كعده : لأستشهاد الامام الصادق ع

بانفاسه الأخيره دمـوعه تجري
يگول بـكربـله اتـمنـيتـه گـبـري
بروحه تستعر نار يوم الغاضريه

جعفر الصادق وفـاته حـانـت وضـاگـت الـوسـعه
يگول كون اندفن بالطف دمعه تشرح حال دمعه
حالته كــلـش حزيـنه حـيـله ينـزف مثـل شـمـعه

تعبان بشـفافـه الضـمه
ودموعه من تهمل دمه
يبچي وينادي فاطـمـه
محني وچفوفه اعله ظلعه

بنظراته الأخير اتمنه يانـاس
بين حسين گبره وبين عباس
وگلبه من الحزن صار يوم الغاضريه

_________________________________

الباقر وكلشي حـچـاله عـالـطفوف شصـار بيـها
ذكـريــاتـه شـگـد ألـيـمـه خـيام وابـلايـه وليـها
وعمته زينب بالصحاري تشاگف السوط باديـها

من كربله كل حسرته
والدمع خضّب لحيـته
بخدوده ترسم دمعته
طـفـلـه تعـثر مـن بـچـيـها

حسره بگلبه من يذكر اخـيامه
مـاتبـقى على راسـه الاعـمامـه
وكلشي بدمعه تذكار يوم الغاضريه

_________________________________

على فراش الموت ينظر ماكو حافر فوگ صدره
ونحره سالم مايشاهد فوگ نـحره ثنـعش طـبره
ظلوعه ماكاسرها حـافر ومـنه مامـكـسور ظـهره

وبروحه عايش كل جرح
يتـمـنـى بالـطـف منـذبح
ويصير راسه اعله الرمح
وجـسـمـه كـل حـافـر يـوذره

الصادق صادق بصدقه وفعاله
وقصــة كربـله دوم اعلـه بالـه
كلشي يشوفه بالدار يوم الغاضريه
_________________________________

داره من حرگوها شاهد فـزعت عيـاله وتـذكـر
اخيام الحسين احرگوها والحرم حـفايـه بالبـر
لچن فزعو ناسه يمه وانــطـفـت داره وتـحـسّر

عمـاته ركضـن عالجـمـر
واطـفال عالخد تنصـطر
وبظلوع زينب چم كـسر
مــن ضـرب كـثـرت الـعسـكـر

ماظل حيل عنده وكـلشي ذابل
حاله شلون جـربـة ابـو فـاضـل
وگلبه الصادق احتار يوم الغاضريه

_________________________________

حيــل يـتـألــم يــنـازع هـايــه انـفـاسـه الاخـيــره
وناسه يمه وولده يـمه وگـلبـه شـايـل حـزن ديـره
يگول جسمي شلون سالم هاي حيره شلون حيره

لـحـسـين كـونـي احـتـرگ
وحـافر ظـلع صدري يطـگ
وكل جسمي كونه ينسحگ
وكــــون يـنــلــم بـحـــصــيــره

العنده جروح كل مغرب تشـوفه
امخليهن عـلى عيـونـه چـفـوفـه
وحمره تصير الانظار يوم الغاضريه
_________________________________

المصيبه :

بالدمع غمض اعيونه وخلصت انفاسه وجروحه
جعفر الصادق بحسره سكت صوته وهـدأ نـوحه
روحه بيها اسوالف الطف وبهدوء أطلعت روحه

كلشي حزن لجله بألـم
ركن الامـامـه وانـثـلـم
مات ودمعته عالخيـم
راح ابو الكاظم بجرحه وكلشي صار اظلم بدونه

_________________________________

#رزقهم_سلام_الله_عليهم
#احمد_رزاق_الاعرجي

قصيده لاستشهاد الامام الصادق عليه السلام :
[ ذابل عمره ]


كلشي بألم وبحسره
هالليله ذابل عـمـره
جعفر بداره العبـره ... وناره تسعر
...........................................
داره صفـت نـار وحـزن
وانعادت احداث الـ وإن
وحيله وگع من عنده

ينـظـر عـلى بـابـه الجـمر
بس ماسمع صوت الكسر
والدمعه جرحت خده

آهـاتـه كـلـهـا وحـسـْرِتـه
ترسـم ظـلع بـرويـحـتــه
عايش غريب لوحده

نار التشب داره طفت
وارمـاد تاليـها صـفـت
والحال يرسم شده
...........................................
وايده علـى الَعِمـامه
فـارگـهـا الابـتـسامـه
يحچي صعب كلامه ... وناره تسعر
______________1__________________

جعـفر الصـادق منـكـسر
گلبه احترگ خيط بجمر
وعـيونـه تـعِّــبـوهـا

شاف الشـماته بكل كتـر
واتـذكـر الطـف والـصـبر
والخيم من حرگوها

وشاف اهله حاوطهم رعب
بس ماكو سوط ولا ضـرب
ولا طفلته سـبوهـا

ولا شـاف اخــتـه تـنــولـي
وتـصـيــح ويـنـك كـافـلـي
ولاحـرمـته ولـوهـا
...........................................
ارماد الخيم بعيونـه
وكـل الألـم بـمـتـونـه
طـايـح وذابـل لــونـه ... وناره تسعر
______________2__________________

عـاش الألـم عـاش الـجـرح
كـــل مـغـربــيــه يـنــذبـــح
وبگلبه للطف جمـره

يــنــظـر لــداره مــحـــتــرگ
بس ما وصل صدره السحگ
وحافر يدوس بصدره

والــنــاس مـن فــزعـت الــه
صــاح ابـدمــوعــه كــربـلــه
والحـيل طـاح بكتـره

ويـگـول جـدي بـيــا ســبـب
حـتى الـهـدم منـه انـســلـب
واتراب تارس نحـره
...........................................
جعفر الصادق ينحب
ويصيح عمتي زيـنب
والرمـش مـنه شـيّب ... وناره تسعر
______________3__________________

يـتـذكـر ودمــعــه دمـه
وبروحه مرسوم الضمه
والنبض حيل امتعبه

طف كربله بگلبه جـرح
ويگول كله امن الرمـح
والشيّب تارس گلـبه

يمشي ودموعه اتعثّـره
شما ذكر سـبع الگـنطره
يـتبـده مـاي بدربـه

وسهام وسيوف وحجر
ما فارِگـن فـكـره ونـهـر
يم نهر طايح صعبه
...........................................
الحافر أخذ كل حيله
البـاقـر قبـل يـرويـلـه
سوالف الطف ثـگيـله ... وناره تسعر
______________4__________________

بداره گعد واعـلـيَّ نـظر
واخـيـام محـترگـه ذِكـر
واطفال تركض هيمه

وعماته ركضن عالجمـر
حـفـاي والــدنـيـا ظـهـر
وماضـلتـهـم خيمـه

والسوط يركض عالمتن
والدمعه والدم عـالـردن
وماصحّت الهم غيمه

كلشي انسلب حتى الدمع
والوضع مو نفسه الوضـع
وعالترب أهل الشيمه
...........................................
جـعـفـر الصـادق روحـه
يحس بيها چن مذبوحه
طاح اعله طوله بنـوحه ... وناره تسعر
______________5__________________

ولمن ذكر طـاري الهـزل
وچفوف مچتوفه بحبل
كل عينه صارت حمره

ترسم دمعتـه شگد ألم
من الخيم حـد الخيـم
وبروحه تسعر جمره

يحچي ودمع عينه يصب
زينب غريبـه اويـه الغرب
اصعب سفر هالسفره

زينب هـظـيـمـه ابـلا أهـل
وگـــبـالــهـا راس الــكـفـل
ولمن تنظره بحسره
...........................................
ويـگـول دمـعـي بـعـيني
مـن يــهـمــل يـچـويـنـي
وطـاري السـبـي يـآذيـني ... وناره تسعر
______________6__________________

مـن الـقـهـر گـال الـجـرح
زينب تطب سوگ الصبح
والناس تلتم كلـها

واحـد شـمـر عمتي بحجر
واحـد شتم سكنـه وقـهـر
كلش ثِگل حملها

بالشـام كل واحد صـلـف
يضحك وينظر مستخـف
وايتام ياهو الها

وجـروح وآهـات ونـزف
وعالرمح مرفوع العرف
شده ومنو اليحلها
...........................................
جعفـر وكـلشـي اتذكّـر
امحمـد الباقـر مـصـدر
كل ذكره يمشي ويعثر ... وناره تسعر
______________7__________________

#رِزْقهُم_سَلامُ_اللّه_عليْهِم
#احمد_رزاق_الاعرجي

يارب ارزقنا حضور مجالس الحسين عليه السلام بحق فاطمه عليها السلام /



مــحـرم قـــادم وأيـــامـه مــعـدوده
امحضر دمعتي ودشداشتي السوده
يــارب طـوّل بـعـمـري
اريد الطم على صدري
امحضر دمعتي ودشداشتي السوده

محرم گربت ايامه الحزينـه
اريــد اشـبـع نــوايـح
أنا الغرگان وحسين السفينه
وشوگي بگلبي طافِح

بالمجلس اعيشن اجـمل احساس
خصوصاً من يمرني طاري عباس

عزاء حسين كون احضى واحضرنّه
واجي لمجـلس ابـو السـجاد واتعـنّه
لحد ما ينحـني ظهـري
اريد الطم على صدري
______________1__________________

الهي بجاه زينب تدري بالحال
حـيـاتـي بالـمجالـس
ارزقـنـي الـدمـع ياراحـة الـبال
ربي ارزقني واهـس

ضميت الدمع للمجـلس الجـاي
مثل البـير لو رايـد يـضم مـاي

اهيم بعالم جروحي واعيش الهم
مــن أذكـر ســبايـا ونــار المـخـيم
هاي احوالي من زغري
اريد الطم على صدري
______________2__________________

كون آخر نفس بالمجلس ايصير
ومني تغمض العـين
واعاين ناس يمي ودمعتي اتدير
وآخر چلمه يحسين

عندي الموت هيج يكون محلاه
واسمـع هذا مـات ودمعـه ويـاه

الهي الدنيا مـن دون الـعـزاء هيـمه
شمس حر وضمه وماتنوجد خـيمه
وانتـه بـحالـها التـدري
اريد الطم على صدري
______________3__________________



#رزقهم_سلام_الله_عليهمَ
#احمد_رزاق_الاعرجيَ

ولادة سيدي الضامن
علي ابن موسى الرضا (عليه السلام) :



مولاي الـرضـا شـع نـوره ... مولاي الرضا
بميلاده الارض مسروره ... مولاي الرضا

شع نوره وخجل نور الشمس منّه
الشاف عيونه يعني شايف الجـنّه
مااوصف جـمالـه شـما گـلت عـنّه

كـمر واحـله بعـد
انخلق منه الشهد
الـمدد مـنه الـمدد ... مولاي الرضا

______________1__________________

هالفرحه چبـيره بمـولده يـانـاس
مولاي الرضا مـالِكْـنِي بالاحساس
هيبه من الزغر طالع عله العباس

نـوره اعله البـشر
سطع مثـل الكـمر
الفخر هـو الفخـر ... مولاي الرضا

______________2__________________

اللـيله بـمولـده نـرسـل تـهـانـيـنه
الآل المصطفى والفرحه تحدينـه
ونقره اللهم كن حافـظ المهدينـه

كــل دعــوه الـه
تـوصــل كـربـلـه
ابو الحب والهلا ... مولاي الرضا

______________3__________________




#رزقهم_سلام_الله_عليهمَ
#احمد_رزاق_الاعرجيَ

يوجد في القناة الكثير من القصائد غير موثقه وغير مقريه 👆👆

وفي الأيام القادمة إن شاء الله سوف
يتم نشر منهاج هذه السنة
التوفيق للجميع
ونسألكم الدعاء أخوتي
خدمة الحسين عليه السلام
لا حرمنا الله مجالس الحسين عليه السلام

#اللهم_ارزقني_رزقهم

ياصاحـب الـراي
شهر الحزن جاي
حــزّمـنـه مـولاي ... للخدمه

شهر الْحُسين وهالأِجت أيامـه
يـالمهـدي شـد العزم لـلّــطّـامه
حـج بمـحرم والـسواد احرامه

يا ابو صـالح هـيـمه
كلشي وانته الخيمه
كــل عـزاء انـقـيــمه
لـحـسـين ابـألـم

الـخدم من تـنظرهـا
مـنكـســر خـاطــرها
والـــدمـع غـــيّــرهـا
تبچي اعله الخيم

تـلـگــانـه عـنـوان
چن بيت الأحزان
واحـدنه عطشـان ... للخدمه
______________1__________________

ارزقنه كون الجـزع حـد مانوگع
خلينا بالحرگـه الـصدگ نتـگطـع
نـنـتـظـر عـام وبـالمـدامع نجمع

والجروح الـبيـنه
جمره وتچـوّيـنه
لمجـلـسك ودّينه
ياشمس الفجر

حيره يا نـظراتنه
أجبـر بكـسـراتنـه
ابكل حسينياتـنـه
نحتاجك تـُمـر

يـالـحزنــك هـواي
امن الخـيمه للماي
يـالـچـفـك افـيـاي ... للخدمه
______________2__________________

الما يـهـوه مثل حسيـن ألـمن يهْـوه
عـطـشـان يـبـقـى وابـد مـا يـتـروّه
الماحاضر بمجلس حسين أشيسوه

ياابو صالح كلـنه
بالمجالس صحنه
بـالحُـسـين آمـنّـه
قـرآن العشگ

الخدمه عالم رحمه
ونـور ما بـي ظلـمه
حسين أجمل نـعمه
كوكب للصِدگ

مـن دونه ميـتين
وعيّشـنه الحسين
يـا گـمـرة الـعـيـن ... للخدمه
______________3__________________

طول السنه ونـنـتظر شهـر الخدمه
أبدون المجالس كلشي يصبح اعمه
نـور الخِـدامـه ونـعمـه فوگ النعـمه

الخادم شمـحلاته
مـن تـهل دمـعـاته
وتنـولـد صـرخـاته
بعاشور الجرح

دموعه نار وتسـعر
حـگـه مـن يـتـطبر
غيـر عـشگـه اتوذر
وانشال برمح

شـهـر المـصـيـبه
شـهـر الــغـريـبـه
قــادم نـحـيـــبـه ... للخدمه
______________4__________________

مكتوب لجل حسـين فوگ انحـورنه
يحله التـعب واللطم فوگ اصدورنه
الراحه الصدگ نلگاها بس عاشورنه

يا ابو صالح حسره
للـحـسـيـن وجـمره
بالـگلـب مـسـتـعـره
لا ماتنخُمِـد

يالدموعك مـن دم
وبيـك نار أمـخـيم
وجرحك الما يلـتم
مآذينه البُعِد

بكل مجلس نصيح
بسـمك لـمـا نطـيح
والـدمعه تـسبـيـح للخدمه
______________5__________________

#رزقهم_سلام_الله_عليهم
#احمد_رزاق_الاعرجي

بسم الله الرحمن الرحيم ...
على بركة الله وبركة رسول الرحمه وآله الطيبين الطاهرين [صلوات الله وسلامُه عليهم]
سوف يتم نشر منهاج محرم الحرام 1443 هـ
تِـبـاعـاً .
نسألكم الدعاء لي ولوالديه
والدعاء بالقبول والتوفيق
وحفظكم الله جميعاً من كل مكروه

#رزقهم_سلام_الله_عليهم
#احمد_رزاق_الاعرجي

قصيده هلاليه
_______

يهلال المصايب ... رسمك من يـهـل
يوگع عالترايـب ... چم غالي وطفل
وتخنگ روحـي عـبره
رسـمــك مـن انـظـره
يهلال المصايب


من تـهـل اذكـر مصـايب كـربله وحرگ الـخيم
وألـبْـمهده الچان يغـفه ابمنحره غافي السـهـم
بيا ذنب گطـعو وريـده ازغـير عـمره ومـاسلـم
لـمّن اتـهـل چــم مـصـيــبه انـظـر بـعـيـن الألـم


تجرحها المشاعر ... مـن تطـلع تــره
واتـصور العاشـر ... وسبـع الگنـطره
جرحـك بيش ادبـره
رسـمـك مــن انـظره
يهلال المصايب

______________1__________________

آخ لــو شـافـتك عـينـي تـنـرسـم بـيــها صـور
خيمه محترگـه وخـواتي ينـچـوّن مـن الـقـهر
والكـفل ضعني اشـوفه بـاْگـه من عنـدي نـهـر
شما تصد عيني اعله غالي الكه ماعـنده نـحـر

بيك اشچم ضليمـه ... يهـلال الـحـزن
جم حرمه ويتيــمه ... يوجعـها الـمتن
جروحي الهسه خضره
رسـمــك مــن انـظـره
يهلال المصايب

______________2__________________

اجروحي تلچمها بـطلـعـتك واذكر المـا يـنـذكـر
عندي اصعب موقف آنه من يطگ طفله الشـمر
بسوطه يضـربها الـضـعيـنه وآنـه ماضلي فـكــر
يـاهـلال الـحـسره مـنّـك روحـي منـك تنـعـصـر

لمــن انظــر عليـك ... يلفيـنـي الوجع
زينب آنه احاچيك ... يهــلال الجـزع
شنهي بـعيـني تـقره
رسـمك مـن انـظـره
يهلال المصايب

______________3__________________

مـوقف اليـجرح كـفـيلــي وهــو نايــم عـالثـره
گباله اركــض وبـعـباتـي امـچـلّـبه طـفله ومـره
ونار تركض عالعـبايـه وصـحـت سـبـع الگنطره
چن شفــت يم الشــريعـه نــفـخ صــور وآخـره

ايلم ابحيله ويـطيح ... يـعـثر بالسـهم
واسمع زينب يصيح ... اعـذرينـي بألم
وآنه اركض بصحره
رسـمك مـن انــظـره
يهلال المصايب

______________4__________________

حسين ياويلي وحسـرتي موقفه هـوايـه صعب
طـايــح الـخــيـر وتــبـده بـگـاع مـليـانـه غــرب
وخيل تسحگ فوگ صدره وآنه تـيـهـت الـدرب
اگبال عينه اشچم رقيه بسـوط يوجع تنـضـرب

طاح الحضنـه دافي ... وآنه بـحيــرتي
مااريد احجي كافي ... توجع حـسرتي
بالطف باقي عطره
رسـمك من انظـره
يهلال المصايب

______________5__________________

من تهــل يهــلال أشـوفـن ذكــريـاتـي الـمؤلـمـه
وينهدم حيلي واطيحـن وانـت گاشـخ بالـسـمـه
بالحشر شـنهي الـتگــوله اشتعـتذر من فـاطـمـه
وانت مو ابيض اشــوفك وجهك يسولف دمـــه


كل عمري جراحات ... وهـمـوم وألـم
بعيــون الــسماوات ... نيـران الخـيم
وسوط وعبي وجمره
رسـمك مــن انــظــره
يهلال المصايب

______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ


وجّهتُ وجهيِ الك يالمهدي
رافع اديه ودمـعتـي بخـدي
أمن يجيب المضطر
الماعنده مثلك يعثر ... يالمهدي

انتهْ أبويه وامـي وانتـه ناسي
تِذْكُرني دوم وآنه مذنب ناسي
من غير ذكْرك ماتضل انفـاسي

ادورك ويــن وآنـه امـضــيّـع ادروبـي
أنه الضايع بـدونـك كـلـشـي مـاانـدل
أنه الـخـجلان مـن عـندك يـمـحـبوبـي
تعال شما "صحتلك" استحي واخجل

احلامي كلها بشوفت عيونك
انته الجواب الـ كلمـة شلونك
للخيـر انته المصدر
الماعنده مثلك يعثر ... يالمهدي
______________1__________________

عطشـان آنـه ومنـتـظر نظراتك
ياماي تروينـي بكـثر حـسـراتك
اعذرني من ذنوبي كل شيباتك

انا الـمشـتاگـلك والـمشـكله "ذنـوبـي"
مثل حبل "الـمشانق" مارضـت تنـحل
يـبـو صـالح الـك يـومـيـه مـكـتــوبـي
اكتبه وحيـلي يـوگع وگـعـة المـنشـل

عايش غريب وحسرتي حسره
وانـتـه الوطـن للضـايع بـعمـره
ياخيمة الله بكل بر
الماعنده مثلك يعثر ... يالمهدي
______________2__________________

ادّبـنـي يـالمـهدي عليـك الـزهره
من غيرك آنه ارماد فوگ الجمره
قـمـبرك سـوينـي ولـو بـس مـره

غريب انته لچن منطيني "ناس هواي"
ورغم كـل هذا عنـك مـلتـهي واغـفـل
شيبه بجنح نـورس گـمت "مـاانـشاف"
مـــن الــمــسـتــحى "وأبـابــك أتـأمـل

اشـمـا ابتـعـد عـنـك ارد يـمك
جروحي تفز من ينذكر اسمك
علمني اصيرن قمبر
الماعنده مثلك يعثر ... يالمهدي
______________3__________________

نادم أجيتك واطلـب اتـغـيرني
مبهـذل واريد بچـفك اتـرتبـني
ياسيدي ولا ما أظـن تـطردنـي

أخذ بيـدي أنا الاعمى واريـد اجـتـاز
هاي الدنيا ... "دونك" دوخة المـغزل
أذا مــاتــآخـذ بــأيـدي اروحــن ويـن
يـبـاب الله "الاخـير" وياحلول الـحل

كل جمعه اتمـنى خـبر عنك
كلشي بحياتي اعترف منك
دمعك نزيف المنحر
الماعنده مثلك يعثر ... يالمهدي
______________4__________________

ارزقني من حزنـك خيم محترگه
ارزقني منك حسره لو بس شهگه
اتمنى گلبي خيول عشره تسحگه

أدبـنـي بـرحـمـتك يـاحـنان "حـسـين"
وخــليـني بـطـريـقــك واحـد مـعـدل
أجرحك وارجع وبيه الأسف "طوفان"
حنين انته "وازعلك" وانـته ماتـزعـل

يامفزعي في كُـربتي انتـه
ياغوثي عِند شـدتي سكته
والعنده مثلك يكبر
الماعنده مثلك يعثر ... يالمهدي
______________5__________________

عمري جذب خلص ولا انتظرك
سيف الذنب كلسا يحز ابنحرك
آنه ابتعد وانته تجـيني بكـبْرك

كاعد وين هـسه؟ شـلون حالـك زيـن؟
مـا احـچـيــهـا نـاسـيـك وفـلا أسـئـل
جايك معتـرف مـولاي أنـه الغـلـطـان
وأريـدك بيـه انـته الـنـوب "تـتـكـفـل"

دمعي بوسط عيني الك كاتب
بمدرستك اتمنى انـقبل طالب
ودموعي نار وتسعر
الماعنده مثلك يعثر ... يالمهدي
______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ


يـافـاطـمـه يـافـاطـمـه

فاطمه المظلومه تحظر للمجالس
بيدها الدمعه تطيح البيها واهس
تكتب بوسط العزا هاي المـدارس
تسجل الخدام بـالدفتــر عـوابـس

يـافـاطـمـه يـافـاطـمـه
______________1__________________

لو بده الرادود يقـره بـالمـصايـب
تـفـتر اتـسـجل ألـخـدام وتراقـب
ألف هنياله الـ ولا فد يـوم غـايب
النتيجه الكبرى عد الزهره جايب

يـافـاطـمـه يـافـاطـمـه
______________2__________________

فاطمه بيوم الحشر ماتنسى واحد
تآخذ الخـدام يــمــها والله شاهــد
خيرها علــينه تــره بالدنــيا زايــد
فاطمه عدنـه العبـاده الـ بالمساجد

يـافـاطـمـه يـافـاطـمـه

______________3__________________

أخلص بروحك يمن تخدم أهـلـها
بـالـجنـون العابسي أتـوسل الـهــا
طلگ الدنيا بخـدمـتك گــوم گلـها
آنـــه روحــي فاطميه من اصـلهـا

يـافـاطـمـه يـافـاطـمـه

______________4__________________

ألف هنياله التسجل أسمـه قـمبر
هـذا بالـجـنه تـره جـيران حـيدر
شما تنوح اعله الزجيه نوح اكثر
حته باجر بالـقيامه تـعيش تگـدر

يـافـاطـمـه يـافـاطـمـه

______________5__________________

فاطمه نقسم عليچ بدمـعة العيـن
سجلينه خدم الكم طول الأسنـين
احنه خدامچ نـظل ويـاچ ماشـين
مانعوفچ وعـد هذا يـاام الحـسين

يـافـاطـمـه يـافـاطـمـه

______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
مولاتي فاطمه العليله (عليها السلام)

اللـيل أجاها ... وحيلها ايوازي الشـمـع
ورقه جابت ... رسـمـت بـحـبر الـدمـع
ظـعـن سـافر بالـخـيام
طـفلـه عافـوها العـمام
اللـيل اجاها

رسمه چانت حلوه كلش
بيها رسمت ضعن ابـوها
والبقه بخاطرها شـافت
بـالـضـعـن مـاصـعـدوها

رسمه چانت // بيـها احـداث السفر
رسمه چانت // قـهـر يرسـم بـالقـهر
رسمه چانت // بيها كـسران الـظـهر
رسمه چانت ...

الشيله نگعت ... بالـدمع رسـمـت خـيم
نـــار بــيــهــا ... وجربه مذبوحه بسهم
وأنسلب حتى الكلام
طفله عافوها العـمام
اللـيل اجاها
______________1__________________

هـوّد الـلـيل بـظــلامـه
والعليله تگض ظلـعـها
رسـمت بدمعـتها حافر
والـرسم كـلش وجـعها

والهظمها // رسمت خيـام وطفـل
والهظمها // تشوف بالرسمه حبل
والهظمها // بالرسم شـافت هِـزل
والهظمها ...

وبــرسـمـْهــا ... يابس تشوف النـهر
وليل يركض ... والاخـيام ابـلا كـمر
والـسلام ابـلا سـلام
طفله عافوها العمام
اللـيل اجاها
______________2__________________

بـالـرسم شـافـت رقـيه
برمحه شامت طيّحاها
تـعـثر بهـيـمه شْـكـبرها
والـعِـدا تُــركـض وراها

تموت رادت // شافت سياط الـمتن
تموت رادت // سوط من بزرت وإن
تموت رادت // دمعه والـدم عـالردن
تموت رادت ...

تصيح عـمه ... وين اروح اليا كـتر
والـمصـيبـه ... يـدور اعلـيها الشمر
وهيه مچويه الچِدام
طفله عافوهـا العـمام
اللـيل اجاها
______________3__________________

عـافـت الرسـمـه و تـدوّر
نـاگه نـاگـه ابهـيده چنهـا
اتشم بالاثيـاب الخـذوهـا
وحنّـت النوگ اعله حنْـها

تريد تنهض // تگـوم والنـوبـه تِـگـع
تريد تنهض // والـهـوه عـنها انگـطع
تريد تنهض // والـوجـع هذا الوجـع
تريد تنهض ...

تبچي سكـته ... والـيصــبُّـرهـا مـنـو
تبچي سكـته ... بنـيـه وتـفـارگ أبـو
تخاف من طاري الظلام
طـفـلـه عافـوهـا العـمـام
اللـيل اجاها
______________4__________________

للرسم رجـعـت تـعـايـن
ألحسين بكل خـشوعـه
طايح ودمه اعله طوله
وحافر ايكسر ظـلوعـه

خيل عشره // يركـضـن بـطول الجـسد
خيل عشره // وراسه عن جسمه ابتعد
خيل عشره // والـــرمـــل نـــار وأشــد
خيل عشره ...

كلـشـي يمهـا ... گـامـت تـشـوفـه رمـح
تموت شمعه ... من تجي شمس الصبح
بـعـد مـاتـگـدر تـنـام
طفله عافوها العمام
______________5__________________

تعاين الرسـمتـها شافـت
تل علْيه عمـتهـا زيـنـب
والسـياط شــگد عـليـها
والظهر من عدها حدّب

تركض اتلم // طفله طـفله مـن الغـرب
تركض اتلم // زينـب وتـركـض صـعـب
تركض اتلم // جسم اخوها امن الترب
تركض اتلم ...

اهـلال چنْـها ... وفوگ خمسين العمـر
والـمـصايـب ... دارت اعـلـه ام الخـدر
حافـر وتـل وسـهـام
طفله عافوها العمام
اللـيل اجاها
______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لـمولاتي العليله ( عليها السلام )
[ علمتني العليله ]

علمتني العليله
لذنوبي الثچيله
أنتخي بفاطمه الـزهـره
الخادم المذنب تحضره

لمن أبدي بكل قصيده
المستهل يلزمني بيده
وأرتجف من الخجل بـعيوني دمعه
والحروف أنظر عليها
فاطمه موجوده بيهـا
وكل حرف أنظر عليه مكسور ظلعه

علـمتـني آنـه أضــيـع بـغـيـر خـدمـه
والـمـربيــتـه الـعـليـلـه يـصـير زلـمـه
ومن وكتها أعرفت هاي النعمه نعمه

آنــه آســف أگلـها
ودوم أتوسل ألها
والـقــلـم يرسملي حبره
الخادم المذنب تحـضره

________________1________________

لمن أبــدي النـص الأول
من ذنوبي هواي اخجل
مستحي ودمعاتي جمره وتچوي خدي
وارجع أكـتب سامحيني
عـــلـمـيـني عـــلــمـيـنـي
ومـــن جـديـد ويـاچ رايـد كـون أبـدي

وأصـفن بروحـي وأگـول هوايـه نـادم
كون اعـيش ابلا ذنـب واتسمـه خـادم
الــلـه خـالـقــنـي تــره لـهـاي الــمـآتــم

كون احب المجالس
والگه باللطمه عابس
والذنب من روحي اشمره
الخادم المذنـب تـحـضـره

______________2__________________

آنه ضــايع دمـعـي طايـح
هوسه روحي وبيه صايح
والطريق بكل قصيده الگيتـه ثوبي
والـعــلـيــلـه تــدري بــيـه
دارت ذنــوبـــي عــلــيـــه
وخذت بيدي وطلعتـني من ذنوبي

عـلـمـتـنـي لـو طـحـت بــذنـوبـي مــره
بسرعه اگومن لو صحت فاطمه الزهره
وعلمتني الدنيـا دون حـسـيـن صـحـره

وعلمتني السعاده
والمجالس عبـاده
علمتـني الدنـيـا سـفـره
الخادم المذنب تحضره

_______________3_________________

علـمتنـي الصـبر كوكب
بالـگلب نـيـرانـه تلـهـب
مثـل خيـمـة أبـو فـاضـل نـار بيـهـا
وعلمتـني الأب محـنّـه
وجوه رجلين أمي جنه
والبـنـيـه ابلا أهـلـها تـمـوت أديـهـا

علمتـني اليـنـتظـر محبوبـه يرجـع
على بـاب الدار بس دموعه تـفـزع
لـو يـحن الـمـغـربيـه روحـه تطـلـع

علـمـتني قـضيه
مااعوف الزچيه
والجـروح الـبـيه تـبــره
الخادم المذنب تحضره

______________4__________________

مـن بديـت بهـالـقصـيده
البيت الاول مــن أعـيده
آنـه مـن غيـر العـلـيـلـه گــلبـي ضـايع
كون ابدي بصفحه بيضـه
وأركض بـروحي المريضه
لمجلس الزهراء وأبچي التسع أصابع

كون أموت من البچي وينكسر ظهري
بغـير مجلس فاطمـه مـاأريـده عمري
دمـعتي الرزق الحقيقي وهيه ذخري

أدبتـنـي بدمـعـتي
وكبرتني بسـُمُعتي
وتدعي يارب زيد عمره
الخادم المـذنب تحضره

_____________5___________________

علمـتـنـي بـكـل صـلاتـي
أدعـي لاخواني وخواتي
وأدعـي يارب كون تـرزقـنـي بمـجـالس
وأدعي يرزقـنـي المدامع
وأن يـرزقـنـي التــواضع
كـون أمـوت وثوبي الأسود أبقه لابس

علمتــني الحب قضيه وعالم احسـاس
واليحـب قلـّـه النـشوفـه بزحمة الناس
وماكو عـاشـگ علمـتنـي مــثله عـباس

عـلمـتني بدايه
ماكو بيها نهايه
وروحي صارت كلها خضره
الـخادم الـمـذنـب تـحـضـره

______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1443 هـ
لـمـولاتي العليله ( عليها االسلام )
[ هالـروحه هـايه ]

هـالــروحـه هـايـه ... تـرســم نـهــايـه
طـفـلـه وعــلـيلـه ... ودمـعـي سـبايـه
عيوني صارت حمـره
بگلبي عاشت حسـره
تـرســم نـهــايـه

اشـوف اضعـوني تـتـحـزّم تريـد اتسـافر ابدوني
وتـرسـم دمْـعِــتـي بـعـيـني وحـدي لا تـخـلّـونـي
هلـي ادخيل اللّه شـوفـوني امــوتـاً لو تـعوفوني
ازغيْـره وكل هجر خنـجر بـعدكـم يطعـن عيوني

اشوف النوگ واتحسّر
وگلبـي بـنبـضه يتـعـثّر
جرحي امن العمر اكـبر

انــظــر خــواتــي ... اتــشـم بـعـبـاتـي
وحـيــلـي تــهـدم ... شــلّـي بـحـيـاتـي
جروحي هاي السفره
بگلبي عاشت حـسره
تـرســم نـهــايـه

______________1__________________

شنو الباقي واضل يمّه واشوفن كل ضوه مْسافر
هلي لو بالضـعـن سـرتـو اضـل ابكـسـرة الخـاطـر
امس چان شحـلاته الليـل ويـذبـح ليـلـكـم بـاجـر
اباوع عـالضـعـن والحـيل خيـمه ابـلـيلـة الـعـاشـر

نـار الـبـيّه مـســتــعـره
يـهـلـي والـعـمـر فـتـره
اخذوني عليكم الزهره

ازغـيره ودمعـتي ... مسحت ضحكتي
لـو رحـتـو عــنـي ... ابقـى بـحـسـرتـي
وكلشي يصبح صحره
بگلبي عاشـت حسـره
تـرســم نـهــايـه
______________2__________________

الضعن بي والدي تعبان گعدت أگبـاله من شـفْته
وعيوني خذاها الـشوگ بعـيونـه وبچـت سـكْـته
وحاچيته ابدموع العين وسـولـف مـحله سالفْته
واعاين نـحره واشتـمـّـه شيـخ ومـلـك طـايـفْتـه

حنين ودمْعـته اعلـيّـه
وكل ظلـوعـه محنـيّـه
وخلّه اجفوفه بـيديّـه

خــيـمـه أشــوْفـه ... فـدوه الچـفوفـه
بـنـظـراتـه يـشرح ... قـصّـة طـفـوفـه
حيلي خـلّـص عـمره
بگلبي عاشت حسره
تـرســم نـهــايـه
______________2__________________

راحــو ونْـظـر اعـلـيـهــم وايــدي تــنـرفـع گـــوه
ومــن بعـيد اشـوفنـهم ظعـن بالدمـعـه يـتــچـوه
وبقيت امتانيه اعله الباب يرد ظـعن الـمشـه توه
بـقـيـت ابـيـت أحــزانـي ومـاضـلـت الـي سـلـوه

اعاين داري چن هيمه
الوگت نار وأنه خيـمه
الزمن مايرحم ايتيمه

وحدي اعله بابي ... ودمـعـي بـثـيابـي
منــتـظـره اهـلـي ... بـحـزني وعذابـي
روحي بـيها الـجمره
بگلبي عاشت حسره
تـرســم نـهــايـه
______________3__________________

يـومــيـه أفـِـز بـالـلـيل مـرعــوبـه وگـلـب حــايـر
بـاحـلامـي اشـوف حـسـين مـا يـنـلم وذر صـايـر
واشوف بصدره گومه سهام ورمح من الكفا عابر
وراسه اعله الرمح شالوه وگلبه انـشـال بالحـافـر

وخنصر ضاع من عنده
اوتـراْب ودم على خده
بجـروحـه بـقـه وحـده

حـجـار بـجـبـيـنه ... و امْــسـلِّـبــيـنـه
عـــاري ابـــويـــه ... واسـمـع ونـيـنـه
بـكـربله طـش عطره
بگلبي عاشت حسره
تـرســم نـهــايـه
______________4__________________

بأحـلامـي الخيـم طـاحـت ونـار اعـليها مـتحـزمه
وشفت عمتي تلم ازغار والهيـمه اصبـحـت ظلـمه
وسـوط بـكـل مـتـن گاعـد وكـلـهـا تصـيح ياعـمّـه
وزينـب حـيـل مـتـعـوبـه وكـلـهـا عـلـيهـا مـلـتـمّـه

يريت اويـاهـم اخذونـي
وســوط ايـورم امتونـي
وامشي ودمعي بعيـوني

بـس ما خـذونـي ... مــن ودعـــونـي
كـل روحي ذابت ... چـنـهـم جِفونـي
صبري ملْ من صبره
بگلبي عاشت حسره
تـرســم نـهــايـه
______________5__________________

يــومـيـه رســايـل شـوگ اكـتـبــهـا بـدمـع هـالـي
لبوي حسين اخبرنّـه واطمنه بْصحّـتي وبـحـالـي
لـچـن فـوگ الرمـح راسـه يـقـره شلـون مرسالـي
ومرسـالي يمـوت بـساع لـو شـاف الرمـح عـالـي

چـم مـرسال كـاتبـتـه
مثل الـمنـذبـح سكتـه
ومن ادموعي وقعـته

ومـــارد عــلــيّــه ... مـنـتـظـره جــيّـه
يـرجـع ظـعـنـهـم ... مــــن الــمــنــيــه
وتنطـفي كـل جـمره
بگلبي عاشت حسره
تـرســم نـهــايـه
______________6__________________


#رِزْقهُم_سَلامُ_اللّه_عليْهِم
#احمد_رزاق_الاعرجي