جريمة الهجوم علی دار الزهراء عليها السلام


🏴🏴

تگله الزهره آنه ويدفع الباب
والبسمار طگني بضلعي ونعاب

🏴🏴

يدريها وره الباب وعصرها
والبسمار صوبها بصدرها
يسمع طگت الضلوع وكسرها
ونيران وحطب وجهن بالاعتاب

🏴🏴


وج فلان نار بعتبة الدار
وجاب وياه اثلثميه من الاشرار
ام حسين مافزعولها انصار
ظالم يضرب بسوطه ام الاطياب

🏴🏴

فلان بسوط يضرب اعلديهه
شثگل الباب ونطبگت عليهه
تندب وين ناصرها او وليهه
ابوها ياحسافه جوه لتراب

🏴🏴

وگعت وانكسر ضلعين منهه
بالعصره وسگط وياها ابنهه
گلب فلان مالان اعله ونهه
وابوها صارله يومين من غاب

🏴🏴

الباب المشتعل فوگاها ذبوه
وجمر الباب كله عليهه جابوه
بيت المايحقهم طبته طبوه
اشعنده النذل بيت ام حسن طاب

🏴🏴

دمها الطاهر من ضلوعها يسيل
تريد تگوم ماعدها بعد حيل
عليها استرجلو المو رياجيل
ال امخانيث والما عدهم انساب

🏴🏴


اللهم العن من قيل له ان في الدار فاطمة فقال ( وإن )


ام محمد الحجاج


https://www.tg-me.com/ommohamadalaebaadey

الهجوم علی دار الزهراء عليها السلام

🏴🏴

ابوها فاگدَتّه وحيل منكوبه
وفاتحته بعدها ابيته منصوبه

🏴

بعده اسبوع ماصار لفگد ( طه )
والزهره الهضم والظيم غطّاها
العتبه الچان بس النبي ياطاها
اليوم عليها نار الحقد منشوبه

🏴

التفگد ابوها الناس يعازوها
وفاطمة النبي بالسوط جازوها
وازوها اعله بيت الحزن وازوها
مكسورة الخاطر فدك مسلوبه

🏴

اليرضا لرضاها الباري مسطوره
خدها انصفع والاضلاع مكسوره
بفجيعه اعلنبي ومظلمه المعموره
بعدها . وفاطمة تشم بعطر ثوبه

🏴

بعده اسبوع ما دار اعلفاتحته
اماسيته الحزن فاطمه امصابحته
وعرش الباري ناصب بعده نايحته
والزهره انولت والعين مضروبه

🏴

عله الهادي بعدها تنوح نسوانه
وگعدن بالسقيفه فلانه وفلانه
وبرز روحه اللئيم وصاح هاذ آنه
الخلافه نجيبها بالگوه هنّوبه

🏴

مادامه علي مشغول بالدفنه
خنفزع البيعه نجيبهه منّه
مو برضاه بالگوه ورغم عنّه
لخلّي الامه كلها اعليه مگلوبه

🏴

بنات فلان وفلان السعن بيهه
لكل منهن ابو ماكر امربّيهه
جريمتهم عله فاطمه مرتبيهه
قبل موت النبي هالخطه محسوبه

🏴🏴


عظم الله لنا ولكم الاجر
واحسَنَ العزاء


ام محمد الحجاج



https://www.tg-me.com/ommohamadalaebaadey

وفي ليلة الجمعة المباركة ..

يَا   آلَ  بَيْتِ  مُحَمّدٍ  إنّي  لَكُم
يَومَ القِيَامَةِ فِي السّلَامَةِ أطمَعُ

وَالَيتُكُم  لِأكُونَ  تَحتَ  ولَائِكُم
وَغَدًا  إذَا فَزعَ  الوَرَى  لَا أفزَعُ

شلون يتعذب
اليهوی اربعطعش 🙏😭

وصول الامام زين العابدين عليه السلام وعماته واخواته وبقية النساء الی المدينة 😭😭



ابو ذيه

كاني بمولاتي زينب عليها السلام حين وصلت لديار اهلها قالت بلسان حال الشاعر
🏴🏴



هلي اهل المجد والعز وألانجاب
للشام انوخذ خدري واله انجاب
ونّت زينب بلوعه والن جاب
ام عباس ومحمد سويه

😭😭

اطب لديار خواني وليروح ؟
اليجي عنهم يناشدني وليروح
بضلوعي الهضم مچمن وليروح
الجرح فوگ الجرح يدون عليّه


😭😭


ام محمد الحجاج

مظلومية السيدة فاطمة الزهراء عليها السلام .

قالت السيدة الزهراء عليها السلام

فجمعوا الحطب الجزل علی بابنا واتوه بالنار ليحرقوه ويحرقونا فوقفت بعضادة الباب . وناشدتهم بالله وبابي ان يكفّوا عنا وينصرونا . فاخذ (عمر) السوط من يد قنفذ مولی ابي بكر فضرب به عضدي فالتوی السوط علی عضدي حتی صار كالدملج وركل الباب برجله . فرده عَلَي وانا حامل
فسقطت لوجهي والنار تسعر وتسفع بوجهي فضربني بيده حتی انتثر قرطي من اُذني وجائني المخاض فاسقطت محسناً قتيلاً بغير جرم 😭😭


اجانه المشرچ . الظالم . وي الباب
طاح الباب . والمحسن . وي الباب
اجه بكبره جمر صاير . ويَ الباب انطبگ فوگي وكسر ضلعين بيّه


يا زهراء


مو بس ضربه وحده من ضربني
من الركله اهييس مِنْضر ابني
كسر گلبي وفجعني مَنضر ابني
من عاينته مييت عالوطيّه

لعن الله من احرق بابها
وقتل محسنها
واجری دمعها


ام محمد الحجاج


https://www.tg-me.com/ommohamadalaebaadey

دفاع الامام علي عن سليلة النبوة

بعد ان رفع ( عمر ) السيف فوجأ به محسناً جنين الزهراء عليها السلام
صرخت ( يا ابتاه ) فرفع السوط فضرب ذراعها 😭😭 فنادت

(يارسول الله لبئس ماخلفك بعدك عمر وابو بكر )

فوثب الامام علي عليه السلام فاخذ بتلابيبه . ثم نتره فصرعه
ووجأ انفه ورقبته . وهمَّ بقتله فذكر قول رسول الله صلی الله عليه وآله وما اوصاه به . فقال والذي اكرم محمداً بالنبوة ..
يبن صهاك لولا كتاب من الله سبق وعهد عهدهُ الي رسول الله صلی الله عليه وآله لعلِمت انك لا تدخل بيتي . فارسل عمر يستغيث فأقبل الناس حتی دخلوا الدار . وثار علي عليه السلام الی سيفه . وارسل ابو بكر قنفذ فانطلق قنفذ واصحابه فاقتحموا الدار وهم كثيرون بلغوا (٢٠٠ ) شخص فتكاثروا عليه بسيوفهم فألقوا في عنقه حبلاً 😭😭 وحالت بينهم وبينه فاطمة عليها السلام عند باب البيت فضربها قنفذ 😭😭 بالسوط فانطلق بعلي يعتل عتلاً . فانتهی به الی ابو بكر وعمر قائم بالسيف علی راسه ..

لاحول ولاقوة الا بالله العلي العظيم

#قصيدة_التجمع_الثقافي_لخدمة_الحسين_المشتركة

▪️السلام على مكسورة الضلع▪️


هذا اخر ثماري .. مات ابعتب داري
ناتـج دفـعـة الـبـاب
ابني وضلعي نصاب
--------------------------

الچنت احلم يصير هواي وشتمه
ولـوليـله ويـنـام وروحـي تـلـمـه
على غـفله الدهـر هـماني وهـمـه
ولا لحگّت اناغيلـه واگول اسـمه

اليگطر ليل چفه .. بعيني نهار طفه
محسن فوگ الأعتاب
نـاتـج دفــعـة الـبـاب


1✍🏻 #الشاعر_أحمد_الخفاجي

〰〰〰〰

چنـت اتـمنـه يسـلـم ضـنـوة الزهـره
ويسـيـر لكربـلـه ويالغـالي وينـصـره
لچن هالعـصـبـة همهـا تـعذب العـتره
مصيره يموت وارضى بقسمته وقدره

محسن مثل اخوته .. كلها اتاني موته
ودّع اغلى الاحباب
ناتـج دفـعـة البـاب


2✍🏻 #الشاعر_سجاد_الأسدي

〰〰〰〰

قبل لا نفـس تاخـذ زهـرة سنـينك
يبني بساع ذبلت واغمضت عينك
بين الباب روحي انعصرت وبيـنك
وينك صحت يبني بوكعتك وينك

كل هذا الجرالي .. ضل يبني عله بالي
خاف يروح الحجاب
نـاتـج دفـعـة الـبـاب

3✍🏻 #الشاعر_مهند_الحسناوي

〰〰〰〰

یبنـي  بلحمـل کل ساع المـسنّک
تقـره  بلفجــر  وآیاتـه  احسنّـک
اغذیک الشجاعه وگمت ادرسنک
الیــوم العاشر ویحـسین اریدنک

ذبحوها امنیاتي .. وفدیته ابحیاتي
عنده الکربله احساب
ناتــج دفعــة البــاب


4✍🏻 #الشاعر_حميد_خنفري

〰〰〰〰

يمحسن ريت اناغيـك وتناغـيني
وتضويلي حياتي وتملي سنيني
ما ادري القـدر مـا بيـنك وبـينـي
يحرمنـي ويـفرهّد ثـالث بنـيـني

تمنيت انه اشمه .. إبني بحضني اضمه
حزني يـبقى لهّاب
ناتج دفـعـة الباب

5✍🏻 #الشاعرة_أم_عباس_العبادي

〰〰〰〰

دلـلـول الـولـد حـســبالي الولـيلـه
واكضي الـليل يناغـيلي واناغيـله
على العتبه الاماني نذبحت الليله
ولا اگـدر اصــيحن ياعـلي شـيـله

يروح امك يغالي .. نذبح حلمي بخيالي
يلذ امن الهوى الهاب
نـاتـج دفـعــة البـاب

〰〰〰〰

يلذ امن العذييبي بشهگة الريـه
ياطيف السـعاده الشـفته ليلـيه
يا وردة صـحاري بشحـة امـيـه
يانبض الگلـب يرويحتـي البـيه

نباگت هاي الاحلام .. وغابت شمس الايام
ماي اتـبده بـتراب
ناتج دفـعـة الباب

7/6✍🏻 #الشاعرة_ام_محمد_الحجاج / العبادي
اسألكم الدعاء

〰〰〰〰
30 / 1 / 2018 م

ذكری اسقاط المحسن عليه السلام

🏴🏴


لمولاتي فاطمة الزهراء عليها السلام لما هجموا على دارها ودفعوا الباب ووقعت الى الأرض 



  شيله


محسن وگع مني شلون ---- شيله؟
شي النار اليّه اجت---- شيله
جيبيلي يفضه وياچ  شيله
الف محسن الطاح اعله الوطيّة

......
.....


لسان حال مولاتي زينب عليها السلام


وحگ العمره تسع شهور  .. ما  تم
الچ بالگلب يم الحسن  .. ماتم
عگبچ صار يمه البيت  ..  ماتم(دار للايتام )
يتيمه واليتامه تلوذ بيه


.....
.....

ام محمد الحجاج
العبادي

الهجوم علی دار الزهراء عليها السلام
واسقاط المحسن عليه السلام

🏴🏴


الزهره بت رسول الله
خلف الباب عصروها

🏴🏴


لاذت للستر عنهم
ضربوها كفر چنهم
اللهم العنهم

عله سوايت السووها
🏴🏴

الزهره ضلعها انرض
خلف الباب تتمخّض
فلان بعملته ابغض

طاها وبنته ضربوها

🏴🏴

سگط محسنهه من عدهه
اجت فضه تساعدهه
تحضنها وتسنّدهه

وتصبّر الهظموها

🏴🏴

تبچي وشابگه المحسن
مكسورة ضلع وتون
اتشم اجنينهه وتحن

من اضناها حرموها

🏴🏴

تگله بيا ذنب چتلوك
ياضي عيني شيطلبوك
تكبر يبني ماخلوك

فرحة گلبي سلبوها

🏴🏴

لا گمّطت لا لوليت
لاهزيت لاناغيت
يلمحسن اباب البيت

كل آمالي ذبحوها

🏴🏴



عظم الله لنا ولكم الاجر


ام محمد الحجاج

https://www.tg-me.com/ommohamadalaebaadey