ذبحو الـ زينب صوت ؟!!! جذابه الاخبار
صوتچ لون مذبوح چا هسه ينزار

#احمد_رزاق_الاعرجي
#رزقهم_سلام_الله_عليهم

[ ها يالاخوان ] :


ها يالاخوان زينـب عـلى الهزيل
ها يالاخوان ودرب السبي ثگيل
روسكم من انظر الهـا
بيها دم واتـراب كلـها
هــا يالاخـوان

طبيـنه للـشـام وغـرب ... واعـرف يشـوفني صعب
ماضل الي دار
شماتـه شـافو دمـعـتي ... والـمـشـكلـه يـاحـسـرتـي
لاگونه بحجار

وروسكم نص الـضعن ويـشـامـرون
بــالـحـجـر وأكـبـارهـم يـتـشـاورون
اتـشاوروا راس الحسين ايطيحون
وبـاوعولي وضحـكـو ويسـتـهزئـون

وشايب يصيح الطـگـاهـا يُسـتثـاب
راْدو أنــطـيـح وايدينـه عـالحـجاب
التمشي وي ذباح اهلها
بـيـها دم واتـراب كـلـها
هــا يالاخـوان
______1__________________

وسكينه كل لحظة بألم ... شـامت يجي يگلها الخيم
من حاوطوها
عـباسـكـم چـا مـا فـزع ... لخيـامـكـم شـو مــارجـع
من احرگـوها

الدمع عثره وسوط فوگ الظـهر طـاح
وابو فـاضـل راسـه مـال اعله الرمــاح
كلشي سكته وكلشي مخـنوگ ابصياح
والهزل تمـشي وعلـيـهـا اشـگـد جـراح

والصعب حيل من حرمله يصيح
هذا الاحسين فوك الرمح ذبيـح
شده صعبه ومن يحلها
بيـهـا دم واتـراب كلـها
هــا يالاخـوان
______2__________________

نمشي والحادي المشكله ... مو ابو فاضل .. حرمله
والـتجـرح هـواي
يـلـزم رمـح راس الكـمـر ... ويـگـلـه گـدامي وْجِسّر
هاك اشرب الماي

وجـربــة الـعـبـاس بـيده شفته شال
وصـحـت ياعــبـاس ياراعـي الـدلال
جربتـك هـاي وچـفـوفـك عـالـرمـال
سـهـام بيـها مـن بـعـد چـف الـحـلال

وسـوط المـتون يركض عله الزغار
وصاحو ام عون طـلعـوهـا بالـنـهار
وخلّي يثكل كل حملها
بيـها دم واتـراب كلـها
هــا يالاخـوان
______3__________________

شفت العجايب والعـجب ... بـالشـام لاگيـت السلب
محبس وليـنه
ماسح الـدم عـن شـذرتـه ... وسكينه لـمـن عـرفتـه
طاحت سكينه

الـنـاس كلـها التـمـت ورادت شـراه
لأن محبـس أبــو اليـمه الكـل هـواه
محـبس الخنـصر الذبـحو من كـفاه
صحت يحسين وصحت واضيعتاه

نمشي والآه مـاتـعـرف الـمـغـيب
حيلي ويلاه بالطـف صبح سليب
من وگع زينب شملها
بيها دم واتراب كلهـا
هــا يالاخـوان
______4__________________

ألـسـوط يـآكـل بـالمـتن ... والدمـعه والـدم بالــردن
ودمع الحزن حار
الشايل رمح راس الصبح ... يفتـر يهـز بـيده الرمح
گــــدام الأزغـــار

طاح راس حسين منّه الـدم يـسـيـل
ومـسـح دم الـوجـه بـثيابه الـعـلــيل
وابـو فـاضـل راد يوگـع ضـل يمـيـل
راس فوگ ارمـاح بس يبقى الـكفيل

وعثرتي بهاي طـاح الـعـمـر اشـوف
توجع اهـواي وعيوني بس تطوف
وروحي اتمنى اجلها
بيها دم واتراب كلـها
هــا يالاخـوان
______5__________________

ذيـچ الخـرابـه يـخوتـي ... أخـذت حيـاتـي وردتـي
ومن عـدها شيبي
مـاتـت رقـيه اعله الطشت ... يـاريـت وياهـا مـتـت
واشـبـگ حبـيـبي

كون راس حسين أشبگـنـه واصيح
كون امـوت وآخـر أنــفـاسي تسيـح
مـثل طـيـحـات النـده لـمّـن تطـيـح
على راس حسين أبو اليـمه الذبـيح

أبقى ألـمـن ومفارگّـه الحنين
موتي اهون من عيشة الأنين
حالتي ياهـو القبلـها
بيها دم واتراب كلها
هــا يالاخـوان
______6__________________


#رزقهم_سلام_الله_عليهم
#احمد_رزاق_الاعرجي

قصيده للامام علي الهادي ع

[ يـاروح ]



ياروح يـالـذكـريـاتـچ كـربــله
ياروح ضامي الحسين اتأمله
ياروح ذبحو حروف البسمله ياروح

ياروحـي الـمـن ظلـتج وحســين داسو صــدره
هو الفگـد مـثلـه بــعـد چـا شنـهي ظـل بـعـمـره
المفروض نحري ينگطع ياروحي فدوه لنـحــره
الهـادي آنـه وعيشـتي بطـف ذكـريــات الـعـبـره


ودموع تـنزل لبـو اليـمـه بألـم
ودموع تطفي جهـنم والخيـم
ودموع ماحست برمشة سهم ياروح
_______________1___________________

ماشـفت خـيمـه تحـترگ وعيـالي تركــض بـالــبـر
ومـاداسـت الخيل الصدر وبالهيمه جسمي اتطشر
مــاشــفت أطـفـالـي بـحـبل الـعـثر مـنـهـم يـنـجر
ولا أخـت عندي ولاحرم ركضن حفي بذاك الحــر

ويلاه شحجي وشسولف قصتي
ويلاه زيـنــب تـــراهــا عــمــتــي
ويلاه تـرسـم مـصايـب دمـعــتي ياروح
________________2________________

يــومـيـه شـوغــات الــگــلـب بـالمـغربيـه يطـلـعـن
ودمـوعي تركـض عـالوجه لـو بالحـسـين يسـمـعن
والـنـبـض يلـچـم خـاطـري والـذكـريــات ايوجعن
وشـگـد مـواقـف كـربـلـه بـحـشاي احس أيگطعن

وجروح بيـه عشـيره لـخاطــره
وجروح تـفزز نــيـام الـمـگــبـره
وجروح لوالد رقـيه وخـنـصـره ياروح
_______________3___________________

لمـن يجـي فـرض الظـهـر اذكـر الـطـف والهـيـمه
مـن افـرش مـصـلايـتي أذكر أحـترگت خــيــمـه
ومن تلزم ايدي سبحتي تركض اشوف أيـتـيـمه
والـنار تـاكـل بـالـعـبـي وبـالسبعه ماكـو غـيــمـه

وأزغار ركضو حفايه أعله الجمر
وازغار سياط وشماته بكـل كـتر
وأزغار صـارو مثـل دعـوة فـجر ياروح
_______________4___________________

بالـسجـن وأبـچـي ودمعـتـي بچـت عيون السـجـان
يــسـمـع أگـولــن كــربـلــه يالـخـذتـي كـل الـشـبـان
الـمايبـچـي لحـسين بـألـم هـذا اعتـقد مو انــســان
الـسـبعــه بـچـت مـن دم ألــه هــو نـقــاط الــقــرآن

ياحيف ظـل عـاري محد غسله
ياحيف راعي السـوالـف والهـله
ياحيف طـاح الفـرج للمـعـضـله ياروح
_______________5___________________

مـن أشـرب الماي أخـتنگ عـباس أذِكره وأنـحـب
عالشـاطي متبدي نهر مستحي يرد مـن زيـــنــب
خـطـار بعـيونـه السـهـم بس من چفوف اتـسـلـب
عبـاس للـخـوه وطــن وصـار الـوفـه بي يُـضــرب

تاريخ يشهـد لابو فاضل كفو
تاريخ سـجّل أيـا نعـم الاخـو
تاريخ بعـز البرد حـچـيه دفو ياروح
________________6__________________


#رزقهم_سلام_الله_عليهم
#احمد_رزاق_الاعرجي

قصيده للامام علي الهادي ع

[ نـاسينك هـواي ]



اعــذرنـه يالهـادي لان مـحـد يـذكــرك
وكل سـوالف كربـله سـيف اعله نحرك
سامحـنه مـولاي ناسينك هــواي

سيـدي كلـما تـمـر بــيك المـصـايب
على بـالك ينـرسـم طـف العجايـب
ياعلـي الهـادي ودليلـك حيل ذايب
يالـشباب وبالحزن تـنشـاف شايب

بالـسنه نسـوي عـزيه لـيوم يـومــين
وانت كل عمرك عزيه لخاطر حسين
يمّـعطش الماي ناسينك هـواي
_____1____________________

ياعلي الهادي دخيلك ياابو الاحساس
حالتك صعبه ونست سالفـتك النـاس
يالغريـب و غربـتك تخـنگ بالانـفاس
يالبچـيت حسـين گد ما وفـه عبـاس

مـن دمّـعتك نهر دجله صار ماييه
يالنـهايــة رحلـتك يعـني البـدايـه
وبرحلتك هاي ناسينك هواي
______2___________________

يالعـزائـك تحّضـره الزهـره الزچيـه
والــملائـك تحـضـر بثـوب الـعـزيـه
شي اكيد حسين يحضر وي اخـيه
والبـكـاء يـصــير مــن دم عـالرزيه

والســماوات بحــزن هـادل متـنها
على گــاع الله تريـد تطيـح چـنها
ياصاحـب الراي ناسـينك هــواي
______3____________________

العسكـري اوليدك دمعته چُوت خده
منهو يبقـى لـو رحـت يـاعلـي عنـده
لحد هاي الساعه يبچي عليك بعـده
وذبل حيــله شـلـون ماتذبـل الورده

يالحنـين وويـن يلـگـه بــعد مثــلك
العسكري مـات الصـبر عـنده يگـلك
ياسلوة حــشاي نـاسيـنك هـواي
______4___________________

سبــحتك چــانت عضـو منك احسها
وتـربتـك متـّشــبعه بگصــتك نفـسها
يالضـواك أمّضوي هالـدنيـا وشمـسها
اليوم ظلمه الديره مو واهس أمسها

يـالمــحنه الــبيك تتــناثر محـنه
يـاعــلي أنــت اهـل ألنـا ووطـنه
تشــهدلك اعـضاي ناسـينك هـواي
_______5__________________

يالدعـائك چـان ينگط ملـح صـافي
ياعلـي محـتار شكـتب مـن قـوافي
والله زحمه علينـه لو عـنك نجـافي
يبو چـلـمـات الهـلا وكـل الـعــوافي

المعـذره منـك يبـو الـروح الابـيه
كون تقـبل خـادمك يبـن الـزچيه
ياغيمـة سمــاي ناسـينك هـواي
_____6_____________________



#رزقهم_سلام_الله_عليهم
#احمد_رزاق_الاعرجي

بالغربه وحدي "



بالغربه وحدي ... حانت منيتي
بدموعي ابدي ... اكتب وصيتي
شـابـت رمـوش العـيـن
مـحـتـاره ابـدي مـنـيـن
اكتب وصيتي


كل واحـد يـوصّْـي وأِخـوِتـه يـمّْـه ... لـو حـانـت مـنيته
وآنه بغربتـي وگلبـي انذبح حلـمه ... ولا واحـد لگـيـتـه
كلامي غير أخُوتي ياهو اليْفهمه ... والـدمـع الـجـريـتـه
شفت طيف الحُسين وهوه مذبوح
من كل صوب جسمه ينزف جروح
بكثر سـحگـت ضلوعه كتله لتروح

گتله حياتي ... خلصـت يغاتي
كل أمنـياتي ... تحضـر وفاتي
ابلا نحره شفته حسين
مـحـتـاره ابـدي مـنـيـن

________________1____________________

بين دموعي بين اللوعه والحسره ... أدوركـم يالاخـوان
أحشمكم تحـضروني وأهـل عـبره ... مـوتي گـرّب وحان
اليفگد أخْوِتهْ أوياهم فگد عمره ... بروحه بيت الأحزان
صرت شـمعه وعليه اتهب الارياح
أريـد بـموتـتـي بـشوفـتكـم أرتـاح
وتشيلون الدمع من عيني لو طاح

مشتاگه ألكم ... وأذكـر حـچيكم
يابعد أختكم ... ابقـى انتـخيـكم
عـيـنـي جـرت نـهـريـن
مـحـتـاره ابـدي مـنـيـن

________________2____________________

وصيتي لو اموتن ماي لـترشـون ... زحمه حسين ضامي
وچفنوني بعباتي البيها دم امتون ... والسـبحه وهـيامي
وحچي هوايه يعيش بْگلب الاعيون ..مـااوصفه بكلامي
وأحـاچـي دمْعتـي لا مـا نسونـي
اخوتـي بـالـدرب هـسـا يـجـونـي
يشـيـلون النـعـش ويــشـيـعـوني

وفوگ اعله گبري ... رايــة تــرفــرف
خـلّـصـتـه عـمـري ... واحلامي تنزف
نـــار الْـفـــگِـد نــاريـــن
مـحـتـاره ابـدي مـنـيـن

________________3____________________

أريد حسين يحضرني وأشوفنه ... واضمّـد كل جروحه
يسولـفلي وأسولفله واشـبگـنه ... وتحظن روحي روحه
بشوفي يرتوي وآنه اترتوي منه ... الحزن بعيوني لوحه
اجروحـي مستهلـهن كـاتـبـنّـه
الحوافر يوجعنـي ويـوجعـنّـه
أنشد دمعـي لـو يـاْهـوّه عـنّـه

بفـگـد الأحـبه ... عـشـت بـنيـاحـه
والغربه صعبه ... وماكو استراحـه
شـام وغُــرُب جـرحـين
مـحـتـاره ابـدي مـنـيـن

________________4____________________

واريدن صاحب الرايه يجي ليّه ... أشـبكـنـه واحـاچـيه
واگلّـه يـا بعد أختك العلويه ... شـلونك" وابقى اصد ليه
اريـد احچـيلـه ضـيم اليخنگ الريه ... لا خـافـن ابـچـيه
أگـلّـه رايــتك خلـها اعلـه گبـري
مـتنـي يـنلـچـم بـالـگــبـر تــدري
من السوط احس مكسور ظهري

لا ما اگلّه ... كـل ظهري حدّب
دمعه يهلّه ... لـو تبـچـي زينب
بــعـده لـفــانـي الـبــين
مـحـتـاره ابـدي مـنـيـن

________________5____________________


#رزقهم_سلام_الله_عليهم
#احمد_رزاق_الاعرجي

الله يـعــيـنـك مـولاي يـالـمـهـدي يـبن الـزهـره
جرحك ابروحك وايطيب لمّن تـِـقـوم ابـ ثوره

الله يعـينـك ســيدي بهاللـيلـه
ياهوّه يمك يـگعـد وتــشـكـيله
حيلك مثل شلال طايح حيـله
لجدك علي الهادي اليوم بجرحك تجي لسامره

يالمهدي من تمشي بهظم مشايه
تبـچـي دمــه لمـن تشــاهـد رايـه
وتصـيح يـالعبـاس راعـي الـثايـه
وتوگع على وجهه الگاع مثل الـيگض الجمـره

گلبك مصايب والجرح جم ديره
والشيب أِلِبراسك مصيبه چبيره
بعدك شباب وحزنك شگد حيره
خلاّك شــايـب مـتـعـوب مـن الألــم والحـسره

يالمهدي خدّامَـك وانــت قـائـد
وانت عشگنه والمجالس شاهد
نظره على الخدام واحد واحد
يالمهدي بيدك مولاي شافي المريـض بنـظره

مـاعـدنـه غـيرك سيـدي ونگـلـّه
صب الزمـان عـلـينه جـوره كـلّه
معگود امرنه وچفك انته ايْحلّه
للــشدّه انـت الـموجود چنـك علـي بـالــنـبره

ألــصــاحـب انـت للــتـعــوفـه ربــعـه
وانت الچفوف التركض اعله الدمعـه
والــخـير انـت الــينـزِل بـكـل جـمـعه
وانته المحنه والطيب حظنك فتحته حضره


#رزقهم_سلام_الله_عليهم
#احمد_رزاق_الاعرجي

قصيدة : فاتحة زينب
لأستشهاد مولاتي زينب العقيله ( عليها السلام )


ستُـقـام الــفـاتـحـه فـي كـربـلاء
عله زينـب أخـت سيـد الشُـهـداء
وبـالعـزاء الواگـفـه كـلـهـا انـبيـاء ... في كربلاء

سـافـر بـروحـي خيـالي وفـاتحـة زيـنب شـفـتـهـا
انـبــيـاءْ الــلّــه بـيـــهـا وبـالـقــصــيـده صــوّرتـهـا
بـكـربـلاء اكـبر عـزيـه الزينـب الحـره احـضـرتـهـا

مـن آدم حـد محـمـد ... ومـحنـيـيّن الـظّـلـوع
والدمعه تحفر الخـد ... ويـلاه يـصرخ يسّـوع

والنـبي ابـراهـيم روحـه تدوي نـار
على مصاب الحره متروس انكسار
وبالمدامع موسى مثل الشمعه صار ... في كربلاء
________________1____________________

انـــبــيـاء الــلّـه نــزْلــو لــلأرض بــاذن الـجـلالـــه
نـصـبـو الـفاتـحـه الـعُـظـمى بـأمر من الله تـعـالـى
بـكـربـلـه بـين الـحسـين وبـيـن راعيـهـا الـكفـالــه

أيـوب وصـبـره قـاسـه ... گـطره بهذا المـصاب
شفته وچن اعله راسه ... بچفّه أيـهيل التـراب

الميته "زينب" حگّه يلطم عالـعِيُون
والـمـلائـك لـجـل زيـنـب يـنْـحـبـون
وانـبـــيـاء الـلّـه لُـهـم يـســتـقـبِـلُـون ... في كربلاء
________________2____________________

فـاتـحة زينب الـكـبـرى الـمُـده حـد يـوم الـقـيـامـه
بفاتحتها حـسيـن واگـف والحـزن شـيّـب اعـظامـه
ابلا نـحر وابــلايـه خنـصر منكـسـر كـسـرة يـتامـه

وصـاحـت كل المـلائـك ... مـابـيــن الـحـرمـيـن
مـحـد ضــل عــالأرائـك ... من أجلـك ياحسيـن

وآسيا وساره وخديجه حاضرات
والزچـية أتـسـولف الـنهر الفـرات
الحياه زينب وموش انته الحياة ... في كربلاء
________________3____________________

الــمـاي مــن ايـوزّعــونـه بـفــاتـحـة زيـنـب انـاظـر
لأبو فاضل چـن اشوفـه مستـحي ومكـسور خاطـر
والـگـه نـهـر النـيـل چـفّـه بـالعــطـش لـمّــن أسـافـر

والحسره بروحه عاشت ... مثل حسين الشهيد
مشتاگ وروحه صـاحت ... زيـنب حـبل الوريد

فاتحة زينب أخيْـتـه الحـره هاي
چان يمُّه يگلـها وعيوني وضواي
والعطش تـارس عيونه وهو ماي ... في كربلاء
________________4____________________

الْنـبـي طـه أيـتـوچــه عـله مـتـون الـوصـي حيـدر
والـدمـع مـنـهـم تـجــاره ثنـينـهم مدمـعـهـم احـمـر
والنـبي يـونس ويـوسف شـيبـهم بـالـدمـعـه يكـثـر

واسحاق وحيله طايح ... وادمـوعـه دم تـسيل
وداوود بروحه صايح ... بكل خطوه ظل يميل

وسُـلـيمان اعله زينـب ظـل يـنـوح
وسورةَ الحَمدُ قَره مدري الـجـروح
وراد يوگع وانتچه اعله النبي نوُح ... في كربلاء
________________5____________________

نوح بدمـوعـه السـفـيـنه تـمـشـي لـو مـوجـوده يـمّـه
عـلـى زينـب روحـه شـاغت ومـو دمـع يهْـمل ابـدمّـه
ويبچي يعـقوب اعلـه زينـب لـحـد مـا عـيـناه تـعـمـه

وادريس المحني ظهره ... وبكـل شـيـبه احـمرار
يبچي وخانگته حسره ... وشب محجر عينه نار

وزكريـا ويحـيى صاحـو بالأنـيـن
اعظـم اللّه أجرك بزينب ياحُسين
والرسـل والانـبـيـاء والـصـالحـين ... في كربلاء
________________6____________________


#رزقهم_سلام_الله_عليهم
#احمد_رزاق_الاعرجي

يـا الـهـي يامـجـيـب
يـا عـلـيماً بالنـحـيب
أجـعل الكافل قريب
يـا الـهـي

أملأ عـيني بجـيـته ... شگـد صار امتانيتـه
مـشـتاگـه الحنيـتـه ... تـدري بـيـه
كل ذكره تـچـويـني ... ذبلت روحي وعيني
ودهري باگ سنيني ... وكلشي ليه

يـارب أجـــعـل الــعـبــاس گــدامــي
اريد احچيله ضيم الشفته واخيامي
وعن درب اليسـر والـشام واحـلامـي

مجروحه وعنـواني ... غربه ابلايه اخواني
لمّن شب صـيـواني ... مـوتي صار

حـيلي طـايح والـدموع
اتـواردن ويـه الـشـمـوع
محني ظهري ابلا ركوع
يـا الـهـي
________________1____________________

زيــنــب آنــي ربـّــي ... وأنتـه التدري ابكربي
واصل شيبي الگلبي ... ودمعي يهمل
ذكرى الطف ابراسي ... وارمـاح أبـاحـساسـي
باخـوانـي وعبـاسـي ... ربّـي عــجّـل

يـارب ذكـريـات الـطـف جمر يلهب
رمشي الچان اسود بالحزن شييّب
ولسا الصوت بأذني يصيح يازينب

وصوت سكينه بعبره ... راح انضيع ابصحره
وحـيلي اتبـده عـمره ... بـالطفوف

ذكـريـاتـي والأنــيــن
قصه ناتجها الحُسين
جـروح بيها دافِـنِـيـن
يـا الـهـي
________________2____________________

بيـه اجروح الفرگـه ... گلبي بحاجة ملگه
لـمّـن يـوگـف حـگـه ... نبضه نبضه
نـار الـخـيمـه ابـالـي ... ومراكض اطفالـي
يارب جـيب الغـالـي ... يمي لحظه

ابو فاضل يجيني والحسين اويـاه
والعـبـاس شـايـل رايـتـه ابـيـمـنـاه
وبـآخـر نـفـس نـتـشــابـگ بـويـلاه

مشتاگه لشـوفتـهـم ... يامحـله نظرتـهـم
توجـعـني فـرگـتهـم ... كل أخوْوتي

يــامُـســخِّـر الـريـاح
الفارگتهم عـالـرمـاح
من يجوني استراح
يـا الـهـي
________________3____________________

بـالـشام ومـنـتـظـره ... يوسف ابن الزهـره
هلبت اشـتم عـطـره ... وناري تلهب
لـمّـن يــوصـل يـمـي ... يلـگه الـنار ابدمـي
ومتغير حتى اسمي ... موش زينب

اريد احچيله عن درب السبي وضيمه
واگـلّـه الـدنـيـا نــار وزيـنـبـك خـيـمـه
وأتـطـشـرنـه بـعـدك سبـحـه بالهـيـمـه

واعداكم ضـربـوني ... ومن بعدك هضموني
مسبـيّـه ايسـمّـونـي ... ياهظيمـه

ذكــريــاتـي والـحِـبـال
قـصـه انـسـاهـا مُـحال
اتبيد من عدها الجبال
يـا الـهـي
________________4____________________

لـمّـن يلـفـي الـكـافـل ... احچيله اعله العايل
ومن شتّمني الجاهل ... وصاح باسمي
والحـادي ابـلا رحـمه ... دخـلنه بكـل زحـمـه
والـــسـوگ ابـلا ذمـه ... وفـــار دمـــي

قـارورة دمه عـيـني صُفـت بـالـشام
فوگ ارماح راسك بس تضل احـزام
رغم كـلشـي ولا انـذل واطـخ الـهـام

واحچيله بهظمـتنـه ... وناس المارحمتـنه
بـس لا مـا كِـسرتنـه ... نبقى رايه

الشيّب يمشي بروحي صار
والـنـفـس من عـنـدي حــار
جـرحـي بـاب ووگـتـي نـار
يـا الـهـي
________________5____________________

اعــرفــهـم يــلـفـونـي ... ويغـمـضـون اعـيونـي
وهمُّه اللي ايشيعونـي ... حزام ظهـري
الفگدت مثلـي اخوتـها ... شلون اتضم حسرتها
دم تـنـــزل دمــعـتـــهــا ... والله يـدري

آنـه الـشـاهـدت فـوگ الرمـاح ابــدور
وبگلب اخْوِتي حـافر شـفـت مـكـسور
ومن عدها أبتدت سورة حزن عاشور

ياعـلـيـمـاً بـالـغـيــوب
يـاضــيـاءً بـــالـدروب
حيل يآذيني الغروب
يـا الـهـي
________________6____________________


#رزقهم_سلام_الله_عليهم
#احمد_رزاق_الاعرجي

لاستشهاد السيده الجليله زينب عليها السلام
قصيدة :
[ العاشت لابو فاضل گلب ]


العاشت لأبو فاضل گلـب
يــالـساده مـاتت بـالـغُرُب
بـالــشــام وافــتـهـا الـمـنــيـة
أخـت الحُـسيـن الـهـاشـمـيـة
يــالـساده مـاتت بـالـغُرُب

يـالـسـاده زيـنـب بـالـغُـرُب والـطـف جـرح مـآذيـهـا
الـچـان الحـزن وي الـدمـع صُـبـح ومـسـه يـرويـهـا
حـان الأجـل واسـتـشــهـدت وانـتــقـلت الـبــاريـهـا
حـتـى الـحـجـر يـبـچـي دمـه ويـنـوح ظـل علـيـهـا

من غمُّضت كلشي انتحب
بـت فاطـمة وخـيرُ النسب
عــاشـت ومـاتـت فــاطـمـيـة
أخـت الحُـسيـن الـهـاشـمـيـة
يــالـسـاده ماتـت بالـغُـرُب
________________1____________________

الـحـمـلـت رسـايـل كـربـلـه واجـروح يوم العـاشـر
عـاشـت غـريـبـه ابـلا أهـل والـدمـع لـلـخـد حـافـر
كــل الـقـصايـد بـالــحـزن يـكــتـبـهـا دمـع الـنـاظـر
وايـمـوت مـن گـد الـجـزع مـن يكـتبـلـهـا الـشـاعـر

من تنْكـتب كون ابحـذر
سلطـانـة الـعـز والـفـخـر
زينـب نُـقـط قـاف القـضـيـة
أخـت الحُـسيـن الـهـاشـمـيـة
يــالـسـاده ماتـت بالـغُـرُب
________________2____________________

الشافت أخوها اعله الترب سووه التراب اوسـاده
ومـن ظـهـره الـمـثـلـث طـلـع ودار الــرمـل بُـفّـاده
الشـافـت رمـح شـايـل ضـمه والنحر چـان امـراده
مـاتـت غـريــبـه وْلا اخـو يـمـهــا حـضـر يـالـسـاده

وهــمـوم وجــروح وألـم
بـيـهـا مـثـل نـار الـخـيـم
أم عـون بت حامـي الحـمـيـة
أخـت الـحُـسيـن الـهـاشــمـيـة
يــالـسـاده مـاتـت بـالـغُـرُب
________________3____________________

كل ذكرى يالساده مثل سهم ويـجي ابفص العـيـن
وأشـيـبقى بيـهـا الـعـايـنت الشمـر يذبح بحـسـيـن
والـصـعبه گاعـد عالصدر تلگـه الصـبر زيـنـب ويـن
يالساده ويگلها غـصب فـوگ الهـزيـلـه اتـصـعـديـن

وبـتّـاره يـگــطر بـالـدمـه
ومذبوح راعي الـمـوزمـه
الـــحـــمْــلــــت آلام ورزيـــــة
أخـت الـحُـسيـن الــهـاشـمـيـة
يــالـساده مـاتـت بـالـغُـرُب
________________4____________________

الــذكـــريـات الــمـؤلـمـه بـــطـف الــحـزن وآيـاتـه
نار الخـيم سـوط وشـتـم ونــظـرات مـن شـمّـاتـه
وسـلاب مـتـلـهّـف اجـه وسـلّب حـسـيـن أعـبـاتـه
وراس الحُسين اعله الرمح والدم تـرس شـيـباتـه

والـخـيـل والـدم عالـصـبح
وراس الشمس شاله الرمح
الـعــاشـت جــروح الــغـاضــريــة
أخــت الـحُـســيـن الــهـاشــمــيـة
يــالـسـاده مـاتـت بـالـغُـرُب
________________5____________________

#رزقهم_سلام_الله_عليهم
#احمد_رزاق_الاعرجي

قصيده للسيده زينب " عليها السلام "


جيـنه ننـشد عالأخت وشلونها
شلون حالتـها وشـلون متـونها

ضـيعـتنا بـكربلا وضـاع النشد
هيه سبحة فاطمه الميه وفرد
آنه و الـعبـاس اجـينه والـولـد
نريـد نـرتاح ونـشوف عيـونها


زينب بيا حال من راحت سبي
شي اكيد الدرب يـعرف زيـنبي
يادرب هم شفت محترگه عبي
مرت اعـليك بـدمـوع ضـعونها


والله حيره الشام يلچم بالنحر
وين زينـب هــا يعـباس الـكـمر
يــالعـزيـزه وينـج بـيا مـســتقر
وسكنه يمج يختي ها يم عونها


ياتـراب عـلـيك اقـسم بالـجـليل
هم شفت آل النبي وياهم عليل
ألـيسالك منكـسر ظـهره ويـميل
وخايف اعلـه اعـياله لا يآذونها


صـدگ هذا الخـبر ياشام التعب
أجل زينب بـيك بفـراگ انكتـب
يعـني معـقوله يدفـنون الذهب
وجـوه غـبره جـوهره يخـلونـها


آخ يـازيـنب شـسولف والدمـع
لو نزل صدگيني يلچملي ظـلع
الـحافر بـصدري لهـسه مـنطبع
وجثتي بالطف ضلت يسحكونها


ويـن زينـب اخـتي ام العافيه
ام سـوالف فأاطــميه ودافـيه
صدگ راحت عينها الماغافيه
كـون يـمي بكـربلا يـدفـنونـها

________________________

#رزقهم_سلام_الله_عليهم
#احمد_رزاق_الاعرجي

مـوكب اجـاچ اليوم .... وحسينچ أيْــقـوده

للـشـام أجـه موكـب عـزه يـازيـنـب الـحـره
لافِـتـه رفــعـو والـدمــع بـعـيـونـهـم جـمـره
وحسين أجه وبيده علم بس منحني ظـهره
وســهـام الـبصـدره ...... ياويـلـي موجـوده

________________1____________________

شــايـل ألـج مـاي وورد جـــايـب ألــچ رايـه
وجايـب ألچ خيمـة ودفـو وجايبلـچ عبـايـه
ويـصـيـح يـا خيْتـي أريـد انـصبـلـچ قـرايـه
مـن كـربـلـه لـليـوم ..... عن عـيني مفـگوده

________________2____________________

بيـن أزدحـام الـمـوكب الـعـباس شـد عـيـنه
خافن تشوفين الجـرح وأعلـيـه تـسـألــيـنـه
شگد مـسـتـحـي لايـنسـأل چاويـن چـفيـنـه
أمـخليـهـن أبمـگـفـاه ...... يا زيـنـب زنـوده

________________3____________________

يـازينـب الليـله اخْوِتـچ يـمچ يـحـضرونـچ
بدموعـهـم يـابـت علـي هـمّـه اليـغـسـلونچ
او وياهم أمــلاك الـسـمـه نـزلـو يشـيـعونچ
وگـلوبـهـم جـمـره ....... الفـرگـاج مـمـروده

________________4____________________

أوداعـة الـله يـالـعـقــيلـه صـاح ابـو فـاضـل
وحـسين طـاح اعالوطـيه بصـيحـة الكـافـل
وجـبريـل نـاده كـل صـبـر من الارض شايـل
يالشـام هـنـيالـچ ........ بـالحـره مـحـسوده

________________5____________________


#رزقهم_سلام_الله_عليهم
#احمد_رزاق_الاعرجي

ابوذيات
#لمولاتي_زينب ( عليها السلام )

يزينـب دهـرچ اعلـه الـحـزن ... درباچ
سمعتـي حسين طاح وضاع ... درباچ
عثرتـي ومـن عثرتـي الگمـر ... درباچ
وگام وحيـله طـاح اعـلـه الـوطـيــه


حـبـل چـفـوفـنه صـح ... مو سـبيـنـه
لـچـن هـذا التــشـوفـه ... مو سـبيـنـه
الـقـائــد مـو شـمـرهـم ... مو سـبيـنـه
عــلـي الـسـجـاد شـق ديـــوان أُمــيّـه


#لمولاتي_زينب ( عليها السلام )
زينب ( عليها السلام ) تقول لابا الفضل ( عليه السلام )
جـروح الـبـينـه بـعـدك ... مـاشـفـيـنـه
وغـيـر الـضـيـم صـدّك ... مـاشــفـينـه
لآخــــر گـــاع تـــــدري ... مـاشـفـيــنه
وگــت خـــلّانــي ادوْر افــيـاي اديّــه

#لمولاتي_زينب مع الحسين ( عليهما السلام )
دام ويـــانــه راســك ... منـعـبـيـنـه
عليـك انــعـه يـغـالـي ... مـنـعـبـينه
هــذا الــلـيـل وصـلـه ... مـن عـبينه
وصـارت مـن عـبـيـنــه الـمـغـربـيـه

تـره الـتـفـگـد اهـلـهـا ... يوجع انها
الـتـل والـشـام زيـنب ... يـوجـعنـها
هـزيله النـوگ خـافـن ... يوجعـنـها
وأهـي مـچـتـوفـه بـحـبال المـنـيّـه


حـسافـه غير اخـونــه ... يرعه بينه
وشمر كل ساع رمحه ... يرعب بينه
چـذب من گال واحـد ... يـر عبـيـنه
بـــس جـــرّو تــراچــي مــن رُقــيّـه


#لمولاتي_زينب ( عليها السلام )
مع ابا الفضل العباس عليه السلام

تفرهـدنه ومنـو ايردّه ... الحـگ النه
تــره الـنـار بـعـــبـيـنـه ... الحـگ النه
خـيـل ودم حـوافـرهـا ... ألـحِـگــنّــه
او ورانــه الـبـاگ تـرچـيــة رقـيــه

صـفــت خــــيـمـة رقـيــه ... خـيـمـة الـهم
وأنه جروحي امن اعدهن ... خيمه تل هم
شـســولـف يـاابــو فـاضـل ... خـيمـه تلهم
بـيـهـا الـنــار؟ لــو احــچــي بـرقـيــه

احس بظلـوعـي طلـعت ... شـيبـة الآخ
اهـــــواي الــيـوجـعـنـي ... شيبه تل آخ
هظيمه الخيل تــسحـگ ... شـيبـة الاخ
وأشـوف ظـلـوعـه تـرس الغاضريه

جـروح البـيه صـارت ... خـي مـتـنضـم
شــسـولـفـلـك عـلـيـه ... خي متن ضيم
بالـطـف حـلم عـنــدي ... خـيمه تـنـضـم
وأضـمّــن بـيـهـا كــل آخ لـرقــيــه

جروحي هواي صارت ... خيمة تل لوم
سـوط وحـجـر والـدم ... خي مـتن لـم
اجيــت ونـيـتـي المّـك ... خــي متـنـلم
اشـيلم الغـيـم لـو يـحـظـن وطـيـّه

أجـت زيـنب تـحاچـي ... خيمة الماي
أبــو فاضـل تـگـلـه ... خي متى الماي
تجيبه وتنطي خيمة ... خيمة تل ماي
وتـسـد بــاب الــعـطـش للـزيــنـبـيـه

الجروح بروحي ضلـن ... يوجعناي
الجرح لو ينسـمع چا ... يوجع الناي
ابو فاضـل كــفـيـلـي ... يو جه عناي
اريــد الـفـاتـحـه يـقــره عــلـيـه


#رزقهم_سلام_الله_عليهم
#احمد_رزاق_الاعرجي

https://www.tg-me.com/ahmad_alaerjy2

#نعي لاستشهاد مولاتي زينب عليها السلام



رحلَـت عقيـلـةُ هـاشـمٍ والـدمـعُ منـهـا مـن دمِ
وبِـهـا الـجِـراحُ كـثـيـرةً والـحُـزن فـيـها عـائـمِ
مـاتـت ســلــيـلـة حــيــدرٍ ومـتــنُــهــا مـتـورمِ
حــمـلـت جـِـراح كــربـلا وفـقْـدَ تِـلـك الانـجُـمِ
وقـلـبُــهــا نــارٌ غــدا كـــالـنـار فــي الـمـخـيــمِ
في زينـبَ الـهـم اعـتـلـى كـ هـمِّ راعـي الـعلـمِ
في الشام ماتت حسرةً كـ موتٍ راعي العلقمي

آهٍ مـن الـشـام الـتــي فـيـهـا الـمـواقـفُ كـِثـرةً

دُفنـت ولا أحـدٌ أتـى فــي دفـنِـهـا يـاويـلـتـي
كانـت تـقـولُ بـدمـعـةٍ (يُـشـيـعـونـي إخـوتـي
وأسـمـعُّ صـوتَ الـبُـكـاءِ ويـحـمِـلـوَن جِـنازَتي
ويأخـذونـي حيـث هُم فـي كربـلاء لـدفـنتـي

وحشه الجنازه ابغير خوان
هـاي الـغـريـبـه أم الاحـزان
رادت حسين يـكـون دفـان
الها وابـو فـاضـل يـجـيـهـا

اتمنـت ابو فاضـل تشوفـه
أبآخر نفس منها وتـطوفـه
واچـفـوفـها تلـزم چـفوفـه
والـفـاتحـه يـقره عــلـيـهـا


#رزقهم_سلام_الله_عليهم
#احمد_رزاق_الاعرجي

السلام على زينب الحوراء ع




مـنتظـره يجـون أخـواني للتشيع
حـان الآن مـوعـد ساعـة التـوديع
مرسوم حنيني أخـوان تـجيني


هـاي أنـفاسي بـآخر سـاعه
مشتـاگـه لحـلوات اطبـاعه
حسـين اشتاگيـت لنـعـناعه
بحب حسيـن شگد طمـاعه

أريداً يحـضر وعيـني التـسولـفـلـه
ويـنـظر مـتـني لـونه بـي ألف علـه
وعــن رجـليـه مـچـويـات أگــلــلـه

واگـلـه الشـيب طـشر ديـرتـه بـراسـي
واسولفله على كلشي وعلى احساسي
ويهـود ونيني أخـوان تـجيني

___________1___________________

مشــتاگـه الـعـباس الهـيــبه
المـاعـثرت بـلـسانـه الغـيبه
زيـنـب تـارس بـالـه وجـيبه
وين الله ويم عيني يـجيبه

مااحجـيله عـن طبـتنـه نص الـسوگ
ولا راوي عــبـاتي وشعـري المحروگ
ولا اخـبره رقـيه مـنها شـي مــبـيوگ

أريـد أگـعد وأبــاوع وأشبـع هـوايـه
بـس مـحـتار أضـمـن ويـن الـعـبايـه
وشـلون اديـني أخـوان تجيني

___________2__________________

يــعـگـوب بـحـالاتـه وصـبره
صبره الگـطره وآنــه المـطره
يـوسف رد لأحـضانه وعطره
وزينـب منـتظره ابـن الزهره

يامحـلـه الاخـو لـو يـحـضـر لاخـته
قبل لتموت وتشوف الـدمـع سـكتـه
وتـوصـي وتـشوفـه يگـض خاصرته

عشت عمري غريبه وبالغرب موتي
بس منتظره اخـوتي تشيل تابوتي
أفراح سنيني أخـوان تجـيني

___________3__________________

أذكــر جـمـعـتــنه ولـمتـنه
وأذكـر يامحلاهـا اخوتنـه
غـير الـزهــــراء الـربـتـنـه؟ !!
چـانـت أم النـه وسبحتنه

يــا أمـاه ألحگـي لـزينـب عيـونـچ
فگدت كلشي منـها وماتت شلونچ
مـتونـي زرگـه يـمه تشـبه مـتونچ

مـن سـوط السبـي يايـمه متاذيه
مثلـي مـا أظـن متـأذيه عـلـويــه
تقرين جبـيني أخـوان تـجـيني

____________4_________________

شـما اذكـر طـف الـضـيـعـنا
چـم غـالي وغالي الـودعـنا
چـلمـات البيـها شگـد مـعنا
فشـل مـاي الشـط مـدمعنا

ياجـرح الأخذ كلشي بطفوف البين
أخـذ مـني أبـو فاضـل هـذاك الزين
والمـعـدل خـذاه والـد رقيه حسين

منتـظره ويـجوني كلهـم اخوانـي
يـشيـعوني وچـبير الخـوه دفانـي
يحظرون بنيني اخـوان تجيـني

____________5__________________
تحضـر يمي اخواني اتمنـه
ويــشـيعـوني الحـد الـجـنه
بـشـوفـتـهـم ارتــاح اتــهنـه
مـا أيــس مـا أكــطـع ظـنـه

يجـيـبولـي چـفن بي ريحة الخوه
والمخيطه ابو فاضل ينگط مـروه
كون وياه علگ من رايـته الحـلوه

تابوتي بلايه أمتون أخوتي يميل
ياجـيتـهم الهـيــبه شـمـس باللـيل
قـرآن مـبـيـني أخوان تـجيني

___________6__________________


#رزقهم_سلام_الله_عليهم
#احمد_رزاق_الاعرجي

[ صبر النبي أيـوب ]
لأستشهاد الامام الكاظم عليه السلام '


صـبـر الـنـبـي أيـوب ... واحساسه واحساسـه
ويوسف ابن يعگوب ... وانـفــاسـه وانـفـاسـه
على حـالـك بـِچــو
وشــگـد ســولِــفـو ... عن صبرك

كـل أنــبـــيـاء الــلــه ألــك لـبـْــســو ســواد الـلـيـلـه
يـالـكـاظـم الـلـيل انـتـهى وحـتـى الـكمر هـد حيلـه
يـاابـو الـجـروح الـبـاكيـه يـاهـو الـبـقـه وتشــكيـلـه
سـجـنـك يـگـلـك سـيدي ويـنـفـتـح بـس تـومــيـلـه

نـوح الــنـبـي وذنـّون ... ودمـوعـه ودموعـه
وعيسى واخو هارون ... وظلوعـه وظلوعـه
عن قصتك حِچو
وشــگـد سـولِـفـو ... عن صبرك
_____________1__________________

يـل خـلّـصـت عـمــرك ألــم يــاذكـره تـــوجـع بـالـك
مـن تـذْكـر الـطـف والـخــيـم يـاهـو اليـصـبّر حالـك
بْـوسـط السـجن دمـعـك نـزل وحـسـين يـتـراوالـك
والطـف مثل لـوحة أْنـرسـم چـم نـوح الـك ربّــالـك

يـاكـوكـب الـزهـراء ... چم عبْـره چم عـبْره
تـرسـم بـعــاشـوراء ... مسـتـعره مـسـتعـره
أحـــبــابـــك أِجــو
وشــگـد ســولِــفـو ... عن صبرك
_____________2__________________

يـومـيـه تـرسـم بـالـكـلب عـمْـتـك وتـبـچـي عـلـيهـا
ويـنـهــدل طـولـك عـالـتـرب لـو تـوصـل لْـرجـلـيهـا
مـحـتـار بـالـسـوط وجـمـر يـاهـو الــذي مــچـويـهـا
والــصــعــبـه تـرسـم سـيـدي زيــنــب بـلا حـاديـهـا

ترسم نـهـر عـطـشان ... لو خيمه لو خيمـه
لو تــرسـم النـسـوان ... بـالهـيمـه بـالهيـمـه
وعـالـنـاگـه مـشـّـو
وشــگـد ســولــفـو ... عن صبرك
_____________3__________________

السـجــن حـيـطـانـه انْحنـْت مــن ونـّتـك يالكـاظـم
بـجـروحـك الــطـف والـسـبـي والـمـاي عـنّه صـايم
الــف وتــسـعـمــيـّة جــرح مــاتـدري بــيـك الــوادم
تـبـچـي علـى الْـضـل بالغـرب الماضـل كتُر بي سالم

حتى النبـي اسماعيل ... يبچـيـله يبـچـيلـه
وادريس يسمـع خيـل ... كل ليلـه كل ليـلـه
مـن صـبـرك خـذّو
وشــگـد ســولــِفّـو ... عن صبرك
_____________4__________________

شيـصيـر بـيـك مـن الألـم لـو يـلـفـي طـاري الـحـره
والـسـوگ مــن تـتـذكــره يـنــكـسر حـيـلـك عــمـره
وتـذكـُـر رقــيـه بـكـربـلـه رجـليـهـا تسـحـگ جـمـره
وهـْنــا تـطـيـح أعـمـامّــتـك جــدك تـكـسّــر صــدره

رِكـضـت حرم واطفـال ... مـرعوبـه مـرعوبـه
مــــن عــدهـم الآمـــال ... مسلوبـه مـسلوبـه
سبحـه أتــطـشِـرو
وشــگـد ســولـِـفـو ... عن صبرك
_____________5__________________

يـل وحـدك تـعيـش بسـجن والغـربـه صـارت لـونك
وسيـاط چـن مـالـت سـبي مرسـومه فـوگ مـتونك
وحـبـال بـچـفـوفـك غُـفـت وماطـابـگـات چـفـونك
حـتـى الـسـجـن ونْ بـكـثر دمــعـاتـك الــ بـعـيـونـك

مــصــلايـتـك تـنــعـاك ... هـالـليـلـه هـالليـلـه
وهـذا الـهـوه بـفـرگـاك ... هد حيله هد حيلـه
لـچـثـتـك شــيّـعـو
وشــگـد ســولـِـفـو ... عن صبرك
_____________6__________________

#رزقهم_سلام_الله_عليهم
#احمد_رزاق_الاعرجي

قصيدة [ تمنيتك ترد ]
لأستشهاد مولاي موسى ابن جعفر الكاظم عليه السلام


تـمـنـيــتـك تـرد تـانـيـتــك هـواي
مثل شجره أشتهت تتلاگه بالماي
عالباب اربـع سـنين
مثل حنّـه بحياطين
تفطـّر گلبي هـيـج بـغـيـبتك هـاي
تـمـنــيـتـك تـرد تـانـيـتــك هـواي
_____________________
من بابي لحد .. باب السجن أموت
وجروحي يِعِـم .. بيها الألم سكوت

وحيلي عالأرض يوگع
وگلبي بسجنه يتگطع
ومدامع عيني تتوزع ... على خدودي جمر
علي آنـه الرضا أبنك
يبويه شصاير بمتنك
كاسر سجنك بـونـّـك ... يـــالــمـاتـنـكـســر

زيـاره للـسـجن يابويه جـيـتـك
شفت حالك غريب شلون بيتك
جروحك خيمه حمره
روحـك بـيـهــا جمـره
ظهـرك من نظرته أنشلت أعضاي
تـمـنـيـتـك تـرد تـانـيـتــك هـواي
________________1____________________

سولفلي شحصل .. متـْنك نزيفه حار
بالطف ماچنت .. بس بيك أثر حِـجِار

حوافر ماكو بس صدرك
احــسـه طابـك بظـهـرك
من عـمـري على عـمـرك ... ياكـهف الألـم
بالطف ماچنت حاضـر
حيـلـك ليـلـة العـاشــر
بروحك يركض الحافر ... چن نار الخيم

تسـولـف كربـلـه بعـيـونك آلام
وگيدك هذا يشبه حبل الأيتام
وثوبـك منـترس دم
بجراحـك الـله يعلم
شفت حالـك وحدّب مني مگفاي
تـمـنـيـتـك تـرد تـانـيـتــك هـواي
_________________2___________________

أضمِـد ياجرح .. حيره تره وعجيب
شيبك بـالدمـع .. يـاوالـدي خضـيب

سـبـحـة طـيـن بـيمـيـنـك
وأشوف بجرحك حسينك
هـواي الــنـاس مـآذيــنـك ... وغيظك بالگلب
والْـســجّـان كـــل سـاعـه
سـوطــه لـلْـظِـلُـم طـاعـه
ظـهـرك يـكـْسـر أظـلاعـه ... يابـويـه صـعـب

مو خنصـر امسلـب بويـه حيـلـك
عطشـان بسجـن أظـلـم دخـيـلـك
بوجهك حيرة الكون
حالك يشـبه ام عون
صبرك .. حيرتك .. والقوه .. والراي
تـمـنـيـتـك تـرد تـانـيـتــك هـواي
_________________3___________________

بشفتينك عطش .. يرسم نهر ذبيح
بيك مـن الألـم .. ديـره ولا تـصـيح

بويـه موسى أبن جعفر
حـــالـك كـلـش أتـغـيـّـر
ذابــل لــونـك واصـــفـر ... وعايش بـالسجـن
قـيـودك زايـره لـچفـك
حنين وحـسّت بعطفك
أريـد أتــمــدد بـصـفـك ... وگـلـبي يـطـمـئـن

ظهري منكـسـر روحـي مـنـيـعـه
مثل كسرة حسين اعله الشريعه
چفوفك گيد بيهن
حديد ودم عليهن
وأحس السبعه طاحن بويه فوگاي
تـمـنـيــتـك تــرد تــانـيـتــك هـواي
_______________4_____________________

بـويه شگد ألم .. مثل الضوه عليك
لا ماينـخـفي .. والشاهد اعله أديك

تـون يابويـه أسمـعنك
تگول الطف أخذ منك
حيلك روحك ومتّنـك ... من زينب بچت
والتـوجـع بـعـد أكـثر
تگـلي يالـرضـا أتصوّر
زينب تركـض وتعـثـر ... بلا كافل صفت

هـذن اليوجعنـك گـال والشام
هنـانـه الفـاجـعه بـدگة الدمام
وشماته هواي والناس
صـاحـو ويـنـه عبـاس
مگـطّـع لچـن راسه علـيهم افيّاي
تـمـنـيـتـك تـرد تـانـيـتــك هـواي
_______________5_____________________

تسولف والهظم ... بيّن على العيون
أتگلي عمّـتك .. مـاضـل عـلـيـها لون

بذاك السوگ من دخلت
من المستـحى شـهگـت
والأصـعب زلـم سـألـت ... منـو هــاي الـمـره
بـوشـــيـتـهـا دمـع ودم
وأرمـاد امـن الـمـخـيـم
والــشـــمـاتـه تــتـحـزّم ... الشتم بت حيدره

ومشـامر حجـار وشامـت يصيح
أشمرو حجار خاطر زينب تطيح
آنـه بسجنـي لـوعـات
وجـروحي السماوات
بنـي هاشم وگـت يابـويـه حفـاي
تـمـنـيـتـك تـرد تـانـيـتــك هـواي
________________6____________________


#رزق_مولاي
#موسى_ابن_جعفر_عليه_السلام
#رزقهم_سلام_الله_عليهم
#احمد_رزق_الاعرجي

قصيده للأمام الكاظم -ع-
[ حضر نعشك علي ]


حضر نعـشك علي ياموسى بن جعفر
ويم نعشك الزهـره ويـاها ابـو الاكـبر
نيـتهـم يشـيعونـك أرتاح وغمض عيونك


اعـتنوك الـي تحـبـهم واليـحـبونـك
عــن احوالـك الصــعبه يــسـألـونك
والـزهره تـگــلك يـولـدي شــلـونك
شصاير بيك يبني منخطف لـونك

حـالـك حــيل متـغــير ينـبض الــكـون
يالمبچي الكمر واهل السمه يصيحون
ياسلطان بسجونك ارتاح وغمض عيونك
_____1____________________

گــعد يــم النـعـش حيــدر يـعايـن لــيك
وچن ظهره انكسر من الـجـروح الـبـيك
سؤال بـخاطره يـسألك شــنو الـياذيـك
انحنه ظهره علي وضل بس يون عليك

مصايب شاف حيدر گلبه ينبض شيب
والينـخه علـي يحضّـره وابـد ميـخيب
يالماخابت ضنونك ارتاح وغمض عيونك
_____2____________________

گـلـب الـــوالــده مــاكــو گــلـب مثــله
والــزهــره تـعـايـــن لـلنـــعـش قبــلــه
تنادي يـولـدي ظـهــري انكــسر ظـلــه
وفوگ جروحي جرحك گلبي ميحمله

حيلي طاح من شفـت النـعش مــطروح
طحت عالگاع من شفت شگثر مجروح
أجو اهلك يودعونك أرتاح وغمض عيونك
_____3____________________

ابو السـجاد طـاح بـشوفـته لحـالك
شافـك بالشــمـس وبـطـوله فـيـالك
متــونگ ليـش زرگـه يــبـني گـلالك
ومجلس عالجسر بدموعـه سـوالك

وأمـلاك السمه يم العرش يـبچـون
من حسين مو دمعات طاح الكون
راد يگلك شلونك ارتاح وغمض عيونك
_____4_____________________

أجـه العبـاس ليـك أبـلايـه چــفـيـنه
يصيح بصوت وين ابن الاخـو ويـنه
جــاب الـرايــه راد يـدفـنــك بـعيـنـه
واجت وياه رقيه وفاطـمه سكــينـه

أجـو يمـك يبو سـوالف ترافه وماي
وصوت حسين يولـيدي دگوم وياي
ونادوك اليحبونك أرتاح وغمض عيونـك
_____5_____________________

يـم نعشـگ مـلائـكـة الســمــه نـزلـت
وعلى جروحك الزهره ناحـت وصلت
وحدرك عالجسر مجلس عـزه سـوت
ومثـل هـلال زيـنب عالنـعش وگـفت

أهـلـك كلـها يـمـك تـهـمل الـدمـعـه
على مصابك تنوح السبعه والسبعه
يالقرآن مضمونك أرتاح وغمض عيونك
____6_______________________


#رزقهم_سلام_الله_عليهم
#احمد_رزق_الاعرجي