#ጎንደር
ይህ ቤተ ክርስትያን ጎንደር ደብረ - ብርሐን ቅድስት ሥላሴ ይባላል። በውስጡ በያዛቸው የስዕል ጥበባት በምድሪቱ ላይ ከሚገኙ ታላላቅ ቅርሶች አንዱ ነው። ደብረ ብርሐን ስላሴ በ17ኛው እና በ18ኛው መቶ ክፍለ ዘመን ኢትዮጵያ ውስጥ ታላላቅ ነገስታት በነበሩት አባት እና ልጅ አማካይነት በቅብብሎሽ እየጎመራ የመጣ ነው። አፄ ዳዊት እና አዲያም ሰገድ ኢያሱ ዘመናቸውን ያበለፀጉበት ኪነ ሕንጻ ነው።

በደብረ ብርሃን ሥላሴ ውስጥ ጣሪያው እና ግድግዳው በሙሉ ስዕሎች ናቸው። አፍሪካዊ ኢትዮጵያዊ ስዕሎች። ኢየሱስ ክርስቶስን ኢትዮጵያዊ መልክ ሰጥተውት ስለውታል። እናቱ ማርያም ኢትዮጵያዊ ንቅሳት አላት። ፈትልም ትፈትላለች። መላዕክት ጭንቅላት እና ክንፍ ተሰርቶላቸው ይታያሉ። መላዕክት ጦር ጎራዴ ታጥው ኢትዮጵያን ይጠብቃሉ። ስዕሎቹ ዘላለም እንዳበሩ እንዳብረቀረቁ ዛሬም አሉ። ቀለማቱ የተላቆጡት በነጭ ሽንኩርት እና በዕንቁላል በነጩ ፈሳሽ ነው። እናም ያበራሉ።

የሥነ-ስዕል ተመራማሪዎች First Gonderian Art እና Second Gonderian Art እያሉ በአለም የስነ ጥበባት ትምህርት ቤቶች ውስጥ ያስተምሩባቸዋል።

ታሪካቸው ተወስቶ አያልቅም። በሐገሬ ታሪክ በእጅጉ እንድኮራ ከሚያደርጉኝ የሰው ልጅ የአዕምሮ እና የመንፈስ ግኝቶች መካከል ዋነኛው ደብረብርሐን ሥላሴ - ጎንደር ነው።

ምንጭ :- ጋዜጠኛ ጥበቡ በለጠ

@orthodoxtewahedo

እንኳን እግዚዕ ዓለማት ቅድስት"ሥላሴ" እና "ደብረብርሃን ቅድስት ሥላሴ (ጎንደር) የቅዳሴ ቤት ዓመታዊ በዓል በሰላም አደረሳችሁ

+" ቅዳሴ ቤት "+

=>ልክ የዛሬ 324 ዓመት: አድያም ሰገድ ኢያሱ በኢትዮዽያ በነገሡ በ10ኛው ዓመት: (በ1684 ዓ/ም) በጐንደር ከተማ ንግሥተ አድባራት ቅድስት ሥላሴ ቤተ ክርስቲያን ተሰርታ ተጠናቃለች::

+ጥር 7 ቀንም ሊቁ ክፍለ ዮሐንስን ጨምሮ በርካታ ምዕመናን: ሠራዊት: መሣፍንትና ሊቃውንት ባሉበት ቅዳሴ ቤታቸው ተከብሯል:: በዕለቱም ታላቅ ሐሴት ተደርጉዋል:: ኢያሱ አድያም ሰገድ ኃያል: ደግ: ጥበበኛ: አስተዋይ: መናኝ ንጉሥ ነውና::

+ቤተ ሥላሴን አስጊጿታልና ከዚህ ቀን ጀምሮ ጥር ሥላሴ በድምቀት የሚከበር ሆኗል:: ነገር ግን በተሠራች በ16 ዓመቷ ደጉ ኢያሱ ከተገደለ በሁዋላ ቤተ ክርስቲያኑ በአደጋ ፈርሷል:: ዛሬ የምናየው በ1708 ዓ/ም በልጁ በአፄ ዳዊት ሣልሳዊ የታነጸውን ነው::

ምንጭ:-Dn Yordanos Abebe

✍️አርከ ሥሉስ

@orthodoxtewahedo

"የአምላካችሁን የእግዚአብሔርን ቃል ኪዳን ታቦትና ሌዋውያን ካህናት ተሸክመውት ባያችሁ ጊዜ ከሰፈራ ተነስታችሁ ተከተሉት"

ኢያ ፫፣፫

❤️ መልካም ጥምቀት 💛

ለመቀላቀል

👉 @ortodoxtewahedo

አዲስ አበባ ፈረንሳይ ለጋሲዮን አቦ ማዞሪያ አደባባይ የጥምቀት ዝግጅት ::

@ortodoxtewahedo

እንኳን ለጌታችንና ለመድኃኒታችን ለኢየሱስ ክርስቶስ የጥምቀት በዓል አደረሰን።

ወልቂጤ።

ፎቶ፦ ከማኅበራዊ ሚዲያ

@ortodoxtewahedo