قصيدة ( خل نفترض )



خل نفترض مـو فاطـمه الـچانـت ورا البـاب
يطلـع حبيـب الله عـلي ويـشوف الاصـحاب
هذا الحـطب ألـمن؟ اذا يـسـألهـم
شنهو الجواب الراح يطلـع منـهم
خـل نـفـتـرض

لـو نـفــتـرض حيـدر طـلـع
ابابه الحطب شاف انجمع
بـس مـنتـظـر نار
وْمـجْـتــمـعـه أشـبـاه الزلم
مـتـرهـّـي يـطـلـع مـبـتسم
ويسمع هلا وصار

لـو سـألـهـم عـالـحـطـب ذيـچ المسـيه
چــان گـلـولـه سـمــعـنـه امـن الرعـيـه
ابـيـتـكــم دخـان مــاكــو الــمـغـربـيـه
والـحـطـب جـبـنـاه لـتــنـور الــزچـيـه

وقـنــفذ الـسـوط ألشاْيـِلّه يـلـتـف عليه شـال
والـثـانـي مــن خـزرة عـلـي لـيـهــسّه تـمـثـال
لو وضع سـيفـه حيدره بمنحـرهـم
شنهو الجواب الراح يـطلـع منـهـم
خـل نـفـتـرض

______________1__________________

يـفتـح الـباب أبيمـنتـه
وِيشوف ناس الخانتـه
متحزّمه أحـزام
وينظر شياطين الأجت
وكل الأوجوه اتـبـدلـت
حتى النظر سام

الخوف بيهم مثل هنـدس بالـمغاره
الزلمه بيهم خوفـه مخلوط بسـماره
من يـشـوفـونه فـتح بابـه بـفـقــاره
يمـكن يــصـيـحـون جـئـنا للــزيـاره

وْيقـلع الـمـسـمار اويـحـط ريـش اعـلـه بـابـه
يــعــرف بـمـسـمــار الـجــذع ويـّـه الصحـابـه
من يـقـلع المســمار ويْصد الـهـم
شنهو الجواب الراح يطلع منهـم
خـل نـفـتـرض

______________2__________________

لو نفترض مـاكو أمـر
من الله ياحـيدر صبر
وماكو وصيـه
چا لسـه آثـار الحـرب
نلگاها بوجـوه الترب
كل مـغـربيـه

تـصير يـثرب مقـبـره الآل السقيفــه
ومايـظـل أرهـاب يـم وآدم شـريفـه
گلوب كلها صخام مابيهـا النـظـيفـه
غـير حـيدر رادت أيصـير الخـليـفه

هـو الـعـلـي ونـصّـب عــلـي تــاج الأمــامـه
ولـو فــاتـح الـــبـاب وعـلـي فـاتـح قـيـامـه
ماي الگصص هو الـتبـاعد عنـهم
شنهو الجواب الراح يطلع منـهم
خـل نـفـتـرض

______________3__________________

تصبح سوالفهـم همـس
وأنفاسهـم مـابيها حس
والثاني چا طاح
لو علـي طالع نفـترض
چا ماتــو بگـد الركـض
وْتـطـلـع الارواح

عـلـي قـالـع بـاب خيـبر يقـلـع الـروس
عـلـي زلـمه بالـشـدد بـألفــيـن كـابوس
چا غضب يطلع عليهم غيـره متروس
وعلى أكبـر شارب البيهم علي ايدوس

ويــصـيـر الـمـدافـع لـچـن بـالـشـرده يـانــاس
والـعـثـره عــدهـم خـزرتـه مـتـروسـه عـبـاس
وبچف علي الفـقار مـن يخزرهم
شنهو الجواب الـراح يطلـع منهم
خـل نـفـتـرض

______________4__________________

ماتبقى هامـه ابلا دمه
يم بـاب حمـاي الحـمه
يطـبر بالگراب
چا روسهم تصبح فُرش
واعظامهم تصبح نقش
يم عتبة الباب

چا رجع طـوفان نوح ويـمكن اكـثـر
من دماهم يصـبح الطـوفــان احـمـر
والسـفينـه العُظـمى عـند اللّه حـيدر
فحم هُمّه وبس ابو الحسنين جوهر

لــو ذو الــفـقـاره مــرتــفـع ويــنـزّلــه بْـــسـاع
چـا فـعـل ماضـي تـصـيـر أهـل الگـاع والگاع
ولمن بنار الـحـاطـمـه يـجـعلهـم
شنهو الجواب الراح يطلع منهم
خـل نـفـتـرض

______________5__________________

يــلـزم الأول بــــالــعـلـن
ويذبحه فدوه لام حسن
واللي أجه وياه
والثانـي چـا گـلـبه وگـع
ويصـيح وبـوجه الفـزع
قد تُبنـى والـلّه

الدفع باب الله بحقد وبكل شـراسه
حتى يآخذ راحته ابـكرسي الرئاسه
الكاسر اظـلوع الزچـيـه أم القداسـه
كل جهنم بـاجر أتطيـح اعلـه راسـه

بـاجــر قـيـامـه ومــحـكـمـه والـقـاضـي عــادل
بـاجـر تـجـي الـزهــره وتـأشّْــر عـلـى الــقـاتــل
مـيضـيـع واحـد فاطمــه تنـدلـهـم
شنهو الجواب الراح يـطـلـع منهـم
خـل نـفـتـرض

________________6____________________

#رزقهم_سلام_الله_عليهم
#احمد_رزاق_الاعرجي

لسان حال سيدي أبا الحسن عليه السلام
بفقد مولاتي #فاطمة_الزهراء عليها السلام


يسـلمـان الـحزن بيـه ... يعمّـار
بيته وضيف لا هـوه ... يعم مار
ابا ذر گمت اصـيحله ... يـعـمـار
النظر ما اوچده من دمع ال عليه


الاول : الحزن يُعمّر بيتهُ أي يبني
الثاني : الحزن ليس ضيفاً ياعم حتى اقول يذهب بعد فتره
الثالث : عمار عليه السلام


#رزقهم_سلام_الله_عليهم
#احمد_رزاق_الاعرجي

اليعشگ صدگ ... گلبـه يـدگ
بــأســم الـحـسـين ويـحـتـرگ
ويگـضـي العـمر كـون أبـدمـع ويـعـيش بـحـسيـنيه

ام البنين أول رسـاله أنـكـتبـت
أول عشگ لحسين لمن ضحّت
بأربـع ولـدهـا وبـرباهـم تعـبت

يـا هـالخـدم ... عـدهـا الأهـم
يكون الـحـسـيـن أبـلايـه هـم
مــن گـد عـشـگـهـا لـحـسيــن تـبـچـي وتـون لـيلـيه
_________________1___________________

چان الحُسين بـگد حنينه يجلـها
تشبه علي وكل شده هيـه تحلها
نعمه الخدامه وهيه صـارت الها

كـهـف الـخـدم ... هيـبـة عـلـم
لــمــّـن يـــرف فــوق الـــقـــمـم
من جيل توصـل كـل جـيل مـحـلـه الـدمـع يـومـيـه
_________________2___________________

مصدر فخر والخدمه چانـت گدها
خدمة حسين الفرحه چانت عدها
سبحة الزهـرا والـحـسن شـاهدها

سورة شمس ... أنطت درس
لـلــيـوم ولـــــبـاجــر وامـــس
صـــارت مـــدارس خــدام وهـــيـه الـــفـخـر تــالـيـــه
_________________3___________________

يالخادم اسمع واقره عن سيرتها
كلشي انخمد بس لاهبـه جمرتها
وتبـقى على طـول العـمر ونـتها

أجمل وطن ... چنها الحسن
أمضـيف الـخدامـه والمحـن
وبيـها الجـروح اتـواردت مـن بـت علـي الـمـسبــيه
_________________4___________________

شـد الـعـزم يــالـخـادم بـكل مـجلـس
وأخدم صدگ وبكل فخر راح اتحس
اعظـم شرف بـاب الحسـينيه أكنـس

الخدمه دوه ... وماي وهوه
واتــعـب لـجـل راعـي اللـوه
وبـكل عـزاء اطلـب وأخـذ كـل حـاجتـك مگضـيـه
_________________5___________________

بالـدنـيا والـمـحشـر تـفـوز الداريـن
بهذا اللطم والنوح والـ ون لحسين
الخدمة ابد ماتحب واحد وجهيـن

وجه العشگ ... اليخدم صدگ
ولآل الــنـبــي گـلـــــبــه يــدگ
وللـمـنـذبـح يـفـدي الـعـمـر واعـمـالـه الـه عـوچـيـه
_________________6___________________


#رزقهم_سلام_الله_عليهم
#احمد_رزاق_الاعرجي

السيده أم البنين (روحي فداها)
[ هـَلْ يَاْتـُرى ]

تُرى هل ياتُرى ثَـوُبَ الأَنـِيـنِ
يُصـاحِـبُ غيِـرهُـا أمُ الـبنِـينِ
نظراتُها .... عبراتُها .... صرخاتُها حسيناه

رْسـمـت قـبورٌ اربـعـه
ورأتْ امـوْراً مُـفـْزعـه
مِنها قتِْيلُ الْمـشـْرعـه فـي صدْرِهِ السهامُ
ورأتْ صِـغــارً فـاْزِعـه
والشمْسُ فيْها فاْجِعـه
وكــإنْ يـوم الْـواْقِـعـه حُـل علــى الخيامُ

رأت سيْـِـفاً على نحـرٍ قطـيْعـاْ
وشـيْــبـاً داْمـياً كـــانْ رَبــيـْعـاْ
ورأت دَمـا .... روحُ الَسَما .... في كربلا .... حُسيناه

_________________1__________________

رسمـت خـيامٌ سـالِـمـه
فــإذا بـِنــاراً مُـضْـرِمــه
صاحت اغيْثي فاْطِمـه يـافـاْطِمـه ادْرُكِـيني
سمِـعـت أنـينُ النِسـوةِ
والكُـلُ يصـرخُ عـمتـيِ
الْـجـمـرُ ذا بـِعـبائــتـيِ زيـنـبَ ســاعِـديـني

وطِـفـلاً ضـاع مـابـينَ الخيـولِ
وزيَنبَ تَـنَـظِـرُ فَـوقَ الْنـُـصـوُلِ
عباْسُها .... إِحَساْسُـها .... انفاْسُها حُسيناه

_________________2__________________

سـِـمـعت تُـنـاديِ زيـنبُ
ويــلٌُ لـِــقـــومٍ سَـــلّْــبُ
كُـلَ شــهـــيدٍ مـُــتـْعــبُ والـدمْـعُ كـالْـلـُـجـينِ
ورأت وُصاحتَ حسرتيِ
يــاويـْـلـتيِ يـاحــيِْـرتـيِ
الآنَ بـاْنـــت كــسـْـرتــيِ في ذبحِـهم حنيـْني

فنـَاْدتَ ياْ إلٰهي فيِ الَطِـفوُف ِ
أُرِيـدُ الْمـَوُتَ طـَعْناً بِالْسيِوُف ِ
ياحسَْرتي .... ياحِيِْرتـيَ .... فيِ دمْعتيِ .... حسيناه

_______________3__________________

بــيـْن الـقُـبـْورِ قـدْ رأت
روحَ الْحُـسـينِ سـاْفرت
وزيـْــــنــبــاً تــحــيْــرت بـقِـيـت بـلا كَـفِـيلِ
قـالــت إلٰــهـي ســـيـدي
خُـذنـي إلــيهِ من يـــدي
حتىَ اكـون الْـمــفْــتـدي او أَركَبَ الهَـزَيِــلِ

دُمُوعاً تنزِفُ والْعيـنُ حَمَْراْ
لهَـيْبُ الإِنْـتِـظـارِ صارَ حَـرَّاْ
نبَضَاتُهَا .... عثـَراَتُـهَا .... دمَعَاتُـهَا .... حسيناه

_______________4__________________

أُمَْ الــبَـنـِْـينِ مُـتَـْـعــبَـهْ
والـنَـارُ فـيــهَــا لاْهـِـبـهْ
ورأَت حُـسـينُ مَصاَئِبهْ والخِـيـلَ والـرِمـاحِ

ورأت أبـَا الـَفضلِ اَلإبـاْ
عـيِـْنَـاَهُ تـرْمِـقُ زيـْنــبـاْ
آلاْمـُــهُ ذاكْ الـْــخِــبــــاْ والركْضُ والْـنـياحِ

وسـارْ بِـمـجْـدِهِ نـحـوْ السَـمـاءِ
بِـكَـفـِّيـهِ أَباَ الـفـضـلِ الـْـوفــاءِ
وفَىْ اِلىْ .... شمسُ الإباْ .... قلبٌ حـواْ .... حسيناه

_______________5__________________

رُغْـمْ الحـوُادِثِ باْقـيـهَ
سـألـْوَ وقـَالوُ منْ هـيـهَ
كـُـلَ مــســاْءٍ بـاكَـــيــهَ ودمْـعُهـا سَـعـِيراْ

هـل حُـزنُها ذا سَرمَدَيِ
لا مِـثلُـهـُـا لَـمْ يَشـهـدَيِ
آمــَاْلُـــهُــا يــوُمَ غَــدَيِ وقَلْـبُـهـَا كـَسِـيْـراْ

تُـعاْتِـبَ مَـنْ؟ وفيِْهاَ كُلَ جُـرْحاْ
إلـــيِْـهـا يــَرْسـِـمُ رأَسٌ ورُمـْحاْ
مَاذا جَرَى .... هـَل ياتُـرى .... مُوتَـاً رأى .... حسيناه

_______________6__________________

#رزقهم_سلام_الله_عليهم
#احمد_رزاق_الاعرجي

لمولاتي أم البنين عليها السلام
قصيدة ( آل الحب )


آنــه الـبـــدويـه أنــطــيـت اولادي اربـعـتـهـم
ولـو چـانـو عـشـره هـم لـحـسـيـني قدمتـهـم
راحو والرايه ترف حلوه فوگاهـم
رب حسين بعين الرحمه يرعاهـم

امنـيـتي ذريــتي اكثـر عـدد
وافـديهـم لـلغـالـي من المهد
واتمنـه لو اروح ويــاهم بـعـد ... وي زينب

عبد الله وصـيته وگـال أبشِـري
وجعفر بحچايــه طيّب خاطري
وعـون أسمـع تربـاتچ ألحـيدري ... مايتعب

وابـو فــاضــل شــمـس بـيـهـم يـگـلـي ادلــلـّي
لـخـلّـي الـطـف الـچ شـاهـد وحـگ غيـرة علـي

نوماسي الكافل شد احزامه وبيده رايه
وگـلالـي زيـنب يمه بعـيني اختي هايـه
ولد الوفايه حسين ابني سمـاهم
رب حسين بعين الرحمه يرعاهم
________________1____________________

واحـدهم بعيونه شـايل وفـه
وللمرضه نظرتهم هـيّه الشـفه
بيهم كل الحب مابيـهم جفـه ... ترباتي

أقـراهـم يـومـيـه بـالبـسمـلـه
سورتهم قُل زينب خيمة هلا
قرآني والختـمه الحـد كربله ... آيـاتي

اذا صــارت حـــرب عــدهــم يــشــدون الــحـزم
ويـخــلـوهـا الـمــعـاره اتــضـج زلــم تــردم زلــم

شمس الله بچفـهم لو رادوها اترد محلها
ولو تعطش زينب غـيم الدنيا ايدنگ الهـا
ماخاب اليگصدهم مره وينخاهم
رب حسين بعين الرحمه يرعاهم
________________2____________________

أُمنـيتي خـدّامـه ويـه الضـعن
وجروحي چا كلهن يمهم شفن
يـومـيـه أتحـلّـم رغـم المـحــن ... وي همي

أتخيل ودموعي مني اتهلـي
چن ولدي نصوبها خيمة الي
وحسـيني يناديـني أتفضـلي ... يــا اُمـــي

وأشــوفــن خــيـمـة الـغـالـي تـگـابــل خــيـمِـتـي
واشــوفـــه شـمـا طــلـع مــنــهـا تــرد ارويـحِـتـي

ومن يعطش اركض يم اعيونه وأروي شوفه
والغالي كعبه وتُــحسـب حـجـة بـس اطـوفه
أهل البيت ابيوته الخالق خلاهـم
رب حسين بعين الرحمه يرعاهـم
________________3____________________

احلامي گـدامـي راحـت شمـس
وبدمعي من ينزل ماگمت احس
اتمـنيـته لو لحـظه يـرجـع امـس ... والغـالي

نـظـراتــه لعيـونـي أجـمل حـلـم
ضحكاته امن اسمعها دولة سِـلم
مـو حـگـي مـن افـدي أربـع زلـم ... هـنيالـي

الـنـده أيـحـس بأمان الـلـه عـلى ارمـوشــه غُـبـش
ضــوه ولــو نــايـم اتــشــوفــه كــــمـر اربـعـطــش

قـانـون الــراحه بـْـشـوفـة وجـهـه ياجمـالـه
حگي امن اتفـاخر قبـلي اتفاخـر بي تعـالـى
فدوه اولادي وگلبي وعمري وياهم
رب حسين بعيـن الرحـمه يرعاهـم
________________4____________________

اولادي اعـرفــهـم بأول شـطر
بس يعطش غاليهم نور البصر
يم رجله يذبحوله فدوه النـهر ... يـستاهــل

طيحـتهم مختـلفه عــن البشـر
ولو طاحو أعرفهم طيحة مطر
اللاگـاهـم معنـاها ذكـره انـدثـر ... والحاصل

زلـم كـلـفـه عـلـي چـنـهـم بـأسـمـهـم ينـحلـف
وصل يمي صدا الـ بالطـف شنو السـبعين ألـف

وبـداري اسـمع صـوت الفـرحـه من خيمنه
وأسمع چن صــاح الكافـل ريـتچ يمه يـمنه
واسمع صوت الولدي ينادي حياهم
رب حسـين بعيـن الرحـمه يـرعاهم
________________5____________________

بـدويـه ومن ارحـل اتـرك اثـر
من ابچي ويايه يبچي الحجر
ضحيت أبأولادي وأحمل فخر ... من تعبي

وبــروحـي لوْلـيـدي أحـمل قـلـق
والـمــغــرب أقـراهـا سـورة فـلـق
وأدعيله من صبحي الحد الغسق ... ياربي

دعــيـت الـلـه يـــرد ســالـم وأعـيــش بـْحـــضْرِتـه
رزق مـــن الــلــه مـحـــســــوبـه الـــيــه نـــظْـرِتــه

من فدوه روحي لوالد سكنه وكل سنيني
دعواتي يارب يمتى الغايب يشفي عيني
آل الـحـب هـو وذريتـه بحـماهم
رب حسين بعين الرحمه يرعاهم
________________6____________________

#رزقهم_سلام_الله_عليهم
#احمد_رزاق_الاعرجي

[ منتظره يوسفها ]


منـتظره يوسفـها ... يـودعـهـا
ويحملها بچفوفه ... يـشيعـهـا
ابا عبدالله يـشيعـهـا

تتاني بـحـرگـه ... عطـر وتشهگـه
وخرز سبحـتها ... حسيـن وملگـه
دمعهـا اليـجري ... جـمـــر يجويها
فـقـط مـا غـيره ... بأديـه يطفيها

مثـل يعـگوب صـارت وازيـد شـويـه
وريـثـة فـاطـمـه ومـتـروسـه حـنـيـه

تـون ... والعمر ... بالصبر ... ينتظر ناس

كـتبـت صـعـب فـوگ الـترب كلمن فـگد غالي
طـول الـعـمـر ثـوب الـصـبـر لابــسـته للــتـالي

غايتـها ابو اليـمه ... يجي الها
وبـصوتـه يايـمـه ... يـگــلــلـها
ابا عبد الله يشيعـهـا
_________________1___________________
تـحـبـه هـوايـه ... تــشـم بـثـيـابـه
بحـنـين وعبـره ... تجي لمـحرابـه
لمچـانـه تعـايـن ... تگـله احـچـيلي
يردلي حسيني؟ ... الاخذ كل حيلي

تـريد أجواب عـن الراح مـن عدهـا
لأم عــبـاس رب عـبـاس سـاعِـدهـا

جـرح ... ذبـح ... رُمـح ... كـلشي بيها

مـنـتـظـره ابــو الـيــمـه يــرد بــيــده ورد الـهــا
شـلونـك تـسـألـه شـلـونــچ انـتـي هـو يـسـألـهـا

ويگـلها وفيتـي ... يــرفـعــة راس
واتگله بالخدمه ... تحس أحساس
اباعبدالله يشيعـهـا
___________2______________
ألـه الـحـكـــمـه ... عليـهـا شـاهد
صبرها أحدوده ... سماء وصاعد
تـريــد الــغـالـي ... عليها أيـعاود
نـظـرهـا شـيّب ... بـعد ميـساعد

تارس بالـها ابـن الـزهـره ما تـغـفـه
بـجـروح ودمـعهـا تـرسـت الغـرفـه

الـدمـع ... ينسمـع ... والشمـع ... حيله منها

تــسـأل مـنـو عــن الضوه وذاك الـدفــو الـيـسـوه
صــار الــدمـع كـسـره بـظـلـع مـايــنـسـمـع يـگـوه

( لـشلونچ )أشتاگت ... هـوه الچلمه
من حلگ ابو سكينه ... ضـوه بظلمه
ابا عبدالله يشيعـهـا
___________3____________
تـگـول بـدمـعــه ... وبـيـاض الـنيـه
شوكت يرجعـلي ... ويـداوي البـيـه
مـنو يـسـولـفـلي ... قـصـص حـنيه
أنــه مــن دونــه ... التـراب عـلـيـه

أنه حـالي مـثـل اي جثـه مدفونـه
واردن للـحـيـاة بـشـوفــة عـيـونـه

وعـد ... لو يرد ... مو ورد ... روح اطشها

هـذا نــذر حـتـى الــحـشــر لــو بــالـگـبـر أوُفـي
بـوجه احـس شمعه الشمس هذا شمس شوفي

الحد آخر أنفاسي ... أشــوفـنـّه
أتفـطـرت روحـي ... مـثل حنـّه
ابا عبدالله يشيعـهـا
_______4___________

نـظرها اعله الـباب ... تـعال انرسمت
بدمعها اشكم نوح ... تراهـا اتـسمّـت
ابدمعها اعله حسين .. عزيه انعرفت
بــجـراح الــفـرگه ... حبـيبـي كـتـبت

تـخط چـلماتـها أبـ ويـنـك يماي العـين
احـضرنـي يـيــمه بمـوتـتي يحـسيــن

صعب ... ديرتي ... مظلمه ... ابلايه وجهك

يـانبــض گـلبـي ضـوّي دربـي الـخـاطـر الـعِـشـره
سـوالفــها دمـعـه وحـزن سـبـعه وشبچت العشره

من فرگت ايديها ... خلص چـفهـا
تـرسـم مـدامعـها ... ســــوالـِـفـهــا
ابا عبد الله يشيعـهـا
_________________5___________________


#رزقهم_سلام_الله_عليهم
#احمد_رزاق_الاعرجي

قصيدة لمولاي صاحب الزمان عجّل الله فرجهُ الشريف
[ ها يالمنتظر ]


هـا يـالمـنـتظر
يـالـشابع قـهـر
عمرك جم نحر ... وينك وينك
وشـلـون تـنــام --- من جرح الشام
وينك وينك

يـاجـرحـي البـيه
وجـرح الـمسـبيه
ظـلوعك محـنيه ... مـن تـل وحافـر
مابين اجروحـك
وآلام بـــروحــك
عثـراتـي تلوحك ... وْتكسرلك خاطر
يالـتاعـب حـيلـك
جرحي اليـوميلك
أقـبلـني دخــيلـك ... ياجـرح العـاشر

عذبني البُـعد
چا يمتى ترد
أقـبلنـي عـبد ... وينك وينك
احــسـب أيــام --- من جرح الشام
وينك وينك
________________1____________________

كل مـغـرب أدعـي
وأبچيـلك وانـعـي
يـاسـيـفي ودرعـي ... مخنوگ بحـسره
سـاترلـي عـيـوبـي
وتــآذيـك أذنـوبـي
عــذراً مـحـبـوبـي ... يا شمـس الزهره
هــــاي آخـر نـوبـه
مــــولاي الـتــوبـه
اغــفـرلــه ذنــوبـه ... گـلبـي الـمايقـره

أمـأخـرك يالـضوه
ياجـرحـي اوْ دوه
يـخنــگـني الـهـوه ... وينك وينك
غـيـرك مـاشـام --- من جرح الشام
وينك وينك
________________2____________________

يل حانـي مـتونك
عطـشان عـيـونـك
ايكون الله بعونك ... يالدمعك من دم
يــا سـورة غــافـر
بـعـيـونـك حـافـر
مـجـروح اتـكـابـر ... يـالـچـفـك زمـزم
نـاســـيـك وانـتـه
تـذكرني بسـكـتـه
گـلبـي وسـالـفـتـه ... بجـروحك يلتـم

أمتعبك كل صبح
وذنـــوبـي رمــح
رايــــد أنـصـلــح ... وينك وينك
امسـح عـالـهام --- من جرح الشام
وينك وينك
________________3____________________

وحـدك يـالـغـايـب
تمشي ابلا صاحب
يـالـجـرحـك ذايـب ... من نـار الـخـيمـه
ســـهـران ابـلـيـلـك
مـتـبـعـثــر حـيـلـك
يـــاهـو أيـتـچّْـيلـك ... من تنـظر هيـمـه
تـــذكـــر عـــمـاتــك
وأتـهــيـج آهــاتــك
الـنـار بـصـرخــاتـك ... وما صحّت غيمه

صاحب ما الك
بس رب الفلك
رد أتـوســــلك ... وينك وينك
گلبك وشْـضام --- من جرح الشام
وينك وينك
________________4____________________

روحـي ومـابـيهـا
تــنــزف داويــهـا
وأدّب راعـــيـهــا ... يــاروح الـرحــمــه
ناسيـك وغــافـل
وجرحك ماشايل
بس جيتك سائل ... مـن دونـك اعمـه
مـتـرد خــدَّامـك
عــبـدك گـدامـك
طـــاح بـآلامــك ... بـچــفـوفــك لِـمّـه

مـــــولاي الـعـجـــل
امن احجيها بخجل
دلالي ســــــــــــــأل ... وينك وينك
يــالـبـيــك آلام --- من جرح الشام
وينك وينك
________________5____________________

مـحـتار ابـأمـري
يالـتارس فـكري
مـــاتـطـرد ادري ... يالطـف بعـيونـك
احســب أيّْـامـي
ياشمس أحلامي
تــقـــبــل آلامــي ... وجـداً مـمنـونك
بس دمعي العندي
والـيـشـهـد خــدي
ويـنـك يـالـمـهـدي ... مولاي اشلونك

أسـال والنـدم
بعيوني خـيم
والـنــار الالـم ... وينك وينك
تــنـزف أقـــلام --- من جرح الشام
وينك وينك
________________6____________________


#رزقهم_سلام_الله_عليهم
#احمد_رزاق_الاعرجي

فوگ الرمح مرفوع من جرحه ماصاح
يـمـكن احـتـاجـو غيم رفـعو عالارماح

https://youtu.be/877C4h1k00g

#رزقهم_سلام_الله_عليهم
#احمد_رزاق_الاعرجي

قصيدة [ سر المناجات ]


لو ويلادي عشره فـدوه مرتيـن
بس المهم سالم تبقى يـحـسين
يا سـر المناجات
يا خير العبادات

يبو السجـاد انـوح واسهـر الـليل ... الضوه وجهك اتاني
على فرگاك مــا اصبر على الويل ... وعله دهري وزماني
انهدم بعدك يبو الاكبر تره الحيل ... واكـولـن مـانـسـاني
لـو راْيِحـه اويـاكـم اسـرج الخيل ... مـارحـت اشـبلانـي

حيلي ودمعي لاحن يبني الاتراب
گمت من بعدك اتوچّه على الباب
بعدك رزقي دمعات
يـا خـيـر العـبـادات
_________________1___________________

يـبو الاكـبر انادي بصـوت مـسموع ... هـاي آنـه الوفـيه
بعـدك يبـو سـكينه گلـبـي مـفجوع ... ودمـوعي رمـيــه
ارجــع يـلـي حبـك بــيــه مـــزروع ... وبـاقــي للـمـنـيه
گلبـي الفرگتـك يـحسـين موجـوع ... يـاوجـه الــثـريـه

خليهم اولادي فدوه يرحون
بس سالم ترد خلهم يموتون
يا تفسيـر الآيات
يا خير الـعبادات
_________________2___________________

عگب عـينك يبو الاكبـر علـيـله ... اتركتها يمي وامشيت
تصـيح بصـوت والمدمـع تسيله ... اخـذني وياك يـاريت
اخدم بالضعـن عـبد الله اشيـله ... مـن صـاحتـك ونيـت
يـبنـتـي گلت الها انـتـي عـليـله ... ارجـعي بـويـه للبـيت

عليله وانته حگـك سيدي بهاي
لاچـن مـو عـلـيــله آنـه مــولاي
ابقى للـمعـانـات
يا خير العبادات
_________________3___________________

ابـن حـذلم لـفـانـي وگـال عـبـاس ... عـالمـشرعـه اتـوذر
صحت خبرني عن عصّـابة الراس ... احسـين ابو الاكبـر
سمعته يگول ولدچ يام الاحساس ... واحـدهـم غـضـنفر
گلتلـه الـولد فدوه الراعي الانفاس ... خـبّــر بــعـد اكـثـر

گال حسيـن طـاح اعله الترب ماي
شـيـلـمّـه وجـروحـه صـارن هـواي
ودم تبچي السماوات
يــا خـير الـعـبـــادات
_________________4___________________

لـمّن گتـلك ابـقى احـسين لتـروح ... متـرجع مـن تسافر
مـن رحـت اتركت گـلبي المجروح ... علـى جـرحه يكابر
اون عگبـك يـغالي ودمعي مسفوح ... وفني النوح صاير
نــبـضـات الـگــلـب نـيـران بـالـروح ... بعد عيـنك حوافر

جرحي أخيام وافـراگـك مثل نـار
ألـم نحرك أحس بظلوعي الاگصار
وبچفي الدمع مات
يا خيـر الـعــبادات
_________________5___________________

اه يـحـسيـن اصـيحـن اه يــغـالـي ... بمـصابـك عـذبتني
يـون گـلبـي عــلـيك وهـذا حـالــي ... واصيـحا اه يـبـني
بــعـدك مـابـقـت عـــنـدي غــوالــي ... يــوم الــفارگـتنـي
تظل مرسوم لوحه ابوسط بالي ...( اعله حبك عودتني)

لو مآخـذنـي يـبنـي ويـاك ياريت
البيت ابلا وجودك والله مو بيت
يالتارسني لوعات
يا خــير العبـادات
_________________6___________________

#رزقهم_سلام_الله_عليهم
#احمد_رزاق_الاعرجي
#من_الارشيف_عام_2013م

[ آنـه بـابـچ ]


آنــه بــابـچ ويـن عـنـي رايـحـه
الفاتـحـه ماتـنقره اعله الفاتـحـه
لاتروحين ............. يم الأبنين
الفاتـحـه ماتـنقره اعله الفاتـحـه

انــه بــابـچ لا تــعـوفـيـني وحـيـد
شلون اغمض عيـنچ وماعندي ايد
كون اطيح بفرگتچ مـثـل الشـهيـد

والـلـه زحـمـه ... بطولي واگف ... بالـمـدينـه
كـون اطـيـحـاً ... خشبه خشبه ... يالحـزينـه

كلشي من طحتي يـون وعيونچ
وكـلـشي ذابــل مـن تـغـير لونـچ
والحياطين ............ يم الابنين
الفاتـحـه ماتـنقره اعله الفاتـحـه
___1_____

چـنـتـي يـومـيه دمـوعـچ هـامـلـه
سوالفچ يمـتى يـرد مـشـتاگـه الـه
تالي طحتي والسـبب مـن كـربـلـه

چـنـتـي يـمـي ... تسولفيلي ... عـــنـّـه هـــوّه
وآنــه أگــلــچ ... بـالـصراحه ... حسين يسوه

الـمـغـربــيـه لـــو تُـمـر عـلـــيـنـه
نطـيـح آنـه ويـاچ چـنــه ثـنـيـنه
كلشي تدرين .......... يم الأبنين
الفاتـحـه ماتـنقره اعله الفاتـحـه
___2_____

يـاوريـثـة فــاطــمـه بـكـل الأمــور
الهوه من يوصل الچ قـصـده يـزور
ليش حيـلچ سـابگ ارمـاد الـبـخـور

صـبـرچ شگـد ... مااله اي حد ... يـالعـظـيمـه
وبــونــيــنــي ... كـون اصيـحاً ... الـظــليــمـه

ياهظـيـمه أبقـى وحدي بفـگـدچ
والـلــه مـااگــدر اطـيـحـاً بـعـدچ
وأترگ الطين .......... يم الأبنين
الفاتـحـه ماتـنقره اعله الفـاتـحـه
___3_____

نــنـتـظـر چـنـه سـوه تـرد البـنـات
والحسين يرد مثل فـرض الـصـلاة
وأبو فاضل يرجـع وبـيده الـفـرات

وفرحه دمعچ ... والـهــلاهـل ... تترس الگاع
يــامــصـيـبــه ... موش وگته ... هذا الأوداع

يـاهـو مـثـلـچ يــمـتـلـك حــنـيـّه
ومــايــفــارگــنـي ولا عــصــريـه
لاتغمضين ............. يم الأبنين
الفاتـحـه ماتـنقره اعله الفاتـحـه
___4_____

آنـه بابـچ حــيـل مـشـتـاگ الأديـچ
والله لو بيدي والحسـين افـتـديـچ
لا تـعــوفـيـنـي ابـو فـاضـل علـيـچ

يـاهـو بـعـدچ ... يمي يگـعـد ... يحچي سكته
وعـمـري كلـه ... ويــاچ آنــه ... هــيـبـه دگتـه

الـحـنّـه الـّ عــلـيّـه أثـر دمـعـاتـچ
والـكـســور الـبـيـــه مـن ونــاتـچ
هاي الأسنين .......... يم الأبنين
الفاتـحـه ماتـنقره اعـله الفاتـحـه
___5_____

ياحنـانـچ لـو حـچـيـتـي بالـحـنـان
وجهي كلـه يـشـعـر بـراحـه وامـان
ياسـوالـف رحـمـة الله بـكـل زمـان

وحـشـه دارچ ... يـالـوقــارچ ... چـنّـه حـيدر
مـيــتـه يـمـي ... يـالــوداعـچ ... بـيـه خـضّـر

أنكِسُـر لو رحـتـي عـنـي لـحـظـه
گـومـي أنـتـي وآنـه أوگـع أرضـه
لاتـمـوتـين .............. يم الأبنين
الفاتـحـه ماتـنقره اعـله الفاتـحـه
___6_____


#رزقهم_سلام_الله_عليهم
#احمد_رزاق_الاعرجي

نشيد [شمـس الاباء ]
بمناسبة ولادة الصديقه فاطمه الزهراء ع
ا______________________________ا

يـخيمة مـحنه ومـجالسـها جنه
أهـلـنـه ووطـنـه فـقـط فاطـمـه
تـلـمـنا بعـزيـه البـتـول الزچـــيه
ولادتـهـا هــيـه عــطــر بالسـمـه

تعـالى الضياءْ في عِنانِ السـماء
بـمـولـدِ فـاطِـمـه خــيـرُ النِـسـاء
شـعــاعٌُ يـشـعُ علـى الخـافِقـين
لـزهــراءِ أحمـدُ شــمـسُ الأبــاء

فـداگِ أْبــي ثُـمْ أُمـي الـحـيـاه
أيــاْ رِكـن أسـلامُـنا في الصلاه
سـلامٌُ عـلـيكِ مــن الـودجــيـن
أيــاْ مــن رضــاكِ رِضـاً لــلألــه

تبـسـم وجـهُ الـسماءِ الـحزيـن
بِـقُـل هـيْ فـاطِـمه نـورٌُ مُبـين
بِـأُمُ أبــيهـا هُـدى الـصالـحـين
صِـراط الذيـن مـن المؤمنـين

أيــا سِــر طـه وسِـر الـوجــود
أيا موطِنُ الحُبِ لا مِن حدود
فــأنتـي الامـاني مدارُ السنين
فـأنـتي الهـواءُ ليـومِ الـخِـلود

رفــعـنه اديــنـا لامـام الــزمـان
نگــله الـعــجل فـاگـدين الامان
منو علينه مثلك يخاف وحنين
يــآخـر عــلي گـاعـد بـيـا مـكان

يـامـهـدي ادركــنا



احمد رزاق الاعرجي

فرحه سماويـه
بفاطمه العلويه
طير السعد هاليوم ألحانه ورديه

يتناثر الجـوري على درب المحـبين
هالفرحه صارت بلسم لكل الموالين
هاليوم مـولد فـاطمـه
يمطر ورد غيم السمه
هنياله ... هنياله ... كلمن حضر ويانـه

فاطمه وجـه النور
هيه دوه المكـسور
طير السعد هاليوم ألحانه ورديه
_______________1_________________

أنولد هالليله الحنان اويـه الزچيه
للشيعه خصيصاً تره الزهره هديه
هالفرحه جبرت خاطري
ياروحـي يلا اتـحـضـري
بعيوني ... بعيوني ... مرسوم دمع الفرحه

حـتــى الـورد يانـاس
بمولدها شم احساس
طير السعد هاليوم ألحانه ورديه
_______________2_________________

بهاليوم ندعي لصاحب الغيبه الطويله
ياربي عـجّـل بـالـفـرج خـل نـنـدعيلـه
يــسـتاهـل أنـصـلـي الــه
والصوت من عدنه اعتله
يامهدي ... يامهدي ... نظره الخدم محتاجه

يادعوة المظلـوم
يوم الفرج يايوم
طير السعد هاليوم ألحانه ورديه
_______________3_________________

#رزقهم_سلام_الله_عليهم
#احمد_رزاق_الاعرجي

گالو انته شسمك جاوبت مرتين
خادم للحسين ومايصير ثنين
خيمتنة المجالس والعشيره حسين
وبيده العباس مربيني
.........

الشمس هاليوم خجلت شافت الزهره
استحت من نورها شعت مثل كمره
الشمس كل مغربيه من الخجل حمره
چي شافت نور أم الساده
...

شسولف والقوافي ماتكفيني
بولادة فاطمه الزهراء ضي عيني
الله لخاطر الزهراء أمسويني
وأتشرف خادم سواني


#رزقهم_سلام_الله_عليهم
#احمد_رزاق_الاعرجي

الخاطرها سبعه الله سواها
أنولـدت أم المصـطفى طـهّ
بعيوني ... يامحــلـه الفرح


جمعتنه ... وفرحتنه ... وبسمتنه ... لوجه المصباح
للزهـره ... طش عطـره ... عالفـطره ... ورد الافراح
دنيانه خير وخير ... شعت شمس لـلآل
فاطمه نـور النـور ... فرحتها راحـة بال

كل الـملائك يم نـبي الرحـمه
مشتاگه تشتم ريحة العصمه
بـعيـوني ... يامـحـلـه الفـرح
_______________1_________________

احساسـي ... نبضـاتـــه ... دگــاتـه ... تنبض فاطم
بالمحـشـر ... يـتصــدر ... بـالـدفتر ... أسم الخادم

حتى الخضار أندار ... يستحي من المختار
حتى الورد خجلان ... مـن شــعـت الأنــوار

الليل سافر والضـوه شعـشع
والنده حاير يمشي لو يرجع
بعيـونـي ... يامحـلـه الفـرح
_______________2_________________

همساتي ... ونبضاتي ... وضحكاتي ... هاليوم هواي
وي ناسي ... واحساسي ... ماناسي ... مولود الماي

هيه الحياه والروح ... فاطمـه القديـسه
اعــظم تـره بهـواي ... من مريم وعيسه

كل انبياء الكره الارضـيه
فرحانه فرحتهم سماويه
بعيوني ... يامحله الفرح
_______________3_________________

حـوريـه ... أنـســيـه ... وعـلـويـه ... وبنـت الغالي
عبايتهـا ... وسبحتها ... وتـربـتـهـا ... مـن الــعـالي

الله نطاها الكـون ... بچـفوفها الافلاك
خادمها جبرائيـل ... مـابـيها أي اشراك

نفس النبي احمد وتفكيره
لو لا الزچيه تاهـت الديـره
بعيوني ... يامحـله الفـرح
_______________4_________________

كل شوفي ... وحروفي ... وچفوفي ... لفاطم ودها
اتوفـقـني ... وتــقـبـلني ... تسجـلني ... خادم عدها

طير وكسـير جـناح ... والدوه بـس هيه
اكثر من امي هواي ... تعـرف شنو البيه

أنـخـاهـا دوم ولا مـتـنســاني
بس نظره منها تموت احزاني
بعـيـوني ... يامحـلـه الـفـرح
_______________5_________________


#رزقهم_سلام_الله_عليهم
#احمد_رزاق_الاعرجي

لمولاي وابي وعشيرتي
صاحب الزمان ( عجل الله فرجهُ الشريف )
[ بجروحك الطف ]


بجروحك الطف والدمعه تحدي
بالشـمـس نـايـم جـدك يـمـهـدي
ادمـوعك أسيـره
جروحك چـبيره
بالشـمـس نـايـم جـدك يـمـهـدي

يبو صـالح دمـوعـك دم لـبو الـيـمـه
يـومــيـه تــون للـــســلّـِـبـو هـِـدمــه
ثلـث تـيام عاري بـالـشـمـس جسمه
ومـثل المـاي حـيـلـك طـاح شـيلمه

يالمهدي جرحك عاش اعـله بالك
وبـهـالـمـصـايــب كـاسـر خـيـالك
بـــدنـيـا زغـيـره
جروحك چبيره
______________1__________________

الحُسين وغربته وآلامـه بعيونك
الله يساعد النـاس اليـشـوفونـك
وحيد وغايب وذبلان كـل لونـك
ابـد مولاي لا ماسـامـع شـلـونـك

طـاري الـحوافـر كـلش يهضمك
والــغاضـريـه اهـوايـه تلـچـمـك
خيـل وحـصـيره
جروحك چبـيره
______________2__________________

الله يعين گلبـك سـيـدي المكـسور
أنعادت فاجعة طف جدك المنحور
صُـفـه گلبـك يبو صالح گـلب تنور
الألم بعيونك أولايه ورسم عاشور

عمـرك حـزيـن وشـايـل مُـصـايـب
يمـتـى ظـهـورك بالـحـگ تِـطـالـب
والـحـيره حـيـره
جروحك چـبيـره
______________3__________________

جرحـك يبدي من الـباب للخـيمـه
الحد الماي يوصل ينچـفي غيمـه
بعينك تعرض الخيمات واهظيمه
زينـب تـركـض واطـفال بالهـيمـه

ونار الخـيم مـن تـِذكـرها تنـحب
واكـبـر مصـيبـه أيشتموها زينب
وابـــلا عــشـيـره
جروحك چــبيره
______________4__________________

من تـذكـر ابـو الـسـجاد بالـعـاشـر
من الخيل كل جـسـمه وذر صايـر
اهنانه أتطيح : يشلع گلبك الحافر
وتگعد وحدك ودم تـهـمـل النـاظـر

كلـشي بحيـاتـك يرسـم مـصـيـبه
مــن الـغـريـبـه الــحـد الــغــريـبه
وجـهـك تــديـره
جروحك چبـيره
______________5__________________

يـالـعايـش مـعانـات الـســبي وهـزّل
وعايش كل جرح بي ريحه من التل
يوميه الفـجـر مـن تسـمـع الــمـقــتل
تهـيـم بـعـالـم الـطـف والدمع ينحـل

خيل وعـسـاكــر والـشـاطـي جرحك
ويـومـيـه طـاري الْــهِـزّل يــذِبـحــك
يا ابـو البـصـيـره
جروحك چـبـيره
______________6__________________


#رزقهم_سلام_الله_عليهم
#احمد_رزاق_الاعرجي

https://www.tg-me.com/oxgn313