إذا فكرت بيوم ما أكتم وأروح أفضفض لشخص وحسيته أستصغر مشكلتي وقارنها وياه وشافها دراما وأني بطرانة، ما أتخيل شگد راح أزعل علىٰ نفسي لأن أختاريت الشخص الغلط، باللحظة الّي أفكر بيها أكسر حاجز الكتمان وتالي ألگه ردة فعل تقيم بيها مشاعري وتشوفها ما تسوه حيل صعبة.
أنت تگدر تقيم لبسة ما عجبتك، فد أكله أو نص قريته أو تنطي رأيك بشي عام بس المشاعر ما تتقيم لأن قيمتها بس عند الشخص الّي عايشها وحاس ومار بيها، صراحة مو من الأنصاف نخلي مشاعرنا عرضة للتقييم وإذا المقابل شافها تستاهل معناها أوك أني وشعوري مو دراما!.
أنت تگدر تقيم لبسة ما عجبتك، فد أكله أو نص قريته أو تنطي رأيك بشي عام بس المشاعر ما تتقيم لأن قيمتها بس عند الشخص الّي عايشها وحاس ومار بيها، صراحة مو من الأنصاف نخلي مشاعرنا عرضة للتقييم وإذا المقابل شافها تستاهل معناها أوك أني وشعوري مو دراما!.
بنهاية كلّ يوم ومهما صار وشنو عشت بيه، خليك مُمتن لله ولنفسك أنّك وصلت لنهايته وأنت مُحاول وياه گد ما تگدر يكون تمام، بداية اليوم وصعوبة أوّل خطوة بيه من تگوم من الفراش حتّىٰ تبديه ومحاولتك وي سعيك وتحملك تعبه، وأبتسامتك ومعاملتك الطيبة وي الّي حواليك، وجهدك حتّىٰ تستمر وتتعلم وما تعيد الغلط، ومقاومتك لرغبتك أنك توگف وتعوف كلشي، كلّ ذولي وأكثر من الّي تقدمه لحد أخر ساعة من يومك يستحق تفتخر بيه وتحمد الله عليه حتّىٰ لو ما شفت نتيجة لهالتعب يكفي محاولتك أنها بعين الله وما تضيع.
نُقطة.
بنهاية كلّ يوم ومهما صار وشنو عشت بيه، خليك مُمتن لله ولنفسك أنّك وصلت لنهايته وأنت مُحاول وياه گد ما تگدر يكون تمام، بداية اليوم وصعوبة أوّل خطوة بيه من تگوم من الفراش حتّىٰ تبديه ومحاولتك وي سعيك وتحملك تعبه، وأبتسامتك ومعاملتك الطيبة وي الّي حواليك، وجهدك…
حتّىٰ لو مر عليك يوم ما گدرت تسوي بيه شي بس قررت تاخذ أستراحة وتفهم بيه شعورك وشنو الّي تحتاجه هالشي يساعدك بشرط تعرف شنو الخطوة الجاية من هالراحة المؤقتة، ولا تقلق أنت مو بسباق وي غيرك بس بسباق وي نفسك حتّىٰ توصلها للأحسن والّي تستحقه فَ أتعب علمودها وأسترخي وأخذ نفس من تحتاج .. لا تتجاهل هالرغبة.
أعرف شگد المرضىٰ يعانون ويتألمون وحقهم من يكونون تعبانين ومالهم خلگ للأسئلة والفحص كلّش منطيتهم الحق لأن أعرف شگد الواحد يتعب من يتمرض، بس يبقون المرضىٰ ومرافقيهم الّي ملگاهم حلو ودعواتهم علىٰ طول وگفتنا وياهم ومساعدتهم ومحاولتهم إنو يفيدونا كلهن بگلبي.
أحِبّ صور الرحمة الّي تتجلىٰ بتصرفات بعض عباد الله، أحِبّ إنو التصرف اللطيف والكلمة الحلوة بعدها موجودة بأكثر الأوقات صعوبة، مرة قريت سطر من اقتباس يگول "أنا علىٰ يقينٍ تامٍّ بأن الله يرعىٰ قلب من يُراعي قلوب خلقِه"، وأني هم علىٰ يقين بهالشي ومتأكدة منه.
لولا اليقين بالله فلا گدرت أستمر بهالطريق وأواصل سعي لحد هاللحظة،
ولا گدرت أتخطىٰ الليالي الصعبة والأيّام المُرة،
ولا عرفت شلون أتحمل الذكريات وشعورها،
ولا بقيت أدعي بگلب متأمل خير رغم أحِسّ مرات إنو لا يمكن الباب مو بابي،
لولا هاليقين ما گدرت أصبر علىٰ الظروف المتعسرة ومن كلشي يجي عليه ويريد مني،
الحمدلله يا ربّ إنو هاليقين موجود بمكان بروحنا وگادر يكبر وي الوقت بأيماني التام بيك وتوكّلي عليك، واثقة يا ربّ ومؤمنة بـ قوة حكمتك وتدبيرك للأمور وإنو كلشي عكس الّي تمنيته راح يتصلح ويترتب باللي يناسب حياتي ويرضيني.
ولا گدرت أتخطىٰ الليالي الصعبة والأيّام المُرة،
ولا عرفت شلون أتحمل الذكريات وشعورها،
ولا بقيت أدعي بگلب متأمل خير رغم أحِسّ مرات إنو لا يمكن الباب مو بابي،
لولا هاليقين ما گدرت أصبر علىٰ الظروف المتعسرة ومن كلشي يجي عليه ويريد مني،
الحمدلله يا ربّ إنو هاليقين موجود بمكان بروحنا وگادر يكبر وي الوقت بأيماني التام بيك وتوكّلي عليك، واثقة يا ربّ ومؤمنة بـ قوة حكمتك وتدبيرك للأمور وإنو كلشي عكس الّي تمنيته راح يتصلح ويترتب باللي يناسب حياتي ويرضيني.
يا ربّ بعده هالگلب يحاول يتعلم علىٰ الرضا، بعده يحاول ينظر للأمور باللي تريده يشوفه، بعده ينتظر هالمرحلة الّي يوصل ألها وكلشي عنده متساوي وما تفرق عنده لا تأخير دعاء ولا نتيجة علىٰ سعي ولا فوات الفرص ولا ينتظر شي من أحد، بعده يحاول علمود اللحظة الّي يكون بيها واثق من تدبير رب العالمين وإنو الّي يجي منه سبحانه هوَ الّي بيه نجاته وخيره وصلاحه، ويا ربّ يجي يوم ورا كلّ هالجهد والمحاولات يوصل.
ما أعرف شنو صار وياك،
وشنو تمنيت وسعيت ودعيت بيه وما صار،
ما أعرف شنو الشعور الّي تحسه وشلون مأذيك،
ويمكن هسّة ما عندك طاقة علمود ترجع تحاول من جديد،
ويمكن أكو صراع بداخلك بين إنو ترضىٰ وترجع تحاول لو توگف وتغير الطريق،
ما أعرف ولا ألي حق أقيم الّي تحسه،
بس الّي أعرفه إنو ألها مُدبر،
يمكن تعيش أيّام حزينة علىٰ روحك بس مصيرها تنتهي،
وشعور أنك مؤمن بحكمة رب العالمين والّي صار رغم أنه مو سهل علىٰ گلبك هم ما راح يضيع،
أحاول أصبرك باللي أستخدمه وي نفسي وأصبرها بيه،
إنو شگد ما تخربط الوضع وصار عكس الّي نريده وتغيرت الخطط، أكو طريق مثل مخرج طوارئ يختصر علينا طرق هواي بس شوكت يصادفنا وشوكت نوصله ويصير گدامنا هالشي ربنا أعلم بيه ومرتبها ألنه، ما راح يعوفنا بنص الطريق الّي خلانا بيه ولا راح يتركنا نواجه الفوگ طاقتنا وحدنا ولا راح يعوفنا لأفكارنا بدون ما ينطينا أشارة تهدئنا ولا راح يخلينا نتمسك بشي ونسعاله ألا ووياه درس نتعلمه، هيَ هيچ بكلّ الحالات رب العالمين ينطي وياخذ وبالحالتين يعلمنا فد شي يساعدنا بحياتنا.
وشنو تمنيت وسعيت ودعيت بيه وما صار،
ما أعرف شنو الشعور الّي تحسه وشلون مأذيك،
ويمكن هسّة ما عندك طاقة علمود ترجع تحاول من جديد،
ويمكن أكو صراع بداخلك بين إنو ترضىٰ وترجع تحاول لو توگف وتغير الطريق،
ما أعرف ولا ألي حق أقيم الّي تحسه،
بس الّي أعرفه إنو ألها مُدبر،
يمكن تعيش أيّام حزينة علىٰ روحك بس مصيرها تنتهي،
وشعور أنك مؤمن بحكمة رب العالمين والّي صار رغم أنه مو سهل علىٰ گلبك هم ما راح يضيع،
أحاول أصبرك باللي أستخدمه وي نفسي وأصبرها بيه،
إنو شگد ما تخربط الوضع وصار عكس الّي نريده وتغيرت الخطط، أكو طريق مثل مخرج طوارئ يختصر علينا طرق هواي بس شوكت يصادفنا وشوكت نوصله ويصير گدامنا هالشي ربنا أعلم بيه ومرتبها ألنه، ما راح يعوفنا بنص الطريق الّي خلانا بيه ولا راح يتركنا نواجه الفوگ طاقتنا وحدنا ولا راح يعوفنا لأفكارنا بدون ما ينطينا أشارة تهدئنا ولا راح يخلينا نتمسك بشي ونسعاله ألا ووياه درس نتعلمه، هيَ هيچ بكلّ الحالات رب العالمين ينطي وياخذ وبالحالتين يعلمنا فد شي يساعدنا بحياتنا.
بكلّ مرة چنت أخاف وأريد أشرد وما حابة أواجه ألگه أختيار رب العالمين يخليني بالجهة وبالنقطة الّي ما أريدها، مو بس بالدراسة حتّىٰ بأمور ثانية چنت ألگه نفسي باللي أخاف منه، يمكن الحكمة إنو رب العالمين يريد يعلمني شلون أواجه وما أبقىٰ أريد السهل ويمكن يريدني أشوف شلون طاقتي أكبر من خوفي وإنو بالتسليم أله حتّىٰ الخوف يخليه بصالحنا وتالي يطلع ما يسوه ويمر بيسر، وكلّ يوم أتأكد إنو "أختر لي ولا تخيّرني" هيَ يقينًا الخير بيها دائِمًا وأبدًا. ♥️
العيب مِن ما تتعلم،
مو العيب مِن تخطأ،
عادي تخطأ أكثر من مرة بس مو عادي من ما تتعلم من هالخطأ،
عادي تتعثر بكلّ مرة بس مو عادي من تقرر توگف وتيأس،
عادي تاخذ أستراحة وتتوقف مؤقتًا،
بس مو عادي من تترك نفسك للكسل والفراغ،
مو عادي من تتمنىٰ تتفوق وأنت ما مقرر تتخذ خطوة فعلية حتّىٰ تحقق الّي تريده،
إحنا بتعلم مُستمر وبكلّ خطأ يصير نتعلم أكثر إذا فعلًا قررنا نخلي الخطأ بجانبنا ونتعلم منه، لُطفًا لا تخلي كثرة الخطأ والعثرات حجّة حتّىٰ توگف، أنت ما نخلقت حتّىٰ تستسلم وتترك كلشي، حقك من تتعب وتستراح ووياك بهالشي بس لا تخليه ياخذ أكثر من وقته، الّي أنطوىٰ فيه العالم الأكبر ما راح يستخسر علىٰ نفسه شوية محاولات بعد علموده مو؟.
مو العيب مِن تخطأ،
عادي تخطأ أكثر من مرة بس مو عادي من ما تتعلم من هالخطأ،
عادي تتعثر بكلّ مرة بس مو عادي من تقرر توگف وتيأس،
عادي تاخذ أستراحة وتتوقف مؤقتًا،
بس مو عادي من تترك نفسك للكسل والفراغ،
مو عادي من تتمنىٰ تتفوق وأنت ما مقرر تتخذ خطوة فعلية حتّىٰ تحقق الّي تريده،
إحنا بتعلم مُستمر وبكلّ خطأ يصير نتعلم أكثر إذا فعلًا قررنا نخلي الخطأ بجانبنا ونتعلم منه، لُطفًا لا تخلي كثرة الخطأ والعثرات حجّة حتّىٰ توگف، أنت ما نخلقت حتّىٰ تستسلم وتترك كلشي، حقك من تتعب وتستراح ووياك بهالشي بس لا تخليه ياخذ أكثر من وقته، الّي أنطوىٰ فيه العالم الأكبر ما راح يستخسر علىٰ نفسه شوية محاولات بعد علموده مو؟.
مرات أكو رسائل توصل بودي ما أفتحهن وأبقىٰ كلّ شوية اتأملهن بالشاشة، ما أريد أدخل للمحادثة ويروح الأشعار منها، أريد عيوني تبقىٰ تقراهن كلما أفتح المبايل وكلما أدخل للبرنامج، الأحساس الحلو الّي يسونه كلّش رهيب، وأصحاب هالرسائل متأكدة ألهم الأجر من يكونون سبب بأبتسامة وجبر خاطر وتهوين علىٰ شخص، شكرًا لهالفئة اللطيفة بالذات الّي دائمًا تذكرني بدعائها ورسائلها الحلوة الّي تخليني أكون مُمتنّة لله عليهم، مكانكم بگلبي وذكركم وي دعائي. 💚
مرات أحِسّ محاولتي صارت حِمل إضافي عليه بعدين أگول لا ميخالف .. لو ما حاولتي چان بقيتي بس تفكرين وتلومين بنفسچ بـ ليش ما حاولت، علىٰ الأقل تغامرين بيها وتتحملين نتائجها وعواقبها أفضل حتّىٰ تتعلمين بعد مو كلشي نحاول وياه حتّىٰ لو روحنا بيه.
أريد أحِسّ بالتنهيدة الّي تطلع ورا راحة جاية من تعب طويل، الّي تحسسني إنو الثقل أنشال من روحي ورجعت نولدت من جديد.
أحِب أتعامل وي الشخص الّي يكون سهل ومريح بالتعامل، ما يعقد عليه الأمور ولا يخليني أستثقل المعاملة واللقاء بيه، إنو يكون وياك شخص ما تتعب وياه تعب إضافي فوگ تعبك فكرة مُريحة وتهون هواي.
أحاول أخلي لاصق حماية علىٰ نفسي الّي تتأثر بسرعة،
لاصق يحميها من المشاعر الّي تخليها واگفة وتحس أنها مقصرة ومو كافية، يحميها من الخارج والّي يصادفها بيه،
لاصق يگدر يحمي هالنفس وما يخليها تتأثر وتنهار،
هالدنيا كلشي بيها وهالنفس معرضة إنو تتغير وي هالدنيا، شعور إنو تعيش يومك من بدايته وأنت تحس ما راح تقدم ولا توصل لنهاية اليوم بالنتيجة الّي تريدها .. شعور مُتعب ويأثر.
أحاول أذكرني إنو إحنا متفاوتين، تفاوت بالسعي، والتفكير، والرأي وكلشي، بس عدنا وقت واحد يمر علينا كلنا، مسؤولية تنظيم هالوقت وأستغلاله صح واجبنا، علمود نگدر نوصل لنهاية اليوم وإحنا راضين علىٰ سعينا مهما كان.
لاصق يحميها من المشاعر الّي تخليها واگفة وتحس أنها مقصرة ومو كافية، يحميها من الخارج والّي يصادفها بيه،
لاصق يگدر يحمي هالنفس وما يخليها تتأثر وتنهار،
هالدنيا كلشي بيها وهالنفس معرضة إنو تتغير وي هالدنيا، شعور إنو تعيش يومك من بدايته وأنت تحس ما راح تقدم ولا توصل لنهاية اليوم بالنتيجة الّي تريدها .. شعور مُتعب ويأثر.
أحاول أذكرني إنو إحنا متفاوتين، تفاوت بالسعي، والتفكير، والرأي وكلشي، بس عدنا وقت واحد يمر علينا كلنا، مسؤولية تنظيم هالوقت وأستغلاله صح واجبنا، علمود نگدر نوصل لنهاية اليوم وإحنا راضين علىٰ سعينا مهما كان.
يا ربّ يا ربّ يا ربّ
روحكم تكون مُطمئنة، وأفكاركم هادئة، وشعور السكينة وراحة البال وجبر الخاطر يرافقكم بأيّامكم .. آمين. 💚
روحكم تكون مُطمئنة، وأفكاركم هادئة، وشعور السكينة وراحة البال وجبر الخاطر يرافقكم بأيّامكم .. آمين. 💚
يا ربّ يجي اليوم الّي ينطوي بيه كلّ هالتعب، وكلّ شعور چان ثگيل علىٰ گلبي، وكلّ عثرة چنت أحسها ما تريدني بهالطريق.
يا ربّ روحي ترجع تصفو من جديد وركام الماضي ينزاح باللي بيه.
يا ربّ أعرف أشوف أحداث حياتي بالطريقة الصحيحة مو بنظرة قلق المصير والخوف .. يا ربّ.
يا ربّ روحي ترجع تصفو من جديد وركام الماضي ينزاح باللي بيه.
يا ربّ أعرف أشوف أحداث حياتي بالطريقة الصحيحة مو بنظرة قلق المصير والخوف .. يا ربّ.
مرات بدل الخطوة نمشي خطوات،
مرة علمود دولة إمام زمانا،
ومرة لأن نعرف شگد روحنا تعبت بهالطريق وتستاهل نهاية حلوة،
ومرة لخاطر أهلنا وجهدهم ونظرتهم وصبرهم الّي مرتقب وصولنا،
ومرة علمود اللحظات الصعبة الّي خلتنا نوگف ونشوف نفسنا مو گدها،
والحمدلله إنو رب العالمين مطلع علىٰ هالخطوات وشاهد علىٰ الّي نبذل بيه.
مرة علمود دولة إمام زمانا،
ومرة لأن نعرف شگد روحنا تعبت بهالطريق وتستاهل نهاية حلوة،
ومرة لخاطر أهلنا وجهدهم ونظرتهم وصبرهم الّي مرتقب وصولنا،
ومرة علمود اللحظات الصعبة الّي خلتنا نوگف ونشوف نفسنا مو گدها،
والحمدلله إنو رب العالمين مطلع علىٰ هالخطوات وشاهد علىٰ الّي نبذل بيه.
أنطيني أمل دائِمي .. أمل ملموس أگدر أحِسّ بيه حتّىٰ لو طول ميخالف أصبر عليه، بس لا تخليني أعيش بأمل يكون وهم .. أمل بتخدير مؤقت .. أمل مو حقيقي وأكتشف أنّه كذبة!، لا تخليني بهيچ موقف وي نفسي وتحرج نفسك وتصغر بعيني، الحقيقة مهما چانت توجع أفضل من كذبة ما تسوا أدمر الّي بينا بدل ما تصلحه.