فزاعيه
لمولاي علي الأكبر ( عليه السلام )

رد الحُسين وظهره مكسور
سـورة الـنور وشـايـل النور
بدموعه يعثر وابنه منحـور
اشما عثر چدمه .... تـوگـع وذره وذره

__________1__________________

رد لـلـخــيم والـحـيـل ذبـلان
عطشان شايل بيـده عطـشان
وحـسـيــن اول تـالـي تـعـبـان
منحـني ظـهـره .... والـدم ترس ثـوبه

__________2__________________

بالـخيـمـه نـزّل أبـنه بـهـداي
وجروحه كلفه وتنزف هواي
والــمـاي گـام ايـدوّر الـمــاي
امفطره اشفافه .... شـاف الأكـبر ابـنه

__________3__________________

أُوگْعت ليلـى ابدمعة العـين
وتگله هـذا الـجـايْـبه مـنـين
مو علي الاكبر چنّه يحسين
امغيّـره ارسـومه .... متــغّـير اولـيـدي

__________4__________________

رد لــلـحــرب دوّر بــقـاْيــاه
وچـفوف الاكـبر جـاب ويّاْه
وبطوله طاح احسين ويلْاه
صـارت الفـزعـه .... يـم بـاب المـخـيم

__________5__________________

راح الـولـد تـنـعـى النـسـاويـن
وماضل وگت ويروح الحسين
والـنـار تـركـض عـالـصـواويـن
ماتـضل خيـمه .... بـس ايـطـيح ابـونه

__________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاي عبد الله الرضيع (عليه السلام )
[ سيد اطفال الجنّه ]


الـمـحـسن قـدّم روحـه ودمـه
وبـالـتـاريـخ اتــســجّـل زلـمـه
وعبد الله الـوارث مـنّه
سـيـد اطــفـال الـجـنّـه
وبـالـتـاريـخ اتــســجّـل زلـمـه

بـالـتـاريـخ مـن نــرجـع نـلــگـه الـمــحـسـن وعـمـره
مـن شـاف أُمّـه عـِصـروهـا قـدّم تـضـحـيـه بـزغــره
وعــبـد الــلـه مِـــثـل عــمّـه قــدّم لـلـــوطـن نـحـره
بسهم عبد الله من ذبحوه ومحسن ذبحته العصـره

بجروح الـتــاريـخ انـشــاهــد
واحــد مـتـعـاهــد ويْ واحــد
مـن الـذر عـاشـت ونّـه
سـيـد اطــفـال الـجـنّـه
وبـالـتـاريـخ اتــســجّـل زلـمـه
______________1__________________

شحلاته المحسن بعـمره ولا شـاف الضـوه بـعـيـناه
قـدّم روحه لجـل الْـديـن والـتغـسـيـل فيـض ادمـاه
وعـبـد الـلـه وِرث مـنّـه الــشـهـاده والـسـهـم لاْگــاه
بـنـحـره بـكــل هـدوء وگــال دمـي فــدوه يــا الـلـه

وحــسـيـن وْعــيـنــاه اتــلالـي
غـالـي وشال ابـچـفـه الـغـالـي
يـرجـع يـتـنفـس ظـنّـه
سـيـد اطــفـال الـجـنّـه
وبـالـتـاريـخ اتــســجّـل زلـمـه
______________2__________________

الـمحـسـن بـابـه حرگـوهـا وزيـنب صـارت ايـتـيمـه
وعبد الله بطفوف احـسين شـاف الـنار بـالـخـيـمـه
ورقـيه اتـيتـِمـت والحـيل مـنـها اتـبـده بــالـهــيـمـه
ِاوتشوف حسين عالتربان وشمس ماصاحبت غيمه

وارمــاح بــصــدره ابــلا ذمـه
والـحافـر شـمْـخـلي بـجـسمـه
مـذبـوح ويسـمع حـنّـه
سـيـد اطــفـال الـجـنّـه
وبـالـتـاريـخ اتــســجّـل زلـمـه
______________3__________________

المحـسن مات مـاشـارب عـذب عـبـد الله هـم مثله
العـطـش بالـطـف رمح صايـر وعبد الله انروه بنبله
الـنـبـلـه امـثـلِّـثـه چـانـت وشــافـت مـنـحـره قـبلـه
وغــمّــض عــيـنـه مــن الآخ وبــگــلـبـه ألــف عـلّــه

مـن الـمـحـسـن وارث جـرحـه
شـيّـيب مـن الـخـيمه لـرمـحـه
تـاريـخ ايـسولـف عـنّـه
سـيـد اطــفـال الـجـنّـه
وبـالـتـاريـخ اتــســجّـل زلـمـه
______________4__________________

المحسن من وگـع عالـگـاع بجـروحـه التـراب اِلـتـم
وعبد الله انذبـح عطـشان اودِفـنـوه خـلف المخيـم
بـعد حـرگ الـخيم گصدوه وشـالو راسه يگـطـر دم
مريضـه ارماحهـم چـانـت وشـدّو عالرمـح طـلْـسـم

يــنـزف دمـه ازغــيّــر بــعــده
مــو دمـعـات اجــروح ابـخـدّه
وآلام الـــطــف لاحــنّـه
سـيـد اطــفـال الـجـنّـه
وبـالـتـاريـخ اتــســجّـل زلـمـه
______________5__________________

ثـكـيـل هـواي عـبـد الـلـه وبـالـگـوه بـرمـح شـالـوه
وگـبـال أمّـه يـا هـالـنـاس شِـمـاْتـه وبـيدهـم هـزّوه
شــاْفـوه عـالْـرمـح ذبْــلان كِـلْـهـم رادو ايـطـيـحـوه
مـثـل مـا مـحـسن الـزهـره هـم عبد الله ما رحمـوه

وخرزات أگماطـه امـسلْبـيــهـا
وعـمّـاتــه الــســوط أمْــأذيـهـا
ولـمّـن يــبْـچـن يــآذنّـه
سـيـد اطــفـال الـجـنّـه
وبـالـتـاريـخ اتــســجّـل زلـمـه
______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاي عبد الله الرضيع (عليه السلام )
[ ماطالب سهم حار ]



اعـيونه امـن العطش لعيوني تندار
طـالـب مـاي مـا طـالـب سـهـم حار
بين أچفوفي يتلوّه
يفتح عـينه بالگـوّه

مـن گـــد الــعــطـش ذبــلان
ابـنـي وشــفْـتـه مــتـفــطـره
گـلــت هـلـبـت أحـصـل مـاي
وشفت ذيچ الگصص صحره
صحت بـيـن الـعـسـاكـر مـاي
اريــدن حــتّــى لــو گــطــره

وشفت الناس مو نـاس ... بـاعـوهـا الـضـماير
العطش من الخيم صـار ... صـيته بيوم عاشر

صحت ياناس أنتـم مني أخذّوه
منكـم مـاي خـل يشْـرب اوردّوه
هلبت بيـكم أمـروّه
يفتح عيـنه بالگـوّه
______________1__________________

ابــاوع شِــفــتـه عــبـد الـلـه
وتـجـاعـيـد الـعـطـش بـيـهـا
مـثــل حــنّـه وتـضـل فـتـره
بــــس افــطـــور تــــالــيـهــا
يـنـطـونــه ضِـمــه هـالـنـاس
واحـنــه انـحـور نـنـطـــيـهـا

بـعـبد الله العـطـش نـار ... شـما انـظـر عيونـه
الشـال اوليده عـطـشان ... يـوگـع مــنّـه لـونـه

اريـد افـتح اگـماطـه وحيلي تعبان
صعب عطشان شايل بيده عطشان
گلبي وگلبه يتچوّه
يفتح عـينه بالـگوّه
______________2__________________

طــلــبـت الــمـاي لِــــولـيــدي
ورفـعــتـه أبّــيــن چــفّــيـنـي
لـــن ســهــم الــغـدر يــركـض
مــن شـــفـتـه عـمـت عـيـنـي
أنــذبـح مــن الــوريــد ابـنـي
ولــلـخــيــمـه أشـــيـوديــنـي

ألِــم بـالـحيل ويـطـيـح ... وابــنـي ابّـيـن اديــه
ارجــع حـــايـر شــلــون ... بــسـكـيــنـه ورقـيـه

امشي واعثر وعيني اعـله الاخـيام
المـسافـه شگـد بعـيده چـنها اعوام
ثگيله صارت الخطوّه
يـفتــح عـينـه بالگـوّه

______________3__________________

لـلــخـيـــمـه رجـــعــت ودم
على ثـوبـي وعلـى عـيـونـي
لاگــتْــنــي الــعــقــيـلـه وآخ
صـحـت بـصــوت عـيـنـوني
مـاضـل بـيه حــيل وشـوف
لا اطــيــحــن ألـــزْمـــونــي

زيـنـب شــافــت الــحـال ... وشافت ابني دامـي
صـاحـت لـيـش هـالـناس ... مـا يـّدروك ضـامـي

شافت سهم نحره وطاحت ابـساع
ولـو مـا گـاضـهـا چـا تـنطوي الگاع
والـعبـاس مـاهـوّه
يفتح عـينه بالگوّه

______________4__________________

ورا الـخـيــمــات خـــلـيـتــه
وبـچـفـوفـي احـفـرت گـبره
السهـم شلـته وشفـت ويـلـي
انشـال اويـه الـسهـم نـحـره
غـسـّلـتـه بــدمــوع الــعــيـن
وشـمّـيـتـه وْبِـسِــت صــدره

دفِـنـتـه وكـلشــي بـالعـيـن ... صار گـبـالي ظـلمه
گـــمـت والــحــيـل ذبــلان ... دافـن بـيـدي زلـمه

عبد الله حبيـبي ضـمّـه الاتـراب
دفنته والدمع بعـيونـي مـحراب
الدهر مايعرف العطوّه
يفـتـح عـيـنـه بالـگـوّه

______________5__________________

أگـعـدت بالخـيمـه والـكاروك
اشـوفـه ابــلايـه عــبـد الـلـه
الـحـزن بـعـيـوني حـاوطنـي
اتـوضـه ابــدمْـعِـتـي وصـلّـه
اهـز كاروكـه واصفـن شـوگ
واصـْحـه بـچلـمة اسـم الـلـه

اسـهـام وخــيــل وارمــاح .... مـنـتـظـرات أوگـع
وصــوت ايتـامـنا اتـصـيح ... يبونه حسين ارجع

ماضل شـي وصـدري ايـرضرِضونـه
وعــبـد الـلـه يــجـون أيـطــلـعــونـه
يـدرون انْـدِفـن تـوّه
يفتح عيـنـه بالـگـوّه
______________6__________________

#رزقهم_سلام_الله_عليهم
#احمد_رزاق_الاعرجي

https://www.tg-me.com/joinchat-V2xa5XKjnVXoKdoF

تشرفني ب انظمامك
واكون ممنونلك خويه وتاج راسي

شاعر حسيني

منهاج محرم الحرام 1443 هـ
الوداع
[ بـيمن ابْـدي اودّع ]



بـيـمــنْ أبْـدي اودّع والـلـه حـيره
ابسُكيْنه بخوله لو بنـتي الزغـيره
وطايح عالشريـعه احـزام ظـهـري
أول مــره هــاي احــتــار بــامــري


بـنــاتــي دارن اعـلـيه چـنـهـن ســبـحـة الــزهـره
وكلهن لـزْمــن چـفوفـي وبـيه جـروح مـتطـشـره
وحده تشمني من صدري وتشهگ وحده بالعـبره
العطش أول رمح شـايـل كـل اشـفـافـنه الصـفره

اشـمـا الـتـفـت ألـگـه زينب اتنوح
مـن تـبچي اخيتي تـطـلـع الـروح
شالت كل جِرُوحي وحتى صبـري
أول مــره هـــاي احــتــار بــامـري

______________1__________________

أول مـــره هــيــج أحـتــار اودع يــاهـو بــالأول
كـلـهـا اعـزاز عندي هواي وكل حيلي بده ينـحل
اعاين للرباب أتـشـم طـرف ثوبـي واريـد ارحـل
واعـثـر لـمـن اتـصـور زيـنــب توگـف اعلـه الـتل

بالخـيمه أگعـدت والـحيل ذبـلان
اودعهم صعب عـطشان عـطشـان
وأطــفـال وحـرم تـعـبـانـه كـتـري
أول مــره هـــاي احــتــار بــامـري

______________2__________________

سُكينه وعـيـنْـهـا بـعيـناي والـدمـعـات تـچـويْـهـا
تــگـــلّـي دنــــيــا وابْـلـــيــّاك الــلـه لايــخــلّـيـهـا
وخوله اتـگـلّـي ضل يمْـنه وتعـْـبـت من بواچيـها
ورقيـه مــاتهـد چـفّي العـطـش شمسوي چا بيها

أسـمـعــهـم يــگـولـون الـعطـش راح
دامــك انــتـه يـمــنـه احـنــه نـرتـاح
ورقيه امن التعب تبچي اعله صدري
أول مـــره هــــاي احـــتــار بـــامــري

______________3__________________

أجـيت الـزيـنـب ولـنْهـا الخطـوه گـوه تمـشـيـهـا
أول تالـي أخـتي أم عون أشوفن كـل تعب بيهـا
جابـت يـمّـي مـيْـمـوني وحـزنـهـا بـيّـن اعـلـيـهـا
الشـامـت والتعب والشيب بعدي كلشي يـوليـهـا

چـبيره اختي التعب شمسوي بيها
الـوكت مثـل الحـبل چـتّـف أديـها
حـزيـنه وجـابـت ابْيـديـهـا مُهـري
أول مــره هـــاي احــتــار بــامـري

______________4__________________

رحـت وأتـلفّـت وگـلبي بـُـقه يـم خـيمـة الحـره
وأشوف اخيـامي من ابعـيد واتصـورهـن بعـَبَره
أتصـوّر عـلـى خـيـامـي تـِشـب نـيـران مسـتعـره
وبالهيمه تضيـع أطفال وبناتـي ايركضن بصحره

وأتصـور السـوط أيـلوح الأمـتون
وأتـلـم بالعطاشى تركض أم عـون
وآنـه اعله التُرب مـذبـوح نـحـري
أول مــره هـــاي احــتــار بــامـري

______________5__________________

دِخلت الحومه بأسم الله وأجاني أمثلّث أبصدري
طـحت من المـهر للـگـاع وأتـراب أنـتـرس ثـغـري
وأسـهـام شـكـثـر بـيـّه وخـنـجـر يطـعـن بـنـحـري
وحوافـر شاهـدت فوگـي تشيل أظلوع من ظهري

وأجاني الشـامت وحز خنصر ايدي
وســلّـب ثـوبـي واتـراب ابـوريـدي
مــن كـل صـوب دمـي گـام يجـري
أول مــره هـــاي احـــتــار بــامـري

______________6__________________



#رزقهم_سلام_الله_عليهم
#احمد_رزاق_الاعرجي

ابوذيات الشاعر احمد رزاق الاعرجي

https://www.tg-me.com/ahmad_alaerjy2

منهاج محرم الحرام 1443 هـ
خدمة
[ خيمه وشمحلاها ]


خيمه وشمحلاها
الله بـيـها أتـبـاها ... بـالمهدي

خيـمة الله هـالمـجـالـس والـعـزيـه
آل هـاشـم بـيــهـا تـلـگـاهـم هـويـه
النبي طه وعـلي حيــدر والـزچـيـه
مثـل خيـط الـسبـحه لـمّـونه سويه

هاي افضل نعمه
تنقـبل هالخـدمه ... بـالمهدي
______________1__________________

هالمجالس بيـها أبو صالح يجـيـكم
وعينه مثل الشمس من تفتر عليكم
يالخـدم هـنـيالكـم عاشـگ بـچـيـكم
بگلبه عشتو وهو عايش دوم بيـكم

والهوه وشهگاته
والگلـب نبـضاته ... بـالمهدي
______________2__________________

روّه گـل گلـوبكم بـس هـو عـطـشان
عنده كل خادم يسجل أسمه سـلطان
مـــايـفّــرق بـيــن هــذا فـلان وفـلان
خيمته اليدخلها بس لـِـبصدره نيشان

البيده وسّم صدره
تلتــفت لـه الزهـره ... بـالمهدي
______________3__________________

الصاح بأسمه بالشدد لابد يجـيلـه
وشـيلة الام للـطـفل بيده يـشـيلـه
شما تصير همومكـم كلـش ثگـيلـه
بكل وكـت بيـده يـهدّمـها دخـيلـه

مايعـوف الـخـادم
الراحه عـد الوادم ... بـالمهدي
______________4__________________

امـتــحــان الــدنــيــا والاوراق الأيـــام
والــيـصـحـح بـالـدفـاتـر ابـن ابـو لـثـام
عشره من عشره البچّـه لمصايب الشام
والـنـجح يدخـل بخـيمة راعـي الايتـام

عالبساطه وحلوه
والمـدامــع تسـوه ... بـالمهدي
______________5__________________

ابو صـالح بـالـحـزن يـتـمـاشـه عـمـره
ينطـي حـيل وهـو طـايـح حيله كـتره
كلشي بي محني مثل فـاطـمه الزهـره
وبالمجالس يحضر وايـده اعله ظهـره

كل عزا من يبدي
بي أكيـد المهـدي ... بـالمهدي
______________6__________________

كلـشـي بيـن الـخـادم وبيــن الامـامـه
الـرابـط الـصـدگـي تلاگـيهـا الخِـدامـه
تـره لا خـوفٌُ عـلـيــهــم بـالــقــيــامـه
الچانو يـلطـمـون لـحسـيـن وخـيـامـه

جنّه تختص بيهم
الـهـوه اتـسـميهـم ... بـالمهدي
______________7__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
مقتل الحسين (عليه السلام )
[ صلاة الخيل ]

صـلاة الخيل ... بـظلـوعه
وصلاة الليل ... مـفجوعه
ابو سكينه ... مـصـحـف الله وآيــاتـه
ابو سكينه ... حمره مْن الدم شيـباتـه

يسحكوله الصدر زحمه ... كــسرو خـاطر الرحمـه
مــايــدرون ابـو الاكبـر ... رب الـنـعـمـه والـنـعـمـه
حـنين وتـارس الـوادم ... محنه وعاري ابن فاطـم
سليب مْـسلبه هـدومه ... ولا ضـل بـي كـتـر سـالم

حـجر صـوب جبـينه
ورمل حار اعله عينه
ابـو الـروح الـحـنينه ... حسيناه

السهم محتار ويـْ روحه
مـكـان يـريـد بـجـروحه
نُظـر عيـنه ... وراح اركاض بحسراته
ابو سكينه ... حمره مْن الدم شيــباته
_______________1__________________

محـمـد ثـانـي عـالـغـبـره ... الرمل سيـر عـلى نحره
وديـوان انفرش للـخـيـل ... كريم وسفـرته بصـدره
قميصه من السحگ واصل..حدر خيمات أبو فاضل
محنه وطيب والضـحكـه ... يـم زيـنب لِگـوهْ شايل

وبقه گلبه عله اخته
يـباوع الـهـا سـكـتـه
على زينب حسـرتـه ... حسيناه

تسحگه الخيل والنظره
على خيامه بقت حسره
يـحـاديـنـه ... يسـمع صـوت بنـياتـه
ابو سكينه ... حمره مْن الدم شيباته
_______________2__________________

وساده امن الرمل سووه ... قـبــل لا يـنـذبـح گـوه
حتى يـشـوف خـيـمـاته ... وشــاف أطفال تتــجوه
يــريــد يـگـوم مـايــگدر ... باخـير أنـفاسه يـتـعـثـر
شاف الخيمه محتـرگه ... وحبل لاطفاله جرهم جر

شما گام اعله حيله
السهم يلچـم دليـله
وحوافـرهـم ثگـيله ... حسيناه

يلم الحيل ويحاول
وحيله يم ابو فاضل
على اجْبينه ... انكتـبت بالـدم نـياتـه
ابو سـكيـنه ... حمره مْن الدم شيباته
_______________3__________________

فوگ جروحه والخنگه ... الـرمـش مايگـدر يطــبگه
لان شاف شكثر اطفال ... الــيعـثـر خــيـل يـتـلـگـه
يريد ايگـولها اسم الله ... وماضل صـوت بـي ضـلّه
شـاف الشامـت ابْأيـده ... خـرز وگـمـاط عـبـد الـلـه

مواقف صعـبه كثـره
الحـجر گلـبه تفـسـره
حبيب الله اعله غبره ... حسيناه

كتــاب الله يرفـسونـه
وكل لحضه يدوسونـه
وبقه اونينه ... زيـنب آخ حـچاياتـه
ابو سكينه ... حمره مْن الدم شيباته
______________4___________________

تراب عـيونه متروسـه ... ويـاحافـر يـجي يـدوسه
سحگـو حتـى شيـبـاته ... وْنِبال بجسـمه مغـروسه
بعجاج الـخيل عاميـنه ... يـأشــر بـيـده لـســكـيـنه
شافـو بـي نبـض بعـده ... أجّـو گـطعـوها چـفـيـنـه

خير وباگتـه الناس
يصيح بآخـر أنفاس
حبيبي وينـه عباس ... حسيناه

ويسـولـف عالنهـر عينـه
الكمر هم يدري بحسينه
يـروّيـــنـه ... مـو بالـمـاي بـنـظـراتـه
ابو سكينه ... حمره مْن الدم شيباته
_______________5__________________

قـبـل سـاعـات يـتـذكـر ... الخيـم بانفاسـه تـتعـطـر
طاح وكلشي طاح وياه ... الــمهــيّـل ابـــو الاكــبــر
الرمح مختنـگه انـفاسه ... وحـافر خـيل باحساسه
راس حسين شافه مْراد ... شــالـه وعـلّـگـه بـراسـه

الرمح شـالـه تفـاخـر
أنـرفـع مثل المنـايـر
يخـاف ايلوحه حافر ... حسيناه

وراس حسيـن ظـل يقـره
أجـيـتـچ فـاطمـه الـزهـره
يل أحنينه ... ايسـولف نحـره بـعبـراتــه
ابو سكينه ... حـمـره مْـن الـدم شـيباتـه ______________6___________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاي ابا الفضل العباس ( عليه السلام )
[ كهفُ الْخيام ]




كـهـفُ الْخـيام
شـــد الْــلِــثـام .... وبـچـــفّـه جــود وعــلـم
راي اعـلـه راي
ناوي اعله ماي ... يشمر شاطي اعله الخيم
شد وصله خضـره
احزام اعله ظهـره
وبـچـــفّـه جــود وعــلـم

عاف الخيم ... مثل السهم
للشاطي گاصد منتفض .. من يعترض ... راعــي العلم

ماينكسر ... دولة صبر
من عنده مخلوق الغضب .. واعله الرگب ... ينزل جمر

طب چنه حيدر متـرهي كلش
بچفوفه سيفه عالرگـبه يفرش
گلهم اجـيب الشاطي الخيـمنه
قبل الأخو ما بعـيونـه يرمـش

اتوكل بأسم الله وعلي
شـايـل مـن امـه حــرز
البـلكـوفه النايـم گـعـد
من گـد الـصـايـح يـفـز
مردام خيل اويه الزلم
والـكـافـل يـفـرز فــرز

للـشاطي راح
موت وصياح ... طشر عسكر وانـحدر
جــوده مـلاه
بـمـاي الحياه ... وهـنـانـه انـشق النهـر
وعيونه تجدح
فـقــاره يذبـح
وبـچـــفّـه جــود وعــلـم
______________1__________________

شيخ الحرب ... لمن يطب
ايطشر زلمها اعله الارض ... طول وعرض ... شايل رعب

چف الأجل ... شايل زعل
يـشـبه محـمد من يـكُـر ... فـوگ المهـر ... خير العمل

طب للشريعه وياهـو اليمـنعـه
والأشر اعلـيه مـاضل اصـبـعـه
جيش وعساكر طشـاها سيـفه
واليحجي منهم يكسرله ظلعه

والشاف الكافل جمـد
مـاحـرّك طـارف نـظـر
واحــد طـاح برجفـتـه
من شاف انشال النـهر
والـرايـه بمـتنـه تــرف
حيّ الله متـون الكـمر

غيره ووقـار
نار اعله نــار ... خطـواته اتخـضّـر جـمـر
يمشي ويشوف
ارض الطفوف ... مـالت خـافت تـنــشـمُر
درات رحـاهـا
العباس اجاها
وبـچـــفّـه جــود وعــلـم
______________2__________________

لمن غُبش ... كلشي ارتعش
راعي الفضل ماينـثـني ... ومايـنحـني ... من العطش

اول نهر ... گاصد نهر
وبمــتنـه جـوده وسـاعِـده ... ينـزف نِـده ... اول كمر

وعيونه تجدح والحومه طبها
وبخزره وحده اغتاض وگلبها
سوح الحرايب صبحت مگابر
سيفه بيمـينه ايطـش ابرگـبها

شـايــل غيـره حـيدره
عباس السهل الصـعب
كل حومه تصبح عدم
لو ينوي علـيهـا يطـب
مــا شـال بـعـمـره درع
زلمـه امـعـدل بالحـرب

ماْ مـرّه مـال
شيخ الرجال ... ومـن سـيفـه لا مـا يـمـل
يمشي بثبات
سـر الـحـيـاة ... يـسـمـع اصـوات الـنـمـل
لراعي الشجاعه
سمـعـاً وطـاعـه
وبـچـــفّـه جــود وعــلـم
______________3__________________

هيئة نبي ... بسيفه الأبي
بالطف رسم خطـة غـضب ... من الرگب ... حامي العبي

حچيه ترف ... يم العرف
وتشوفه نـيران وخطر ... يـحرگ نظر ... سبعين الف

بدر الـهواشم مـن راسـه دخـن
ريشـاتـه خـفـگن گامـن يـعرگن
شمس الله بالطف چوّاها بيده
عيون العدا ما ترمش يلحگــن

الـماشايـف حيـدر لـمـن
بــيـمـيـنـه خـيـبر قـلـع
ينظـر بـالـطـف شحصل
باب المـاي امـن انشـلـع
بچف عباس الشط حِله
وال لونه الصدگي رجع

طب للفرات
قابض حياة ... ويسـمع اصـوات الـدمـع
كلشي مباح
بس الصياح ... خـافِـت عـن لا يـنــسمـع
شيخ الـملاحـم
داس الجماجم
وبـچـــفّـه جــود وعــلـم
______________4__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
خدمة
[ وجيهاً بالحسين ع ]

باجر بالحشر مجلسكم اچبير

أول مـا يـمـوت الــخـادم ايــعـوفـونـه نـاســه
والرايه ومـلابـس خـدمـته يـصـيـرن حِـراسـه
بس يفتح عيونه يشوف ابو اليمه اعله راسـه
وعبد الله الرضيع يـشوفه جاي وبيده طاسـه

وگبـره ينگـلب حـضـره
ويسمع صوت عالفطره
يــالـخـادم تـعـال ويـاي
نــدخـل جـنـة الـزهـره

عبد الله يگـلّه ويـاي لـتـحـير

______________1__________________

عـالـم ثـانـي باجـر بـالـحـشر مـعـروف اسـمـه
كـوكـب فاطـمه اليـدخـل الـه محسوب زلـمـه
جواز الخادم بچفه وعلـيه مـخـــتـوم خـدمـه
الـمـاعـنـده جـواز اهـناك حـالـه حـال الاعـمـه

كل واحد بچت عيـنه
يــم حـسـيـن تــعـيّـنه
بــأعـمالـه الـحـسيـنيّه
ناجـح دنيــته وديـنـه

الخادم عالصراط ابراحته يسير

______________2__________________

باجر بالحـشر مـجلـس چـبـير يـقـوده عـابـس
واليدخل شرط بي ريحه مـن اهـل المـجالـس
وال بي للدمع حرگـه وحـزن مـتروس واهـس
تنظر شيبه صـار بـراسـه احـله امـن الـنوارس

وكل خادم تــشوفـونـه
حلـوه الـدمعه بعيـونـه
الخلّص عمره بالخدمه
امــلاك الـــيـخـدمـونـه

هنيـاله الأبـد ماعنـده تقصير

______________3__________________

مـنبر مـن دمـع تبـني الخـدم لا مـو عـجـيـبـه
وعبد الرضـا يـصعـد يقـره عـن قصـة حـبيـبه
وايـعـيد الـقـصـايـد كلـهـا بالدمـعـه الـرهـيـبـه
بعالي الصوت يصرخ بعد زيـنـب مـو غـريـبـه

وكل خادم يشـد عـزمـه
ويصرخ نـعـمـة النـعـمـه
احضر مجلسك يحسين
يـامـحـلاها مـن خـدمـه

كون ادموعـنه من الدمه اتدير

______________4__________________

فوگ صدوركـم احلـه وسـام نـشوفـه بـاجـر
مثـل الـماي بيـد حسـين هيـچ بـيـوم عـاشـر
مـاكـو خـيام مـحـتـرگـات لا كـسـران خـاطـر
وصدر حـسـين سـالـم ماكو بـالجـنه حـوافـر

والـعـبـاس مــعـروفـه
جود ايروي بـضيوفـه
وسـهم الـعـين ماهـوّه
وما متگطعه چفـوفـه

اولمضيف الحسن نتعـنى تطبير

______________5__________________

بـاجـر تـنـسـأل هــاي البـشر عـن كـل قـضـيـه
وهـنـيـال الـتـجـاوب عـنـه دمــعـات الـعـزيــه
والــخـدام عـدهـم مـن عــلـي الاكــبـر هــويـه
لا خــوفٌُ عــلـيـهــم ذولــه خــدام الــزچــيــه

والـكـرار ينـظـرهـم
وبـچـفـه يـعـبّـرهـم
وفــايـه يـسـمـيـهـم
والمختار يشـكرهـم

وجيهاً بالحسين الخـادم يصير

______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
مذبوح وينعشگ


مذبوح ويـنعشـگ
هذا الحب الصدگ
نبضاتي مـن تـدگ
بسم حسين

حسين أوّل ضامي شفته العطش ذابـحته شـفته
عالرمح راسه ويرتل صوته چان وكلـشـي سـكتـه
آنه مـجـنون بـغرامـه وحـيل عـاقـل مـن عشـگتـه

اول مـرجـع للحـب هـيـبه ... الـله ... شمحلاه
النورس متوارد وي شيبه ... نلگاه ... وشفـناه

اجمل حب بالعمر
بس حبه اليستمر
لمن ابــدي الشـكر
بسم حسين
______________1__________________

دنيا هيـمه ابـلا وجـوده طـايـح وماطـاح صـيتـه
حسين مـشروع السـلام ورحـمه للـعالم قضـيـتـه
لـجل ديـن الله ونـبـيّه اتخـضـّـبت بالـدم لـحـيتـه

قدم نحره وكل عـياله ... واكبار ... وازغار
وانطه العباس بأجلاله ... وانصار ... احرار

ديـن الله ورايـته
هـالـوادم عرفـتـه
بحسين وصرخته
بسم حسين
______________2__________________

بأربعينه الناس تمشي وكلشي يلهج يبقه باسـمه
والـمــواكــب والـيـزوره الله خـالـقــهـا تـخـدمــه
والحمل رايه ابـچـفوفة ابو فـاضـل يشـد عـزمـه

گاع الطف بالحب غذاها ... باحساس ... عـباس
قبلـة حب ربـك سـواهـا ... لــلــنــاس ... انـفاس

ذكـره مـــا يــنـدثـر
باقي الحـد الحـشـر
عايش ضل كل ذكر
بسم حسين
______________3__________________

حـسيـن دسـتـور الـمحـبه وعـالـم الـحب والغرام
رغــم مــا سـلِّبـو ثـوبـه يـنــطـي لـلـعـالـم خــيـام
حسين شمس الله الحنينه الكاسره عيون الظلام

عـاشـگ ربّـه وقــدّم نـحـره ... بعاشور ... دسـتور
جـيل لـجـيل اتـخـلـد ذكـره ... المنحور ... منصور

يـا مـحـلـه ازيـارتـه
من اوصل حـضـرته
أيدگ گلبي ونبضته
بسم حسين

______________4__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443هـ
( عاشر محرم )


عاشـر مـحرم تبـتدي الـمـصيبه
وزينب يسـموهـا الـغرب غريبه
والـــنـار تـتـحـزّم يحيدر
والـخيمـه ماتسلم يحيدر
تبتـدي المصيبه


بيوم عاشر كلشي يـوگـع عـالـترب مـن الألـم
ياعلي وكل المصايـب تـصـبح بـگـلـبك سـهـم
غالي غالي ايطـيح دمه ونـار تـوگـع عـالخـيم
والطفل عبد الله راسه عـالـرمـح مثـل الـعـلم

بـالـطـف غـوالـي تنـذبـح يـوالي
وفوگ الرمح روس الاهل يـغالي
وماضل أبو ولا عم يحيدر
والـخيـمـه ماتسلـم يحيدر
تبتـدي المصيبه
______________1__________________

كل مصيبه تبدي سكته ياعلي بشهر الـحـزن
الحيل يوگع كلشي ينسد مثل بيبان الجـفـن
ظلوع أهل بيتك يحيدر بالحوافر تـنـطـحـن
الحرگ بابك حرگ خيمه بكربلا أنعادت وإن

وزينب چبيره والهظم چواْها
فگد الاخوان ابـكـربلا عِـماْهـا
وجـروح ماتـنـلـم يحيدر
والـخيـمه ماتسلم يحيدر
تبتـدي المصيبه
______________2__________________

ياعلي مصايب چبـيره منـين أبديلـك وأعـد
الچان يشبـه أبن عمك والـعـمـر عـمـر الـورد
عـلـي الاكبـر بالـخـنـاجـر وذرو أهـل الحـقـد
وجاسم العريس دمه بطوله وبروحه الحـمد

والسيف طابر هامته بصلافه
مات الورد من انطبر وسافـه
وجه انصبغ بالدم يحيدر
والـخيمه ماتسـلم يحيدر
تبتـدي المصيبه
______________3__________________

عالشـريـعـه الـكـفـل زينـب يـاعلي يوگع نده
چفوفه عالتربان يمـه وسـهـم بعـيـونه حـده
جوده طايح خيره كله ومستحي مـن سيّده
اتـوذر العـباس جسـمه وخـايـفه مـنه الـعده

ألچان خيمه اعله الاخت تسلّب
طاح وِينـادي سامحـيني زينـب
ومنه الوفه ينشم يحيدر
كل خيمه ماتسلم يحيدر
تبتـدي المصيبه
______________4__________________

بيوم عاشر يبقى وحده حسين وبگلبه الجـرح
امن العطش والتعب يوگع مثل غبشات الصبح
والسهام بصدره تـغفـى ويـشـلـع بگـلبه الرمـح
وزينب تصيح ابدمعها حسـين مـو مـالت ذبـح

ميمونه يصهل ياعلي الظـليـمه
وحافر يدوس بشـيبته الكريمه
واعظامه تتهشـم يحيدر
والـخيمه ماتسلم يحيدر
تبتـدي المصيبه
______________5__________________

حـزن يعـگـوب ودمـوعه وصبـر ايـوب النـبـي
بالألـم مـاوصـل حـدّه عِـشر مـعـشـار الــسـبـي
زينب شگد صعبه تـوگـف عـلى التـل الزينـبـي
وتنظر حسين وحـوافر تـركـض بـصـدره دبّـي

والسوط مافارگ متن زغيره
وايتام تنحب والحرم اسيره
وارمـاح تـتــكـلـم يحيدر
كل خيمه ماتسلم يحيدر
تبتـدي المصيبه
______________6__________________


#رزقهم_سلام_الله_عليهم
#احمد_رزاق_الاعرجي

07826594415
واتساب
لاي استفسار خادمكم

حزمنة مولاي||ملا ياسين الرميثي||احمد رزاق الأعرجي
https://youtu.be/BfnR2jDBfkg

ومن الله التوفيق

قصيدة يوم العاشر [ تطبير ]


حسين كلشي انطاني راسملي الحياة
حصته صار العطش وانطاني الفرات

حيدر حيدر ... حيدر حيدر

يـوم عـاشـر لـمّـن أطـبـر هـامـتـي
كـون فـوگ النحـر تصـبح طـبرتـي
على حسين الطاح ضامي حرگـتي
كون بـالقـامه يحل وگـت الـمـمـات

حيدر حيدر ... حيدر حيدر
______________1__________________

ألـرمـل بالطف أشـخلـه أبـلحـيِـته
والـدمـه تـارس عـيـونـه وهـامِتـه
على خيامه صعبه چـانت نـظرتـه
عالجمر ركـضن نـظـر كـل البـنـات

حيدر حيدر ... حيدر حيدر
______________2__________________

حسين حرگوهن اخيامه ابلاسبب
فوگ ما مذبوح مـن ثـوبه انـسلب
عالرمـح بـس مايغـيـرون الـذهـب
ابــو الـيـمـه هــو لــلـعـالــم نـجـاة

حيدر حيدر ... حيدر حيدر
______________3__________________

حسين ظل فـوگ الـثره محـد اله
ضـل ثــلـث تــيـام مـحـد غـسّــله
كل جرح مخلوق من طـف كـربله
وطـشرو بـالهـيـمه كـل الأمنـيات

حيدر حيدر ... حيدر حيدر
______________4__________________

شـلون مـا اطـبر الـهـامـه والألـم
بيه عـايـش مثـل نـيران الـخيـم
جروح ابو السجاد بعيوني سهم
حان توقيت الطبر مـثل الصـلاة

حيدر حيدر ... حيدر حيدر
______________5__________________

ابو فاضل صعبه طايـح عـالنهر
وعلي الاكبر جسمه متوذر وذر
وقاسم العريس مگطـوع النحر
وزينب أتأذّيها حـيل الـذكريات

حيدر حيدر ... حيدر حيدر
______________6__________________

#رزقهم_سلام_الله_عليهم
#احمد_رزاق_الاعرجي