ليلة الوحشة  مولاتي زينب عليها السلام  توصي النساء  .....


علويات لاتبچن  لايسمعچن العسكر 

يبنيات لاتحچن احنه الليله وسط البر

ادري تريدن تروحن

يم ولياچن تنوحن 

خوفي تغير لينه الگوم  .. وآنه الوحدي مااگدر

.....
.....

احچن بالومي الليله .. حسچن لايسمعونه

ظمّن حته ونتچن ..  خاطر مايعرفونه

چلمات الشماته  تصيب .. تكتل من يصوبونه

ادري الفاگدات عزاز ..  يردن للبچي عونه

تالي اليل نگصدهم

ونظل للصبح عدهم

انه اكثرچن مضيعه وگلبي امن المصاب انطر

.....
.....

لا تبچن يعلويات  .. سكته الليله خلّنهه

لاتسمعچن الشمات .. ونّه لا تعلّنهه

من نروح  للوليان  .. سكته الليله تگضنهه

ذيچ الروس فوگ رماح .. تنظر لينه شوفنهه

الروس عيونهم لينه

يبچون البواچينه

واسمع واحد امن الروس لو ونّيت يتحسر

.....
.....

ادريچن يالمضيعات .. تردن تبچن الليله

والفگدت عزيز تريد .. تگضي الليل تبچيله

طول الليل يمه تنوح .. هظم العدهه تحچيله

بس ادخيلچن بهداي  .. يفتر العدو بخيله

خافن يهجم علينه

ياهو الليله يحمينه

لا لا ينسمع حسچن  .. شوفن خيلهم تفتر
.....
.....

خل عيونهم تغفه  .. وآخذچن الولياچن

شدّن للمصيبة حزام  .. وآنه اتحزّم وياچن

لمّن حيلچن للنوح .. للشوغات گواچن 

حضرن للسياط متون  .. لوسوط الشمر جاچن 

ادري جروحچن تنزف

بس ذاك الشمر واگف

بهيده لومشيتن ليل  .. خافن بالجثث نعثر

.....
.....

من نار الخيم ادري  .. مچويات رجليچن

لاچن شوفن الحراس  .. تربي عيونهم ليچن

خاف نگوم هسه نروح  .. ياهو وياي يحميچن

من يفزع علينه الجيش  .. وين الليله اودّيچن

لمّه نصير لو جونه

گعدن من يضربونه

وحده تلوذ يم وحده  .. وحده بوحده نتستّر

.....
.....



أم محمد الحجاج/ العبادي






https://www.tg-me.com/ommohamadalaebaadey

كأني بمولاتي فاطمة الزهراء عليها السلام  حضرت ليلة الحادي عشر من المحرم  عند جسد ولدها الحسين عليه السلام  وسمعت انين الاطفال والنساء  جاءت واستقبلتها مولاتنا  زينب عليها السلام  حوار بين مولاتي الزهراء عليها السلام  ومولاتي زينب عليها السلام  ليلة الوحشة  .....



          وزن الدارمي




يم حسن لاخوان لاخيمه والخيل

تروح وترد وتخاف منهه المداليل

ياصوب أضم ابنات اخوتي

.....
.....


حيره بنات حسين وين امشي بيهن
لاوالي  لاخيمات ظلن عليهن
خاف الشمر بالسوط غفله ويجيهن
السانه عله النسوان مايستحي اطويل

ياصوب أضم ابنات اخوتي

.....
.....


ونچن يمهظومات لمن سمعته

چن سهم صاب احشاي والگلبي فتّه
يمه بنات حسين ونهن عرفته
شفته العدا محضرين نوگ المهازيل
ياصوب أضم ابنات اخوتي

.....
.....

جيتچ ينور العين ها يالغريبه
يايمه شتحملين هم يامصيبه 
كافل ضعونچ راح وامّين اجيبه
خوفي العدا يم عون وياچن تعيل
ياصوب أضم ابنات اخوتي

.....
.....


وين اليتامه تنام نعسانه وتلوع
توجعهم التربان مچويّه الضلوع
من زفّة المحروم ماظلت شموع
حتى اليتامه تنام نشعلهه بالليل

ياصوب أضم ابنات اخوتي

.....
.....


گومن امشننه ارّوح يم جثة حسين
خلينه نگضي الليل يازينب اونين
ظلمه وستر يم عون من الملاعين
خلينه يمه نلوذ بين المچاتيل
ياصوب أضم ابنات اخوتي 

.....
.....


تفتر علينه الگوم مانگدر انّوح
ماتبچي يمه شلون العدهه مذبوح
گومن يمهظومات للمعركه نروح
ادري بالمضيعات ماظل بعد حيل
ياصوب أضم ابنات اخوتي

.....
.....


وين الرباب او وين رمله  ورقيه
فرن بهذا الليل اليا نويّه
هم هنّه مسبيات وآنه سبيه
والفجر وي الگوم عن كربله نشيل
ياصوب أضم ابنات اخوتي

.....
.....

حرمه وسبيه وليل وبديرة اجناب
لارحم بيهه الگوم لا فزعة احباب
شلون اليتامه تنام يلچمهه لتراب
توجعهم الچويات ودماهم تسيل
ياصوب أضم ابنات اخوتي

.....
.....


أم محمد الحجاج/ العبادي




https://www.tg-me.com/ommohamadalaebaadey

لليلة الحادي عشر مولاتي زينب عليها السلام  البارحة  وين  الليله وين كأني بها قالت  .....



محد مر عليه جروح
مثل جروح البگلبي
موجوعه اشهكت شهگات
يعلم بيهه بس ربي

.....
.....

شهكت مختنگ بالموت
اشهگ مادرو بيّه

احس مامش هوى بهل كون
شح حتى الهوى اعليه

يهل الشيم ماتدرون
عدكم اخت مسبيه

اعله اختكم يامرار الصار
آه يا ضيمي ياتعبي
.....
.....


نذرت الشوف من تلفون
اطشه اويالدمع كله

خل يروح فدوه الشوف
خل يعمه النظر خله

بس كون الايام تعود
والبيرغ علي ظله

يرد عباس والچفين
واشوفن كافلي بگربي

.....
.....

شلّي چابعد بالعين
المااشوف الگمر بيهه

اعاين للشمر حداي
كون امن البچي اعميهه

يروحي من عگب عباس
صارت هيچ تاليهه

يعيني ابچي على  العباس
دمعچ من دمه صبي

.....
.....

خيمه البارحه ورايه
على راسي وگمر بسماي

والليله بعباتي شلون
الي
لو ستر للوياي 

غطه اسويهه مدري فراش
ياحيره الاشد من هاي

واريد اطلع وادور ايتام
وزلم وعيونهم تربي

.....
.....

تفرهد  كلشي بالخيمات
بس بهدومنه اطلعنه

وخذو باجي العبي والخير
بس البيهن اگبعنه

الليله چا فرشناهن
ليش الگاع توجعنه

شلون ينام عالتربان
ال بعز وخير متربي

.....
......

عمت عين الوكت دوار
دار بزينب شسوه

چانت فخر للنسوان
او  عد زينب شلون اخوه

ياهو الگال اخت عباس
الليله تبات بالشلوه

يادهري اشبعد خليت
بعد يانايبه تخبّي 


.....
.....


أم محمد الحجاج  / العبادي


https://www.tg-me.com/ommohamadalaebaadey

ابو ذيه ليلة الوحشة

يسراي



الضعن غبشه  يريده الشمر  ..   يسراي

وبنفاسي احس الموت  ..    يسراي

مربوط بسكينه حبل  ..   يسراي

وحبل يمنياي مربوط برقية

.....
.....

ام محمد الحجاج
العبادي


https://www.tg-me.com/ommohamadalaebaadey

مولاتي زينب عليها السلام  بعد مقتل اولاهه واخوتهه كلهم   من صار الليل طلعت المستورة راحت يم جثة وليدهه عون گعدت بصفه شلون حالهه  گلبهه مكسور  اديهه ورجليهه مچويات بجمر الخيام واهي تعبانه تركض مناه وترد مناه ادور عاليتامه.  عمت عيني  عليهه   ...  حاچت وليدهه وسولفت وياه..... وكأني بها قالت.....





ياعون يبني ... بسك امن النومه

گوم حشم...  خالك الجيدومه

.....
.....



گوم يابعد امك وريع الگلب

روح يبني لخالك او وصل العتب

دنيه ليل ومااندليت الدرب 

زحمه تالي الليل اطر الحومه

.....
.....


استحي من  خالك اوصل للنّهر 

انهض انته وروح يصبي النظر

گله خياتك يبو الشيمه بخطر 

يعاتبنك زينب وچلثومه 

.....
.....


روح گله بناتكم بين العده

يمه عون الصار لمك ماسده

الما اندلهن وين مامتوچده 

الضايعه ماادري يامظلومه

.....
.....


گوم لمك يبني وازاها الوزه

الليل والخيل الدرب مااميزه

صيح هالولاد خالك فززه 

خله يفزعلي  ويفزع گومه

.....
.....

اوگف اعله التل واصيحن  ياهلي

كون محد منهم اليفزع الي

عافو بنياتهم وسط الخلي

والشمر گوّه علينه اعزومه

.....
.....


يبني بس عباس كافي لو اجه

حته بالسووه الليله نورجه

گله امي تگول يالبيك الرجه

حبالنه لليسر هالملمومه 

.....
.....


ام محمد الحجاج

يوم العاشر  
لما اصيب الامام الحسين بسهم مثلث ووقع علی الارض اعياه نزف الدم بقي يجود بنفسه بابي وامي  الرمال حارة تحته والشمس فوقه والاعداء سلبوا ثيابه   كاني بمولاتي زينب عليها السلام 

🏴🏴




امشنّه نسوي عمّّه ضِل علی حسين
بعد ما ثوب اشوفن ضَل علی حسين
انكسر. توني سمعته ضلع الحسين
من داسن بصدره الاعوجيّه

🏴🏴


مولاتي زينب عليها السلام عصر يوم العاشر قبيل الغروب  والساعات الآتية رهيبة جداً  وكاني بها تحدّث نفسها 😭😭

🏴🏴


نسه وهيمه وعلم ماكو  وخيمات
وساعات التجي الليله  وخيمات
سبيه وليل ياروحي وخي مات
ويتامه وحرم كلهه تلوذ بيّه

عمت عيني يامولاتي

🏴🏴


اي واحسيناااااه


ام محمد الحجاج

http://www.tg-me.com/ommohamadalaebaadey

لم ينتهِ العزاء.. بل بدأ العزاء
وبدأت مصائب زينب (عليها السلام)

😭😭

أأخيَّ ما عودتني منك الجَفا
فعلام تجفوني وتجفو من معي
أنعِم جواباً يا حسينُ أما ترى
شمرَ الخنا بالسّوط كسَّرَ أضلعي

آآآه يامولاتي يازينب

😭😭

شلون تنام عيون الكافل
واخته بلا خيمه وحمّاي

هوسات

يوم هدعش خذوا بنات علي سبايه للكوفة

ويلاه يامولاتي يازينب



اليوم زينب حمّلوها اعلهزل
رايحه للكوفه مچتوفه بحبل
عتاب عدها والدمع عالخد يهل

ياحيدر
گوم اتلگاها


شالت الرايه ودرعها من الصبر
ظعونهه اليوم اعله ولياها تمر
من چفيل العايله تريد العذر

ترجع والبيرغ
وياها


وصلت للنهر وقفت قليلاً قرب جسد اخيها وكافلها وكاني بها



ماقصرت خويه والعهد صنته
مثلك ماكو اخو ضحّی العمر لخته
بس ردتك تردني ياچفيلي انته

ياطعم الخوّه
ومعناها


اريد انزل اودعك نزلتي حيره
موش بكيفي ياعباس اختك ماشيه يسيره
اليبره للظعن ياخوي گصته ذابّه الغيره

ما يرضی
ينوخلي الناگه



الناگه عاليه ومضلّعه وهزله
عله اختك يبو الغيره تصعب النزله
اخاف انزل واعثر بينهم فشله

والصعده اردود
اكبر حيره


ام محمد الحجاج

http://www.tg-me.com/ommohamadalaebaadey

اهلاً وسهلاً بمن انضمّوا للقناة
حياكم الله تعالی

أَيْنَ الطَّالِبُ بِدَمِ المَقْتُولِ بِكَرْبَلاَء

ياصاحب الزمان ادركنا