[محرم]


محـرم جـايـنـه يـاسيـدي وشـوف
مـجالـسنه القلق ماخذها والخوف
نـظـره يابـو صالـح عـلى الـخـدام
_________

مــروتـك يالحنيــن .... عـلــيك ام البـنيـن
خـل تـــرجـع مــجــالـســنـه وبـــچـــيـــنــه
اويــاك مقـــصريـن .... وكـلــنـا مــذنـبـيـن
وشــهـر حــســين ســاتـر كـلـشـي بــيــنــه

نـعرفك ماتـردنـه ... حدر بابك گعدنـه ...
غيرك ماكو عدنه ... وصال
نـآذيــك بذنــبنـه ... بمدامعنـه كتــبنه ...
يبو صالح تـعبنـه ... تــعال

جـدك عــاري بــس ســاتـر الـوادم
غــطـه ذنـوبـنـه لـعـيـن الــمــآتــم
بمحرم عدنه حج ونلبـس احــرام
نـظـره يابـو صالـح عـلى الـخـدام

_____________1______________________

مــن غــير الـبـچـي .... ماصـخ كـل حـچي
تـلــوگ دمــوعـــنـــه بــعــاشــور مـــرهـــم
وعــيـــــونــك تــره .... تــحــلـه الـمـگــبره
بـــعـيـن الــفـاگــد حـــســـــين ومـــحـــرم

دنــيا بـلايــه معنـه ... لــو مــا انـت ضـعـنه ...
النملگـه بس دمعنه ... ودعاء
بدعـه گالــو النـوح ... غير حسيني مذبوح ...
مايـدرون بـالــروح ... عــزاء

مــن دون المـجـالـس دنـيا سـوده
أصعب چـلـمـه عـالـخادم العــوده
يــتمـنـى مـحـرم مـو شــهـر عــام
نـظـره يابـو صالـح عـلى الـخـدام

_____________2_______________________

گــالــو هــالــســنه .... الــعـاشــر هـل دنــه
بــس مـــاكــــو مــــجـــالـــــس لا رواديـــد
خـــدامــك بــچَوا .... بــيـــك اتــأمـــلــَـوا
دگـــو بــابــك وكــــــلــهـــم مـــگــــاريـــــد

بابــك ماتـــســده ... الــخادم انت عنــده ...
تمسح دمع خــده ... السليم
يعرفك انت گدها ... چفـك بس ضــمدها ...
تنـطـي وماتـردها ... كــريم

مثل المجتـبى سفـره اعلـه سـفره
اليسلم عليك يـرجع بـيده حضـره
اليحضى بصحبتك بي ريحة ايتام
نـظـره يابـو صالـح عـلى الـخـدام

_____________3______________________

رايـــد انـــــشـــدك .... مـــــن يــتـفــگــدك
ومـــنــو يــسأل عـلـى احــوالــك يــغـايـب
يـا أجــمــل وطــن .... وسـلــطـان الــزمـن
بــس الـــوحــدك مـــا تـــلـــگــه صــاحـــب

يـسـالـــوفـة مـحـنـه ... الك عـايـز وطــنــه ...
الرصـيف بـدم تحنـه ... سكوت
الشــباب اتبـاوع الها ... الگبـر صايـر اهلـها ...
شـما نـذكــر أجـلــهـا ... نـمـوت

كــلـشـي اتـوقـف وانـت التـحلـها
الحاجه تنـطـلـب بـس مـن اهـلـها
احچيــلـك مـصـايــب جـور الايـام
نـظـره يابـو صالـح عـلى الـخـدام

_____________4______________________

بــدونــك هـالـوضـع .... سـالـفـتـه شـمــع
يـبــچــي ابـلايـه صــوت دمــوعــه يــمـه
واحنـه الـنــحـتـرگ .... ومـدفـون الخلِـگ
مــاضـل حـــيـل وتـطـــيــحـنـه نــســمــه

تعال أشتـاگت الـعـين ... حلها لخاطر حسين ...
بينه الخوف ضـعفين ... نضـيع
صيـف الدنــيا مـولاي ... تـعـال وجـيتك ماي ...
عطاشه ونظرتك هاي ... ربــيع

عيونك لـلنـظرهـن تســوه نـهـرين
تـروه بشوفـتك خــدام الـحــسين
ســـاكـن كربـلـه مـانـدري لـو شـام
نـظـره يابـو صالـح عـلى الـخـدام

_____________5_______________________

اســمــعــنـك تـــون .... وتـگـول بـحــزن
الــزمـن يـوگـف لــخـاطـر هــالـخـــدامـه
بـكــل مجـلس أنــه .... احـضر كــل سنه
والـبــي عـلّــه يـــطــلـــع بــي ســلامــــه

كلشـي يهون ويهـون ... بس لاتزعل أم عـون ...
يفرحوهـا اليلطـمـون ... اكــيــد
وتجي الزهره بحزنها ... تواسي حسين ابنهـا ...
مـجـالــسكـم وطـنـها ... الجديد

هنياله العــقـيده عـنـده واحسـاس
رساله وكـون توصل لاقـرب الناس
التـفـتو لأبـو صالح عوفـو الاوهـام
نـظــره يابــو صالـح عـلى الـخـدام
_____________6______________________

هذا مـا افاضـهُ
صاحب الزمـان " روحي فداه "
على الخادم احمد رزاق الاعرجي

قصيده بمناسبة استشهاد الامام الصادق عليه السلام "

" راح "

راح ... والـد الـحـب والـــعــلِـم
راح ... نــجــمـه وبــرمشة حلم
ناسـه يبچون تجري العيون


جعفر الصادق هالمــسـه غمـض چـفـونه
والسم اشخلـه بچبـدتـه ومخطوف لونه
چـانت امنـيـتـه لـكــربـلاءه يـشيـعـيـونه
ولدفنـه تحضـر فاطمـه اتغـمض عــيونه

چان ... الدمـعه يجريـها ألـم
چان ... أباله متغـيب الخيم
لزينب ام عون تجري العيون

______________________1__________________

قـبـل الـمنـيه بدمــعـته وكـل ناســه يـمه
اوصيته چانـت سـوو مجلــس لبو اليـمه
بآخـر نفــس يـبـجي ويـون وينوح علـمه
خلـص حـيـاته كـربلـه لچـمـه اعـله لچـمه

ناح ... كل حجـر لمـصيـبته
ناح ... عمـره يبچي لعـمـته
ويذكر متون تجري العيون

__________________2________________________

كــاتب وصـيتـه بــالحـزن لـلـــكاظــم أبـنه
بثوب الي بـي ريحة سبي يجهزه ويچـفنه
وبالمقتـل وصوت الحــزن كـون الــيلـقـنــه
والشيــعــه صاحـت وبـقـهـر شـايـل وطـنـه

ليـل ... الدنيا من دونه تره
ليـل ... على شيعـة حيدره
الجعـفريون تجري العيون

___________________3_______________________

چـــان اليـناظــر هيــبتـه يـفــقد صــوابـه
من قبل لا يســأل شخـص ينـطي جـوابـه
بـايــع الــدنــيا بــآخـره والـــكــل يـــهـابـه
عـلــم الانــسـان بــعــلــم عــلــم الــطـبابـه

عاف ... الكيمـيا بيــها جـرح
عاف ... والاحـياء ابلا صبح
عـَـلـَمِ الكون تجري العيون

__________________4________________________

صـاحــب الافــكار وحِـكـم ومنـاظـر اللات
لا ماخضـع رمـشـة بــصر ويـســولف آيـات
والسبحــته بيـها شچـم جـرح للـفاطمـيات
ودمـوعـه كــل لـيلـه تــمـر عالخـد سبـيات

آه ... الفيزيا تبچي وتــون
آه ... والضوه بعده بسجن
يرحل شلون تجري العيون

__________________5_________________________

رايــح شبيـهه الـمرتـضى والدنيـا تـنـعاه
الـكاظم يــفــسـر دمـعـته يـتـواره ويــاه
لمــن يعــايـن عـالابـو يـنـادي حــسـيـناه
الصــادق أهـل يـمـه وولـد وانـت غريباه

صاح ... شنو فايدته العمر
صاح ... بـدون آذان الفجر
لايـدفـنون تجري العيون

___________________6___________________

الشاعر
احمد رزاق الاعرجي

رابط القناة الرسميه على اليوتيوب للشاعر احمد رزاق الاعرجي
الاشتراك فضلا وخدمة للحسين عليه السلام

https://www.youtube.com/channel/UC4lZACDVLKEYetAPd-MGpow

يوجد في القناة الكثير من القصائد غير موثقه وغير مقريه 👆👆

وفي الأيام القادمة إن شاء الله سوف
يتم نشر منهاج هذه السنة
التوفيق للجميع
ونسألكم الدعاء أخوتي
خدمة الحسين عليه السلام
لا حرمنا الله مجالس الحسين عليه السلام

#اللهم_ارزقني_رزقهم

بسم الله الرحمن الرحيم ...
على بركة الله وبركة رسول الرحمه وآله الطيبين الطاهرين [صلوات الله وسلامُه عليهم]
سوف يتم نشر منهاج محرم الحرام 1442

نسألكم الدعاء بالقبول والتوفيق
وحفظكم الله جميعاً من كل مكروه


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ

[حـلم عـابر]

حـلـم عــابــر شـفــت
خـُلص عمري ومـتـت
مـحـتـار ... بامـري
محـفـور ... گـبـري
شـفـت ... شـفـت

بـالحـلم چـن آنـي ميـت وأهلي يبچون
گـالـو اخـذوهـا الـجـنـازه لـلـيـغـسـلون
غســلوني وآنـه ابـاوع تبـچـي الـعـيون
شگد صحت هذا آنـه يمكم مايسمعـون

على الچـثـه اركضـت
أفــــــززهــــــــا ردت
وأحـتـار ... فـكري
محـفـور ... گـبـري
شـفـت ... شـفـت
_______________1__________________

شــالـو الــتــابــوت والــدمــعـه جــريـه
أســمـع يـگـولـون خـن نــزوره خـطـيـه
آخـــر زيـــاره ألــه لـــبـــن الــــزچـــيــه
وصارت الخنگه اعله طولـي غـاضـريـه

بوگتـهـا شگـد خـفت
عـلي دخيـلك صحت
قـد بـان ... ذعـري
محـفـور ... گـبـري
شـفـت ... شـفـت
_______________2__________________

زورونـي كـربـلـه وبــسـرعــه يـمــشـون
چـني مـو ذاك الـعـزيـز لـدفـنـي يـردون
وصـلـو لـگـبـري وتـراب اعـلـيْ يـهـلّـون
وتالي عافوني وصحت لاويـن تـمـشون

بــقــيــت أبــلا أهـــل
وأحـس مــتني هـدل
ودفـــان ... حـدري
محـفـور ... گـبـري
شـفـت ... شـفـت
_______________3__________________

ألـگـبـر بـيـتـي صـبـح وأظـلـم زمــانــي
وفـجـأه لـن مـنـكــر اشـوفــنــه أجـانـي
وگــام يـسـألـنـي وخـفــت لـكـن ثـوانـي
أجـه شــاب وعـطــره بـخـر لـي مـكانـي

سـمـعـتــه مـن گــعـد
أجـيـــتـك عـالــوعــد
وعينـاي ... تجـري
محـفـور ... گـبـري
شـفـت ... شـفـت
_______________4__________________

شفـت ويـاه شـايل اغـراضي الـجـمـيله
گـلي هـاي الـخـدمـه جـانـتـلـك وسـيـله
جـايـب اشـعـاري ودمــوعـي عـالـعـقـيله
گـتـلـه مـا اســتـاهـل ذنــوبـي ثـــچـيـله

أسـتـحـيـت ودنــگـت
رفــع راســي شــفـت
ودگ فوگ ... صدري
مــحــفـور ... گـبـري
شـفـت ... شـفـت
_______________5__________________

مــن الـحلـم فـزيـت ودمـوعـي چـونـي
حـسـين گـدامـه انچـفـيت وبيده لمنـي
باسنـي براسـي لخدمـتي وهم حـضنـي
وگال كل خـادم احسـبـه حـساب ابـنـي

وصــيـــتــه لـلـخــدم
أخــدمــو ابـلا سـهــم
وأحساس ... عـذري
مــحــفـور ... گـبـري
شـفـت ... شـفـت
_______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ

[ عاشور ]

عاشور بيك شچم محنه
عاشور أسمك يـــفجعنـه
بيك اعزاز تسافر
يذبح يوم العاشر

أنـه الزهـره وأسـولـف مـحـنـتي ويـامـن
فـوگ الــعـصـره كـل جـروحـي مـاهـادن
عـيـونـي ودمـعـتي مـجـلس لــطـم رادن
عـلـى ولـيـدي وبـنـاتي البـالـدمـــع راحن

مخنوك صدري بعبراته
مخنوك لأبني وطبراته
وگلبي بالـ هم حاير
يذبـح يـوم الـعاشر
_______________1__________________

يـعاشـر بيـك چـم لـوعـه وهـظـم تحـمل
بـيـك الـطـاهـــره زيــنـب دمـعـهـا يــهــل
اوبـعّـبايـتـهـا چـم طـفـله وجـمــر يخـتل
والـــنـار بــخــيــمـهـا صلـفــه لا مــتـمــل

والنار تركض عالخيمه
وازغار تـچويـها الـهيـمه
مكسورين الخاطر
يذبح يوم الـعاشر
_______________2__________________

اجيت ومحنـي ظهـري وجرحي هيجته
الــفاگــد بــالــدمــع والــــونـه سـالـفـتـه
وتشوف چفوفــه تـلـزم دوم خــاصـرتـه
بـتـجـاعـيـده يـبـيـن مـنــكـسـر ســكـتـه

ماشوف بـعـيـوني الـتـجـري
ماشوف ضل شي من صبري
ياهو مثلي صـابر
يذبح يوم العاشر
_______________3__________________

اكـابـــر عــالــجــروح وحـزنـي تـعـبــنـي
امـشــي بـكـربــلــه واعـــثـر أريـد ابــنـي
فــراگ حســين مـوش الــبـاب شـيـبــني
الـسـلّـب خـنـصـره وخـيـمـاتـه سـلــبــني

چـم آه وتـحـز بكـلبي
ويــلاه ماانـدل دربـي
بصدر حسين الحافر
يـذبـح يـوم الـعـاشـر
_______________4__________________

اجـيـت حـسيـن اشـوفــنـه عـلى الغبره
وأگـله أگــعــد يـيــمـه بـــداعـة الـزهـره
حـاجــيـني يـبـعـد أمـك تـره الــحـسـره
تـشـل أعـضـاي يـبـنـي وداعــة الــحــره

يـــاروح أمـك يالـغالي
مجروح يـاراحـة بـالي
مذبـوح وِابـلا ناصر
يذبـح يـوم الـعـاشر
_______________5__________________

حــسين شـلــون وحـده باقــي وبـلا فـيّ
وعــطـشـــان ووثـلــث تــيـام يــم الـمـيّ
الله جــاعــل امـن حــسـين كلـشـي حـيّ
الـحـياه بحـسين مـوش بــمـاي ذاك الريّ

يـانــاس عاري مسلبيـنه
ابلا راس وحـده مخلينـه
كلشي يّبـين باجر
يذبح يوم الـعاشر
_______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ
[ ياهِـلالاً ]


ياهِــلالاً أَقــرحَ الــظِـلـعَ الـكـَسـيِـر
وبِــهِ الـحُـزنُ الـى الـدُنـيا ســفـيِـر

يــاهِـلالاً اِذ عَــلَا قَـلَـــبُ الــسـمـاءْ
وجــهُـهُ امَــسـىَ دُعــاءً لِــلَــبُـكــاءْ
لِـلــَبـرَايــا شَـــرهُ فـــي كـــربــــلاءْ
مِـثـلَ يِـومِ الـحـشرِ شـرًُ مـُسـتَطَيِر

_______________1__________________

يـاهِــلالاً يـومُـهُ فـيِ الـطـفِ صـار
جَـمـعُ رَبــاتِ الــخِـدُورِ كــالـنِــثـار
وخِـــبـــاءٍ صــــارَ لِـــلــنــارِ مَـــزار
أُكــلُـهـا كــَانَ حـَيـاةَ كَــم صـغــيِر

_______________2__________________

يــاهِــلالاً مِــنــهُ كــم نـــَاديـِـتُ آهَ
كــ نِـــــداءِ زيــــنــبٍ أيْ وآأخـــاهَ
مُذ رأَت صَدرَ الحُـسـينِ واَرتـقــاهَ
ذاكَ شـــمــرٌ أِنــهُ يــــوُمً عــسـيـِر

_______________3__________________

زيَنـبَ الَحوراءِ فيِ جوُفِ الـَظَلام
لِلحُـسينِ إِخـتَـصَـرت كُـلَ الـكَـلام
يـا أخَـيِ زيَــنـبَ مِـن دونِ خـَيـَام
والــعـِـدَا لــيـسَ لــهـُم أيَ ضَـمـيِر

_______________4__________________

يــاهِــلالاً لِــلـجِــرُوحِ الــَـنـازِفـات
فـيِ قُـلـُوبِ البَـاقـيِـاتِ الَصَالِحَات
مُــذ بَـقِـيـنَ فـيِ هِجُـومِ العَادِيَات
دوُنَ خِـدرٍ أُو حِـمَى أُو مِـنْ نصيِر

_______________5__________________

يـاهِــلالاً حُـــزنــهُ حُـزنٌ يــطــول
قُــدّ فــيـهِ قَـلـبُ زَهـراءِ الـرَسَـول
مُذْ رأت جـِسمَ الحُـسينِ لِلنُـصُـول
طُـعُـمـةً ولِــلـــجِـراحَـاتِ أســـيـِـر

_______________6__________________


#رزقهم_سلام_الله_عليهم
#احمد_رزاق_الاعرجي



مُسَتطِير / أَيْ شَرٌّ مُنْتَشِرٌ فيِ كُلِّ مَكَانٍ
العَادِيَات / الخَيِلُ الجَارِياَت
لِلنُصُول / حديدةُ السَّهْمِ والرُّمْحِ والسيفِ

منهاج محرم الحرام 1442 هـ
الامام الحسن (روحي فداه)

[ يـأول حب ]

يأول حـب عشـگـته عـلى الفـطره
الكـرم منـك عرفـته أخــذ شــمـره
يـالـحــسن بـابـك چبـير
بـيــتـك بـگــلب الفـقـير


مُـضـيـفك يالحـسن تاريـخـه مـابـي بـاب
وسـيفك بـيـته چـفك بيـته مـوش گراب
يـسلـطـان بــزمانـه ويـگـعــد اعـله تـراب
خـطـارك يـجـي مُــلــحـِـد يــرد مـحـراب

قـريت بكـل حـياتك عـلـي ثـانــي
يـمـحلـه ذكـريــاتـك يـــقــــرآنــي
اللـيـل يشـهد والـشـعير
بـيـتـك بـگـلـب الفـقــير
_______________1__________________

يـــالــتـشْــبـه ابـــوك بــكـل حــرب كــرار
يــاوراث مــحــمــد عـِــلــمــه والافـــكــار
الـزمـن يــوگــف دهـر يـم بـابـك ويـحـتار
ســوالـيـفـك مـحــنْه وبـــالـــشـدد تــنــزار

كلـف محد يوصـفك يبـو الـنـخوه
كريم شگبره عطفك والـــــمـــروه
مامـشـيت اويـهْ الـحـرير
بـيـتـك بـگـلـب الــفــقـير
_______________2__________________

يـبـو ســـود الــدِلال وگـلــبـك الــعــنـبــر
چــبــيـر ورايـتــك بـيــضـه وكــرم اكـبـر
خــطــارك يــجـي مــذنـب يــبِـن حــيـدر
بـْمـضـيـفـك مـن يـطب يطلع مثل قـمـبر

عظيم ومنـزله وجاه الـــهـلا انـتـه
الـيشــوفك گلك الله يـســالـفـتــه
ملـك وفـراشـك حـصـير
بـيـتـك بـگـلب الـفــقــير
_______________3__________________

يـل نــارك ابـــد مــاتـِخـمـد تــضــل نـــور
مــن گــد مــا كــريـم ومــاتــرد مــكـسـور
انـطـيـت الـقـاسـم وتــدري يــرد منـحـور
وصـحت يالـيـتني عايـش لـحــد عـاشـور

نـزيـفـك لــسه بـعـده لـبـو الــيـمــه
لان ضل عاري وحده ودمـه جسمه
بـحـضنـه مـتـوسد زغـيـر
بـيـتـك بـگــلـب الـفــقـيـر
_______________4__________________

يـالــحِــزنـك شـســولف عـنـه وبـيـا حال
يـالشـايـل حـزن خــيمـه وحـرم واطفـال
تــوُجـَع روحـك ســوالـف سـبـي واحبـال
والـسـوگ الـيـهـظـمـك والـيـچـوّي الـبـال

ودواوين المــصيـبه ألــم يـــذبـــح
زيــنـبـكم غــريــبــه الحچي يجرح
وانـت لـجـروحك اســير
بـيـتـك بــگــلـب الـفـقـير
_______________5__________________

يـا أجـــمــل وطـــن يــا والــد الــقـاســم
بــدارك چــم مــلــك يـاســـيــدي خــادم
جـبــريــل الـيـخـدمــك تــعــرف الــوادم
يـــابـــو الــ يــاهـــلا لـــلــرايــح وقـــادم

احزامـك مايعـوفـك عـلـى ظـهـرك
يالمّـعـزب ضـيوفـك دمــه نــحـرك
والـيــريــدونـه يــصـيـر
بـيـتـك بـگــلب الـفـقـير
_______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ
[ بالمجالس فاطم ]

بــالــمـجـالـس فـاطـم
تــنــظــر لـكـل خــادم
نــيــتــه عــزاء

الـزهـره تـحـضـر كـل عـزه بـظـلوع مـحنـيه
كـل خـادم تـعـايـن الـه وتـدعـيـلـه يــومـيـه
والـ كـلـشـي عـاف وهـمّـتـه يحـضر بلطـميه
أتـْسـجـل أسـمـه عابـس وروح الحـسـيـنـيه

والــيـرائـي تــشـوفــه
تـعرفه بـس متـعـوفـه
أتْـخُصه بـدعاء
_______________1__________________

نـظـرة الـزهـره لـلــخـدم لـلـيـخدم بْــنــيـتـه
الـخـادم صـدگ اسمه انكتب زهرائي تربيته
حـمـزه الـزغـير يـخـتـنـگ وتـردلـه عـافيـتـه
لـو يـقـره عـالـزهـره بـدمـع وبـصوت حنّيـته

هـالـمـجـالـس نـعـمــه
يــاحـــلاة الـــخـدمــه
بـدمـعـه وبـكاء
_______________2__________________

أبـاب المـجالـس فـاطـمـه والـخادم تـْشـوفه
وتگول أزغـركـم تـره بـالـحـفـره مـااعــوفـه
يـصـيـرن منـاير بـالگـبـر دمـعاتـه وچفـوفـه
ويصـيـر گـبره اكبـر وطن واكبـر مْن الكوفه

أم عــزاكــم تــحْـضـر
بـالـگـبـر والــمـحْـشـر
مـيْـضـل عـنـاء
_______________3__________________

أُخْـلـص لـمن تـخـْدم لـهـا وذنـوبـك امحـيها
لـتْـغـرك الـدنـيـا وْولـد صـفـحاتــك اطـويـها
اعـمـل بـهـالـدنـيـا لـچــن لاتــنـسى تـالـيــهـا
واخـدم الزهـره وحـصـل الخدمه ربح بـيـها

خـلـه بــالـك صــافــي
مــن ذنـوبـك كـــافــي
عــيـش بـوفـاء
_______________4__________________

عـابس تـشـوفـه بـاللـطـم وبحرگـهْ بالـمأتـم
بـس مـايـصلـي المشكـله وناسـي ولا مهتـم
فـاطـمـه طـگ مـنـها ظـلـع والـعالم أتْـيــتـم
لـجـل الـصـلاه انـطـت وِلـدها والكفو يفـهم

الــمَـلـتـزم فـي ديــنـه
عـابـس بـنـص عـيـنـه
وأهـل الكـسـاء
_______________5__________________

الـزهـره متـْحب الـزعـل بـيـن الـيـخـدمـوهـا
زحمـه الـزعل بـيـن الخـدم ياناس افـهموهـا
بْـأرواحـكـم نــار الــزعـل بـالـخـوه طـفـوهـا
تـفـرح الـزهـره بـالـصـلـح زحمـه تــزعلـوهـا

الـخدمـه حُـب وخـوه
ورحـمـه هـــم ومْـروه
بـْشـده ورخــاء
_______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ
[ عشـگ صدگ ] …


الـگـلب نـُبـَض خدم خـدم
عـشـگ صدگ لأبو الشيم


عاشـگينـه وراحـه لحـسين التـعب
الخدمه عدنا أغله من ماي الذهـب
امـتـحان الـخدمـه واليـترك رسـب

يامـحله اللـطم لحسين يسوه الدنيا والبيها
خـدمـه ومـا أظـن خـدمه للـعـز هيـچ تاليها

الدمع نــــزل طُفه الخيم
عشگ صدگ لأبو الشـيم

_______________1__________________

الخـدمه نعمه ونزلت اعله العالمين
چنـها سـورة فـاتـحـه لأم الـبــنـين
الـخـادم سـوالـف ضياء الصالحين

مو كلـمن صبـح خـادم أكو يخــدم چــذب نيته
بس شوفوني بالمجلس واكو يخدم وسط بيته

العُمُر يُــمُــر مثـل سـهم
عشگ صدگ لابو الشيم

_______________2__________________

الدنيا مـو شمرت عصا يمكن اقـل
والـمـجـالـــس عــالـم ابــلايـه أزل
كوكب حسيـن الشبـيهـه ماحـصل

عِباده عدنه كل مجلـس وْواجب صارت الدمـعـه
الرايد كلـشي مـن حسـين يـطـلب والله ميرجعه

الطلب أخـــذ نـعـم نِـعـَم
عشـگ صدگ لابو الشيم

_______________3__________________

ياحـلات المـجلس بلـطم الصـدور
الخادم اتسـجـله الزچــيه بالغـيور
هالمـجالس نعـمه ولـحد الــظـهور

مــن يطــلع أبو صـالح نـسوي الـتـعـزيه أكـبــر
مجـلــس واحـد ونــلتـم ويـقره حـمزه عالمنبر

وعـزه ضخم نعيشه هم
عشگ صدگ لابو الشيم

_______________4__________________

ثوبـي الاسـود بالقيامه يضوي نور
والنِفــس في كـل مجـالسـنا بخـور
الخدمه هيه الواسطه بيوم العبـور

بالمــحشر تجـي الخـدام كلـمن شايـل اكــتـابـه
وعــنوان الــكـتاب هـنـاك آه يـحـسين ومصابـه

هــــلا يصيح وحي القلم
عشگ صـدگ لابو الشـيم

_______________5__________________

البـي عطر من المجالس والدمـع
بـالـگــبر مــاينـكسر مــنـه ظــلـع
والــدمـع لحسين يصبحله شمـع

غــير حــسـين ماعـدنـا ولانلـگه ذهـب مـثله
الدنيا ابلا خدمته تصير سوده وعيشة الـذله

الحزن لجــل أبـو القــيم
عشگ صدگ لابو الشيم

_______________6__________________

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ
السيده العليله (روحي فداها)

[ لسـه منـتظره ]


لــسـه منــتـظـره قائـم الزهـره يجي ليـه
امحضره هدومي وأنتظر گومـي يــعلــويه
واوصـل حسين بعبـرتي وأسـتراحن من غربتي
ليـه


اني ذيــچ الـ بـالمدينه معـلعله
وتنتظر مرسال من طف كربله
وحـدي ماأندل أبـوي واوْصلـه
ولِـحـدِ الآن مــنـتـظـره الـهــلا

أنـتـظـر لآخــر زمـن
يجي يدليني الوطن
وبْعيونه ابن الحسن دموع
اعـرف ألـمن هالدمع
من دمــه وماينسمع
هو مثـلي مـنـفـجـع يلـوع

عـيــنه مـدمــيـه لـوالـد ارقــيــه عـمــر يـنحب
بگصته مرسومه خيمه وهمومه واســم زينـب

وبالوجـه تكـبـر صفنتي وأسـتراحن من غربتي
ليـه
___1______

عمره مِثْـلي انتـظار وچـم جرح
مبــين المـتعوب يبـقـى للصـبـح
دمعه من ينزل اشوفن بي رمـح
حگـه والله غير ابويـه المنـذبـح

شـلون اوصـل كربلـه
شلون الاگـي العـايلـه
والله صعبـه المسألـه اشوف
المنتــظر هـم ينتـظُر
أمـُـر مــن ربِ الأمـُـر
وآنـي تعـبنـي العـمـر طفوف


نـظره محتاجه من أبو الحاجه الگـطـع بـيـه
حالتي صـعبـه عيشتـي بغربـه وأنــه بـنـيـه
يمتـى ترجع لي ضحكتي وأسـتراحن من غربتي
ليـه
___2______

مـا اعــاتــب لـو وصـلنــه نـيـنـوهَ
بـس اگلهم وينه عبد الله الـضـوهَ
هم صدك نحره بسهم حار انچوهَ
ومن عذب ماي الله مات وماروهَ

حيلي مـتـبدي وعلي
شلون احاچيهم هلي
وآنـه محد ظـل ألـي عجيب
يابـو صالـح العـجـل
أنت باقـيلــي الأمـل
فاطمه تشوف الاهل قـريب

روحي توجعـني ياهـو يسمـعني الحزن هيمه
وحدي مخنوگه روحـي محروگـه مثل خيمـه
وحافر بعيني دمعتـي وأسـتراحن من غربتي
ليـه
___3______

يـمـتى أفـزن وأسـمع أبـابـي يـدگ
وأركـض بكل حيلي وبفرحه صدگ
وترجـع الـبـسـمه ويـرد ذاك الخلـگ
وأفتح الباب واشوف أبـن العـشـگ

المـنتـظر يمـكن وگـع
أبابي مـن گـد الجـزع
شاف بي متني انطبع يــنـوح
من كـثر مــاأنـتـچــي
أبـابي ألـوان البـچــي
وذكرياتـي والحـچـي وجروح

والحـلم عنـدي جيّت المهـدي وْيـدگ بــابـي
وأسمع بحسره يبچي عالزهره وْعلى مصابي
وعيـنه ترتـاح بنـظـرتـي وأسـتراحن من غربتي
ليـه
___4______

لسـه بـهـدومي عـطر چـفـه الحـنـين
وعندي سجادة صلاته وسبحه طين
شما أطـلعـهن تجــيـنـي أم الــبنـيـن
تگـعـد ويـاي ويــسـاعـدنـه الـونـيـن

وأنـعه راحــو مـا أجـو
وحدي عافوني ومشو
أتـأخـرو كــلـش بـطـو أصيـح
وأســمــع أم الأربــعـه
حسين مثلـي مّْـضيعه
تــقـرا ســورة واقـعـه وتطيح

ذكِـره عافـوهـا يـمـي خـلـوهـا جراحـاتـي
غُربتي ونوحي منهـم جروحـي وعـِبـاراتـي
يمتى أخْلص من حسرتي وأسـتراحن من غربتي
ليـه
___5______

أختم حچايـاتـي هالـمـره بـصـبُـر
آنـه والـمـهـدي ســويـه نـنــتــظُـر
عـَـجِـل الـلـــهــم يــاراعــي الامُــر
رايــده ارْتــاح وْأشوفـه مِنتــصُـر

يآخـذ بثـآر الـــوطـن
وثآر ظلع أم الحسـن
وبيـده يحكم هالزمن چبيـر
وبــالارض يـنـثـر ورد
ويــقـره آيـات الحمـد
وعيسى وياه مستعد يصير

هايـه أمنـيتـي وكـربلــه بـيـتـي أنـه أتمنـه
كـربـلـه الغـايه وشوفــة الـرايـه تــره جـنه
وتـنـتهـي يمهـم سـفـرُتي وأسـتراحن من غربتي
ليـه
___6______

#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ
السيده العليله (روحي فداها)
[ بــاجـر ]

باجر ... اهلي يْسافرون وابقى وحدي
باجر ... بس الذِكره مِنهم تُبقى عندي
حيره النوم من عـيونـي مبيوگ
نـامـو اهـلي وآنـه اتـفگـد النوگ
بــاجـر ... بــاجـر

كلـها نامـت والـظلام ………… صـاير بـعـيـني سـهـام
وابـچـي سـكــته ومــا انـام شـلـون بـيـه
اشــتـم هـدوم البنات ………… والـحـياة ابـلا حـيـاة
شـلـون بـاجـر لــو يــجـي ويـمـر عـلــيـه

مـحـتـاره بـالـدمــوع …… باجر وين اضمـهـا
الــرُوحه تنچفي ماي …… يـاهـوهْ الــيـلِـمـهـا

يـالـيـل .... لاتـسـتعجـل بـطـلعــة شمـسْنه
وشلون .... لو راحو هـلي وابقـى بأمـسْـنه
الفـرگـه تريـد حيـل وحيلي وينه
يـاوسـفــه الابـو افــگـد حـنـيـنـه
بــاجـر ... بــاجـر
_______________1__________________
ناگه ناگه أتــفـگـدت ……… وشـفـت كـاروك ومــتـت
يـعـنـي مــعـقـولــه گــلــت لا يــازمــانـي
حتى عبد الله الاخو ……… يـعـوفنـي وأبـقـى لـمنـو
وآنـه هـمـي يـكـبـر بـحـضـنـي وحـنانـي

منـها وشـيـب الراس …… وين الراحه چاوين
راح ابقــى للــجروح …… والـشـمّـاتـه والبـين

والناس .... مـاتـرحـم غـريـب وفاگـد اهـله
وآنـــــه .... راح افگـد هـلي ومـتروسه عله
مـن هـسـه الهـوه يبْـدي النـياشـين
چا شلي بحياتـي وضـعني ماشـين
بــاجـر ... بــاجـر
_______________2__________________
رحت لهدومي وبچيت ……… ورتـبـتـهـن وانـحـنيت
وردت اخـلـي هدومـي بـضعـون العـقيله
وخفت ليـطر الـصـباح ……… طـفـله مكـسورة جناح
ورحــت يــم الـنـوگ اريــدلـي وســــيلـه

ترجف ايدي چا ليـش …… وانـفاســي ثگيـله
خاف يشوف الحسين …… شتـسـوي الـعلـيله

ياريت .... ميـتـه والله يآخذ روحي وارتاح
بس لا .... اسمـع ضـعن ابـويـه حـمْل وراح
والله اتـحـيـرت والـحـيـره تـذبـح
وبعـيني دمـعـتـي بسـرعه تفـضح
بــاجـر ... بــاجـر
_______________3__________________
طفْله اسمـعها تنـوح ……… وروحي ماظل بيها روح
اتـقربـت لـنــهـا رقــيه تــشـمْ عـبــاتــي
يختي گلتلها شْـبلاچ ……… وليـش مـطـْيتنـي گفـاچ
گــالــت تـْـظــلـيـن انـتــي وذكـريـاتــي

وهْــنانـه الـدمع صار …… يچْوي جْفون العيون
گـالـت حاچي عباس …… خـلـيـهــم يـــقــبلـون

والــروح .... هــاجـت كـل مـواجـعـها عـلـيه
وبچيـت .... يامـحــلاهـا مــن گـالــت رقــيه
وتـروحـيـن ويـانــه بـسـفـرنـهْ
ميردلـچ طـلـب عـباس عـمـنـهْ
بــاجـر ... بــاجـر
_______________4__________________
ريـت بـاجـر لا طـلـع ……… گـلبـي مـن عنـده انـشلع
يـــارقــيـه تـْحــيــّــريــت وراح اعـــانــي
راح ترحون وامـوت ……… عـثـرة الـفـاگـد ســكـوت
راح اضل مـسـجـونـه بـلـ چـا ماخــذانـي

احسب نـجمه نـجمه …… ويخلصن واعـيدن
وأگولـن راحـة البـال …… بـس الــكـم اريـدن

مـااريد .... بس كـون الظـعن سالم والحسين
والعيد .... مـن اسـمـع ابـويـه يـگـلي ترحـين
حـضري هدومـچ وفرحانـه عينـه
الهـودج هذا اصـعـدي ويـ سكيـنه
بــاجـر ... بــاجـر
_______________5__________________
مو عــلـيله وبيـه حـيل ……… والله فـرْگاهـم ثـگـيل
الـمـن ابــقـى والاعـــزاز ابــلايــه جــيـه
مـتت حيره وبيه خوف ……… ارد اموتـن بالطـفوف
وكــون ويـ عمـتي الجـمـر يحرگ بـديــه

كون اعطش والِاسهام …… تترس جسمي كله
وحافـر يسحـن الروح …… نــار الــبــيـه عــله

راحـــو .... چـلـمـهْ تـكـسر الـخــاطر يـويلي
ضليت .... ليـل وشـامت يْــهـدمـون حيـلـي
ومـن هسـه الجـروح تْغثني أكثر
بـعدهـم يمـي والْحـسـرات تـكـثر
بــاجـر ... بــاجـر
_______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ
السيده فاطمه العليله (روحي فداها)

[ البير شامت ]

الْبير شامت بويه وين احـچـي الْمـحن
والْــدلــو فـاضـح دمــوعـي بْكـل زمـن

بويه غـايــب ليـش طـالــت غَـيـبـتكْ
أرجـع لخـاطر ضحكتـي وضـحـكـتكْ
تـلْـچـم بــروحـي ســوالـف ســفـرتكْ
رحــت عـنـي ومـاگـلتـلي بـرجـعــتكْ

والــهْـــمـوم گــبـالي كـــلــهــا تــگــابـلــن
والْــدلــو فــاضــح دمــوعـي بـْـكـل زمـن

_______________1__________________

بــويــه ولْــدارك اذا اوْصــــل شـــبـر
دْمـوعي وحدْها اعله خـدّي تــنـحدر
وعـلـى الـســـجـْـاده أظـلْـن أنــتــظـر
روحي تطلع مـن يجي آذان الــفـجـر

بـــويـه والْضـحـكـات مــنـي تـْـفـرْهــدن
والـْـدلــو فـاضــح دمـــوعـي بـْكـل زمـن

_______________2__________________

بـويـه والْـشـمــات تـرفـس بـالْـگـلُب
موش أهلْـنـه دْيـارنـه صــارت غُـرب
عيوني مو بعيوني بويه اعله الدرُب
وتــدري الْـبـنــيّـه بــلا والـد صــعُـب

وأنت أبـوي وْحـضْـنـك الْــدافــي وطــن
والْــدلــو فـاضــح دمـــوعـي بْـكـل زمـن

_______________3__________________

بــويـه چـمْ مرسال ادزه اويه الْهوه
ولا رجــع مــنـك خـبــر لا مـــن دوه
ظـلـمه روحـي بغيبتك وانت الضوه
خـلْ تـرد ايــامْــنــه ونـرجــع ســوه

خـلاف عــيـنـك سـهــر وجــروح الْـصـفـن
والْــدلــو فــاضــح دمـــوعـي بْــكـل زمــن

_______________4__________________

يــالــحِـنـيـن الْـمــايــرد لـــيــه طــلــب
أسـتـعـجِـل هـوايه عـلـيْ مـوتـي گـرب
وگلبي مو عيسى شْعجب ليش انصلب؟
نــار وگـتـي بـعـينـه شـافـانـي حـطـب!

أســتـــوحـدانــي وعـيـنــه صــلْفـه بالْـعـلـن
والْــدلــو فـــاضــح دمـــوعـي بْـــكـل زمـــن

_______________5__________________

بـــويــه لا تــبْــطـون مــاضـلْـتـلي روح
الديره وحْـشـه خْلافـكـم لا ويـن اروح
شـمـا اريـد يـْهـيـد جـرحي تْـفز جـروح
وأمــشــي لـمْــچــانـك وْلـيـلـيـه أنــوح

عــيـوني مــن گــثر الْــبـچي عْـليـكـم عِـمـن
والْــدلــو فـــاضــح دمـــوعـي بْـــكـل زمـــن

_______________6__________________


#رزقهم_سلام_الله_عليهم
#احمد_رزاق_الاعرجي

منهاج محرم الحرام 1442 هـ
السيده أم البنين (روحي فِداْهاْ)
[ مملكة الجروح ]

مـمْـلكة الْـجـروْح بـيْها الْحـزن ديْـره
والْغالي من يروْح تـذْبـح تــصاويْـره
حُســين حُســين يـا ابـا عــبْـد الله

كل عمـرها خـلْص بْنـار انتـظاره
ام الارْبــعْ زلـْم وتـْريــد الْبـشـاره
ام البْنين وعمـر تنْـعـهْ اعْلـه داره
وْتكْتب اعله الْباب اتْـمنى الْزياره

وْيومـيْه بالْدمـوع تجْرح جْـفن صافي
مو حگْها من تلوع فگْدت حضن دافي
حُســين حُســين يـا ابـا عــبْـد الله
_______________1__________________

ترْكـض اعْله الْباب يـوْميـه وتـناْطِر
وتنْهظم وتگول مـوْ طبْـعه الْيـساْفِر
يْعوف غالي وچلْمة الْشامت خناْجِر
ياحُسـين اعْـله الْبُـعـد مـابيْه اكـاْبِـر

والْـفـاگـد الـْحِـنِـيـن شيْـباْتـه بـعْيـونه
وكل كسْره بالْسنين تِـلْـگـاْهـا بـمْتـونه
حُســين حُســين يـا ابـا عــبْـد الله
_______________2__________________

بـيْها خنْگـة مـغْـربيـه وْبــيـها حُرگـه
تْريد ابو اليمه يجي وترْكض تشبْگه
شـحالْها لو تدْري چمْ حاْفِـر يسِحْگه
وراسه فوْگ الْرمـح ومْسلْبيـنه حگْه

ومْـسلـب الْـثـيـاب وعْـيـالـه مسْـبـيه
وْسبْعيـنه عالْتراب والْحــره مـحْنـيـه
حُســين حُســين يـا ابـا عــبْـد الله
_______________3__________________

هـيه ماْتــدْري الْخـيم نـار احْـرِگوها
والْـسياط مْحـزمـه وْزيـنـب ولـوهـا
التبْچـي بالْـطف بالْرماح أيـْسكْتوها
وطـفْـله منْ عدهاْ تـراْچـي سلْبـوها

لـو تـدْري بالـْحِـبال لو تـدْري بالحْـافِر
يبْقى الْنِفس مُحال لو تسْمع شْــصاير
حُســين حُســين يـا ابـا عــبْـد الله
_______________4__________________

خـوفْـها من الْهـوه يلْـچـم ضـعْـيـنه
ومادرت بحْسـين ضـاْمـي مْگـطّْيعه
وْخنـْصره والْثوب كلْـشي مْسلِْبـينه
وأبو فـاْضل عالْنـهر مـطْـفـيه عـينه

ومْگـطع الْـچـفوف وأحلاْمــه ذِبـحوها
ومْـوْذر بـْـسـيـوف والجـرْبـه سِحگوها
حُســين حُســين يـا ابـا عــبْـد الله
_______________5__________________

تْــريـد واْحـد لـو يجـيْـبلـهـا خـبـرْهم
تگول ظعْنِ حسين شو طوْل سفرْهم
والله احـياَ منْ جِديـد بـْشم عـطـرْهم
تـنْـعـهْ يــمْ الـْـبـاب كــون الله يـردْهم

بالْحسـره والْونـين صاْحت حدُْر عيني
مـاْرايـْده الـْـبـِنـيـن بسْ رايْده حْسيْني
حُســين حُســين يـا ابـا عــبْـد الله
_______________6__________________

#رزقهم_سلام_الله_عليهم
#احمد_رزاق_الاعرجي