انتظروني وجديد محرم ١٤٤٦ هجري بإذن تعالی

اسالكم الدعاء 🙏

عن الامام علي الرضا عليه السلام

الصغائر من الذنوب طرق الی الكبائر

ومن لم يخف الله في القليل لم يخفه في الكثير

صدقت مولاي

اللهم نستغفرك ونتوب اليك 🙏😢

مولاتي العقيلة عليها السلام  جبل الصبر
لما اصبح صباح يوم الحادي عشر من المحرم ونادي المنادي للرحيل من كربلاء وامر ان يُصدوا السبايا علی  المهازيل
آه يامولاتي يازينب  😭😭

الشاعر يتكلم بلسان حالها


صبري مااهتز لحظه وله انهار
وحزني ماتشبهه ابحر وله انهار
لا ليل الفتر ونّي وله انهار
وعدوّي ماسمع ونتي الخفيّه


انهيار

البحار والانهار

النهار


😭😭

اويلاه من بدو بينه يحَملون
اكون اخواني هساعه يحِملون
اطفال وللهزل مااظن يِحِملون
وحبل والسوط والسانات اميّه

😭😭

واويلاه يامولاتي  وبعد شصار

لا مناه لامنا يطل  عون 
لاعباس لينه ايطل  يطل عون
بحرمكم بدت خلگ الله يطلعون
او  وصل لي السره واصعد سبيه

😭😭

مولاتي وبعد شني صار

ظعن الهزل حادينه ولاه سَوگ
ماظل متن ماينزف  ولا سُوگ
خرابه ماخذونه الهه ولا سُوگ
ولاخلّو درب يعتب عليّه

😭😭

واويلاه يامولاتي

ام محمد الحجاج

http://www.tg-me.com/ommohamadalaebaadey






ام محمد الحجاج

لما ادخلوا بنات الرسالة الی قصر الفاسق اللعين يزيد واذِن للناس اذناً عامّاً للدخول . واخذ يزيد اللعين يتبجّح بالنصر المزيّف ويتفاخر بقتل ريحانة رسول الله وسبيِّ عياله ونساءه واخته العقيلة عليهم السلام . حين سال مولاتنا كيف رايتِ صنع الله باخيكِ واهل بيته
ف كان الرد كالصاعقة علی راس الطاغية

حينها نظرت الی راس اخيها العباس عليه السلام كانها تستاذنه لترد علی الملعون

الشاعر يصف الموقف

ابو ذيه

😭😭

زود البيّه من راسك وبخته
عدوّك اكسرت خشمه وبخته
المثلك للعدو تنزل وبه اخته
تذلّه وتطأ راسه للوطيّه


بخت
توبيخ
وباء

😭😭

وحق مَن ويّه چتالك يِمعنه
وراسك بالسبي حارس يَمعنه
النظر من گام بخيالي يِمِعنه
وحق راسك ردت كون المنيّه


جمعنه
اجه معانه
يمعن النظر

😭😭


راسك شاف جرعت يامُر اخته
ياهو الچان صاير يامِر اخته
بس عباس يدري . يامره اخته
علي البشّام مو زينب سبيّه

😭😭

يزيد اليوم ابدّي ماي وجهه
وال نحره اردّه مايوجهه
واخلّي نار حقده مايوجهه
بگلبي . وكون اوجها اعال اميّه

😭😭


ايتصورني اسيره ؟ وجله بالشام ؟
اشموع النصر زوراً و جله بالشام
اوج بالشام ثوره واجلب الشام
واسوي الشام مثل الغاضريه

😭😭


انه الماضاگ ابد خلگي ولامال
ولا اخييبلك اظنونك والآمال
يعباس الخدر بعدك ولا مال
واظل آنه العقيلة التدري بيّه

😭😭

يامولاتي يازينب


ام محمد الحجاج

http://www.tg-me.com/ommohamadalaebaadey

استشهاد الامام جعفر الصادق عليه السلام

🏴🏴


نار الحشا مضرومه
للچبدته مسمومه

🏴🏴


نار المصيبه تسعر
والگلب خل يتفطّر
مسموم ايمامي جعفر
گووضت شمس اعلومه
للچبدته مسمومه

🏴🏴

گووضت شمس الحكمه
للسادس امن اليمه
مفجوعه تنعه الامّه
علنت حداد ال يومه
للچبدته مسمومه

🏴🏴

كنز العلم وابحوره
ياوسفه طفّوا  نوره
حامي لسلام او سوره
وظاهر خفايه اعلومه
للچبدته مسمومه

🏴🏴

بنايبه اليوم الحوزه
لشيخ العلوم ورمزه
نور الاِباء والعزّه
كاشف الشك وغيومه
للچبدته مسمومه

🏴🏴

كل جعفري بحزن اليوم
ناصب عزيت المسموم
للصادق ايون مالوم
بدمعته وسود هدومه
للجبدته مسمومه

🏴🏴

كاظم الغيظ الليله
دمع المصيبه يسيله
اتولّه ابئديه تغسيله
وتعينه اهله وگومه
للچبدته مسمومه

🏴🏴

ماظل ثلاثن مطروح
وابناته ميسوره تروح
بس الغريب المذبوح
اتغسّل ابجاري دمومه
للچبدته مسمومه


وا  مسموماه
وا جعفراه
وا صادقاه
وا  إِماماه

🏴🏴

ام محمد الحجاج


http://www.tg-me.com/ommohamadalaebaadey

استشهاد  الامام جعفر الصادق عليه السلام .. كاني بمولاتي فاطمة الزهراء عليها السلام حضرت اللحظات الاخيرة وودعت ولدها المسموم . بلسان حال الشاعر


تجليبة

🏴🏴

اجت ل اوداع ابنهه فاطمه الزهره
اتنادي يلولد يمه اويه كل عثره

🏴🏴

لگتّه امسبلينه ايون عله القبله
وملتمّه بناته واخوته واهله
اسم الله لا تون يالصادق ادگلّه
تولاني الدهر كسره باثر كسره

✍  # ام محمد الحجاج

🏴🏴

ييمه بالگلب هامت هظايمكم
أجيت محزمه بحزاني وندبنكم
غربه بهالوطن ولمصطفى جدكم
شهر شوال زييد لمكم للحسره

✍  # رماد الخيام

🏴🏴


ييمـه ادگله ونك ذوب ادليلي
مصابك يصعب عليه وهدم حيلي
عزيــتنه جـرت من كربـــله  ويلي   
وجــروح الگلب خلّتهه ماتبــره

✍🏻  # ام عباس الحسیني

🏴🏴


مصايبكم تِهد حيلي واصيح الآه
إجيت أسال عن احوالك بعد يماه
كم غالي بعد غالي و أظل انعاه
لكن كربله بروحي أشد جمره


✍  # خادمة ابي الفضل

🏴🏴

حِضرتك بلممات وعاينت حالك
بونّات الاخيره تودعك عيالك
حدر كترك يجعفر لاذت اطفالك
مو مثل الغريب  السحگته العَشرَه

✍  # ام محمد الحجاج

🏴🏴

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩



http://www.tg-me.com/ommohamadalaebaadey

استشهاد الامام الصادق عليه السلام

ابو ذيّه 😭

يون گلبي ليمامه صادگ أنّه
واحزان شكبرهن صادگنّه
الليله مات بالسّم صادگ إنّه
وعله امصابه تنوح الجعفريّة

😭😭


ام محمد الحجاج

http://www.tg-me.com/ommohamadalaebaadey

نعي ذكری شهادة الامام جعفر الصادق عليه السلام

😭😭

مجاريد

الليله تنوح حگها الجعفريه
عله جعفر الصادق هلمسيّه
بسم الغدر وافته المنيّه
حوزاته تون امست خليّه


😭😭

طلّاب العلوم الليله تنعاه
والمنبر حزين ايون بلياه
علی امأسس المذهب آه باثر آه
الف ياحيف ابو الكاظم فگدناه

😭😭


سجوه سم الغدر صادق العتره
الدوانيقي وزمرته شلون زمره
احفاد المارعوا جدته الزهره
ولسّه الضلع ماطاب كسره

😭😭

حسافه يبو الكاظم حسافه
اكثَرَت بينه الجروح المه اتّشافه
يراعي المعجزه بوكت الكلافه
چف الغدر يدناه وحافه

😭😭

لوله المگدّر مادنولك
وچف المكيده ماينولك
الليله السمه واهله بچولك
والشيعه بالونّه قرولك

😭😭

إنّا لله وإنّا اليه راجعون
عظم الله اجورنا واجوركم

ام محمد الحجاج

http://www.tg-me.com/ommohamadalaebaadey

ذكری شهادة الامام الصادق عليه السلام

نعي مجاريد

😭😭


ويلي عله المچتول بالسّم
ذاب الحشا منّه وتخذّم
واعليه جمع عياله ملتم
والحزن وسط الدار خيّم

😭😭

بداره غدت حنّه لبناته
ولطمن علی الهامه خواته
لهاشم علت ضجه لمماته
مشيعين مَن حلوه صفاته

😭😭

لرض البقيع انشال نعشه
وابنه الگبر بالدمع رشّه
وينعاه وترابه يفرشه
يگله يبويه الك وحشه

😭😭


وسّد ابوه وتجري عينه
واراه ويعلّي بونينه
ظلمه غدت بويه المدينه
وامست عله فگدك حزينه

😭😭


لاحول ولاقوة الا بالله العلي العظيم


ام محمد الحجاج

http://www.tg-me.com/ommohamadalaebaadey

قتلوا أصدق مَنْ فوق الثرى
بذعافِ السُّمّ في الأحشاءِ سارا

صَدَق الحزنُ بفقدِ الصَّادق
فقدُهُ أورى شِغافَ القلبِ نارا

السلامُ علىٰ من نُسِبنا إليه وسُمِّينا بالجَعفَريّة.
💔


عظم الله اجورنا واجوركم

مولاتي زينب عليها السلام بطريق السبي وعيونها ترنو لراس اخيها العباس عليه السلام كانها تخاطب الراس الشريف

الشاعر يصف تلك اللمحة

ابو ذيه


يعنبر وبصحاري زارعِينه
سهم . گدما معزب زار عَينه
غيور اعله خواته زار عَينه
فوگ الرمح راسه وعينه اليّه

😭


اخونه كون عنده هسه يِمنه
والبيرغ بچفّه هسه يمنه
مشي ليل البراري هسه يَمنه
ونرد لديارنه وتفرح رقيّه

😭


من نتعب يحط ظعنه وَيَنّي
حنين او ونّته تطلع وَيَنّي
ليالي الشام لا هلّن وَيِني
عساهن وآنه ماروحن سبيّه


😭😭


يا زينب
يازينب
يازينب

ام محمد الحجاج

http://www.tg-me.com/ommohamadalaebaadey