#عالبساطة خدمتي عايشها دوم
ياحسين وانت أدرى #ابهالامر
ما أهم #يقرالي ذاك وذاكـه لا
المهم #تسمع اليقرالي الشعر
آني مااعرف بدنياي اعيش
والله دونك چان ضيّعت العمر
يبو سكينه وياك #ماادوّر ثواب
ولا ادوّر من بشر چلمة شِكُر
كون #ترضى عليه كلشي مااريد
وكون خادم ابقى الك ما اندثر
وأول وآخر #أمنيّة بهالحياة
هيّه تحضرني اذا ضمني #الكبر

#خادمكم_يا_ابو_علي
#احمد_رزاق_الاعرجي

لسيدي ومولاي زيد ابن علي الشهيد " عليه السلام "

صلْـبـوك واتضل رايه شيعية
ياصـاحـب الـثورة الحسينية
يازيد الشهيد

يـاثــائـر بــوجـه الــظــلـم يـاصـرخـة فـاطـمـيـة
يــاســيـف يـاحــق يـاعــدل يـارحـــمـة ربـانــيـه
يـالـمـــاقـبلـت اعـلـه الـظـلـم يـالـثـورتـك حـريـة
سـيــفـك بـچــفـك صـاعـقــه بـنـحـور آل امـــيه

يالرايتك مرفـوعـه بالحـكمه
والـمايـفـهـمك نـاقص بعلمه
يازيد الشهيد
____1____

صـلــبـوك لاچــن مـــادرو قـــــرآن ذكــرك دايــم
للشام راسك من وصل سيف اصبح اعله الظالم
چــنـك حسـين بـثـورتـك يـاشـمـس بـين الودام
العبـاس چـنـك مـن تـطـب بـالركب سيفك هايم

چنت بخشوع اتطيّح ادموعك
بـس الاحسـين وآله موضوعك
يازيد الشهيد
____2____

ذبحوك بس تبقـى جـذر أصـلـك سـمه وتـتفرع
والـشـجـره لـمّـن تنـگطـع بـاقـي جذرهـا ويطلع
حـرگـوك لاچـنك ذهـب بـالـحـرگ تـبــقى تلـمـع
جـسـمـك انـذر بـس وعـلي عالـماي هيل اتوزع

بيرغ عشـيرة يـناطح الغيمة
يالعايش بروحك جمر خيمة
يازيد الشهيد
____3____

جـيـنـه اعـله بـابــك سـيـدي ودمـوعـنه همّـاله
والمـهدي هـسـه بمـرقـدك يبچي ويون شـحاله
يبـچـي لـمـصـابك والـدمـع يـنـزل دمـه ويبراله
امـصابـك رسـم رمـح ونحر للـسـحـگته الخياله

شـايل جـروح الـعاشـر بگلبـه
ودموعه ترسم أحـرف الندبه
يازيد الشهيد
____4____

الله يـعـين الـمـنـتـظـر عـايـش ونـيـن وحـسره
جرحين صوبله الجذع جذع الصلُب والـعصره
شايل بگلبه شگد حزن وانفاسه تچوي الجمره
مـحـني مثـل مامنـحنـي حـيدر بـيـوم الزهـره

ويـرحــّـب بـزوارك بحـرگـة
مـحبـوبـنه مشتـاگ للمـلگـة
يازيد الشهيد
____5____

#رزقهم_سلام_الله_عليهم
#احمد_رزاق_الاعرجي

وصتني امي بهاي الاحجايه
لو رايـد الله امـشـي مـشايه
ودمع ... بعد
لحسين أهمل وارفع الرايـه

يـولـيـدي اوصـّيك ... گالت خادم ادريك ... ربـيـتـك بـديــه
كل خطوة عبادات ... لتـهم بالـمـسـافـات ... هم لابن الزچيه

يــبـنـي الـعـمـر مـثـل الـسـهـم مـابـي ابـد رجـعـه
أمـشـي مـشـي وأدعـي الـي وخـل تنـزل الدمـعه
ولا تـمـشي بـالْـفـي وانـچـوي للـمـنطـحن ظـلـعه

گـالتـلـي يـمُّـه أخلص بَعبَره
مارايده اتفشّل اويه الزهره
نـذر ... تـره
ناذرتـك آنـه لخـدمة العـترة
1

گـلتلهـا شـتـوصّـيـن ... أغـلى منـچ حـسين ... علمـتيني انـتـــي
أمشي وحيلي وياي ... حد ما يحني مگفاي ... ماابطل خدمتي

فـوگ الـمـتـن ويـلـوگ ألـي زنـجـيـلـي حـضـرتـه
وبـصـوت يـاسـين الـرمــيـثـي جـروح سـمّـعــتـه
لا بــاعــنـي مـــن زغــري يــمّــه ويــاي لا بـعـتــه

بهـدومي هاي السودة اتباهه
بـيوم القيامة هناك يم طاهه
وشرط ... بـعـد
بالجـنة يُـمّـه هـنـاكـه الگـاهه
2

گالت يمُّه هـيهات ... تتــرك هـالزيـارات ... وادريبك تحبها
خادم الهم ادريك ... بس أمك تهم بيك ... هذا الام گـلبـها

مـاتـســتـراح وادري يـبـنـي الـراحـه مـن تـتـعـب
الـمــهـدي يـمــشـي بـهـالـزيـاره ويـلـهـج بـزيـنـب
وبــگـلـبـه نـار الــطـف ابــد مـاتـنـطـفــي تــلـهـب

وآنه اسمع الها ودمعتي تجري
وتـگـلّـي يـمُّـه مـابـقـى بـعمري
وأبـو ... عـلي
امنيتي يحضر من اطب گبري
3

من زغري آنه وياچ ... امشـي ويّـه مـمـشاچ ... والـرايـه بِـدِيـنــه
قـرآن نـقـره ونـزور ... من نمشي الدمع نور ... يام روح الحنينه


صــورة ال عـلـي تـآخـذهـا امـي ومـاتـهـد چفها
طـول الـدرب بـالـصـورة تـنـظـر والـدمـع حـفـها
واســوالـف لـصــورة عـلـي بـفـطـرة تـسـولـفـهـا

وتـگـلّه جـبـتك يـاعـلي ويـانه
من بيـتـنه لـكـربـلـه مـمـشـانه
وعـلي ... ابـد
طول الدرب متگول عطشانه
4

الموكب يا هلا يصيح ... وأمي تگلّي تسبيح ... هالچلمة العجيبة
ماي وكلشي موجـود ... واخيام وهلا وزود ... بس زينب غريبة

گـالـت غـريـبـة مـن أجـت زينـب ومـحـنـيـة
بـهـذا الـدرب مـآذي الـعـطش علـويه علـويه
وصـلـن عـبــي وبـيـهـن جـمـر بـالاربـعـيـنيه

وتـگلّي مـآذيني الـوجع بيه
بهذا الدرب مارجعت ارقيه
صعب ... تــره
الوالد يلچمة افراگ الابنيه
5

شافت صورة لحسين ... هملت دمعـت العين ... صاحتله أجيناك
بـالطـف انـت مـولاي ... بس شو تمشي وياي ... واهنانـه لـگيناك

باست الصورة ومسحت الصورة اعله فطرتها
وگــعـدت وزارت صـورِتـه وكـمـلـت زيـارتـهـا
والـفـاطـمـة الـزهـــراء قُــربــه لـلــه أهــدتـهـا

تعبانه بـس بالمشي تسبگني
واتگـلّـي لاتـتـعـب ابـد يبني
العزم ... جبل
عدها وابد هالجبل مايحني
6

#رزقهم_سلام_الله_عليهم
#احمد_رزاق_الاعرجي

" مواكبنا نصبناها "



يـبـو صـالـح مـواكـبـنـا نصـبناهـا
ورايـة لـخـدمـة الزايـر رفـعنـاهـا
اچفوف بحب ولائية
للخدمة الـحـسـيـنية
مـواكـبـنـا نـصـبـناهـا

گـضـت أيـام مـجـلـسـنـا وبـدت أيـــام خـدمـتـنـه
تـحـزّمـنـه بـــ ابـو فـاضـل وعـلّــگـنـاهــا رايـتــنـه
ويـاسـيـن بـحـزن يـقـره قـصـيـدة وبـيها غايتـنـه
( يـحـسـيـن بـضـمـايـرنـه صـحـنـه بـيـكم آمـنّـه )


يالمهدي أتعرف خدام ابو الاحرار
خـطـار الله عـدهم حـضرة الزوّار
الزايـر نـسمـة للـريـة
للخدمة الـحـسـيـنية
مـواكـبـنـا نـصـبـناهـا
____1____

بـدرب حـسـين شـفـنـه أزغـار واحـد گـال للثاني
الــزايـــر ذاك الــك أخـــذه وهـالـزايـر اِلِــي انــي
وشـفـنـه كـبار بـالاعـمـار بـديـهـم شـالـو صـواني
يـخـدمـون الـعـراقـيــيـن ويـخـدمـون الايـرانـي

مـيـفـرقـون بـالجنـسـية تـعرفـهم
والـفرّق وحـقّـك أحـنه مـو مـنهم
وهايه خالصه الـنـيّه
للخدمة الـحـسـيـنية
مـواكـبـنـا نـصـبـناهـا
____2____

يالـتمـشي بظــهـر محـنـي وبيـدك رافـع الرايـه
ودمـعك من دِمه مولاي يالمهدي وحچي هوايه
بيا مـوكـب تجـي وتـرتـاح لـمّـن تمشي مـشـاية
ومـنـو ينطـيك شربـة ماي من تعطش يـمولايه

هنياله التجي ومن چفّه تآخذ ماي
يـرادلـهـا دعـوة مـن الـزچـيـه هاي
وحگ الغالي ابو ارقيه
للـخـدمـة الـحـسـيـنية
مـواكــبـنـا نـصــبـناهـا
____3____

بـالـمـــشـايــه گـدامـــك زاد ومـاي اكــو كـــثـــره
وبـالـك گــلّـه يـــالـــمـهـدي يـم زيـنــبـكـم الـحـره
أجت واعيونها اعله ارمـاح من الـشـام بالـحـسره
ومــا لاگـاهـا أي مـوكـب ولا رايــة تـرف خـضـره

وبهذا الزمن مـوكب بـصف مـوكب
هـلا ومـيّـة هــلا بـالـزايــر ايرحـب
ابـدمـعـة كـربـلائـيـة
للخدمة الـحـسـيـنية
مـواكـبـنـا نـصـبـناهـا
____4____

بـهـاي الـدنـيا مـانـعـرف لـو مـا أنـتـه دمـعـتــنـه
مثل گطرة مطر ضعنه وگـاع الخدمة جـمـعـتنـه
يــالـتـعـرفـنه كـلـــش زيــن يالـتـقـراهـا نـيّـتـنـه
شمس ذنوبنه وتچوي وتضمنه الخدمة خيمتنه

ثـوب الخـدمـة يامـحـلاه سـاتـرنه
ومـن أجــلـه تـره الــوادم تـقـدّرنه
فخر للـكرة الارضـية
للخدمة الـحـسـيـنية
مـواكـبـنـا نـصـبـناهـا
____5____


#رزقهم_سلام_الله_عليهم
#احمد_رزاق_الاعرجي

لقضاء الحوائج


مــرفـوعــات اديـنـه
صوب ارض المدينه
ونـدعـي يـا الهـي عدنه حاجـات
ابـجـاه ام البـنـيـن أم اربـع آيـات
اگـضـيـها الـحـوائـج

مـعـراج الـخــدم يـارب دمــعـه بـمـجـلس الـزهره
حـوائج عدنـه يــامـولاي بخـجل نـطـلبـها وبعـبره
بـعـزاء الــزهــره تـنـظـرنـه ومـحـله منـك النـظـره
يـــاربـنــا الـــغـنـي انــتـه واحــنـه ابـابـك الـفـقـره

حوائج عدنه مولاي
مثـل عطشـان للماي
يـالـرافـع بــلا عــمـد الـسـمــاوات
ابـجـاه ام البـنـيـن أم اربـع آيـات
اگـضـيـها الـحـوائـج
____1____

بجـاه الــسـيد الـسـجاد شـافي وعـافي كـل مـعـلـول
يالجاعـل عـزاء حـسـين مـسـتـشفـى وتـريـح اعـقول
عقـيده عدنه بالمـجـلس يـطيب ويمـشي كل مشلول
لو يبچي لمصاب حسين السحگن فوگه عشر خيول

ياربي برحـمتـك
أرزقنا بـنظـرتـك
وارزقـنــا الـمـجـالـس والـزيـارات
ابـجـاه ام البـنـيـن أم اربـع آيـات
اگـضـيـها الـحـوائـج
____2____

بـــجــاه الــمــا شــــبــع مـــنّـه گـــاروكـــه ولا أمّــــه
عــبــد الله الگـضـه ضـامي بـجـاهـه علـيـك وبعـمّـه
كـلــمــن راد ذريـّــة ارزقـــه وانـــتـه ابـو الــرحــمــة
حـتـى يـكــبــر اولــيـده ويــتربــى عـلـى الـخـدمــة

عـــبــدك رافــع ايـده
ويدعي بكل قصيدة
وأنته الْتسـمع بصـوت المنـاجـات
ابـجـاه ام البـنـيـن أم اربـع آيـات
اگـضـيـها الـحـوائـج
____3____

كـلـمن عـنـده حـاجـه الـيـوم يـارب كـون تـگـضـيـهـا
بــجـاه الّــي مـشـت لـلـشـام واعـلـه الرمح حـاديـهـا
كـلـمـن عـنـده طلـبه شـلـون يـحـچـي لـو يـخـلـيـهـا؟
يـالنـمـلـه بوسـط الابـحـور وعـمـيـة وانته منـطـيهـا

يالـما تنـسى عـبدك
الحوائج كلها عندك
أقـرب مـن دمـانـه ابـلا مـسافـات
ابـجـاه ام البـنـيـن أم اربـع آيـات
اگـضـيـها الـحـوائـج
____4____

كلـشي انطيـتنه وشكـراً الـك حد گطـعت الانـفاس
منطـينه الـجـزع والـنـوح والـحـرگـة علـى العبـاس
مـطـالـبـنـه أتـعـرف بـيـهـا ومـانطـلبهـا مـن الـنـاس
نـطـلـب وانـت تنـطـيـنه الـغـيـرك مـا حِنينه الراس

يارب الوسـيـعه
ارزقـنا الفـجيعه
لحسين ومُصـابه ابـكـل الاوقـات
ابـجـاه ام البـنـيـن أم اربـع آيـات
اگـضـيـها الـحـوائـج
____5____

#رزقهم_سلام_الله_عليهم
#احمد_رزاق_الاعرجي

( وحشه المدينه )


وحـشـه المديـنه ... بـعدك حـزيـنه
فــراگـك يـغـالـي ... شمسوي بيـنه
والـــجــرح مـايـبـره
أبـنيـتك آنـه الزهـره
بعدك حزينه

يبـو الزهره أنـه الزهـره صـفه حـيلـي دمـع بالـمـاي
والحـسرات مـن بـعـدك يـبو القـاسـم علـيه اهــواي
هـجرك بويـه اخـذ روحـي الحـزن شـد رايته ويّـاي
بيـتك أظـلـم ومـوحـش مـن عفـتـه يـلِـب احـشـاي

الـيفـارگ والـده صـعـبه
الهوه اليتـنفسه أيتـعـبه
ويشيّب من وگت گلـبه

جـرحـك يغالي ... حـزن الـليالـي
مـن فارگـتـنـي ... دمـعي حلالـي
صاحـبـتـني الـعـبـره
أبـنيـتك آنـه الزهـره
بعدك حزينه
____1____

عفتـني وكلشي صار أظـلم عليه وروحي محـترگـه
وحــقــك بـــويـه تــدريـنـي ولا اتـحــمّـل الـــفـرگـه
اعـيـوني وكلـشـي بـيـه بغـيبـتك مـشـتاگ لـلملـگـه
الـيــفـارگـلـه أبـو مـثــلـك مــن يــمـوت مــن حـگـه

رحت يابـويه شـبسـرعـه
احس مـخنوگه بالوسعـه
اليـفـارگ ينـكـسر ظـلعـه

بـعـدك غـريبـه ... يا أبو الحـبيبه
بُـعـدك عــلـيـه ... أكبـر مـصــيبه
دمـعـي ينـزل جمـره
أبـنيـتك آنـه الزهـره
بعدك حزينه
____2____

آنــه فــــاطــمـه أبـنـيـــتـك وهــوايــه جـراحــاتــي
يــا أول جـــرح عـــرّف خــــدي ويّـــه دمـــعــاتـــي
دفــنـوك ودفـنـت ويـاك يا بـو الزهـره ضـحـكــاتـي
واخـلافـك الـســابـع جــار تــكـسـر بــويـه ونــاتــي

قـانـون الـدمـع فــگـدك
النده مخـلوق من خدك
الحيل يموت من بعـدك

يـا أبو المـحنه ... وخـيمة أهلـنه
رحـت وأجتنه ... ونـه اعلـه ونه
كلشي خـلّـص عمـره
أبـنيـتك آنـه الزهـره
بعدك حزينه
____3____

يـابـويـه الـحـزن بــعـدك لــزمـنـي لـزمـة الــغـرگـان
اشـمـا انـدار الــگـالـك ذكـرى ذكـرى عـالــحــيـطـان
الحِجرتك بويه من ادخـل اشـوفـنّه الحسـن ذبـلان
وحسـيـنك يـنوح عـلـيك وحـيلـه والـگـلـب تـعـبـان

واحـــد گـابــل الـثـانــي
وأسـمع كـون اموت آني
حچـيـهم بويـه چـوّانـي

انـظر عـليهـم ... ألگه بـحـچيهم
أسمـك يبويه ... ودمعه اباديهم
الـ بويه صارت عثره
أبـنيـتك آنـه الزهـره
بعدك حزينه
____4____

أول مـــرّه هــاي أنــظـــر حــيـدر دمــعــتـه بــخـده
گـعـد مكـسور أبو الحسنين وبـحـضانـه جمـع ولـده
وشـهـگ مـن الـبـواچـي عـليـك حگه غيرك شعنـده
اليـمـوت اويـاك هـنـيالـه اليـعيش اخلافـك الـشـده

سبِحتـك بويه تنـتظـرك
تشم اچفـوفك وعطـرك
من عمـري فـدا العـمرك

كـون الــمـنـيـّه ... تـوصـل الـيّـه
وتآخذني يمك ... يا ابو الزچـيّه
صبري خلّص صبـره
أبـنيـتك آنـه الزهـره
بعدك حزينه
____5____

يــبـويــه الـيـفـگـد الـوالـــد مــا يــتـنـفـس ابـراحـه
الـهـوه الـيـشــتـمـه نـار يـصـير والـدمـعـات ذبـاحـه
الـيـفـارگـلـه أبـو مــثـلـك كـون ايـمـوت بـصـيـاحـه
وكــل مـغـرب يضل مـعـلول مـن الذكـرى وجراحـه

الهجـر يذبح توالي الليل
والمـغرب يبـوگ الحـيـل
والدمـعـات دم اتـسـيــل

بـعــدك يــتـيــمـه ... والـدنــيـا هـيـمـه
وكل وگتي جمره ... وكل حيلي خيمه
والألـــم دگ صــدره
أبـنيـتك آنـه الزهـره
بعدك حزينه
____6____



#رزقهم_سلام_الله_عليهم
#احمد_رزاق_الاعرجي

جـبرائيل فرحـان اويـه الامـلاك
مـحـمد سـيـد الـكـونـيـن أشـرق

وصاح بصوت ياهالناس هاليوم
سقيفة مدري ياهـو بنوره تُحـرق

الله يحب محمد عاشـگـه هـواي
ومرات اسمـه عـند الله الـموفـق

محمد مره گال ألـ الله مـشـتـاگ
و رد الله عليه محـبوبك أشـوق

منْطي الله كلشي الـگاع والمـاي
وسماواته السبع وسوالف اعمق

من گد مايـحـبـه طـينـه ضـمـاه
وبس فاطمه وحيدر منه يُخلق

منو مثـله أنرزق بالزهره ياناس
وابن عمـه عـلي وسوالف الحـق

الله أنطاه خـصال وقاب قوسين
ومنو بهاي المكانه الحـلوه يُرزق

#متباركين ❤️
#رزقهم_سلام_الله_عليهم
#احمد_رزاق_الاعرجي

[ يبن آدم ]

يـبـن آدم تِــفـكّـر وانــظـر الـــ نــفـســك
شـنو السـوّيت بـالدنـيا ومنــو ايدرسـك

هـاي الـدنـيا طـالـب بيـهـا انـته اتعيـش
خـل عـقـلـك فطن ليـهـمّـك التـشـويـش
بـحـر دنـيانـه لا تـــغــركَ أبـد لَـتْـطِـيْـش
فـوج بـخــدمـتـك وابـليـس مـيـمـسّــك
____1____

طــوفــان الـذنـوب ودنـيـتـك ضـوضـاء
وسـفـينـة نـوح ماكـو بـس اكو الـزهـراء
اركــب بــالـسـفـيـنـه وفـارگ الـصـحـراء
وبــيـد الـزّهــرة سَـلَّــم يـومـك وأمـسـك
____2____

المـملكـة الــخدامـه بـدمـعـة من تـدخـل
مـل من كــلـشـي لـكــن مــنـهـا لا لـتـمـل
لـتـعـجـيـل الـظـهـور أبــتـوْبِـتـك عـجّـل
قـبـل لا يجـي الموت وتنـطفـي شـمـسـك
____3____

الـدنـيا شـما عشـت بـيـهـا تـراك اتـمـوت
تــالـيـتـك سـهـم ويــعــوفــك الــزاتــوت
وأضمــن اصــدقـاء الـشـيلـت الــتـابـوت
وعـوف الـلّي بـسـجـن اهـوائك يحبـسك
____4____

لا تــنـغـر ابـــد يـالـمـنــخـلـق مـن طــيـن
الـمـلك والـجـنـدي والـدفـان والـزنـگـيـن
بـنـفـس الـحـفـره كـلـها تـنـام يالمسـكـين
اختـار الـگـبـرك الْـ مـن مـنـكـر يـحـرسـك
____5____

خل صاحي ضميرك وأمشي طوع أمره
كـل بـاطـل سـراب ابـوجـه كـل صـحـره
والـحـق مـاي صــدگي بـكـوثــر الـزهـره
مــد أيــدك وامـلـي بـخـدمــتـك كـأْسـك
____6____

شكثر شايل معـاصـي ابدنـيـتـك هـايـه
حـلْفـه ابـفاطـمــه رب الـسـمـه أهـوايـه
وعـالــسـجـاده ابـچـي واطلـب الـغـايـه
وشيطـانك ارجمـه لا يـجـي ايــدنـسـك
____7____


#رزقهم_سلام_الله_عليهم
#احمد_رزاق_الاعرجي

يامولاي ياحسين ...



كلشي أملك خيره منك
وين مثلك ألگه وين
هواي تنطي ابلا مُقابل
وابد ما تعـتبره دين
ياذبيح الله وحبيبه
ويا ضياء الصالحين
بيه حزنك
مثل شعره بعين ميت ياحسين
يامحطّـةْ كل جرح ينزف عليك
الله ماشفته .! ولكن شفته بيك
هاك روحي
وانته ربّـيها اعله ذوقك
وأرسم اخلاقي بأديك
من اجيك ...
كون عيني ارماد بيها امْن الْخيام
وكون اكره شگو شام
وشكو سوگ يبيع سوط
وشكو بالدنيا يجرحك كون اكرهـا
وكون دمعي يصير بعيوني ازدحام
ولو احب غيرك حرام
يامُناي
شما اسافر بالعطش
ألگاك ماي
يامحطات النده وعين الربيع
آنه ذاك التايه بصحره الذنوب
ولو درت وجهك اضيع
ياحسين
عرشك الجنه بكبرها
الارض خطوه برجلك انته
انته صوت الله بضميري وكلشي سكته
قدمت لله ابتسامه
وخيمه وگماط وخوات
وحنّه وأخوه واصدقاء
وكلشي قدمته لجل دين السلام
وانته انته
ياامام
انته لوحه والله راسمها اعله ذوقه
وتسقط اللوحات كلها گبال ذوق الله بهيام
انته قرآن الحياة منين مااقراك اعيش
أنته سلطان السلام ... وآنه بيش
آنه غرگان بمحبتك
وأدعي كون بجاه زينب
الله لاينطيني گيش


#متباركين ❤️
#رزقهم_سلام_الله_عليهم
#احمد_رزاق_الاعرجي

لولادة الامام المهدي المنتظر (روحي فداه)



يمتى أنشم عطورك
ويـشـع بـيـنه نـورك
وشـخـصـيـاً نـزورك
يامهدي
صلى الله عليك ياعزيز الزهراء

شگد بينه الشوگ يالمهدي هواي
وأنـته الــ بالحـال أعـرف مـولاي
يــا سـر حـســين وأسـرار الـمـاي

بالسـهله نـورك رازق الـضـوه
بأنـفاسـك انتـه صالـح الـهوه
الماي العذب من چـفك ارتوه
يـالـمــنـجـرح واتـوزع الـدوه

ياكـوكـب مـحـنّـه
وأشـراقـة وطـنّـه
عـينك أحلى جنّه
يامهدي
صلى الله عليك ياعزيز الزهراء
____1____

يا كهف الـناس ياسـورة نـور
ياوجـه الخـير يا رق منـشور
دمعك لو طاح لــؤلــؤ منثـور

نـور الـكـمـر مـن وجنـتـك عـرج
ونور الشمس من حضرتك وهج
الـعـدل الالـهـي بـچـفـك انمــزج
يـا هـيـبـة الـلـه وآخـر الـحـجـج

ندعي بهالمـسيـه
يـا عـين الـزچـيه
للطـلـعـه الـبـهـيـه
يامهدي
صلى الله عليك ياعزيز الزهراء
____2____

يـالـحــاضـر دوم وناسك متعوف
يـمك مـولاي كـل اعـمـى يـشوف
الماعنده چـفوف صايرله چفوف

بالسهله حاضر صاحب العصُر
نـتـمـنى چـفـك عـالگـلب يـمُر
يا سـر محـمد وأحـرف الـقـدُر
الـما شافته عيونك لفـي خِسُر

الگاعد يمه لحظه
هذا شكبره حـظه
الحبّك أنته نبضه
يامهدي
صلى الله عليك ياعزيز الزهراء
____3____

ياراعي البيـت يـمـك نـرتــاح
ابيتك هاليـوم محفل وأفراح
حاضــر مولاي عـطـرك فـوّاح

بارض النجف مـحفل روه النهر
وكل السبـب بي حـاضـر الكـمر
وأهل النبي وحتى النبي حضر
وسيق الورد لارض النجف زُمر

سلطـان الشـهامه
يـا عـين اليـتامـه
يا معنى الـسلامه
يامهدي
صلى الله عليك ياعزيز الزهراء
____4____


#رزقهم_سلام_الله_عليهم
#احمد_رزاق_الاعرجي

هوسات 15 شعبان




أنولد هالـيوم آخـر خـيـر مـن الخير
والجن والانس مبتشره حتى الطير
افرح يـالمحـب لا تـبدي اي تقـصير
خل تفرح فاطم هالليله


بـهـالـمـولـد ولادة نــور مــن انـوار
وشما احجي عنه عشر بـالـمـعـشار
المهدي انولد من ظهر حامي الجار
وجبريل يصفگ بجناحه

هاي الليله متروسـه عشـك واحـساس
أجه اليـنتظـره ابو الـسـجاد والـعـباس
السمه خل تسمع اصوات الفرح ياناس
هل المهدي بنوره علينه

فرحـنه بـهـالـولاده والـجـرح مـاطـاب
وأجـه اليآخذ الثار وگلـبـه بـي عطاب
ثــآر حـســين والـحـورا وثــآر الـبـاب
ثآراته ويآخذهـن گـوه

الـيوم المنـكسر بالمـهـدي شـد حيلـه
عـلي مـن فرحتـه بـســامـره هالليـلـه
والــزهــــراء نـزلــــتـلـه وتـلـــولـيـلـه
وتگله أكبر وأخذ بثارك


#رزقهم_سلام_الله_عليهم
#احمد_رزاق_الاعرجي

انولد هاليوم محبوبي
ورد طشـيت بـدوربي
لـبو صالح امامي

اليـوم فرحـتنه چـبيـره بهـالولاده
أنولـد مـحـبـوبـنه راعـي السـياده
بس لبو صالح تجي حلوه القياده
ارزقـنـا يـاربـي نظـرته والشـهـاده

العمر مايسوه من دونه
حـلاة الـيـنـظـر عـيونه
الگلب يعرف كلامي
لبو صالح امامي

الـدنـيـا مـو حـلـوه اذا مــاهـوه بـيهـا
مثل ديـره ومـلح مابـي كـل حـچـيـها
حجة الله المـهـدي باجـر مـن يـجيها
الگاع تصبح خضره من يسحك عليها

العدل مرسوم بچفوفه
ســر الزهـره بـحـروفـه
العشگ يحله وهيامي
لـبـــو صـالـح امـامـي

آنـه حـبـيـته ولـگـيـته عـلـة الـكــون
السمع عنه ومايدوره براسـه هـارون
عندي هو الأهم عندي خـل يـلومـون
وخل يسموني بقضيتي صار مجنون

حبيب واغله ماعندي
بس المهدي والمـهدي
وأهل بيته غرامي
لبو صالـح امـامـي

الدنيا هاي ابلايه خدمة تصير ظلمه
ناسـهـا مـثـل الـطـفـل ومـضـيّع أمـّه
المهدي ياعالم علينه مـن الله رحـمه
والـخِدامـه نعـمه تسـوه مِيـت نعمـه

اليوم انـعـلّي رايــتـنه
وهاي الفرحه فرحتنه
ونسـجـّل اسامي
لبو صالح امامي

ننـتـظـر مـحـبوبـنه ونـگـلـه يـمـتـه
تـطـلـع وكـل الفـسـاد يـطيـح وكـته
احنه من دونك ظـلام وانـت شـفته
مثل سبحه بغير خيط نضيع سكته

حبيب وما نحب غيـره
وحق عباس ابو الغيره
سلام الحب سلامي
لـبــو صـالح امـامـي


#رزقهم_سلام_الله_عليهم
#احمد_رزاق_الاعرجي

فضل الصلاة على السيدة الزهراء عليها السلام ;

عن امير المؤمنين عن فاطمة عليهما السلام قالت : قال لي رسول الله صلى الله عليه وآله :

يافاطمة من صلى عليك غفر الله له ' وألحقه بي حيث كنت من الجنة


ــــــــــــــــــــــــــــــــــــــ
📚مصبا الانوار ٢٢٨
📚البحار ١٠٠ /١٩٤ ح ١٠

اول فلاح ... زارع ذُرّيّـــه بـظـهـره
اول فلاح ... ماشايل منجل عمـره
شايـل ديـن الله بــچـفّـه
نورس شيبه اعله الضفّه ... أبو طالب

لـگـمـة الـــحـلال ... الهـا مـوسـم اوْنـعرف بيـها
الزرعه شي اكيد ... طـيـبه تطـلـع امن اتداريها
بــذرة الـحــيــاة ... الله سـلـم وصـلـى عـلـيـها

شجره من جـنان ... زارع الـلـه بــظـهــر ابــــو طـالـب
والـــثـمـر أمــــان ... امـن الـغَــرِگَ هـيـه التصح قارب

حـامي الْأسلام ... وحـامي الــقـرآن ابـروحـه
حـامي الْأسلام ... ابذكر الله ايروف اجروحه
آيــــات ايـــرتـــل نــزفـه
نورس شيبه اعله الضفّه ... أبو طالب
____1____

زارع الــــخـضـار ... بـظـلمـه مـن يـرتـل قــرآنه
يضوي شيبه نور ... والـكـمـر يـسـدهـن بـيـبـانه
والـنـده بـحــيـاء ... يغبش ويعيش اعله اردانه

وتـنـزل الـطـيــور ... فــوگ اصابـيعـه بـخـجـل بايـن
جـاذبـيـتــه هــاي ...عـُبـرت " نــيـوتـن " وأنـشـتـايـن "

بعيونه الخير ... وبظهره الخير الواسع
بعيونه الخير ... واصـل للـجـار الـسابع
بـس الله وطـه ايـعـرفـه
نورس شيبه اعله الضفّه ... أبو طالب
____2____

فتـيـة الـرقيـم ... والكـهـف لونْهُـم لـو يمّـه
چا كهف يصير ... ألـهـم ويضـمهم وي دمـه
أعبايِـتـه أمـان ... اوللفگد أمل زارع بسمـه

گـلـبـه مايــخـاف ... ومـارجــف مـــرّه ابــد عــمــره
الـجـبـل يـطــيـح ... لــو ابـو طـالـب نــوه ايـخــزره

عصابة راس ... للديـن وصـاحب مـبدأ
عصابة راس ... يصدأ كلشي ومايصدأ
حـلّال الـــشـده الـكـلـفـه
نورس شيبه اعله الضفّه ... أبو طالب
____3____

الساقي للحجيج ... يرتـوي النهـر مـن چفـينه
كـــافـل الرسـول ... والنبي تربّـى بنـص عيـنه
عــابــــد وكـريـم ... دافع او فِده روحه لديـنه

بـدعـوتـه الـغــيـوم ... تـنـحـني لـه وتـنـزف الـبــيـهـا
والـشـمـس تـغـيـب ... بـالـخـجـل لـو مـرّه صـد ليـها

يمَّه المرجان ... يتوضه اعله السجاده
يمَّه المرجان ... سيد صار امن الساده
والـلــؤلــؤ يـنــظـر عـفّـه
نورس شيبه اعله الضفّه ... أبو طالب
____4____

ايــده بــالـدعــاء ... لو رفعـها يسـمـع مـگضــيه
لـيـلـه مـــايــنـام ... يـحـرس بـ مـحـمد لـيـلـيـه
ابخطوِته عطور ... ومن خُطُوته عطر الجوريه

فـارس وحـكــيـم ... والـفــصـاحـه عـــاشـت ابـدمّــه
بـــالـمُــــنـاظـرات ... كـلـهـا تسـكـت لو نـطـق كلـمـــه

ابظهره الكرار ... واحـد لا مـا يتـكرر
ابظهره الكرار ... حُر أيحيّر كل منكر
تخطيط الحـق مو صدفه
نورس شيبـه اعله الضفّـه ... أبو طالب
____5____

مــــورِث الإبــــاء ... لثنـعطش وَلَـد مـن ذريته
ســيــد الــعـطـاء ... امن الله بالمباشر سيديته
داره چم مضيف ... وابتده الكرم من صينيـته

كـافـل الـحبــيـب ... وظــهـره شــايـل كـافـل وكــافـل
كـافــل الـيــتـيـم ... (حــيـدره ) والـثـانـي بـو فـاضـل

آلاء النور ... من دمعه اتغار الدرّه
آلاء النور ... يـس الحـافـظ سـرّه
كـل بــاطـل كـاسـر أنـفـه
نورس شيبه اعله الضفّـه ... أبو طالب
____6____

#رزقهم_سلام_الله_عليهم
#احمد_رزاق_الاعرجي
#يا_أبا_علي_مدد

لسان حال الصحابي الجليل كميل ابن زياد برحيل امير المؤمنين علي عليه السلام



المن عفتني ... بـعـدك امــوت مــن الــقـهـر
المن عفتني ... حيلي انتهى وظهري انكسر
المن عفتني ... آنـــه كــمـيــلــك يــالــفـخـر

ياعلي بعدك اموتاً حسره حسره
وين اروح ليا كتر والـدنيا عثـره
ياحلات الصبح لمن چنت انظره ... من تضحك انته

چـنت اقـرب من عباتـك تعـرف بهـاي
المـاي من يـعـطش ابد مايرتـوي بـماي
وشوفي عطشان لحضرتك حيل مولاي ... يالشوفي عفته

ياحامي جارك ... انطي الوجه بعدك لمن
ياحامي جارك ... بعدك تشيبني المحن
ياحامي جارك ... وعيوني يذبحها السهر
المن عفتني
__1______

وين رايح ياضوه عيوني بجروحك
ياچبير السـاده تعبـت حـيل روحـك
مدري انوحن حالتي مـدري انوحك ... يــاواهــــس الليل

ديرتك ظلـمه انـكسر مـنها غصـنـها
لـيش عايـفـها وتـسافـر ويـن عـنـها
حدها روحي لـباجر تمـوت بحزنهـا ... ومايبـقى أي حـيل

ياگمرة الروح ... جرحك رسم جرح اليتم
ياگمرة الروح ... جـرحـك ذبح اكـبر حـلم
ياگمرة الروح ... بس ترحل يمـوت النـظر
المن عفتني
__2______

يوميه من نگعد سوه وانظر حنـينك
ارتـاح والله ياعلـي بحـظـنت إدينـك
وهسه ادورك والدمع يرسملي وينك ... رايـد حـنانـك

جنت من ويايه تمـشـي كـلـشي يـمـشي
وهسه وحدي امشي واعثر شاب رمشي
بــعـد ماغـمضــت عيـنـك ضاع كـلـشـي ... بضـيعة امانك

بدموعي اعثر ... كـلـمــا اصـد سـجّـادِتك
بدموعي اعثر ... روحي تحن لرويـحِـتـك
بدموعي اعثر ... فـرقـنا چا ليـش الـدهـر
المن عفتني
__3______

ياعلي الدنيا ابوجودك حلوه چانـت
وبيك ياحـيدر يغـالي الدنيـا خـانـت
ظلمه كلشي الطبره من عليك حانت ... بهمـومي حسيت

مــو ازغـار ايتـام عـندك يالعـفـتـني
وشـگـبــرنـي آنـه بـعــدك يـتـمـتـني
من رحت عـني يـغـالـي مـاخـذتـنـي ... للـحـيـره ظليت

يافجر الاسلام ... ظلمه بغيابك كل صبح
يافجر الاسلام ... والـوگت بعـيوني رمح
يافجر الاسلام ... والــحـزن يــمّـي عِـثـر
المن عفتني
__4______

يبـو سـوالف دافـيه والـدنـيا لحـظـه
روحي انته وانته گلبي وانته نـبضه
غير وجـهك يـاعلـي صـدگ ارفـضـه ... غيرك ولا اريد

انته يا تسبيح روحي وكل حـياتـي
ويادمعتي ويافـرحـتـي وأمـنـياتـي
انـت چـي بـيـهــن احـبّـن ذكـرياتـي .... يا هيبة العيد

عاشگ صفاتك ... ياغبشـة الله اعلـه النـده
عاشگ صفاتك ... باسمك علي كلشي ابتده
عاشگ صفاتك ... يالـشـوفـتك تـروي النـهر
المن عفتني
__5______

ياحلات اسمي چنت لمـن تـگـولـه
ياكميل تصيح والحيل اعله طـوله
ايخضر شلون الخضار بكل مـقوله ... يامحله صوتك

چنت من اگعد توصـيني بوصايه
وياصـفتـني عـليـك مابيـها نهايـه
لكل نـهايـه يـاعلـي انــته البـدايـه ... مو وگته موتك

من بعدك جروح ... يـا مـاي وفـراكك ضـمه
من بعدك جروح ... تـآذيني ياحـامي الحـمه
من بعدك جروح ... اتــلاوه وي چــف القـدر
المن عفتني
__6______

#رزقهم_سلام_الله_عليهم
#احمد_رزاق_الاعرجي

محرابك شـيّب
وايتامك تنحب
محني بطوله الفقار
يالبُـعدك مـثل النـار

يم بابك الفقـره بهظم مـجـتـمـعـه
منتظره من بـيتك يـحـيدر طـلـعه
آنه الحـسن واسمع يــتامــه اتنادي
الرد الـشمس ياربـنـا كـون ترجـعـه

گلـب الـيـتامـة
يدعـي بسلامة
اتــرد سـالـم يـالــكـرار
يالبُـعـدك مـثــل الــنـار
__1______

بويـه وتـدير اعـيونك اعله الفـقره
والـفـقـره كـل عـيـونهـم عـالـطـبره
شافو نزيـف الـراس يمـشي بهيـده
وصاحـو دخيل الله ودخيل الزهره

مقهورة احبابك
تشـتم بـثـيابـك
من دونك وحشة الدار
يالبُـعـدك مـثــل الــنـار
__2______

الـحـاضـر قبـل كـل آدم وكـل حـوّه
مـتـغــيـر هــوايـه عـلـي ومـو هـوّه
الچان شحـلاته احـله مـن الـنـسـمه
مـعــقـولـه يـتـنــفـس هـوه بالـگـوّه

كلمـن ينـشــدني
ابدمعاته ايهدني
تعرف ياحامـي الجـار
يالبُـعـدك مـثــل الــنـار
__3______

اليفـگد عـزيـزه يـا هـو الـيْـتـچـيلـه
لـيـل ودمـع نـاتــج الـفـاگــد حـيـلـه
اليفگـد عـلي كـل مـغـربـيه تشـوفـه
مكسـور خاطـر "يـاعـلـي" بترتـيـلـه

وزينب انظرهـا
اتـغيـر منـظرها
منـهـا الـمـدمـع مـدرار
يالبُـعـدك مـثــل الــنـار
__4______

هـسّــه ذبـل عـود الـيـتـامـة بْـشـده
يـبقـى اليـتيم ابـلا عـلي وشـعـنـده
نــار الـدمـع يـتـحـول بـنـص عـيـنه
حرگ الخـيم دمـعاتـه تـحرگ خـده

بعدك مُصايـب
تلفي ونوايـب
والــهـــم الـــدارك دار
يالبُـعـدك مـثــل الــنـار
__5______

معقوله طـاح الـطـاح بـاب بـچـفـه
وحيله أيتهاوه بريح مثل الـسعـفه
بـفـراشـه نـايـم والنـزيـف بـطـولـه
ومـايـقـبـل يـبـطـل ثــوانـي نـزفـه

وحسين أخويـه
يـبـچـي يـبـويـه
وأنته التـدري الأخبـار
يالبُـعـدك مـثــل الــنـار
__6______


#رزقهم_سلام_الله_عليهم
#احمد_رزاق_الاعرجي

لأستشهاد الامام علي عليه السلام -



أجيتك وآنـه مرتـاح
وعفت كلشي
مشيت ابين الارواح
ودمه برمشي
أجيتك راسي مطبور
يربي وگلبي مكسـور
ودمه برمشي

عفت الناس كــلـها وجـاي ياربـي لرحـمتـك هـاي
علي آنه وأجيت براس ينزف فقره مدري ادمـاي
عفت كلـشي وراي وجـيت لجـلك طلگـت دنيـاي

روحي وكلبي دوم ايسولفن بيك
التـحـبه آنـه وآنـه الـمـيت عـليك

على طول العمر دوم
ألهـج بذكرك
ومن دموعي مااگـوم
العظم قدرك
رب الـنــور والـحـور
يربي وگلبي مكسور
ودمه برمشي

__1______

بشهر رمـضان بالمـحـراب يـاربـي چنـت سـاجـد
ولن سيف الظلم عالراس احـسـّه من نزل حاقـد
ولجلك ربي كلـشـي يـهون استقـبلته بگلـب بارد

احبك يا الّهـي وتعرف بـهـاي
فدوه هامتي لجـلـك يمـولاي

محرابي بقـه ينـوح
بـألـم وحـده
علي گدامه مطروح
وجرح عنده
المنـبر حـيله منـثور
يربي وگلبي مكسور
ودمه برمشي

__2______

الّـهـي حـيـدره آنـه چـنـت يـومـيـه الـك أدعــي
مثـل الزهـره وبـمــسمار كـونـه يـنكـسر ظـلـعـي
لچن سيف النزل عالراس غير حـالتي ووضعـي

أجـيـتك يا الّهي ودمـعـي بـالـعين
وعفت زينب دمعها بلون الحسين

هظيمه وجرح الايتام
شكبـر ونـته
على بابي الدمـع نـام
بحزن سكته
عفته الحـيل منحور
يربي وگلبي مكسور
ودمه برمشي

__3______

اجيتـك وآنـه حـزنـي بـگـد سـماواتـك وأظـن اكبر
على اولادي وعلى الفقره وجرح يآلمني حيل اكثر
على بــابـي عـفت ايـتام مـشــتـاگـه لـعـلي حـيـدر

يطگ ظهري احس من اسمع الصوت
عــلـي ويــاك اخـذنـه نـريـد لـلـمـوت

أزغار تنادي بأحساس
الحزن جمره
وظهره محني عـباس
السبب طبره
وحيله ارماد البخور
يربي وگلبي مكسور
ودمه برمشي

__4______

الّـهـي الـدمـعـه بـعيـونـي أنـه الـمـشـتاگ للـفـقره
مايـطـفـي جـمـر حـزنـي ومـااكـدر اضـم حـسـره
بس ارتـاح مـن تنـظر عـيونــي فـاطـمـه الـزهـره

عيوني اشتاگت تشوف الزچـيه
بكثر شوگي تـره مـشـتاگه هيـه

الّـهي تعـلـم الـشـوگ
الـيـرد ليه
گلبي هوايه محروگ
وألـم بيـه
نـور اشــتـاگ للـنـور
يربي وگلبي مكسور
ودمه برمشي

__5______

أنـه امنيـتي يـربّ الكـون حلمي بخـير كون الگاه
مـن اوصـل اشـوف الآه عـنـد الـزهـره مـيـته الآه
وكون بخير ام الخير ومحـسن شـاب وشمـحـلاه

وابن عمي النبي اشتم حضـرته
واشبع شوف من طوله ونظرته

يــارب جـايـك وشـوف
الحلم عندي
ودمعي مثل الاسيـوف
وجرح خدي
اليفگد مثلي معـذور
يربي وگـلبي مكسور
ودمه برمشي

__6______


#رزقهم_سلام_الله_عليهم
#احمد_رزاق_الاعرجي