لعيد الولاية...  عيد الغدير الاغر

🌹🌹?
🌹🌹
🌹

اللهم بايعناه  ... حيدر   حيدر

اللهم  واليناه  ... حيدر   حيدر


.....١
.....

🌹🌹🌹🌹


بأمرالله اتنصب والينه  ... حيدر   حيدر

علگناله شمعات وزينه  ... حيدر  حيدر

للمحفل كلنه تعنينه  ... حيدر   حيدر

صوت الفرحه عليناه  ...  حيدر  حيدر

اللهم واليناه  ... حيدر   حيدر

..... ٢
.....


🌹🌹🌹🌹

مسروره الشيعه بهل ليله  .. حيدر حيدر

بكل دار شموع تضويله  ... حيدر حيدر

فرحانين الورد نشيله  ... حيدر حيدر

وبكل منزل علّگناه ..  حيدر حيدر

اللهم واليناه  ... حيدر حيدر

.....٣
.....

🌹🌹🌹🌹

جددنه الوالينه البيعه ... حيدر حيدر

امر المعبود احنه نطيعه  ... حيدر حيدر

ياحيدر صرنالك شيعه  ... حيدر حيدر

يارب اشهد عاهدناه  ... حيدر حيدر

اللهم واليناه  ... حيدر حيدر

.....٤
.....


🌹🌹🌹

يارب اشهد احنه نوالي  ... حيدر حيدر

بس حيدر ساكن دلالي  ... حيدر حيدر

هوه الاول هوه التالي ... حيدر حيدر

بالاصلاب وحبيناه... حيدر حيدر

اللهم واليناه  ... حيدر حيدر

.....٥
.....


🌹🌹🌹


حيدر بس هو الواليته  ... حيدر حيدر

وانه برحم امي وحبيته... حيدر حيدر

اتفاخر كل عمري بصيته  ... حيدر حيدر

ياربي العن من عاداه  ... حيدر حيدر

اللهم واليناه  ... حيدر حيدر

اللهم بايعناه  .... حيدر حيدر


ام محمد الحجاج



🌹🌹🌹
🌹🌹
🌹



https://www.tg-me.com/ommohamadalaebaadey

لعييد الغدير الاغر
عيد الله الاكبر

🌹🌹🌹



عيد الله الچبير
ياعيد الغدير
ابن عم الرسول
بي اصبح امير

🌷
🌷
🌷 

بأمر رب السمه
علي حامي الحمه
امير المسلمين

في حج الوداع
خبر عاجل يُذاع
من طاها الامين

اخبرني الوحي
ابن عمك وصي
والحق المبين

علي خير العمل
بي دينك كمل
فاز البايعه
واله يصبح وزير

🌷
🌷
🌷

يفوز البايعه
ينجه الشايعه
وأنه مبايع علي

صحت ياابا الحسن
على مر الزمن
بس انت الولي

بايعتك صدگ
بسمك گلبي يدگ
يعشگي الاوّلي


يااطهر عشگ
نظل مانفترگ
ياسيد الوجود
يااقدس مصير

🌷
🌷
🌷

اوالي حيدره
واسمع الما دره
وقعت العهد

شيعي وافتخر
رضيت بهل امر
اوالي للابد

اميري المرتضى
الحاضر والمضى
ياحيدر مدد

صراطي المستقيم
علي نهج القويم
بايعتُ علي
انا العبد الفقير

🌷
🌷
🌷


اللهم اشهد اَني بايعتّ علياً 


ام محمد الحجاج

🌹🌹🌹
🌹🌹
🌹



https://www.tg-me.com/ommohamadalaebaadey

لعيد الغدير الاغر..... عيد الولاية



🌹🌹
🌷



امبارك بعيد الغدير

حيدره اصبح امير ٢

.....
.....


اليوم مسرور الموالي

علي اتنصب انّه والي

حاز من ربه المعالي

واصبح ال طه وزير

حيدره  اصبح امير ٢

.....
.....


عمّت الكون البشاير

اذّنت كل المناير

حيره نوصفها المشاعر

بيوم عيد الله الچبير

حيدره اصبح امير ٢

.....
.....

عيد المبارك  علينه

حيدر اتنصب ولينه

نبايع ونرفع ادينه

الغني وي الفقير

حيدره اصبح امير ٢

.....
.....

يلوگله تاج الخلافه

علي شيال الكلافه

اليوم هنيال اللي طافه

ومن ضريحه شم عبير

حيدره اصبح امير ٢

.....
.....


روحي مشتاگه الهواه

عيوني محتاجه ضواه

بحب علي تحله الحياه

گلبي في حبه اسير

حيدره اصبح امير ٢

.....
.....
يانبض گلبي  امامي

الك كل حبي وهيامي

الگلب يامولاي ضامي

ياعلي وغيثك غزير

حيدره اصبح امير ٢

.....
.....

 


🌹🌹🌹
   🌹🌹
      🌹

ام محمد الحجاج



https://www.tg-me.com/ommohamadalaebaadey

ابو ذيات  لعيد الغدير

            🌹
🌹


نصلي اعله النبي المختار ..  واله
نجه كلمن لحيدر علي ..  واله
دليلي بحب اميري دوم ..  واله
(متيم )
سرى حبه بدماي وهوى الريه

اللهم صل على محمد وال محمد

🌹
🌹
🌹



           


الخبر من ابو الزهره.  ..  والروايه
وجبريل الحملهه ..  والروى ايه
علت الله واكبر ..  والروايه ( الاعلام )
من بارك ابو الزهره الوصيه


اللهم صل على محمد وال محمد


🌹
🌹
🌹

ام محمد الحجاج


https://www.tg-me.com/ommohamadalaebaadey

عيد الولاية
عيد الغدير الاغر


علي اول خليفة
😊☺️🌹🍀

من كنت مولاه فهذا عليٌ مولاه
اللهم والِ من والاه وعادِ من عاداه


*بمناسبة عيد الغدير يوم الولاية والبيعة

ارفع أسمى آيات التبريك والتهاني لمقام
الرسول الأعظم صلى الله عليه وآله وسلم وللوصي الأكمل وللمعصومين الأطهار عليهم السلام سيما قائم آل محمد صاحب العصر والزمان عجل الله تعالى فرجه الشريف
ولعموم شيعة اهل البيت عليهم السلام .
والى جميع اعضاء القناة .


الحَمْدُ للهِ الَّذِي جَعَلَنا مِنَ المُتَمَسِّكِينَ بِولايَةِ أَمِيرِ المُؤْمِنِينَ وَالأَئِمَّةِ عَلَيْهِمْ السَّلامُ

*اللهم ثبتنا على نعمة الولاية واحشرنا مع الامير ع وآل بيته الاطهار في دار النعيم


ام محمد الحجاج

🌹🌹🌹🌹🌹
🌹🌹🌹🌹
🌹🌹🌹
🌹🌹

بحول الله وقوته والتوكل عليه
ابدا منهاج محرم ١٤٤٦ هجرية


لطميات .. فزاعيات .. ابوذيات .. نعي . هوسات .. اوزان متعددة ..



🏴🏴

للهلال

🏴🏴

هل شهر الحزن يازينب الليله
حيف يميل وياچ الدهر ميله

🏴🏴

ياشهر المصايب بيين هلاله
شحالچ من نظرتيه بالسمه لاله
گربت ذبحت المظلوم واطفاله
وشيال العلم والكافل العيله

هل شهر الحزن يازينب الليله

🏴🏴

الله يساعدچ ويعظم امصابچ
وادي كربله يازينب شجابچ
تشوفين السيوف اتوذر احبابچ
گلبچ  ياصبر مولاتي  يكفيله

هل شهر الحزن يازينب الليله

🏴🏴

گلبچ چم جرح يتحمّل ولوعه
لو شفتي العساكر ذيچ مجموعه
ودروب النهر للماي مگطوعه
وجيش ابن سعد حاوطكم بخيله

هل شهر الحزن يازينب الليله

🏴🏴

كون يعينچ الله بليلة العاشر
لو گلچ اخيّچ انذبح باچر
گلبچ مو جمر نار الغضه صاير
يشكيلچ حسين وانتي تشكيله

هل شهر الحزن يازينب الليله

🏴🏴

يهلال الذبح  لاهل يمن ريته
هل ابچتل ابو اليمه واهل بيته
ميشوم بطلعته بيينت نيته
اخيّچ ينذبح ضامي ومداليله

هل شهر الحزن يازينب الليله

🏴🏴

ضامي ينذبح وانتي تنضرينه
برماح العده ابن امچ امطبرينه
حدر الخيل يازينب موذرينه
محد بي رحم ينغرله ويشيله

هل شهر الحزن يازينب الليله

واحسيناه
🏴🏴


تمت بحمد الله تعالی


١٦ // ذو القعدة
الموافق

٢٥ // ٥// ٢٠٢٤


✍  ام محمد الحجاج



https://www.tg-me.com/ommohamadalaebaadey