لمولاتي فاطمه العليله [ عليها الجروح ]
[ وين رحتـو ]


وحدي عفتوني غريبه ... وين رحتو

عيــني مـنـتـظره تــردون بــضــعنـكم
ورده وبــلا مــاي ذبــلـت والله بــتـكم
ياهـو انخــاه اوْيـوصّل روحـي يـمـكم
حـيل مخـتنگـه واريــد أشتم عـطركم

عالدرب عيني ........... شمعة سنيني
وين رحتو
______________1__________________

يـل مشـيتو وعـفتو بيه جـروح الاسنـين
مـادريـتـو مـا اعـيــش بـدون الــحـســين
چـان يـمي لـو نـمـت يـفـرشلـي إلايـديـن
هسه مفروش الحزن واغفه اعله الاونين

شوگي ذابحني ............. والهـجر سلْني
وين رحتو
______________2__________________

عايـشـه بـنـار الافـراگ ونـار الاحـزآن
الشيب شيخ براسي من عفتوني للآن
انـچـفي اعله الـگـاع لـو اسـمـع الاذآن
افـرش الـصـلايــه الـمـن والدهر خـآن

اندعي بحركه .......... تـرجع الشبـگه
وين رحتو
______________3__________________

ابابـي يـوميه انـتظر هـلْبت ترجعـون
بالسـلامه وفـرحـتي مـاتوسـع الكـون
خاْيِـفه مــن الـبـچي لاتـعـمه العـيـون
شـلون اشـوفـنـكم بـعد لـو ليه تلْفـون

روحي مشتاكه ........... يمته نتلاكه
وين رحتو
______________4__________________

الْيــعـيـش ابـلا أهـل انـفـاسـه صـعــبـه
شـهگـته اتعادل وطـن وبـحـظـن غـربـه
دمـــعـي مـابـطّـل نـــذرتـه لــلـه قُــربــه
الـمـاي مـابـي طــعـم روحـي ماتـشـربـه

حزني ماشاني ........ وصار عنواني
وين رحتو
______________5__________________

الـبـنـيـّه شـــگــد عــزيــزه تــصــيـر يـا نــاس
يــا حـلات الـصــبـح فـوگ الــراس تـنــبـاس
ابجال أبوها الحضنه خيمه وفرحه واحساس
لو يـسـافـر لـحـضه عــنـها اتـضـيگ الأنـفـاس

مــا اخـذتـونـي .................... ولانـسيـتوني
ويــن رحـــتـــو
______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام
1443 هـ
من فاطمه أم البنين
الى فاطمه أم الحسين ( عليهما السلام )
[ فاطمه الفاطمه ]


تكتب رسـالـه فـاطـمـه الـفـاطـمـه
والظرف شيّيب من حضنْها وعِمه
كـل حرف شـايل جـرح
مثل شمس الله الصبح
فـاطـمـه الـفـاطـمـه

بسم الجرح كتـبت رسالتهـا الوفـيـه
من خـادمـة وِلــد الـزچـيـه للـزچـيـه
كتبت غداً كل غالي يرحل من اديـه

ضـعـن الهـواشـم بـاجـر يـروح
وابـقـى غريـبه وابـقى بالنـوح
وگلبي يضل كل لحظه مذبوح

مرسـال حسـره وبي ونيـن وألـم
وبـهالرسـاله رسـمت اشگـد خيـم
والـجـرح مـا يـنــشـرح
مثل شمس الله الصبح
فـاطـمـه الـفـاطـمـه
______________1__________________

كتبت بعد مااشوف ابو اليمه وأشـمّه
ياريت من بعد الحُسين عيوني تعـمه
باچر افارگ فـرحتي وچلمة الـ يـُـمّـه

والشيب فـوگ الراس يندار
دون الحُـسين الـدار مـو دار
وأزغر جروحي بالـگلب غار

خوفي على حسين العطش يوصله
وهـواي اخـافـن مـن اســم كـربـلـه
وآخ مـن طـاري الـذبح
مثل شمس الله الصبح
فـاطـمـه الـفـاطـمـه
______________2__________________

تكتب رسالتـها وغـفـت تـعبانة اعـيون
حگها النوايح عدها مو مثل الينوحون
شيصير چا بـأم الكمر لـو عنها يرحـون

باجـر تضـل مگابله الـباب
تـتـأمـل ايـردون الاحـباب
والمغرب الدمعتـها سلاب

والـحـيل مـاي وعـالارض يـنـچـفـي
دمــع الـفُـگـد احــبـابـه مـايـنـخـفـي
وغـيـر هــذا مـا يـصـح
مثل شمس الله الصبح
فـاطـمـه الـفـاطـمـه
______________3__________________

راح الضعـن مـن يمـها والدمعـه بديهـا
وعيون الحـسين وابـو فاضـل عـلـيـها
عن عينها غاب الضوه وكل حيل بيـها

فگدت غوالي وراحة البال
رجعت حزينه والظهر مال
والحال حيل اتغير الـحال

رجـعـت تِـكــمـل بـالـرســالـه وتــون
مــن سـافــرو داري عــلـيـه سـجــن
والـدمـع عالـخد يـسـح
مثل شمس الله الصبح
فـاطـمـه الـفـاطـمـه
______________4__________________

نامت وشافـت بالحـلم طـف السـبـايـه
وخيام محتـرگه وعطـش يرسم نهايـه
وزينب چـبيره وتركـض أتـلم آيـه آيـه

وشافت حسين وراسه مگطوع
بصـدره الحوافر تطحن ظـلوع
وصوت الحـراير صار مـسموع

بـالـگـوه تـمـشـي وگـصـدت المـشرعه
الـعـبـاس طايـح شــافـتـه بـمـصـرعـه
وراسه مـرفـوع بـرمـح
مثل شمس الله الصبح
فـاطـمـه الـفـاطـمـه
______________5__________________

رجعت حدر جسم الحسين أتنشف الدم
وتـگـلـه وسفـه تـنـذبـح ضامـي يـزمـزم
مـن الـحـوافـر وصـل گـلـبـك للـمـخـيـم

وتگـلـه ليـش امـطـشـرينـك
والرمل ليـش مغطـّي عينك
عاري وسلـيب امـوذّريــنـك

مِــن الـــحـلــم فـــزّت تـــنـادي وتــون
اسم الله اعله صدر الـغالي لا ينـطحن
حسين أبو گلب السمح
مثل شمس الله الصبح
فـاطـمـه الـفـاطـمـه
______________6__________________


#رِزْقهُم_سَلامُ_اللّه_عليْهِم
#احمد_رزاق_الاعرجي

قصيده لأم البنين ( عليها السلام )
[ آذان الطف ]


آذان الطف صوته ينادي
يـا حــيّاكــم يـا ويـلادي
متقصرون ... وتريدون ... رفعة راسي

يالـگدها اوصـيكم اذا رحـتو ودربـكم اخـضـر
عالـعايله وهـذا الخـدر اعـيـونكـم خـل تسـهـر
شما هالسفر دربـه كُبر ابقـه انـتـظـركم واكــبر
يلفيني شـيْبـي من وگت لو ابو الـيـمـه اتـأخـر

شـلـه بعـمـره الـودع غـالي
خنگه وحسره تعيش ابالي
وشيب اچفون ... وتريدون ... رفعة راسي

______________1__________________

ولْـدي أوصــّيـكم بـعـد زيـنـب أمـانـه عــدكـم
غطـوهـا بـرموش النـظر تـرتـاح كـون اختـكـم
حتى الهـوه يـمـشـي بـأدب ويـاكم ابعـهـدتكـم
عين الشمس لوفتّحت تنـفـگس من خــزرتكـم

مااريداً تعطش بت حيدر
اعرفـكم غيرتـكم محـشر
هاي ام عون ... وتريدون ... رفعة راسي

______________2__________________

يالرايحين اويـه الـضـوه لا ينـلچـلم مـن النـاس
لو راد يـتنـفس هـوه للـريـه اركـضـو بأحـسـاس
ولو شـده صـارت يالـوِلِد ظـهـر بظهر وي عباس
شدو الحزم وافدو النحر وادري ترفعون الراس

بالطف بيكم راح أتبـاهـا
خوتكم حُب يامـحـلاهـا
تنتصرون ... وتريدون ... رفعة راسي

______________3__________________

يايمـه هـالدنـيا حلـم سـاعـه ونـِفـز مـن عـنده
وهـنيـاله كلـمـن للصـدگ رايح و للـطـف حـده
واحدكم بوجهه نـحـر و طابـع حـسيـن بخـده
شـلال واحـدكـم صـبـح ويـا گــاع هـاي تـرده

يـالطـلگـتو الـدنيا وبـيها
والخـوه بـمنحر شاريـها
وتركضون ... وتريدون ... رفعة راسي

______________4__________________

لو خيـّم المـغرب عـليّ اجـروحي تبـدي تــدّي
البيت فارغ من ضوه والظـلمه صـارت ضـدّي
وهـاي العليـله بروحِتـه والـداها تبـقى اتنـدّي
عالباب چم دمعه وجرح واحزآن بيها تـِحـدي

يـومـيه المغرب مشـتاگـه
لــلــوالـد وتـريـد الــنـاگـه
ترجع كون ... وتريدون ... رفعة راسي

______________5__________________

محتاره شحجي وهالسفر هيّج مواجع بيه
للفـرگـه رايـد چـم گـلب عـلـويه هـاشـمــيه
بفـراگ الحسين انحـني وظهري تلزمه اديه
اللــيل شيـخـلصه بـلا وجـه الصـباح وضيه

الله وْيـاكم مـا اوصـيكـم
مــن اولـكم و لــتالــيـكـم
وتـضوّون ... وتريدون ... رفعة راسي

______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
فزاعيّـه
العباس مع أمّهِ أم البنين ( عليهم السلام )

يـم الـوفـه الـمـن تـوصـّيـن
يايمه شوفي بعيني تلگيـن
بس العقيله وبس الحسـين
لاتوصّـيني ... عـلـى ضـعـون الـهـواشـم

______________1__________________

يـايـمـه هــاي الـرايـه ويـاي
وگت الشمس تتحول افياي
والجود يتفايض امن الـماي
والعطش بيدي ... اذبحـه گـبال زينـب

______________2__________________

تـربـيـتـچ شـمـحـلاهـا اليـه
خليتي عـشگ حـسـين بيـه
اتجازيـچ مـولاتـي الزچـيـه
يلّي ربيـتـي ... فِـده لـحسيـن تـعبـچ

______________3__________________

يـايـمـه هذا الـهـوه يـحـتـار
لو عالضعن لحظه صُبح حار
أزْمخ ابوجـهه يصـير طشـار
گـد الأحچـايه ... وتْـعرفـيــنـه ابـنـچ

______________4__________________

أرتاحي يـمه وگـرّي الأعيـون
عــباس رايـح ويَ الأضـعـون
خادم حسين وخادم أم عون
شلون انسـاهـا ... تـــربـيـتـچ يـيـمّـه

______________5__________________

بـعـيــونـچ هـوايـه مــعـانـات
يـم الــوفـه يـاطــيّـبـه الـذات
عـيـنـچ عـلـيـه بـيـها لــوعـات
يمه حاچيني ... وأمسحي أدموع عينچ

______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443هـ
لمولاي مسلم ابن عقيل ( عليه السلام )
[ شـلـون اجـيـك ومـنـچـتـف ]


شـلـون اجـيـك ومـنـچـتـف
ومـــاكــو بــالـــودام عــرف
ارد اگـــلـك ارجــــع
لصوتي كونك تسمع
شـلـون اجـيـك ومـنـچـتـف

اويه الهوه ابعث سلامي
يـا أبـن عــمــي وامـامـي
لاتـــجــي آخـــر كــلامـي ... أبـألــم

مـسلـم آنـه وتـدري بـيـه
مـا اهـاب مــن الـمــنـيـه
كــلــهـم الــتـمـو عـلـيــه ... سـهـم

ارجـع ارجــع ارد اخـبرك
كلـها سيف وتهوه نـحرك
بـاجـر يكـسرون ظـهـرك ... نــعـم

والجـشـع اعـيُـن عـمـاها
والـحقـد تـارس سـمـاها
كــل رســـايـلـهـم تــراها ... وهــم

ورمــح يـنـــتــظـــرك تـــره
بـعــيـنـي كـلـشــي مـگـبـره
الـحـزن بـيـه مـنـبـع
لصوتي كونك تسمع
شـلـون اجـيـك ومـنـچـتـف
______________1__________________

آنـي مسـلـم چـتِـفـونـي
ومن حـجرهم غـيروني
يـاحـسـين وشـتــمـوني ... شكثر

امـشـي وحـبـال بـأديـه
الكـوفـه كـلـهـا والأذيـه
ذاك يـضـحك ذاك بـيـه ... يـجـر

والدمـه تـارِس لـحـيتي
وفكْري كلّه يم قضـيتي
والهوه التـشـتمّه ريتـي ... جمـر

امشي واعثـر بالمدامـع
بيه زحمه امن المواجع
وبـيـه آنـه شـمـا ابـاوع ... كسـر

حــزنــي اكـــبــر قــافــلــه
وآنــه شـــايــل كــــربــلــه
ورمــح بــيـه يـدفـع
لصوتي كونك تسمع
شـلـون اجـيـك ومـنـچـتـف
______________2__________________

صوت اسمعه يگلي باجـر
حسينك اتسحگه الحوافر
ومـايـضـل عنـده مـنـاصـر ... حـرب

وينـگـطـع مـاي الله عنّـه
وحافر يدوس اعله متنْه
ووصله وصله تضيع منّه ... بضرب

والسـهام بجـسـمه كـثـره
وماتضل من عـنـده وذره
والـدمـه بـعيـنه ويـعـثره ... الـدرب

والـتـراب بـنـحـره يـلـتـم
وهـوّه خايـف عالـمخـيـم
شـما يـباوع يـنـزف الـدم ... صـعب

والــجــــرح بــــيـــه رســـم
نــــار تــركــض عــالـخــيـم
ومنـها طـفله تـفـزع
لصوتي كونك تسمع
شـلـون اجـيـك ومـنـچـتـف
______________3__________________

شـامـت گـبـالـي تـبسـّـم
گلّـي بـاجـر عـاْلـمـخـيّـم
من يطـيح حسين نلْـتـم ... زلــم

انـسلـب خـيام العـقـيلـه
والكـمر مـن تـشـتـكيـلـه
مايگـوم الها اعله حيـلـه ... حـلم

وخيمه خيمـه نبدي بيها
نحـرگ ونـضحـگ عليـها
الـتعـثـر هـنـاك نــجـيـهـا ... شتِـم

وحـرمـه توگـع يم اخوها
وبـالـسـيــاط ايـعـذبـوهـا
وطفله يم منـحـر ابـوهـا ... تِـشم

والألــــم يـــــنــــزف ألـــم
بــاجــر يــطــيـح الــعــلـم
وكلشي بالطف يوگع
لصوتي كونك تسـمع
شـلـون اجـيـك ومـنـچـتـف
______________4__________________

الشـامت ايـسولف مصيبه
يگلي بـاجـر شيـبه شيــبه
تــنـذبــح هــاي الـغـريـبـه ... رفـس

والـحــوافـر كلـهـا تـركـض
بجسم الحسين وترضرض
بعده عايـش بـعـده يـنبض ... يحس

والـسـهـام بـصـدره كـثـره
وشيبـتـه من دمّـه حـمـره
والـشـمـر يكسـرلـه ظـهـره ... بشمس

وحـرملـه بخنـجر يطـعـنـه
وتـركـض اتـسـلـبـه ربـعـنه
وصوت ابو اليمه سـمـعـنه ... هـمس

يـخـتـي زيــنــب عــيـلــتــي
لا تــــشـــــاهــد حــــالـــتــي
ولاتــجـي للـمـصـرع
لصوتي كونك تسمع
شـلـون اجـيـك ومـنـچـتـف
______________5__________________

للــقـصـر لـمّــن خـذونـي
أعــثــرت مــاگـومـونــي
شما اگـومـن طيـحـونـي ... بـرمـح

مـن عـلى قـصــر الامـاره
سيــدي انـويـت الـزيـاره
لحضـرتك يابـو الـحيـاره ... بـجرح

بعينـي ماكـو غيـرك انتـه
هوسه بيه وكلشي سكته
الـفـاگـد يمـوت بحـسـرته ... ذبـــح

فـدوه دمـي وفـدوه نحـري
بدونك انته اشيسوه عمري
كلـشـي ليـل وانـتـه ذخـري ... صبح

الــك يــاأجــــمـــل غــــرام
أبـعــث الــحـب والــســلام
روحـي بـعدك تطـلع
لصوتي كونك تسمع
شـلـون اجـيـك ومـنـچـتـف
______________6__________________

#رزقهم_سلام_الله_عليهم
#احمد_رزاق_الاعرجي

قصيده لأولاد مسلم بن عقيل (عليهما السلام)
[ يامسلم سلام ]

مـاكـمـلت ضـيافـتـنه واجانــه
بـچـفــوفـه حِـبـال وجـتـفانــه
صحـنه يـامسلم سلام
وصـارت الدنيـا ظـلام

بــعـد مـاراحـو الاحـبـاب مـانـدري لـويـن نـروح
ولگونـه وبالسجن عشنه سنه من الألـم وجـروح
انـهزمـنا مـن عبـيد الله ورافگـنا الـسـهر والنـوح
گـضيـنا الـعمر حـسـرات مـاظـلـت بـعـد أي روح

الخايف يـعثر بچلـمة أجه الـليل
وين نروح ماظل عدنه كل حيل
الـعيـن مـاتـقـبـل تـنـام
وصـارت الـدنـيا ظـلام
______________1__________________

تـعـبنا هـوايه مـن النـاس الـما رحـمـو بـراءتـنـه
ازغـار ونركض ابلا راي وعالخد تجري دمعـتنـه
گـعدنه وشـفنـه ذاك الـباب واتـذكـرنـه لــمـتـنـه
يـامحله الحچـي المـملوح مـن اذكرنـه ديـرتـنـه

وسولفنه وحچينه وماكو اي صوت
ازغــار وردنــه ويـه الـوالـد نــمـوت
ومـأتـم اعـليـنـه يـقـام
وصـارت الــدنـيا ظلام
______________2__________________

أستـأذنـه ودخلـنه لبيـت طلبنه انام حد بـاجــر
وام البـيـت سـألت ويـن أهـلْـكم والـگلب حـايـر
الامـان الـكم واخـبرونـي جـاوبـنـا الابـو مسـافر
ذريـة رســول الـلـه وصــار الـبــيـنـه مـا صــايـر

الاهـل راحـو سبايه والابو بــعيد
يـذبـحنه بچـفّـوفـه الـظالـم يريد
والـــذبــح ألـنـه حــرام
وصـارت الــدنـيـا ظلام
______________3__________________

استـراحـينه واجـيـنه انام لـن واحد اجه يـمـنـه
گعد گـال ألـنا لـتـخافـون ومـانعـرف شــنو عـنـه
الامان الگم منـو انتـم وشـرحنـاله شـكُـبر هـمـنه
ضـحك گـال آنـه ادوركـم بحبل الخـوف چتـفنه

من صار الصبح مستعجل هـواي
يذبـحـنه وخـذانه وشـاهـد الماي
مـنـه مــايـســمـع كــلام
وصــارت الــدنـيـا ظلام
______________4__________________

گـال لـعـبده اذبـحـهـم اريـد الـرووس مـگطوعـه
گـلـنــالـه ولــد مـسـلــم ذاك الـكــسـرو ظــلـوعـه
انـهزم مـاقاوم الذباح الحسره بـعـيـنـه مسموعـه
صـحنه وين نلگه بيت فـارغ بـي مـثـل طــوعــه

قـصـتـنه مــثـل قـصــة ابـونـه
فـرق بـس المـكان الـضـيفونـه
والــزمــن جـــرّد ســهـام
وصــارت الــدنـيـا ظـلام
______________5__________________

تـوضّـيـنه بـدمـع فـرگه والـكـون انـذبح صـبـحـه
صـلّيـنـه وتـوادعـنــه والـمــوادع صـعـب شـرحـه
وصـوت يـصـيح عـالـذبـاح أذبحـني گـبل ذبــحـه
وذبـحـنـه الـمـايـخـاف الـلـه بـاجـر ربـك يفضحـه

ذبـحـونـه لان نـگـرب لـلـحســين
فـدوه نروح أِلـه ونفديله نحـرين
هـوّه حـبـنـه والـخـتـام
وصـارت الــدنـيـا ظلام
______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاي مسلم ابن عقيل ( عليه السلام )
[ حـيّ الله مسلم ]


حيّ الله مسلم

ياحلات اعلومـه ... صگر وسط الحـومـه
هيبه ويشوفونه ... عـلـي بكـل ارسـومـه

نار تجـدح عـينه ... ورايــتـه بــيـمــيــنـه
غضب بيهم نازل ... يـسـطــر بــچـفـيـنـه

حيّ الله مسلم
______________1__________________

نـزل ابـن الـسـاده ... ويــا حـلات اعـنـاده
بـخـزرته المعروفه ... شلع رووس الـقـاده

مـسـلـم بـمـيدانه ... بــيـده گــف اردانــه
والـزلـم تــتـرادم ... خـايـفـه وحـيـــرانـه

حيّ الله مسلم
______________2__________________

كحيـل شـايـل رايـه ... ثابـت ودگ ثــايـه
نـگـث كـل الـكـوفـه ... مثل نگث الصـايـه

الشگره بيده اعنانها ... وفـرفحـت ذرعانها
الشرده صارت صعبه ... وترتجف فرسانها

حيّ الله مسلم
______________3__________________

يـاهـوّه الـيــدنـالـه ... والـزعــل يــحـلالـه
گــام يـشـمر بيـهـم ... خــيـل والـخـيّـالـه

سيفه عاف اگرابه ... والـرگـب مـحـرابـه
مسـلم شمـحلاتـه ... اليوم عنده اطلابـه

حيّ الله مسلم
______________4__________________

حـومـته عفراسها ... شِـرگـت بـأنـفـاسهـا
يـذبح بـخــزراتـه ... وروس قاده الداسها

چـن عـلي وبـالديـره ... وذو الفقار ايديره
الكوفه محبس بأيده ... يعني بيده زغيره

حيّ الله مسلم
______________5__________________

الموت سيفه ونازل ... عـالرگب ميجـامـل
احتـارو بخـطـواتـه ... گلـب حيـدر شايـل

كـلف وگـت الشـده ... الشمس طينّة خده
اتصيح كلها ادخيلك ... ماكـو مـنك شرده

حيّ الله مسلم
______________6__________________

#رِزْقهُم_سَلامُ_اللّه_عليْهِم
#احمد_رزاق_الاعرجي

منهاج محرم الحرام 1443 هـ
للأنصار ( سلام الله عليهم )
[ صار اوداعهم ]


صار اوداعهم والدمعه بالعين
حانت فرگة الانصـار وحسين
گام حسين واحد واحد ايـشبـگـه
بعد ساعه الرمح يجمعنه للـملگـه

مـابيـن الـخـيـم گـعـدو أخـيـر اوداع حـل وگـته
كلها تعايـن اعلـه حـسيـن شـيخ وحـلوه سالفـته
گلّهم كلشي راح يطيح چن طيحة ضوه ابسكته
وگالوله اليطيح ايطيـح المهـم سـالم تـضل انـته

انصارك يبو السجاد ويّاك
والعباس كل احنه فدايّاك
لو للموت لو مـاتـنحـسب رفـگه
بعد ساعه الرمح يجمعنه للملگه

______________1__________________

حبـيب وعينه ماترمـش بـس لحـسين نظراتـه
ومن اتـشابگ اويه حـسين ردّن سـود شيـباتـه
واحـد لازِم الـثـاني وكـلـمـن تـحـچـي دمـعاتـه
قـرآن الـخــيـام حــــســيـن والانـــصـار آيـاتـه

ياوراث عـلي گـدامك انفوت
واليبعدنا عنك سيدي الموت
گـالوها بــثبـات وروح مـحتـرگــه
بعد ساعه الرمـح يجمعنه للملـگـه

______________2__________________

گـلْهم من بعد ساعه و اشوفنكم جثث صرعـه
وگالوله فـدا الارواح الصاحب بـالشـدد فـزعـه
نطيح ونـنذبح ونعـيش لـعـيونك مثـل شـمـعه
المهم سمُْعتنا تبقى بخير عُمـر الْناس بالسـمُْعه

دنيا وآخـره ويـّاك يحـسين
يامحله الحياة اوياك دارين
هـو العـنـده مـثـلك يفـتـخـر حـگه
بعد ساعه الرمـح يجـمعـنه للمـلگه

______________3__________________

عابس والـعشـگ تـوأم گـال حـسيـن احـبّــنّـه
أموت لخاطـر عيونـه تره مـو خـاطـر الـجـنّـه
شحلات الـموت وي حسين غالي ومااعوفـنّـه
الهـوه الأشْـتـمّـه ما احـبّـه اذا ماجاييـني مـنّـه

عندي شوفتّـه أتعادل شريعه
أبيعن نـحري لاچـن مـاابـيـعه
كل واحـد يهـيـم بعـاْلمـه وعشگـه
بعد ساعه الرمح يجمعنه للمـلـگـه

______________4__________________

گلْـهم مـن تـودعـونـي بـالـطـف جـسمـي يـتـوذر
وعلى صدري الشمر يگعد وسيفه يگطع المنـحر
وحوافر خـيلـهـم فـوگـي تسـحـك بيه واتْـطشّـر
والْـخـيـمـات مـن بـعـدي تـوگـع بـيـها نـار الـشـر

ومن عج الخيول ايضيع دربي
والحافر بركضه يـشـيل گلـبي
طولي ايطيح والحافر يجي يسحگه
بعد ساعه الرمـح يـجمـعنه لـلمـلـگـه

______________5__________________

گـلّهم من بـعـد ذبـحـي خـنـصـر مـني يـتـسـلّـب
ويآخـذ هـدمـي الاعـليه الچـان بخـيمِتـي ينهـب
وأضـل بالهـيمه للحافر وصعبه تشــوفنـي زيـنب
واثناء الحديث حسين ظهره امن الحچي حدّب

يحچي وگام حط ايده اعله ظلعه
وواحـدهم لِـبس گـلبه اعلـه درعه
گـلـهـم نـلـتــقـي لــو حـانت الـفـرگـه
بعد ساعه الـرمح يجــمـعـنه للـملـگـه

______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
أم وهب مع أبنها وهب الحسيني (ع)
[ ياوهب ]

يــاوهـب شــوف الـخِـيـام شـلـونـهـا
لـحـضـه والـنــيـران تـخـطـف لــونها
وْتـركـض الـنـار اتدّوْر زْغــار
يـــاوهـــب ... يـــاوهـــب

يـمـه اسـولـفــلـك عـلـى خـيـام الامــيـر
آنه امـك ياوهب واسمعـني
يـمـه حــاچـتـنـي الـعـقـيـلـه بـالْـيـصـيـر
بعد ساعه وكـونك تـودعني

وهـــب عـوف الْـعـرس واربـح بالْأخــير
هـالْأمُــر عــنـد الـلـه يــوْلـيـدي چـبــيــر
كـون ألــمّـْك يبـنـي مو بـيــدي بحصـيـر

الدنيا ساعه وْتنْتهـي وكلشي يـبـيد
ويبدي عالمْـنا الحُسـيني من جديـد
هْناكْ الارواح يبـني ترتـاح
يـــاوهـــب ...يـــاوهـــب
_______________1__________________

يـمـه شـوف الـقـاسـم شْــــعايــف وراه
وكل جماله وهيبته المـزيونه
بــعد سـاعـه ويـنـذبـح ويْـطـش ضـواه
وعالرمح راسه العدا يخلونه

وجـسـمـه تـآكـل بيْ سـهـام بـكـل گـفـاه
وْدم جـبـيـنـه ايخضْـب عـيونـه وْچِـواه
ويـنـزف جـروح أبـتـسـامـه الْـعـمْـه وْآه

كـون يـبـنـي لـلـخـيم تـرجـع ذبـيـح
والله راْفُـع راس أمـك حيـل أصـيح
وأطْمَـإِن حيل اتـوذرك خــيـل
يـــاوهـــب ...يـــاوهـــب
_______________2__________________

عـلــي الاكـبـر يــــمـه مــابــيـن الْألــوف
مـن يـطـب ويعارك بْمـيدانه
يـمـه ويـلـي تشْـبع بـْجـســمه الْـسـيـوف
يمـه أشْبع شوْف منه اويانه

أشْبـه الْنـاس بْـحـبـــيْـب الله وْتــِشــوف
بصدره تلعب خيل بضـلوعـه الْـخـسـوف
والْـرمـل حـار وْعـلـهْ اجـروحـه يــطـوف

وأمْـه تـنـْتـظره اعـلـه بـاب اخـيـامهــا
وْذْره وذْره ايحـمـلـــه أبــوه گــدامهــا
تـْمـوت مـرْتـين بْـشوغة حْـسين
يـــاوهـــب ...يـــاوهـــب
_______________3__________________

يـاوهـب گـلـبــك ألـبـْـسـه اعـلـه الْـدرع
وْعَلگ من عباس شد براسك
يــمـه أريـْدك مـن تــرد بــيـك أنْــفـجــع
وللخيـم لا مـاتـرد بـأنـفـاسك

كـون جـوْه الْـخـيــل صـــدْرك يـنْـوجــِع
يـمـه صـوت الكـسـر كــوْنــهْ يــنْــسـمـع
مـــا أريْــداً يــبــقــى ســـالــمـْلـك ظـلـع

يـمـه أريـد الـخـيل تـسـحـگـلك صـدُر
حـتى أرفـع راسـي بــاجــر بـالـحـشُـر
يبْـنـي وبْهـاي راْيـده ارْبـاي
يـــاوهـــب ...يـــاوهـــب
_______________4__________________

يـــاوهــب قـــدّم ابـهــالــيــوم الْــعـُـمـُـر
لـبو سـكـينه هـذا يـوْمـك وگْـته
بـعــد سـاعـه أتْـخـضر الْـخـيـمـه جــمـُـر
وْسوْط يرْكض يحز نحر الْسكته

وْكـلـها مـذْبـوْحـه الـزلـم وكّـت الـْـظُـهـُر
والأشــــد يـــولـــيــدي ويـــاي أفـتــكُــر
زينـب امْن الخـيـمـه تـركض مـن جـسُـر

وْتــركـض أزغــار ونـــسْـاوّيــن بــألـم
والْــخــيـم بـيــهـا الـرمـاد وبــيـهـا دم
صحره صحره وبيـها فـقـره
يـــاوهـــب ...يـــاوهـــب
_______________5__________________

يبني ماضـل شـي عـلى وگـت الـخـيـام
ومابقه شي يـاوهـب عالفـرگه
وعـالــرمـاح الـعـالــيــه روّس الــســلام
وكلمن يفارگ حبيبـبه وعشگه

يـاوهـــب والـــمــلـتـقـى ويـــهْ الامـــام
بـالـقـيـامـه أنــعــيـش وبـكـل أحـــتـرام
الــنـِــفـس وبــلا أبـــو الــيــمـــه حــرام

سـيـدي عـيـسـى لـوّن بالـطـف حـضر
تـشـوفه يفدي حسـين ابو اليمه بنحر
يـاوهــب روح وأفـدي هـالـروح
يـــاوهـــب ...يـــاوهـــب
_______________6__________________


#رزقهم_سلام_الله_عليهم
#احمد_رزاق_الاعرجي

قصيدة [ يابعد چبـدي ] بين حبيب شيخ الانصار والامام الحسين «عليهم السلام»...
_________________________________________

يـابـعـد چـبـدي غـيرك شـعندي
ياحبيبي ياحسين

آنـه ابـن ظـاهر حـبيب وتدري بيه
وأشـكـثــر آنـه أحــبـك مـو بـديــه
بالـطفوله من طحت فـوگ الوطيه
أبيـتي ماضـگت الاكل تـسأل عليه

تـسـأل الـوالــد تـشـبه الــفـاگــد
ياحبيبي ياحسين
__________________1_______________

آنـه ميـت بيـك والله مـن الطفوله
آنـه ذاك الاهـله مـن زغـره دعـولـه
كـون اصيــراً خـادم اُولاد البـتـوله
أسـم خـادم يـمك نـيــاله الـيـنـوله

خـادم احـسـبـني سـيدي اقـبـلني
ياحبيبي ياحسين
__________________2_______________

آنه من زغري هويتك يابو الاحساس
يالحنـين المـاكو مـثلك ماكو مقياس
انـت لـلـريه هـواها بـمـجره الانـفاس
الاربـعـين اليـشـبـهـونـك هـو عـبـاس

عيـشـتـي وياكم گـلبـي حـباكم
ياحبيبي ياحسين
__________________3_______________

منـتـظر يـوم الطفوف يصير بيه
ولاتـفارگ عيـنـها عـيونـك رقـيه
والخيم لو عطشت بذيج المسيه
عينـي اعـصرهـا واشربكـم امـيه

مـاي اصير ألكم بـيـدي أخـدمكم
ياحبيبي ياحسين
__________________4_______________

ألّـحمـد لله عشـت يـا ابـو المـيامـيـن
الـيوم أعـيـد بكـربـلـه مـعركـة صفين
رايد وياي ابو فاضل چنه ابو حسين
حـتى نـگـلبها گـلب وبـرمـشة الـعـين

أنـت بـس أأذن وأحـنه نــتـصرفن
ياحبيبي ياحسين
__________________5_______________

رايد استـشـهد بـحـبك وآنـه مـمنـون
آنه عاقل بالعشگ بـس بـيك مجـنون
حتى لو سبعين ألف فوگي يسحگون
كـلـشـي يتـغـير وحـبـك مـايـغـيــرون

تجـري وي دمي ياضـوه حلمـي
ياحبيبي ياحسين
__________________6_______________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
الحسين مع العباس ( عليهم السلام )
[ حيره حيرتي ]

حـيره حـِيـْرتـي والْـتـمّـت الـناس
صـحت ابصـوت ماتـگعـد يعـباس
جرحي يصيح وياي
تـعـال واتـرك الـماي

أجـيـت الـصـوبـك اتـعـثّر الـك حـمـلـنـّي رجـلـيّــه
اجـيتـك للـنـهر شـفـتك ويـريـت عـيـوني مـعـميـه
شـفـت عيـنك سـهـم بـيـها ولحـيتـك كلـها مـدمـيه
وشفـت چفـينك اعـله الگاع وشلتهن خويه بيديـه

اگعدت يمك واشوفك حيل عطشان
يبـو طـول الحـلو چا ليـش گـصـران
أحس النار بحـشاي
تعال واتـرك الـمـاي
______________1__________________

أگعدت يم جـسمك وانظر جـراحاتـك يـبو الـغيره
واشوف جروحـك اهـوايـه وجـهي منيـن مااديره
واحس گلبي تعب حيله يـخويه جروحك چـبـيره
اول مـره حـيـلـي يـطـيح وابـقى بحـيرة الـحيـره

صعبه الأخو هيج ايـشـوف اخيه
جــروحـك ريـت يـنـدارن عـلـيـه
وتـرد للخيـمـه رواي
تعـال واتـرك الـمـاي
______________2__________________

آنـه حـسين أخيّـك گـوم صـعبه رجـعـتي الـوحـدي
زحـمه الـگـوم لــو شـافّــو ارجـع دمـعـتـي ابـخـدّي
گـوم ابـطــولـك اويــايـه وخــل چــفــيـنـك ابـيـدّي
وحـقـــك انــت يـالــعـبـاس مــاي الـحـيـل مـِتـبـدّي

عيـنك بيـها مـاي وصـابـو الـعـيـن
عـرفـو جـود عـينـك هـاي لحسين
بعدك بـان مگـفـاي
تعال واتـرك المـاي
______________3__________________

اشـيـلـك لـلــخـيـم خـايــف ألـچــمـنّـك يـالـمـعـتّـب
صـعـبـه وشـايـلـك بــيـدي وارد وتـشـوفني زيـنـب
وحقك خـويه طـاح الحـيل يمـك ظهـري هالـحـدّب
مو بس راس اخوك حسين گلبه عليـك هم شـيـيّب

شلون ارجع لزينب حاير شلون
يالـعباس تـذبح دمعـة ام عـون
هاي التـجرح هـواي
تـعـال واتـرك المـاي
______________4__________________

ياريـحة هلـي وروحـي التـراب اشـعنـده يم ثغرك
يـالعـباس يـالـغـالي السـهـام اشـعـدهـا وي صـدرك
اول مــره مـااكـدر ابــوسـك بــوســه مــن نــحـرك
لأن مــذبـــوح واويـلاه مــن عــمـري عـلـى عـمـرك

شفـت اعمـامـتك ياخويـه عـالـگاع
صحت آنه السفينه وطاح الاشراع
مثـلك يـاهـو وفـاي
تـعال واتـرك المـاي
______________5__________________

فدوه لعينك احچيلي ولو بس يا " أخـي "احچيـها
روحـي مـن العـطش ذبلـت وهـاي الچـلـمه تـرويها
يالمـاضگـت طـعـم الـمـاي ولـجـلي الـعـين عـاميـها
الـگــوم الــذبـحــتـك عــبــاس الــلـه لا يـخـلـــيـهـا

ارد شلون وحدي وزينـب هنــاك
يـريـت الـمـوت يالـعـباس ويــاك
صوت من الخيم جاي
تـعــال واتــرك الــمـاي
______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاتي زينب مع أبا الفضل العباس ع
[ دفعو الخيمه ]


دفـعـو الخـيمـه دفعـة الـباب
عوف النهر يحزام ابو اتـراب
عـبـاس الـحگ يـمـنـه سـلّاب ... يـاخـويه يـاخـويه

نـار وضـمه وخـوف وألـم
من طحت ماضـلت خيـم
يعباس مصيـبه

والسوط شيخ اعله المتن
وانــعــادت اعـلـيـنـه وإن
والاخيام سليبه

كاروك عبـد الله احـتـرگ
وگماطه گدامي انسـحگ
يعباس عجيـبه

گـدامـي مـذبـوح العـرف
ياخويه والـسبـعـين الـف
يصيحون غريبه

محتاره وين انطي الوجه وين
ومـنـيـن اجيـبن مـثلـك مـنـين
لا انته يـمـي ومـاكـو الحـسيـن ... ياخـويه ياخويه
______________1__________________

ايــتـام ابـو الـيـمـه تـره
بالهـيمه سبحه مطشره
والاجروح عشيره

وحسين متـطشر ضـوه
دم نـحره تـارس نيـنوه
والاجفوف گصيره

مـسـلوب منـه خنـصـره
وحافر يدوس بمـنـحره
والاسهام چبيره

راسـه بـرمـح چـابّـو الـي
وگـالولـي هـاچ اتفـضـلي
صُفيتي اسيره

الـشامـت يگـلّـي من ذبحنـاه
حـتـى الـهـدم مـنّـه سـلـبـنـاه
الحافر يدوس بصـدره عفناه ... يـاخـويه يـاخـويه
______________2__________________

كونك تـرد يا ابا الفضـل
وتشوف من جـابو هـزل
والاحبال بديـهم

وصـياح وجـروح ورعب
وازغار ماتـحـمـل ضـرب
يريدوك تجيـهم

فوگ الألم فـوگ الـجرح
كـلْـسـا يـعثـرون بـرمـح
والاسياط عليهم

ازغر طفل ظهـره انكسر
يــردونـك تعـوف النـهـر
يهظمك بچـيـهم

طـفــلـه رقـيــه مـن اجــوهــا
مـــن الــتــراچــي ســلّــبـوهـا
بنـت الـحـســين ومـا رعـوهـا ... يـاخـويه يـاخـويه
______________3__________________

رحلة جراحـات الـدرب
والشـام متروسه غـرب
وصلنا بجرح غار

طـبـيـنـه لــلـشـام ابتـعـب
والشوف من عدنه انسلب
دمـعـنه لهـب نار

وروس اخْوِتي فوگ الرمح
گــدامـنـه ومـات الــصـبـح
وگلبنه جمر صار

والــنـاس ماعـدهـم رحـم
عـالـرووس گـدام الـحـرم
يشمرون الاحجار

ومحبس اخوي احسـين شفـنـاه
بچف حرمله وصحنـا " حُسينـاه "
مــن شــذرتــه والـدم عــرفـنـاه ... ياخويه ياخويه
______________4__________________

كل سالفه وبيها الحـبل
ياخويه گـدامـي النـذل
يگلي الـسبـيه

والماي گـدامي انـشـمر
والشامت يگـلّي الـگـمر
ذبحته بأديـه

والدمعه بعيـوني جرح
شما التـفت الگـه رمـح
والاسياط عليه

وسوالف اتشيّب الگـلب
ياخويه والموقف صعب
والادموع جريه

وتـمـيل خـفـنـه تـوگـع الـنـوگ
ياخويـه صعـبه طـبت الـسـوگ
گلب اختك امن الشام محروگ ... يـاخويه ياخويه

______________5__________________

عيونك على عيوني تصد
يـافـكْـرتـي وكـوكـب ورد
دمـوْعـك شفـتْـها

وسـكينه تـنـظــر حـالّـِتك
مصـبوغه بالـدم شـفّـتـك
ودمه تسيل شفتها

ياخويه تچويـني الارض
اختك تعب منـها النـبض
والايـام عِــمـتْـهـا

عـباس يـا غبـشـة صـبـح
وشـلون حالـك عـالـرمـح
جروحك شـلتـهـا

ياخويه كلشي بـعيـني مـذبـوح
الفاگـد عزيـز بدمـعـه مفـضـوح
اتمنيت بالـطف طلـعــت الـروح ... ياخويه ياخويه
______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
نزال لأبي الفضل العباس ( عليه السلام )
[ ابو فاضل دخل ميدانها ]


أبـو فـاضـل دخـل مـيـدانـهـا
الله حـــيّـاه گــمـر عـدنـانـهـا

دخـل مـثـل الــهـوه
السمع صوته انچوه
يمـوت بخوفـه

شحـلاتـه من يـهـب
مـثـل نـار الـتــشـب
ثگيله چفوفـه

كـلف وگـت الحـرب
جـمـر غِـيْـره يصـب
دخيل حروفـه

العساكر تـشوفـه لمـن طـب للـحـرب
اعله مهره تنظره تخط رجله الـتـرب
كفيل الفواطم صعب فوگ الصـعـب

فرغت الحومه من فرسانـهـا
الله حـــيّـاه گــمـر عـدنـانـهـا
______________1__________________

أبـلـثـامـه ورايـتـه
الـزلـم مـن شافتـه
تـطـيـح گـبالـه

جـبـل مـايـنـحــني
صـلـب مـايـنـثـنـي
الحرب تحلالـه

تـبـخـتــر عــالـزلـم
كــفـو مــنـه ونِـعِـم
حسيني اعگاله

ِچِفـوفه اوسطْرِته سيوف اعله العده
بخـيامّـه شـحـلاتـه تـرف مـثل الـنده
مـشـيْـتّـه بـرهـاوه الحـسين يشـاهده

گبالـه طاحـت زلـم والوانـهـا
الله حـــيّـاه گــمـر عـدنـانـهـا
______________2__________________

گـمـر گــاصـد نــهـر
الجـرف مايـه عِـثـر
اعله متنه الرايه

مـنـو الـيـوصــل الـه
خـسـف كـل كـربـلـه
حسيـني الـغايه

شُـمــر بـيـده الـزلـم
علـى عـيـونـه رسِـم
الشـهامه اولايه

طواها بچفـوفه الارض طيّ السجل
العـساكر عـلـيها نِـزل راعي الـفـضل
وحچيهم يسـمْـعه مثل صوت النمل

لـلــمـراجـل أهـــو عــنـوانـهـا
الله حـــيّـاه گــمـر عـدنـانـهـا
______________3__________________

خِـرز بيـده الـزلـم
يطش بيـهـا ويلـم
گِلـب عالـيها

خزرته اعله الرگب
رمح شايل غضـب
خبط صافيها

الـشرد مـنّـه رجـع
الـركـب يـمه تِـگـع
يدوس اعليها

لوَن حل لثامه الضوه ايطش كل كتر
بيـمنـته فـقـاره جـمـر شــابـگ جـمـر
بـخـطوتـه التـرايـب لهـبـْهـا يـسـتعـر

الحومه طبها وكسـر ذرعانـهـا
الـله حـــيّـاه گــمـر عـدنـانـهـا
______________4__________________

نـزل للــمـــشـرعـه
ولـگـاهـا امـگبــعـه
الـزلـم گدامـه

نـشف ريـچ النـهـر
تـرس جوده الكمر
عطـاشى ايتامه

على المـهره اعـتِلـه
وتــشــاهـد كـربـلـه
شحلات الثامه

بـقـتـالـه وفعالـه منـو اليـگـرب اِلـه
بچـفوفـه البـراءه بِــدون البـسـمـله
بـو فاضـل ترسـها جـمـاجـم كربـلـه

بخزره وحده عِدل مـيـزانـهـا
الله حـــيّـاه گــمـر عـدنـانـهـا
______________5__________________

رجع صـوب الخيـم
وعلى متـونه العلـم
خفگ محلاته

مـنو ايـسـد الـدرب
وابو فضل صـعـب
علي بشمراته

مثـل لـيل اويـحـف
على الـسبعين الـف
رمح خزراته

الـعـسـاكـر نگــثـهـا مـثـل نـگْـث الـهـدم
الْـيـضـل ابـمكـانـه يـضل مـثـل الـرسـم
يـشـيـل الــمـنـاحـر كـفـو شـيـخ الـزلـم

الحومه عباس گِـلـب أوزانها
الله حـــيّـاه گــمـر عـدنـانـهـا
______________6__________________


#رزقهم_سلام_الله_عليهم
#احمد_رزاق_الاعرجي

ابا الفضل العباس (عليه السلام)
[ تـوأم الـفـقار ]


تــوأم الـــفــقــار چـفــيــن الـكـمـر
سـوالـفـه اويـ الله مـباشـر عـالنـهر
شايل بـراسـه عـلـي


عالـشريعه اتبـخـتـر بـعيـنه الـزعـل
طـفح بـركـان الغـضب والكـل جفل
وحتـى متـن الـگـاع من ثگله هـدل
زلــمـه زلــمـه اتـــرادمــو مــحــد وگـــف گــدامــه
الـشــاف خـزراتـه انـذبـح يـشـبه عـلـي بـلــثـامــه

نـِزل مثـل الصاعـقـه ومـاكو مـفّـر
سـوالـفـه اويـ الله مـباشـر عـالنـهر
شايل بـراسـه عـلـي
___________1__________________

هيـبــة حـسـين ونـزل مـثل الـهـوه
المايلوحه السيف من صوته انچوه
مثل طـوفان ودخـل طـف نـيـْـنـوه
صــارو السـبـعــين الـف مـثـل الـشـمـع بـچـفـوفـه
والــيـزامــط بـيــهـم ثـــيــابـه عــبـي مــن خـوفـه

كلها شافت بيـده مرسـومـه سـقـر
سـوالـفـه اويـ الله مـباشـر عـالنـهر
شايل بـراسـه عـلـي
___________2__________________

ضــهضـب العـباس والكـل ارتجـف
والچثث وصلـت لـحد گـاع النجف
گـال اجيب الـمـاي بسكيـنه حـلـف
امـــه بـــــدويـــه ويــــزامــط رايــــتــه عــــلاهــا
الـحـومـه چـانـت هـوسـه ظـلـمه من دخل صفاها

الْـجـود بـمـتونـه وفرات الله زغـر
سـوالـفـه اويـ الله مـباشـر عـالنـهر
شايل بـراسـه عـلـي
___________3__________________

كمـر هاشـم يفتگ بكيفه ويروف
صاح بيهـم والعـساكر كلها خوف
كمـر لكن ( غـير قابل للخـسوف )
راســه حـار وسـيـفـه حـار وكـلـشـي حـار گــبـالـه
والــشـمـر مـن خـوفـه صـار اسـود تـره من عگالـه

وشْـحـلاتـه ظـْـلـوعـهم لمـن كـِسر
سـوالـفـه اويـ الله مـباشـر عـالنـهر
شايل بـراسـه عـلـي
___________4__________________

سرفـن اردانــاتـه ســواهـم حـطب
ســيـفـه عـزرائـيل نـازل عـالـرگـب
والغضب مخلوق من عنده الغضب
رايــة الله وعــاشــگ الله وغـــايــة الله بــعــيــنـه
يفـدي روحـه وكل جروحه فـدوه لـجـل حسـيـنـه

وصهلت الشگره ورسم أجمل صور
سـوالـفه اويـ الله مـبـاشر عـالـنـهـر
شايل بـراسـه عـلـي
___________5__________________

مـن كـثر مـاعاشگ حسـين الكمر
خـله جـوده فـــارغ وجـاب النهـر
اسرع من الجاب بلقيس وْحـضـر
شـالـه مـن سـابــع ارض جــابـه سـحـل لــخـيـامـه
وشــاف الـحـسيـن ابـتـسمـله وهـايه كـل احلامــه

وگـله أخوي وگـدها وحـزام الظهر
سـوالـفـه اويـ الله مـباشـر عـالنـهر
شايل بـراسـه عـلـي
___________6__________________

#رزقهم_سلام_الله_عليهم
#احمد_رزاق_الاعرجي

[القاسم آنـه لا توصيـني]
قصيده للقاسم بن الحسن «عليهما السلام»

الــقــاســم آنــه لا تـوصــيـنـي
يـايمه مـن دم نـحري حـنّـيـني
مـا ارجــع الا وْبــالـنـحـر حـنّـه
هـالساعـه تسـوه الدنيا والجنّه

يـايـمه رايـح لـلحـرب وادعيـلـي بـالشــهاده
مـن والـــدي بــيـه الـعــزم والـقــوه والاراده
اخْـتِـنـگ بـالريـه الـهـوه مـن ابو اليـمه نـاده
هـل مـن مـناصر ياخـلگ ويـن اليريد امراده

سـاعـتـها عـندي اوصـيّة الـوالـد
حان الوگت والطف بُـقه ايشاهد
وصانـي ابـوي وعـد حـسن ظنّه
هالسـاعه تـسوه الـدنـيا والـجـنّه
_________________1________________

محلاها ساعه وهل أجت عرسي اشوفه بيـهـا
صـيـنـيـت الـزفـه نــحـر يـايـمه اكـتـبـي عليها
وشـموعـي وجّيـهـن دمـع والـحمد هـم اقـريها
محـلـه حـياتـي بـكـربلـه يخـلـص ذبـح تـاليـها

كلـشي نسـيت ابالي بس عمي
والد سُكـينه يـجـري وي دمـي
عـمري فـدوته حسين اعشگـنّه
هالساعـه تسـوه الـدنيا والجنّـه
_________________2________________

شنـهو الحياة ابلا طعم رايد ملوحه وراحه
خل انذبح فدوه لچـن يبقه الهوه بمـرواحه
هـالـناس منـجل شايـله عـالعنبر ومصباحه
والـصدگ مـا يـسلم ابد بس الصبر مفتاحه

وحسـين صـدگ الله و سـوالـيفه
والجـذب يركض عالصدگ سـيفه
والمـات عـالحگ بـيش اوصـفـنّه
هـالسـاعـه تـسـوه الـدنيا والـجنّه
_________________3________________

عنـدچ وداعـي مو سهل والصعبه من اودعچ
هلْـهلي لو شـفتي على صدري حوافر تـدبـچ
هالمـوقف أدري بي ذبـح عـالگاع راح يوگعچ
گـبالج يـرمـله مـا يضل سـالم كتر بي أبــنـچ

يايـمه كـلـشـي يـهـون لـلــغالي
رايـد اسـافـر واحـضه بـالـتالي
بـهـالروحه يـمه روحـي تـتـهنّه
هالـساعه تسـوه الدنـيا والجنّه
_________________4________________

وصــاني أذكـر بـالـزغـر ألـحـسـن عـن اخيه
گــلالـي يـالـقـاسـم ذخــر أنــتـه لـبـو رقـيـه
لـو شـفـت عـمـك مـخـتنگ بعيونه غاضريه
أدخـل بـروحـه مـي ورد من يقره هالوصيه

گـلالي هـاي اوصـيه يالقـاسم
قـدّم شـبابـك والنـحر جـاسم
وگله فـدوتـك روحي مو منّـه
هـالساعه تسوه الدنيا والجنّـه
_________________5________________

يايمه اودعچ ياوطن روحي الچبير الدافي
رايـح ومـااريد الـدمع يرسم حزن بچتافي
يايـمه لو شفـتي دمه وبصدري حافر غافي
شمـي الـنحر يـايمه لـو مـتغيـرات اوصافي

ادري الـعزيـز اِيِـمْوّت افراگـه
بـالـجـنـه آنـه ويـاچ نــتـلاگـه
نـرتـاح ونــرد مـثـل مـا چـنّـه
هالساعه تسوه الدنـيا والجنّه
_________________6________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
القاسم أبن الحسن ( عليه السلام )
[ هيه الورده انخلقت للشم ]


هـيـّه الـورده انخـلقت للْشم
چا ليش ابـني اتطـشر عـمره
بـچـفوف حسـين ومـايـنـلـم
والـحـافـر شمْـخـلي بـنـحـره
آه يبني

جـسـام ويـامـحـله ارسـومـه لـمـن راح
مايـدري بـگـلب امـه بـدونـه مـايـرتـاح
كل حيلي اتطـشـر بالخيـمه لمـن طـاح
صحت شگد چا روحك عمـيه يالذبـاح

هـو الــشـاف الـقاسم واجب
مـاترمـش عـينه او لا نـظـره
بـچـفوف حسـين ومـايـنـلـم
والـحـافـر شمْـخـلي بـنـحـره
آه يبني
______________1__________________

شفت حـسين ويعثـر چدمـه واتـعــنّاه
طاح بطوله حسين وحدّب كل مگـفـاه
چن اوليـدي ايگـول لعـمـه بـشهـگـة آه
فـدوه يـگـلـه القـاسـم لـجلـك يـاعـمـاه

شـما راد ايـحـمـلـه بچفـينـه
تــوگـع مــن الــقـاســم وذره
بـچـفوف حسـين ومـايـنـلـم
والـحـافـر شمْـخـلي بـنـحـره
آه يبني
______________2__________________

رد حسين ابحضـنه اوليـدي بالـعبرات
يارمله اتلـگيـني ايـگـلي اوليـدچ مـات
حيلي اتبده وامشي واعـثر بالدمـعات
خلاه بالخيمه وطفّه بچـفّه الشـمعـات

شفت عيونه اتـراب عـلـيـهن
وبراسه الطـبره اعله الـطبره
بـچـفوف حسـين ومـايـنـلـم
والـحـافـر شمْـخـلي بـنـحـره
آه يبني
______________3__________________

گتـله اگـعد يـبني وحـاچيني ياجـسـام
ليش بجسمك هالطعنات وگومه سـهام
يـالـما نايم مـره ابـدونـي شـلـون تـنـام
حاچيـني وخل اسمع يمه هـاي احـلام

حـاچـيـتـه وانـظـر بـعـيـونـه
وما حاچاني وهـاي الحـسره
بـچـفوف حسـين ومـايـنـلـم
والـحـافـر شمْـخـلي بـنـحـره
آه يبني
______________4__________________

گبالي اوليدي وانظر دمه اعـله الـتربان
وگلبي اتفـطر مـثل الْـحنّـه عالحيـطـان
چـلمـة يُـمّـه چـنت أسمـعها تـگول آذان
وآخر چلمه امن القاسم طلعت عطشان

ينزف جسمه شـما حاچـيـته
اتـراب ودم واسهـام بصـدره
بـچـفوف حسـين ومـايـنـلـم
والـحـافـر شمْـخـلي بـنـحـره
آه يبني
______________5__________________

صح عريس اوليـدي ... الـدينّه زفيناه
ابني بيوم المحشر راسي ايرفعه وياه
روحـّه انـطاهـا وفاطـم بـاجـر تتـلـگّاه
جـاسم ابـنـي كـون افـرحله وما أنْعـاه

خـل أمسح دمـعـات عـيونـي
بـس بـگـلبي تـضـل الـجـمـره
بـچـفوف حسـين ومـايـنـلـم
والـحـافـر شمْـخـلي بـنـحـره
آه يبني
______________6__________________


#رزقهم_سلام_الله_عليهم
#احمد_رزاق_الاعرجي

شاب ... ورضيع
القاسم ... وعبد الله (عليهم السلام)
[ شاب ورضيع بمهده ]


لحظه اموادع مابين ... شاب ورضيع ابمهده
گبل المنيه بلحظات ... تسمع ونين وحسرات
شاب ورضيع ابمهده


لـحـظة وِداع بـكـربـلـه ماتـشـبـه الـكـل وداع
مات الحچي بيهه
بيهـه التقت شمعة زفاف اويالمهد بالحسرات
والدمـعـه ترويـهه
صارت سوالفهم دمع جفن وجفن مو بلـسـان
بالسكته يحچيـهه
مالت الخيمه امن البچي وصارت تشم بيها افراگ
هاللحظه تاليهه

بالخيمه صاير كل خيط ... من هالـسوالف شـيبه
وكل خيمه من الخيمات ... تسمع ونين وحسرات
شاب ورضيع بمهده
____________1___________________

جاسم گعد يم المهـد وينظر لابـن عمه هـواي
ويـگلّـه أودعنّـك
رايح بـسـفـره ومــاارد عـبد الله يـا ابن عـمي
خليني أشـمّـنّـك
چنت امن أشوفك تبتسم افرح بگد ضحكاتك
وراح ابـتعد عنّـك
الكاروك تابوتك صبـح والـچفـن هذا گـمـاطـك
ادموعك يغسلنك

عبد الله رايح لـلموت ... وأرجـع بـلا أنـفـاســي
وتموت كل الضحكات ... تسمع ونين وحسرات
شاب ورضيع بمهده
__________2___________________

عبد الله فرفح بالبچي ومفهومه دمعات العين
ترسم جرح فرگه
عبد الله چفه بچف أبن عمه ونظرتـه لجـسام
متروسه بالخنگه
چنه يگله لو رحت هـذا الـهـوه الـبـالـخـيـمـات
من يخـتنگ حگه
رايد تفارگ ضحكتي وْترجع سليب الضحكات
خلّـي أمـل ملـگه

مـااريــدك اتـرد مـذبـوح ... وتـچويـك هـاي الغبره
ويجرح حچيهه الدمعات ... تسمع ونين وحسرات
شاب ورضيع ابمهده
__________3___________________

جاسم يكفكف بالدمع والحـسره بعـيونـه تـگول
للخيـمه مـاأرجـع
بالحـومه وبسيف النذل ينطبر راسي بـكل حيل
عبد الله واتـوقـع
وجروحي متروسه رمل والخيل تسحكني هواي
الحافر جلد يشلع
وأنظر أبوك بـركضـته يعـثـر ويـوصـلـني حسـين
يحملني أمـگـطـع

عبد الله والحـنّه تـمـوت ... وتـتبـده مـثل الجـربـه
والـــحـزن يـرفـع رايـات ... تسمع ونـين وحـسرات
شاب ورضيع بمهده
__________4___________________

جاسم يسولـف والمـهـد حيـله رِگـد ماضـل حـيـل
وضاع الهوه عنّه
گــلاله عـبد الله العمـر مايـسـوه مـن دون احسـين
سـيـدهــا للجـنّـه
شنهو العرس شنهو النفِس وحسين أشوفنه وحيد
وهالأمـر ما مِـنّه
عـود الـبخور اليـحتـرگ لو يـخـلـص يـمـوت رمـاد
ويْــمـوّت الحـنّـه

ماضل وگت حان المـوت ... بالـحـومـه ومـتـانـيني
والـصـعـبـه ودام شـمـات ... تسمع ونين وحسرات
شاب ورضيع بمهده
__________5___________________

هالخيمه عبد الله الجمر يحضنها حظـنت تـوديع
وكـل الـزلم صرعـه
ونسوان يسبوها وحبل يركـض ينـام اعـله الايـد
وشمات مـتجـمـعـه
وزينب تلم من حـايـره أطـفال لو جـسـم حسـين
وتستشـهد الفـزعـه
بس فزعة السـوط الصلـف فـوگ المـتن واويـلاه
وممنوعه أي دمعـه

والنوگ توجعني النوگ ... عبـد الله لـو جـابـوهـا
تچويني مثل الجمرات ... تسمع ونين وحـسرات
شاب ورضيع بمهده
__________6___________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاي علي الاكبر ( عليه السلام )
[ رسول الله رجع ]

رسول الله رجع والصوت ردد
بالطف هـذا الاكـبر لـو محـمـد
مصحف شايل بـعلـمه
مُحمد بس علي اسمه

حِـراء الغـار يـومــيه الـوحـي جـبريـل بـي نـازل
على طـه بـسـور قـرآن ومـن ثـگـل الـسـور مـايل
وبالطف غـار الأكبـر صار خـيمـة عمّـه ابو فـاضل
وحسين الوحي بالطـف يدخل بس عطـش شايل

أقرأ مايگـلـه يـگلـه بأحسـاس
منتظرك أباب الخيـمه عبـاس
علي والوالـد ايـكلـمـه
محُمد بس علي اسمه
______________1__________________

الـنـبـي بـالـغـار لا تـحـزن گـال الـصـاحـبـه اليـمّه
وبالطف قاسم العريس لعلي صاحـب وابـن عمّـه
بغار الخيمه مامش خوف بس چان الحذر حكمه
أهو عبد الله بيـهـم چـان يتـسـاوه أبـْالـف زلـمـه

يامحلاها گعده والحچـي الزيـن
علي وجسام گعدو ويه الحسين
زلمـه وگـعـد يـم زلمـه
محُمد بس علي اسمه
______________2__________________

طـلـع مـن غـار ابـو فـاضـل رسـالـه حـامـل بچـفه
مــثـل مـاي الـلـه خـطـواتـه وآثـار الـچـدم ضـفـه
مخـطّط سـوه بالمـيدان مو بـالسـيف بالـسـعــفـه
ولمـن گـام شـاف الـجـيش جامـد صابته الرجفـه

ضوه ايشوفونه ماشافو خياله
سيف أبچـفه وبگلـبه الرسـالـه
يمشي بهِيبِـته وعـزمه
محُمد بس علي اسمه
______________3__________________

عـسـاكر نـظـرتـه وصـاحت مـنو هذا الأجه علينه
بـمـشـيته يـقـره بالـقـرآن ؟ لـو نيتـه يحـاچـيــنه
مـو يـوسـف ولــكـن جـيـش لـمـن نـظـرو لـعـيـنـه
مـا جــرحُـو اصـابـعــهـم الـواحـد گـطـع چـفـيـنـه

من اعيونه مخـلوقـه البراءه
وگـام ايـرتـل اعـليـهم بـراءه
قـرآن ومـنـو يفـهـمــه
محُمد بس علي اسمه
______________4__________________

رسـالـه وگـام يـشـرحـهـا وكـلـهـا تـسـتـمـع لـيـهــا
خـيـام الـله خـيـام حـسـين يـعـني الـلـه راعــيهـا
الـيريـد ايتـوب خـل ايتـوب هيـه الـدنـيا تـاليـهـا
مـمـر لـلآخـــره وهـنــاك تــتــلاگـه الــزلــم بـيـهـا

اشما قدم نصيحه الهم يشاهد
واحدهم صـبـح لـلـدنيـا عـابـد
گـف اردانـه چـن عمّـه
محُمد بس علي اسـمه
______________5__________________

مــافـاد الـنــصـح شــافّـه گــام وســرفــن اردانــه
وسل الـسـيف بـيـمـينـه وگــام اتـطـيـح عـدوانـه
مـن الـخوف گـلـهـا تـصـيـح مـالـك فـتـح بـيبـانـه
عـلـي لــو هـذا ابــو فـاضـل وگـلـهـم لا عـلـي آنـه

راس براس طگ وعيونه تجدح
بسيفه مدري گـام بـخزره يذبـح
وروس القاده يم چدمه
محُمد بس عـلي اسـمـه
______________6__________________

#رزقهم_سلام_الله_عليهم
#احمد_رزاق_الاعرجي

لمولاي علي الاكبر ( عليه السلام )
[ بشّر يموت ]


بــــشـّـر يـمـوت
شو ماكو صوت
الاكبر حلوه سواها .... خبطها وبيده صفاها
بـعـيـونـــه نــار
ينــفـض شــرار
تـوزّر للحرب عازم .... والسبعين الف خادم
صارو مثل محبس اديهْ
................................

كـحـيل وراكـب كحـيـلـه
علي وفـقـاره كـل حـيلـه
وشد عصابة بيها ياكمر هاشم

شمس خجلت كمر ضايع
بجـمالــه ودنيـته بـــايـِـع
شافو مو علي شافو نبي قادم

سيفه بيمنته ... تخبل ضحكته ... وتذبح خزرته ... ولايه
ايطشرها ويرد ... يسـمع مـن بعُد ... يوليـدي اعـد ... هايه

شافه الكفيل
وگـله أصـيل
وناده گـدها يالغالي .... خـلـي شـويـه يبـقـالي
خلـصـو تـره
لـزمــو سـره
گاع الله اضن مالت .... تخافك صاحت وگالت
صارو مثل محبس اديهْ
__________1__________________

اليشرد راد مــن عـنده
تـيـــهَ روحـه والشرده
واليطلع سلـيم گـباله يـنزع ثـوب

الشافه اتحـير بــامـره
يذبح چــفه بالسطـره
وگالو عالعطش عنده گلب ايوب

شيمه ومرجله ... صـاحـت كربلـه ... ياميـة هـلا ... بـچـفـه
خـلاس الـزلم ... رادمـهـم ردم ... مـنـك والـنعـم ... عـِــفــه

بـچـفـه الــهــوه
مـــنــه انـچــوه
والشگره اصهلت بيده .... الاكبر والحرب عيده
شــاف الالـــوف
مـتـشبعه خوف
ليـل وخــيـم عـليـهـم .... مسـمـوعـه بـواجـيهم
صارو مثل محبس اديهْ
__________2__________________

علي سوالف ابو السجاد
ومحشر سيفه والـميعاد
وسورة هل أتى والواقعه چنـه

واحـد يحــجـي للثـاني
يگـله اتمنـه اموت آنـي
ولااشوفن علي الاكبر شبر عنه

طب الهم رعب ... والموقف صعب ... وانسد الدرب ... صاحو
فارسهم لـبــد ... من شــاف الاسـد ... مايـعبر جسـد ... طاحو

يهوه القتال
گول وفعال
گشخته سيفه واسم الله ... والـخالــق عـلـيـه صلـى
فوك الجــبين
باسه الحُسين
وشـد عمــامتـه ودرعــه ... دخل وتـشاهـد الـسبـعه
صارو مثل محبس اديهْ
__________3__________________

مثل رحـه ويفر بيها
ساعه يلمهـا يچفيها
الحومـه عنده طاسة ماي بچفوفه

يموت اليوگف بصـفه
واليشرد تجـيْ رجـفه
ويجيبه لو وصل بالشرده للكـوفه

مشاهـم عـدل ... ميـل ومايمـل ... خلصهم سحل ... بالطف
ترسم ضحكته ... لونه وشمرته ... وگلبـه بدنـيته ... مـارف

بــيـن الالـوف
وحده يطوف
وگـلبها بـصرفت اردانه ... خـورس كـلها عــدوانـه
داس الرؤؤس
سكته النفوس
گـلـب عالـيها سـافـلـها ... والـسبعيـن الـف كـلـها
صارو مثل محـبس اديـهْ
__________4__________________

رووس القاده هشمها
طـشرهـا وخـرز لمـها
عيونه تجادحت غيره غضب نازل

زلم؟ لامو زلم چنهم
بالسكـته سـوالــفـهم
گالـو طالع هـواي اعلـه ابـو فاضـل

خالسهم خلس ... كل خلفة امـس ... ماخله ضـرس ... ليهم
طلابه وماتفض ... زلزلها الارض ... بالطول وعرض ... بيهم

أول جـــمــال
مو بالخــيـال
محمد ثانـي بالحـومه ... نفضها نفضت هدومه
نازل جحـيم
لاهل الرجيم
وبگـرابــه يـصـفـيـهـا ... ولـلــبــرزخ يــوديـهـا
صارو مثل محبس اديـهْ
__________5__________________

بديهم والسيوف تصيح
من الخـوف گـام تطيح
گبل سيوفـهم طاحـت شواربـهم

گـض اعـنانهـا اتبـغـتـر
ابن حسيـن الـمـعــتبـر
گبـل لايذبـح بـكـيفـه يتــعــبـهم

عرگت گصـته ... وطفحت غيرته ... ورفت رايـته ... الخضره
وحسين ابتسم ... من شاف العلم ... ولصوب الخيم ... عطره

چـنه الـصباح
بعـيـونــه لاح
چم يوسف على عيـونـه ... شمسين الـ علـى مـتونـه
مصدر ضياء
ارض وسماء
يــشبـه نـفخـة اسرافيل ... بالــطـف دوره عـزرائيل
صارو مثل محبس اديـهْ
__________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لمولاي علي الاكبر ( عليه السلام )
[ دخيلك ياعلي الاكبر ]



دخـيلـك يـا عــلـي الاكـبـر

بالحومه دخل عــزريـل لو حـيدر
بنظراته غضب نازل على العسكر
وسيـفه بـالـمناحـر گـام يـتبـخـتر
هلا بتربات ابو فاضل علي الاكبر

اكحيل وراكب كحيله
الــگـرّب حـده ياويلـه
كلها تصيح اله دخيله ... عــلـي الاكـبـر

دخـيلـك يـا عــلـي الاكـبـر
______________1__________________

حرز من عمته زينب شـادّه بـزنـده
نازل ينطي كلـمـن طـينـتـه بـخـده
والــقــاده تــــدور درب لـلـــشــرده
وكل واحد شرد من عنده رد عنده

بسيفه وسطرته يذبح
بركان وغضب يطـفح
ســورة زلـزلـه يـشرح ... عــلـي الاكـبـر

دخـيلـك يـا عــلـي الاكـبـر
______________2__________________

ضهضب والرگب طشاها بچفوفه
مثل طشـت خـرز وصّـلها للـكوفه
المـاشـايف محمد شـافه بطـفوفه
من خطـواته كل الگاع مخـسوفه

روس الـقـاده شـمّرها
نـار الـحـومـه وجـّرها
الهامه بخزرته ايطرها ... عــلـي الاكـبـر

دخـيلـك يـا عــلـي الاكـبـر
______________3__________________

طگ عرج الهواشم طفحت الغيره
الكره الارضيه گام يشوفها زغيره
يطّيح ارگاب سـيفه لمـن ايـديـره
والسبعين ألـف لاگّـو ألـف حـيـره

يـخـبطـهـا ويـصفــيـها
ولــلــبــرزخ يـــوديـهـا
الحومه طاسه يچفيها ... عــلـي الاكـبـر

دخـيلـك يـا عــلـي الاكـبـر
______________4__________________

غيـره ومرجله وهيـبة علي شايل
ذو الفقـّار سيفه وابـد مـيـجـامـل
شايل غـيرة العبـاس أبـو فـاضـل
هـد بـركـان عالسبعين ألف عايـل

گض اعـنانـها الشگـره
الشافه وماگطع نحره
طلّع گـلبه مـن صـدره ... عــلـي الاكـبـر

دخـيلـك يـا عــلـي الاكـبـر
______________5__________________

يتـبـختر امـعـتـبر كـلِـف بالـحـومـه
بـالطـف الدروب بـسيـفـه مـلـزومه
الشرد من علي الأكبر طاح زردومه
كـلف يهوه القـتال ومفخره اعلومه

كل واحد لمس نحره
خاف انذبح بالخـزره
مـاشافـو ابـد ظـهـره ... عــلـي الاكـبـر

دخـيلـك يـا عــلـي الاكـبـر
______________6__________________

#رزقهم_سلام_الله_عليهم
#احمد_رزاق_الاعرجي