اليوم إذا تعلمت شي فَ هوَّ:
بوحدة من محطات حياتك، راح تشوف إنو مسؤولية تعليم نفسك وتهذيبها تعتمد عليك، كلشي تريد تعرفه وتتعلمه يبدي منك، ولا تنتظر أحد يعلمه ألك لأن تبقىٰ حسب مزاجه شوكت يفرغ ويا أما تحصل الّي تريده منه أو لا، فَ هالمرة أختصر عليك الطريق والانتظار وخليك مسؤول نفسك وأنت تعلم.
بوحدة من محطات حياتك، راح تشوف إنو مسؤولية تعليم نفسك وتهذيبها تعتمد عليك، كلشي تريد تعرفه وتتعلمه يبدي منك، ولا تنتظر أحد يعلمه ألك لأن تبقىٰ حسب مزاجه شوكت يفرغ ويا أما تحصل الّي تريده منه أو لا، فَ هالمرة أختصر عليك الطريق والانتظار وخليك مسؤول نفسك وأنت تعلم.
صفة الشجاعة ما لازم تكون محصورة فقط بوقت المواجهة الجسدية الّي متعودين عليها بالقتال، وإنما حتّىٰ بالمواجهة الفكرية والوضوح ورسم الحدود وبناء العلاقات، إذا أنت ما راح تكون شجاع وتواجه وتكون صريح وي نفسك والمقابل بالبداية شلون راح تكمل النهاية؟.
هالفترة أفكر
إنو السعادة والرضا أكو تشابه بينهم؟، أكو ربط يخصهم لو وحدة تختلف عن الثانية؟، يعني مثلًا إذا صار شي يخليني سعيدة معناها راح أكون راضية، وهنا الرضا صار محكوم بحدث السعادة، وإذا ما صار شي يخليني سعيدة هل راح أبقىٰ راضية لو أتذمر؟ وإذا بقيت راضية بدون ولا شي يصادفني هنا راح أكون مرتاحة وما أكون محكومة بتأثير خارجي، أحس الرضا أهم، مهم لدرجة يخليك تعرف تعيش وتقدر الّي عندك وحواليك، أمّا مسألة أكون منتظرة السعادة علمود أرضىٰ ما أحسها ضابطة كلّش، وبنفس الوقت هالآية تستوقفني: ﴿وَلَسَوْفَ يُعْطِيكَ رَبُّكَ فَتَرْضَىٰ﴾، هالرضا الّي ينولد داخلنا راح يكون من عطاء رب العالمين الّي هوَّ يختاره النه فَ إذا رضينا بيه راح نستشعره وإذا ما رضينا راح ندور علىٰ سعادة بشكل عطاء ثاني يرضينا، يعني ممكن تكون الصورة بهالشكل:
السعادة = شعور وقتي.
الرضا = شعور دائمي.
إنو السعادة والرضا أكو تشابه بينهم؟، أكو ربط يخصهم لو وحدة تختلف عن الثانية؟، يعني مثلًا إذا صار شي يخليني سعيدة معناها راح أكون راضية، وهنا الرضا صار محكوم بحدث السعادة، وإذا ما صار شي يخليني سعيدة هل راح أبقىٰ راضية لو أتذمر؟ وإذا بقيت راضية بدون ولا شي يصادفني هنا راح أكون مرتاحة وما أكون محكومة بتأثير خارجي، أحس الرضا أهم، مهم لدرجة يخليك تعرف تعيش وتقدر الّي عندك وحواليك، أمّا مسألة أكون منتظرة السعادة علمود أرضىٰ ما أحسها ضابطة كلّش، وبنفس الوقت هالآية تستوقفني: ﴿وَلَسَوْفَ يُعْطِيكَ رَبُّكَ فَتَرْضَىٰ﴾، هالرضا الّي ينولد داخلنا راح يكون من عطاء رب العالمين الّي هوَّ يختاره النه فَ إذا رضينا بيه راح نستشعره وإذا ما رضينا راح ندور علىٰ سعادة بشكل عطاء ثاني يرضينا، يعني ممكن تكون الصورة بهالشكل:
السعادة = شعور وقتي.
الرضا = شعور دائمي.
اللحظة الّي بيها أديه تشيل جزء من أنجازات أصدقائي وأعرف بيها كلّ تعبهم، سعيهم، سهرهم، دعائهم واستمرارهم، كفيلة إنو أدغدغ گلبي وتلمع عيوني بيها، أحِب هالنوع من الأنجاز الّي ينشاف ويُستعمل هم، شعور حلو إنو تخلي جزء من صديقك بحبه وأبداعه بمكانك الخاص .. فخورة حيل والله يبارك بسعيهم. 💚
يمكن العوض ما يجي بالوقت الّي أنت تريده، ولا للشي الّي سعيتله ومنتظره، وأحتمال يتأخر بس بالأخير يجي، لأنّه مو بيد البشر علمود يضيع وما يتقدر وإنما بيد رب العالمين وبأمانته، الله چان شاهد علىٰ كلّ لحظة سعي منك ومستحيل تضيع يمه لو يهملها، "يُمهل ولا يُهمِل" مو بس مظلوميتك وحقك ولا بس سعيك ومعافرتك حتّىٰ عوضك ممكن يأخره بس نهايته الك ويجيك باللي يقر عيونك بيه.
بعدها ذيچ القصيدة من تسمعها تبچيك، وبعدها ذيچ الصورة من تطلعلك صدفة ترجعك للنقطة الّي تعبت سنين علمود تطلع منها، وبعدها الغصة هيَّ هيَّ ما تغيرت من ترجع ذكرياتهم، بعدهم بينا وچذب إذا گلنه بيوم إحنا أي تخطيناهم، حتّىٰ من نحاول نتناسىٰ نلگاهم بوجهنا بكلّ مكان كأنوا يگولون لا ما من حقكم تنسونا إحنا لازم نبقىٰ مرافقينكم مهما كان جرح فراقنا چبير بروحكم وواضح بحياتكم.
نُقطة.
بعدها ذيچ القصيدة من تسمعها تبچيك، وبعدها ذيچ الصورة من تطلعلك صدفة ترجعك للنقطة الّي تعبت سنين علمود تطلع منها، وبعدها الغصة هيَّ هيَّ ما تغيرت من ترجع ذكرياتهم، بعدهم بينا وچذب إذا گلنه بيوم إحنا أي تخطيناهم، حتّىٰ من نحاول نتناسىٰ نلگاهم بوجهنا بكلّ مكان…
الشي الوحيد الّي يخفف هالعبأ أنهم بجوار رب كريم حنون عطوف علىٰ عباده.
أوّل ما شفتها من بعد تصويرها حسيتها تشبه ..
الأمان الدافي الّي يجي بنص الفزع والخوف،
والضوا الّي نوره يرسم طريق بنص العتمة الموحشة،
والمحاولة بنص الخراب والعثرات الّي تصير،
حسيت بهواي تشبيهات تجاهه، بس تشبيه واحد حسيته الأقرب ولمسته روحي، أنّها تشبه وجود رب العالمين بحياتنا، ألتماس عناية آل الرسول بينا، وجود صاحب الزمان بيومنا، تشبه اللحظة الّي تظلم الدّنيا بعينا ونحسها أنتهت ويجي شعاع الرحمة الألٰهي ينقذنا ويلزم أيدنا حتّىٰ نگوم من جديد. ✨
الأمان الدافي الّي يجي بنص الفزع والخوف،
والضوا الّي نوره يرسم طريق بنص العتمة الموحشة،
والمحاولة بنص الخراب والعثرات الّي تصير،
حسيت بهواي تشبيهات تجاهه، بس تشبيه واحد حسيته الأقرب ولمسته روحي، أنّها تشبه وجود رب العالمين بحياتنا، ألتماس عناية آل الرسول بينا، وجود صاحب الزمان بيومنا، تشبه اللحظة الّي تظلم الدّنيا بعينا ونحسها أنتهت ويجي شعاع الرحمة الألٰهي ينقذنا ويلزم أيدنا حتّىٰ نگوم من جديد. ✨
دائمًا الحنيّة تفوز بلفت أنتباه گلبي،
أحِب النّاس الّي تعرف تظهر حنيتها وتحسس المقابل بيها، أرتاح وأطمئن من أكون بقربهم وأستمتع وأني أشوفهم شلون يحاولون يظهروها بكلماتهم الخاصة وأفعالهم. ✨
أحِب النّاس الّي تعرف تظهر حنيتها وتحسس المقابل بيها، أرتاح وأطمئن من أكون بقربهم وأستمتع وأني أشوفهم شلون يحاولون يظهروها بكلماتهم الخاصة وأفعالهم. ✨
من أنصحك مو معناها أني أحسن منك،
ومن أنبهك علىٰ شي هذا ما يعني أنت ما تهتم ومهمل،
ومن أذكرك بشي يفيدك ما أقصد أحرجك،
لأن أحبّك راح تلگاني بصفك،
وياك بخطواتك الصغيرة قبل الچبيرة، أساعدك تكون أحسن، ألزم أيدك إذا أحتاجيت تحس بوجود شخص مؤمن بيك يمك، أنصحك بطيب ولين لأن أمرك يهمني، لأن أعرف شگد النصيحة مهمة وتساعد، حتّىٰ لو أني ما مطبقتها أعرف شگد تفرق إذا تمشي بيها، هالشي ما يعني أني متناقضة وبس حچي .. لا، بس لأن أعرف أنها صحيحة ولأن صحيحة أريدك تسويها، هل هالشي تناقض؟ برأيي لا، ممكن أنت تگدر تمشي بيها بسرعة وأطبقها علىٰ العكس مني أحتاج فترة لمن أتعامل بيها، يمكن تشوفني هواي أحچي بس كله بين نصيحة أحاول أتقبلها وأتعامل بيها وشاركتها وياك وبين تجارب صارت وياي، فَ لا تخلي أبالك إنو الّي ينصح وما يطبق متناقض وخلي يشوف نفسه أوّل؛ أغلبنا ينصح ويحاول ويتعب بالنصيحة وي نفسه بس بمحاولات أنت ما تشوفها.
ومن أنبهك علىٰ شي هذا ما يعني أنت ما تهتم ومهمل،
ومن أذكرك بشي يفيدك ما أقصد أحرجك،
لأن أحبّك راح تلگاني بصفك،
وياك بخطواتك الصغيرة قبل الچبيرة، أساعدك تكون أحسن، ألزم أيدك إذا أحتاجيت تحس بوجود شخص مؤمن بيك يمك، أنصحك بطيب ولين لأن أمرك يهمني، لأن أعرف شگد النصيحة مهمة وتساعد، حتّىٰ لو أني ما مطبقتها أعرف شگد تفرق إذا تمشي بيها، هالشي ما يعني أني متناقضة وبس حچي .. لا، بس لأن أعرف أنها صحيحة ولأن صحيحة أريدك تسويها، هل هالشي تناقض؟ برأيي لا، ممكن أنت تگدر تمشي بيها بسرعة وأطبقها علىٰ العكس مني أحتاج فترة لمن أتعامل بيها، يمكن تشوفني هواي أحچي بس كله بين نصيحة أحاول أتقبلها وأتعامل بيها وشاركتها وياك وبين تجارب صارت وياي، فَ لا تخلي أبالك إنو الّي ينصح وما يطبق متناقض وخلي يشوف نفسه أوّل؛ أغلبنا ينصح ويحاول ويتعب بالنصيحة وي نفسه بس بمحاولات أنت ما تشوفها.
ماكو شخص حياته مثالية،
ولا أكو حياة خالية من المشاكل،
حتّىٰ الّي نشوف الحياة واضحة تلمع بعيونه، عنده الّي يطفيها بس ما يبين أو بالأصح ما مخلي الظلمة أطفي هاللمعة،
مثل ما يگولون "محدش بيصور خيبته"، الإنسان نفسه عزيزة وما يحب يشوف نظرة الشفقة بعيون غيره عليه، فَ يحاول يطلع بصورة تخليه متزن، فَ لا تغرنا الصور والّي ينشر، كلّ واحد بينا عنده الّي يسهره الليل بسببه، ويشرد بذهنه وينسىٰ نفسه ويوگفه مرات بس يحاول يعيش، يحاول يخلي النِّعم الألٰهية نصب عيونه، يحاول يكون مُمتن علىٰ أقل وأبسط التفاصيل حتّىٰ يرضىٰ ويگدر يكمل.
ولا أكو حياة خالية من المشاكل،
حتّىٰ الّي نشوف الحياة واضحة تلمع بعيونه، عنده الّي يطفيها بس ما يبين أو بالأصح ما مخلي الظلمة أطفي هاللمعة،
مثل ما يگولون "محدش بيصور خيبته"، الإنسان نفسه عزيزة وما يحب يشوف نظرة الشفقة بعيون غيره عليه، فَ يحاول يطلع بصورة تخليه متزن، فَ لا تغرنا الصور والّي ينشر، كلّ واحد بينا عنده الّي يسهره الليل بسببه، ويشرد بذهنه وينسىٰ نفسه ويوگفه مرات بس يحاول يعيش، يحاول يخلي النِّعم الألٰهية نصب عيونه، يحاول يكون مُمتن علىٰ أقل وأبسط التفاصيل حتّىٰ يرضىٰ ويگدر يكمل.