган шахслар ҳам жиноят иши бўйича Ўзбекистон Республикаси ЖКнинг 277-моддаси 2-қисми “б” банди билан гумон қилинувчи тариқасида ишда иштирок этишга жалб қилинган ва қонуний қарор қабул қилиниши таъминланади.

Ҳозирда Поп тумани ИИБ ҳузуридаги Тергов бўлинмаси томонидан тергов ҳаракатлари олиб борилмоқда ва жиноят иши Наманган вилояти ИИБ томонидан алоҳида назоратга олинган.

Тармоқда тарқалган мурожаат

Бугунга келиб, болани уришда қатнашган 5 кишилик гуруҳнинг фақат биттасига айб юкланиб, қолганлари чиқиб кетган.
Айтишларича, ўша гумонланаётган бола - оддий оиланинг боласи бўлгани учунгина тергов изоляторида қолган.

Қолганлар ва жанжалда асосий фигурант деб айтилаётган йигитнинг ота-онаси эса боласи жон олиб-жон бераётган Вазира опага ишни босди-босди қилиш учун пул таклиф қилишган.

Вазира опа аслида йигитчанинг иккинчи онаси.

Масъудбекнинг туққан онаси 2 ёшида саратондан вафот этган. Йигитча айни вақтда тирик қолиш учун курашмоқда.

Бунинг устига, фарзандининг аҳволини кўриб, отаси инфаркт бўлган, у ҳам ўз ҳушида эмас, битта реанимацияда ота ва бола ётишибди.

Онаизорнинг истаги қонун йўли билан иш тўғри ўрганилишини, ҳар бир айбдор жазоланишини истайди.

@Police_UZ - Танқид ва таҳлил 👈🏽