قصيدة لزيد الشهيد ع
[ نشيد الثوره ] _


عـمـره ثـوره رسـمـهـا ابـنـحره

الـثـوره ثـوب مفصله لعين الزلم
الماعـرف زيـد الشـهيد ابـلا فهم
زيــد ابـن وراث عـلي مـن الـعلم
لـو نـذكـره نـستمع صوت اونـعم

عـمــته زيـنـب حـيـّتـه الــحـره
________1_______________

قـبـله مـيثم مـنصلب لـجل العشگ
حَبَ علي وسولف سواليف الصدگ
الـعاشگ يصـلبونه ويخلصوه حرگ
وعشـگـه عـن گـلـبه ابـد مـا يفترگ

نــيـالـه حـصل عـشـگـه عـالـفـطره
_________2_____________

بـوجـه مـرسـوم العطش چنه نبي
قـال يـا أقـلام فـي نـحري أكـتبي
يــا لــثار الـضـامـي يـاثــار السبي
ويـالـثـار الــفـاطـمـيـه ام الـعــبي

شــيّـب الـگـاع على حسـين أجـره
_________3______________

بظـهر ابوه زيد ويشم ريحة ذبح
بـعـالم الـذر منـتـظر يـطـلع صبح
چانت أمنيته يعيش اعـله الرمح
وأسمه عابس ثاني وينگط مـلح

چـنــه عـبــاس وزيـنـب بـصـدره
________4_______________

ثـانـي طف سواه بلا جون ووهب
ابلا خيـم محـترگه وتـسولف لهب
أشتـبهـوا وگالو عـلى زيد انصلب
شـما يـحرگون الذهب يبقى ذهب

بــروحــه قـنـبر حـيـدري صـبـره
________5_______________

ظـل نـشــيد الثـوره زيـد بكـل زمـن
مـن قـره ســورة بـراءه اعله الوثــن
سيـفـه گـلـبـه حــبـه لـلــثوره مـضن
وصوته بعده عشگي لحسيني وطن

خــالـــد ومـــا يـنـمــحـي ذكــره
________6_______________



#رزقهم_سلام_الله_عليهم
#احمد_رزاق_الاعرجي

[ رحلة عبـي ]


سوالف صُبِح .. فوگ الرمح .. وعيون دم حمره
طفـله وطـفل .. فوگ الهزل .. تسبـيحة الزهـره

بـدرب الـهم ... دمع ودم
جرح الـطف ... مــايـنـلم ... يخْواني
خــيـمــاتــي ... حرگـوها
أبــنـيــاتــي ... ضـربوها ... يخْواني

اشما انظر اعليكم شمس
يا مـحـلـه گعـدتـنه أمس
يا ابو علي يـاابـا الفـضل
من الشـتـم ميـته احـس

وهذا الـحبل .. مـاينـحـمل .. مثل اليگض جمره
طفله وطفل .. فوگ الهزل .. تـسـبيحـة الـزهره
______________1__________________

اشما نگعد ... سـوط يـهد
والـدمـعـه ... ابعيني اتقد ... شـفتوها
بـالـهـيـمه ... ابــلا خـيـمه
زيـنـبـكـم ... مـــحــنــيـه ... شـفتوها

أبدي حرت من يا جرح
من الخـيم لو مـن ذبـح
لو من چفوف امگطـعه
لو من سهم لو من رمح

بـيـــه الألــم .. نــار ابخيم .. وبگـلبي مستعـره
طفله وطفل .. فوگ الهزل .. تسبـيحـة الزهـره
______________2__________________

يحـسيني ... اشما انظر
لـعـيـونـك ... الــگـاهـــا ... تنظرلـي
بجروحك ... مــامـهـتـم
يـالرمحك ... يـگـطر دم ... تنظرلـي

جسمك بقه بالطف وذر
يالشـايـل بـعـيـنك نـهـر
مامنحي ابطول الزمـن
بس انحنيت اعله الكمر

وفوگ الترب .. جسمك صعب .. متطشر ابصحره
طفله وطـفل .. فـوگ الـــهـزل .. تسبيحة الزهـره
______________3__________________

العباسي ... اشما ارفـع
چفـيـني ... چن اسمـع ... مـن نحره
اعذريني ... يــاروحـي
ياجرحي ... ويـانوحي ... مـن نحره

مــعـذور يـابــعــد الأخــت
لـمـن طـحــت آنـه مـــتـت
بـــعـدك ولانــه حـــرمـــلـه
يضربني لو باسمك صحت

سوط وشتم .. ترجع حلـم .. ياكافلي وحـسره
طفله وطفل .. فوگ الهـزل .. تسبيحة الزهـره
______________4__________________

هالنـاگـه ... بممـشاها
أذتـــنــه ... وشـفناها ... مـن مالت
وسكينه ... وهالخـدّر
لو نامت ... مـاتــگْـدر ... مـن مالت

طول الدرب دمعي يصب
زيــنـبـكـم أبّـيــن الـغـرب
يخواني والـكلـش صعب
وي الشمر للسـوگ اطـب

واسمع نحـر .. منكم جـهـر .. بــالـكـهـف يـقـره
طفله وطفل ..فوگ الـهـزل .. تسـبيحة الزهـره
______________5__________________

طـبّـــيـنا ... والنـظـره
حاطتـنه ... والحسره ... ابلا كافـل
والصعبه ... شمـرونـه
بحـجاره ... وسمـونـه ... ابلا كافـل

والتـوجع اكـثر يخـوتي
شمّـاته شـافـو دمـعـتـي
والشامت اگـبالي وگـف
وبسوطه يُضرب عيلتي

رحـلـة عـبي .. درب السبي .. وكلشي انتهى عمره
طفله وطفل .. فوگ الـهزل .. تسـبـيـحـة الـزهــره
______________6__________________



#رزقهم_سلام_الله_عليهم
#احمد_رزاق_الاعرجي

الامام الحسن (روحي فداه)

[ يـأول حب ]

يأول حـب عشـگـته عـلى الفـطره
الكـرم منـك عرفـته أخــذ شــمـره
يـالـحــسن بـابـك چبـير
بـيــتـك بـگــلب الفـقـير


مُـضـيـفك يالحـسن تاريـخـه مـابـي بـاب
وسـيفك بـيـته چـفك بيـته مـوش گراب
يـسلـطـان بــزمانـه ويـگـعــد اعـله تـراب
خـطـارك يـجـي مُــلــحـِـد يــرد مـحـراب

قـريت بكـل حـياتك عـلـي ثـانــي
يـمـحلـه ذكـريــاتـك يـــقــــرآنــي
اللـيـل يشـهد والـشـعير
بـيـتـك بـگـلـب الفـقــير
___________1__________________

يـــالــتـشْــبـه ابـــوك بــكـل حــرب كــرار
يــاوراث مــحــمــد عـِــلــمــه والافـــكــار
الـزمـن يــوگــف دهـر يـم بـابـك ويـحـتار
ســوالـيـفـك مـحــنْه وبـــالـــشـدد تــنــزار

كلـف محد يوصـفك يبـو الـنـخوه
كريم شگبره عطفك والـــــمـــروه
مامـشـيت اويـهْ الـحـرير
بـيـتـك بـگـلـب الــفــقـير
___________2__________________

يـبـو ســـود الــدِلال وگـلــبـك الــعــنـبــر
چــبــيـر ورايـتــك بـيــضـه وكــرم اكـبـر
خــطــارك يــجـي مــذنـب يــبِـن حــيـدر
بـْمـضـيـفـك مـن يـطب يطلع مثل قـمـبر

عظيم ومنـزله وجاه الـــهـلا انـتـه
الـيشــوفك گلك الله يـســالـفـتــه
ملـك وفـراشـك حـصـير
بـيـتـك بـگـلب الـفــقــير
___________3__________________

يـل نــارك ابـــد مــاتـِخـمـد تــضــل نـــور
مــن گــد مــا كــريـم ومــاتــرد مــكـسـور
انـطـيـت الـقـاسـم وتــدري يــرد منـحـور
وصـحت يالـيـتني عايـش لـحــد عـاشـور

نـزيـفـك لــسه بـعـده لـبـو الــيـمــه
لان ضل عاري وحده ودمـه جسمه
بـحـضنـه مـتـوسد زغـيـر
بـيـتـك بـگــلـب الـفــقـيـر
___________4__________________

يـالــحِــزنـك شـســولف عـنـه وبـيـا حال
يـالشـايـل حـزن خــيمـه وحـرم واطفـال
تــوُجـَع روحـك ســوالـف سـبـي واحبـال
والـسـوگ الـيـهـظـمـك والـيـچـوّي الـبـال

ودواوين المــصيـبه ألــم يـــذبـــح
زيــنـبـكم غــريــبــه الحچي يجرح
وانـت لـجـروحك اســير
بـيـتـك بــگــلـب الـفـقـير
___________5__________________

يـا أجـــمــل وطـــن يــا والــد الــقـاســم
بــدارك چــم مــلــك يـاســـيــدي خــادم
جـبــريــل الـيـخـدمــك تــعــرف الــوادم
يـــابـــو الــ يــاهـــلا لـــلــرايــح وقـــادم

احزامـك مايعـوفـك عـلـى ظـهـرك
يالمّـعـزب ضـيوفـك دمــه نــحـرك
والـيــريــدونـه يــصـيـر
بـيـتـك بـگــلب الـفـقـير
___________6__________________

#رزقهم_سلام_الله_عليهم
#احمد_رزاق_الاعرجي

[فاگد صاحبه ]


اول مـره حيـدر محني ظهـره
فاگد صاحبه وضحكات عمـره
دمــعـاتـه جـريـه
حـمـاي الـحـمـيه
محني ظهره

الكمره سوده صارت وحل الظلام
الـســلام الـيـوم يـدفـن بـالـســلام
بالـدمـع حيــدر نـگـع ويـه الـلـثـام
دنـيـا مارحمـت نبــيــهـا ولا امــام

عـلي چـفـه لـزم خـاصرتـه وينـوح
مُحـمـد چـان عنـده الـروح بـالروح
ونـاتــه خــفــيـه
حـمـاي الـحـمـيه
محني ظهره
___________1__________________

هــاي اول مـره حـيـــدر بــالـدمـوع
ينــترس وجـهـه مـثــل مـا بالركـوع
الچـان مايبچي فقط وكت الخشوع
هسه دمـعـاته دمـه وبـاقـي يــلــوع

منو باقي لعلي يسولف بـضـيمه
راح الـچـان والد عـلـي وخـيمـه
ريـحـان الزچـيـه
حـمـاي الـحـمـيه
محني ظهره
__________2___________________

كعـد يـم اجـنـازة الحب والحنان
يسولف واحلامه ذابـحها الزمـان
يـگـلـه رايـح ويـن ياسـور الامان
وين اروح خلافك انت أليا مكان

مو بس راسه شيب حتى صدره
عـلي مـكـسور بفـراك ابو الزهـره
وتـمـنـه الـمنـيـه
حـمـاي الـحـمـيه
محني ظهره
__________3___________________

شال نعش المصطفى بحسره وبكاء
فـوك مـتـنه شـايـل اركـان الـســمـاء
عـلــي هــذا الـيـــوم دمـعـــاتـه رداء
حـقـه والله مـفـارگ عيـون الـضـيـاء

وصـل يـم الـگـبـر مـتـعــوب حـيلـه
يــدفـن روحـه مــاضـلـتـلـه حــيـلـه
وجروحـه نـديـه
حـمـاي الـحـمـيه
محني ظهره
____________4_________________

بــالـلـحـد نــزّل مـحـمـد والـوداع
علي اول مره حس روحه بضياع
جروح كل الـدنيـا بعـيـونـه متـاع
ياسفينـة حـيدره وضـاع الـشراع

الـمـن يــلـتـفــت يـاهـو الـبــقـالـه
ومحـمد چـان اقـرب مـن خـيـالـه
وهاي اصعب رزيه
حــمــاي الـحــمـيه
محني ظهره
___________5__________________

سبحة الزهره أندفن تحت التراب
وعلي ضل مكسور وبگلب العذاب
والسقيفه اتشاورو فـوگ المـصاب
ومادرو مـاي الله حـيـدر والكـتاب

خـلـيـفـه رادو يـنـصـبــون مـنـهـم
ضـد حـيـدر عـلـي أتـآمِـرو كـلـهـم
نكروها الـوصيـه
حـمـاي الـحـمـيه
محني ظهره
___________6__________________

#رزقهم_سلام_الله_عليهم
#تارسني_خيرهم
#احمد_رزاق_الاعرجي

( وحشه المدينه )


وحـشـه المديـنه ... بـعدك حـزيـنه
فــراگـك يـغـالـي ... شمسوي بيـنه
والـــجــرح مـايـبـره
أبـنيـتك آنـه الزهـره
بعدك حزينه

يبـو الزهره أنـه الزهـره صـفه حـيلـي دمـع بالـمـاي
والحـسرات مـن بـعـدك يـبو القـاسـم علـيه اهــواي
هـجرك بويـه اخـذ روحـي الحـزن شـد رايته ويّـاي
بيـتك أظـلـم ومـوحـش مـن عفـتـه يـلِـب احـشـاي

الـيفـارگ والـده صـعـبه
الهوه اليتـنفسه أيتـعـبه
ويشيّب من وگت گلـبه

جـرحـك يغالي ... حـزن الـليالـي
مـن فارگـتـنـي ... دمـعي حلالـي
صاحـبـتـني الـعـبـره
أبـنيـتك آنـه الزهـره
بعدك حزينه
______________1__________________

عفتـني وكلشي صار أظـلم عليه وروحي محـترگـه
وحــقــك بـــويـه تــدريـنـي ولا اتـحــمّـل الـــفـرگـه
اعـيـوني وكلـشـي بـيـه بغـيبـتك مـشـتاگ لـلملـگـه
الـيــفـارگـلـه أبـو مـثــلـك مــن يــمـوت مــن حـگـه

رحت يابـويه شـبسـرعـه
احس مـخنوگه بالوسعـه
اليـفـارگ ينـكـسر ظـلعـه

بـعـدك غـريبـه ... يا أبو الحـبيبه
بُـعـدك عــلـيـه ... أكبـر مـصــيبه
دمـعـي ينـزل جمـره
أبـنيـتك آنـه الزهـره
بعدك حزينه
______________2__________________

آنــه فــــاطــمـه أبـنـيـــتـك وهــوايــه جـراحــاتــي
يــا أول جـــرح عـــرّف خــــدي ويّـــه دمـــعــاتـــي
دفــنـوك ودفـنـت ويـاك يا بـو الزهـره ضـحـكــاتـي
واخـلافـك الـســابـع جــار تــكـسـر بــويـه ونــاتــي

قـانـون الـدمـع فــگـدك
النده مخـلوق من خدك
الحيل يموت من بعـدك

يـا أبو المـحنه ... وخـيمة أهلـنه
رحـت وأجتنه ... ونـه اعلـه ونه
كلشي خـلّـص عمـره
أبـنيـتك آنـه الزهـره
بعدك حزينه
______________3__________________

يـابـويـه الـحـزن بــعـدك لــزمـنـي لـزمـة الــغـرگـان
اشـمـا انـدار الــگـالـك ذكـرى ذكـرى عـالــحــيـطـان
الحِجرتك بويه من ادخـل اشـوفـنّه الحسـن ذبـلان
وحسـيـنك يـنوح عـلـيك وحـيلـه والـگـلـب تـعـبـان

واحـــد گـابــل الـثـانــي
وأسـمع كـون اموت آني
حچـيـهم بويـه چـوّانـي

انـظر عـليهـم ... ألگه بـحـچيهم
أسمـك يبويه ... ودمعه اباديهم
الـ بويه صارت عثره
أبـنيـتك آنـه الزهـره
بعدك حزينه
______________4__________________

أول مـــرّه هــاي أنــظـــر حــيـدر دمــعــتـه بــخـده
گـعـد مكـسور أبو الحسنين وبـحـضانـه جمـع ولـده
وشـهـگ مـن الـبـواچـي عـليـك حگه غيرك شعنـده
اليـمـوت اويـاك هـنـيالـه اليـعيش اخلافـك الـشـده

سبِحتـك بويه تنـتظـرك
تشم اچفـوفك وعطـرك
من عمـري فـدا العـمرك

كـون الــمـنـيـّه ... تـوصـل الـيّـه
وتآخذني يمك ... يا ابو الزچـيّه
صبري خلّص صبـره
أبـنيـتك آنـه الزهـره
بعدك حزينه
______________5__________________

يــبـويــه الـيـفـگـد الـوالـــد مــا يــتـنـفـس ابـراحـه
الـهـوه الـيـشــتـمـه نـار يـصـير والـدمـعـات ذبـاحـه
الـيـفـارگـلـه أبـو مــثـلـك كـون ايـمـوت بـصـيـاحـه
وكــل مـغـرب يضل مـعـلول مـن الذكـرى وجراحـه

الهجـر يذبح توالي الليل
والمـغرب يبـوگ الحـيـل
والدمـعـات دم اتـسـيــل

بـعــدك يــتـيــمـه ... والـدنــيـا هـيـمـه
وكل وگتي جمره ... وكل حيلي خيمه
والألـــم دگ صــدره
أبـنيـتك آنـه الزهـره
بعدك حزينه
______________6__________________



#رزقهم_سلام_الله_عليهم
#احمد_رزاق_الاعرجي

عايش غريب بديرتـي
بچفوفي دافن دنيـتي
چـا آنـه ألـمـن ظـلتي


مابيـه حـيل لـدمعـي أمـسح
قد ضاق صدري ربي فأشرح
اليدفن ضحكته جوه التراب
عايـش چـذب والعـثره تذبح

والــــفـاگـــد ولــف ... بروحه شچم خسف
مـــا يـلـگـه عـــرف ... لجروحـه المـتحزمه

يــعـگـوب الــدمــع ... بـخـدي مـنـفـــجـع
بروحي شچم ظلع ... طگ بروحة فـاطمه

گـلبـي انمـرد مـن فارگـت
أم الحـسن مــيـت صـرت
أم بيتي جانت لي وأخت
______________1__________________

بــين المـگـابـر دافـن عــيـون
صعبه رجعـتي لداري وشلون
ويــلادي لـو شـافوني راجــع
أبـلايـه زهـــرتـهـم يـمـوتــون

لــو زيـنــب أجـت ... وسـألتـنـي وبـچـت
ويـــن أم الـبـخت ... لا مـاتـسـتر دمعـتي

وحـسـين وحسـن … ســوالـــفــهـم صـفــن
وين أمنـا الوطن... شحچي ودمعي بلحيتي

متـعود لبـيتي امن ارد
أشتم حنان ومـي ورد
يـاربـي تـعـبنـي الـبـعد
_____________2___________________

آنـــه عــلــي كـاسـر الـبـيــبان
وسفه انچفيت وحيلي ذبلان
احـروره احـس ونــار مگـفاي
يمـكن طلـع مـن ظهري دخان

بظلــوعي احس … متــربــعـه الشـمـس
وبأذنـي الهمـس … عباس بظـهرك زعـل

بــعـده بـعـالــمه … حـــــضــر صــارمـــه
ويـبچي لفاطمه … وبدموعه متني هدل

بالــذر ابـو فـاضـل تــره
مجلس عزه سوه وقـره
الفرگـه سبـحه ابـمگبره
_____________3___________________

طبـع الفـگد لـو شـاف الغـروب
بعـينـه يــچودر دمـع يـعــگوب
ويلچمه نبضه وشهگته جروح
فـاگــد عـزيـز بـشـيبه مـگتوب

شــاب وشـيبـت … چــن فـاگــدلـي بــت
مو حيدر صـرت … غيرني فراگ الـصدگ

چـانـت فـاطـمـه … ريـــحـــان الــسـمـــه
وماي ابلا ضــمه … وريحة جنه وتنشهگ

سبحتها ضلت فـاگده
طفـله و تـريد الوالده
والتربه ورده ابلا نده
_____________4___________________

المـحسن فـدائي طــاح عالـباب
مـن شــاف بـاب الزهـره عـطاب
و گــمــاط مــا شـــاف ودلـلــول
بس شاف روحه بحضن التراب

ماعــنـده ذنــب … روحــــه تـنــســلــب
بالـدم تـنـكــتب … قصة محسن فاجعه

والأصـعــب بـعـد … روحـي ابـلا سـنــد
يــا ربـي مــــــدد … أبابـي نـار الـواقعه

سبـع المـثانــي فاطمه
عافتني والفرگه ضـمه
وماتروي بغيوم السمه
______________5__________________
راح الحــنـان الـتـارس البيـت
وشـگد امـوت ويــاهــا ياريت
عالگ جروحـي شـموع باللـيل
ومجلس عزا بظلوعي سويت

وأحچي من القهر … مـــلــعــون الـــسـطــر
خــد أم الـــنـحــر … ياچف عاده المصطفى

نعــمه امن النعم … يـدفــعــهـا الــصــنــــم
بــچـفـوفـه ثـلم ... دين الله وحيلي انچفه

عمري گضه شضل بالعمر
عايش على أطراف الگبر
كــسر الگـلـب مــا ينـجبر
_____________6___________________

خادم فاطمة الزهراء أحمد رزاق الاعرجي

گـعده لأستشهاد الزهراء ( عليها السلام )
[ يارحمة الله ]


وحدي تخليني شلون
يا رحـمة الله لا تعـوفيـني
فتحيلي ذرعانچ ضميني باحضانچ

زيــنـب آنـه يــمـه أگــعـدي لاتخـلـينــي وحيده
حيلي يتـناثر گـبالـچ والـنـفـس قــصـته بعــيده
شوفي زينب شنهو بيها جروحها صارت قصيده

مو وگت الموادع تره
يمي وأحس امسافره
دمعـاتي أكـبر مـگـبره يمه ياروح الصميده

بروحي اثر نار الباب
وبسمار صدرج نابت بعيني
متانيج قرآنچ ضميني باحضانچ
______________1__________________

يـمه المـصلايه تـسـأل عـن حـنانج يالحنينه
ضـل مـكان الـ يمه خالي واليتم چتف اديـنه
سبـحتج منتـظره چفج چـانت بچفج مدينه

مـن الـزغر گـلبي حزن
دمعاتي عالخد سولفن
راح الوطن راح الوطن ياهو يمسحنه يجينه

لو رحتي اخذيني وياج
من هسه احس بهدلة متوني
لفيني بردانچ ضميني باحضانچ
______________2__________________

شلون اعيش ابلا حنـانج يالحـنانج بيه ديره
يمــه يـامـحله السـوالـف منـج تعـادل عشيره
شلون انسـى ذكـرياتـچ فــگدج آلامـه جبيره

ياقـل هـو ويابـسمله
ياسورة الحب والهله
الدمـع بـعيوني حـلـه وعالوداع آنه زغيره

الفركه غربة احضان
ياوالدة جرحي ويعافيتي
محنيه حيطانچ ضميني باحضانچ
______________3__________________

مـن على الدنيـا السلامه يـمه لو ماأنتي بيها
ياحـلات الدنيا بـامي لـمن اشتم عطر اديها
أمـي خيـمه وحضن دافي ياسلام الله عليها

يايمه اخاف بغـيبتچ
أجـليها يمـه سـفرتچ
آنه العزيزه رويحتچ روحچ بروحي اشتريها

ياراحتي وسر الكون
يايمه اضيع بفركتج هايه
احزانـي احـزانچ ضميني باحضانچ
_____________4___________________

والـدي يايـمه أسـمعـــه يگــول ودعــــو فاطمتكم
يگول هاي آخر ثواني فـاطمه تشوفوها يـــمــكـم
صوت أسمعه بصوت ناعي الله اليـعظم أجــركــم

حيدر أشوفه أبلا ظهر
والمجـتبـى مـيـت قـهر
وحسين يـايـمه انـعـصر

شالج علي وحيله الطاح
يـايـمه مثـل الـماي عـالغـبره
غاليج دفانچ ضميني باحضانچ
_____________5___________________
بيت المصيبه :


يـاهضـيمه المـاكو مـنها بهـالعمر واصـبح يتيمه
اربـع اسنين آنـه عمري وآنه گاعي أبلايه غيـمه
الدمع ينزل فوگ خدي عـندچ جبيره وهضيمه
يايمه وازاني الدمـع
فركاج كاسرلي ضلع
صوت باذاني استمع الله اكبر عالظليمه

_____________6___________________


#رزقهم_سلام_الله_عليهم
#احمد_رزاق_الاعرجي

قصيدة : السفر يذبح
لاستشهاد مولاتي فاطمة الزهراء عليها السلام





السفر يذبح ... تالـيتـه
علي فــارگ ... ام بيته
رد من الدفن شـايل چـم حسره
حگّه يـنحني فارگ علـي الزهره


رجع للـدار ... بدمع مدرار
ويشوف البيت نار بنار
يشوف الباب ... رِسم آثار
دم وارمــاد عالمـسمـار

حـيـاتـه وبـســمته وعـمـره
انگضت من صاحت الزهره
يـــافــضــه : الـحـگــيــلــي
كـل حـيلـه أنچـفـه بكـتـره

علي بروحه ... آلامــه
صفت ظلمه ... أيامـه
كـسر البلگـلب ماينجـبر كـسـره
حگّـه ينحني فارگ علي الزهره
______________1__________________

دخـل ذبــلان ... عـلي وتعبان
او يـتوچّه عله الحـيطان
هظيمه هواي ... صفه نحـلان
انكسر ظهره مثل اغصان

اليـفـارگ يـوم محـبـوبـه
دمـعـتـه تـحـرگ بـثـوبــه
وكل جروحه مكشـوفات
وكل ضحـكاته مسـلـوبـه

الحزن غيمه ... بـعـيـونـه
صعب ولـده ... أيشوفونه
المامره انحنه ظهره حنه ظهره
حگّه ينحني فارگ علي الزهـره
______________2__________________

يـشـوف جــروح ... گــدامــه
وعلى وجهه الحزن شامه
شـبـــچ چـــفـه ... عله الهامه
اوتـذكـر كـسـرة احـلامـه

وأجـت يمـه الـعقـيله تـنوح
وأتـگـــلــه يـــبـعـد الــــروح
ويـــن أمـــنـــا تــرد لــو لا؟
وجوابه ابدمعتـه المـجروح

شـنو ايـگلها ... شگد صعبه
الوطن عايش ... بـالـغـربـه
وجـروحه چبـيره والألم جـمـره
حگّه ينحني فـارگ علـي الزهره
______________3__________________

الحسن يمَّه ... أجه ايكلمه
ودمعته ترسم ال يمه
صـفه حلـمه ... يـريد أمّـه
خذاه بأحضانه ويشمه

الهضيمه حسين أجه وينحب
زغْـيـر وبـالـجــرح شــــيـيّـب
يــســكــته حــيــدره بـــيـمـن
وْيــشـوفـه امن الألــم حــدّب

رحـيــل الأم ... بدموعه
وجمر يـلهب ... بظلوعه
وجبريل انحنه وضل يهمل العبره
حگّه ينـحنـي فــارگ علي الزهـره
______________4__________________

جـروح اشگد ... فلا تنـعـد
ويوميه تـصير ازيد
الحزن صاير ... على حيدر
عبادة زاهد ومعبـد

اليـعــثـر بـالـدمـع فــاگــد
الـمـغـرب دمعـه مـتواعـد
يـنـزل نــزلــت الــمـطــره
ومـن عـنده الألـم صـاعـد

جرح ينزف ... بأكتاره
علي يبچـي ... وفقاره
اجروح شگد على حيدر متوزره
حگّه ينـحني فارگ علـي الزهـره
______________5__________________

جـراحـاتـه ... علي ودمعـه
ما حملنْـهن السـبعـه
تعب گلبـه ... وتعب حيـله
وأيده أملازمه ظلعه

الـدفع بـاب الكـفـر چـفـه
انـدفع بـابـه وعلـي كلفـه
علي باب الله بــس بـابـه
احترك عمـداً ولا صـدفـه

لـلـبـاري ... قـدّمـهـا
بـيبانـه ... وراسمها
للّه حيدره هو اللي دگ صـدره
حگّه ينحني فارگ علي الزهره
______________6__________________

#رزقهم_سلام_الله_عليهم
#احمد_رزاق_الاعرجي

[ كـلـشي انـتهـى ]


جـوه الـترب دافـن عـلـي روحــه اويـه ذكرياتـه
مـحني مثل سعف النخل كلشي انتهى بحـياتـه


تكـسر الـخاطـر مشّيـته يعثر ابطارف صـايـتـه
وجروحه اكبـر خـارطه أبلايه العزيزه رســمتـه
اليدفن ضحكته بمكَبره بيـمن يــهدّي أرويّحته
والـفـگد مـثل ام الحسن بالدنيا ألمن ضـــلّـتـه

بـالصـفـنه تـلـگـاه يـنـتظر يمـتى تـحل وفـاتـه
محني مثل سعف النخل كلـشي انتهى بحياته
________1______________________

الـيفـگد عزيزه ابلا اهـل غربـه يـعيش بديرتـه
ولو سـمع آذان الفـجر يصبـح وضـوءه بدمّعته
والشيب يوصل للگلب ويركض اركاض ألحّيتـه
ولو راح يم المگبره شگد صعبه تصـبح رجـّعته

يـاربـي مـاحـان الأجــل دعـواتـه فـي صـلاتـه
محني مثل سعف النخل كلشي انتهى بحياتـه
_________2____________________

الـيبـقى بـلا ريحـة ولف هالدنيا بعـيونه شِـــبـُر
راحـة البـال ألـي فـگـد مـيفـيده لو طال الـعـمـُر
أبلا روحه تلگاه بس جسد ومتاني يتواره بگـبر
يغفى اعله كسرة خاطره ولو گعد روحه تنعصر

حـتـى الـصـبر يـبـچـي ويـون ومّـلـزم بـعباتـه
محني مثل سعف النخل كلشي انتهى بحياتـه
________3_____________________

اليلزم صفاحه بكل مسه بگلبه الجروح محزّمه
وحيـدر صـفاحه الـزمته فاگـد أم بيـته فاطـمه
حگه لون يجري الدمع الفاگد عزيزه مـن دمــه
أتّـشوفـه يعـثر بالنفـس وشفايِفه بلون السـمـه

مـثـل الـعـويـدي ابـونـتـه وبــحسـرتــه صفاتـه
محنـي مثل سعـف النخل كلشي انتهى بحياتـه
_________4____________________

للـبـيــت مـن المـگبـره راجـع وحـيـلــــه مـنـكسر
مـو علي چنه بمشيّته محني مثل خيط الـفـجـر
حـدب عـلي وكـل عالـمه بدمعاته سورة الــقــدر
يـالـلعـجب حـيـدر علـي عالگاع وجـهـه يـنـهطر

طاح أعله وجهه أعله الترب يمكن كرب مـمـاتـه
محني مثل سعف النـخل كلـشي انتـهى بحياتـه
__________5___________________

جروحه مثل خيط الشمع تحرگ بروحه كل مسه
حـگه علـي مـن ينـحني دافن بديه خير الــنـسـه
الله الـ يـعـين أبـا الحسن مگطوع حيله وواهِسه
بــالـلـيل يـم بـابـه گـعـد والــدمـع بـلـل مـلــبسه

يـمـسـح دمـعـتــه لاتــجـي وتـعـايــنـه الـشـماتـه
محني مثل سعـف النخل كلشي انتهى بـحيـاتـه
_________6____________________


#رزقهم_سلام_الله_عليهم
#احمد_رزاق_الاعرجي

[وصيه]



وصـيه يـاعـلي بـيـها ارد اوصـيك
افراك أم بيتك أعرف بيّـن عـليـك
آخر ساعه اليه أسمع هالوصيه
________________________

يحيـدر گرب احذاي بـعد مـا اظن اشـوفـك
يقـبلة زهـرة الديـن شـرف كـلمـن يـطـوفـك
يحاء حسين وأحساس النده يغفى بجفوفك
أول مـره احـس هـاي يـحيدر راح اعــوفـك

عينك على روحك ياابو الاحزان
لو شفت الزچيه بحضن الاچفان
الجروح البيك بيه اسمـع هالـوصـيـه
__________1__________________

دخـيلـك ارد اوصـيك يـحـيلي الـضـال بــيه
المـحـسن يـندفـن كـون اريـده بــيـن أديــه
واذا ويــلادي ســـألـوك ويـن امــنـا الـزچيـه
ادفـنـتـها جــوه الاتــراب لتــگلـهـم خـطـيـه

خـاطـرهم أبــد لاينـكسر كون
عودهم على غيـابي يـعيشون
يبو الدمعه السبيه اسمـع هـالـوصــيه
_________2___________________

لتـبــيـن حـزن بــيـك ولاْ تـبــين عـلامــه
عــلي لاتـنحي ظـهرك مسـاكين اليتـامـه
اذا شـافـوك تـعـبان يـكـرهون الـسـلامـه
وتـعيـشهم بالافـراح اذا تـبـدي ابـتسامه

صـيرلهم كهــف دافـي يـحمـاي
من حر القدر ضحـگاتك افـياي
يبو الروح الوفيه أسـمع هالـوصيـه
__________3__________________

علـي چنــي اسمـعـك رحيــلچ مـاكو رجـعه
ولاحتـى اثــر ثــوب حــلم عــطـره أتــبـعـه
أحترك گلبي مثل عود بخور اضعافه تسعه
مو بـس ظـلعج انصاب علي مكسور ضلعه

اليفـگدچ فاطمه ستسوه حياته
يضل عايش لخــاطـر ذكـريـاته
توصيني عليه اسمع هالوصيه
__________4__________________

اوصـيك أعـلـه زيـنـب وريـحـانـة حـياتي
الحسـن بعـدي خـطـيه تـلچـمه ذكـريـاتـي
الحسـين عـيوني الاثـنيـن ياحـيدر يغاتي
يمـوت بــشــهكه مـنه اذا يـشـتم عـبـاتـي

عـيـنگ عـالوُِلِد يابـو دمـوعي
اليألمني فگدتكم مو ظـلوعي
هاي آخر مسـيه اسمع هالـوصيه
___________5_________________

أخـيراً ارد اوصــيك عـلى حـالـك يــبـيـتي
امــر رب الجـلاله أجـه وحــانـت مــنــيتي
سـوالف بــاب وجـروح حـملـتـهن وصيتي
يعــيـنج الله يـاروح عــلي مـن ودعــيــتي

بليل ادفـني يا أبن الاجـاويد
ولتــخلي دليـل لگبري ياحيد
يحماي الحـميه اسمع هالوصيه
_________6____________________



#رزقهم_سلام_الله_عليهم
#احمد_رزاق_الاعرجي

الرادود ملا مهدي العقابي
كلمات احمد رزاق الاعرجي

قصيدة [ ياعين أبوي ]



ياعين ابوي ... رحتي شعجب
باجر نطيـح ... طـيحة تعـب
يـايـمـه صـعـبـه افـراگـچ اعليـنـه
فتحي الگبـر يالـزهـره حـاچـيـنـه
ياعين ابوي ... رحتي شعجب


يانظر عيني
آنه زينب يمه وأسال يمـه وينـچ
لاتـعوفيني
الدنيا نار وآنه باب اخلاف عينچ

اول مره احس البيت مو بيت
بعدچ ماي فوك الثرى اتبديـت
حرگ الباب والمسـمار والـصار
تـمـنيـتـه حـلـم لـكـن تـمـنـيت

هــاي الـدمـوع ... تـنـزل دمــه
وتـرسم جروح ... يـــافـاطـمـه
وحّــدنــا يــمـــه لا تــعـــوفـيــنــه
فتحي الگبـر يالـزهـره حـاچـيـنـه
________________1____________________

دمعي يلچمني
واليأذّينـي دمـع حـامـي الحـمـيـه
من يناشـدنـي
اعليچ دمعي يصير مثل المُـغرِبيه

ييمه والحـزن شـمس الله بالعين
ومحتاره ييمه انطي الوجه ويـن
شيصـبّر عـلـي اوشيـصـبّر الـروح
وشيصبّر اخوتي الحسن وحسـن

فـگدچ ضـيـاع ... يامّ الحسن
افراگچ چــبـير ... مثل الوطن
غـربـه وهـظـم ودمـوع تـولــيـنـه
فتحي الگبـر يالـزهـره حـاچـيـنـه
________________2____________________

العافِته امّه
امن الزغر تلگين شيْب ايلوحه گلبه
يعثر بچلمه
ويــن امـك للـيتـيم اشـگـد تـتـعـبـه

اليشـاهد امـّه بين الـنـار والـنـار
تضل الدمعه بس بـعـيـنه تـنـدار
وآنـه الـفـارگــت امـي وحـيـاتـي
وبصدر امي شفت انكسر مسمار

دمعي ثـگـيل ... فوگ الوجـه
وحيلي عليل ... ويــن اتـجـه
آنـه وجـروحـي الـزمــن يـآذيـنــه
فتحي الگبـر يالـزهـره حـاچـيـنـه
________________3____________________

الليل والخنگه
والدمع والحـسره والـدنيا وشـماتـه
كلـهن اعـلـيـه
دارن وحلـمي انـذبـح وي امنــياتـه

اشم بتراب گـبرچ يمـه وانـعـاچ
واگلچ ليش ما خـذتيـنـي ويـاچ
البيت ابلايه أم ماينحـسب بيت
شحلاته البيت من بالبيت ألگاچ

يـمّـه الـزمـان ... مثـل الرمـح
فوگ النـحور ... يـرسـم ذبـح
بـــعـدچ حـزن كـاسـر يـمـاشـيـنـه
فتحي الگبـر يالـزهـره حـاچـيـنـه
________________4____________________

حـظنـچ الدافـي
صعبه راح وحظنته الخرسه بتربهـا
المثلي وعيونچ
بــاب مـحـتـرگـه تــلاگـين أبگـلبـهـا

اليفـارگ امّه يـمّـه شـلون يرتـاح
وميل الساعـه مثل السيف ذبـاح
باب الله علي بس بـابه مـحروگ
ساكت وبْجروحه هوسه وصياح

بــعـيـونـه نـار ... مـاتنـخمـد
الـفـاگـد عـزيز ... ألمـن يصد
الـهذا الـحـزن تــشـرح بواچـيـنـه
فتحي الگبـر يالـزهـره حـاچـيـنـه
________________5____________________

حيـلي مـابيـه
حـتـى ارد للــدار والـبـاب انـظـرلهـا
صعبه انظرها
وانظر الـمـسـمـار بـابـچ مستـحـلهـا

رماد الباب صعـبه شلـون ألـمّـه
والمـحسـن أتنـاثـر فـوگـه دمـه
وحقچ يمه أفكـر والفـكـر طـاح
والمحسن بگبره وخاف ألچْمـه

ماشفـته أخوي ... لا بسمِـتـه
او لا چفي هاي ... الـشـالـتـه
بـيـنه الجـرح وانـتي الـتـداويـنـه
فتحي الگبـر يالـزهـره حـاچـيـنـه
________________6____________________

الخرسه : الارض

#رزقهم_سلام_الله_عليهم
#احمد_رزاق_الاعرجي