فزاعيه /


آخ الـشـــام نـار وتــحــرگ الــروح
وراسـك عالـرمح ياخـويـه مذبـوح
مـن بـعدك بروحي استوطـن النوح
اشما صحت باسمك ... سوط يلوح متني

______________1__________________

شـمّـات اشــكــثـر وعـيـونـهـم نــار
واصيـاح وشتـم وامـشـامـر حـجـار
خــويـه الـسـوگ يـآذينـي والانـظـار
دورت الـرحـى ... چـــن دارت عـلــيـنـه

______________2__________________

مـابـيــن الألــم وســــوالـف الــنـاس
اسمع صــوت طيـحـو راس عـبــاس
وراس حسـين دخن غيره واحساس
يـاضـوه عـيـونـي ... وراد يـطـيح گـبـلـك

______________3__________________

حـرم واطـفـال تـعبـانيـن وهــواي
مصيبتنا العطش ياصـاحـب الـراي
الشمر يوگف يبدّي بطـاسـة الـماي
ويـضـحـك علـينــا ... گـدام الـيـــتــامـه

______________4__________________

مواقف صـعبه ماجانت بالاحساب
شــفـت بالشـام بـزر الدافـع البـاب
يتمرجل على أختك ام الاحجـاب
دنـگ عيونه ... خـزرته وطاح يـرجـف

______________5__________________

أدوساً شـاربـه الـيـوصـل سـتـرنـه
وانته اعله الرمح حـامـي خـدرنـه
يــاهـــو الـگـــال ذلـــت يــاذخـرنـه
وانـتـه ويـّاهـا ... شلـون اتذل يـخوها

______________6__________________

#رزقهم_سلام_الله_عليهم
#احمد_رزاق_الاعرجي

#شور


هالخدمه وطن

اضل اعاني ...
من غير مجلس عالحسين وأهل بيته
اضل اعاني
ماعندي غيـره ملـجأه ارتـاح بـثنـيتـه

خدمة احسين الأصل هيه الحياة
الما يعرف احسيـن مايروي فرات
ربي ارزقني على حسـين الممـات

كون بْحسرتي ... وّْني ودمْعتي ... تطلع حرگتي
كون اموت كون اموت
بانفاسي الهوه ... بحسين ارتوه ... كون بنينوه
كون اموت كون اموت

هالخدمه وطن
______________1__________________
حزني ومصابي
للحرگو أخيامه وتراب أبجرحه داير
حزني ومصابي
للضل على التربان وبصدره الحوافر

مثل خيمـه أحتـرگ يوميـه اريـد
مثل عابس بالعشگ اصبح شهيد
كون مو عالصـدر ألطـم عالوريـد

حيلي منكسر ... كل عمري يمر ...
چن خيط بجمر ...
عالطفوف عالطفوف
دمعي من دمه ... وعايش عالضمه ... اليسألني لِمه
عالطفوف عالطفوف

هالخدمه وطن
______________2__________________

معشوگي ضامي
رغم الذبح بس ينعشگ مصحف يقيني
معشوگي ضامي
رغم العطش رغم الجرح عاش بوتـيني

ابو سكينه سلبو هدومـه حـرام
سـاتـر الوادم ومنـطـيـنه خـيـام
السلام أنترس كل جسمه سِهام

سيد عالبشر ... بس مابي ظهر ... متوذر وذر
عالتراب عالتراب
اشفافه امفطّره ... وگطعو خنصره ... صاير منحره
عالتراب عالتراب

هالخدمه وطن
______________3__________________

بهاي المجالس
كل عمري وسنيني نذر ودموعي كلها
بهاي المجالس
كلشي امل بس مستـحـيل آني أملهـا

راحتي النفـسيه عـندي كل عزاء
آنه عـكـس النـاس افـرح بالبـكاء
صدري شايل گلب عاشگ كربلاء

بعيوني الألم ... وارماد الخيم ... وجروح وسهم
للحسين للحسين
يارب الفلق ... يارب العلق ... ارزقني الأرق ...
للحسين للحسين

هالخدمه وطن
______________4__________________

توجعني روحي
لو يُمُر طـاري اخـيام لو مـاي وغريـبه
توجعني روحي
ولو عيني توگع من بچيها مو عجيبه

حسين منطيني حياة ابلا ضياع
حسين هو السـيد الدومـه يُـطاع
لو اعـوفه يعنـي وي الله الـوداع

روحي اوسُمْعتي ... دينّي وقبْلتي ... حزني وفرحتي
والحيات والحياة
والد عبْرتي ... حسين ارويحتي ... تاج لهامّتي
والحيات والحياة

______________5__________________

كلشي بحياتي
ضايع اشوفه ابلا حُسـين ابلا هـويـه
كلشي بحياتي
عايش على الله وابو فاضل والزچيه

بــس جـسد آني چـنـت لاويــن اروح
أنعم الله اعله الحُـسين انطـاني روح
جروحي صارت للحُسين احله جروح

خادم مجلِسه ... اسمه اتنفّسه ... فدوه لمحبسه
كون اطيح كون اطيح
بكل مجلس اون ... روحي تنسحن ... اتمنى بحزن
كون اطيح كون اطيح

هالخدمه وطن

______________6__________________

#رزقهم_سلام_الله_عليهم
#احمد_رزاق_الاعرجي

#نعي


الـيـرد مـن السـفـر بـيـديـه هـديـه
أشيـجـيـب اويـاه الـيْـفـارك رقـيـه
جــبـت ويـاي شـيـلـتـهـا ودمـعــهـا
وجـيـتـك والجــمر طـافـي بـأديــه
خـويـه حسـين ظـلت روحي وياك
وبـس الـجـسـد عـاف الـغــاضـريـه
رجعت امن اليسر : مشتاگه يحسين
الـگـعـدتنـه الـگـبـل چـانـت سـويـه
أيـتامـك جبـتهـا وجـبت الأضـعـون
گوم أگعد يخويه وشـوف الأمـتـون
ماضل حيل مـن عفـتك بالـ أجـروح
واذا اصيحك بسوط السم يضربون
گوم وشوف كـلشـي اتـحـول ارمـاد
مـتـغـيـره تـراهـا الـغـالـيـه أم عـون

#رزقهم_سلام_الله_عليهم
#احمد_رزاق_الاعرجي

( درب السبي )


بدرب السبي وروس اخوِتي فوگاي
صـارن عـلـيـه وعـالـيـتـامـه افـيـاي
تنگـط محـنه وروح مابـيها
طول الدرب نسمع بواچيها
صـارن عـلـيـه وعـالـيـتـامـه افـيـاي

بدرب السـبي عـالـهـزل ... مـتـكفــله بـ عيـالـي
ماعندي بـس دمـعـتـي ... بــهـذا الــدرب والـي
حتـى الـهـزيلـه بِـچـت ... مـن شـاهـدت حـالـي
واتـوصي كــل الــهـزل ... من تمشي باطـفالــي

امــشـن بـهـيـده لا تـمــيـلـن حــيـل
لا طـفـل يــوگـع لـون نـاگـه تـمـيـل
والـحـره زيــنـب لا نِـأذّيـهـا
طول الدرب نسمع بواچيها
صـارن عـلـيـه وعـالـيـتـامـه افـيـاي
______________1__________________

والألـــم طـــول الــدرب ... بـيـه صـبـح جـمـره
فـــوگ الــــرمـح انـظــر ... ألـكافـل بچـه نحـره
بــيـنـي اوبــيـن الـگــمـر ... صـار السـهـم عثـره
ينـظـرلي صـعبه الاخـو ... وصارت عليهَ حسره

نـاديـــتـه شــوف الـحـال يـاعـبـاس
بعدك غريبـه وطحـت بـيـد ارجـاس
اليمك اميره احبال بـيديـها
طول الدرب نسمع بواچيها
صـارن عـلـيـه وعـالـيـتـامـه افـيـاي
______________2__________________

امـشي اوجِـروح شـكــثر ... تنزف حزن سكـتـه
ويــم جفني سوط الـشمـر ... كلما بِچـه ايسكته
وشْـخـلـه بـيـنـه العـطــش ... توجـعني سالفـتـه
والـمـاي فــوگ الـــرمـح ... مـتـفــطّـره شــفـتـه

اشما نعطش انصد عالرمح ونشوف
ينــظر علـينه بنـظره كلهـا : چفـوف
واعيونه من الدم محاچيها
طول الدرب نسمع بواچيها
صـارن عـلـيـه وعـالـيـتـامـه افـيـاي
______________3__________________

بالليـل نمــشـي بجـرح ... والـســوط يـجـرحـنه
امدافع وصوت اصياح ... مـن الــهـضـم صـحـنه
اتـغـيـرنه مـن الـسـبي ... اوصرنه احنه مو احنه
والـحــبـل صــاير سـيـف ... وبـهـيـده يـذبحـنــه

اشـمـا التـفـت الـگـه رقـيه تـصــيـح
الهـودج يميـل وخاف مـنه اتـطـيـح
يابـويه ارجـع كـل نـواعيها
طول الدرب نسمع بواچيها
صـارن عـلـيـه وعـالـيـتـامـه افـيـاي
______________4__________________

السـجـاد يمـشـي وعـثر ... وعـــيـونـه دم تـــدي
شما التـفت لـه أبـدمـع ... يم راس ابـوه يـحـدي
ويـتـعـكّـز بـكـل جــرح ... وكـل حـيـله مـتــبـدي
شــافـونــه هــاي البـشر ... أكــبر جـــرح عــنـدي

مـن كـربـلـه وصـار التـعب اضـعاف
واحـبال تمـشي عــالأرض نـنـشـاف
وسـكينـه لـمن انظـر اعليها
طول الدرب نسمع بواچيها
صـارن عـلـيـه وعـالـيـتـامـه افـيـاي
______________5__________________

گـدامـي روسِ اخْـوِتـي ... عـالــرمــح أنْــظُـرهـا
وكل ساع شامت يـجي ... بـحــجـار يـشْــمُـرهـا
والصعـبه حيل وعـلـي ... أيـهـز بـيـها ويْـفُــرهـا
كل هـذا حـتـى الحـرم ... بـأفـــعـالـه يــقْـهُـرهـا

جروح السبي صـارن عليـنه أحزام
سـوط وحـبل مـن كـربـلـه لـلــشـام
وضعـون هاشم من يباريها
طول الدرب نسمع بواچيها
صـارن عـلـيـه وعـالـيـتـامـه افـيـاي
______________6__________________


#رزقهم_سلام_الله_عليهم
#احمد_رزاق_الاعرجي

لمولاي علي الاكبر عليه السلام
[ سيد وقائد حرب ]


أمير ... چبـير
سـيـد : وقـائد حـرب
ثگيل ... أصيل
للخيم : نبض الگـلب
ياجمـال عيـونه حـضـره
چنه الأحسين اعله مهره


الحـومه ورقه بيـضه عنـده وهـو شـاعـر مـن يـهب
والقـلم سـيفه ... القـصـيـده امـن المـناحر تـنـكـتب
عـالـقوافـي سـيـفه نـازل چـنـه مـنـجـل عـالـشـلـب
شاعر يـكتب الـواقع
وحْيهَ مثله ماسـامع
فكره ومـفرده جامع
ابن احسين الاكبر

جمال .... فِعال
يـاحـلاتـه مـن يـكـر
غـرام .... كـلام
حتى احله من الشعر
رايـتـه بـمـتـونه خـضـره
چنه الأحسين اعله مهره
______________1__________________

طـبــهـا واتــــوزر حــلاتــه كـــل درع مـا خـلّـه ابــد
شــايـل بـروحـه الـثـبـات وعـنـده الاحـسـين الـمدد
الــحـومـه صــاحـتـلـه دخـيـلـك قـل هـو الـلـهُ أحـد
يشبه عمّه ابو فاضل
بالحومه زعـل شايـل
سيفه ابمنـحر العايل
نازل : طير أبابيل

عجيب ... رهيب
كلشي لعيونه خـضع
كـتـاب ... عـذاب
يرسم بسيفه وجِـمع
كـل عـذاب الدنـيا حـدره
چنه الأحسين اعله مهره

______________2__________________

الحـومه مالـت مـن ثـگـل چـدمـه وخـزرتـه بالـعلـن
عــنــده اوزان الـقـصــيـده بـالـطـفـوف اتـســجـلـن
بـالـعـســاكــر ســيـفـه طــشّــر : فــاعـلاتـن فـاعـلـن
روس الـقـاده اوزانــه
وسيفه اتخـبل الحانه
وهاي الحومه ميدانه
ابن احسين الاكبر

تصيح ... تطيح
گباله كل عشره سوه
سـواد ... رمــاد
بالحرب هوه الضـوه
والشمس يم چفه جمـره
چنه الأحسين اعله مهره

______________3__________________

شـايــل الـــمـوت ابـيــمـيـنـه والـعـسـاكـر شـافــتــه
حــيـدره لــو هــذا ابــو فـاضــل ابـــد مــاعــرفــتـه
هــد لــثـامـه وصـاحـو الاكـبـر أجــانــه ابســطـوتـه
والـسبعـين ألـف يمـه
صاحـو كلـهم بچـلمـه
الــحـگ يـاابـو الـيمـه
ادخيلك الحگ النه

عـظـيـم ... تـهـيـم
عيـنه صـوب أمخـيـمـه
الطفوف ... خسوف
سـوه بيـها امـن الـدمـه
والـنـده ايـنام اعـلـه صـدره
چنـه الأحـسيـن اعله مـهـره

______________4__________________

يـاحــلاتـه كــربـلــه الاكـبـر طــواهــا طــي ســجـل
الأعـوج گـبــالــه يـطــيـح بـخـوفـه مـنـه ويـنـعـدل
ابـن ابـي طـالـب عـلـي وگـت الـشـدد گـول وفـعـل
عسكـر مـاتـت چـفوفـه
وعـسكر طايـح بخوفـه
وعسـكر واصل الكوفـه
من صولات الاكبر

يصول ... يجول
بكيفه يمشي ابخطـوته
يطـيح ... ذبيح
الـعيـنه شـافـت خزرتـه
بـالـحــرب يـاهـــو الـيــقـهـره
چـنه الأحـسـين اعـلـه مـهـره
______________5__________________

الـحـومـه مـاتـكـفـي مـشـيـتـه شـايل بعيـنه الـزعل
يـاجـمـالـه ويـافــعـالـه كــل صــفـات الـحـب حـمـل
الأكـبـر وفــوگ الـمـناحـر سيـفـه كـاتـب مـسـتــهـل
لحـسـين العـمر فـدوه
الدنيا ابدونه ماتسـوه
ومـاخــلّـه أبـد عطـوه
والرايـه أبيمـينـه

غـيور ... صبـور
مــحــلـه رفّــت رايِـتـــه
شجاع ... شجاع
تخـسف الطـف خطـوتـه
بــالــحـرب مـــا راوه ظــهــره
چـنـه الأحـسـين اعلـه مـهــره
______________6__________________


#رزقهم_سلام_الله_عليهم
#احمد_رزاق_الاعرجي

الحسين ع :


رد للـخـيـم مـحـنـي الـظـهـر شـگـلـه تـغـيّـر
بـالـخـطوه يعثر شـايـل ابـنـه عـلـي الاكـبـر
بالگوه يمشي بخـطــوتـه
والدم صُبـغ كـل لـحـيتـه
شـگـلـه تـغـيّــر

حسين راجع ... للمخيم
ابلايه طوله الهيبه
جاي شايل ... أبنه بيده
وانترس دم شيبه

مـن وصــل حــدر الـمـخــيـم بـالـولـد
حــيـل مـاظــل عـنــده ويـعـيـنـه ابـد
صــاح راح الــولـــد مـايــرجــع بــعــد

بالـخـيـمـه نـزّل ابـنـه والـتـمـت الـنـــسـوان
زينـب أجـتّـي وشـاهـدت مـنظـر العطـشـان
وبراسه ماكو اعمامته
والدم صُبغ كل لحيته
______________1__________________

گعد سولف ... عالمصيبه
عله اوليده الطاهر
من وصلته ... گال شفته
رفس گلبه الحافر

والـرمـل شـفـتـه بـجـروحـه والألــم
أكـثــر امـن العـطـش هـذا البـلـخـيم
جـسـمـه ماظـل شبـر منــه مـاسـلـم

وارمـاح واسـهـام شـكـثـر دارن عـله الاكـبر
وشفتـه الگلـب گدامـي بالحافر امـن انـجـر
لسـه بـأذآنـي صـرْخِتـه
والدم صُبغ كـل لحيـته
______________2__________________

خويه زينب ... أبني شفته
جـروحـه نـار وتلـهب
مـن وصـلته ... امـطـشرينه
وكلشي بالطف شيّب

خويه شفت الخيل فوگاها من ترض
امـطـشـرينـه الـهـيـل بـتـراب الأرض
أبـنـي گـدامـي سـكـت مـنه الـنـبُـض


بـعـده شـبـاب وكـل جـرح مـن عـنـده ديــره
الـيـفـگـد مـثـل ابـنـي عـلـي فــاگـد عـشـيـره
حـگـه يمـوت ابْدمْعِــتـه
والدم صُـبغ كل لحـيـته
______________3__________________

ردت ألـمّه ... وكلشي منه
ضـايـع بـطـف هـيـمـه
كل جـمالـه ... امـخرُّبـيـنه
خويه طيْـحي الخيمه

ألـولــد لـــو راح مـايــبــقـى أمــل
هــو زهـرة هـالـعـمـر عـنـي رحــل
ابــنـي بـسـتـان الـورد كــلّـه ذبــل

عـالـدنيــا مـن بـعـده الـعفى راح ابنـي الاكبر
شـگـد حـاولـت بــيـدي اجـمـعــنّـه وتِـطـشّــر
راح الحنان وضحكِتـه
والدم صُبغ كل لحيتـه
______________4__________________

ام الاكـبــر ... يمـه گـعـدت
والـمـدامـع حـمـره
حسين سألت ... ليش ابني
ألـرمـل يـم نـحـره

اتـگـلّـه يـوليدي الدمـه شگد غيرك
شـنهو ذنبـك هيـج حـافـر طـشّـرك
والـتـراب شـلون غـافـي بـمـنحـرك

ردتــك سـنـد وگــت الـكُـبر يــبـنـي وْمـشـيــبـي
رديــتــلـي بـالـدم يـــبــــعـــد أمـــك حـبـــيـبــي
محني الحُسين وشيّـبـتـه
والــدم صُـبـغ كـل لحيتـه
______________5__________________

ام الاكـبر .... تجـري دمـعـه
يـم ابـنـهـا وحـسـره
تگله يبني ... احچيلي كلمه
عليك امشي الزهره

يبـني اريـد أسـمع حديـثك يالعـمـر
لـيـش سـاكـت ترضـه امـك تَـنكـسُر
آنـه امــك چــنـت رايـــدتــك ذُخــر

يـــالـنــايــم ومـــافِــتـحــت عــيـونـــك عـلــيـه
بــروحـي كـسُـر بُـعـدك يضـاهـي الـغـاضـريــــه
احسيـنك هظيمه كسرتـه
والدم صُـبغ كــل لحـيـتـه
______________6__________________



#رزقهم_سلام_الله_عليهم
#احمد_رزاق_الاعرجي

الى مولاي الامام علي السجاد ( عليه السلام )
قصيدة [ أمــام الـدمـع ] ....


عـمـرك ضِـمـه يـالرايح وجـاي
نعـشك سِـمـه يمْـزاعـل الـمـاي

يا أمـام الـدمـع لا اهـل لاربـع
________________________

الـواحـد امّـن ايِموت لازم يمه خـوّانه
حـتى بالتـشّيـيـع كلـها اتشـيل جثّمانه
مـو اخـوتـه مـفـارگـيـنه ويــمه دفّـانه
يـالـمّـعـزب يـالـمّـبـچـي أدلال ديــوانه

يــا بـو الـهلا يــالـعاشـرتــهــا
بـس كــربــلا أكـثـر گــلـتهـــا

يالدموعك شـمـع لا اهـل لاربــع
________1_______________

ياعـلي السجاد شـيبـك حتى بعيونك
شگد ثكيل الناس ماگدرو يشــيلـونك
بيك ريحة حرگ خيمة وفاگد شلونك
من اثر ذيـچ السياط امـشيـبّه متونك

بثـوبـك حـرگ من طف الاحساس
ياابـو الـصدگ يــبـن أخــو العباس

وحـدك بـهالـوضـع لا اهـل لاربـع
________2_______________

اتسولف الناس بسـجودك والبـچي ابحرگه
شـگـد يـسـألـونـك علــيمـن گلـبـك اتحرگـه
مـادرو بـيـك المــصـايـب نـــار مــحـتـرگـه
الشاف اخوته ابلايه رووس يفارگ الشبگه

حتــى الهــوه يــخنگ رئـاتــه
الشوفه حـوه حــالـة خـواتــه

ووالـده منصرع لا اهـل لاربـع
________3_______________

نــوح يتــعـجب لـون يـسمـعها سـالفتك
تبچي عمــرك للحـسـين وعــلى قافـلتك
انــت قــران الجـراح ودمـع فـاتــحـتـك
يالحــزين الدنــيا ظلـمه وحيل فاگدتك

ســجـّـادتــك تـســأل تنـاديك
يـالــتـربـتـك گـامـت تصـلّيك

تدعي ماتـنفجع لا اهـل لاربـع
________4_______________

لــو قــريــت الـمقــتل بحــسرات ترتيـلـه
تــوصـل الـحد الچــفوف وتـذكر الشـيلـه
حيلـك بگطـعت الخنـصر منـگـطع حيـلـه
لـو گــعـد يـمـك بـشر عـن شنهو تحجيله

بـدمـعك نحر يــرسـم يـتـيمه
اليكسـر ظـهر مـاعدهـا خيمه

وونــتـك تنسمع لا اهـل لاربـع
________5_______________

فـاگـد شـچم يـوسـف ويـاثوب تنـتظـره
البيـر هنــيـاله اذا ضــم يـوسـف الـزهـره
أعتــذر خـايـف أجرحك تـدري بالحسـره
يـوسـفـك ذيـچ الـحـوافـر كـسـّرة صدره

كلـشي شـفـت ويـْعيـنك الله
وشــگــد ردت تستشهد وياه

وينكسرلك ضلع لا اهل لاربع
________6_______________


#رزقهم_سلام_الله_عليهم
#احمد_رزاق_الاعرجي

[ كل خطوه ]


كل خطوة ياهلا ... يازاير كربله ... وصوت الخادم عله ... حياكم

يـاهـلا وميـة هـلا بـزوار الحـسيـن
گلوبنه گبل الدرب مفتوحه والعين
يـاهـلا ومـية هلا نحچـيهـا مرتيـن
والمواكب تنـتظر نصبـَو صـواوين

كل موكب ينتظر ... وبـفـارِغ الصبر ... والخادم مستمر ... حياكم
______________1__________________

أبو فـاضل ينتـظر مشـتاگه عـينه
والحسن مـشـاي أجه مـن المدينه
حسين ناده منـفتـح باب السـفينه
الراد يصعد ياهـلا بروحه الحنينه

والشايل رايته ... يامحله مشيته
تلگه احساس خطوته ... حياكم
______________2__________________

يلا حـي اعلـه الـعزا صـوت المـواكب
درب ابو سكينه ذهب والـ بي كواكب
الخدم كلها محزمه شاب اويه شـايب
وأجـت حـتـى قـافِـلـة ام الـمـصـايب

وكل موكب بي صده ... موعدنه أبتده
واصواتهم للنـده ... حياكم
______________3__________________

حسين للعالم جمـيعـاً جرحـه نــازف
حسين مو للشيعه بل كـل الـطوايف
ياهلا بكل الأجه اتصـيح المـضـايـف
اوبالخـدامـه هاي يامحـله السـوالـف

عاشگها خدمتي ... مسميها أمّيمتي
وتسولف دمعتي ... حياكم
______________4__________________

بهالدرب يمشي أبو صـالح يـشاهد
وأحنه غير المهدي لاماعـدنـه قائد
مسجل أسماء الزغار وأنت صـاعد
والْــيـَوزع مـاي والـلـطــام واحــد

والأسمه بدفتره ... هنيالـه آجره
ويشرب من كوثره ... حياكم
______________5__________________

چلمـة الگـواكـم الله تنــتـظـركـم
والخدم شدت عزمها وي عطركم
عام كامل ننـتـظـر رفـّت علـمـكم
فدوه كلنـه نـروح زوار لأسمـكـم

خدمتكم مو تعب ... واليخدمكم ذهب
والخادم أنكتب ... حياكم
______________6__________________

#رزقهم_سلام_الله_عليهم
#احمد_رزاق_الاعرجي

[ هاي آنه البدويه ]


يامـن أتيْتـُم كربلاءَ بِجِراحِ
وتهـمِـلـونَ الأدمُـعَ الاسفـاحِ
أم البـنــين أنا وأقـول لـكـم
خُطت أساميكم عله الالواحَ



روحي وگلبي وياكم
امشـي وي مـمـشاكم
عـيـن الـلـه تـرعـاكـم
يالزوار

اوياكم أنه ... وبكل سنه
أمشي واباريكم
أم الــكـمـر ... آنـه وظهـر
الكم واحاميكم
طول الدرب ... احمل كتب
بيها اساميكم

والشايل رايه ودمعه .. وجايب ربعه ومشايـه
يتسجل أسمه الغالي .. بـدفتـر بالي وبـالـغايه
ولا مــا اعـوفــه
الشفت اجفوفه
شالت حب للرايه

وكل واحد بي حسره
الـخـاطـر ابن الـزهـره
يـــآخـذ مـنــي أجــره
يالزوار
______________1__________________

العاشگ صدك ... مايـفتـرگ
عن درب اليعشگه
وگون الگلب ... لجل اليحب
نبضـاته محـترگـه
ولـمّـن يـون ... كـون بحـزن
وبلوعه وبـحرگـه

واليمشي بدرب حسينه .. تشاهد عينه تصب حسره
والـيـعثــر لا مـايـــوگــع .. يلــگـانــه افـزع والـزهـره
بيدي الجربـه
وكـلمـن كلبـه
يـعـطـش اروي فـطـره

اليشرب ماي الجـنّـه
ويـم حسـين اتـعـنّـه
ماكـو بطـيـبه ومـنّـه
يالزوار
______________2__________________

مـتحزّمـه ... بحب فاطمه
أم الـبنــين آنـي
بموكب خدم ... ارفع علم
مرتاحه تـلگـاني
يالناشدت ... حاجه ردت
بهالخدمه بيباني

كل زاير يطلب طلبه .. وكلشي امتعبه بهـالجـيّـه
بس يوصل يم الكافل .. يسـمـع واصـل مـگضـيّه
مني اخـذوهـا
وهم اسمعوها
وهاي آنه الـبدويّـه

وكـل زايـر اگـضـيـهـا
حاجاته مـسـجـلـيـهـا
خل يمشي ويحچيها
يالزوار
______________3__________________

الزاير شمـس ... مايـنطـمس
ويعارگ الظـلمه
كلشي كتّـب ... يسوه التعب
للغالي ابو اليـمه
اليمشي بذنِب ... يرجع عذِب
يامحله هالكـلمه

وكل رايه اترف معناها .. شـگـد حبّـاهـا الشـايـلها
والزايــر فـوگ امتـونـه .. شــال عـيـونـه مـدللـها
اعيون العـفـه
الرايه ابـچـفـه
اوالـدهــا وكــافـلهـا

والــزايـــر هـنـيـــالـه
عــاف البيت وحــالـه
درب الـطف يـحـلالـه
يالزوار
______________4__________________

بدرب العدل ... حتى الطفل
عندي انكتب خادم
حسين الولي ... بمنهج علي
جـنـّـة خـدم راسـم
والـ بي ترب ... هـذا الـدرب
بروح العشگ هايم

والـوزّع ماي الخـاطر .. جـرح الـعـاشــر لـــلــزايـر
تلگاه عباس ابنبـضـه .. وهـو ايــحـرضه ويـباشـر
الشايل جـوده
تلگه ووعـوده
يـوْفـيـهـن بالحـاضر

وكل خطوه محسوبه
وتـوگـــع كــل ذنـوبـه
بهالخطوه شكم توبـه
يالزوار
______________5__________________


#رزقهم_سلام_الله_عليهم
#احمد_رزاق_الاعرجي

[ أجت لاخوتها ]






أجت لخوتها ... بعد سفـرتـها ... مشي بحسره
أجت مشايه ... وبديها الرايه ... تــرف خضره

الحره تمشي وصاح كلشي ياحلمنه
والمـواكب گالــتـلهـا أكعـدي يـمـنــه
بالـمـدامـع والــمـواجـع والـمــحـنـه
زينب انتي امنه وأنتي هـم وطـنّـه

تشوّف الخدمه ... چبيره ونعمه ... عـله الـفطـره
أجـت مـشـايـه ... وبـديها الرايه ... تــرف خضره
______________1__________________

اجـت زيـنــب للـمـعـتـب بـأربـعـيـنه
تصيح وين حسين آنه أخته الحـنيه
تـگـول مـن الـشـام مـشــايـه أجـيـنه
وللـمواكـب بالـدرب مرفـوعـه ادينـه

وتطيّب الخاطر ... تفـضّـل زايـر ... عله الـسُــفره
أجـت مــشـايـه ... وبديها الرايه ... تــرف خضره
______________2__________________

ماي شافت يمه طـاحـت والمـصيبـه
خذت طاسة ماي بــأيـديـها الـغريبـه
تريد تروي حسين وتغـسل له شـيـبه
بــيوم ماصـار العـطـش قصـه رهيـبه

تــون وتـنـــادي ... يـروح الهادي ... أنـه الـــحـره
أجـت مــشـايـه ... وبديها الرايه ... تــرف خضره
______________3__________________

خطوه خطوه تمشي گـوه بالمسـيره
وشافـت بهـذا الـدرب طـفلـه زغـيره
تـصـيـح ياگــواكـم الله بـهـالـشعيـره
والدموع اعله الوجـن صـارت أسيره

هـلا وحـيــاكـم ... يمن مـلگـاكم ... وفـه الــزهـره
أجـت مــشـايـه ... وبديها الرايه ... تــرف خضره
______________4__________________

هيه تمشي تـشوف كلشـي صار خدمه
والـمواكب كـلـهـا صـاحـت هـاي نعـمـه
المايـخدمك يـاحـسيـن عـيونـه تـعـمـه
شـافــت الـعــباس واگـف گــال كـلـمـه

هـلا بـالـجـايـنه ... أختنه وراينه ... بـدمـع كسـره
أجـت مــشـايـه ... وبديها الرايـه ... تــرف خضره
______________5__________________

#رزقهم_سلام_الله_عليهم
#احمد_رزاق_الاعرجي

[ ها يالاخوان ] :


ها يالاخوان زينـب عـلى الهزيل
ها يالاخوان ودرب السبي ثگيل
روسكم من انظر الهـا
بيها دم واتـراب كلـها
هــا يالاخـوان

طبيـنه للـشـام وغـرب ... واعـرف يشـوفني صعب
ماضل الي دار
شماتـه شـافو دمـعـتي ... والـمـشـكلـه يـاحـسـرتـي
لاگونه بحجار

وروسكم نص الـضعن ويـشـامـرون
بــالـحـجـر وأكـبـارهـم يـتـشـاورون
اتـشاوروا راس الحسين ايطيحون
وبـاوعولي وضحـكـو ويسـتـهزئـون

وشايب يصيح الطـگـاهـا يُسـتثـاب
راْدو أنــطـيـح وايدينـه عـالحـجاب
التمشي وي ذباح اهلها
بـيـها دم واتـراب كـلـها
هــا يالاخـوان
______________1__________________

وسكينه كل لحظة بألم ... شـامت يجي يگلها الخيم
من حاوطوها
عـباسـكـم چـا مـا فـزع ... لخيـامـكـم شـو مــارجـع
من احرگـوها

الدمع عثره وسوط فوگ الظـهر طـاح
وابو فـاضـل راسـه مـال اعله الرمــاح
كلشي سكته وكلشي مخـنوگ ابصياح
والهزل تمـشي وعلـيـهـا اشـگـد جـراح

والصعب حيل من حرمله يصيح
هذا الاحسين فوك الرمح ذبيـح
شده صعبه ومن يحلها
بيـهـا دم واتـراب كلـها
هــا يالاخـوان
______________2__________________

نمشي والحادي المشكله ... مو ابو فاضل .. حرمله
والـتجـرح هـواي
يـلـزم رمـح راس الكـمـر ... ويـگـلـه گـدامي وْجِسّر
هاك اشرب الماي

وجـربــة الـعـبـاس بـيده شفته شال
وصـحـت ياعــبـاس ياراعـي الـدلال
جربتـك هـاي وچـفـوفـك عـالـرمـال
سـهـام بيـها مـن بـعـد چـف الـحـلال

وسـوط المـتون يركض عله الزغار
وصاحو ام عون طـلعـوهـا بالـنـهار
وخلّي يثكل كل حملها
بيـها دم واتـراب كلـها
هــا يالاخـوان
______________3__________________

شفت العجايب والعـجب ... بـالشـام لاگيـت السلب
محبس وليـنه
ماسح الـدم عـن شـذرتـه ... وسكينه لـمـن عـرفتـه
طاحت سكينه

الـنـاس كلـها التـمـت ورادت شـراه
لأن محبـس أبــو اليـمه الكـل هـواه
محـبس الخنـصر الذبـحو من كـفاه
صحت يحسين وصحت واضيعتاه

نمشي والآه مـاتـعـرف الـمـغـيب
حيلي ويلاه بالطـف صبح سليب
من وگع زينب شملها
بيها دم واتراب كلهـا
هــا يالاخـوان
______________4__________________

ألـسـوط يـآكـل بـالمـتن ... والدمـعه والـدم بالــردن
ودمع الحزن حار
الشايل رمح راس الصبح ... يفتـر يهـز بـيده الرمح
گــــدام الأزغـــار

طاح راس حسين منّه الـدم يـسـيـل
ومـسـح دم الـوجـه بـثيابه الـعـلــيل
وابـو فـاضـل راد يوگـع ضـل يمـيـل
راس فوگ ارمـاح بس يبقى الـكفيل

وعثرتي بهاي طـاح الـعـمـر اشـوف
توجع اهـواي وعيوني بس تطوف
وروحي اتمنى اجلها
بيها دم واتراب كلـها
هــا يالاخـوان
______________5__________________

ذيـچ الخـرابـه يـخوتـي ... أخـذت حيـاتـي وردتـي
ومن عـدها شيبي
مـاتـت رقـيه اعله الطشت ... يـاريـت وياهـا مـتـت
واشـبـگ حبـيـبي

كون راس حسين أشبگـنـه واصيح
كون امـوت وآخـر أنــفـاسي تسيـح
مـثل طـيـحـات النـده لـمّـن تطـيـح
على راس حسين أبو اليـمه الذبـيح

أبقى ألـمـن ومفارگّـه الحنين
موتي اهون من عيشة الأنين
حالتي ياهـو القبلـها
بيها دم واتراب كلها
هــا يالاخـوان
______________6__________________


#رزقهم_سلام_الله_عليهم
#احمد_رزاق_الاعرجي


https://www.tg-me.com/oxgn313

[ المهدي من البصره مشاي ]


المـهدي مـن البـصره مـشـاي
وصوت المـواكب هلا بالجاي
والماي عـدهم عـسل مو مـاي
اهل المواكب

أبو صالـح يمشي وي خدامه
بأربعين حسـين شـد حـزامه
وشاف كل الخـيـر بالمـشـايه
واخذ رايه وسوه بيها عمامه

ومن گعد عطشان ركضوله الخدم
شاف بيهم مشرعه وحيل أبتسـم
فـيــاي صـارو الـه وبـهـيئـة خيـم

وگال بگلامه وكله واهس
متـضـيع تربـات المـجالس
عاشگ أسمكم حتى عابس
أهل المواكب
___________1__________________

بالدرب يمشي ويشوف الرايه
هـيه رايـه تـصيـر ومـصـلايـه
الرايه ماتسوه اذا مو لحسين
ولـوّن مـابـيـهـا طعـم مـشـايـه

وصــل ذي قـار ومـواكـبــهـم ضـوّن
وشاف يم سـوگ الشيوخ ام الحسن
تـخـبـز وخـبـــزتـهـا لـلــزايـــر وطـن

وبالنـاصـريـه حتـه الزغار
صـاحت هلا بيـكـم يـزوار
الكـم البيت واحنه خطــار
اهل المواكب
___________2__________________

يگعد بكل موكـب ويحچيها
هالشعـائر يـا الّهي احمــيـها
ويمكن الله لهالدعاء يجاوب
ابلا مواكب دنيا مـااسويـهـا

الله خالقنـا خصوصـا للحسيـن
يالـخـدم هنيالـكـم وقـرو عيـن
وين تلگون اليحبكم هيـچِ وين

الله ويحـبكم هاي نعـمه
الحمـدُ لله عـله الخدمـه
اليخدم ابو السجاد زلمه
اهل المواكب
__________3___________________

لـلـنـجـف لـمن وصـل عالفـطـره
الهلا شافـاهـا بحلـگهـم خـضـره
گال أبات الـدنيا صـارت ظـلـمـه
وشاف كل موكب تحوّل حضره

شاف خادم يكنـس بتـالي الظـلام
وعله عيونه عاشگ وينـگط هيـام
سـوالـفـه يحسـيـن جـنّـنـه الغـرام

وشاف التعب بعيونه راحه
ايدور تعب ماكو اسـتراحـه
هـذا الْيـدوّر عـن نـجـاحـّــه
اهل المواكب
__________4___________________

وصـل لطويريچ دمعه بعينـه
ولن حبيب وعابـس ملاگينـه
بموكـب شمحـلاته بي روحيه
وشاف جون ومـسلم متانيـنه

وشاف انصار الحسين أهل الوفاء
شـيـب كلهـم نـور والـ أسـْود رِداء
وگـالو الجنـه الصـدگ بـس كربلاء

يمشـون يامحـله مشيّـهم
ولو سولِفو محله حچيهم
والمهدي هم لايگ علـيهم
اهل المواكب
___________5__________________

كربله طبها ونـظر كـل خـادم
شـاف ناس تريد خاطر فاطم
ذاك يبچي وذاك طـالب حاجه
والـضريح انـترس مـن الوادم

دخل لحسيـن الغـريب ودمعـه دم
وبالمشي عجل الـهي شگـد رسـّـم
وراح عالعـباس يبچي اعله الخيم

طب لضريح الكافل ينـوح
مذبوح عمه وجده مذبوح
بشوغات روحه طلعت الروح
اهل المواكب
___________6__________________


#رزقهم_سلام_الله_عليهم
#احمد_رزاق_الاعرجي