كعده لولادة الامام الحسن المجتبى عليه السلام




بِسْمِ اللهِ الرَّحْمَنِ الرَّحِيمِ

يبدي المطر ابقـطرة
وبيك ابتدت الزّهرة
خير المطر ايروح ابمـدة
وخيرك لا مـعدود ايعـدة
ولا يـنـحـد ابفـتـرة

مـن اطـب تـاريـخ خـيرك مـاكـو بـاب اگبـالي ينسد
كلشي عنـدك لونـه ابـيـض بـس دِلالك لونـها اسـود
يـالـحـسن يـانـعـمـة الله ونـعـمـة الله شلـون تنـعـد
وبكل ارض من تنوجـد
ايطگ بيها نعناع وورد
حـرّيـه رازق كـل عبــد
ونـارك او لا لـحـظـه تــبــرد

التاريخك مـن ادخل
اطلـع خـير امـحـمّـل
ولا سـائل فـد يوم اتـردّة
وخيرك لا مـعدود ايعـدّة
ولا يــنـحـد ابـفـتـرة
________________1____________________

ياكـريـم وكـلـشـي مـــنـك صَــار مَــصْـدَر لـلــكـرامــة
وْكِل صِفَة اِيْحِـبْهَا الإله نـشـوف الـهـا اسمـك عـلامـة
الطَّاهِر ، الحَقّ ، الحَقِيْق ، الوَفِي ، البَرّ راعي الشهامة
يا حسن مصدر كل حَسِن
لطير الكرم چـفـك غـصـن
يـامُـحتــسب يـامُـطـمـئـن
وثـــانــــي أنـــوار الامـــامـــه

شخصيتك ما تُوْصَف
يا أنـفاس المُـصـحَـف
يمك تنـحل أصـعب شـدة
وخيـرك لا مـعـدود ايعـدة
ولا يـنـحــد ابـفــتـرة
________________2____________________

انــتــه اوّل فــرحـه لـلـزهـراء وأول ســبــط غــالـي
وِالـعَـلِـي اَهْـدَاك لْعَـلِـي وْمِـن عُـلائَـك راســي عَـالِـي
بالقـصـيـده مـن كتـبتك استـوطن الخـير ابـخـيالـي
من وجهك أيْعيش الضوه
لـلـمـنــجـرح اســمـك دوه
والـمـاي مـن چــفــك روه
ويــنـْتـرس يــمّــك الــخــالــي

فارش سفره اتعـزّب
امن المغرب للمـغرب
امضيفك مابي باب اتسدة
وخيـرك لا مـعـدود ايـعـدة
ولا يـنـحـد ابـفـتـرة
________________3____________________

اليقره صـلحـك يـبو محـمـد هـواي يأخذ منـه حكمه
يـاهـو مـثـلك صـلـح عـنـده وذاخـر الـقاسـم الـعـمّـه
وخـطـّط الأبـنـه يـضـحّـي وبالخـلود ايـعـيـش دمّـه
كاتب وصيه امـهيلـه
لجاسم وگتها ابكربله
انصر ابن عقـد الـوله
لـو بـقـه ايـنــازع ابــهـمّـه

حاسب كلشي احسابة
اليـوم الـطف وارهـابة
من بـسـتانـك قاســم وردة
وخـيرك لا مـعـدود ايـعـدة
ولا يـنـــحـد ابـفـتـرة

________________4____________________

بكل شجـاعـة وعـن درايـة صـغّـرت اهــل الـكـبـائـر
وبوعـي الـيـقـراك يـعـرف چـان صـلحـك صـلح ثائر
وبـتمـعّـن وبـســياسـية اتـمـهّـد لـصـحـوة ضــمـائــر
الحـكـمـة چـانـتـلك هـدف
لمشروعك أصبحت الكهف
لسر الطـفـوف ومــنكـشـف
وانــكـشـف ســاعــة الــعــاشــر

قائد ثورة بـفعلك
والي ضدك يهـلك
تتنفس گاعـك بالسـجدة
وخيرك لا معدود ايـعـدة
ولا ينحـد ابفـتـرة
________________5____________________

#رزقهم_سلام_الله_عليهم
#الخادم_احمد_رزاق_الاعرجي

محرابك شـيّب
وايتامك تنحب
محني بطوله الفقار
يالبُـعدك مـثل النـار

يم بابك الفقـره بهظم مـجـتـمـعـه
منتظره من بـيتك يـحـيدر طـلـعه
آنه الحـسن واسمع يــتامــه اتنادي
الرد الـشمس ياربـنـا كـون ترجـعـه

گلـب الـيـتامـة
يدعـي بسلامة
اتــرد سـالـم يـالــكـرار
يالبُـعـدك مـثــل الــنـار
__________1__________________

بويـه وتـدير اعـيونك اعله الفـقره
والـفـقـره كـل عـيـونهـم عـالـطـبره
شافو نزيـف الـراس يمـشي بهيـده
وصاحـو دخيل الله ودخيل الزهره

مقهورة احبابك
تشـتم بـثـيابـك
من دونك وحشة الدار
يالبُـعـدك مـثــل الــنـار
__________2__________________

الـحـاضـر قبـل كـل آدم وكـل حـوّه
مـتـغــيـر هــوايـه عـلـي ومـو هـوّه
الچان شحـلاته احـله مـن الـنـسـمه
مـعــقـولـه يـتـنــفـس هـوه بالـگـوّه

كلمـن ينـشــدني
ابدمعاته ايهدني
تعرف ياحامـي الجـار
يالبُـعـدك مـثــل الــنـار
__________3__________________

اليفـگد عـزيـزه يـا هـو الـيْـتـچـيلـه
لـيـل ودمـع نـاتــج الـفـاگــد حـيـلـه
اليفگـد عـلي كـل مـغـربـيه تشـوفـه
مكسـور خاطـر "يـاعـلـي" بترتـيـلـه

وزينب انظرهـا
اتـغيـر منـظرها
منـهـا الـمـدمـع مـدرار
يالبُـعـدك مـثــل الــنـار
__________4__________________

هـسّــه ذبـل عـود الـيـتـامـة بْـشـده
يـبقـى اليـتيم ابـلا عـلي وشـعـنـده
نــار الـدمـع يـتـحـول بـنـص عـيـنه
حرگ الخـيم دمـعاتـه تـحرگ خـده

بعدك مُصايـب
تلفي ونوايـب
والــهـــم الـــدارك دار
يالبُـعـدك مـثــل الــنـار
__________5__________________

معقوله طـاح الـطـاح بـاب بـچـفـه
وحيله أيتهاوه بريح مثل الـسعـفه
بـفـراشـه نـايـم والنـزيـف بـطـولـه
ومـايـقـبـل يـبـطـل ثــوانـي نـزفـه

وحسين أخويـه
يـبـچـي يـبـويـه
وأنته التـدري الأخبـار
يالبُـعـدك مـثــل الــنـار
__________6__________________


#رزقهم_سلام_الله_عليهم
#احمد_رزاق_الاعرجي

قصيدة - الى متى

لسادة البقيع عليهم السلام ;



الى متى ارض البقيع ابلا مناره
الى متى ما نــگدر نـزور الزياره
وي الترب أربع حضارات
ياوسفه مابـيهن مزارات
الى متى ارض البقيع ابلا مناره
---------------------------------------------------

لشـوكت يبـقه البقيع يعيش حسره
وگبه مـاكو ولا مناره وماكو حضره
المنكسر گلـبه شخص يگدر يجـبره
المهدي من يبني قبر فاطمه الزهره


لمن يهل يبني المراقد راحة البال
وقبه ذهب يم الغيوم بعلو الجبال
وفوك القبور يخلي رايات
ياوسفه مابـيهـن مـزارات
الى متى ارض البقيع ابلا مناره

---------------------------------------------------

للبقيع الـروح مشـتاگـه وحـزينه
رايده توصل تزور ارض المدينه
والگــلب مـتلهـف وزايـد حنـينه
يمته نصرخ يالبقيع احنه اجينه


ويبـقى الألم ينزف عـلى گبور الايـمـه
يجري الدمع مثل الشمع والدنيا ظلمه
يمته نشاهدها المنارات
ياوسفه مابيهن مزارات
الـى مـتى ارض البـقــيع ابـلا مـنـاره

---------------------------------------------------

يمته اشوفن ثورة الحگ على الباطل
بيــها مرســومه الـبطـوله و الـمراجـل
وبـيـها قــائد اسـمه عباس ابـو فاضل
يقــود ثـورة وسـيفه يعدل شكو مايل


وام الكمر مرقدها يصبح جنه للناس
ونشم عطر ينگط وفه وغيرة العباس
هالثوره للحك انتصارات
ياوسفه مابــيهن مزارات
الى متى ارض البقيع ابــلا مــنــاره

---------------------------------------------------

ننـــتـظـر كـل الــعـمـر نــنــظـر مــنـايــر
ونممشي مشايه شوكت صوت الحناجر
وبــمــضيف الحســـن ننــصبــها المنابـر
وبـالـبقــيع نــسوي مــجلس يوم عـاشر


ونسمع وطن يقره بحزن اجمل قصيده
وعبــدالرضـا يــقـراهـا ايــام الــمجيـده
ونسمع صدى من السماوات
يـاوسـفـه مـابيـهـن مـزارات
الى متـى ارض الــبقـيـع ابـلا مـنــاره

---------------------------------------------------

المنتـظر يبــني الــمــراقـد واحنه وياه
ولافــتـه يــكتب علـى كــل قــبر عـلاه
فــاطــمـه والله مــانـنــسى حـســيـناه
ننســى كلــشي والحسين شلون ننساه

وننصب عزه والمهدي حاضر بالمجالس
وكل الخدم يكـتب أسـمـها كلها عــابس
بيهم يداويها الجراحات
ياوسفه مابيهن مزارات
الى مــتى ارض البــقــيع ابــلا مــنــاره

---------------------------------------------------

والــدي وصــانــي يــاربي وسـمعته
العنــده غايــب يــاالهي بـي جمعته
بكــل صـلاه عـبدك يناجيك بدمعته
عــجـل اللــهم لـلــمـهــدي بـطـلعــته

فدوه العمر للمهدي واقدامه الشريفه
يمتى يجي للمجتبى يفــتح مضـيفه
ياربي اسمع هالمناجات
ياوسفه مابيهن مزارات
الى متـى ارض الــبقـيـع ابـلا مـنــاره



#رزقهم_سلام_الله_عليهم
#احمد_رزاق_الاعرجي

كعده : لأستشهاد الامام الصادق ع

بانفاسه الأخيره دمـوعه تجري
يگول بـكربـله اتـمنـيتـه گـبـري
بروحه تستعر نار يوم الغاضريه

جعفر الصادق وفـاته حـانـت وضـاگـت الـوسـعه
يگول كون اندفن بالطف دمعه تشرح حال دمعه
حالته كــلـش حزيـنه حـيـله ينـزف مثـل شـمـعه

تعبان بشـفافـه الضـمه
ودموعه من تهمل دمه
يبچي وينادي فاطـمـه
محني وچفوفه اعله ظلعه

بنظراته الأخير اتمنه يانـاس
بين حسين گبره وبين عباس
وگلبه من الحزن صار يوم الغاضريه

_____________________________

الباقر وكلشي حـچـاله عـالـطفوف شصـار بيـها
ذكـريــاتـه شـگـد ألـيـمـه خـيام وابـلايـه وليـها
وعمته زينب بالصحاري تشاگف السوط باديـها

من كربله كل حسرته
والدمع خضّب لحيـته
بخدوده ترسم دمعته
طـفـلـه تعـثر مـن بـچـيـها

حسره بگلبه من يذكر اخـيامه
مـاتبـقى على راسـه الاعـمامـه
وكلشي بدمعه تذكار يوم الغاضريه

_____________________________

على فراش الموت ينظر ماكو حافر فوگ صدره
ونحره سالم مايشاهد فوگ نـحره ثنـعش طـبره
ظلوعه ماكاسرها حـافر ومـنه مامـكـسور ظـهره

وبروحه عايش كل جرح
يتـمـنـى بالـطـف منـذبح
ويصير راسه اعله الرمح
وجـسـمـه كـل حـافـر يـوذره

الصادق صادق بصدقه وفعاله
وقصــة كربـله دوم اعلـه بالـه
كلشي يشوفه بالدار يوم الغاضريه
_____________________________

داره من حرگوها شاهد فـزعت عيـاله وتـذكـر
اخيام الحسين احرگوها والحرم حـفايـه بالبـر
لچن فزعو ناسه يمه وانــطـفـت داره وتـحـسّر

عمـاته ركضـن عالجـمـر
واطـفال عالخد تنصـطر
وبظلوع زينب چم كـسر
مــن ضـرب كـثـرت الـعسـكـر

ماظل حيل عنده وكـلشي ذابل
حاله شلون جـربـة ابـو فـاضـل
وگلبه الصادق احتار يوم الغاضريه

_____________________________

حيــل يـتـألــم يــنـازع هـايــه انـفـاسـه الاخـيــره
وناسه يمه وولده يـمه وگـلبـه شـايـل حـزن ديـره
يگول جسمي شلون سالم هاي حيره شلون حيره

لـحـسـين كـونـي احـتـرگ
وحـافر ظـلع صدري يطـگ
وكل جسمي كونه ينسحگ
وكــــون يـنــلــم بـحـــصــيــره

العنده جروح كل مغرب تشـوفه
امخليهن عـلى عيـونـه چـفـوفـه
وحمره تصير الانظار يوم الغاضريه
_____________________________

المصيبه :

بالدمع غمض اعيونه وخلصت انفاسه وجروحه
جعفر الصادق بحسره سكت صوته وهـدأ نـوحه
روحه بيها اسوالف الطف وبهدوء أطلعت روحه

كلشي حزن لجله بألـم
ركن الامـامـه وانـثـلـم
مات ودمعته عالخيـم
راح ابو الكاظم بجرحه وكلشي صار اظلم بدونه

_____________________________

#رزقهم_سلام_الله_عليهم
#احمد_رزاق_الاعرجي

قصيده لاستشهاد الامام الصادق عليه السلام :
[ ذابل عمره ]


كلشي بألم وبحسره
هالليله ذابل عـمـره
جعفر بداره العبـره ... وناره تسعر
...........................................
داره صفـت نـار وحـزن
وانعادت احداث الـ وإن
وحيله وگع من عنده

ينـظـر عـلى بـابـه الجـمر
بس ماسمع صوت الكسر
والدمعه جرحت خده

آهـاتـه كـلـهـا وحـسـْرِتـه
ترسـم ظـلع بـرويـحـتــه
عايش غريب لوحده

نار التشب داره طفت
وارمـاد تاليـها صـفـت
والحال يرسم شده
...........................................
وايده علـى الَعِمـامه
فـارگـهـا الابـتـسامـه
يحچي صعب كلامه ... وناره تسعر
__________1__________________

جعـفر الصـادق منـكـسر
گلبه احترگ خيط بجمر
وعـيونـه تـعِّــبـوهـا

شاف الشـماته بكل كتـر
واتـذكـر الطـف والـصـبر
والخيم من حرگوها

وشاف اهله حاوطهم رعب
بس ماكو سوط ولا ضـرب
ولا طفلته سـبوهـا

ولا شـاف اخــتـه تـنــولـي
وتـصـيــح ويـنـك كـافـلـي
ولاحـرمـته ولـوهـا
...........................................
ارماد الخيم بعيونـه
وكـل الألـم بـمـتـونـه
طـايـح وذابـل لــونـه ... وناره تسعر
__________2__________________

عـاش الألـم عـاش الـجـرح
كـــل مـغـربــيــه يـنــذبـــح
وبگلبه للطف جمـره

يــنــظـر لــداره مــحـــتــرگ
بس ما وصل صدره السحگ
وحافر يدوس بصدره

والــنــاس مـن فــزعـت الــه
صــاح ابـدمــوعــه كــربـلــه
والحـيل طـاح بكتـره

ويـگـول جـدي بـيــا ســبـب
حـتى الـهـدم منـه انـســلـب
واتراب تارس نحـره
...........................................
جعفر الصادق ينحب
ويصيح عمتي زيـنب
والرمـش مـنه شـيّب ... وناره تسعر
__________3__________________

يـتـذكـر ودمــعــه دمـه
وبروحه مرسوم الضمه
والنبض حيل امتعبه

طف كربله بگلبه جـرح
ويگول كله امن الرمـح
والشيّب تارس گلـبه

يمشي ودموعه اتعثّـره
شما ذكر سـبع الگـنطره
يـتبـده مـاي بدربـه

وسهام وسيوف وحجر
ما فارِگـن فـكـره ونـهـر
يم نهر طايح صعبه
...........................................
الحافر أخذ كل حيله
البـاقـر قبـل يـرويـلـه
سوالف الطف ثـگيـله ... وناره تسعر
__________4__________________

بداره گعد واعـلـيَّ نـظر
واخـيـام محـترگـه ذِكـر
واطفال تركض هيمه

وعماته ركضن عالجمـر
حـفـاي والــدنـيـا ظـهـر
وماضـلتـهـم خيمـه

والسوط يركض عالمتن
والدمعه والدم عـالـردن
وماصحّت الهم غيمه

كلشي انسلب حتى الدمع
والوضع مو نفسه الوضـع
وعالترب أهل الشيمه
...........................................
جـعـفـر الصـادق روحـه
يحس بيها چن مذبوحه
طاح اعله طوله بنـوحه ... وناره تسعر
__________5__________________

ولمن ذكر طـاري الهـزل
وچفوف مچتوفه بحبل
كل عينه صارت حمره

ترسم دمعتـه شگد ألم
من الخيم حـد الخيـم
وبروحه تسعر جمره

يحچي ودمع عينه يصب
زينب غريبـه اويـه الغرب
اصعب سفر هالسفره

زينب هـظـيـمـه ابـلا أهـل
وگـــبـالــهـا راس الــكـفـل
ولمن تنظره بحسره
...........................................
ويـگـول دمـعـي بـعـيني
مـن يــهـمــل يـچـويـنـي
وطـاري السـبـي يـآذيـني ... وناره تسعر
__________6__________________

مـن الـقـهـر گـال الـجـرح
زينب تطب سوگ الصبح
والناس تلتم كلـها

واحـد شـمـر عمتي بحجر
واحـد شتم سكنـه وقـهـر
كلش ثِگل حملها

بالشـام كل واحد صـلـف
يضحك وينظر مستخـف
وايتام ياهو الها

وجـروح وآهـات ونـزف
وعالرمح مرفوع العرف
شده ومنو اليحلها
...........................................
جعفـر وكـلشـي اتذكّـر
امحمـد الباقـر مـصـدر
كل ذكره يمشي ويعثر ... وناره تسعر
__________7__________________

#رِزْقهُم_سَلامُ_اللّه_عليْهِم
#احمد_رزاق_الاعرجي

القصيدة الجعفرية



والّـتـي أُمُ أبـيـهـا والْكِـتـابْ
إن في القـلـبَ مُصابْ

إنـنـي الـصّـادِقُ أروي نائِبـاتـي
عِشْتُ مظلوماً أسير الْحسراتِ
أقدمو أهـلَ الْقِـلَـى والسـيّئاتِ
اضرمو الـنارَ بِـبَابـي الظُـلُمـاتِ

أحرقو من قـبلُ بـابْ
إن في القلبَ مُصابْ
____________1____________________

إن دمـعـي للّـتـي قـد ظـلمـوها
خلف تلك البابُ أُمّي عصـروها
كـسـرواْ أضـلاعُـهـا مارحـمـوها
هيَّ وجههُ اللهِ لكـن سـطـروها

هـيَّ للـديـنِ حِـجـاب
إن في القلبَ مُصاب
____________2____________________

تـرسِـمُ الـنّـارَ خـيـامً لّاهِـباتي
وأرى عمتي زينبْ في الفـلاةِ
تركِضُ تجْمعُ أطفالَ الـصـلاةِ
وتصِـدُّ عينُـها نـحـو الـفــراتِ

قلبُها في الطّفِ شاب
إن في القلبَ مُصاب
____________3____________________

ترسِـمُ الـنّارَ خِـباء الفاطمـيّة
ودمــوعٌ ونِــدائـاتِ الـرزيّــة
عمَّتي أينَ أبـي نـادت رُقـيّة
فتُجيبُ ذاكَ بين الأعوجيـة

آهِ يـا ثُـقـلَ الـجّـواب
إن في القلبَ مُصاب
____________4____________________

لـوحـةُ الـطّـفِ أرى فيـها وفـاءُ
خـطّـهُ الـعـباسُ والـحِـبـرُ دماءُ
ضامِـئً أغمـضَ عينـاهُ الضـياءُ
كيف يقْضي الماءُ عطشانً لِماءُ

هُــوَ مـــاءٌ لا ســراب
إن في القلبَ مُصاب
____________5____________________

إنَّ أنّـــي أنّ لِـلـطّــف جَــــزوعــاْ
وعيوني تحـرِقُ الدمـعَ شـمـوعـاْ
نـارُ طـفِ تـلـهـبُ بيـن الضـلوعـاْ
جُرحَ قلبي للشِّفى يأبى خضوعاْ

إنّـهُ عـيـنُ الــصّـواب
إن في القلبَ مُصاب
____________6____________________

قبل موتي آخِرُ الأنفاسَ منّـي
ذو الْفِـقـارُ كِلمتـي لا لـن أُثـنّي
آخِـر الأزمـانَ يأتـي نـور أبنـي
طالِبَ الثـأْرُ أبـا صـالِـحُ أعنـي

شمسُهُ تجلو الضباب
إن في القلبَ مُصاب
____________7____________________


#رزقهم_سلام_الله_عليهم
#احمد_رزاق_الاعرجي

السلام عليكم خدمة الحسين عليه السلام
بعد التوكل على الله العلي العظيم
سوف يتم إعادة نشر منهاج محرم الحرام
للسنة الماضية 1443
ومن ثم يتم نشر منهاج محرم الحرام 1444 قريباً
ان شاء الله
دعواتكم لنا بالتوفيق
واسأل الله لكم أفضل وأوفر التوفيق بحق النبي الأكرم وآله الطيبين الطاهرين صلوات الله وسلامه عليهم
وأن يبلغنا هذا الأجر العظيم

لبيك يا حسين
#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
مولاتي فاطمه العليله (عليها السلام)

اللـيل أجاها ... وحيلها ايوازي الشـمـع
ورقه جابت ... رسـمـت بـحـبر الـدمـع
ظـعـن سـافر بالـخـيام
طـفلـه عافـوها العـمام
اللـيل اجاها

رسمه چانت حلوه كلش
بيها رسمت ضعن ابـوها
والبقه بخاطرها شـافت
بـالـضـعـن مـاصـعـدوها

رسمه چانت // بيـها احـداث السفر
رسمه چانت // قـهـر يرسـم بـالقـهر
رسمه چانت // بيها كـسران الـظـهر
رسمه چانت ...

الشيله نگعت ... بالـدمع رسـمـت خـيم
نـــار بــيــهــا ... وجربه مذبوحه بسهم
وأنسلب حتى الكلام
طفله عافوها العـمام
اللـيل اجاها
__________1__________________

هـوّد الـلـيل بـظــلامـه
والعليله تگض ظلـعـها
رسـمت بدمعـتها حافر
والـرسم كـلش وجـعها

والهظمها // رسمت خيـام وطفـل
والهظمها // تشوف بالرسمه حبل
والهظمها // بالرسم شـافت هِـزل
والهظمها ...

وبــرسـمـْهــا ... يابس تشوف النـهر
وليل يركض ... والاخـيام ابـلا كـمر
والـسلام ابـلا سـلام
طفله عافوها العمام
اللـيل اجاها
__________2__________________

بـالـرسم شـافـت رقـيه
برمحه شامت طيّحاها
تـعـثر بهـيـمه شْـكـبرها
والـعِـدا تُــركـض وراها

تموت رادت // شافت سياط الـمتن
تموت رادت // سوط من بزرت وإن
تموت رادت // دمعه والـدم عـالردن
تموت رادت ...

تصيح عـمه ... وين اروح اليا كـتر
والـمصـيبـه ... يـدور اعلـيها الشمر
وهيه مچويه الچِدام
طفله عافوهـا العـمام
اللـيل اجاها
__________3__________________

عـافـت الرسـمـه و تـدوّر
نـاگه نـاگـه ابهـيده چنهـا
اتشم بالاثيـاب الخـذوهـا
وحنّـت النوگ اعله حنْـها

تريد تنهض // تگـوم والنـوبـه تِـگـع
تريد تنهض // والـهـوه عـنها انگـطع
تريد تنهض // والـوجـع هذا الوجـع
تريد تنهض ...

تبچي سكـته ... والـيصــبُّـرهـا مـنـو
تبچي سكـته ... بنـيـه وتـفـارگ أبـو
تخاف من طاري الظلام
طـفـلـه عافـوهـا العـمـام
اللـيل اجاها
__________4__________________

للرسم رجـعـت تـعـايـن
ألحسين بكل خـشوعـه
طايح ودمه اعله طوله
وحافر ايكسر ظـلوعـه

خيل عشره // يركـضـن بـطول الجـسد
خيل عشره // وراسه عن جسمه ابتعد
خيل عشره // والـــرمـــل نـــار وأشــد
خيل عشره ...

كلـشـي يمهـا ... گـامـت تـشـوفـه رمـح
تموت شمعه ... من تجي شمس الصبح
بـعـد مـاتـگـدر تـنـام
طفله عافوها العمام
__________5__________________

تعاين الرسـمتـها شافـت
تل علْيه عمـتهـا زيـنـب
والسـياط شــگد عـليـها
والظهر من عدها حدّب

تركض اتلم // طفله طـفله مـن الغـرب
تركض اتلم // زينـب وتـركـض صـعـب
تركض اتلم // جسم اخوها امن الترب
تركض اتلم ...

اهـلال چنْـها ... وفوگ خمسين العمـر
والـمـصايـب ... دارت اعـلـه ام الخـدر
حافـر وتـل وسـهـام
طفله عافوها العمام
اللـيل اجاها
__________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لـمـولاتي العليله ( عليها االسلام )
[ هالـروحه هـايه ]

هـالــروحـه هـايـه ... تـرســم نـهــايـه
طـفـلـه وعــلـيلـه ... ودمـعـي سـبايـه
عيوني صارت حمـره
بگلبي عاشت حسـره
تـرســم نـهــايـه

اشـوف اضعـوني تـتـحـزّم تريـد اتسـافر ابدوني
وتـرسـم دمْـعِــتـي بـعـيـني وحـدي لا تـخـلّـونـي
هلـي ادخيل اللّه شـوفـوني امــوتـاً لو تـعوفوني
ازغيْـره وكل هجر خنـجر بـعدكـم يطعـن عيوني

اشوف النوگ واتحسّر
وگلبـي بـنبـضه يتـعـثّر
جرحي امن العمر اكـبر

انــظــر خــواتــي ... اتــشـم بـعـبـاتـي
وحـيــلـي تــهـدم ... شــلّـي بـحـيـاتـي
جروحي هاي السفره
بگلبي عاشت حـسره
تـرســم نـهــايـه

__________1__________________

شنو الباقي واضل يمّه واشوفن كل ضوه مْسافر
هلي لو بالضـعـن سـرتـو اضـل ابكـسـرة الخـاطـر
امس چان شحـلاته الليـل ويـذبـح ليـلـكـم بـاجـر
اباوع عـالضـعـن والحـيل خيـمه ابـلـيلـة الـعـاشـر

نـار الـبـيّه مـســتــعـره
يـهـلـي والـعـمـر فـتـره
اخذوني عليكم الزهره

ازغـيره ودمعـتي ... مسحت ضحكتي
لـو رحـتـو عــنـي ... ابقـى بـحـسـرتـي
وكلشي يصبح صحره
بگلبي عاشـت حسـره
تـرســم نـهــايـه
__________2__________________

الضعن بي والدي تعبان گعدت أگبـاله من شـفْته
وعيوني خذاها الـشوگ بعـيونـه وبچـت سـكْـته
وحاچيته ابدموع العين وسـولـف مـحله سالفْته
واعاين نـحره واشتـمـّـه شيـخ ومـلـك طـايـفْتـه

حنين ودمْعـته اعلـيّـه
وكل ظلـوعـه محنـيّـه
وخلّه اجفوفه بـيديّـه

خــيـمـه أشــوْفـه ... فـدوه الچـفوفـه
بـنـظـراتـه يـشرح ... قـصّـة طـفـوفـه
حيلي خـلّـص عـمره
بگلبي عاشت حسره
تـرســم نـهــايـه
__________2__________________

راحــو ونْـظـر اعـلـيـهــم وايــدي تــنـرفـع گـــوه
ومــن بعـيد اشـوفنـهم ظعـن بالدمـعـه يـتــچـوه
وبقيت امتانيه اعله الباب يرد ظـعن الـمشـه توه
بـقـيـت ابـيـت أحــزانـي ومـاضـلـت الـي سـلـوه

اعاين داري چن هيمه
الوگت نار وأنه خيـمه
الزمن مايرحم ايتيمه

وحدي اعله بابي ... ودمـعـي بـثـيابـي
منــتـظـره اهـلـي ... بـحـزني وعذابـي
روحي بـيها الـجمره
بگلبي عاشت حسره
تـرســم نـهــايـه
__________3__________________

يـومــيـه أفـِـز بـالـلـيل مـرعــوبـه وگـلـب حــايـر
بـاحـلامـي اشـوف حـسـين مـا يـنـلم وذر صـايـر
واشوف بصدره گومه سهام ورمح من الكفا عابر
وراسه اعله الرمح شالوه وگلبه انـشـال بالحـافـر

وخنصر ضاع من عنده
اوتـراْب ودم على خده
بجـروحـه بـقـه وحـده

حـجـار بـجـبـيـنه ... و امْــسـلِّـبــيـنـه
عـــاري ابـــويـــه ... واسـمـع ونـيـنـه
بـكـربله طـش عطره
بگلبي عاشت حسره
تـرســم نـهــايـه
__________4__________________

بأحـلامـي الخيـم طـاحـت ونـار اعـليها مـتحـزمه
وشفت عمتي تلم ازغار والهيـمه اصبـحـت ظلـمه
وسـوط بـكـل مـتـن گاعـد وكـلـهـا تصـيح ياعـمّـه
وزينـب حـيـل مـتـعـوبـه وكـلـهـا عـلـيهـا مـلـتـمّـه

يريت اويـاهـم اخذونـي
وســوط ايـورم امتونـي
وامشي ودمعي بعيـوني

بـس ما خـذونـي ... مــن ودعـــونـي
كـل روحي ذابت ... چـنـهـم جِفونـي
صبري ملْ من صبره
بگلبي عاشت حسره
تـرســم نـهــايـه
__________5__________________

يــومـيـه رســايـل شـوگ اكـتـبــهـا بـدمـع هـالـي
لبوي حسين اخبرنّـه واطمنه بْصحّـتي وبـحـالـي
لـچـن فـوگ الرمـح راسـه يـقـره شلـون مرسالـي
ومرسـالي يمـوت بـساع لـو شـاف الرمـح عـالـي

چـم مـرسال كـاتبـتـه
مثل الـمنـذبـح سكتـه
ومن ادموعي وقعـته

ومـــارد عــلــيّــه ... مـنـتـظـره جــيّـه
يـرجـع ظـعـنـهـم ... مــــن الــمــنــيــه
وتنطـفي كـل جـمره
بگلبي عاشت حسره
تـرســم نـهــايـه
__________6__________________


#رِزْقهُم_سَلامُ_اللّه_عليْهِم
#احمد_رزاق_الاعرجي

منهاج محرم الحرام
1443 هـ
من فاطمه أم البنين
الى فاطمه أم الحسين ( عليهما السلام )
[ فاطمه الفاطمه ]


تكتب رسـالـه فـاطـمـه الـفـاطـمـه
والظرف شيّيب من حضنْها وعِمه
كـل حرف شـايل جـرح
مثل شمس الله الصبح
فـاطـمـه الـفـاطـمـه

بسم الجرح كتـبت رسالتهـا الوفـيـه
من خـادمـة وِلــد الـزچـيـه للـزچـيـه
كتبت غداً كل غالي يرحل من اديـه

ضـعـن الهـواشـم بـاجـر يـروح
وابـقـى غريـبه وابـقى بالنـوح
وگلبي يضل كل لحظه مذبوح

مرسـال حسـره وبي ونيـن وألـم
وبـهالرسـاله رسـمت اشگـد خيـم
والـجـرح مـا يـنــشـرح
مثل شمس الله الصبح
فـاطـمـه الـفـاطـمـه
__________1__________________

كتبت بعد مااشوف ابو اليمه وأشـمّه
ياريت من بعد الحُسين عيوني تعـمه
باچر افارگ فـرحتي وچلمة الـ يـُـمّـه

والشيب فـوگ الراس يندار
دون الحُـسين الـدار مـو دار
وأزغر جروحي بالـگلب غار

خوفي على حسين العطش يوصله
وهـواي اخـافـن مـن اســم كـربـلـه
وآخ مـن طـاري الـذبح
مثل شمس الله الصبح
فـاطـمـه الـفـاطـمـه
__________2__________________

تكتب رسالتـها وغـفـت تـعبانة اعـيون
حگها النوايح عدها مو مثل الينوحون
شيصير چا بـأم الكمر لـو عنها يرحـون

باجـر تضـل مگابله الـباب
تـتـأمـل ايـردون الاحـباب
والمغرب الدمعتـها سلاب

والـحـيل مـاي وعـالارض يـنـچـفـي
دمــع الـفُـگـد احــبـابـه مـايـنـخـفـي
وغـيـر هــذا مـا يـصـح
مثل شمس الله الصبح
فـاطـمـه الـفـاطـمـه
__________3__________________

راح الضعـن مـن يمـها والدمعـه بديهـا
وعيون الحـسين وابـو فاضـل عـلـيـها
عن عينها غاب الضوه وكل حيل بيـها

فگدت غوالي وراحة البال
رجعت حزينه والظهر مال
والحال حيل اتغير الـحال

رجـعـت تِـكــمـل بـالـرســالـه وتــون
مــن سـافــرو داري عــلـيـه سـجــن
والـدمـع عالـخد يـسـح
مثل شمس الله الصبح
فـاطـمـه الـفـاطـمـه
__________4__________________

نامت وشافـت بالحـلم طـف السـبـايـه
وخيام محتـرگه وعطـش يرسم نهايـه
وزينب چـبيره وتركـض أتـلم آيـه آيـه

وشافت حسين وراسه مگطوع
بصـدره الحوافر تطحن ظـلوع
وصوت الحـراير صار مـسموع

بـالـگـوه تـمـشـي وگـصـدت المـشرعه
الـعـبـاس طايـح شــافـتـه بـمـصـرعـه
وراسه مـرفـوع بـرمـح
مثل شمس الله الصبح
فـاطـمـه الـفـاطـمـه
__________5__________________

رجعت حدر جسم الحسين أتنشف الدم
وتـگـلـه وسفـه تـنـذبـح ضامـي يـزمـزم
مـن الـحـوافـر وصـل گـلـبـك للـمـخـيـم

وتگـلـه ليـش امـطـشـرينـك
والرمل ليـش مغطـّي عينك
عاري وسلـيب امـوذّريــنـك

مِــن الـــحـلــم فـــزّت تـــنـادي وتــون
اسم الله اعله صدر الـغالي لا ينـطحن
حسين أبو گلب السمح
مثل شمس الله الصبح
فـاطـمـه الـفـاطـمـه
__________6__________________


#رِزْقهُم_سَلامُ_اللّه_عليْهِم
#احمد_رزاق_الاعرجي

قصيده لأم البنين ( عليها السلام )
[ آذان الطف ]


آذان الطف صوته ينادي
يـا حــيّاكــم يـا ويـلادي
متقصرون ... وتريدون ... رفعة راسي

يالـگدها اوصـيكم اذا رحـتو ودربـكم اخـضـر
عالـعايله وهـذا الخـدر اعـيـونكـم خـل تسـهـر
شما هالسفر دربـه كُبر ابقـه انـتـظـركم واكــبر
يلفيني شـيْبـي من وگت لو ابو الـيـمـه اتـأخـر

شـلـه بعـمـره الـودع غـالي
خنگه وحسره تعيش ابالي
وشيب اچفون ... وتريدون ... رفعة راسي

__________1__________________

ولْـدي أوصــّيـكم بـعـد زيـنـب أمـانـه عــدكـم
غطـوهـا بـرموش النـظر تـرتـاح كـون اختـكـم
حتى الهـوه يـمـشـي بـأدب ويـاكم ابعـهـدتكـم
عين الشمس لوفتّحت تنـفـگس من خــزرتكـم

مااريداً تعطش بت حيدر
اعرفـكم غيرتـكم محـشر
هاي ام عون ... وتريدون ... رفعة راسي

__________2__________________

يالرايحين اويـه الـضـوه لا ينـلچـلم مـن النـاس
لو راد يـتنـفس هـوه للـريـه اركـضـو بأحـسـاس
ولو شـده صـارت يالـوِلِد ظـهـر بظهر وي عباس
شدو الحزم وافدو النحر وادري ترفعون الراس

بالطف بيكم راح أتبـاهـا
خوتكم حُب يامـحـلاهـا
تنتصرون ... وتريدون ... رفعة راسي

__________3__________________

يايمـه هـالدنـيا حلـم سـاعـه ونـِفـز مـن عـنده
وهـنيـاله كلـمـن للصـدگ رايح و للـطـف حـده
واحدكم بوجهه نـحـر و طابـع حـسيـن بخـده
شـلال واحـدكـم صـبـح ويـا گــاع هـاي تـرده

يـالطـلگـتو الـدنيا وبـيها
والخـوه بـمنحر شاريـها
وتركضون ... وتريدون ... رفعة راسي

__________4__________________

لو خيـّم المـغرب عـليّ اجـروحي تبـدي تــدّي
البيت فارغ من ضوه والظـلمه صـارت ضـدّي
وهـاي العليـله بروحِتـه والـداها تبـقى اتنـدّي
عالباب چم دمعه وجرح واحزآن بيها تـِحـدي

يـومـيه المغرب مشـتاگـه
لــلــوالـد وتـريـد الــنـاگـه
ترجع كون ... وتريدون ... رفعة راسي

__________5__________________

محتاره شحجي وهالسفر هيّج مواجع بيه
للفـرگـه رايـد چـم گـلب عـلـويه هـاشـمــيه
بفـراگ الحسين انحـني وظهري تلزمه اديه
اللــيل شيـخـلصه بـلا وجـه الصـباح وضيه

الله وْيـاكم مـا اوصـيكـم
مــن اولـكم و لــتالــيـكـم
وتـضوّون ... وتريدون ... رفعة راسي

__________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443هـ
لمولاي مسلم ابن عقيل ( عليه السلام )
[ شـلـون اجـيـك ومـنـچـتـف ]


شـلـون اجـيـك ومـنـچـتـف
ومـــاكــو بــالـــودام عــرف
ارد اگـــلـك ارجــــع
لصوتي كونك تسمع
شـلـون اجـيـك ومـنـچـتـف

اويه الهوه ابعث سلامي
يـا أبـن عــمــي وامـامـي
لاتـــجــي آخـــر كــلامـي ... أبـألــم

مـسلـم آنـه وتـدري بـيـه
مـا اهـاب مــن الـمــنـيـه
كــلــهـم الــتـمـو عـلـيــه ... سـهـم

ارجـع ارجــع ارد اخـبرك
كلـها سيف وتهوه نـحرك
بـاجـر يكـسرون ظـهـرك ... نــعـم

والجـشـع اعـيُـن عـمـاها
والـحقـد تـارس سـمـاها
كــل رســـايـلـهـم تــراها ... وهــم

ورمــح يـنـــتــظـــرك تـــره
بـعــيـنـي كـلـشــي مـگـبـره
الـحـزن بـيـه مـنـبـع
لصوتي كونك تسمع
شـلـون اجـيـك ومـنـچـتـف
__________1__________________

آنـي مسـلـم چـتِـفـونـي
ومن حـجرهم غـيروني
يـاحـسـين وشـتــمـوني ... شكثر

امـشـي وحـبـال بـأديـه
الكـوفـه كـلـهـا والأذيـه
ذاك يـضـحك ذاك بـيـه ... يـجـر

والدمـه تـارِس لـحـيتي
وفكْري كلّه يم قضـيتي
والهوه التـشـتمّه ريتـي ... جمـر

امشي واعثـر بالمدامـع
بيه زحمه امن المواجع
وبـيـه آنـه شـمـا ابـاوع ... كسـر

حــزنــي اكـــبــر قــافــلــه
وآنــه شـــايــل كــــربــلــه
ورمــح بــيـه يـدفـع
لصوتي كونك تسمع
شـلـون اجـيـك ومـنـچـتـف
__________2__________________

صوت اسمعه يگلي باجـر
حسينك اتسحگه الحوافر
ومـايـضـل عنـده مـنـاصـر ... حـرب

وينـگـطـع مـاي الله عنّـه
وحافر يدوس اعله متنْه
ووصله وصله تضيع منّه ... بضرب

والسـهام بجـسـمه كـثـره
وماتضل من عـنـده وذره
والـدمـه بـعيـنه ويـعـثره ... الـدرب

والـتـراب بـنـحـره يـلـتـم
وهـوّه خايـف عالـمخـيـم
شـما يـباوع يـنـزف الـدم ... صـعب

والــجــــرح بــــيـــه رســـم
نــــار تــركــض عــالـخــيـم
ومنـها طـفله تـفـزع
لصوتي كونك تسمع
شـلـون اجـيـك ومـنـچـتـف
__________3__________________

شـامـت گـبـالـي تـبسـّـم
گلّـي بـاجـر عـاْلـمـخـيّـم
من يطـيح حسين نلْـتـم ... زلــم

انـسلـب خـيام العـقـيلـه
والكـمر مـن تـشـتـكيـلـه
مايگـوم الها اعله حيـلـه ... حـلم

وخيمه خيمـه نبدي بيها
نحـرگ ونـضحـگ عليـها
الـتعـثـر هـنـاك نــجـيـهـا ... شتِـم

وحـرمـه توگـع يم اخوها
وبـالـسـيــاط ايـعـذبـوهـا
وطفله يم منـحـر ابـوهـا ... تِـشم

والألــــم يـــــنــــزف ألـــم
بــاجــر يــطــيـح الــعــلـم
وكلشي بالطف يوگع
لصوتي كونك تسـمع
شـلـون اجـيـك ومـنـچـتـف
__________4__________________

الشـامت ايـسولف مصيبه
يگلي بـاجـر شيـبه شيــبه
تــنـذبــح هــاي الـغـريـبـه ... رفـس

والـحــوافـر كلـهـا تـركـض
بجسم الحسين وترضرض
بعده عايـش بـعـده يـنبض ... يحس

والـسـهـام بـصـدره كـثـره
وشيبـتـه من دمّـه حـمـره
والـشـمـر يكسـرلـه ظـهـره ... بشمس

وحـرملـه بخنـجر يطـعـنـه
وتـركـض اتـسـلـبـه ربـعـنه
وصوت ابو اليمه سـمـعـنه ... هـمس

يـخـتـي زيــنــب عــيـلــتــي
لا تــــشـــــاهــد حــــالـــتــي
ولاتــجـي للـمـصـرع
لصوتي كونك تسمع
شـلـون اجـيـك ومـنـچـتـف
__________5__________________

للــقـصـر لـمّــن خـذونـي
أعــثــرت مــاگـومـونــي
شما اگـومـن طيـحـونـي ... بـرمـح

مـن عـلى قـصــر الامـاره
سيــدي انـويـت الـزيـاره
لحضـرتك يابـو الـحيـاره ... بـجرح

بعينـي ماكـو غيـرك انتـه
هوسه بيه وكلشي سكته
الـفـاگـد يمـوت بحـسـرته ... ذبـــح

فـدوه دمـي وفـدوه نحـري
بدونك انته اشيسوه عمري
كلـشـي ليـل وانـتـه ذخـري ... صبح

الــك يــاأجــــمـــل غــــرام
أبـعــث الــحـب والــســلام
روحـي بـعدك تطـلع
لصوتي كونك تسمع
شـلـون اجـيـك ومـنـچـتـف
__________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
للأنصار ( سلام الله عليهم )
[ صار اوداعهم ]


صار اوداعهم والدمعه بالعين
حانت فرگة الانصـار وحسين
گام حسين واحد واحد ايـشبـگـه
بعد ساعه الرمح يجمعنه للـملگـه

مـابيـن الـخـيـم گـعـدو أخـيـر اوداع حـل وگـته
كلها تعايـن اعلـه حـسيـن شـيخ وحـلوه سالفـته
گلّهم كلشي راح يطيح چن طيحة ضوه ابسكته
وگالوله اليطيح ايطيـح المهـم سـالم تـضل انـته

انصارك يبو السجاد ويّاك
والعباس كل احنه فدايّاك
لو للموت لو مـاتـنحـسب رفـگه
بعد ساعه الرمح يجمعنه للملگه

__________1__________________

حبـيب وعينه ماترمـش بـس لحـسين نظراتـه
ومن اتـشابگ اويه حـسين ردّن سـود شيـباتـه
واحـد لازِم الـثـاني وكـلـمـن تـحـچـي دمـعاتـه
قـرآن الـخــيـام حــــســيـن والانـــصـار آيـاتـه

ياوراث عـلي گـدامك انفوت
واليبعدنا عنك سيدي الموت
گـالوها بــثبـات وروح مـحتـرگــه
بعد ساعه الرمـح يجمعنه للملـگـه

__________2__________________

گـلْهم من بعد ساعه و اشوفنكم جثث صرعـه
وگالوله فـدا الارواح الصاحب بـالشـدد فـزعـه
نطيح ونـنذبح ونعـيش لـعـيونك مثـل شـمـعه
المهم سمُْعتنا تبقى بخير عُمـر الْناس بالسـمُْعه

دنيا وآخـره ويـّاك يحـسين
يامحله الحياة اوياك دارين
هـو العـنـده مـثـلك يفـتـخـر حـگه
بعد ساعه الرمـح يجـمعـنه للمـلگه

__________3__________________

عابس والـعشـگ تـوأم گـال حـسيـن احـبّــنّـه
أموت لخاطـر عيونـه تره مـو خـاطـر الـجـنّـه
شحلات الـموت وي حسين غالي ومااعوفـنّـه
الهـوه الأشْـتـمّـه ما احـبّـه اذا ماجاييـني مـنّـه

عندي شوفتّـه أتعادل شريعه
أبيعن نـحري لاچـن مـاابـيـعه
كل واحـد يهـيـم بعـاْلمـه وعشگـه
بعد ساعه الرمح يجمعنه للمـلـگـه

__________4__________________

گلْـهم مـن تـودعـونـي بـالـطـف جـسمـي يـتـوذر
وعلى صدري الشمر يگعد وسيفه يگطع المنـحر
وحوافر خـيلـهـم فـوگـي تسـحـك بيه واتْـطشّـر
والْـخـيـمـات مـن بـعـدي تـوگـع بـيـها نـار الـشـر

ومن عج الخيول ايضيع دربي
والحافر بركضه يـشـيل گلـبي
طولي ايطيح والحافر يجي يسحگه
بعد ساعه الرمـح يـجمـعنه لـلمـلـگـه

__________5__________________

گـلّهم من بـعـد ذبـحـي خـنـصـر مـني يـتـسـلّـب
ويآخـذ هـدمـي الاعـليه الچـان بخـيمِتـي ينهـب
وأضـل بالهـيمه للحافر وصعبه تشــوفنـي زيـنب
واثناء الحديث حسين ظهره امن الحچي حدّب

يحچي وگام حط ايده اعله ظلعه
وواحـدهم لِـبس گـلبه اعلـه درعه
گـلـهـم نـلـتــقـي لــو حـانت الـفـرگـه
بعد ساعه الـرمح يجــمـعـنه للـملـگـه

__________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
أم وهب مع أبنها وهب الحسيني (ع)
[ ياوهب ]

يــاوهـب شــوف الـخِـيـام شـلـونـهـا
لـحـضـه والـنــيـران تـخـطـف لــونها
وْتـركـض الـنـار اتدّوْر زْغــار
يـــاوهـــب ... يـــاوهـــب

يـمـه اسـولـفــلـك عـلـى خـيـام الامــيـر
آنه امـك ياوهب واسمعـني
يـمـه حــاچـتـنـي الـعـقـيـلـه بـالْـيـصـيـر
بعد ساعه وكـونك تـودعني

وهـــب عـوف الْـعـرس واربـح بالْأخــير
هـالْأمُــر عــنـد الـلـه يــوْلـيـدي چـبــيــر
كـون ألــمّـْك يبـنـي مو بـيــدي بحصـيـر

الدنيا ساعه وْتنْتهـي وكلشي يـبـيد
ويبدي عالمْـنا الحُسـيني من جديـد
هْناكْ الارواح يبـني ترتـاح
يـــاوهـــب ...يـــاوهـــب
___________1__________________

يـمـه شـوف الـقـاسـم شْــــعايــف وراه
وكل جماله وهيبته المـزيونه
بــعد سـاعـه ويـنـذبـح ويْـطـش ضـواه
وعالرمح راسه العدا يخلونه

وجـسـمـه تـآكـل بيْ سـهـام بـكـل گـفـاه
وْدم جـبـيـنـه ايخضْـب عـيونـه وْچِـواه
ويـنـزف جـروح أبـتـسـامـه الْـعـمْـه وْآه

كـون يـبـنـي لـلـخـيم تـرجـع ذبـيـح
والله راْفُـع راس أمـك حيـل أصـيح
وأطْمَـإِن حيل اتـوذرك خــيـل
يـــاوهـــب ...يـــاوهـــب
___________2__________________

عـلــي الاكـبـر يــــمـه مــابــيـن الْألــوف
مـن يـطـب ويعارك بْمـيدانه
يـمـه ويـلـي تشْـبع بـْجـســمه الْـسـيـوف
يمـه أشْبع شوْف منه اويانه

أشْبـه الْنـاس بْـحـبـــيْـب الله وْتــِشــوف
بصدره تلعب خيل بضـلوعـه الْـخـسـوف
والْـرمـل حـار وْعـلـهْ اجـروحـه يــطـوف

وأمْـه تـنـْتـظره اعـلـه بـاب اخـيـامهــا
وْذْره وذْره ايحـمـلـــه أبــوه گــدامهــا
تـْمـوت مـرْتـين بْـشوغة حْـسين
يـــاوهـــب ...يـــاوهـــب
___________3__________________

يـاوهـب گـلـبــك ألـبـْـسـه اعـلـه الْـدرع
وْعَلگ من عباس شد براسك
يــمـه أريـْدك مـن تــرد بــيـك أنْــفـجــع
وللخيـم لا مـاتـرد بـأنـفـاسك

كـون جـوْه الْـخـيــل صـــدْرك يـنْـوجــِع
يـمـه صـوت الكـسـر كــوْنــهْ يــنْــسـمـع
مـــا أريْــداً يــبــقــى ســـالــمـْلـك ظـلـع

يـمـه أريـد الـخـيل تـسـحـگـلك صـدُر
حـتى أرفـع راسـي بــاجــر بـالـحـشُـر
يبْـنـي وبْهـاي راْيـده ارْبـاي
يـــاوهـــب ...يـــاوهـــب
___________4__________________

يـــاوهــب قـــدّم ابـهــالــيــوم الْــعـُـمـُـر
لـبو سـكـينه هـذا يـوْمـك وگْـته
بـعــد سـاعـه أتْـخـضر الْـخـيـمـه جــمـُـر
وْسوْط يرْكض يحز نحر الْسكته

وْكـلـها مـذْبـوْحـه الـزلـم وكّـت الـْـظُـهـُر
والأشــــد يـــولـــيــدي ويـــاي أفـتــكُــر
زينـب امْن الخـيـمـه تـركض مـن جـسُـر

وْتــركـض أزغــار ونـــسْـاوّيــن بــألـم
والْــخــيـم بـيــهـا الـرمـاد وبــيـهـا دم
صحره صحره وبيـها فـقـره
يـــاوهـــب ...يـــاوهـــب
___________5__________________

يبني ماضـل شـي عـلى وگـت الـخـيـام
ومابقه شي يـاوهـب عالفـرگه
وعـالــرمـاح الـعـالــيــه روّس الــســلام
وكلمن يفارگ حبيبـبه وعشگه

يـاوهـــب والـــمــلـتـقـى ويـــهْ الامـــام
بـالـقـيـامـه أنــعــيـش وبـكـل أحـــتـرام
الــنـِــفـس وبــلا أبـــو الــيــمـــه حــرام

سـيـدي عـيـسـى لـوّن بالـطـف حـضر
تـشـوفه يفدي حسـين ابو اليمه بنحر
يـاوهــب روح وأفـدي هـالـروح
يـــاوهـــب ...يـــاوهـــب
___________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
الحسين مع العباس ( عليهم السلام )
[ حيره حيرتي ]

حـيره حـِيـْرتـي والْـتـمّـت الـناس
صـحت ابصـوت ماتـگعـد يعـباس
جرحي يصيح وياي
تـعـال واتـرك الـماي

أجـيـت الـصـوبـك اتـعـثّر الـك حـمـلـنـّي رجـلـيّــه
اجـيتـك للـنـهر شـفـتك ويـريـت عـيـوني مـعـميـه
شـفـت عيـنك سـهـم بـيـها ولحـيتـك كلـها مـدمـيه
وشفـت چفـينك اعـله الگاع وشلتهن خويه بيديـه

اگعدت يمك واشوفك حيل عطشان
يبـو طـول الحـلو چا ليـش گـصـران
أحس النار بحـشاي
تعال واتـرك الـمـاي
__________1__________________

أگعدت يم جـسمك وانظر جـراحاتـك يـبو الـغيره
واشوف جروحـك اهـوايـه وجـهي منيـن مااديره
واحس گلبي تعب حيله يـخويه جروحك چـبـيره
اول مـره حـيـلـي يـطـيح وابـقى بحـيرة الـحيـره

صعبه الأخو هيج ايـشـوف اخيه
جــروحـك ريـت يـنـدارن عـلـيـه
وتـرد للخيـمـه رواي
تعـال واتـرك الـمـاي
__________2__________________

آنـه حـسين أخيّـك گـوم صـعبه رجـعـتي الـوحـدي
زحـمه الـگـوم لــو شـافّــو ارجـع دمـعـتـي ابـخـدّي
گـوم ابـطــولـك اويــايـه وخــل چــفــيـنـك ابـيـدّي
وحـقـــك انــت يـالــعـبـاس مــاي الـحـيـل مـِتـبـدّي

عيـنك بيـها مـاي وصـابـو الـعـيـن
عـرفـو جـود عـينـك هـاي لحسين
بعدك بـان مگـفـاي
تعال واتـرك المـاي
__________3__________________

اشـيـلـك لـلــخـيـم خـايــف ألـچــمـنّـك يـالـمـعـتّـب
صـعـبـه وشـايـلـك بــيـدي وارد وتـشـوفني زيـنـب
وحقك خـويه طـاح الحـيل يمـك ظهـري هالـحـدّب
مو بس راس اخوك حسين گلبه عليـك هم شـيـيّب

شلون ارجع لزينب حاير شلون
يالـعباس تـذبح دمعـة ام عـون
هاي التـجرح هـواي
تـعـال واتـرك المـاي
__________4__________________

ياريـحة هلـي وروحـي التـراب اشـعنـده يم ثغرك
يـالعـباس يـالـغـالي السـهـام اشـعـدهـا وي صـدرك
اول مــره مـااكـدر ابــوسـك بــوســه مــن نــحـرك
لأن مــذبـــوح واويـلاه مــن عــمـري عـلـى عـمـرك

شفـت اعمـامـتك ياخويـه عـالـگاع
صحت آنه السفينه وطاح الاشراع
مثـلك يـاهـو وفـاي
تـعال واتـرك المـاي
__________5__________________

فدوه لعينك احچيلي ولو بس يا " أخـي "احچيـها
روحـي مـن العـطش ذبلـت وهـاي الچـلـمه تـرويها
يالمـاضگـت طـعـم الـمـاي ولـجـلي الـعـين عـاميـها
الـگــوم الــذبـحــتـك عــبــاس الــلـه لا يـخـلـــيـهـا

ارد شلون وحدي وزينـب هنــاك
يـريـت الـمـوت يالـعـباس ويــاك
صوت من الخيم جاي
تـعــال واتــرك الــمـاي
__________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاتي زينب مع أبا الفضل العباس ع
[ دفعو الخيمه ]


دفـعـو الخـيمـه دفعـة الـباب
عوف النهر يحزام ابو اتـراب
عـبـاس الـحگ يـمـنـه سـلّاب ... يـاخـويه يـاخـويه

نـار وضـمه وخـوف وألـم
من طحت ماضـلت خيـم
يعباس مصيـبه

والسوط شيخ اعله المتن
وانــعــادت اعـلـيـنـه وإن
والاخيام سليبه

كاروك عبـد الله احـتـرگ
وگماطه گدامي انسـحگ
يعباس عجيـبه

گـدامـي مـذبـوح العـرف
ياخويه والـسبـعـين الـف
يصيحون غريبه

محتاره وين انطي الوجه وين
ومـنـيـن اجيـبن مـثلـك مـنـين
لا انته يـمـي ومـاكـو الحـسيـن ... ياخـويه ياخويه
__________1__________________

ايــتـام ابـو الـيـمـه تـره
بالهـيمه سبحه مطشره
والاجروح عشيره

وحسين متـطشر ضـوه
دم نـحره تـارس نيـنوه
والاجفوف گصيره

مـسـلوب منـه خنـصـره
وحافر يدوس بمـنـحره
والاسهام چبيره

راسـه بـرمـح چـابّـو الـي
وگـالولـي هـاچ اتفـضـلي
صُفيتي اسيره

الـشامـت يگـلّـي من ذبحنـاه
حـتـى الـهـدم مـنّـه سـلـبـنـاه
الحافر يدوس بصـدره عفناه ... يـاخـويه يـاخـويه
__________2__________________

كونك تـرد يا ابا الفضـل
وتشوف من جـابو هـزل
والاحبال بديـهم

وصـياح وجـروح ورعب
وازغار ماتـحـمـل ضـرب
يريدوك تجيـهم

فوگ الألم فـوگ الـجرح
كـلْـسـا يـعثـرون بـرمـح
والاسياط عليهم

ازغر طفل ظهـره انكسر
يــردونـك تعـوف النـهـر
يهظمك بچـيـهم

طـفــلـه رقـيــه مـن اجــوهــا
مـــن الــتــراچــي ســلّــبـوهـا
بنـت الـحـســين ومـا رعـوهـا ... يـاخـويه يـاخـويه
__________3__________________

رحلة جراحـات الـدرب
والشـام متروسه غـرب
وصلنا بجرح غار

طـبـيـنـه لــلـشـام ابتـعـب
والشوف من عدنه انسلب
دمـعـنه لهـب نار

وروس اخْوِتي فوگ الرمح
گــدامـنـه ومـات الــصـبـح
وگلبنه جمر صار

والــنـاس ماعـدهـم رحـم
عـالـرووس گـدام الـحـرم
يشمرون الاحجار

ومحبس اخوي احسـين شفـنـاه
بچف حرمله وصحنـا " حُسينـاه "
مــن شــذرتــه والـدم عــرفـنـاه ... ياخويه ياخويه
__________4__________________

كل سالفه وبيها الحـبل
ياخويه گـدامـي النـذل
يگلي الـسبـيه

والماي گـدامي انـشـمر
والشامت يگـلّي الـگـمر
ذبحته بأديـه

والدمعه بعيـوني جرح
شما التـفت الگـه رمـح
والاسياط عليه

وسوالف اتشيّب الگـلب
ياخويه والموقف صعب
والادموع جريه

وتـمـيل خـفـنـه تـوگـع الـنـوگ
ياخويـه صعـبه طـبت الـسـوگ
گلب اختك امن الشام محروگ ... يـاخويه ياخويه

__________5__________________

عيونك على عيوني تصد
يـافـكْـرتـي وكـوكـب ورد
دمـوْعـك شفـتْـها

وسـكينه تـنـظــر حـالّـِتك
مصـبوغه بالـدم شـفّـتـك
ودمه تسيل شفتها

ياخويه تچويـني الارض
اختك تعب منـها النـبض
والايـام عِــمـتْـهـا

عـباس يـا غبـشـة صـبـح
وشـلون حالـك عـالـرمـح
جروحك شـلتـهـا

ياخويه كلشي بـعيـني مـذبـوح
الفاگـد عزيـز بدمـعـه مفـضـوح
اتمنيت بالـطف طلـعــت الـروح ... ياخويه ياخويه
__________6__________________

#رزقهم_سلام_الله_عليهم
#احمد_رزاق_الاعرجي