ብፁዕ አቡነ ሉቃስ የምሥራቅ አውስትራሊያና ኒውዝላንድ አኅጉረ ስብከት ሊቀ ጳጳስ እና የገዳማት መምሪያ የበላይ ኃላፊ ለ8 ደቀ መዛሙርት ሥልጣነ ክህነት ሰጡ !

መጋቢት 12 ቀን 2016 ዓ.ም (ተ.ሚ.ማ/አዲስ አበባ)

በብፁዕ አቡነ ሉቃስ የምሥራቅ አውስትራሊያና ኒውዝላንድ አኅጉረ ስብከት እና የገዳማት መምሪያ የበላይ ኃላፊ ሊቀ ጳጳስ ሥልጣነ ክህነት ሰጥተዋል።

ብፁዕነታቸው በዛሬው ዕለት በአውስትራሊያ ሜልበርን ደብረ ገነት ቅዱስ ሚካኤል ቤተ ክርስቲያን ትምህርታቸውን ሲከታተሉ ለቆዩ 8 ደቀ መዛሙርት ነው የዲቁና ሥልጣነ ክህነት የሰጡት።

ዘገባውን ለማሰናዳት የምሥራቅ አውስትራሊያና ኒውዝላንድ አህጉረ ስብከትን የፌስቡክ ገጽ ተጠቅመናል።

@ortodoxtewahedo

ሀገር አቀፍ የሰንበት ትምህርት ቤት አንድነት
አመራሮች ከቋሚ ሲኖዶስ ጋር በወቅታዊ
የቤተክርስቲያን ጉዳይ ዙሪያ ተወያዩ፤
****

የኢትዮጵያ ኦርቶዶክስ ተዋሕዶ ቤተክርስቲያን በሰንበት ትምህርት ማደራጃ መምሪያ ሀገር አቀፍ የሰንበት ትምህርት ቤቶች አንድነት አመራሮች በቤተክርስቲያናችን መንፈሳዊና አስተዳደራዊ ጉዳዮች ዙሪያ ከቋሚ ሲኖዶስ ጋር ውይይት አደረጉ።

በውይይቱ ወቅት የሰንበት ትምህርት ቤት አንድነቱ አመራሮች የቤተክርስቲያናችንን መንፈሳዊና አስተዳደራዊ ጉዳዮችን በተመለከተ ጥቅል ጥናታዊ ሰነድ ከመፍትሔ አቅጣጫ ጭምር ያቀረቡ ሲሆን ያቀረቡት ሰነድ በዝርዝር ተዘጋጅቶ፣
በማስረጃና በመረጃ ዳብሮ ችግሮቹን ደረጃ በደረጃ መፍታት በሚያስችል አግባብ እንዲቀርብ ቋሚ ሲኖዶስ አቅጣጫ ሰጥቷል።

ሀገር አቀፍ የሰንበት ትምህርት ቤት አንድነት አመራሮቹም ለቋሚ ሲኖዶስ ያቀረቡት ሰነድ ሁኔታዎችን ለማመላከት እንጂ ያለቀለት ሰነድ እንዳልሆነ ገልጸው ዝርዝር ጥናቱን፣የጥፋቱን መጠን፣ባለቤቱንና የመፍትሔ አቅጣጫዎቹን የሚያመለክት ዝርዝር ሰነድ በማዘጋጀት እንደሚያቀርቡ ገልጸዋል።

በውይይቱ ወቅትም ከቋሚ ሲኖዶስ አባላት ጥያቄና አስተያየት ተሰጥቶ ከሀገር አቀፍ የሰንበት ትምህርት ቤት አንድነት አመራሮቹ ምላሽ ተሰጥቶበታል።

ምንጭ: የ/ኢ/ኦ/ተ/ቤተክርስቲያን ሕዝብ ግንኙነት መምሪያ

@ortodoxtewahedo