الأول من شهر صفر عام ( ٦١هـ ) ، وكان يزيد قد أمر بتزيين المدينة ، وأمر كذلك بتسيير الراقصات في الشوارع وهُنَّ يرقصْنُ على أنغام الطبول ، ابتهاجاً بقتل ابن بنت رسول الله ( صلى الله عليه وآله ) .


💔💔💔 آه يالشام

في ليلة الجمعة سلاماً لمن رقدوا بوادي السلام


مررت بدارهم شوقاً إليهم
لعلي ألمح الأحباب فيها

فما من نائم في الدار يصحو
وما من زائر يدنو إليها

سألت الجار : ما الأخبار قل لي؟!

فقال : الدار أبقىٰ من ذويها

أمَا تعلم بأن الناس تمضي
وأن الدار تنعي ساكنيها
ــــــــــــــــ


اللهم ارحم من عشنا معهم اجمل السنين
وهزّنا اليهم الحنين

اللهم ارحم موتی المؤمنين والمؤمنات
برحمتك ياارحم الراحمين

استشهاد الامام الحسن المجتبى عليه السلام

من وصل الإمام الحسين عليه السلام وشاهد حال الإمام الحسن المجتبى عليه السلام   كأني به  ....

سمع ونّة اخيّه .. وذب العمامه

سمع ونّة اخيّه  .. وذب العمامه


.....
.....

اجه وعاين عضيده والطشت يمه

ذب من راسه العمامه ابو اليمه

هوه لعزيز گلبه يشبگه ويشمه

البحر الجود خل تلطم اللطامه

.....
.....

شاف الطشت بي چبدته المسمومه

ياوسفه ابو محمد گرب يومه 

السم سرى بجسمه وغيّر رسومه

لخوها ام عون اجت تلطم على الهامه

.....
.....

من ابعيد صاحت خويه يبن امي

ونّاتك اسمعها وثگّلت همّي


متغّيره رسومك يابعد رسمي

روحي تروح فدوه لهاي الجهامه
.....
.....

زينب وابو اليمه يم ابو محمد

بفراش المنيه خيهم تمدد

يتوادع وياهم والدمع بالخد

تشتت ياشملنه وراحت ايامه

.....
.....

ابو محمد يگل زينب المهظومة

اخوچ حسين مايوم المثل يومه 

من يبگه وحيد وصرعى كل گومه

والعسكر يغير ويحرگ خيامه

.....
.....

خويه انشعب گلبي وانبهض حيلي

حل عينك بعيني فدوه واحچيلي

چف الموت حاشك يابدر ليلي

يافي العلي ودهري مادامه 

.....
.....

ابو اليمه اويه اخيته ينحب ينحب بلوعه

الليله محزمه وتلطم ومفجوعه

عله امها وعله ابوها لسه مصدوعه

وتشوف الحسن والطشت جدّامه

.....
.....

أم محمد الحجاج/ العبادي

اعادة نشر


https://www.tg-me.com/ommohamadalaebaadey

استشهاد الامام الحسن المجتبى عليه السلام



اكون الحسن گبره مثل الحسين

تتعناله مشايه الملايين

كل عام بصفر سابع نسويله

مواكب للبقيع احبابه تمشيله

تتعناله مشايه الملايين

.....
.....

مناه للبقيع احبابه تتعنّه

آيالحسن ومصابه علت ونّه

ناخذله صواني الشمع والحنه

جسام نذبح بالعرس متهنّه

نسوي الفاتحة للحسن ووليده

رايه وشمعه كل زاير اخذ بيده

بحر الجود يتلگه المحبين

تتعناله مشايه الملايين

.....
.....

عله طول المسافه نبني الخيام

للزوار كلنه نصير خدام

نوزع الچاي بثواب ابو جسام

نعزب اهل الحجاز وكل بني الشام

نبقى هناك لمن ترجع ام عون

يتلگونهه انصارك يلطمون

ترد محمّله بحزان عشرين

تتعناله مشايه الملايين

.....
.....

واويلي يبو محمد يمظلوم

حليف البخت گبره شلون مهدوم

يعنوان العزوبيه يجيدوم

مضيفك ساد بابه اصبح اليوم

بعد مابيهه لذه مرورة الگهوه

الكرم وي ابو محمد گشّع ونوّه

تنوح ادلاله ظلت والفناجين

تتعناله مشايه الملايين

.....
.....


يبو چفوف السخيه التكرم الضيف

غيمك خير يمطر حته بالصيف

يبحر الجود حيف عليك ياحيف

مانلگه مزارك حته بالطيف

ياشيخ العزوبيه وعلمهه

ياغوث المساكين وحلمهه

وين تروح بعدك هالمساكين

تتعناله مشايه الملايين
.....
.....


چبير الگوم ندري الوادم تكرمه

تراب اليمشي فوگه للشفه تضمه

بني سفيان مهجة فاطمة تسمه

ابد ماينجبر ياكسر كلب امه

اجته تصيح ايالحسن يوليدي

بعدني لازمه كسر الضلع بيدي

صارن بالگلب يايمه كسرين

تتعناله مشايه الملايين

.....
.....

ام محمد الحجاج/ العبادي

٢١ / ٩ / ٢٠٢٠


https://www.tg-me.com/ommohamadalaebaadey

استشهاد الامام الحسن المجتبى عليه السلام

🏴🏴



الليله من گبرها فاطمة الزهره

مفجوعه لبنهه تصرخ بعبره

ايبني يامسموم ايبني يامسموم

.....
.....

عليك الروح مهدومه يروح امك

أشوف أختك وأخوك الليله اجو يمك

وانته ابّينهم وتلوج من سمك

زينب تنعى وحسين انحنه ظهره

ايبني يامسموم ايبني يامسموم

.....
.....

نجيع السم مرد دلالك الليله

عضيدك من ونينك  منهدم حيله

يگل لحسين ياخويه الطشت شيله

گلب ام عون لو شافته شيصبره

ايبني يامسموم ايبني يامسموم

.....
.....

جبدك بالطشت واختك تعاينله

تتفكّر ال لونك منخطف كله

اظن حانت منيت الوالي اتگله

اشوفن كل معانيّه غدت صفره

ايبني يامسموم ايبني يامسموم

.....
.....

ابو اليمه يگلّك  لاتخليني

فك يبو محمد وحاچيني

ونك ياعضيدي زييد اونيني

نار احشاي مثل احشاك مستعره

ايبني يامسموم ايبني يامسموم

.....
.....

ياخويه بدليلي نار لهابه

آه يالمجتبى المسموم ومصابه

ابو محمد  يكلمه  بدمعه سچابه 

يحسين الطشت عن زينب اتوخره

ايبني يامسموم ايبني يامسموم

.....
.....

هم تشوف من بعدي طشت ثاني

تظل زينب  غريبه بحيره وتعاني

حزنهه بكربله اصعب من احزاني

من تبگه سبيّه مكلّفه بيسره

ايبني يامسموم ايبني يامسموم

.....
.....


أم محمد الحجاج /العبادي
أسألكم الدعاء


https://www.tg-me.com/ommohamadalaebaadey

نعي استشهاد الإمام الحسن المجتبى عليه السلام

كاني بالامام الحسن المجتبی عليه السلام وهو باللحظات الاخيرة من حياته وقد جاءته اخته العقيلة عليها السلام
قال لاخيه الامام الحسين عليه السلام بلسان حال الشاعر ...




اجت زينب يبو السجاد
ياخويه الطشت شيله

حنينه ام عون ماتحمل
اخاف تموت هالليله

گوم اتلگه اخيتنه
اجتني المدمع تسيله

حين السمع ونتهه
باد الحسن كل حيله 

.....
.....

تگله يابعد حيلي
شنهي اليوجعك گلي

يخويه اندارلك فدوه
يبحر الجود سولفلي

يريحة فاطمة وحيدر
يبو محمد يكل اهلي

عسه عمري فنه گبلك
خلافك بالعمر شلي

.....
.....

تون وتلوج ياخويه
واشوفنك نخطف لونك

وتخفي الونه عن اختك
يويلي وغارن عيونك

تضم الطشت عن زينب
اهي والبزر يفدونك

لون يحصل بروحي  اشريك
خليهم يسومونك

.....
.....

گلهه يابعد روحي
اويلي عليچ يازينب

حالچ صدع دلّالي
او وجعني دمعچ امن ايصب

ضمّي حيلچ لعاشور
يوم الخيم تسّلّب

ذاك اليوم آه يم عون
من يومي اشد واصعب



أم محمد الحجاج/ العبادي


https://www.tg-me.com/ommohamadalaebaadey

ابو ذيه
كاني بمولاتي العقيلة حضرت عند اخيها الامام الحسن المجتبی عليه السلا وهو بين الحياة والموت
قالت لاخيها الامام الحسين عليهما السلام

لسان حال الشاعر

خويه حسين سنّدله وجعداه
تراه اليوم مستبشر وجه اعداه
اخونه باخر انفاسه وجعداه
طفت شمعة سنينه بهلمسيه


ام محمد الحجاج

حار السم شرايينه حِسنّه
بعد مامش رجه اتفرهد حَسَنّه
عينه دارها لينه حَسنّه ( احس انه)
اخير اوداع اخو يودّع اخيّه


ام محمد الحجاج