من عالم الذر ليس اصحابّـا
ابلـيسُهم مـن فعـلِـهم شـابّـا

الدفعو على الزهره بحقد باب الله والحـشـمه
چـانـو ثـلـث مـيـه وكـســر مـابـيـهــم الــزلـمه
والثاني چـي يعرف عـلي امـوصــّي ابـن عـمه
يــدفع ابـاب الــزهــره كـل حـيلـه الــ بـلا ذمـه

هم أسّسو في الكونِ إرهابّـا
ابليسُـهم مـن فعـلِـهـم شـابّـا

______________1__________________

الـلمـّو حـطـب هـمـه الـذكـرهـم الله بـالـقـران
بـالفـاتـحـه بـآخـر حـچـايـه ومـاقـرو عـمـيـان
لـو مـا وصـيتـه المـصطـفـى ولـخـاطـر الآذان
چا صارو اشـباه الـزلـم چـرچـوبـه عـالـبـيـبان

ان الــذيـن احـرقـو الـ بابّـا
ابلـيسُـهم من فعلِـهم شـابّـا

______________2__________________

(صـادق صديـقـاً صادقـاً) لـتـصـادق الـجـاهـل
حيـدر نـطق بـيـهـا وعـرف سـلـمـان والـعـايـل
والمـغـزى مـن هـاي الـمـقـوله توصـل الـعـاقـل
(صِدقُ الصداقه) چان يـقصد بـيها ابو فاضـل

اعــداءهُ لــلـذنـبِ مـِـحـربّـا
ابليسُهم مــن فـعلِـهم شابّـا

______________3__________________

حـيـدر عـلي حـكـمـه بــزمـانـه سـولـف علـيهـا
كــثّر اصـحـابـك بــالـعـــدد بــس لا تـسـاويـهـا
البــس اصـحـابك تـاج بـس غـربـل مـعـانـيـهـا
مـنـهــم ذهـب مـنـهـم (قـديم الـنعلِ) ترمـيـهـا

احذر صِحاب السوء جلبابّـا
ابليسُهم من فـعـلِـهـم شـابّـا

______________4__________________

الـخـانــو عـلـي بـعـد الـنـبــي دور نــوايــاهـم
تلگـاهـا سـوده مـصـخـمـه تــشــبـه لـحايـاهـم
ابـلـيــس مـاطــالـع عـلـيـهــم بــيــده ربــاهـم
اصـحـاب چــانـو بالاســـم والـبـاطـل ويـاهـم

هـم فـتـحــو لـلـنـارِ ابـوابّـا
ابليـسُـهم مـن فـعلِهم شابّـا

______________5__________________

لمـن تـصـيـر بـجـاه كلـهـا تـصــير صـحــبانـك
وبس توگع بشده تشـوف اليـنـكـر احـســانـك
بــس بـالمـواقـف عـلي گـال أتـعـرف خـلّانـك
وتعرف صديقك ياهـو عـن ذاك الـذي خـانـك

لا تصحبَ الصُحـبان اعجابّـا
ابـليـسُهم مـن فـعـلِهم شـابّـا

______________6__________________
#رزقهم_سلام_الله_عليهم
#احمد_رزاق_الاعرجي

(ثاني شهيده)

الحضر سلمان بدفنته هالأجاها
طايـحه اعله الباب تعبانه لگاها
گعد بـدمـوعـه كـتـب
ليش متغيره شعجب
هالاجاها

بآخـر الأنـفاس حـيدر مـن وصلـها
شافها اعـله البـاب مـا ميـت أملـها
تريد بس حسين سالم يوصل الها

شفافـها امفطّره
ونارهـا امـوجره ... لآخـر أنــفـاس
والـدمع من يهـل
يلوع مثل الطفل ... وشيّب الراس

علي غمض عينها وگال الصمـيده
هاي بعـد ام الحسن ثاني شهـيده
الحيل من عدها انسلب
ليـش متـغـيره شعـجب
هالاجاها
_______________1_________________

بيده شـالاها عـلي روحـه وحـنيـنه
گـام غــسـلهـا بـدمع عـينـه وونـينه
المثل حيدر ماكو غيـر الله اليعيـنه

القالع الباب أمـس
اليوم يدفن شمس ... جوه الأتراب
مــاتــت ام الـكـمـر
من القهر عالـنـحـر ... يـشهد الباب

علي شاف چفوفها فوك الحياطـين
شكد حنينه وتنتظر يلفيها الحسين
كلشي يـعـرفها نحـب
ليش متغيره شعجب
هالأجاها
_______________2_________________

علي يحفر بالگـبر ودمـوعـه تـجـري
يگول ياروحي الج بس الله اصـبري
هاي ثالث مره احس ينكـسر ظـهري

مـره بـالـمــؤتـمـن
ومره أم الحـســن ... گلبي شيّيب
الـنوب أم البــنيـن
صوتها شكد حنين ... چـنه زيـنب

حيره كل واحد يريد اعزازه يدفـن
من حنينه ومن ونينـه النـاي يصفن
والتـعب ينـزف تعـب
ليش متغيره شعجب
هالأجاها
_______________3_________________

شال نعش أم البنين ومـحني ظهـره
گـام يعـثر بـالهـوه ودمـعـاتـه حـمـره
گبـر لأم عـباس حـافـر مـدري گـبـره

الـبـيـده ردِ الضـوه
حيلـه طـاح وْهـوه ... يـم گـبــرهــا
بروحه يدفـن علـي
بوجهه دمعه يْهـلي ... وشم عطرها

دافــن أم الـ طيّــح چـفـوفـه لأخـيه
أم أبـو فاضـل دفـن حـامي الحـمـيه
ذهب يدفـن بالذهـب
ليش متغيره شعجب
هالأجاها
_______________4_________________

دموعه رشها اعله الگبر وبعينه حسره
لو تطيـح اعـله الجبل يهـوه وتــفـسره
گام يقره الـفاتـحـه وأيـده اعله ظـهره

من بـده البـسمـلـه
كــلـشـي يـتــأمـلـه ... ودمـعـه هـامـل
والـصـبـر منـكـسـر
بـكـسـر مايـنـجـبـر ... وطــولـه مـايـل

الـدنيـا كـلـهــا تـحـولـت شـو مـغربيـه
وحـــيـدر يــگـول الألــم دايـر عــلـيـه
والـسبـب رايـد سبـب
ليش متغيره اشعجب
هالأجاها
_______________5_________________

بـعـد مـا خـلـص دفـن صـلى ركـعـتين
لـيـلة الـوحـشـه عـلـى روح ام الابنـين
وبقنوته عله وجـهه طـاح ابـو حـسيـن

حـگـه مـن يـنتـحـب
بـيــده دافـن مُـحـب ... روحــه ذابــت
عـيـنـه تـهـمـل حـزن
وبـــدمــوعــه يـــون ... روحـه شـابـت

آخـر حــچـايـه حـچـاهـا " الله يـــدري"
وثـانـي كـلـمه گـال يـاروحـي أصـبـري
ونار بـأحساسه ولهب
ليش متغيره شعجب
هالأجاها
_______________6_________________

#رزقهم_سلام_الله_عليهم
#احمد_رزاق_الاعرجي

[ آنـه بـابـچ ]


آنــه بــابـچ ويـن عـنـي رايـحـه
الفاتـحـه ماتـنقره اعله الفاتـحـه
لاتروحين ............. يم الأبنين
الفاتـحـه ماتـنقره اعله الفاتـحـه

انــه بــابـچ لا تــعـوفـيـني وحـيـد
شلون اغمض عيـنچ وماعندي ايد
كون اطيح بفرگتچ مـثـل الشـهيـد

والـلـه زحـمـه ... بطولي واگف ... بالـمـدينـه
كـون اطـيـحـاً ... خشبه خشبه ... يالحـزينـه

كلشي من طحتي يـون وعيونچ
وكـلـشي ذابــل مـن تـغـير لونـچ
والحياطين ............ يم الابنين
الفاتـحـه ماتـنقره اعله الفاتـحـه
_______________1_________________

چـنـتـي يـومـيه دمـوعـچ هـامـلـه
سوالفچ يمـتى يـرد مـشـتاگـه الـه
تالي طحتي والسـبب مـن كـربـلـه

چـنـتـي يـمـي ... تسولفيلي ... عـــنـّـه هـــوّه
وآنــه أگــلــچ ... بـالـصراحه ... حسين يسوه

الـمـغـربــيـه لـــو تُـمـر عـلـــيـنـه
نطـيـح آنـه ويـاچ چـنــه ثـنـيـنه
كلشي تدرين .......... يم الأبنين
الفاتـحـه ماتـنقره اعله الفاتـحـه
_______________2_________________

يـاوريـثـة فــاطــمـه بـكـل الأمــور
الهوه من يوصل الچ قـصـده يـزور
ليش حيـلچ سـابگ ارمـاد الـبـخـور

صـبـرچ شگـد ... مااله اي حد ... يـالعـظـيمـه
وبــونــيــنــي ... كـون اصيـحاً ... الـظــليــمـه

ياهظـيـمه أبقـى وحدي بفـگـدچ
والـلــه مـااگــدر اطـيـحـاً بـعـدچ
وأترگ الطين .......... يم الأبنين
الفاتـحـه ماتـنقره اعله الفـاتـحـه
_______________3_________________

نــنـتـظـر چـنـه سـوه تـرد البـنـات
والحسين يرد مثل فـرض الـصـلاة
وأبو فاضل يرجـع وبـيده الـفـرات

وفرحه دمعچ ... والـهــلاهـل ... تترس الگاع
يــامــصـيـبــه ... موش وگته ... هذا الأوداع

يـاهـو مـثـلـچ يــمـتـلـك حــنـيـّه
ومــايــفــارگــنـي ولا عــصــريـه
لاتغمضين ............. يم الأبنين
الفاتـحـه ماتـنقره اعله الفاتـحـه
_______________4_________________

آنـه بابـچ حــيـل مـشـتـاگ الأديـچ
والله لو بيدي والحسـين افـتـديـچ
لا تـعــوفـيـنـي ابـو فـاضـل علـيـچ

يـاهـو بـعـدچ ... يمي يگـعـد ... يحچي سكته
وعـمـري كلـه ... ويــاچ آنــه ... هــيـبـه دگتـه

الـحـنّـه الـّ عــلـيّـه أثـر دمـعـاتـچ
والـكـســور الـبـيـــه مـن ونــاتـچ
هاي الأسنين .......... يم الأبنين
الفاتـحـه ماتـنقره اعـله الفاتـحـه
_______________5_________________

ياحنـانـچ لـو حـچـيـتـي بالـحـنـان
وجهي كلـه يـشـعـر بـراحـه وامـان
ياسـوالـف رحـمـة الله بـكـل زمـان

وحـشـه دارچ ... يـالـوقــارچ ... چـنّـه حـيدر
مـيــتـه يـمـي ... يـالــوداعـچ ... بـيـه خـضّـر

أنكِسُـر لو رحـتـي عـنـي لـحـظـه
گـومـي أنـتـي وآنـه أوگـع أرضـه
لاتـمـوتـين .............. يم الأبنين
الفاتـحـه ماتـنقره اعـله الفاتـحـه
_______________6_________________


#رزقهم_سلام_الله_عليهم
#احمد_رزاق_الاعرجي

فرحه سماويـه
بفاطمه العلويه
طير السعد هاليوم ألحانه ورديه

يتناثر الجـوري على درب المحـبين
هالفرحه صارت بلسم لكل الموالين
هاليوم مـولد فـاطمـه
يمطر ورد غيم السمه
هنياله ... هنياله ... كلمن حضر ويانـه

فاطمه وجـه النور
هيه دوه المكـسور
طير السعد هاليوم ألحانه ورديه
_______________1_________________

أنولد هالليله الحنان اويـه الزچيه
للشيعه خصيصاً تره الزهره هديه
هالفرحه جبرت خاطري
ياروحـي يلا اتـحـضـري
بعيوني ... بعيوني ... مرسوم دمع الفرحه

حـتــى الـورد يانـاس
بمولدها شم احساس
طير السعد هاليوم ألحانه ورديه
_______________2_________________

بهاليوم ندعي لصاحب الغيبه الطويله
ياربي عـجّـل بـالـفـرج خـل نـنـدعيلـه
يــسـتاهـل أنـصـلـي الــه
والصوت من عدنه اعتله
يامهدي ... يامهدي ... نظره الخدم محتاجه

يادمعة المظلـوم
يوم الفرج يايوم
طير السعد هاليوم ألحانه ورديه
_______________3_________________

#رزقهم_سلام_الله_عليهم
#احمد_رزاق_الاعرجي
#متباركين ❤️

[ مولود الماي ]

الخاطرها سبعه الله سواها
أنولـدت أم المصـطفى طـهّ
بعيوني ... يامحــلـه الفرح


جمعتنه ... وفرحتنه ... وبسمتنه ... لوجه المصباح
للزهـره ... طش عطـره ... عالفـطره ... ورد الافراح
دنيانه خير وخير ... شعت شمس لـلآل
فاطمه نـور النـور ... فرحتها راحـة بال

كل الـملائك يم نـبي الرحـمه
مشتاگه تشتم ريحة العصمه
بـعيـوني ... يامـحـلـه الفـرح
_______________1_________________

احساسـي ... نبضـاتـــه ... دگــاتـه ... تنبض فاطم
بالمحـشـر ... يـتصــدر ... بـالـدفتر ... أسم الخادم

حتى الخضار أندار ... يستحي من المختار
حتى الورد خجلان ... مـن شــعـت الأنــوار

الليل سافر والضـوه شعـشع
والنده حاير يمشي لو يرجع
بعيـونـي ... يامحـلـه الفـرح
_______________2_________________

همساتي ... ونبضاتي ... وضحكاتي ... هاليوم هواي
وي ناسي ... واحساسي ... ماناسي ... مولود الماي

هيه الحياه والروح ... فاطمـه القديـسه
اعــظم تـره بهـواي ... من مريم وعيسه

كل انبياء الكره الارضـيه
فرحانه فرحتهم سماويه
بعيوني ... يامحله الفرح
_______________3_________________

حـوريـه ... أنـســيـه ... وعـلـويـه ... وبنـت الغالي
عبايتهـا ... وسبحتها ... وتـربـتـهـا ... مـن الــعـالي

الله نطاها الكـون ... بچـفوفها الافلاك
خادمها جبرائيـل ... مـابـيها أي اشراك

نفس النبي احمد وتفكيره
لو لا الزچيه تاهـت الديـره
بعيوني ... يامحـله الفـرح
_______________4_________________

كل شوفي ... وحروفي ... وچفوفي ... لفاطم ودها
اتوفـقـني ... وتــقـبـلني ... تسجـلني ... خادم عدها

طير وكسـير جـناح ... والدوه بـس هيه
اكثر من امي هواي ... تعـرف شنو البيه

أنـخـاهـا دوم ولا مـتـنســاني
بس نظره منها تموت احزاني
بعـيـوني ... يامحـلـه الـفـرح
_______________5_________________

#رزقهم_سلام_الله_عليهم
#احمد_رزاق_الاعرجي
#متباركين ❤️🍂

قصيده للامام علي الهادي ع

[ يـاروح ]



ياروح يـالـذكـريـاتـچ كـربــله
ياروح ضامي الحسين اتأمله
ياروح ذبحو حروف البسمله ياروح

ياروحـي الـمـن ظلـتج وحســين داسو صــدره
هو الفگـد مـثلـه بــعـد چـا شنـهي ظـل بـعـمـره
المفروض نحري ينگطع ياروحي فدوه لنـحــره
الهـادي آنـه وعيشـتي بطـف ذكـريــات الـعـبـره


ودموع تـنزل لبـو اليـمـه بألـم
ودموع تطفي جهـنم والخيـم
ودموع ماحست برمشة سهم ياروح
_______________________1___________________

ماشـفت خـيمـه تحـترگ وعيـالي تركــض بـالــبـر
ومـاداسـت الخيل الصدر وبالهيمه جسمي اتطشر
مــاشــفت أطـفـالـي بـحـبل الـعـثر مـنـهـم يـنـجر
ولا أخـت عندي ولاحرم ركضن حفي بذاك الحــر

ويلاه شحجي وشسولف قصتي
ويلاه زيـنــب تـــراهــا عــمــتــي
ويلاه تـرسـم مـصايـب دمـعــتي ياروح
________________________2________________

يــومـيـه شـوغــات الــگــلـب بـالمـغربيـه يطـلـعـن
ودمـوعي تركـض عـالوجه لـو بالحـسـين يسـمـعن
والـنـبـض يلـچـم خـاطـري والـذكـريــات ايوجعن
وشـگـد مـواقـف كـربـلـه بـحـشاي احس أيگطعن

وجروح بيـه عشـيره لـخاطــره
وجروح تـفزز نــيـام الـمـگــبـره
وجروح لوالد رقـيه وخـنـصـره ياروح
_______________________3___________________

لمـن يجـي فـرض الظـهـر اذكـر الـطـف والهـيـمه
مـن افـرش مـصـلايـتي أذكر أحـترگت خــيــمـه
ومن تلزم ايدي سبحتي تركض اشوف أيـتـيـمه
والـنار تـاكـل بـالـعـبـي وبـالسبعه ماكـو غـيــمـه

وأزغار ركضو حفايه أعله الجمر
وازغار سياط وشماته بكـل كـتر
وأزغار صـارو مثـل دعـوة فـجر ياروح
_______________________4___________________

بالـسجـن وأبـچـي ودمعـتـي بچـت عيون السـجـان
يــسـمـع أگـولــن كــربـلــه يالـخـذتـي كـل الـشـبـان
الـمايبـچـي لحـسين بـألـم هـذا اعتـقد مو انــســان
الـسـبعــه بـچـت مـن دم ألــه هــو نـقــاط الــقــرآن

ياحيف ظـل عـاري محد غسله
ياحيف راعي السـوالـف والهـله
ياحيف طـاح الفـرج للمـعـضـله ياروح
_______________________5___________________

مـن أشـرب الماي أخـتنگ عـباس أذِكره وأنـحـب
عالشـاطي متبدي نهر مستحي يرد مـن زيـــنــب
خـطـار بعـيونـه السـهـم بس من چفوف اتـسـلـب
عبـاس للـخـوه وطــن وصـار الـوفـه بي يـضــرب

تاريخ يشهـد لابو فاضل كفو
تاريخ سـجل أيـا نعـم الاخـو
تاريخ بعـز البرد حـچـيه دفو ياروح
________________________6__________________

الشاعر احمد رزاق الاعرجي

الماي الـلـيلـه انـولـد ... وعـــد الـلـه وعـــد
الـتـارس بـالــه عـلـي ... مـايـعـطـش لـلابـد

هـاك اسـمـع مـايلـي ... آيــات مــن الـعـلـي
يـبـديــهـا أبــسـمـلـه ... يختمـها ابْـيا عـلـي
الحق شعشع بالسمه ... يـا والــد فــاطــمـه
افــرح ظـهـرك عِـدل ... بمولد حامي الحمه

يــا أمـلاك الـســمــاء ... أعـمي عين الحسد
الـتـارس بـالـه عـلـي ... مـايـعـطـش لـلابـد
______________1__________________

لـمّـن عـيـسى انـولـد ... ياعــلـي نـاده مـدد
وسـولـف مـن الـزغر ... ومـگـمـط بــالـمـهـد
يـونـس لمّـن غـضب ... استغفر ربـّه وطلب
يـتـوســطـلـه عـلــي ... يـم خـلّاق الحـطب

كـلـشي ابـلايـه علـي ... خـسران ومـا وِجد
الـتـارس بـالــه عـلـي ... مـايـعـطـش لـلابـد
______________2__________________

كـل مـرسـل لــلارض ... وي دگـات النـبـض
حيدر أسمه انوجد ... وواجب حبه وفرض
ابيـت الله أنـخـلـق ... قل علي سورة غسق
وبـنص گلـب العـده ... حـيـدر سـورة قـلـق

گلبـه عيونه النفـس ... يشبـه "أحـمـد" بعد
الـتـارس بـالـه عـلـي ... مـايـعــطـش لـلابـد
______________3__________________

لـقـمـان وحـكــمـتــه ... وداوود وهــيـبـتـه
امـعـلـمــهـم حيـدره ... خيوط امن عمامته
الساعد نـوح بوطـن ... عـلي سلطان الزمـن
ويوسف صاح العجل ... احضر ياابا الحسن

ورد يعـگـوب الـنـظـر ... علي مو عطر الولد
الـتـارس بـالـه عـلـي ... مــايـعـطـش لــلابـد
______________4__________________

اليعرف طرق السماء ... بس اله يحله الولاء
رافــع ايــدي لعـلــي ... حُـــبـاً لا مــو ريـــاء
حـــلّال الــمـشـكـلـه ... مــديـت ايـــدي ألّـه
ميردنـي مـستـحـيل ... الـمـايـكـسر سـنـبلـه

بـالــــشــده يــاعـلـي ... نـبــضـاتـي يــامــدد
الـتـارس بـالــه عـلـي ... مـايـعــطـش لـلابـد
______________5__________________
#رزقهم_سلام_الله_عليهم
#احمد_رزاق_الاعرجي
#متباركين ❤️

علي من الولاده ويكره " الباب "
مـن يـسـمـع أبــاب يـگوم يعـرگ

علي " أمّه " أتعرف بسوالف الباب
وتعرف بي " ظلع " فد يوم ينطگ

لذلك " أم علي " مـادفـعـت الـباب
صاحت " ياعلي " والحايط انـشگ

علي من جابته أمه داخل " البيت "
بده لـون " الشمس " يوگع ويعـتگ

"الكمر " أبده اعتذاره وصاح هاليوم
اذا حــيـدر طـلـع " بـالـلـيل " أغـرگ

أنولد كل الضوه من وجه ابو حسين
والخير " انـولـد " وانفـاسـه تشـهگ

عـلـي أشـهـدُ أنـك " والـد الـخـيـر "
وانته "الكعبه وأمُّـه" الْـ بيـه تطلگ

الله يحب " علي " بـگـد السـماوات
وبگد " فاطمه " " وحـچـاية الحگ "

وبگد " الشجر " والماي " والـليل "
وبـگــد مـايـحـب الـلّـه " مـحـمد "

علي من أنولد جاب " المســرات "
علي اول علي للشده " مـگـصد "

سفينة " نوح " بس بالدنيا وتموت
وسفينة حيدره " للجنه " مـصعـد

علي من يمسح ايده براس " الايتام "
على راس الايـتـام يـخـلـي " مـعـبد "

#رزقهم_سلام_الله_عليهم
#احمد_رزاق_الاعرجي
#متباركين 💛
#كل_عام_وانتم_مع_علي_عليه_السلام

قصيده للسيده زينب ع


جيـنه ننـشد عالأخت وشلونها
شلون حالتـها وشـلون متـونها

ضـيعـتنا بـكربلا وضـاع النشد
هيه سبحة فاطمه الميه وفرد
آنه و الـعبـاس اجـينه والـولـد
نريـد نـرتاح ونـشوف عيـونها


زينب بيا حال من راحت سبي
شي اكيد الدرب يـعرف زيـنبي
يادرب هم شفت محترگه عبي
مرت اعـليك بـدمـوع ضـعونها


والله حيره الشام يلچم بالنحر
وين زينـب هــا يعـباس الـكـمر
يــالعـزيـزه وينـج بـيا مـســتقر
وسكنه يمج يختي ها يم عونها


ياتـراب عـلـيك اقـسم بالـجـليل
هم شفت آل النبي وياهم عليل
ألـيسالك منكـسر ظـهره ويـميل
وخايف اعلـه اعـياله لا يآذونها


صـدگ هذا الخـبر ياشام التعب
أجل زينب بـيك بفـراگ انكتـب
يعـني معـقوله يدفـنون الذهب
وجـوه غـبره جـوهره يخـلونـها


آخ يـازيـنب شـسولف والدمـع
لو نزل صدگيني يلچملي ظـلع
الـحافر بـصدري لهـسه مـنطبع
وجثتي بالطف ضلت يسحكونها


ويـن زينـب اخـتي ام العافيه
ام سـوالف فأاطــميه ودافـيه
صدگ راحت عينها الماغافيه
كـون يـمي بكـربلا يـدفـنونـها

____________________________

الشاعر احمد رزاق الاعرجي

[ ها يالاخوان ] :


ها يالاخوان زيـنب بـلا كـفـيـل
ها يالاخوان حتـى الـهوه يعيل
آنه زينب آنه زينب

طبيـنه للـشـام وغـرب ... واعـرف يشـوفني صعب
ماضل الي دار
شماتـه شـافو دمـعـتي ... والـمـشـكلـه يـاحـسـرتـي
لاگونه بحجار

وروسكم نص الـضعن ويـشـامـرون
بــالـحـجـر وأكـبـارهـم يـتـشـاورون
اتـشاوروا راس الحسين ايطيحون
وبـاوعولي وضحـكـو ويسـتـهزئـون

وشايب يصيح الطـگـاهـا يسـتثـاب
رادو أنــطـيـح وايدينـه عـالحـجاب
آنه زينب آنه زينب
______________1__________________

وسكينه كل لحظة بألم ... شـامت يجي يگلها الخيم
من حاوطوها
عـباسـكـم چـا مـا فـزع ... لخيـامـكـم شـو مــارجـع
من احرگـوها

يگلـهـا حـار السـهـم والـعـباس حـار
وسـكـنه گـالتـلـــه ابـو فـاضـل مـزار
وراس ابو فاضل نزف مـو دم شرار
الغـيـره الـبراسـه مثـل نار اعـله نـار

لو عدل كون ماتحجي اي كلام
وهاي العيون يترسها الك سهام
آنه زينب آنه زينب
______________2__________________

نمشي والحادي المشكله ... مو ابو فاضل .. حرمله
والـتجـرح هـواي
يـلـزم رمـح راس الكـمـر ... ويـگـلـه گـدامي وْجِسّر
هاك اشرب الماي

وجـربــة الـعـبـاس بـيده شالـهـا
وغيـر ابو فاضـل فـلا يـحـلالـهـا
اسهام كـلها مغـيـّريـن احـوالـهــا
وعـالرمـح راس الـكـمـر كفـالـهـا

وسـوط المـتون يركض عله الزغار
وصاحو ام عون طـلعـوهـا بالـنـهار
آنه زينب آنه زينب
______________3__________________

شفت العجايب والعـجب ... بـالشـام لاگيـت السلب
محبس وليـنه
ماسح الـدم عـن شـذرتـه ... وسكينه لـمـن عـرفتـه
طاحت سكينه

الـنـاس كلـها التـمـت ورادت شـراه
لأن محبـس أبــو اليـمه الكـل هـواه
محـبس الخنـصر الذبـحو من كـفاه
صحت يحسين وصحت واضيعتاه

نمشي والآه مـاتـعـرف الـمـغـيب
حيلي ويلاه بالطف صبح سليب
آنه زينب آنه زينب
______________4__________________

ألـسـوط يـآكـل بـالمـتن ... والدمـعه والـدم بالــردن
ودمع الحزن حار
الشايل رمح راس الصبح ... يفتـر يهـز بـيده الرمح
گــــدام الأزغـــار

طاح راس حسين من گـد ماثــكيـل
ومـسـح دم الـوجـه بـردانه الـعـلـيل
وابـو فـاضـل راد يوگـع ضـل يمـيـل
راس فوگ ارمـاح بس يبقى الـكفيل

وعثرتي بهاي طـاح الـعـمـر اشـوف
توجع اهـواي وعيوني بس تطوف
آنه زينب
______________5__________________

ذيـچ الخـرابـه يـخوتـي ... أخـذت حيـاتـي وردتـي
ومن عـدها شيبي
مـاتـت رقـيه اعله الطشت ... يـاريـت وياهـا مـتـت
واشـبـگ حبـيـبي

كون راس حسين أشبگـنـه واصيح
كون امـوت وآخـر أنــفـاسي تسيـح
على راس حسين أبو اليـمه الذبـيح
مـثل طـيـحـات النـده لـمّـن تطـيـح

أبقى ألـمـن ومفارگّـه الحنين
موتي اهون من عيشة الأنين
آنه زينب آنه زينب
______________6__________________


#رزقهم_سلام_الله_عليهم
#احمد_رزاق_الاعرجي

أبوذيات لاستشهاد الامام الكاظم ع



الكـاظـم عابــد و زاهــد وراهـب
زلـزال اعـلـه كــل كـافـر وراهـب
هوى الحيطان البسـجنه وراهـب
وتـعّــثــر كـــثــر مــاعــــثـرت رقــــيـه

وحــگ الـمابقى بالــطف مـهـدله
الله بـكبـــريـائـه أمـــرك مــهـدله
تــره مـتـون اليـحـبونك مــهـدله
وســواد العــين هـــادل هــالــمـســـيه


خــسر كلــمـن يـعاديـكـم ويـهلك
وخسر كلمن حچي باطل ويـهلك
الـتنـزل دمـعـتـه لــجلـك ويـهلك
مــثل يــوسـف مــصـر عــند الـزچــيه



الشاعر
احمد رزاق الاعرجي

قصيده للأمام الكاظم -ع-
[ حضر نعشك علي ]


حضر نعـشك علي ياموسى بن جعفر
ويم نعشك الزهـره ويـاها ابـو الاكـبر
نيـتهـم يشـيعونـك أرتاح وغمض عيونك


اعـتنوك الـي تحـبـهم واليـحـبونـك
عــن احوالـك الصــعبه يــسـألـونك
والـزهره تـگــلك يـولـدي شــلـونك
شصاير بيك يبني منخطف لـونك

حـالـك حــيل متـغــير ينـبض الــكـون
يالمبچي الكمر واهل السمه يصيحون
ياسلطان بسجونك ارتاح وغمض عيونك
_____________1____________________

گــعد يــم النـعـش حيــدر يـعايـن لــيك
وچن ظهره انكسر من الـجـروح الـبـيك
سؤال بـخاطره يـسألك شــنو الـياذيـك
انحنه ظهره علي وضل بس يون عليك

مصايب شاف حيدر گلبه ينبض شيب
والينـخه علـي يحضّـره وابـد ميـخيب
يالماخابت ضنونك ارتاح وغمض عيونك
_____________2____________________

گـلـب الـــوالــده مــاكــو گــلـب مثــله
والــزهــره تـعـايـــن لـلنـــعـش قبــلــه
تنادي يـولـدي ظـهــري انكــسر ظـلــه
وفوگ جروحي جرحك گلبي ميحمله

حيلي طاح من شفـت النـعش مــطروح
طحت عالگاع من شفت شگثر مجروح
أجو اهلك يودعونك أرتاح وغمض عيونك
_____________3____________________

ابو السـجاد طـاح بـشوفـته لحـالك
شافـك بالشــمـس وبـطـوله فـيـالك
متــونگ ليـش زرگـه يــبـني گـلالك
ومجلس عالجسر بدموعـه سـوالك

وأمـلاك السمه يم العرش يـبچـون
من حسين مو دمعات طاح الكون
راد يگلك شلونك ارتاح وغمض عيونك
_____________4_____________________

أجـه العبـاس ليـك أبـلايـه چــفـيـنه
يصيح بصوت وين ابن الاخـو ويـنه
جــاب الـرايــه راد يـدفـنــك بـعيـنـه
واجت وياه رقيه وفاطـمه سكــينـه

أجـو يمـك يبو سـوالف ترافه وماي
وصوت حسين يولـيدي دگوم وياي
ونادوك اليحبونك أرتاح وغمض عيونـك
_____________5_____________________

يـم نعشـگ مـلائـكـة الســمــه نـزلـت
وعلى جروحك الزهره ناحـت وصلت
وحدرك عالجسر مجلس عـزه سـوت
ومثـل هـلال زيـنب عالنـعش وگـفت

أهـلـك كلـها يـمـك تـهـمل الـدمـعـه
على مصابك تنوح السبعه والسبعه
يالقرآن مضمونك أرتاح وغمض عيونك
____________6_______________________

الشاعر احمد رزاق الاعرجي

موشح لاستشهاد الامام الكاظم (عليه السلام)


بالسجن يكتب وصيّه لـشيـعـتّه
موسى ابن جعفر كتبها بدمعتّـه

البسـمله بيها انتظـار ابـلا جـزع
خطها بدموعه وجروحه والورع
كتب هاي وْصيتي للعـنـده وجع
تـشـفــه والله لـو قـراهـا عـلّـتّـه

كتب اول شطر قوسين الحبيب
المهدي قادم اسـتعدو عن قريب
ألـعـجل يومـيـه ادعـو يامـجـيب
الف هنـياله الـيـحـصـّل نـظْـرتّـه

لصاحب العصر يـمـهـد يـاشـباب
رغم كل جروحه وبـنص العذاب
مــا تـغـيّر مــاوصــلّـه الأكــتـآب
ألعـجل عـنـده سـلـوْتـه وغـايتّـه

رغم كل جروحه ماعاف الـصلاة
شكثر رادوه ينسحب نحو الحياة
بس بقه ثابت رغم كـل الـطـغـاة
وسبحـته تـشـهد عـلـيه وعبـايتّه

بالسجن موسى ابن جعفر ينتظر
من ابو صالـح تـرف رايـه وعـطر
وعلى كل ظالـم المـهـدي ينـتصر
وابن جعفر يركــض يـشـد رايتـّه

بالرساله المهدي حاضـر لايـغيـب
مثل شمس الله وتره جدا قريب
أليحب حسـين يـدعـو للـحـبـيب
ألشـمـس ضـوّت بخيـط عـبايـتّه

كتب مـن دمـوعـه آخـر چلمتـين
يالخدم خليـكم بـدرب الحـسـين
الحبـيب المـهدي يلـطـم بالاديـن
بنص مجالسكم ومحني بعـبرتـّه

#رزقهم_سلام_الله_عليهم
#احمد_رزاق_الاعرجي

[ صبر النبي أيـوب ]
لأستشهاد الامام الكاظم عليه السلام '

صـبـر الـنـبـي أيـوب ... واحساسه واحساسـه
ويوسف ابن يعگوب ... وانـفــاسـه وانـفـاسـه
على حـالـك بـِچــو
وشــگـد ســولِــفـو ... عن صبرك

كـل أنــبـــيـاء الــلــه ألــك لـبـْــســو ســواد الـلـيـلـه
يـالـكـاظـم الـلـيل انـتـهى وحـتـى الـكمر هـد حيلـه
يـاابـو الـجـروح الـبـاكيـه يـاهـو الـبـقـه وتشــكيـلـه
سـجـنـك يـگـلـك سـيدي ويـنـفـتـح بـس تـومــيـلـه

نـوح الــنـبـي وذنـّون ... ودمـوعـه ودموعـه
وعيسى واخو هارون ... وظلوعـه وظلوعـه
عن قصتك حِچو
وشــگـد سـولِـفـو ... عن صبرك
______________1__________________

يـل خـلّـصـت عـمــرك ألــم يــاذكـره تـــوجـع بـالـك
مـن تـذْكـر الـطـف والـخــيـم يـاهـو اليـصـبّر حالـك
بْـوسـط السـجن دمـعـك نـزل وحـسـين يـتـراوالـك
والطـف مثل لـوحة أْنـرسـم چـم نـوح الـك ربّــالـك

يـاكـوكـب الـزهـراء ... چم عبْـره چم عـبْره
تـرسـم بـعــاشـوراء ... مسـتـعره مـسـتعـره
أحـــبــابـــك أِجــو
وشــگـد ســولِــفـو ... عن صبرك
______________2__________________

يـومـيـه تـرسـم بـالـكـلب عـمْـتـك وتـبـچـي عـلـيهـا
ويـنـهــدل طـولـك عـالـتـرب لـو تـوصـل لْـرجـلـيهـا
مـحـتـار بـالـسـوط وجـمـر يـاهـو الــذي مــچـويـهـا
والــصــعــبـه تـرسـم سـيـدي زيــنــب بـلا حـاديـهـا

ترسم نـهـر عـطـشان ... لو خيمه لو خيمـه
لو تــرسـم النـسـوان ... بـالهـيمـه بـالهيـمـه
وعـالـنـاگـه مـشـّـو
وشــگـد ســولــفـو ... عن صبرك
______________3__________________

السـجــن حـيـطـانـه انْحنـْت مــن ونـّتـك يالكـاظـم
بـجـروحـك الــطـف والـسـبـي والـمـاي عـنّه صـايم
الــف وتــسـعـمــيـّة جــرح مــاتـدري بــيـك الــوادم
تـبـچـي علـى الْـضـل بالغـرب الماضـل كتُر بي سالم

حتى النبـي اسماعيل ... يبچـيـله يبـچـيلـه
وادريس يسمـع خيـل ... كل ليلـه كل ليـلـه
مـن صـبـرك خـذّو
وشــگـد ســولــِفّـو ... عن صبرك
______________4__________________

شيـصيـر بـيـك مـن الألـم لـو يـلـفـي طـاري الـحـره
والـسـوگ مــن تـتـذكــره يـنــكـسر حـيـلـك عــمـره
وتـذكـُـر رقــيـه بـكـربـلـه رجـليـهـا تسـحـگ جـمـره
وهـْنــا تـطـيـح أعـمـامّــتـك جــدك تـكـسّــر صــدره

رِكـضـت حرم واطفـال ... مـرعوبـه مـرعوبـه
مــــن عــدهـم الآمـــال ... مسلوبـه مـسلوبـه
سبحـه أتــطـشِـرو
وشــگـد ســولـِـفـو ... عن صبرك
______________5__________________

يـل وحـدك تـعيـش بسـجن والغـربـه صـارت لـونك
وسيـاط چـن مـالـت سـبي مرسـومه فـوگ مـتونك
وحـبـال بـچـفـوفـك غُـفـت وماطـابـگـات چـفـونك
حـتـى الـسـجـن ونْ بـكـثر دمــعـاتـك الــ بـعـيـونـك

مــصــلايـتـك تـنــعـاك ... هـالـليـلـه هـالليـلـه
وهـذا الـهـوه بـفـرگـاك ... هد حيله هد حيلـه
لـچـثـتـك شــيّـعـو
وشــگـد ســولـِـفـو ... عن صبرك
______________6__________________

#رزقهم_سلام_الله_عليهم
#احمد_رزاق_الاعرجي