بعوالي رماح روس اهلي شفتهه
واميّه احقادها بينه شِفَتهه
عمتي الضاميه اليبست شفتهه
تنادي حسين بويه الحگ عليه


عظم الله اجورنا واجوركم
ذكری شهادة الامام محمد الباقر عليه السلام


ام محمد الحجاج

في مثل هذا اليوم ١٣ // ٦ // ٢٠١٤

اُعلنت فتوی الجهاد الكفائي
حفظ الله تعالی صاحبها وابطالها
ورحم شهداءها الابرار

خروج الامام الحسين عليه السلام من مكة متجهاً لكربلاء 😭😭

وكان خروج الإمام الحسين(عليه السلام) يوم الثلاثاء -يوم التروية- لثمانٍ مضين من ذي الحجّة سنة 60 للهجرة قبل إتمام الحجّ، ويعني ذلك أنَّ الإمام(عليه السلام) لم يُكمِلْ حَجَّه بِسببِ خُطورَةِ الموقف لِيُمارس تكليفَه الشرعيّ في الإمامة والقيادة.

فجمع الإمامُ الحسين(عليه السلام) نساءه وأطفاله وأبناءه وإخوته وأبناء أخيه وأبناء عُمومَته، وشدَّ (عليه السلام) الرّحَالَ وقرَّر الخروج من مكّة المكرَّمة، خرج الحُسينُ(عليه السلام) من مكّة وأرسَلَ يزيدُ بن معاوية(لعنهما الله) عمرو بن سعيد بن العاص من المدينة إلى مكّة في عسكرٍ عظيم، وولّاه أمر الموسم وأمّره على الحجيج كلّهم، وأوصاه بإلقاء القبض على الحسين(عليه السلام) سرّاً، وإنْ لم يتمكّنْ منه يقتله غيلةً ولو كان متعلّقاً بأستار الكعبة.

فلمّا علمَ الحسين(عليه السلام) بذلك حلّ من إحرام الحجّ وجعلها عمرةً مفردة وعزم على التوجّه إلى العراق؛ مخافةَ أن يُقتل غيلةً فيكون سبباً لهتك حرمة البيت العتيق فإنّ يزيد لا يتورّع عن ذلك، فقال(عليه السلام) لأخيه محمد بن الحنفية: (يا أخي قد خفْتُ أن يغتالني يزيدُ بن معاوية بالحرم، فأكون الذي تُستباح به حرمة هذا البيت).

خروج الامام الحسين عليه السلام من المدينة  ..

شوط كربلائي

جديد

🏴🏴


شد ظعونه ابو السجاد // راحل عن بلد جدّه
سافر والدروب بعاد// مدري بكربله شعدّه


🏴 🏴

اذّن للوداع آذآن // والديره غدت ضجّه

تصّارخ حرم وارجال//يم الباب تترجّه

المن هلسفر للموت // گاصد نينوی بحَجّه

بليل امحمل ظعونه
واحبابه يودعونه
طفحت دمعة عيونه

يدري بروحه ابو السجاد //
ماتحصل بعد ردّه

🏴🏴

يدري لكربله لو راح // ماتحصل بعد رجعه

يعاين للسلف والعين // دمغه اتهل بثر دمعه

من الدار يسمع صوت // يمه حسين ظل ينعه

صارت بالنزل حنّه
حنينات اليودعنّه
يجر حسره يسمعنّه

واهنّه ايجرّن الحسرات // اكبر وحده من وحده

🏴🏴

نزل من مهرته المظلوم //  من هييس مره تنادي

اوچبلي يضي العين // يبني ومهجة افّادي

شيحمل فرگتك يحسين // واشوفنّه الظعن غادي

من هسه النزل ظلمه
باصرني يبو اليمه
غده يشمها واهي تشمه

ويمسح دمعة ام عباس // ومسحت دمع ال بخده


🏴🏴

وادعها وحده الحادي // تعاينله بگلب شاجر

جزوها وحسره جرّت حيييل // التوت مكسورة الخاطر

بالله شلون ارد للدار // شلون يطر صبح باچر

جراس النوگ تسمعها
وصهيل الخيل يوجعها
ترش ظلت مدامعها

تشيط امن الدرب للباب // وگفه ومالهه گعده

🏴🏴

تقره الفاتحه ال تسهيل // امر الغالي واخوانه

وترش الحسره ويّه الماي // اباب حسين ومچانه

وتعاين وره الرچبان // او  تون وتگول چا وآنه

شيگضي ايام فرگاهم
ويعودون والگاهم
واتنومس بملگاهم

جرح الفرگه يلماشين // شد ميفيد ونشدّه

🏴🏴

عظم الله اجورنا واجوركم 



ام محمد الحجاج

https://www.tg-me.com/ommohamadalaebaadey

خروج الإمام الحسين عليه السلام من مكة المكرّمة

نعي  ##  لطمية


🏴🏴
🏴
هاشم بشبانهه وبكهولهه
الليله شدت لرحيل احمولهه


الليله ابو السجاد ناوي اعله الرحيل
من بلد جده النبي قرر يشيل
المدينه اعليه ضجت بالعويل
ارتفعت الصيحه بعرضها وطولهه

🏴🏴
🏴
ارتفع صوت اعويلهه رجال ونسه
من دروا بحسين راحل هل مسه
مايرد لوطلع كلهه اماييسه
وتمت الوادم ذهيله عقولهه

🏴🏴
🏴

طلعت الوادم و داهيهه الذهول
مصاب هذا يشبه ال فگد الرسول
ومثل يوم الباب وضلوع البتول
بني هاشم راحله امن انزولهه

🏴🏴
🏴
ابو اليمه يآخر أصحاب العبا
ماخذ عيالك وهاي الكوكبه
والأطفال وهل نسه لمحجبه
نخاف من هالسفر شر اينولهه

🏴🏴
🏴


جواب الامام الحسين عليه السلام  للناس التي اجتمعت وطلبت من الإمام ان يعدل عن قرار السفر
🏴🏴
🏴

گلهم اتوكلت بالله ومااحيد
عن قراري او لا آمد ايدي ليزيد
احنه بيت الوحي مانصبح عبيد
الفاجر وفاسق ونسمع گوله

🏴🏴
🏴

ألموت مااخشاه وباذل مهجتي
في سبيل الله آنه وعيلتي
اليطلع اوياي ويريد النصرتي
خله يتوكل عله الله وحوله

🏴🏴
🏴

اما فوزا بالشهادة لو نصر
اقبل ابذله ابد مامن عذر
الحادي يحدي رچابنه وكت الفجر
والضعن لو سدر عاد ادعوله

🏴🏴
🏴


ام محمد الحجاج

https://www.tg-me.com/ommohamadalaebaadey

التاسع من ذي الحجة
استشهاد مسلم بن عقيل
عليه السلام

عظَّم اللّٰه اجورناواجوركم.

لسان حال مولاتي حميدة بنت مسلم
ليلة العيد

فزاعية


يا بويه لفاني العيد
وآنه الدمعه بعيوني

🏴🏴

باچر عيد يلوالي
ومنك النزل خالي
وآنه بالهضم حالي
والوادم يعازوني
🏴🏴

يعازوني عله مصابك
باچر من تجي احبابك
يشوفونه انسد بابك
شحچي من يسالوني

🏴🏴

گلبي لفرگتك مجروح
يوم العيد بويه تروح
واصبح للحزن والنوح
بويه شحالي وشلوني

🏴🏴

اصبح اكسر الخاطر
گلبي بي جمر فاير
اويلي من هضم باچر
المعزّين لو  جوني

🏴🏴

باچر الك اول عيد
يمر علينه وانت بعيد
نوحي عليك ابد ميهيد
رحت وخابن ظنوني

🏴🏴

وجهك غاب يلهيبه
بويه وغيبتك غيبه
يناس الراح شيجيبه
الطم وون خلوني


🏴🏴

وا مسلماه
وا غريباه

لكِ العزاء يامولاتي ياحميدة


✍   ام محمد الحجاج

٩// ذي الحجة
١٦ // ٦ // ٢٠٢٤


https://www.tg-me.com/ommohamadalaebaadey

احبتي اعضاء القناة الاكارم

عيدكم مبارك

🌹🌹🌹


عليكم باليُمن والخير ينعاد
وعساكم دوم بفراح ومسرّه

كل عام اليمر والبال مرتاح
وربيع ايامكم وسنين خضره

بصحة وعافية واحبابكم دوووم
وسعادة غامره عشره //١٠

كل عام وانتم برعاية مولانا صاحب الزمان
روحي فداه

ام محمد الحجاج

🌹🌹

متی نصلي العيد خلفك يامولاي ياصاحب الزمان 😢


هم تظهر يبو صالح وراكه ؟
تصلّي العيد ونصلّي وراكه
الدعاء بصوتك نسمعه وراه كه
صدی تكبير حماي الحميّه

😢🙏


✍ ام محمد الحجاج

لعيد الغدير الاغر

🌹🍀🌹🍀


جبريل جاب التاج من سابع سمه
اصبح امير الناس حماي الحمه


🌹🍀🌹🍀


اصبح امير اليوم واتنصّب علي
حيدر ولي الله يانعم الولي
بالغيض خلي يموت ويطگ عاذلي

الباري هاذه اليوم دينه تممه
اصبح اميرالناس حماي الحمه

🌹🍀🌹🍀

تمت النعمه اليوم ياخير العمل
دين الاسلام ابيعتك يالله اكتمل
مرسوم تنصيبك ياحيدر نزل

سيدي الماوالاك ريته بالعمه
اصبح امير الناس حماي الحمه

🍀🌹🍀🌹

بصف الغدير بخم تمت بيعته
عيد الچبير اليوم صار لشيعته
النكثت البيعه والماطاعته

تدخل بغير حساب نار الحاطمه
اصبح امير الناس حماي الحمه

🌹🍀🌹🍀

اليقبل اهلاً بي المايقبل خسر
كلمن بمامه هناك واكتابه انّشر
خلّي اليلوم يلوم متهمنه البشر

المهم بالمعبار حسن الخاتمه
اصبح امير الناس حماي الحمه

🍀🌹🍀🌹

الا علي الكرار يختم دفتره
اهناك ماموجود فيزه مزوّره
السونار والتفتيس بيد البرره

يفوت الصراط شلون قبل المحكمه
اصبح امير الناس حماي الحمه

🌹🍀🌹🍀


متباركين ياموالين


ام محمد الحجاج



https://www.tg-me.com/ommohamadalaebaadey